Chhandamna han tih hian a awmzia tak chu, thil hlauhawm atanga chhanchhuahna tihna ani a. A Greek tawng chuan(han ti ve khanglang I la) ‘soteria’ tih a ni a, chu chu chhanchhuahna tihna a ni. Venghim tih leh hlauhawm pumpelh emaw, hlauhawm atanga him tihna emaw ani bawk. Kan Thlarau nunah chuan, Chhandamna kan han tih chuan mi tuemaw Sual bawih a atanna atanga Pathianin a chhuah zalenna tihna a ni.
Anih leh Eng atanga chhandam nge kan nih?
1. Kan Sualte lak a atangin:
Ani chuan a mite an thiltih Sual lakah a chhandam dawn si a. (Matthaia 1:21)
2. Pathian thinurna lak atangin:
Pathian thinurna lak ata chu chhandamin kan awm ngei ang. (Rom 5:9)
3. Diabola thang atangin:
Diabola thang lak ata an chhuak thei mahna. (II Timothea 2:26)
4. Thlarau thihna atangin:
Thihna lak a amah chhandam theitu hnenah chuan…(Hebrai 5:7)
5. Tunlai Khawvel Sual lakah:
Ani chuan kan Pathian leh kan Pa remtihzawngin tun lai khawvel sual tak lakah hian min chhanchhuah theih nan kan sualte aiah amah a inpe ta. (Galatia 1:4)
6. Chatuan Hremhmun atangin:
Thenkhat mei ata la chhuak thuai ula, chhandam rawh u. (Juda 23)
7. Dan Anchhe lak atangin:
Tunah erawh…Dan ata thlahin kan awm ta. (Rom 7:6)
Thil tha min chhandam thei si lo te.
1. Sakhawmi nih ringawt.
Pathian ngaihsak mi a ni a. (Tirhkohte 10:2)
2. Pathian tih ringawt.
A chhungte zawng zawng nen Pathian an tih thin a. (Tirhkohte 10:2)
3. Thilpek hlan.
Mite hnenah thil tam tak a pe thin a. (Tirhkohte 10:2)
4. Tawngtai tam ringawt.
Pathian hnenah pawh a tawngtai fova. (Tirhkohte 10:2)
5. Inlarna hmuh.
Mumang angin fiah takin Pathian Vantirhkoh pakhat a hnenah a lut a. (Tirhkohte 10:3)
6. Mi dik leh tha tak nih ringawt.
Sipai za hotu, mi fel tak, Pathian tih. (Tirhkohte 10:22)
7. Mi hmingtha nih ringawt.
Juda hnam zawng zawng zinga mi hmingtha. (Tirhkohte 10:22)
Kornelia hian a chunga Point 7 tha tak tak maite khi a nei kim vek a, mahse Chhandamna a la chang si lo.
“Ani chuan thu a hrilh ang chia, chumi thuin nang leh I chhungte chu chhandamin in awm ang”. (Tirhkohte 11:14) tiin Vantihkoh khan a la sawi chauh a ni.
Mi tam takin Chhandamna chung chang a ngaihdan dik tawk lo leh hlauhthawn an neih thin te:
1. “Thil tha ka tih miau te chuan Chhandam ka ni ang chu.”
Pathian thu: “Thiltih avang ani lo ve, chutilo chuan miin an chhuang dah ang e” (Ephesi 2:9)
2. “Ka Sakhaw zirtirna tha tinreng te ka zawm chuan Chhandam ka ni ang chu”.
Pathian thu: “Kan felna zawng zawngte pawh Silhfen bawlhhlawh ang a ni a” (Isaia 64:6)
3. “Pathianin Mosia hmanga Dan a pek te ka zawm vek te chuan, chhandam ka ni dawn lawm ni?”
