Mi tam tak chuan World Cup aiin an dah sang zawk mah a; a chhan chu World Cup-ah chuan Continent hrang hrang kha Represent kim ve biai angai a, USA, Mexico, Honduras, Chile, South Africa, Ghana, Morrocco, Cameroon, Egypt, China,
Korea, Saudi Arabia, Iraq, Australia, Japan tih vel kha an tel ve nuaih mai thin a, an chhangchhe deuh thin a ni. EURO ah hi chuan an felfai thuh mai a, 2008 EURO ah te khan England te kha an in pet tling zolo anih kha.
Europe a ram hrang hrang ten hun rei tak inthlitfimna(Qualification Round) anneih hnua tling han nih ringawt pawh hi thil lawmawm tawk tak hi ani tawh a, Tumah chhe zawk zawk an awm tawh loh avangin, in hnehsawh leh insawp nasa pawh an awm thei tak tak tawh lova, rinloh tak tak an Champion tlat changte pawh a awm thin. Hman kum(1992?) ah pawh tling tawh sa rambuai avanga tel leh thei talo aia thunluh Denmark kha Michael Laudup-a te unau vanglaiin an rawn champion daih kha. Khati tlat kha a nia.
Tichuan Qualifying round harsa taka rawn paltlang ram 16 te chu Group 4 ah team 4 zela inthenin an han inkhel kual ta mup mup mai a. Group B, Group of Death an tih mai phei chu FIFA ranking a Top 10 tling thah mai dahkhawm kha annia, an pui rem rem hle a ni.
Sheldon-I te tah phah lek lek khawpin Team tha leh beiseiawm ber mai pakhat Netherland te pawh an tla vang vang mai anih kha. Hnehna an chanin an lawm em em maia, mualah tlankualin an sapatal a, mawi leh mawilo pawh dawn lovin an kawrte an phelh a, anmahni tantuho lah chu an lam a, an te teng tung mai anih kha. A chaklo lam lah Tlangvala pumpa an men piai puai hlawm mai zawng anih kha. (Keini ho ringlotute leh kan bialnu/bialpa te hmaa Lal Isua kan zahpui thin ang ngawt chu anni thinlo a ni)
Referee ten lai(fair) takin game an thunun tlat a, chemawilo deuh chuan vaukhanna(Yellow card) an hmu thin a, game zawna an hmuh phei chuan, a game dawt leh an khel theilo hial thin a, Player pawimawh annih phei chuan Team tan a pawi thei hle thin a ni.
Tin, Game khatah tumhnih an hmuh phei chuan Red card hmuin hnawhchhuah anni thin a, midangin an thlak theihloh avangin an pawl pumpui tan a pawi em em mai thin a, World Cup a Argentina leh England inkhelh tuma David Beckham an Ortega a tauh thluk luih te khan hnawhchhuah ani a, England kha an chakloh phah ang hiala ngaih ani a, England-ah pawh haw nghal ngam lovin, USA lamah a teikual ta daih anih kha. Tin, France ho pawh, World Cup a zawna la thei tur kha, Zidane-a insum zawhloh avangin Red Card a hmu a, Final-ah Italy ho an hneh talo anih kha.
Tihkoh Paula hian Kristian nun hi Infiammite intihsiakna nen hian a tehkhin thin a, Korinth thawn khatna bung 9 ah khan chiang takin a sawi a ni. Chang 24 ah khan intlansiakhote chu an zain an tlan a, nimahsela pakhat chauhvin lawman a hmu thin tih min hrilh a. Tun EURO ah pawh hian Team 16 thlanchhuah atang hian Team khat chauhvin Champion nihna Lallukhum an khum dawn a, Champion Nomawi chu an la dawn a ni.
Vanram pana kan kal naah hian thlemna chi hrang hrang hian min hual vel reng thin a, ringtute hi Infiammite ang thovin kawngtinrenga insuma, Exercise lak renga, fimkhur taka nun hi a tul takzet a ni. “Sawmte chu tam tak anni a, Thlante erawh chu tlemte an ni” tih ziak anih kha hre reng I la.
Tirhkoh Paula chuan, anni zawng Lallukhum chhe leh mai thei leh bo leh thei chang turin chutiang tak chuan an bei ani a, keini erawh zawng Lallukhum chhe ve theilo; chatuan daih chang turin kan bei ani a, he khawvel infiammite aimaha insum theih leh nun uluk a, exer lak that angaih thu min hrilh mawlh mawlh mai a ni.
