Vawiin hi Thlarau Thianghlim lo thlen ni; Pentecost Day kan tih kha a ni a. He ni Pual hian Thlarau Thianghlim chung chang lam I han thlirho dawn teh ang. (Vawiin chu Chaw a rum leh deuh thah rih dawn anih chu).
Thlarau Thianghlim chu Pathiana minung 3 zinga pakhat; a pathumna kan tithei ang chu ani a. Engemaw thiltihtheihna satliah ni ringawt lovin, MINUNG(person) a ni. Thuthlung hlui hunah khan Thlarau Thianghlim hi mimal thlanbik te hnenah Hna pawimawh bik an tih theih nan pek anni thin a. Thuthlung Thar hunah erawh hi chuan, Ringtu(mi Piangthar) tawhphawt chu Pek kanni ta vek a ni.
Thlarau Thianghlim Nihnate:
(1) Minung (person) a ni. (Johana 16:7)
(2) Khawikipa awm thei (Omnipresent) a ni. (Sam 139:7)
(3) Chatuan mi (Eternal Spirit)a ni. (Hebrai 9:14)
(4) Lalpa (Lord) a ni. (II Korinth 3:17)
(5) Pathian Thlarau (Spirit of God) a ni. (II Korinth 3:3)
(6) Krista Thlarau (Spirit of Christ) a ni. (I Petera 1:11)
(7) Thiltih theihna, Hmangaihna leh mahni inthununna Thlarau a ni. II Timothea 1:7)
Dikna Thlarau (Spirit of Truth)a ni. (Johana 14:17)
(9) Khawngaihna Thlarau (Spirit of Grace) a ni. (Hebrai 10:29)
(10) Hrethiamtu Thlarau (Spirit of Understanding) a ni. Isaia 11:2
(11) Thutak hriattirtu (Spirit of Counsel) a ni. (Isaia 11:2
(12) Finna leh Thutak puangchhuaktu Thlarau (Spirit of wisdom and revelation) a ni. (Ephesi 1:17)
Pathiana Minung pathumna a nih zia.
(1) “Pa leh Fapa leh Thlarau Thianghlim hmingah chuan Baptis ula” (Matthaia 28:19)
(2) “Lalpa Isua Krista khawngaihna te, Pathian hmangaihna te, Thlarau Thianghlim pawlna te chu in zaa hnenah lo awm zel rawh se.” (II Korinth 13:14)
(3) “Krista….Hriattirtu Thlarau…” (I Johana 5:6-9)
Thlarau Thianghlim Hnathawh.
(1) Mi sualna leh Diklohna hriattirtu ani. (Johana 16:8)
(2) Thlarau Thilpek (Gifts) petu a ni. (I Korinth 12:11)
(3) Isua Krista Thu a hriattir. (Johana 15:26)
(4) Min tichak thar tu leh min siamthar thintu a ni. (Tita 3:5)
(5) Isua Krista a chawimawi thin. (Johana 16:14)
(6) Isua Krista chanchin a puangchhuak thin. (I Korinth 2:9-10)
(7) Min zirtir thin. (Johana 14:26)
Thiltihtheihna min pe thin. (Tirhkohte Thiltih 1:8)
(9) Zalenna a rawn thlen thin. (II Korinth 3:17)
(10) Min siamtha (Transform) thin. (II Korinth 3:18)
(11) Min dilsak (intercede) thin. (Rom 8:26)
(12) Rah a chhuah thin. (Galatia 5:22)
Thlarau Thianghlim laka Sualna(Sawichhiatna) te.
