Khawihli leh Arngeng te hi, a hun hmaa sawr chuan, chhuak silovin hmun dangah a rawn chhuak thin a, chu chu a hlet an ti thin a, tih huaisual phei chuan, a pung hluai thei thin. Tin, hmanlaia Sazu kua laih an chin thin lai pawh khan, a kawpui nilo, a hletah an lo puh ruk daih chang a awm thin a, a daw-ha thlak hle thin a ni awm e. Thil nekna(pressure) na tak nei, tui leh thil dang ang te pawh hi, a chhuahna kawpui hnawh phui chang hian, hmun dangah a put duh hle mai a, chu chu, a hlet chu a ni kan ti thei ang.
Rilru lam zirmi Psychologist Sigmund Freud? chuan tihian a lo sawi a. ‘Mihringte hi a ruh no apiang chhuak tur leh, a ruh chang apiang ding chang turte zing ami kan nih angin, tharum thawh chakna hi kan rilru chhungril takah hian a awm ru tlat a, hmanlaia kan pi leh pu ten tharum hmanga an lo inkhuainuai thin thisen kha, kan thisenah hian a la zam tlat’ niin a asawi.
‘Tichuan, mihring kan lo changkan hnu leh kan Sakhua ten tharum thawh lam alo khap hlawm si avangin, kan lo insum ta tang tang hlawm a, kan vela mite hmuha mawi kan lo zawng ta a. Rui lo hai lo chuan, tharum han thawh buan buan kha kan lo ti duh ta meuh lo a ni. Chu tak mai chu, kan rilru fim hmang theilo leh pawisak nei mang lo khawpa, Zu leh thil dang kan han ruih a, ngaihtuah a tawi tuk chinah chuan, a lo langchhuak ta thin a ni’ tiin Rilru lam zirmi(Psychologist) te chuan an sawi a, ka pawm zawng tak ani tlat mai.
Rui lo hai loa awm chung pawh hian, thin thawk thut leh thinrim phut hi a la awm thei cheu mai. Chutiang hunah chuan, mawilo taka midangte chunga kutthlak hreh siin, kan hnaih hnaih chunga tuan emaw, kan thil ken lai ang ang tuar tir a, thlawh fur fur mai a awl hle mai bawk. Pa ber zu nam phiang phuangin a rawn haw a, nu berin a lo tum khum a, chaw a lo siam sak tha duh lova, a lo an khum mial mial mai a. Pa ber thinur tawp khawk chuan, insumkar miah lova a nupui chu kut thlak a duh a. Nimahsela, a rilru la fim chuan, chu chu a phal si lo. Tichuan, a hmuh remchan ang ang chu, a tha tawpin a thlawh ta fur fur mai thin a lo ni. An nu duk cher chura kut thlak ai chuan, a la tha zawkin a hria a ni. Tichuan, chutia eng emaw chunga a thinurna a hrik thlak zawh hnuah chuan, a thinurna rawn so bulh bulh leh, a tharum thawh chakna chu hrik thlakin a lo awm ta thin a, ngai a lo awh leh thei thin a ni.
Chung tianga thalai hrisel leh chak tak tak, tharum thawh chak zek zek si te tan chuan, eng eng emaw, an chakna hrikthlakna tur siam leh neih a lo ngai ta thin a. Chuvang chuan, Boxing te, Wrestling te, inbuan te, miruang inchuh te, insuk nawr te, Rugby leh Football te, tiang hmanga tha tawp tawpa vuak pawp pawp ngai chi, hockey te, base ball te, Cricket(Vaivawm) te pawh duan chhuah an lo ni ta zel a ni. Boxing a an inhnek thi bei bui leh, an in Knock-out te hi thil rapthlak leh hrehawm tak anih hmel tehlul nen, tlangval chak leh thazate tan chuan infiamna nuam leh hlimawm tak a lo ni si. Chutiang zelin UFC ang te pawh hi.
Eng vangin nge Mizote hian Zu in hi kan thiam hleih theih mang hauh loh mai le? A chhanna nia ka hriat chu, Kan Kristiannain ruilo hailoa tharum thawh buan buan leh pawisawilote chunga kutthlak a phal si lo. Chutah, Zu kan han in a, tihdanglama kan han awm tak chiah khan, kan harhfim laia kan sawi duhloh tha tha kan sawi chhuak a, kan tawng puat puat a, mi pawi kan sawi a, miin kut min thlak an lo hrehlo deuh bik a, keini lahin hriam lek leh kan chakna lantira, insumkarna neilo lek a chet chhuah kha kan lo hrehlo ta thin niin ka hria. Nang enge I ngaihdan ve le?
