Aaa… ka ti nek nek a, za nufa lai ka’n paws ve tâk mai chu(h)! Rual û zâwkte pha lo mah ila, ka tân chuan Sachin-a century vuak chhuah nên a lâwmawm dân a dang tehchiam lo. Lâwm avangin biangah êm mittui luang lo mah se, ka kâ erawh zen ta ula, ka seh sawk ang che u! Vawiin kher kher chu ka thinrim aw râwl leh nu ân-cheh dung thûla ka âng bawrh bawrh thâwm aiin ka nui ri hriat tûr a tam zâwk ngei ang. Eng pawh nise, paws za-na ka han theh chhuak ve ta mai pawh hi min lawmpui ve theuh chuan ka ring. Lo kal r’u a ‘cial ngat ka lo treat ang che u… 
* Zahmawh phawrh khum: Kâr kalta inrinnia Sesawng khua kawngpui kama thawmhnaw zuartu Linda Vanlalmuanpuii leh a thiannu hmuh tûra a zahmawh phawrh khumtu SPML General Manager lakah nimin piah khân FIR thehluh a ni. An thawmhnaw zawrhna opposite inchhâwng luahtu SPML General Manager chuan a in luah varendah atangin hmeichhe pahnihte hi a zahmawh a phawrh khum a. Linda te thian dûn hian VC-ah an report a, hemi hnu hian Linda-i pa lungawi lo chuan Manager hi a tâwnzau a pawh thlêrsak a. Manager lungawi lo chuan Bawngkawn police station-ah FIR a thehlût a. Nimin khân Linda-i hian ama hmingin Bawngkawn police station-ah FIR a thehlût ve leh a ni. Bawngkawn police-te hi Manager la tûrin an thang mêk (tûnah chuan an la tawh maithei). Linda-i hi pasal pawmlai nei, fa pakhat nei tawh a ni. (Courtery – The Aizawl Post 10.09.2012)
** BCA result chhuah tlai vangin zirna hloh: MZU hnuaia BCA result tûn thlenga tih chhuah a la nih loh avangin zirlaiten harsatna an tâwk mêk. Zirlai pakhat phei chuan company-a a zir zawmna tûr a hloh phah. Tata Consultancy Services (TCS) exam leh interview-a tling Lalrengpuia, Govt. Zirtiri Residential Science College-a kal, hlawh tha tak pe chunga company-in zir zawmtîr an tum chu MZU-in result a tihchhuah theih loh avangin documents kimchang a submit thei lo va, Tata company-ten Chennai atangin an lo hawntîr leh. Aizawl City College Joint Students’ Union chuan “Sum tam tak sên thlawntîrtu MZU Exam Board hi mi tam tak career tichhetua a tang hi pawi kan ti tak zet a… an hna chawlhsan ngam tûrin kan ngên a ni” an ti. (Courtesy – The Aizawl Post 10.09.2012)
*** Vaipa hmuihmul: Vawiin office kal tûr bus-a ka chuang chu thil tawn maksak leh ropui pawh ni lêm lo, sexy lo ve thlâwt ka tawng leh pek alawm le! Mipui kan pung ta thut nge, bus a tlêm ta thut nge pawh ka chhût hman lo, a tâwt hian kan tâwt tlat. “Beng muka liam zawih zawih” tih ang mai kha kan ni. Vanduai thlâk takin vawiin chu ka bul vêlah nula no leh nalh, duhawm leh hmêltha, angel kawng bo ang tak tak an chuang ta hlauh lo. Pawi veng veng tak a ni! 
Vai pathuamin min hual a, vai tho sikul naupang lah ka kut dinglam rinchhanin ding chungin a lo muthlu bawk nên. Chhangchhe ve tak ka ni! Ka indawmna kut veilam bul chiahah chuan vaipa pakhat hmuihmul nei hi a awm a, ka banpuam chu a rawn fâwp leh zeuh thin! Ninawm viau mah se, a tihngaihna a awm chuang lo. Ani pawhin a duh bîk kher lo maithei, chêt sawn ngaihna a awm hlawl si lo. Chu zawng ai chuan a hmuihmulin ka bân a han chhun sep sep reng kha tawrh a har fê zâwk! Traffic lah chuan jam a thulh chuang si lo. Vaipa hmuihmula min chhunna chu a thak sep sep a, mahse hiat thei dinhmunah ka ding si lo. A tâwpah zawng tawngtai lêm lo mah ila, tluang takin ka tum ram chu ka thleng ta a. Ka thaw huai dâwn emaw ka tih laiin ka thaw kâwk kâwk mai nia!
Aw le, a tâwp ber atân chuan… sawi tûr êm êm pawh ka hre tawh chuang hlei law. Hria pawh ni ila, ka sawi duh tawh hlei ang. 
Similar Posts:
- Chemte-in mi 3 vit
- Zahmawh sawi hi sual a ni em?
