A thiam leh peih te leh a mamawh te chu ruihhlo heroin ani tawp mai. Court McGee chuan ruih mai loh chu tih tur dang a hre hlawl lo a ni ber a. A tawp a tawpah phei chuan loh theih lo vin a pa chuan a in a ṭangin a hnawtchhuak ta nge nge a.
A unaunu (cousin) trailer in-ah chuan a khawsa chho ta a, a ani chuan ngaihtuah em em-in, han vil ṭhin mahse, tih tum na na na chu vensen ni bik hek lo, a nghei lo tawp a ni mai!
Meng phar khup deuh lup chuan darthlalang an en a, a meng phe riai ruai chuan darthlalang a ṭanga rawn en lettu chu a hre der lo.
Tichuan a unaunu trailer bual in-ah chuan, chumi ni a a vawi 30 chuang tihna tur chu a buatsaih mek a. Khami ni khan ruihhlo, heroin, Xanax leh zu tih vel engzat chiah nge a khawih tawh pawh a hre chiang tawh lo. A hriat chin chu, bualinah zan dar 10 pel hretin a lut tih chu ani dawn ta a ni. An thlek vang vang a, nakin lam a a vawikhat tih tur a tan chuan a la ngah tawk dawn thove tiin an in kap (shoot) nam leh ta hak a nih kha.
Inkap nam hap han tih hian injection chiah hian dang (throat) lamah a rawn nam chhuak hak ṭhin tihna a ni! Sept. ni 4, 2005, zan dar 10:45 vel bawrah chuan, a thlan hlup hlup tih bak chu a hre zui tawh lo…“Immediately after that shot, I got really sweaty, and that was it,”a ti a ni. Minute 15 vel hnuah chuan EMS (emergency medical service) ho chuan, kum 20 lek a upa McGee chu thiah an pawm ta a ni.
A unaunu khan a hmuh tirhin CPR te chu pe ve mahse, an awmna Northern Utah hmun fianrial angah chuan EMS an thleng vat thei lo fo reng a ni.
Ambulance a thawkte chuan beidawng duh mai lo vin, a lungphu an hriat loh hnu, mar deh tur reng a neih tawh loh hnu pawh chuan lung ṭhawn thutna (heart defibrillation) te an hmang a, a heroin do tu a tan chuan naloxone injection an pe bawk a. Tichuan le, mak tak maiin minute 5 hnuah chuan a lung phu a lo awm leh ta, an va lawm tak em!
Nikhua a hriat leh hriat loh inchhawk zak zak chung a damdawiin an panpui lai chuan a pu, Grandpa Bill chuan a vil reng bawk a.
Damdawiin a ṭanga a chhuak chu detox leh rehab center lamah te awm a, mahse ruihhlo khawih leh hlan a nghakhlel em em reng mai a. A hma a a chet chhiat thup nan ruih vak a theihnghilh a duh ber a ni. “All I wanted to do was get loaded and forget, “I was full of shame and frustrated with my life.”
Kum 2006 Easter ni tak chuan $20 man cocaine a lei a, a haw lam chu a car petrol a zova, in thleng zak a nawr haw a ngai ta a. An inngaihtuah chian chuan, chutiang reng a nun chu awmzia awm lo takzet tih a hre chhuak ta a, “A tawk ta e…” a ti ta tawp mai a ni.
Ruihhlo chu taksa lam hreawm tak chungin a nghei hmak a, gym lamah te kalin Jujitsu leh a naupan lai a atuina inbuan (wrestling) te chu a zir chho leh ta. Rei pawh a zir hman lo, a hma daih a ṭanga lo zir tawh te chu a tum ruhna, a rilru pekna a vang chuan a hneh chho ta zel mai a.
Invawng ṭha, insawizawi peih leh rilru lam pawh harh kar mai a nih takah chuan Utah state ah chuan MMA inelna lamah a lut ṭan ta a. Dec. ni 1, 2007 an nih meuh chuan, Chuck Liddell pawh UFC’s light heavyweight title lo chuhpui tawh, Jeremy Horn chu a tum thei ta.
