Vawikhat chu Kolasib khua hi nipui lai hian a lum lutuk a, an tia lawm, a mipuite khawlum ning lutuk tihngaihna hre si lo, zin veivak apiang ina “A va lum ve” an tih sek ning si khan “Kan hre vek, sawi sawi a ngai lo” tih thuziak hi an tar tawp e an tia lawm. Thudik tak a ni em erawh ka hre law.
Hre vek mah ila sawi sawi hi a nuam a. Facebook status ah a lumzia sawi sek te hi a nuam a (ruahsur te, khawvawh te, lirnghing te, thlipui tleh te pawh). In khua a lum in ti maw? Kan khuaah chuan… ti a insawilumsiak te hi a nuam a.
Tunah hian zing dar 3 leh minit tlem a ni a, temperature chu 32 degrees a la ni tho mai. Kawngka leh tukverh hi hawng vek ila boruak vawt a rawn lut deuh mahna, ka ti a, a teuh lo! Pawnah ka va chhuak a, boruak hi a che eih lo. Naktuk forecast hi 40 a ni a, tlem chuan a zia deuh, mahse sa tak a la ni, sa tak!
Khawlum tawrh hi ngaia neih hi a har a nih hi. Hostela kan awm lai chuan zanah hian inchungah kan mu thin a, a dai nuam thei lutuk. Thla a en phei chuan nuam tak a ni. Mahse zing ni chhuah tawh chuan mutrei luih tum pawn a theih hauh loh. A sa em em tawp. Mattress kan inpu thla a, mumang nen, room lum deuhah kan mut zawm leh thin.
A lum tak tak chuan kawngkhar leh tukverh hi khar ila, parda thim tawk zar ila, fan hi off vek ila a dai daih zawk a nih chu. Boruak hi a sat em avangin slipper te ai chuan pheikhawk pum bun hi a fuh zawk thin. Vai ho khawlum deuha jacket nena bike an khalh hi mak kan ti thin a, mahse a lo tha zawk daih mai.
Lu te a na, vun te a thak sep sep a, kan inbual sek a, khum, chair, thawmhnaw zawng zawng a lum pup vek a, tui leh juice kan in hnem. Mahse kan tuarchhuak ve zel tho.
He thlalak hi Facebook a Mizo Photographers tih group ami ka save a ni a, tunge a la tu ka hre tawh lo, sorry!
May 22nd, 2012 at 10:54 pm
OT: VaiVa hi lo lan ka ring reng ah
Report this comment
May 22nd, 2012 at 10:58 pm
Thlan a tla phung mai ka ti. A HOT takzet a ni, he post hi.
Report this comment
May 22nd, 2012 at 11:03 pm
in tihtam emmmm mai kha nei vek rawh u
Report this comment
May 22nd, 2012 at 11:09 pm
Aduh ka la kham chuang lo a HOT em mai! min lo pek belh teh haha..
Report this comment
May 22nd, 2012 at 11:11 pm
A nuam hle mai
Report this comment
May 22nd, 2012 at 11:12 pm
Aste chu i extreme hrim hrim anih hi!!
HOT bawk si lo, Vawt bawk si lo a tawk chauh ah Rempy in la hruai che rawh se… 
Report this comment
May 22nd, 2012 at 11:13 pm
#54 mamboih a tawk, saptawng te i in tel leh palh vel ang
Report this comment
May 22nd, 2012 at 11:17 pm
Aduh Hebrai tawng ka thlen hma chu min lo supply teh!
A HOT a reh thei mang si lo haha…
Report this comment
May 22nd, 2012 at 11:20 pm
A la ti deuh deuh. Israel ah min pemsan palh ang!!
Report this comment
May 22nd, 2012 at 11:27 pm
Ferenchhi ka la thleng vel chuah ania..min lo pek belh leh teh a la HOT si..
Report this comment
May 22nd, 2012 at 11:28 pm
Lum pip piap tak a ni.
Report this comment
May 22nd, 2012 at 11:35 pm
Tunah hian Tokyo ah 14 degrees a ni, ruah tlem a sur.
Report this comment
May 22nd, 2012 at 11:38 pm
Tun maiah khan bathroom-ah tui ka tisur.
Report this comment
May 23rd, 2012 at 1:31 am
Tunah tak hian saruak in chaw ka ei.. Ka kut vei lam in heihi ka type
Report this comment
May 23rd, 2012 at 1:40 am
Tunah hian ka lehkhabu chhiarlaiah a changtunu jail ah a tang mek.
Report this comment
May 27th, 2012 at 8:28 am
Nia boring tak a ni! Mahse heti hian an tia lawm, Bairabi ah zuk kal ila, Kolasib han thlen chhoh leh hi chuan a zo vak mai ani!!
Report this comment