(1) Dawt sawi (Lying) – Tirhkohte Thiltih 5:3
(2) Fiah (Testing) – Tirhkohte Thiltih 5:9
(3) Tih Lungngaih (Grieving) – Ephesi 4:30
(4) Sawichhiatna (Blaspheming) – Matthaia 12:31
(5) Tih mih (Quenching) – I Thessalonika 5:19
(6) Dodal (Resisting) – Tirhkohte Thiltih 7:51
(7) Cheksawlhna (Insulting) – Hebrai 10:29
Ka misual pui zawng zawngte; Vawiin Thlarau Thianghlim lothlenna ni (Pentecost Day) ah hian Thlarau Thianghlim in REFRESH tir theuh ila, Thlarau Thianghlim pawlna thar chan I tum theuh teh ang u. Pathian chu Thlarau ani a, He Khawvela thil tih tum a neihin mihring a hman a ngai thin. Keimahni hian engmah tihhlawhtlin theih tak tak kan lo nei lo. Isua Grep Hrui tak tak chu kan zawm reng a ngai zawk a, Tichuan Thlarau Thianghlimin keimahni kaltlangin hna a thawk dawn a lo ni. Lalpan a Thlarau Thianghlimin pawl thar theuh che u rawh se. Amen.
Similar Posts:
- Pentecost pualin
- Thlarau Thianghlim Baptisma (Pentecostal Sermon)
- Because he Lives (Easter Sunday Pual)
- Ringtute chunga Pathian beisei leh duhzawng{Sunday Pual}
- Tunlai ka mutmawh hnarmawh.
May 27th, 2012 at 10:14 am
First leh teh ang, inkhawm loh manah! Pu HV a leh Pu TSa te pawh an hmai zahawm a lawm
Report this comment
May 27th, 2012 at 10:26 am
A zawng a za chuan ka hrethiam diak diak lo naa, post atang chuan Thlarau Thianghlim pawimawhzia a lang chiang khawp mai. Chuvangin GP.
Report this comment
May 27th, 2012 at 10:27 am
Keini pawh mitthi kan nei a, inkhawm kan chawl
Report this comment
May 27th, 2012 at 10:35 am
Amen
Report this comment
May 27th, 2012 at 11:04 am
אמן, kar hmasa kha a ni emaw tiin thlarau thianghlim ka lo sawm nasa mai. A pawi love Hamleta tawngkam takin a thuahhnih nge nge ang chu.
Report this comment
May 27th, 2012 at 11:05 am
A tha thin e…………..Thlarau Thianghlim pawlna nasa leh zual lo chang mawlh ang che
Report this comment
May 27th, 2012 at 11:20 am
kei ni ang PyD tan chuan hnial a awl viau a..mahse post tha hrim hrim e
Report this comment
May 27th, 2012 at 11:26 am
37 When the people heard this, they were cut to the heart and said to Peter and the other apostles, “Brothers, what shall we do?”
38 Peter replied, “Repent and be baptized, every one of you, in the name of Jesus Christ for the forgiveness of your sins. And you will receive the gift of the Holy Spirit. 39 The promise is for you and your children and for all who are far off —for all whom the Lord our God will call.”
40 With many other words he warned them; and he pleaded with them, “Save yourselves from this corrupt generation.” 41 Those who accepted his message were baptized, and about three thousand were added to their number that day.
Hei hi the beginning of the ROCK..the foundation..!
Report this comment
May 27th, 2012 at 11:28 am
Report this comment
May 27th, 2012 at 11:28 am
Report this comment
May 27th, 2012 at 11:39 am
@lrpa, ngawi mai mai rawh. I inkhawm ngai chuan loh kha
Report this comment
May 27th, 2012 at 11:52 am
TuaiSialA ..ve che..ka inkhawm nasa lutuk tlats!!
Report this comment
May 27th, 2012 at 12:03 pm
A tawp a sawmna aw mawi chu a ṭha hle mai
Report this comment
May 27th, 2012 at 12:22 pm
dil chiam nge tha ang a.. Dil lem lovin a lo thlenna tura mahni lo inbuatsaih. tih te ka lo ngaihtuah mai mai a…
Report this comment
May 27th, 2012 at 12:59 pm
Thlarau Thianghlimin hna a thawh hian a nu lem lo, mahse khawvel miten an hriatthiam loh avanga hmuh nut theih a ni, Thlarau atang vek lo chuan kan hmu thiam ngai lo vang. Ringtu thinlungah hian Thlarauin thu a sawi thin a, mahse a ring lua ngai lo-zawi si fiah takin min hrilh-a nung tih kan hre thin. “kan lengdun thin kan inpawl thin nun kawng zim takah hian..engtin nge ka hriat min zawt maw–a nung ka thinlungah”
Thlarau Thianghlim hruaina tel lo hian a thawhrim theih a, mihring a ropui thin. Thlarau hruaina erawh chuan Krista a chawimawi a, nun a hlim thin.
