Mizoram atanga ka kal chhuah vawikhatna a ni bawk a, chhung te’n vai ze chi tin reng min hrilh chungin min thlah liam ve a, amaherawhchu Mizoram lama ka awmlai a ka lo ralkhat hriat vai zia kha a lo ni vek lo tawp mai (kum 3 chuang ka awm tawh hnu thleng pawhin).
Vawi khat chu bus tawt em em mai ah ka inhnawh ve a, ka kalna tur a thui si, bus ah pawh a trawng leh man tlawm ber chi a ni bawk a, a lum tha duh khawp mai. Thei leh thei lo a ka in vawn din tang tang lai chuan ka pa rual tur vai pa hian a thutna min kian ve tlat! Hemi hnu hian hetiang ang a vai ho in thutna min ken hi ka tawng nual. Mizoram ah vai ho tlawmngaihloh zia leh mahni hmasial (selfish) an nih zia hi kan sawi fo thin a, ka lo awih mai thin a mahse an lo ni vek bik lem lo e.
Discrimination hi kan sawi teh fo a, kei ngei pawhin ka tawk mahse Mizo te hi discriminate tak kan nih ve na lai awm thin in ka hria, nge kan rilru a la in hawn tawk loh vang…. Ka hnathawhna lamah hian vai pa pakhat min ngaina ve em em tu hi a awm pek a, tlai khat chu chaw ei ah min sawm zui a. Mahni a kal ai chuan tiin ka Mizo thianpa ka sawm veleh chhawng a. An in kan va thlen chuan an nitei leh patea te chhungkua an lo sawm khawm a, khual tha thlen in min lo thleng a nih chu! Hnamdang ka thian te ho (a hmei a pa in) hian Mizoram tlawh an chak thu hi min hrilh teh fo a mahse ka ngaihtuah ta mai mai a, chhungte chu sawi loh thenawm khawveng te hian eng tin tak lo ngai ang maw… vai ramah a awm ve dek dek a,vai pa/nu mikhual a nei nghal ringawt mai te hi min lo ti mai ang ah te ka ti rum rum…lolz… Mizo rilru ah chuan vai an nih tawh chuan “ vai ho chu…” tih a ni nghal zel ringawt bawk si. Chutah, Mizo chu mi inthlahrung leh midang/thenawm khawveng te ngaihdan ngaichang lutuk hnam kan lo ni nen…
Kan thawhpui vai pakhat hi Mizoram ah kum 7 teh meuh mai hna avangin a lo awm ve tawh a, ti hian ka bulah a sawi a “Mizo ho chu in zau, BUT WITHIN YOUR SOCIETY, hnam dang/ hmel danglam te lakah chuan in zau vek e ka ti hran lo”, a ti…Vairam a mihring an tam ang hian Mizoramah hian han tam ve ta thut ila, enge kan an ang aw ka ti mai mai thin…
Vai ram leh vai ho fak tum hrim hrim a ziak ka ni lo. Helam a ka experience chhe lam pawh sawi tur ka nei ve nual mai.
Vawi khat pawh kawngsir a ka kal ka bazar haw lam chawhnu dar 3 velah hian, kan inluah ka thleng tep tawh tih ah, vaipa kawngsir a lo zung chuan min hmuh veleh a a sazu chu ka lamah a rawn ti lang a (a hr***t zui a) ka hlau lutuk in ka thleng chu aw rawl nen ka tap vak tawh.
Tin, kan thenawm nu hian tukkhat an in bang ngheng a phone ka hmang chu, ka bulah rawn kalin a bang si lo turin min rawn hrilh a, ka sa tawp bawk… Tin, inluah chungchangah pawh landlord ten a deposit min pek duh lohna ka tawng nual a, rilru chu a na ve thin…
Mahse ti zawng hian ka ngaihtuah ta mai mai a, mipui an tam em a sual tak tak chu an awm tur a lawm… chumi avanga hnam pum ang zawng kan hmer tel thin hian kan thiante, fate ah zirtirna dik lo kan pe zawk a ni.
