«
»

I cham reng thin asin

September 7th, 2012 7:00 am by Sangpuiipa

Tun tum chu mi(sual).com ah hian ka true story kan puang chhuak ve ange. :-P Hming thenkhat leh thu thenkhat hi a lem ka hmang dawn a. A thu kalphung erawh hi chu a tak ngei a ka lo tawn atanga ka rawn ziak a ni e.

Ka tlangval lai khan(ti ve khanglang ila) kan khua leh a chheh vel ah kha chuan ka to ve thin khawp a. Uan pui chang suh sela, lehkha lam ka lo ti thei fu bawk nen, sum leh pai lamah lah keini ang thingtlang khua ah chuan sawrkar zar zo phak leh a khawsa thei ber pawl kan lo ni bawk a. Tin, hna rum thawk ngailo kan lo nih bakah ei leh in lam a lo tha bawk nen; in tifai peih tak ka lo ni lehzel bawk a. Chung vang te pawh chu a ni mahna, nula ho zingah chuan ka hmel a tha in ka langsar em em thin. Zep thu lah cheng lo, tlangval tam tak pawh kha ka thian ni phak, ka kawm tawh chin ho kha chu an induh ve larh zel nia.

Chutiang tak a nih avang chuan nula ho zingah phei chuan ka tlak nat dan tur chu in lo hisap thiam mai in ka ring. A nia lawm, khawlai a ka tawh te pawh hian min be lova min kal pel mai nula an vang thin khawp mai.

Kei lah nula lam ngaihsak em em lo ka lo ni bawk si a. Ka luck em em tih kha ka lo hrethiam lawk lova. Ka hriat chhuah tak na chu kan khaw  School pakhat ah  zirtirtu hna ka thawk ve zawk a, kum khat lek ka kal chhung khan class tin ah khan ngaihzawng ka lo nei nual hman a ni awm e. Kei phei chuan ngaihzawng ka nei tih pawh ka lo hre ve lo pek a. Ka ngaihzawng ni a an sawi te pawh kha ka lo hre hlawm lova. Kumin july thla khan an hming leh hmel ka hmu in ka hre kim ve chiah! Hetih hunlai hian Sangpuii Nu nen hian kan ni ve tawh. :-P

Hetiang taka ka lo luck vang hi a ni mahna (! :-P ) khatia nula lam ka ngaihsak ve takah kha chuan ngaihzawng te ka kawp ta teuh thin a (ka lerh vang em ni zawk!). Nula ho lah chu an rawn interview chhawk sek hlawm bawk si a, kawp mai loh chu ka tan han tih vak tur awm hek lo. :-D

Zan khat chu kan thianpa bialnu kan rim pui a, kan nula rim nau ti mai ila, kan nula rim unaunu fanu a lo awm ve a. A hmel a tha in a ngo nalh reuh phian mai a. Keini ho a kotlang A team ho chuan an nau chu kan lo fiam ve bawrh bawrh a, chu an nau hming chu Puii a ni a. Tichuan le, kan len tak deuh fo avang chuan kan in nel chho ve ta hle a, a tawp ah phei chuan ka fiam peih bik vang pawh ni chiah lemlo chuan kan inkar ah thil ri ret ret a lo piang tan ta. Puii chuan min lo duh em em mai a lo ni a. Kei lah chuan naupang chhe en takin ka lo en ve a, ngaihzawng lam rilru pawh pu lemlo in kan chhaih vel mai mai thin a ni si a.

Hetih hunlai hian Sangpuii Nu nen kan nih mek avangin ka ngaihsak teh vak lova. Mahse Sangpuii nu nen hian khaw hran a awm kan nih avang leh, Puii nen chuan khawkhat a awm kan nih vang chuan kan in hmu zing lo thei lova. Amah lah chuan min rawn zar chhen mai bawk si a.