Pathian thu: “Tupawhin Dan zawm kim mah sela, kawng khata a tihsual si chuan a zaah chuan thiam loh changin a awm tawh a ni” (Jakoba 2:10)
4. “Chhandam ka nih hnuah lo tlu leh ta si ila”
Pathian thu: “In tluk loh nana veng thei che u” (Juda 24)
5. “Chhandam ka nih chuan, Ka tana thil hlu tak tak te hi ka kalsan a ngai dawn tihna a mi?”
Pathian Thu: “Tuman hotu pahnih rawng an bawl kawp thei lo” (Matthaia 6:24)
6. “Chhandam nih chu ka duh a, Mahse ava harsat hmel si ve a?”
Pathian thu: “Hun lawmawmah ka ngaithla che a, Chhandamna ni-ah ka tanpui che” (II Korinth 6:2)
7. “Engtikah emaw chuan Chhandam nih chu ka duh ngei mai ang a, mahse tunah chuan ni rih lo ve”
Pathian thu: “Ngai teh u, tun hi hun lawmawm chu a ni a; ngai teh u, tun hi chhandamna ni chu a ni” (II Korinth 6:2)
Anih leh Engtinnge Chhandam kan nih theih si ang le?
1. Rinna in:
“I thinlunga I rin chuan chhandamin I awm ang” (Rom 10:9)
2. Pathian thuin:
“Chhandamna hmu thei khawpa tifing thei che Lehkha Thianghlimte” (II Timothea 3:15)
3. Pathian Khawngaihna avangin:
“Rinna avanga khawngaihnaa chhandam in ni” (Ephesi 2:8)
4. Simna in:
“Pathian duhzawnga lungngaihna chuanchhandamna tura simna a thlen a” (II Korith 7:10)
5. Isua Hmingin:
“Mi dang tuma hnenah chhandamna awm lo; van hnuaia mihring sak zingan, min chhandam tur hming dang reng a awm lo” (Tirhkohte 4:12)
6. I ka ngeia I Puanchhuahna in:
“I kain Isua chu Lalpa a ni tih I tan a….Chhandamin I awm ang” (Rom 10:9-10)
7. A tawp thlenga Tawrhchhuahnain:
“Nimahsela, a tawp thlenga tuar peih apiang cu, chu mi ngei chu chhandamin a awm ang” (Matthaia 24:13)
8. Isua Krista Nunnain:
“ A nunna avangin chhandamin kan awm ang” (Rom 5:10)
9. Thutak Hmangaihnain:
“Chhandama an awm theihna turin Thutak hmangaihna…” (II Thess 2:10)
10. Nun leh Zirtirna Dik hmangin:
“Nangmah leh I Zirtirnaah chuan fimkhur la,….Nangmah leh I thu ngaithlatute chu I chhandam dawn zuk nia” (I Timothea 4:16).
Mishing ho Khawmpuiah Speaker turin min Ruat thut mai a, Post pawh ka vil thei kher lovang. Zawhna in neih chuan inthlahrung lovin lo zawt ula, Pu Chawnghilha leh Pu Zohoa ten an lo chhang dawn che u nia.
Sunday Hman nuam vek u le.
Similar Posts:
- Pathian Chhandamna Ropui Hi
- Thihna hnehin a tho leh ta!
- Dan leh Khawngaihna (Sunday Pual)
- Tunge ‘Tu emaw’ chu?
- Anania leh Saphiri
(Y)
January 29th, 2012 at 6:48 am
Post pawimawh leh tha tak a ni. Reference awm thlap2 zel hi a va tha tehlul em! In khawmpui chhung zawng Lalpa’n veng che u sela ropuina chang mawlh rawh se!
Report this comment
January 29th, 2012 at 7:21 am
Tha hle mai sunday school
pwh kal ngai tawh hlei nem., kan zir tur zong2 akim vek alawm kan zawm peih chuan. Post ropui tak a ni e.
Report this comment
January 29th, 2012 at 7:23 am
Tha hle mai sunday school
pwh kal ngai tawh hlei nem., kan zir tur zong2 akim vek alawm kan zawm peih chuan. Post ropui tak a ni e.