Vai ( Bengali/Tamilian/Punjabi etc.)kher ni lo, hnam dang hrim hrim kan teh thin naah hian tawng fimkhur thin teh ang u, Mizo ho pawh teh in kan awm ve tho si a…
Mother Teresa pawhin “”IF YOU JUDGE PEOPLE, YOU HAVE NO TIME TO LOVE THEM” a lo tih kha maw…
Similar Posts:
- Chanpual hauh a na
- Mizoram House stinks
- Dan lova mi rama luh hi!
- Vai – II
- Mizoram Pawn – Ka thil huat te
May 25th, 2012 at 8:34 pm
Ka van lawm tak em.
Report this comment
May 25th, 2012 at 8:41 pm
Mizorama bengali vai chhe ho leh mainland a vai te chu tehkhin chi pawh an ni hleinem..
Report this comment
May 25th, 2012 at 8:42 pm
I thlirthiam ka ti khawp mai, a ngaihnawm e. Vai kan tih chang nilo kan thenawm a kuki etc. pawh hian Mizoramah chuan chep an inti ve viau tho mai. Inenfiah tlan chu kan ngai a ni ange.
Report this comment
May 25th, 2012 at 8:48 pm
Post tha tak a ni
Report this comment
May 25th, 2012 at 8:49 pm
mainland nen tehkhin hleih theih loh kan chhehvel a vai chhe ho hi a tam zawkin a kan thlen phak tawk a ni miau si a lawm le.
Report this comment
May 25th, 2012 at 8:58 pm
Thatnaa inlawm tawn hian nun/chen ho a nuam fo reng a ni. Khawi hmunah pawh misual leh mifel an awm tih hi hre nawn fo ila.
Thiam leh thlir zau takin i tawnhriat i ziak a, a ngaihnawm; mi tam tak tan zir tur i chhawp chhuak e; hlim takin lo awm zel teh..
Report this comment
May 25th, 2012 at 9:41 pm
A ṭha khawp mai. Kei ve tehlul hi khawi hmun ah pawh awm ila in adapt chak em em mai mi hi ka niin ka hreve reuh a. Ka chenpui te nun dan awlsam taka ṭawmpui nghal zung zung thei mi ka nia, chu chuan ṭhatlohna tam tak pawh a nei. Amaherawh chu ka sawi duh chhan chu, vai ṭhian neih hi ka sam lam a, an bulah chuan ka Mizo zia hi phawrh lovin samlam takin ka in adjust mai thei reuh a. An nuna ngaimawh fe fe tam tak sawi tur ka neia, fakna tam tak, tluklohna tam tak kan neih pawh ka hria. I rawn sawi ang ho pawh hi ka hrethiam khawp mai, kan discriminate zawk a maithei bawk, mahse hei hi chu chhan leh vang tam tak a awm a, kan hmuhsit bik vang pawh a niin ka hre hran lo. A ṭha a te an ṭhat rualin a nawlpuia lak chuan vai hi chu an ṭhian bil te chungah an ṭhatna hi alang a, Mizo te anga hmelhriat miahloh pawh in pawh tel tel hi an nei ve lo. An tam em vang pawh aniang, an mahni hnam unau te ah pawh an Discriminate a, chutih rualin an hnam pawh nilo mahse an ṭhian te chungah chuan an ṭha em em thung si a ni. Keini chu kan hnam hrim hrim ah kan la inti unaua, pawnlam mi ah erawh kan discriminate a ni leh mai.
Report this comment
May 25th, 2012 at 9:47 pm
Vai tih ringawt pawh khan hnam hrang hrang a awm leh a, chung ho pawh chu an zia hi a in anglo leh hlawm a ni. Kan zirna ah khan kan class ah Bengoli an tam ber a, ka Hostel mate ah erawh North Indian an tam leh em em thung a, kawm ve ve dawn chuan anni ah pawh hian rilru hran ve ve put a ngai tho a ni. Engpawh nise Mizo hi kan tha zawk
Report this comment
May 25th, 2012 at 9:49 pm
Post tha viau e. Pu Rokungan, “Hnam dang hmusit mai lovin thianah i siam ang u” a lo tih kha. Mahse, nula tan chuan conservative deuh ula chu ka duh khawp mai.