- Bike intlansiak man
- Mela ah kan kal a
- Civil Hospital Cheina tur Rs. vbc 6.50 a bo
Nia,...
September 11th, 2012 at 7:13 pm
.
Report this comment
September 11th, 2012 at 7:15 pm
..
Report this comment
September 11th, 2012 at 7:16 pm
Congrats!!
Report this comment
September 11th, 2012 at 7:21 pm
BCA/MCA result tlai thin lutuk hi chu ava pawi teh reng em….hetia a lan mai ai hian a tuartu tan chuan a pawi leh zual, kan nau te pawh kumin atan chuan admission kan ti thei ta lo.
Report this comment
September 11th, 2012 at 7:35 pm
Awmtea, i rawn inlarna a la rei loh nen kum 100 i tling ta der mai. Congrats! Han post chhunzawm zel teh, bus tawt chuan experience i nei tha sia…hahaha
Report this comment
September 11th, 2012 at 7:35 pm
Za nufa tih hi PU kan kal lai a kan mizo Lecturer chuan ’150 sawina’ a ti a, post-tupa hian engzat sawina’n tak hmang ang maw? Ka lecturer sawi khi kum sawm liam ta vel khan a pension tawh.
I bus chuang khian min tih nuih chhuah huk chu le.
tren tren
Report this comment
September 11th, 2012 at 7:41 pm
Zahmawh phawrh khum tu hian eng dan chiah nge a bawhchhiat ang le? MHIP in an tan sak a hlau lawmni?
Report this comment
September 11th, 2012 at 7:47 pm
Awmte, century post ti si, za nufa ti leh bawk si….nge awmzia…
Eng pawh nise ka lawmpui che…
Tluang tein rawn post zel rawh aw…millenium turin….
a khat tawkin TMZ.com ve zeuh zeuh bawk la.. 
Report this comment
September 11th, 2012 at 7:47 pm
#7 James bond, IPC 294 dan hmangin a hrem theih exhibition case in.
Report this comment
September 11th, 2012 at 7:56 pm
Vaipa hmuihmul chu i pawhsak thawt lo nia. Congrats.
Report this comment
September 11th, 2012 at 7:59 pm
Kan puala University neih kan nghakhlel ve em em a, kan han nei ve ta cheng a, an hnathawh chu ava lawmawm leh si lo ve. Insiam tha vat teh se.
Report this comment
September 11th, 2012 at 8:02 pm
Thiante paw’n university an zawh suau suau tawh hi chuan in hmuh senior a awl ve khawp mai
Report this comment
September 11th, 2012 at 8:07 pm
Za nufa hi zahnih emaw ka tia
Report this comment
September 11th, 2012 at 8:09 pm
I paws za-na ka lawmpui a che
‘zahmawh phawrh khum’
A hit lo e…
Report this comment
September 11th, 2012 at 8:16 pm
Institution thenkhat exam mek laiin result tlema zawng hre hman an awm laiin exam zawh atanga thla tam ral hnuah pawh han peihfel theihloh chu thawk tlem tih a hriat hle mai… Dean dah belh rawh se. Deputation central service lama mi taima la chho sela a chak phah ngawt ang…
Report this comment
September 11th, 2012 at 8:20 pm
Zahmawh neitupa chu a va zakmawh ve. Het!
Report this comment
September 11th, 2012 at 8:23 pm
Yay
Report this comment
September 11th, 2012 at 8:40 pm
Paws hnem tawh khawp alawm le…lawmpui che
Report this comment
September 11th, 2012 at 8:46 pm
Za nufa tih hi za aia tam tihna maiah ka lo ngai a. Ka ziah zawng2 chu 101 a nia. published chu 100 chiah ni thung. chuvang te mai chu maw le
Report this comment
September 11th, 2012 at 8:55 pm
Za nufa chu 150 tihna. Zahmawh inphawrh khum hmanga in seduce (mipa zahmawh a hmuh avang khan, hmeichhia khan chak phahin lo chesual ta se) hi pawngsual anga ngaih theih a ni bawkin ka hria.
Report this comment
September 11th, 2012 at 9:04 pm
Tunlai chu comment close hi an uar riau mai pute ho hian. TSa post ah sawn ka nui hawk hawk chak a sin le.
Report this comment
September 11th, 2012 at 9:07 pm
Za nufa hi 150 a nih chuan ka lo hre sual a nih chu. Ka lo ziak dik lova, a pawi hle mai, in mi hriatthiamna ka ngen e. James Dokhuma ‘Tawng un hrilhfiahna’ ka en a. “150 vel” a ti kulh mai. Min hrilh hria a, ka lawm e.
Report this comment
September 11th, 2012 at 9:10 pm
Zahmawh phawrh khum..a luck loh tuah thlak tiah tiah e.