Chuvangin, thalai tha za tak takte tan hian, an thazatna an hrikthlakna tur leh, an chakna leh hriselna anilo zawng leh pawikhawih zawng, midangte tina zawnga an hman lohna turin, thalaite tan hian INFIAMNA kan buatsaih tam leh hunawl nei lutuk lova siam hi a va tul em. Kohhran thalai pawlte thleng hian, hetiang lam hi uar a tul viauin ka hria. Engnge in ngaih ve dan le?
October 10th, 2012 at 1:09 pm
Ka hmasa ber em aw???
Report this comment
October 10th, 2012 at 1:09 pm
Chhiar tan dawn ila
Report this comment
October 10th, 2012 at 1:14 pm
Zu chungchang tih lohah chuan i ngaihdan khi ka pawm khawp mai. Chuvang chuan infiamna hi a tam thei ang ber kan ti thin tur a ni. Facebook side A ka ziahna chhan pawh heti ang lampang kan neih/tih tlem vang nia ka hriat vang a nia
Report this comment
October 10th, 2012 at 1:19 pm
Vawiin hi, mental health day ani tih ka lo hre ve pek lo va, lo hria ila chuan, han sawirem deuh hlekin ‘Mental health day’ pual bik deuhva han siam rem a that teh lul nen. Rilru hrisel tha neih hi a pawimawh hle si a.
Report this comment
October 10th, 2012 at 1:24 pm
Tuna mi pawh hian a hawisan lutuk chuang hlei nem Pu PK
Report this comment
October 10th, 2012 at 1:42 pm
Awmtea, nia, a ngaihbel ve theih chang changah ngai mai ang.
Report this comment
October 10th, 2012 at 2:07 pm
zanah ka chhiar ang
Report this comment
October 10th, 2012 at 2:11 pm
Hlet tha tak a nih hi. Hlet tha dang chhuah zel teh se..
Ka ngaihdan nen a inzul viau bawk… 
Kan chenna veng thenawm lawka Bethel AG International worship center (AG Church) hian thalai tan chuan thil an ngaihtuah chhuak nasa khawp mai. An entawnthlak ngawtin ka hria, tin Pathian malsawmna pawh he kohhran hian an dawng nasa, hmuh theihin an thang.
Cricket match hmuhnawm tak awm se, Biak In kawtah big screen changkang tak hmangin thalai tana en turin an buatsaih a, hunawl remchangah Pathian thu an hrilhin, Pathian fakna hun an neihpui a. Basketball zir duh tan national level-a khel thin te an kohhranin an chhawr mai a. Tin, music class biak in bulah an hawng bawk. Thil dang tam tak tiin, august thla pawh khan Hmar zaipawl (an tlangzarhnaah phei chuan, Mizo award winning choir an ti) te tan concert te an buatsaih sak.
Ka sawi ta duah mai. Nia, suahsualna pun chhan tam tak hi chu tihtur pangngai nei lo, thalai awm awl an tam em vang a ni..
Report this comment
October 10th, 2012 at 2:17 pm
Mimal ngaihdan a ni vang vanga a tha hle mai.
Pastor Sawiluaia sawi dan chuan Pastor Zathanga khan Mizote chu kan inzah thum a, rui lo hai lo chuan kan intibuai ngai lo tiin PuBuanga hnenah khan a hrilh thin a. Kha kha a ni’n lo la thutak ta deuh deuh a. Kohhran lam atangin Zu kha an nek ta vak a ni awm asin. Ngaihtuah a tithui duh khawp mai.
Infiamna hi intihhlimna a ni satliah ngai lo. Dawhtheihna, tumruhna, tihhramhrampeihna, inthununtheihna leh a dang tamtak a keng tel a ni. Zirna In tha apiangah infiamna an UAR thin. Hei hi eng dang vang a ni lova a chunga kan tarlante khi infiamna hian a pek tlat vang a ni. Mi infiammi tak Kohhran leh khawtlang tana hnawksak a nih theihin ka hre lo, chutiang mi chu ka hmu ngai lo bawk.
Post pawimawh tak a ni.