Report this comment
January 29th, 2012 at 7:27 am
Report this comment
January 29th, 2012 at 7:33 am
Post tha tak ani! mahse le UPC unauten an ran bauh dawn che Baptisma i sawi tel lo vai ah
Report this comment
January 29th, 2012 at 7:38 am
Marka 16:16 A ringa baptisma chang chu chhandamin an awm ang a; a ring lo erawh chu thiam loh changin an awm ang.
Report this comment
January 29th, 2012 at 7:48 am
Sunday hmasa khan ka chhiar tho a, ka comment ta lova, tun tum chu comment ngei ngei ka ngai.
I rawngbawlna Lalpan malsawm rawh se.
tren tren.
Report this comment
January 29th, 2012 at 8:02 am
Post
Sunday hman nuam vek u, post tupa Sunday hman nuam le.
Report this comment
January 29th, 2012 at 8:36 am
A va fiah tha ve. Good post.
Report this comment
January 29th, 2012 at 8:39 am
I post atangin ka harh huai mai. Inkhawm hial te’ng, tak tak. Baptisma leh trinity hi ka puzawn hian an sawi thiam mai2 khawp a,camping-ah a speaker tumin UPC thalai 4 vel an lut ve a, heng subject 2 hi an request a, an chiang tlang a ni ang, tun thlengin an chhungkua atang thoin Baptist an la ni ngar2 hlawm. Dr mahminga’n sawi tur a ngah viau mai thei.
Report this comment
January 29th, 2012 at 8:45 am
A van tha kher em! Hetianga inzirtirna thuziak felfai hi a hlu ka ti thin. Mahse kan ti ve mai mai ang e, “Anih leh Engtinnge Chhandam kan nih theih si ang le?” tih thupui hnuaia point hrang hrangte khi sawi zau deuh ni thei se a fiah lehzual ngei ang.
Report this comment
January 29th, 2012 at 9:01 am
@bug-duha #11 “Anih leh Engtinnge Chhandam kan nih theih si ang le?” ka rilru a lo awm chiah a ni e.
Thil tha min chhandam thei si lo Vs Anih leh Engtinnge Chhandam kan nih theih si ang le
Report this comment
January 29th, 2012 at 9:06 am
PK, hetia misual.com i uap lum tlat thin hi eng dang vang ani love, Pathian khawngaihna vang a ni. Kan lawmthu mawlh2 e. Pathianthu hi ka duh a, ka ngaina a, ka zawm hlei thei si lo. I post ho hi uluk takin ka chhiar thin. Ka la ziaawm phah ngei ka beisei.
Report this comment
January 29th, 2012 at 10:14 am
Tha lutuk! Pawimawh tak, kristian chhungkua atang pawha hriat loh theih chi a ni.
Isua hi kawng leh thutak, chatuan nunna chu a ni e. Amaha kal lo chu tumah Pa hnen an thleng lo vang.
Have a blessed Sunday!
Report this comment
January 29th, 2012 at 10:31 am
Thuziak sei chhiar peihloh/hman loh chuan hetiang point kauh2 hi chhiar a nuam in a fiah, rilru a vawng a nuam bawk
Report this comment
January 29th, 2012 at 11:05 am
Report this comment
January 29th, 2012 at 11:09 am
Amen, sunday pual chhiar tur ringawtin ka lo lut zuai a ni e.
Report this comment
January 29th, 2012 at 11:19 am
Pu pkfanai, Helai tluka pulpit ropui leh darhzau hi a awm lo ania aw. I sermon a ropui thin ngei mai. Ka chhiar chhuak dap a, i thawhrimna a fakawm e. I rawngbawlnaah Lalpan malsawm zel che rawh se.
