Perspective

July 26th, 2012 7:28 pm by lr hlonchhing

(Zirtirtu tur ka ni lova, zirtir tur ka ni zawk. Chuvangin, thil inkawlkalh deuh deuh ka sawi dawn)

Hei hi i hre tawh a, ka lo hre tawh. Acid leh Base a in react apiangin, product ah Salt leh Water a chhuak ziah a. Acid (thûr) leh Base (khâ) kha, Neutral ah a chang tihna a nih chu. Chuti a nih si chuan, Party lian pahnih Congress leh MNF hi in react ta se Neutral Party awhawm tak a chhuak ang em?

Khawvel temperature sang tial tial avang ngawt a kan nulate hnuai khuh hi sang tial tial a ni lo, kan nun a sang ve tawh tawk tihna a ni. A feng chhing hi i hmu khawlo ringawt lo ang u, fual tak leh hnufual taka kan awm chhung chuan a fel lovang. An inhmeh leh hmeh loh chu thuhran nise, a hmeh te’n an inhmeh chuan a tawk, kan feng chhing te hian khawvel an thlirsang tawh tihna a ni zawk daih asin.

Mahse, hei hi han ngaihtuah teh. Mi hmuha chhing nalh leh khal mawi tak hian, fianrialah a chhin belh ani emaw a position a duhtui loh rual chiah hian, buaina a thleng thin zawk hi a lo ni. Khawlaia chhing satliah hian, sex video a hring lova; fianriala feng fual ten an fen chhin avanga buaina kan tawh hnem zia te hi i ngaihtuah hlauh ngai em le?

Hlauhna hi hlauhna a ni lo, kan ngaihdan mai a ni. Chutiang chiah chuan, kan ngaihdan leh thlirna hian, min hmuhtir leh duh dan a tidang lam thei. Kan mawina hriamhrei thawmhnaw style hian, ramthimah kan position min duh uluk tir lo a nih erawh chuan, kan mawh a ni a. NLUP hi miretheite min dawmkan nan leh rahbi min tuksak an tumna a ni a, Mobile Phone leh TV lei nan anga i thlir tlat chuan; TUAI i ni daih ang. Zu amaha che thei lo hi, MLTP Act nghawngkawl hian reh hlum kher tum suh. Reh hlum tumtu mihring rilru i hneh hma chuan, a to leh tui ngaiin a la tui tho tho ang.

Sex hian indopui rapthlak tak a chawk tho thei. Chutiang a nih theih phei chuan, ram leh hnam thlir dan hrang hrang avang hian, ram leh hnam hi an inhmelma-in, laipuiin a kua a chhuahsan phah thei. Thlirna tlang leh ram kan hriat a pawimawh. Kohhran kal phung reng reng, khawvel taka i thlir chuan; i khawvel-kohhran nghal ang. Mimawl nihna
ani. I harh em?

Martin Luther King Jr. sukthlek dangdaitak chuan, “Black is strong, black is beautiful” tiin a ralrel tir a. Midumte vun a lo ngo ta a ni tih tunlai khawvel hian a hmuh hmaih ka ring lo. Mingo thufing chuan, “Let the ordinary people do ordinary things” a ti. Mi pangngai chin nia inhria chuan, thil pangngaitakin thlir rawh se. Vantlang chung lampang nia inhria phei chuan, thlir dan vantlang chungah nei rawh se a tihna daih ani a, by-heart tlak a ni.

Mahni nunna, keimahni kut ngeia kan han chhat te hi i ngaihtuah ngai em? Eng buaina nge kan tawh a, eng harsatna nge kan lo hmachhawn tawh tih zo zai te. Heng mahnia an nunna thlah zalen mai ta te hi, mi dawihzep an ni. An nuna harsatna paltlang ngam lo khawpin an dawihzep a, hrui invalh hi an lo awrh thin mai a zawk a ni e.

Ka sawi tum tak chu hei hi a ni. Pathian hian vision, intelligence leh strategy ropui tak hmangin min vura, thilnung dang zawng ai pawhin kan ropui reng a ni. I hlu a ni tih inhre rawh, saihlum hrual nawk nawk; hahchhiau khum palh atanga nung i ni lo. I pianni leh thihni thlenga lo duang lawktu hian, rawng chi tam tak thliar second rei lote chhunga thliar thei turin mit a pe che a. Thlum, thur, kha, sa, vawt adt. hre zung zung thei nghal tura duan i ni bawk a.

Chumai a la duhtawk lova, ramsate chunga thunei tura hmanraw pawimawh rilru leh suangtuah theihna a pe bawk che. Heng hi thilnung dang reng srengin an nei lo tih hria ang che. I hlu a ni. Chuvangin, i rilru leh suangtuahna dik tak hmanga thlir dan ropui,danglam leh zirtirtu nih hi, i tih makmawh a ni e.