MZU chu ava zahthlak deuh ve,’a hming’ tak meuh meuh hian em mawni le University hi kan lo neih tak tak le.
I bula vaipa chu al hi alo ti ve viau ange..haha!
Congrats for the century post! ‘Nufa’ an tih hian ‘pair’ sawina emaw ka lo tia. Za nufa=zahnih angin ka lo hmang thin.
Report this comment
September 11th, 2012 at 9:14 pm
Congrats!! ti zel rawh, i thu post ngaihnawm thei e
Report this comment
September 11th, 2012 at 9:17 pm
#24 sawi ang zel hian
a dik chiah, mei nei tak takin i tawngkam i hmang ve bawk hek lo 
Report this comment
September 11th, 2012 at 9:32 pm
|
|
|/
hei i comment meiin ka comment box a rawn la hawlh pha ania.
Report this comment
September 11th, 2012 at 9:42 pm
Congrats
Report this comment
September 11th, 2012 at 9:51 pm
Comments are closed. Tah hian nui mai ang
Report this comment
September 11th, 2012 at 10:03 pm
congrats!!
Report this comment
September 11th, 2012 at 10:22 pm
Result hi a la chhuak tlai reng a ni maw? BCA kha semester exam hma kar vel khan semester hmasa result kha an tichhuak hman tawk thin a. MCA phei chu semester 1 tawp te an tichhuak lo an tiin ka hria. Result siamtuten an buaipui dan hre ve pha lo chuan “A mak a ni”, ti leh tawp phawt mai ang…
Report this comment
September 11th, 2012 at 10:36 pm
Ngatinge chuti em ema an tihchhuah tlaia? chiang taka an insawifiah ngei chu a ngai ang, an va nep ve! Hope they’ll probe into the matter soon, mi career an tihchhiatsak ringawt alawm le.
Report this comment
September 11th, 2012 at 10:50 pm
Comment an ah hian thil thar pathum ka hmu.
1. ABC hnuai a tick mark hring. 2. comment box tih lenna. 3. tunlai chu post thar comment close a nizeuh zeuh.
Report this comment
September 12th, 2012 at 12:03 am
Aizawl Post pawh chu ngati nge SPML General Manager hming zawk an tarlan loh aaaaa??
Report this comment
September 12th, 2012 at 1:59 am
MZU ho chuan 2005 Kum a pawl 3 Science ka exam na result pawh an la ti chhuak thei lo.
Report this comment
September 12th, 2012 at 6:55 am
Ka post published tirh atanga chhutin ni 2.27-ah pakhat zel post ang ka ni.
Tuk chhuah nuam ule
Report this comment
September 12th, 2012 at 9:12 am
Post i va ngah tawh bik ve le. Post za na lawm ang….
Report this comment
September 12th, 2012 at 10:23 am
Kan tlangval chu a va khawngaihthlak ve..
Report this comment
September 12th, 2012 at 10:48 am
A va ropui em!
Post tam hi, luck-na ni ngat se’ng chuan, ka tluklo hle dawn che a nih hi maw le…
I tawng mak ve thei riau mai. Kei pawh, tukin ka office kalkawngah, vainu sari kaih hnehk hnuk, nu lian ang reng tak hian min lo phar si a. Ka phur ve mai bawk. A lian roh si a, thui tak phurh a ngai ang tih ka hlauh ruk nak alaiin, earphone-a hla ka ngaihthlak avangin, a duh aia thui ka phur ta zawk. Saku saku a ti mawlh mawlh a. Inthiam lo deuhin ka chhuktir a. Lawmthu min hrilh luam…
Nula phurh tur awm loh paw’n, phurh tur hrim hrim chu ka van bik miah lo…
Report this comment
September 12th, 2012 at 11:37 am
Thu tha puipui post tur hre lem lo mah ila, post neih zel hi chu ka tuina nia. MAHSE, 100 chinah hi chuan tlemin ka reh deuh tawh teh ang te ka tia
Report this comment
September 12th, 2012 at 4:11 pm
I va thaikawi hnem tawh bik ve! Kei chuan 100 post tling turin post 98 chiah ka la hmabak.
Report this comment
September 12th, 2012 at 7:57 pm
a khaih aw…tunge mahni zahmawh lo inphawrh leh ringawt khi…ka va nui nasa tak em
Report this comment
September 12th, 2012 at 8:34 pm
Banner thar
Report this comment
September 12th, 2012 at 11:23 pm
Kan centurion chu cheers
Report this comment
September 13th, 2012 at 1:45 am
Century Paws chu lawmpui tlak a ni e. Thla tin paws 1 tal ka tum a, ka la thei lo. Post ka ba trul tawh mai…
Report this comment
September 13th, 2012 at 5:17 pm
In ti lawmawm e, ka lawm tak zet a ni. Rawn post zel pawh ka tum ang, a rem chuan…
Report this comment