Thlarau hruaina atanga nun thlir hian nun hian duhawmna thar a nei thin a, a vul chiai thin. Mahse chu chu kan inawihtleipuina ber a ni lo- a zakhamna mai a ni..a them kan lo chan lawkna chauh chu.
Nun ning, nun nguai, leh chaute hian Thlarau Thianghlim CHAWLHNA TUIKAM an mamawh a, an hre thin si lo; mahse thlarau veek chuan kan duhthlannate min tih tharsakin Emau dai reh chu Elim hmunah min chantir a, lungngaihna ruam chu ralmuanna tlangah min chansak ta zawk thin.
Kan sermon hluah chu…a tha hle mai post chu..Christian Doctrine sawina tha tak a ni.
Report this comment
May 27th, 2012 at 1:21 pm
@15 Vakul,
Post iti phuisui thin e.
Report this comment
May 27th, 2012 at 1:26 pm
@ 8 lrpa, Pu Petera khan alo sawi ve miau mai si a, “In tih dan hi a diklo zawk” inti thei kan awm lo a ni tiraw. Keinin Isua sawi angin Pa leh Fapa leh Thlarau Thianghlim hmingin ka Baptis anga, nangnin Pu Petera sawi dan angin Isua hmingin in lo Baptis ve ang a, Vanram ah chuan kan la inhmukhawm vek tho ang chu.
Report this comment
May 27th, 2012 at 1:34 pm
He hla hian tunlai chu mi pawl tlat
A satu lah hi a zai ṭantirh aṭang khan hniam lai awm miah lovin ka * mar pat a ni lehnghal a 
https://www.youtube.com/watch?v=ds4jrmxkhTI
Report this comment
May 27th, 2012 at 1:44 pm
@ 14, Pu Saate, Thlarau Thianghlim hian Keimahnia chen leh keimahni hmanga hnathawh te hi chu a chak reng a lawm (Thlarau Thianghlim hi a ‘Ti lo’ teh mai a nia). Vakul sawi ang khian a aw hre thei tura a aw kan ngaihchan leh a hruai theih tura Thuawih bawiha kan intukluh erawh chu a ngai chauh a ni.
Keipawh he Sermon ka buatsaih lai hian, Kan Sikul dinhmun ka ngaihtuah mai mai a. “Engatinge hetia Hostela naupang 150 chuang lai mai buai bakleng leh hunawl pawh nei mang lova kan enkawl le? 100 aia tam hi nei duh lo ila(Kan hostel Staff te hian an sawi zeuh zeuh bawk a), tha takin enkawl ila” tiin ka ngaihtuah rauh rauh lai chuan. “Nangma enkawl em ni? Kum 10 dawn lai harsatna leh chetsualna lian tham tawk lova in awm hi nangmahni thawhrimna vang liau liau maw? 10 lek pawh enkawl ta ula, ka puihna tello hian him takin in enkawl thei chiah ang maw?” tiin chiang lutuk tak maiin min rawn zawt anih chu maw le. Zahthlak duh rem rem khawp mai.
Report this comment
May 27th, 2012 at 1:49 pm
https://youtu.be/-vlrn7mVqrw
Report this comment
May 27th, 2012 at 1:53 pm
Report this comment
May 27th, 2012 at 1:54 pm
18 & 20
Report this comment
May 27th, 2012 at 1:58 pm
Post hlu tak ani. Ka chhiarchhuak hman hlawt ani. Chawlhni chu hun a khat tlat a.
