Hnahlan Grapes chungchang FIR

April 20th, 2012 10:30 am by Zopatriot

Hnahlan Grapes chungchang FIR chu hei le:
To,
The Superintendent of Police
Anti-Corruption Bureau
Mizoram, Aizawl

Subject : First Information Report

Ka pu,
Ka thu rawn thlen hi khawngaih taka min ngaihtuah saka hma min lak sak turin ka ngen a che.

Horticulture Department, Government of Mizoram chuan kum 2010 khan North Eastern Council (NEC) hnuaiah “Cultivation of Grapes on Commercial Scale in Cluster Area at Hnahlan, Champhai District, Mizoram” tih project a thehlut a. He Project hi NEC chuan pawmin kum 2010 khan he Project atana sum hmasa (First Instalment) Rs. 108.77 lakhs chu Ni 11.3.2010 khan a release a ni.(copy of Sanction Order No.NEC/HORT/MZ/2/10, dt.11.3.2010 enclosed).

He 1st Instalment sum (Rs.108.77 lakhs) hi Horticulture Department, Government of Mizoram (GOM) chuan a hnuai ami ang hian hmang angin Sanction Order an siam a ni:-

1. President, Indira Mahila Kendra, Zemabawk, Aizawl hnenah Dt.17.2.2011 khan Rs.61,63,600.00 chu Horticulture Deptt. Govt. of Mizoram in a pe. He sum hi Hnahlan hmuna Grape chinna tur leh Cold Storage sak/din/siamna tur a ni. (copy of Sanction order enclosed).

2. Hnahlan-a NEC Project endik hna (monitoring), transportation, meeting etc vela Horticulture Department hnathawktute senso atan Dt.21.2.2011 khan Rs.3,41,085.00 chu HDO (store),Directorate of Horticulture hnenah pek a ni leh a. (copy of Sanction order enclosed).

3. M/s M&M Enterprise, Saron Veng, Aizawl hnenah G.I.Wire Supply Order chu Dt.15.9.2011 khan Horticulture Deptt. Govt. of Mizoram in a pe a. Chu chu Rs. 39,78,000.00 (680 qntls @ Rs.5,850/-) a ni. (copy of Sanction order enclosed).

4. M/s Vinayak Fats & Protein Pvt. Ltd. Kolkata hnenah Dt.15.9.2011 khan leitha (Vermi compost) supply order Rs. 4,80,000.00 (480 qtls. @ Rs.1000/- per qtls) pek a ni. (copy of Sanction order enclosed).

5. M/s Mehar Agencies Pvt. Ltd. Kolkata hnenah Dt.15.9.2011 vek khan hmanrua (tools) chi hrang hrang- Falcon Prunning Secateur Major te, Falcon thinning scissor FTS 707 te leh Garden Premium Home Garden Gloves FPHG-37 supply order Rs. 26,24 0.00 pek a ni a. (copy of Sanction order enclosed).

6. M/s United Enterprise, New Delhi hnenah Dt.5.9.2011 vek khan huan sawngbawlna (tools) chi hrang hrang supply order Rs. 1,29,200.00 chu pek a ni. (copy of Sanction order enclosed).

7. List of benificiaries chhungkaw 40 (sawmli) te ka rawn tarlang bawk e. (enclosed).

Hengte hi RTI Act 2005 hmanga ka dilna SPIO Horticulture Department GOM in Ni 29.11.2011 a min chhana a ni. He min chhanna atanga alan dan chuan a chunga sawi tak hna hrang hrangte hi pakhat mah thawh/a taka tih puitlin a awm lo. (enclosed copy of information supplied by SPIO, Horticulture under RTI).

Tin, keimah ngei pawhin finfiah tumin beneficiary thenkhat ka zawt bawk a. Min chhan dan chuan heng hnate hi a taka thawh a awm lo.
Hetiang hi thil awm dan anih vangin he thilah hian eirukna nasa tak a awm ngei niin a lang a. Chuvangin he Project sum (NEC sum) hi a dawng tur dik takten an dawn theih nana hma min lak sak tur leh dan hmanga min chhui sak turin ka ngen a che.

Enclosures :-
As stated above

I rintlak,
(ROTHUAMA SAILO)
Thakthing veng, Aizawl
Phone-9862338219(m)
Email:npsmizo@yahoo.co.in

https://No.NEC/HORT/MZ/2/10

Source Via – Rothuama Sailo- Facebook Chancinthar

Saptawng in hetah pawh : Webindia

15 Responses to “Hnahlan Grapes chungchang FIR”

1
Chhuaklinga Says:
April 20th, 2012 at 10:35 am
Hot duh chi

tren tren
Report this comment
2
^-||R@lT€||-^ Says:
April 20th, 2012 at 10:38 am
le le le le…hahthlak thin mange aw
Report this comment
3
sheldon Says:
April 20th, 2012 at 10:55 am
Hman veleh chhiar ang
Report this comment
4
Chhuaklinga Says:
April 20th, 2012 at 10:57 am
A tha dawn e, han inching let tak tak teh ang u, khua kan tlai hma hian. Ni chu ni, ni lo chu ni lo kan tih a hun ta tak zet. Kan ram hian neitu dik tak a mamawh a ni.

