Tun tum chu Mizo Idioms & Phrases(Tawng upa) hi i zir ho teh ang u. Hetiang lam post hi ka hmu khat riau mai a. A thiamlo ber hian kan post ve ange.
Chhun leh zan hun then hrang hrangte hi a hmasa ber atan zirho phawt ila, post dangah a dang chu kan chhunzawm leh dawn nia.
Ka hriat hi a dik ber e ka tihna pawh ani lem lova, unau thawnthu sawi pawh a dang e an tih thin kha, Kan hriat dan a lo inang lo deuh anih pawhin comment lamah kan sawi ho dawn nia.
1. Khawfing chah: Khawvar hma lawk hian rei vaklo thim zual bik hun a awm a. Hemi a pelh veleh hian khua in ên lam a pan tial tial thin a, chumi lo ên tan hun chu Khawfing chah ani.
2. Thingchang var: Khawfing chah hma lawk hiankhua a lo êng lawk hlek thin a, chumi hun lai chu ani.
3. Varţian: Khawvar tantirh hunlai hi Vartian ani.
4. Leilung lan: Khawvar hnu ah, thil a hmuh chian tan theih hunlai hi ani.
5. Khuantevik: Zing ar khuan hun, khawvar ar khuan hun.
6. Kawl en: Khawvar tan tirh, kawl bul lo en hun lai.
7. Ni tlang san: Ni a chhuah san tawh hnu, Dar 7/8 vel bawr ani ang chu.
8. Nau riltam/Feh reh/Thingphur haw hun: Heng te hi chawfak hun hma, tukthuan ei kham leh chawfak inkar hun lai ani. Dar 10/11 bawr vel ani ang.
9. Chawfak hun : Chhun chaw ei hun lai hi. Dar 12 vel ani mai ang chu.
10. Chawhnu thlang her: Chawhnu thlang her ah hi chuan chawhnu lam, ni in vanlaizawl a pelh tawh hun ani. Dar 1/2 bawr vel ani ang.
11. Behliang mun hun: Zanriah chhum hun aia hma deuh. Behliang hi a hmin har avangin zanriah chhum hma in an mung thin. Dar 2 bawr vel ani ang.
12. Zanriah chhum hun: Zanriah chhum hun hi chu tlai dar 3 bawr vel hi ani awm e.
13. Lo sul haw hun: Ni tlak hma deuh, feh haw hun. Dar 4/5 bawr vel ani ang chu.
14. Unau hmel hai: Ni tlak tawh hnu, khua a la thim tak tak hma si, thil hmuh fiah theihloh hun lai.
15. Leng len hun: Zanriah ei kham, tlangval te nula rim tura an chhuah hun vel hi ani.
16. Thut muan ar khuan: Zan dar 8 bawr vel ani ang. Inleng inkawmhlim hunlai vera ar khuang hi ani.
17. Leng hnawtchhuak ar khuan: Leng haw hun lai. Zan dar 10/11 vel bawr ani ang.
18. Zanlai ar khuan: Mut reh hnu, zanlai dar 12 vela ar khuan thin hun lai hi
hairehai
April 27th, 2012 at 4:35 pm
Good post!
[Report abuse]
April 27th, 2012 at 4:37 pm
Mizo Tawng Upa awmzia leh hrilhfiahna site tawp siam peih hi awm se ka ti ngawt mai
[Report abuse]
April 27th, 2012 at 5:10 pm
Hetiang hi school ah an zir tawh nange?
#3: Maawma> Ka thiam zawng chu nise, i sawi ang site chu siam a chakawm khawp ang. Mahse Mizorama site mi tlawh chak awm deuh chu:
1.Minister/VIP tlawn dan
2. Contract hlawk (300% aia tam hlep) hmuh theihna
3. Thamna pek dan
4. Kohhran upa nih dan (short cut)
5. NLUP vawi khat aia tam dawn theih dan.
[Report abuse]
April 27th, 2012 at 5:15 pm
Sangpuiipa pawh hi i post chihchawm ve hle mai a Electric Wiring te i ti thul tawng lam i rawn post leh nelh a…. a tha vek e.