Ka thiante thleng chuan a hnu lamah phei chuan an rawn sawi pui ta luai luai mai a. Sangpuii nu nen kan in hmu ngailo bawk nen, phone chauha in be thin kan lo ni bawk si. Chhung ten phone bill hek min sawi khum chhen karah chuan Lunglen hnem ah tiin Puii nen chuan kan ni ve tak tak ta a. Sangpuii nu nen chuan ka kawp ta hmiah mai. Ka sual vang nge ni ang, inthlahrun na chhete mah ka nei miahlo nia!

(Part -II ah ka rawn chhunzawm ang…)

Similar Posts:

Recent Posts:

This entry was posted on Friday, September 7th, 2012 at 7:00 am and is filed under Whatever. You can follow any responses to this entry through the RSS 2.0 feed.

36 Responses to “I cham reng thin asin”

  1. 1
    buhtlei Says:
    September 7th, 2012 at 7:06 am

    first phawt ang (C)

  2. 2
    chhana Says:
    September 7th, 2012 at 8:12 am

    Kan inan hmel hle mai, keipawh a rukin ka luck zek a nia :-D

  3. 3
    Sangpuiipa Says:
    September 7th, 2012 at 9:32 am

    @chhana, min tluk lo deuh in ka ring. :-P

  4. 4
    JaKura Says:
    September 7th, 2012 at 9:52 am

    Ehh..Sangpuiipa hi, i sawi tlem laklawh kual vel lutuk…rawn chhunzawm vat rawh… Nih loh chuan Sangpuiinu ka hrilh ang.. :-P

  5. 5
    saint sammoo Says:
    September 7th, 2012 at 10:51 am

    chhumbung!!!!

  6. 6
    Awmtea Khiangte Says:
    September 7th, 2012 at 11:13 am

    Part II chu….

  7. 7
    lrpa Says:
    September 7th, 2012 at 12:14 pm

    ‘A va cham hmel reng si lo ve :-)

  8. 8
    sheldon Says:
    September 7th, 2012 at 12:24 pm

    Sangpuipa, i luck tih chu kan hre sa ve alawm…haha

  9. 9
    Dr Mahminga Sailo Says:
    September 7th, 2012 at 1:07 pm

    Kan va inang lo deuh ve. Ka luck lutuk ka hriat si, nulain min hriatpui ve si lo hi ka buai zawk a nia.. :-P

    Vai serial film a ang riau. Min tivir tawk leka tawp dan i thiam tlat… (Y)

  10. 10
    CFL Says:
    September 7th, 2012 at 1:21 pm

    Aw haw lw, Sangpuiipa article chhiar tur a awm leh ta e.

  11. 11
    Sangpuiipa Says:
    September 7th, 2012 at 1:41 pm

    Aw… PYKKA sport lamah kan buai lutuk a ka post pawh ka rawn vil hman lo.

  12. 12
    Charice_mizo Says:
    September 7th, 2012 at 1:41 pm

    Naa i thlalak te pawh rawn tarlang tel nghal la, i sawi ang khi i ni nge ni lo LOLZ..

    Part II rawn ziak vat…ka ziah khalh hma che hian :-P

  13. 13
    mate ainawn Says:
    September 7th, 2012 at 2:27 pm

    aih-ka-laih-saih….Ka Thidang dawn, min lo dawn teh u…

    Tha reuh lutuk

  14. 14
    ulawng Says:
    September 7th, 2012 at 2:37 pm

    I va vang ve :-(

  15. 15
    Chhuaklinga Says:
    September 7th, 2012 at 2:49 pm

    Chhei raw…. Sangpuiinu chan a chhe tan, part II-ah changtunu a che tha chho turah ngai ang. Ngaihnawm dawn e. (B) (B) (B)

    tren tren

  16. 16
    Kawnga Says:
    September 7th, 2012 at 6:35 pm

    Sangpui Nu pawh hian hmun dangah hian a lo kawp ru ve reng tho che a… :-D Ka hre vek, heti lam zawnga Part 2 i rawn ziah loh vaih chuan, ka thling baw hawkin thudik ka rawn puang ang.