Brazil hovin World Cup tum 3 an lak avanga an neih hlen tak Rangkachak hlawm KG-5 zeta siam World Cup kha Rukruin an ruk sak a, an lo chhuang tui vek mai anih kha. Tuna European Cup an lak tur te pawh hi kum 4 atan chauh ani a, neih hlen theih ani lo, nimahsela, thi leh thau pawlh tak meuhvin an bei chu anih si hi.
Tirhkoh Paula ropuina chu a taksa a tichhel a, a thuhnuaiah a dah thei tlat anih hi. Chutilo chuan Pathian thu tlangaupui ve dup dup tawh si khan, Sualah a tluk mualpho leh a hlau thawng em em a ni. Germany Team te hi Player pumraw lian leh khawvel huap pawha Lar thiau mai nei anni a, Champion tura rinkai ber anni.
An Goal bawh pawh a na, mahse, anmahni goal lam an lo ngaihthah deuh thin a, rinkai lo zawk Defence nei tha em em mai Italy lakah an mualpho ta a, an tap per pur mai anih kha. Ringtute hian Sual Ral lakah hian kan Defence hi kan ngaihpawimawha, kan venthat reng hi a tul tak zet zet a ni
Setana hian kan chaklohna lai hi a zawng a, a hre thei em em mai a, chulaiah chuan min bei chat chat thin a ni. Zanina Final khel tur ram pahnihte pawh hi, an inbuk tawk em em mai. Goal keeper tha lutuk an nei v eve a, Defence lah chu Italy ho hi Khawvela Defensive game thiam bera ngaih anni a, Spain ho lahin khawvel club tha ber bera khel Ramos(Real Madrid) leh Piqque(PK-a?)-(Barcelona) te annei a, Goal a luh tam a rinawm loh dun khawp mai.
Mid Field-ah lah chuan, khawvela mid fielder inkawp fuh ber mai 2 Xavi leh Iniesta te Spain-in annei a, Italy lam lah chuan tun EURO 2012 a Player thabera ngaih Pirlo anlo nei si. Pirlo hi Defender 4 ho hmaah a ding a, an beh deuhvin Defender 5-na ani nghal a, goal a hlauhawmin Last Defender angin a khel a, Defender ho hnen atangin ball a la a, Mid Field-ah a sem darh a, Chutiang chuan Mid Field General dik tak ani bawk si.Mid-Field inbeihna a hmuhnawm ngawt ang.
Striker lamah Italy hian Tun EURO 2012 chhunga Striker thaber tih ngam Balloteli anlo nei bawk si. Hetah tak hian Spain ai hian an chungnung deuh zawk awm mang e? a tih theih ta. Spain lam hian David Villa an chhawr theilova, World Cup hnuhnungbera Champion puitu Torres lah hi an ring ngam tak tak si lo, Mid fielder ni reng thin Fabregas te Striker angin an chhawr ta vel mai mai a.
Zaninah hian Fabregas nge an rin dawn Torres kan hmu ang chu. Ringtute hi mid field velah mawi takin khel thin mah ila, goal kan nei a, chu chu Thlarau bo Krista hnena hruai belh zel hi a ni. Kan goal a chhuih lut ngei tur hian kan theihna dan kawng kawnga tan kan lak theuh hi a pawimawh ngawt mai; Lalpa Lawmzawng a ni si a.
Sunday hman nuam vek u le.
Similar Posts:
- EURO 2012 Semi-final | Germany vs Italy
- EURO 2012 Semi-final | Portugal vs Spain
- Euro 2008 June 13 | Romania v Italy | Holland v France
- EURO 2012 Quarter-final | Germany vs Greece
- Zanin inkhel en nuam vek u…!
Tah deuh rup hian...
July 1st, 2012 at 8:31 pm
Naktuk office kan kal tlai leh dawn a ni maw… aaaaaaaa… mahse a pawilo mai, a tawpna tur a ni bawk a 😀
Comon Spaintaly!!! Woooohooooo!!!! (L)
July 1st, 2012 at 8:40 pm
Zanin chu Spain tawp leh thak ang aw…. Khamawin L.I.V.E.R.P.O.O.L (Y)
July 1st, 2012 at 8:40 pm
Hm. En leh ila.