61 Responses to “Perspective”

Pages: « 1 [2] Show All

51
april Says:
July 27th, 2012 at 11:37 am
@lr hlonchhing nunna min petu leh min kawl that sak theitu chu Pathian ani tih ka pawm thlap e. Mahse min kawl that sak thei tu kut a kan kawl tir duh tlat si loh chuan, a duan lawk nilovin keimah nin kan enkawl that dan a zir in a tawp hma/a tawp har a remti ni chauh in ka hria. Hemi in a a huam loh mi bík an awm ang tih chu lrpa sawi ang khian ka ring e.
Report this comment
52
lr hlonchhing Says:
July 27th, 2012 at 12:02 pm
@april, engkim Pathian remruatna hnuaia che leh awm lo i hria em ni? Tuna tanga darkar khat chhung lek pawh i awmdan tur i rel fel thei lo. A remruatna hnuaiah i awmin, i che mai mai a ni. A remruatah ngai hmiah la, a chhan dang zawngin i buai pawh a tul lovang. Bumtu bumna i tawk zawk a ni e.
Report this comment
53
april Says:
July 27th, 2012 at 2:00 pm
Hmm..ka sawi tum ka sawi fiah tawk lo ani maw! A remruat chu ka ring a lawm, kan nun a thil thleng zawng zawng erawh a remruat lai a a ruat tel anih vek ka ring lo ka ti zawk ani. E.g Kapa in ka naupan lai in ka thanlen dan tur rem a ruat lawk a. School kalna tur te, college kalna tur te, zir zawh a hna tha tak ka thawh theihna tur in a tul ang apiang, tha leh zung, sum leh pai a seng a. Mahse tleirawl lai atang a zu in tan in, lehkha pawh zir chhunzawm theilo ta ila, a remruatna chu a puitling lo tihna alo ni ang. A thu awih te ah chauh Pathian remruat hi a ziktluak ka ring. Mahse kapa ang hian a remruat a lo bahlah pawh in, tih ngaihna hrelo in a en tawp ka tihna a ni chuang lo.
Report this comment
54
Pangpuielhtliaka Says:
July 27th, 2012 at 2:51 pm
Hemline Index theory pawh an lo hmuhchhuah phah kha. Khawlum vang ringawt chu a ni lovang ka ring…
https://en.wikipedia.org/wiki/Hemline_index
Report this comment
55
lr hlonchhing Says:
July 27th, 2012 at 3:17 pm
@april, engkim kan Pa vana mi remruat vek a ni e.
Report this comment
56
april Says:
July 27th, 2012 at 3:46 pm
Ani ngawt loooo…
Report this comment
57
Charice_mizo Says:
July 27th, 2012 at 3:58 pm
keimahnin kan tih ve theih leh kan hlawhchhuah ve theih hi tam tak a awm…tih hi ka ngaihdan a ni. Pathianin kum za dam tura a ruat pawh nise Pathian hawisana sualkawng a zawha, enitrnan zu leh drugs te a chen bur bur reng chuan rei a dam chuang lo vang. Tin, vai hnam chhia zinga nausen piang, mi hausa fa chu nise dam tur, an nu leh paten an retheih em vang emawa an tih hlum tak te pawh an tam em em. Hei tak hi alawm chhia leh tha hriatna Pathianin min pek nachhan, meizu ngailo na na na chu chuap cancer in a thi dawn ami, tualthat lo na na na chu thi tura a chung thu rel a ni ngawt dawn em ni etc Nangmah ngei pawh kha Pathianin a rawngbawla rei tak dam turin turin ala duh em em maithei che, mahse i rilru kal sual ta tlat se tunah khan choka chem hriam tak lain i thin hnunah han invit ta thawih mai la, i thi tho ang..kha daih kha asin!
Report this comment
58
lr hlonchhing Says:
July 27th, 2012 at 5:21 pm
@Charice and April, i pianni pawh duang fel thlaptu hian, in thih hun a duan thlap in ring lo a maw? Siamtu remruatna hnuai lovah, a thilsiamte an awmin an che dawn lo em ni le?
Report this comment
59
lr hlonchhing Says:
July 27th, 2012 at 5:30 pm
@charice and april, a tichiang turin, hei hi lo chhiar ta che u.
Thuhriltu 3:1-10 thu te mai hi, Pathian thawk khum meuhva ziak hi inpawm emaw?
Report this comment
60
Candelas Says:
July 27th, 2012 at 9:26 pm
Ka chhiar hman hunah sei tawkin ka rawn comment ve ang.Comment ka hmuh phak chin hi comment ve lawk.
Meizu ngailo na na na Chuap Cancer a thi ka hre tawh.
Report this comment
61
april Says:
July 28th, 2012 at 10:56 am
@lr hlonchhing…i chang ron tarlan khi ka hmuh veleh ka chhiar nghal a. ‘E alo nih hi’ ka tia, ka dang ta vang vang a zankhua khan mu ta lo chu ka ngaihtuah chhunzawm a, heihi ka thu tlukna ala ni rih e. Nang in Thuhriltu 3 : 1-10 i tan chhan a, kei in Bible pum deuh thaw hi ka tan chhan e Bible hian kan tih tur leh tur loh a ziak khat chuk mai a, lehkha thawn ho phei hi chu ringtute awm dan tur zirtirna ani ber a. I sawi ang a kan pian ni atang a kan thihni thleng kan awmdan zawng zawng hi ruat lawk nise chuan Bible kan neih hi a tul lovang a, biak in a kan in zirtir chamchi hi a sawt bawk hek lovang a, ama ruat lawk ang khan kan awm mawp mawp mai dawn a sin Thuhriltu sawi hi ruat lawk chung chang a sawina ni lovin, engkim aman a hun a tih ah ati mai thin tihna ani mai lo maw?
Report this comment