Kum 2006 a ṭangin tun thleng ruihhlo a khawih tawh lo va, nupui fanau neiin eizawngtu ber a ni ta a. Tin, vawi tam tak Ultimate Fighter a nihnaah hian middleweight division-ah hnuhtu chan a chang chho mek zel a ni. Hemi bakah hian boxing leh Karate te pawh a khel peih reng.
Tum hi chuan a lo theih a ni!
Chhiar belh duh tan:
http://en.wikipedia.org/wiki/Court_McGee
Similar Posts:
- Ruihhlo
- Ruihhlo hâlral
- Ruihhlo do… Heti zawng hian…
- Ruihhlo vangin Mizoram-ah kum 26 chhungin mi 1,184 thi
- I cham reng thin asin
August 23rd, 2012 at 2:34 pm
1st phawt i la..
Report this comment
August 23rd, 2012 at 2:40 pm
Eng zatna nge aw ka nih?
Report this comment
August 23rd, 2012 at 2:52 pm
A ngaihnawmin a chhuanawm khawp mai.
Anni hi chu an heti mai zel chu a nia, damdawi ngawlvei atangin tharum hman ngai chi ah leh nghal. Kan rama kan damdawi ruihhlo hman lar ber ngawlveite hian tum ve ta se an thei ang em? Heroin hian taksa a khawih chhiat dan hi a nep bik nge, a taksa a khawihchhiat tak tak hmain a bansan ni ang? Ti deuh nuaih
Report this comment
August 23rd, 2012 at 3:25 pm
Va ropui ṭhin êm
Report this comment
August 23rd, 2012 at 3:31 pm
Hetiang mite hi a ni mi tumruh chu ni. Ruihhlo ngai, sim hlen leh thei tate hi an ngaihsanawm thin. A ti ngai lote hi chuan a hrehawmzia an sawi bak hi kan hriatpui ve tak tak lova; mahse nghei duh ngawih ngawih nghei thei si lo an awm atang hian mi tlemte tuarchhel fal chauhin an nghei hlen theiin ka hria. Post tha tak a ni e.
Report this comment
August 23rd, 2012 at 4:05 pm
Terema Chhakchhuak, kan rilru hi a neitu keimahni hian kan thuhnuaiah kan dah ngam a pawimawh a lawm. Kan neihte thua kan awm chuan han tum ve uk mah ila eng a sawt thei ngai lo ania.
Mizoram angah chuan awmpui kan nei fo ṭhin. Kan awmpuite chu kan duh angin an khawsa mai a nih kha. A nihna takah chuan hetiang chiah hian kan rilru pawh kan thuhnuaiah a awm tur a ni. Mahse, mihring rilru derdep leh zuau tak mai hian tum peih lohna a ngah em mai a, an neih chuan a thunun ta mai ṭhin.
Report this comment
August 23rd, 2012 at 4:47 pm
Ruihhlo bawiha tang mek te tan chhiar a va tha dawn em! Diktak chuan an ruihhlo bawih atang hian chhuak thei tawhlo a inngai, thihchilh tawp mai rilru pu an tam ka ring. Tumna a awm chuan kawng hi chu a lo awm a ni.
Pathian hian thilmak hi a thlentir fo reng ani. Ka nau fapa chanchin pawh Misual ah ka post tawh kha, 25minutes medically dead hnu khan a lo dam leh anih kha.
Report this comment
August 23rd, 2012 at 5:18 pm
A ngaihnawm khawp mai.. Ultimate fighter ho hi k ngaisang hlawm a nia..hmuhnawm pwh k ti thei khawp mai.
Report this comment
August 23rd, 2012 at 5:36 pm
“Where there is a will, there is a way” Simna(Repentance) kan tih fo hi, hetiang ang hi a ni berin ka hria. Thil tha lo kan chin thin, tih leh tawh ngai loh duhna tak tak conviction siam hi.