Rawn bilh pawlh mawi khawp mai, ziaktupa pawh. 🙂
July 1st, 2012 at 8:42 pm
Pu Pka’n Euro a rawn review/preview meuh chuan Tirhkoh Paula leh Setana te hming kan hmu tel nawk mai lawm le 😀
July 1st, 2012 at 8:46 pm
^ hahahah #4 😀
A rawn mix thiam khawp mai pu PK-a nge nge…
July 1st, 2012 at 8:55 pm
Sunday pual tur atana ka rilrua awm rauh rauh ania, mahse kan hotuten April to June Report kimchang July ni 2 hmain thehluh tur an rawn ti teu mai a, nizanah dar 2 thleng ka bei a, sunday pual han neih loh ngawt aiah ka han ti ve leh hram anìh hi. Have a blessed sunday tì pawh a inhmeh chiah tawh lo ve, “Inkhel en nuam vek u” ti zawk teh ang. Khawi nge ar puah rih phawt teh ang.
July 1st, 2012 at 8:56 pm
Sunday pual tur atana ka rilrua awm rauh rauh ania, mahse kan hotuten April to June Report kimchang July ni 2 hmain thehluh tur an rawn ti teu mai a, nizanah dar 2 thleng ka bei a, sunday pual han neih loh ngawt aiah ka han ti ve leh hram anìh hi. Have a blessed sunday tìh pawh a inhmeh chiah tawh lo ve, “Inkhel en nuam vek u” ti zawk teh ang. Khawi nge ar puah rih phawt teh ang.
July 1st, 2012 at 9:03 pm
pu pk an rawn post se ka lo tih lai arawn post ngei e.hot leh dawn,pu sadman a cu luck lo thei e.champion leuge atang tawh khan 😀
July 1st, 2012 at 9:06 pm
i va rawn theologised tha pap pap ve aw. naran lo khawp mai.
July 1st, 2012 at 9:18 pm
Pu Pk-a chuh, i va rawn bei tha em. Ringtu nun nen i rawn hmehbel nalh hle mai. Mahse, zanin hian chu lam chu kan thluk rih lovang. Football lam chauh kan thlur rih ang 😀
July 1st, 2012 at 9:29 pm
Pu PK, ngaihnawm hle mai. Zanin chu chung chhhawrthlapui a eng hle mai, lung der si lo !
July 1st, 2012 at 9:33 pm
Pu PK, ngaihnawm hle mai. Zanin chu chung chhhawrthlapui a eng hle mai, lung lah chu leng der si lo !
July 1st, 2012 at 9:43 pm
Zingah khan Sunday pual hmuh ka lo in beisei viau a nia; mahse, hei a á¹ha alawm. Chuan, kan Lalpa khengbettute kha ka’n á¹an daih teh ang. Anni hi Lal remruat ti hlawhtling tute an ni si a.
July 1st, 2012 at 9:44 pm
Tha hle mai a. (Y)
July 1st, 2012 at 9:50 pm
Van bei ngaihnawm lehpek ve aw…kei chu tan zawk tur pawh ka hrelo…a chak zawk zawk ka tan mai ang..huiz
July 1st, 2012 at 9:50 pm
Van bei ngaihnawm lehpek ve aw…kei chu tan zawk tur pawh ka hrelo…a chak zawk zawk ka tan mai ang..huiz
July 1st, 2012 at 10:08 pm
Rawn warm up lawk, online a inkhel en na website hrilh thei in awm em? Thanks
July 1st, 2012 at 10:41 pm
He post hi chu chawhma dar 10 velah chhuakin EURO final pual post chu chhangteval/Lalsisena ten an rawn paws ang chu ka lo ti deuh a. Mahse hei heti alo nih tak siah chuan inthlahrung hauh lovin in tan zawk leh chak tura in rin zawk te han sawi hlawm ta che u.
July 1st, 2012 at 10:41 pm
Italyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyy
July 1st, 2012 at 10:43 pm
pu pk #18, ee final te chu veteran kan kian che lawm 🙂
Zopatriot #17, http://www.istream.com/euro-2012/?gclid=CO3xi9Klv7ACFWdU4god9R-vpw
July 1st, 2012 at 10:53 pm
An va’n á¹an har tawh tak em!!