Report this comment
May 25th, 2012 at 9:56 pm
Ziak tha khawp mai. Thil reng reng hi side khat atang chauha thlir chuan a diklo thin reng ani. Vai phakar pahnih khat vanga vai zawng zawng kan hmu phakar anih chuan a diklo tawp ang. Vai zing ah misual an awm, chutiang bawkin Mizo ah pawh sual kan awm tih hian a fun kim ber in ka hria.
Report this comment
May 25th, 2012 at 10:12 pm
Tha khawpmai
Report this comment
May 25th, 2012 at 10:37 pm
Ni e, i sawi dik khawp mai. Pu PKfanai sawi ang khian nula chu conservative zel ula a thain a him ber mai.
Report this comment
May 25th, 2012 at 10:40 pm
ka hmuh ve dan mai2 chuan vai rilru zau tawh vek2 hi chu kan lo tluk lo khawp mai…
Mikhual te hi an thleng zen2 loa, an in a thleng tura an sawm tawh chin ngat chungah hi chuan engkim hi tihsak an duh nimai hian ka hria….
Report this comment
May 25th, 2012 at 10:43 pm
Eng hnam pawh ni se, mi chungah hian that han chhuah phawt mai ila tha ber mahni zahawmna hlauh chuang lovin. Min haw viau a nih pawh hian that chhuah hram zel hi tha ngai an ti lutuk te a nih lem loh chuan. kei khawi hmunah pawh hian ka awm ang2 hian ka awm ve tawp zel mai a, mi hi ka va judge ve vak lem lova hahdam thlak ang reng. min lo hmusit deuh pawh nise engah teh vak ka ngai chuang lem hlei lova, khami avang khan ka va ngaihsan phahin ka buai phah lem lo bawk a.
Report this comment
May 25th, 2012 at 10:44 pm
Ngaihnawm tak a ni.
Nia, hnamdang hmuhsit hi Pathian pawn a phallo, Israel ho hnenah pawh hnamdang hmusitlo turin a ti a, “Nangni pawh Aigupta-ah khan hnamdang in nih kha!” a ti mai reng a ni.
Report this comment
May 25th, 2012 at 11:54 pm
Ziak tha lutuk ringawt…
Report this comment
May 26th, 2012 at 12:19 am
Vai thian ka neih ve te hi chu tlawmngaih, thilphal, hawihhawm leh nachang hriatah ka tluk loh an ni deuh zel.
Report this comment
May 26th, 2012 at 12:28 am
Report this comment
May 26th, 2012 at 12:37 am
A va mak e aw lal VaiVa chu, hetiang hi i la ching reng elo? i sim tawh emaw ka tia…
Report this comment
May 26th, 2012 at 12:43 am
Lol… Vaipa a nih khi VaiVa a ni bawk lo Lal Senman
Report this comment
May 26th, 2012 at 12:45 am
Ngaihtuah zui tlak tak a ni.
A post-tu hming hi a nalh dangdai riau mai….’miss e tlar’.