  17. 17
    H.Vangchhia Says:
    September 7th, 2012 at 7:16 pm

    Ka kham lo deuh riau :-S

  18. 18
    chhangteval Says:
    September 7th, 2012 at 7:19 pm

    Hahaha hlimawm leh pek dawn e, rawn chhunzawm leh vat vat :-P

  19. 19
    tulunga Says:
    September 7th, 2012 at 8:01 pm

    kum 21 ka ni toh a ngaihzawng pakhat mah ka la neilo… Ka chianglo ami le?hahaha..

  20. 20
    Sangpuiipa Says:
    September 7th, 2012 at 8:03 pm

    Haha, in ho hlawm emai. Mahni lo mah a in tih thutak nak alai chuan. :-P Zanin ah part2 rawn submit ka tum ang.

  21. 21
    Sangpuiipa Says:
    September 7th, 2012 at 8:09 pm

    haha, @tulunga, i chianloh vang lam pawh a ni chiah lovang.

  22. 22
    sheldon Says:
    September 7th, 2012 at 8:24 pm

    Sangpuii Nu ka hrilh zo chiah e Misual a lut turin. An chhiar mah nang a zanin chu a na lam a chhawn ngei ang le!!

  23. 23
    sheldon Says:
    September 7th, 2012 at 8:24 pm

    Sangpuii Nu kan hrilh teh ang Misual a lut turin. An chhiar mah nang a zanin chu a na lam a chhawn ngei ang le!!

  24. 24
    sheldon Says:
    September 7th, 2012 at 8:33 pm

    Ka comment teh thruih chu! Sangpuipa vang, pawilo ve hat-trick ni mai…haha

  25. 25
    ɪ̣uɪ̣pnoɥ Says:
    September 7th, 2012 at 8:34 pm

    :-D:-D

    Ngaihnawm e…! (Y)

  26. 26
    Mx Says:
    September 7th, 2012 at 8:37 pm

    Hahaaa, luck mai mai :-D (Y)

    #19, ngaihzawng nei hmel i pu lo ani ang :-P

  27. 27
    Mx Says:
    September 7th, 2012 at 8:37 pm

    Hahaaa, luck mai mai :-D (Y)

    #19, ngaihzawng nei hmel i pu lo ani ang :-P

  28. 28
    tulunga Says:
    September 7th, 2012 at 8:37 pm

    @sangpuiipa ..enge nithei ta ang le.? Miin min zoh hunah chumi chu ania tih tur neih ve ka chak ve tawh khawp mai..hahaha…

  29. 29
    Ignatia (33-115 AD) Says:
    September 7th, 2012 at 8:39 pm

    SangpuiiPa hian kan tlangval ve lai min tihrechhuak alawm le!

  30. 30
    tulunga Says:
    September 7th, 2012 at 8:43 pm

    @mx.. Haha..a ni thei khawp mai. Mahse Phu tawk tal hi chu an awm ve a rinawm ani..chutilo zawng a fair lo dawn emai..:'(..

  31. 31
    Mx Says:
    September 7th, 2012 at 8:50 pm

    @tulunga, sangpuiipa bulah hian tal tam la chuan nula ho an rawn interview ve sek mai ang :-D

  32. 32
    tulunga Says:
    September 7th, 2012 at 9:04 pm

    @mx.. Chutia tih chu a ngai dawn ..haha. Mahni chuan ka beidawng ru deuh toh tlat..LOL..

  33. 33
    kawlhawk Says:
    September 8th, 2012 at 12:07 am

    (Y) :p

  34. 34
    Sangpuiipa Says:
    September 8th, 2012 at 8:05 am

    @tulunga, i tan liau liau post ka la rawn siam dawn nia. :-P @ku sheldon, sangpuii nu in ziak turin min ti zawk alawm. :-D

  35. 35
    ChhanaPa Says:
    September 8th, 2012 at 12:15 pm

    Part 2 chu lo ti tawh la

  36. 36
    I cham reng thin asin Part-II | mi(sual).com Says:
    September 19th, 2012 at 11:30 pm

    […] Part-I chhiar lo tan HETAH […]

Comments are closed

This is an archived copy of mi(sual).com — new comments can no longer be posted.