Report this comment
May 27th, 2012 at 2:06 pm
Ngaihtuah zui duh tan: Rev. pakhat hi ka harsatna chungchang thu ah ka kawm a, uluk takin min ngaihthlak sak a. A tawp ah tawi te in min chhang a, “Miin harsatna a tawh laiin Thlarau Thianghlim pawlna duhawm tak a chang ngai lo” a ti a, kei chuan dik ka ti a ka thaw ti veng huai nia.
Report this comment
May 27th, 2012 at 2:19 pm
aste: ka man chiah lo, han sawi zau deuh teh a.
Report this comment
May 27th, 2012 at 2:29 pm
^Nia
Report this comment
May 27th, 2012 at 2:32 pm
pk: bethel vanglai pawh khan ka sawi thin- ‘tlangsam buk ro hnuaiah vawk kawng rau chum a, rawl tawp tawp a, “lalpa, lalpa.. Min chhandam rawh…, thlarau thianghlim min rawn pawl rawh…” tih chiam chiam lam hi a ni lo..a dawn thleng, kan thinlung hi a tan chauh zuah i la, auh leh ngen buai chiam ngai lovin a rawn che lo thei lo… Ka ti thin.
Report this comment
May 27th, 2012 at 2:49 pm
Bible ching ngun deuh hi chu in va hriat tak em aw..
Report this comment
May 27th, 2012 at 3:08 pm
Mi in harsatna a tawh lai mek in Thlarauthianghlimin a chunga hna a thawh dan sawi tur an hre ngai miah lovang. Pathian a ngawi tlat zel alawm. Pathian a ngawih laiin Thlarauthianghlimin thu sawi a nei ngai lo. Pathian hi mi harsatna chungchang ah hian beng hup ang hlauhva awm chang a nei a ni tih hi in pawm em? An hnena engmah sawi lo, an manganna pawh chhang miahlo, reh san hmak anga a awm chang hi in tawng ve tawh em? Chutiang ah chuan thlarauthianghlim pawlna duhawm tak sawi tur in hre ngai lovang. A ngawihlai nana chuan tunge hrethei ang ni!
Chutiang hun chu harsatna kan tawh hunlai ka tih chu a ni. Bible aṭang example pe ila a chiang mai ang:
1) Lazara a thih hma ni 2 la awm aṭanga a thih hnu ni 4 thleng khan Isua in plan alo neia, chu chu Mari te ngawihsan hmiah kha a ni. Mari te mang ang em em a awm khan thlarauthianghlim pawlna an dawng hauhin a rinawm loh.
2) Isua thlalera thlemna tuara hnutchhiah a nih khan thlarauthianghlimin ni engemaw ti chhung atan a kalsan daih.
4) Josefa’n mumang a neih tuk aṭang khan thlarauthianghlimin a harsatna sut kian kawngah a pawl zui tawh lo.
5) Davida a at der khan a mangang thawkhat hle, a tlan chhiat lai kha thlarauthianghlimin a pawl loh lai a ni.
Thlarauthianghlim pawlna kan chan hunlai hi chu kan hlim lai alo ni zel. Kan tuarna, kan manganna kan hlenchhuah hian a tifiah turin thlarauthianghlim chuan min pawl zuia, “E, alo ni reng tak mai a” kan ti chhuak ta ṭhin a ni. Kan ro hulh lai te, Pathian thu a hul em em a kan in hriat lai te hi Pathian a ngawih lai te a ni a, kan mamawh em em lai pawha min chhan loh lai te hi thlarauthianghlim puihna tel lova chhel min zirtir hunlai te alo ni a, kan ṭang tluan zo dawn lo tih chu a hre reng ang. Mahse thinlung fiahtu Pathian hian a fapa pawh thlarauthianghlim kalsana a fiah duh chuan keini pawh min fiah fovang tih hi a rinawm a ni. Thlarauthianghlimin min pawl hi chuan kan rinna te a nghet a, kan chak a, kan fiah uarh uarh a, sual kan nih pawh kan in hre thei a, lungngaihna tur a awm ngai lo, harsatna sawi tur a awm ngai lo. CHu chu thlarauthianghlim hnathawh chu a ni. Harsatna kan tawh lai tak hi min pawl loh lai, Pathianin reilo te atana min kalsan lai, kan thlarau a mal tlat lai a ni zawk ṭhin. Hlim taka i tawrh theih hnu ah chuan pawlna i dawng tawha i harsatna a kiam tawh tihna nih chu.