Report this comment
August 23rd, 2012 at 5:39 pm
sheldon #7 tum chuan theih tehreng mai. #6 a ka ziah ang deuh khi a ni maiin ka hria.
In nau chu a vannei hle mai!
Report this comment
August 23rd, 2012 at 5:41 pm
#9 a dik ang
Report this comment
August 23rd, 2012 at 5:47 pm
A posttupa hi thu chu a thiam ve chiang alawm!!..
“‘Inkap nam hap han tih hian injection chiah hian dang (throat) lamah a rawn nam chhuak hak ṭhin tihna a ni! “”
a hrilhfiah thiam rap!!
A ngaihnawm dan a dang tlat..
Report this comment
August 23rd, 2012 at 7:21 pm
A van ngaihsanawm riap riap ve le! Heroin tlan hrep hnuah tiang khian infiamna rothap lutuk tak mai chi-ah a dingchhuak thei a nia, pui tak a ni pui tak, pa entawntlak tak a nih hi mawle….
Report this comment
August 23rd, 2012 at 9:49 pm
Tunlai chu i post a ngaihnawmin a tha thei hle mai, tute pawh hi fuih mawlh mawlh hi kan mamawh niin ka hria, tunlai mizoram hi ! Tlangval duhawm tak takte, nula hmeltha tak takte an lo suicide leh mai thin hian fuihna kan mamawhzia a ti lang. Tumna a awm a, kan nun chhung hi chuan kawng hi alo awm zel mai. ….
Report this comment
August 23rd, 2012 at 10:38 pm
avan ngaihnawm ve aw
Report this comment
August 23rd, 2012 at 10:55 pm
kei chu mei hi a ni mei zial hi..
ka thei lo chu ka ti duh lova … ka la ngam lo a ni
Report this comment
August 23rd, 2012 at 11:20 pm
Mipa diktak chanchin a ni maw.
tren tren
Report this comment
August 24th, 2012 at 12:48 am
Pu Hva, i sawi dik khawp mai, mahni pawh inthunun theih tawh loh chuan midang thunun hi a theih loh tluk a ni. Ruihhlo pawh hi a tum tak tak chuan an nghei thei tho mai, kan sikul kal laia kan zirtirtu pakhat hi Heroin ngawlvei dam chhuak leh hi a ni a, nghei a tum tak tak chu thla 3 chhung a mu thei lo e an ti hial asin. Chuvang chuan a that lohzia hrechiang tawhtu a ni bawk a, kan sikul kal laia zirlai naupang Heroin lo khawih an mante pawh kha a zilh nasa khawp mai.
Report this comment
August 24th, 2012 at 12:55 am
Terem, #18, Kei pawh hi ka thih vat ringtu an tam teh a sin.
http://henryvangchhia.blogspot.....n-lai.html
Report this comment
August 24th, 2012 at 1:14 am
#19,
A ngaihnawm kher mai!
Report this comment
August 24th, 2012 at 1:34 am
Terem #20 chuvang a lawm, “Nunhlui ngai hauh lo vin, hun liam ta tam tak ka ngai fo. Kan tun hun ngei mai hi ‘nunhlui ngaihawm’ a nih theih nan hman ṭhat i tum fo ang u!” ka lo tih fo ni
Report this comment
August 24th, 2012 at 2:00 am
Pu Hva chu tawn hriat leh dai hriat i ngah bik kher mai a! Hetiang hi kawng lehlamah chuan nunhlui sawi tur leh ziah tur hi an ngah bik a, an awhawm ang reng viau lawi asin.
Report this comment
August 24th, 2012 at 4:57 am
CHhiar ve tura ka duhte chuan an chhiar dawn der si lo a aw!!!! Rilru a khawih khawp mai
Report this comment
August 24th, 2012 at 5:18 am
Jacka Pi, print out la an pek theih mai lawm ni aw?!
Report this comment