July 1st, 2012 at 10:57 pm
Italy defence a á¹ha zawk a, attacking pawh an hlauhawm zawk, ka ti ve mai mai. In pass kual reng ringawt hi chu a entu tan a ninawm duh eee :-O
July 1st, 2012 at 11:02 pm
Balotelli pawh ‘next match’ miss tur a awm tawh dawn si lova, a khel tluan ve mai ang a zanin chu 🙂
July 1st, 2012 at 11:05 pm
Spain ka tan e. Balotelli khelhna team ka tan ngai lo ang :-[
July 1st, 2012 at 11:06 pm
Spain in record kan siam don e,i thlir ang aw.Ultimate pawhin ‘hriselna tha nei a final thlir tu te Pathian hnenah lawmthu sawi mawlh mawlh turin,duhsakna min hlan e.’
July 1st, 2012 at 11:09 pm
@20 Chhangtevel- Thanks, ka hmu thei e.
July 1st, 2012 at 11:13 pm
Spain leh ang aw… (Y)
Liverpool YNWA (Y)
July 1st, 2012 at 11:14 pm
Xavi hi tun tounament hi a che tha lutuk lem lova, portugal an tum á¹um pawh khan an passing game mumal kan hmu thei lo kha nia, zanin hian eng tak ang ang maw…
July 1st, 2012 at 11:19 pm
Darkar 1 vel bak awm tawh lo 🙂
July 1st, 2012 at 11:19 pm
Ka Spain phawt, mahse Super Mario a chet that chuan kan buai ve thei dawn tlat in ka hria.
July 1st, 2012 at 11:23 pm
Spain lamin midfielder tha chungchuang tak tak rual ho passing game hmangin hnai set sawt atanga thun an tum ang a, Italy bet zawk deuhvin an lan ka ring. Pirlo leh Rossi ten Cassano leh Balloteli te tan counter attack through ball an vawrh chhuah thut thut a rinawm viau mai.
July 1st, 2012 at 11:30 pm
Spain game hi a hahthlak lampang deuh chu a ni. Ball passing lamah chuan an tha thlawt, mahse an finishing a ho thei mah mah thin. Zanin hian eng tak ang leh ang maw.
Italy hi defence lamah an tha thei hle a. Tunhma atang tawh khan defence phui tha tak karah counter attack tha zet hmangin an khingpuite an lo hneh fo tawh thin. Hetiangah hian lone striker tha tak, thiam si, chak bawk si an awm chuan an hlauhawm duh fu mai. Engtak ang ang maw….
Zanin zet chuh… team tha pahnih inkhel tur an ni bawk a, goal-keeper an nei tha ve ve, striker pawh duhthusam nei ve ve an ni a, a hmuhnawm viau beisei teh ang.
July 1st, 2012 at 11:32 pm
Spain hian goal a shoot tur chuan vawi tam tak an inpass kual a ngai a, italy chu vawi 3/4 vel pass ah an pet goal thei(hman zan balotelli goal 2na zawk kha en ula) 😛
July 2nd, 2012 at 12:07 am
spain team tur zu mit thla ve thei a :-O
July 2nd, 2012 at 12:07 am
spain team chhampion tur zu mit thla ve thei a :-O
July 2nd, 2012 at 12:13 am
HAHAHAHHA…BUFFON ZAI RING ZIA KHA.. !!!
July 2nd, 2012 at 12:13 am
Kan football player (Spain leh Italy) pawh an zai thiam vak lo a nih hi 🙂
July 2nd, 2012 at 12:14 am
1-0 😛
July 2nd, 2012 at 12:18 am
Spain ho hi an khelh boring vaih!
July 2nd, 2012 at 12:18 am
Tren tren
July 2nd, 2012 at 12:19 am
An khel a va dul ve
July 2nd, 2012 at 12:26 am
Spain ho chu an va ninawm ve!
July 2nd, 2012 at 12:29 am
Spain ho passing mai mai chuh ava han acurate thei deuh ve le. Italy lam pawhin ball an vawrh fuh thei teuh thin hle mai.
July 2nd, 2012 at 12:31 am
Khai a!
July 2nd, 2012 at 12:32 am
Hmmm….
July 2nd, 2012 at 12:33 am
goal
July 2nd, 2012 at 12:38 am
A hmuhnawm eee…
July 2nd, 2012 at 12:47 am
a va á¹ang at at lo ve 🙂
July 2nd, 2012 at 12:53 am
Pirlo chuan spain ho passing a dang chat ngun leh ta hle mai
July 2nd, 2012 at 12:54 am
Italian defender ho anmahni lamah ball an delay mah mah