Report this comment
January 29th, 2012 at 12:13 pm
Pu,PK, i Sipikar na ah chuan Thlarau thianghlim in awm pui in chenchilh mawlh che rawh se…
Report this comment
January 29th, 2012 at 12:13 pm
A tha khawp mai. Ringtu nun pawh rawn bei zel teh u, kan theologian ho khan.
Report this comment
January 29th, 2012 at 1:07 pm
Pathianin a Fapa nunna meuh hlana chhandamna/tlanna ropui tak a siam hi, chu chanchin hria a, ringtu leh pawmtu te chauh chan tura ngaih hi chu harsa ka ti ta deuh, hei ai hian a huap zau ka ring. Mahse Chanchintha hriat leh pawm leh nunpui hi thlarau chhandam nih inhriatna hlu tak leh taksa chhandamna, he leiah pawh van nun tem lawk theihna a nia, a ropui a, hril zel tur a ni. Bible leh kohhran thurin pel/kalh min ti pawhin a ni mai ang chu.
Report this comment
January 29th, 2012 at 2:24 pm
Chhandamna. Ava tha em.
Chhandamtuin a tawrh nasat zia ngaihtuah hi chuan Pathian hi chu a duhtui fu ang. Insen thlawn a tum vak hmel loh. Chhandam kan nih theihnan khawngaihna hun a hawng a. Mihring ngaihdan chu enga pawh lo ni se, khawngaihna hun a tawp chuan, Pathian chuan AMA NGAIHDANIN A REL HMIAH ANG LE.
Report this comment
January 29th, 2012 at 2:27 pm
good post
Report this comment
January 29th, 2012 at 11:38 pm
A dik mar nalh tha zaih mai.Tumah pawn zawhna an nei lo a ni e. A viltu tur a i beisei in kan kheuh pawr mai mai.
…..
Hetiang hi a class-room teaching deuh chu ka ti…thought provoking a awmlo a, a zau in a tam ruih a, kan inhmuhfiahna tur kan thelh daih thei. Khing zawng zawng hria in a zawh dik theilo fo mai hi han sualchhuak leh ngei teh… Taka he thupui ka lo ziah ve tawh la chhiarlo tan…
https://misual.life/2011/06/.....thuahthum/
Report this comment
January 30th, 2012 at 12:24 am
Hei chu Bible chang zawn awl nan a ṭha hle mai a.
Report this comment
January 30th, 2012 at 4:43 am
Khaikhawm kimchang tha hle mai … I u Zuala EDEN THAR thachhang i dawl zo mai pawh a ni lo … thenkhatten HNIMPHUM KHER KHER tia an han chawk-cham pial ringawt ai chuan a chiang teh e maw! God bless!
Hnahthial-a fun that a, a tam hun apianga a mamawhtu pung belh zelte tana theh theih reng a nih hi le … a lawmawm e.
Report this comment
January 30th, 2012 at 9:16 am
He Post hi Khawmpui kal hma, Nilaithawhtan ni a ka buatsaih daih tawh kha a nia. Ka duh hun takah Admin zahawm tak ten min lo tihchhuah sak a, Lawmthu ka sawi e.
Comment tu zawng zawngte chungah Lawmthu ka sawi a,Pu Zohoa leh Pu Chawnghilh te pawh Post lo vil angah ngai mai ang.
“Doctrine Divides” tih anih angin Doctrine kaihhnawh lam hi chu Avoid hram hram ka duh thin a. Nakin zelah kan la tih zel tho chu a rinawm.
PO Zohoa Post “Chhandamna thuah thum” pawh chhiar tel ngei chi a nih khi.
Pu Chawnghilha chu min hriatchian hmel ta hle mai a.
Report this comment
January 30th, 2012 at 7:27 pm
Pu PK, Sunday pual tunah ka chhiar ve chauh pek a, Sunday pual ah nangma post ngei Chhandamna thu a lo awm hi ka va lawm em.. Reference i dah thlap hi ka tan chuan a hlu leh zual. I rawngbawlna Pathianin malsawm zel rawh se..
Report this comment