Report this comment
May 26th, 2012 at 1:06 am
Post tha khawp mai…Mizo kan in tih changkan ang hu hian kan la hawi zau lo deuh chu ni e….Hnamdang zing a awm chiang hian kan mawlzia a hriat thin…In zir a tha khawp mai ni e… everyone has good or bad experience…
Report this comment
May 26th, 2012 at 2:54 am
Tum khat chu, thenawm PWD IB a thleng Vai 1 hian, Hotelah ka ei duh zawng an siam ve lo a,khawngaih takin i inah wai wai ka lo siam thei ang em ? Ka ngawi vang vang a…PWD IB-a a thlen nachhante ka zawt a,SBI Manager reilo te chhung a Charge la lawk tur a nih thu min hrilh a.Mahni chanah ka indah a, ka khongaih em avangin, chaw ka eitir ta a,lawm em em in,a nupui Silchara awm a bia a,Pathian that zia chu tiin a lawm zia a hrilh mawlh mawlh….Hun a liam hret a,rang taka pawisa thawn ngaihna ka neih avangin SBI-ah ka kal a,an lo tam em em mai a.Chu vai pa chuan, ka lo tihsak ang che a ti a,ka pe ve mai a.Mizo thawk ve 1 chuan ngei hmel tawkin”Tinge i rawn pek rikngawt a lo ti khur khur mai a”.Min endan kha vawiin thleng hian ka mithlaah a la cham Vai hmelhriattu nih kha a va nuam lo ve!!! Mahse,in ngaih ngaihin lo ngai mai teh u ti rilru chungin ka chhuahsan ta a.Vawiin thleng hian SBI-ah mamawh ka neih chuan, eng ang pawhin buai se, min puih a chak reng thin.”Miin in chunga an tiha i duh tur ang zelin mi chungah pawh ti ve rawh u” Luka 6:31
Report this comment
May 26th, 2012 at 3:18 am
#23
Pawngpaw huat leh hmuhsit ringawt hi dik lem lo chuan ka hria, kan ti ve kher kher teh ang.
Report this comment
May 26th, 2012 at 3:33 am
#24.Ka chung chiahah i awm thei kher kher ngawt mai.
Report this comment
May 26th, 2012 at 7:58 am
Ni e, a dik alawm. Vai ho zingah hian a pangngai chin chu fel tak an ni. Delhi a hnathawka ka awm lai pawh khan fel tak tak min ngaina em em tu an awm. Mahse, a hnuaihnung leh a mawl zual bawk hi ni hnawksak leh chu. Khawvel a ni miau a mihring hi a in an vek theih loh a nih hi
Report this comment
May 26th, 2012 at 9:50 am
Nia….a dik thawkhat ang.
Phakar leh pakhar hi an inhmu sakhi thin a lawm,..Chenghnih min dil chuan, Cheng-li han pe ila…. a fel vek mai. Isua ringtu te hi kan phakar/selfish ve thin a lawm….
Report this comment
May 26th, 2012 at 11:36 am
Ka’n ti ve teh ang…”A tha tawps”
Report this comment
May 26th, 2012 at 11:45 am
Kei chu ka nuih a za em mai…hahaha. Post ṭha khawp mai. Mi pakhat khi a ngeiawm em mai pawh a.
Report this comment
May 26th, 2012 at 2:15 pm
Tha khawp mai.
Report this comment
May 26th, 2012 at 3:48 pm
I thil thlir dan a puitling dap dap khups mai.
Report this comment
May 26th, 2012 at 4:28 pm
Hot raw pip!
Report this comment
May 26th, 2012 at 5:10 pm
Like like…:-))
Report this comment
May 26th, 2012 at 9:16 pm
Ka thianpa pakhat(vai tho) chuan ,”Vai ho hi ka ning, sapramah ka pem daih dawn” a ti
Report this comment
May 27th, 2012 at 7:29 am
Han sawi belh tur tehchiam pawh ka nei lo aaa.. Mahse khi vaipa zunga khi chu a mimal tak pawhin ka ngam chi tak a nih ka ring
tren tren
Report this comment
May 27th, 2012 at 7:47 am
Kan mizia a zir in vai ho pawh hian kawm tur leh tur loh hi an hre ve tlat. An sual vek bik love
Report this comment
May 27th, 2012 at 10:09 am
GP…Delhi ka awm ve chhung khan vawi thum meuh ka hmelhriat ngai pawh ni lo vaipa 3 in anmahni insengso thakin min pui tawh…ka thian vai te hian vai dang tenawm chi lakah vawi 2 min chhan tawh bawk..
Report this comment