Thlarauthianghlimin a pawl loh laia Josefa ten an ring tlat te, Davida’n LALPA hriak thih a zah tlat te kha a ni Pathianin a thinlung ang pu a tehna chu ni.
Report this comment
May 27th, 2012 at 3:58 pm
@27 Sammoo, Miin chuti taka Pathian an auh te chuan, anmapawh inbuatsaihin an inhawng tha hle turah ngai ila. @Chemtatrawta, Lehkhabu hrang hranga mi thuziah sa atangin kan duh lai lai kan lo lawr ve mai bawk a lawm le.
Report this comment
May 27th, 2012 at 4:01 pm
*anmahni lam pawh* tih tur. sorry.
Report this comment
May 27th, 2012 at 5:03 pm
#27@saint samoo….. Khitiang case chungchang ah khi chuan Lal Isua’n heti hian tehkhin thu a sawi a
“In zingan tuin emaw thian nei sela, zan laiah a hnena kalin, ‘Thiana, chhangper pathum mi puktir rawh; Ka thian zinin mi rawn tlawh a, a hmaa hlui tur engmah ka nei si lo,’ ti sela; in chhunga miin, ‘Mi tibuai suh; tunah zawng kawng khar a ni a, ka fate pawh ka hnenah khumah an mu tawh a; thovin ka va pe thei lo va che,’ tiin chhang sela – ka ti a che u, a thian a nih avangin thovin a va pe lo na a, a dil ngut ngut avangin thovin a duh zat apiang a va pe ang.
“Chutichuan ka ti a che u, dil rawh u, tichuan an pe ang che u; zawng rawh u, tichuan in hmu ang; kik rawh u, tichuan an hawnsak ang che u. Tupawh a dil apiang chuan an hmu thin a, tupawh a zawng chuan an hmu thin a, tupawh a kik chu an hawnsak dawn a ni. (Luka 11:5-10)
Hei hi mamawh em em a ko tu chu tupawh nise eng hunah pawh a hriatthiam zia a sawina a ni a. Ṭawngṭai dang leha kan hmuh, sawi ngai sawinawn sek erawh kha chu ringhlel tu dilna ang, a chunga mi anga demand sang tak thinlung pu a mamawhna nei si lova sawi nawn sek a duhloh zia a sawina a ni. A dil tu hmasa nen khian sawi nawn rau rau ah pawh an thinlung a in anglo a ni. Pakhat chu Sawi nawn sek a nia pakhat chu Dil ngut ngut ania, a an dilna ki(thinlung) a dang daih a ni.
Report this comment
May 27th, 2012 at 5:08 pm
Hot raw pip!
Report this comment
May 27th, 2012 at 5:24 pm
17 @ Pu Pk..nia Petera sawi khi ring mai la a tha ang!
Pentecost ni hi chanchin tha in tanna ni ania.. a bak chu rin loh tur..! thu puarpawleng kan tih ang chi hi an nia!!
Report this comment
May 27th, 2012 at 6:22 pm
lrpa, original source hi ka ngaisang a. Mahse, Isua Kid no.1 Pu Petera thusawi pawh hi pawm sak ve mai ang.
Report this comment
May 27th, 2012 at 6:44 pm
Petera hi tlemin a lo hawi zim leh hret ṭhin a, Paula pawhin Juda leh Jentail chungchangah a zilh tawh kha.
Isua ṭan a tum lutukna lamah te khan alo kal filawr leh ṭhin a. Ei thianglo te kha Pathianin a tih chhan lam aiin zawm kha alo tum lutuka, “Keiin thiang ka tih tawh chu nangni thianglo ti suh” ti a hrilh te kha ei rawh tih tawh hnu ah pawh hrilh nawn a ngaia
Report this comment
May 27th, 2012 at 8:16 pm
HENRAW !
Report this comment