tren tren
Report this comment
5
Dr Mahminga Sailo Says:
April 20th, 2012 at 11:06 am
Nuai 100 chuang an nuai bo daih elo? Pawisa herdipna khawl an nei a ni ngei ang! Ka rin aiin Mizoramah hian sum a tam daih…

Thuin tawp mai lo se ka va ti em…
Report this comment
6
funny™ Says:
April 20th, 2012 at 11:18 am
OT: MBSE is late in my clock, misual server down or heavy traffic.
Report this comment
7
funny™ Says:
April 20th, 2012 at 11:24 am
MBSE web admin hi tunah tak hian a buai ve hle aniang, “RESULTS 2012 LIKELY TO BE ANNOUNCED SHORTLY!” tih a LIKELY tih lai hi link thi te a rawn siam zuk mai. leols
Report this comment
8
Chhuaklinga Says:
April 20th, 2012 at 11:42 am
Kan ti leh lawk, a lang tlat ot deuh maithei.

North east lam hi ngaih hniam/ngaihsak loh deuh niin inhre thin mah ila central sorkar atanga sum lo luang lut tawh zawng zawng hian a nihna tur dik tak a hmangin kan ram hi lo develop thin ila chu kan ram hi rinphak bak a ni tawh ngei ang. Zoram i chhunga chengte i fate hian kan va sawp rethei tak che em.

Zoram hmangaihtu dik takten hma han la teh u. Thudik lama tang tlat thin mi tamtak kan la awm e.

tren tren
Report this comment
9
James Bond Says:
April 20th, 2012 at 1:18 pm
Hetiang hi alawm kan ram mamawh. Mimal in hekna pawh nise kan rama hleprukna do anih phawt chuan a pawi lo. Corruption cancer hian min ei hlum takngial dawn. Hmanlai chuan ransa kap thei (tunlaia illegal poacher) te kha pasal tha a ngaih anni a. Tunah chuan RTI activist, human rights lawyers, eirukna do tang tangte hi pasaltha dik tak anni.
Report this comment
10
lrpa Says:
April 20th, 2012 at 1:56 pm
post pakhat a post tu sawn a hming lan loh hlauh hmel tek tek!!
Report this comment
11
century child Says:
April 20th, 2012 at 2:04 pm
Chhuaklinga ohh ‘tren tren’ ka tihna
Report this comment
12
H.Vangchhia Says:
April 20th, 2012 at 8:04 pm
“Anti-Corruption Bureau” an awm reng reng em ni… ‘bureau’ nilovin ‘Branch’ ni zawkin ka hria (hresual em aw?!). Ka hriatdan hi a dik anih chuan lawyer fel tak tan hnialthlak a awl awm mange!

Entirnan: Police ten .38 revolver an man ta a, case IO ziak danah .38 pistol tih nita sela…magistrate-in emaw silai rawn dahchuak turin thu pe tase, .38 pistol nilovin .38 revolver phawrh ta sise…case a awm theih ka ringlo. Ziah danah .38 pistol anih miau avangin. Chutiang deuh chuan, “Anti-Corruption Bureau” tih khi ‘branch’ tih zawk tur anih chuan ukil fing tak chuan awlsam takin a hnial thlak theih mai ka ring…

Rinthu sawi ve mai mai hairehai
Report this comment
13
loneeagle26016 Says:
April 21st, 2012 at 1:04 am
Komen ngaihna ka hre hauh rih lo mai, SPIO khian inthlahdah lam deuhin RTI zawhna khi alo chhang ani thei a, anni chauh hi NEC fund hmu a, parents department a Horticulture department hi hmang annih loh hmel bawk si a. NEC funding anih chuan department in hmundanga lo sem chu a tih a tih miah loh tur ani bawk si… chhui chiang thuai teh se..
Report this comment
14
triplestar Says:
April 21st, 2012 at 8:18 am
5. M/s Mehar Agencies Pvt. Ltd. Kolkata hian Rs. 26,24 0.00 man lek an thawk hi tak tak em maw ni dawn le, an hma te mah mah deuh lo maw. He Agency hi zawng ta ila hmuh a har ngawt ka ring
Report this comment
15
Zopatriot Says:
April 24th, 2012 at 11:39 am
Thil ti thei tak te an in rawlh a nih ka ring, Politician leh sorkar hnathawk tangrual in, in sawi fel an tum leh ang a, a thil ti sual tu te chu hrem a ni lo leh pek in ka ring. Aizawl Chanchinbu lian pawh in an chhuah lo tlat. Pawi hle mai.
Report this comment