Len hawn ar khi hman ni chu ka thianpa ka zawt a, Mizo te khan tun hma khan an tho hma si a, zan mut hma a ngai ngawt ang a, ka ti a. A ni chuana tlai ang reng a ni lawm ni tiin tun lai a ar khuang hriat tur awm tak loh thu te kan sawi luam a. Len hawn ar khi dar 10ah lo khuang ta sela zingah hma takah an tho leh a, leilung a alan chuan chaw an ei a, fel tur khan an chhuak mai sia. Chu ti chu dar kar 5 atang 6 chauh am mu hman dawn a ni maw ( kut zung chal meuh thliak in ka chhut a)…. Nu la te phei chuan buh den leh tui chawi nen dar 4 emaw 5 vel emaw ah an thawh phei chuan inleng nikhua lo nei chu an va rethei thin dawn tak em…….
[Report abuse]
April 27th, 2012 at 5:16 pm
@James Bond, Dik khawp mai, ka chhiar nui vur vur mai
[Report abuse]
April 27th, 2012 at 5:24 pm
haha #3 khi
. @chhingdailova, all round ve te hi a tha ve ania. ania sin, khati khawpa taima leh thawk nasa an nih vang kha emawni dawn ni, an mahni mamawh tawk ah an intodelh em em mai kha te ka tia.
[Report abuse]
April 27th, 2012 at 5:34 pm
Very BVTTT.
[Report abuse]
April 27th, 2012 at 5:42 pm
Post tha tak a ni…
Zanriah chhum hun hi, kan vengah kha chuan Artukthuan par (pangpar, par senno) hi tlai dar 3 ri hriat nan kan hmang ve thin. A dik chiah em ka hre law, Artukthuan hi, tlai dar 3 velah hian a par parh tlat zel nia…
[Report abuse]
April 27th, 2012 at 5:55 pm
@Dr Mahminga keini pawh chawchhum hun hriatna atan kan naupan laiin kan hmang thin sana awm bawk si lova…
[Report abuse]
April 27th, 2012 at 6:15 pm
haha Pu chhing electric wiring kha a ti tan dawn chauh amaw tia a peh hel a peh hel a thil dangah a pakai san leh daih anih hi tiraw.
[Report abuse]
April 27th, 2012 at 6:42 pm
haha, funny, ka la rawn ti dawn chauh alawm. Hun ka nei thei rihlo lutuk a.
[Report abuse]
April 27th, 2012 at 6:46 pm
post bengvarthlak tak ani
[Report abuse]
April 27th, 2012 at 6:50 pm
Paws tha hle mai
[Report abuse]
April 27th, 2012 at 6:52 pm
Post bengvarthlak tak a ni. KG atanga High school thleng phai lamah kan awm sia, Mizo subject lak tur awm ve hek lo. Alt. English kha a ni deuh tawp mai a, i post a zar ah tamtak ka hriat belh phah e. Ka lawm e.
[Report abuse]
April 27th, 2012 at 7:09 pm
A bengvarthlak hle mai
#16 leh #17na khi ka hre ngailo tlatin ka hria.
[Report abuse]
April 27th, 2012 at 7:11 pm
[Report abuse]
April 27th, 2012 at 7:40 pm
Chu ..chu ..chute chute..thutmuan ar a khuang mek a nih chu!
[Report abuse]
April 27th, 2012 at 7:56 pm
Post BVT lutuk. Mahse kei chu ka zir ve peih lo, ka thiam thei ve chuang lovang..hehe (nui..nui)
[Report abuse]
April 27th, 2012 at 8:54 pm
Tawng upa hi naupang lam tan phei chuan hriat leh zir a tha khawp nia.
[Report abuse]
April 27th, 2012 at 10:09 pm
Nia, a zir tawh te ngei pawh hian theihnghilh a awl khawp mai, i zir zel ang u.
[Report abuse]
April 28th, 2012 at 12:18 am
Post tha hle mai. Thangthar te zingah hian tawng upa hre lo tak tak kan tam ta riau
[Report abuse]
April 28th, 2012 at 5:49 am
6 leh 7 inkar khiang ” ni suk chen lan hun” te kha a awm em kha…
Chhura chaw chhum hun kha engtik hun lai vel tak maw ni ang ( a chunga hun bi atang hian)….
[Report abuse]
April 28th, 2012 at 5:44 pm
Rawn chhunzawm zel la..
[Report abuse]
April 28th, 2012 at 10:44 pm
behliang mun hun tiha an hrilhfiah danah khian behliang khi hmin har an ti si a, a aia hmin har pawh tam e…
[Report abuse]
May 8th, 2012 at 4:12 am
Tunah tak hian vartian a intan mek.
[Report abuse]