Report this comment
October 10th, 2012 at 2:41 pm
Tunlai hi a reh thei riau a, a nawm tur angin a nuam lo tlat
Report this comment
October 10th, 2012 at 3:44 pm
A ṭha ka tih zawng tak a ni. Tasa sawizawi ṭhat hian rilru pawh a harhvang, thil ngaihtuah pawh a fiah duh zawk hlein ka hria.
Report this comment
October 10th, 2012 at 3:46 pm
Awmte Khiangte , nia keipawh ka ti, ka lut tha peih lo, regu ho hi an buai lai a in nang vek a niang
Report this comment
October 10th, 2012 at 3:52 pm
Ka reh lai taka, midang an reh thuap mai hi ka hrethiam thei lo…
Awmtea’n thahnemngai takin mi(sual) run a lo luahlum a, a fakawm khawp mai..
Report this comment
October 10th, 2012 at 4:05 pm
Zu chhuanlama hman tlat mai tih lovah chuan ziak ngaihnawm khawp mai a.
Freud a hi Darwin’s a theory selectivity emaw ni ta kha le,khami influence kha a ni in an soi thinah, a theory tamtak a hi tunlaiah hian a relevant ber em tih chu hritthiam har tak chu ni. william james hi emotion in mihring a kaihhruai theih dan hi a fuh zawk mah hmel maithei lo ti ve ngot teh ang.
Report this comment
October 10th, 2012 at 4:10 pm
Zanah ka chhiar ang. Tunlai chu tinge maw ka buai em em reng mai a, ka misual chak thin tehreng nen!
Report this comment
October 10th, 2012 at 4:11 pm
post tha khawp mai, hetiang rilru hi alawm pawngsual chungchangah pawh case awm thei fo. a hlet hi..
tute emawah tisa chakna an va nei a, mi dangah an tipuitling ta thin a.
Report this comment
October 10th, 2012 at 4:23 pm
@Mahming, ka luah lum zo hlawl lo a ni. Run dai a chang mai dawn. Khawi nge, sikri kha han nun teh u…
Report this comment
October 10th, 2012 at 4:51 pm
Luahlum leh tan chiah i la.
Nia, Vakul sawi hi ka pawm thlap mai. Han sawi vek dawn ila, post a sei hma si a, a chhiartute lam sawi atan ka khek a ni e. Zu chung chang khi in pawm thei chiah lo a ang a, han sawi chiang leh deuh thei u la.
Report this comment
October 10th, 2012 at 5:04 pm
Ka thianpa kawm ngeih tak pakhat, zu a ina mize dang vek thin ka buaipui thin avangin zu in erawh a theih chin chinah pumpelh hi tha ka ti. Chutih rualin an duha an in erawh ka sawisel lo…
Chutia, Zu chungchang sawi tura min tih tak si ah chuan.., te ti vel ila..
Pathian zarah zu tel lo hian ka tha hi a za tawk viau a, chaw ei huai/tui nan ti dawn ila Pathian zarah ka ei tui phian bawk si. Nula rim huai nan tih phei phei, nula rim tur ka nei lo hrim hrim bawk.
Mahse, Vodka bottle erawh hi chu nalh ka va’n ti teh reng. Tui pai nan hman theih se ka ti ngawt mai…
Report this comment
October 10th, 2012 at 5:07 pm
Zu in, hlet a chhuahdan mawlhmaihi a ni’a, mak ka tih em em chu ni.
Mawngtam ti, na miah lova bianga a han sawnthei mai te hi.
Ruih loh lai a, accident ngai miah lo khan, ka ruih a vangin
tum hnih ngawtmai, accident ka tawk ve tawh tlat mai.
Report this comment
October 10th, 2012 at 5:26 pm
Eng sakhua mahin enga mah hmaa hriam leka tharum thawh buan buan hi a sapawt ngai lo, taliban rindan a nih ngawt loh chuan. Tin, hriam lek leh chakna i tih khi tunhma kan pi leh pute lu la thin i sawi tumna em ni aw ka tia. Hriam lek hrim hrim kha an tha zat vanga ching an ni lo. Tin, mizote hi tharum nena mi beia, che buan buan hnam kan ni hek lo. Mi kut thlak te pawh a tawp khawkah chauh kan ti thin. Zu te chu hnam dang pawhin an buaipui ve tho a, buaina siama tharum thawh pawh sawi tur a tam alawm. Mihring chhungrila thathona, tharum thawh chakna te chu kawntrawl theih a ni a, chu zu avangin kawntrawl theih lohin a lang chhuak thin. Chu chu Mizoah chauh ni lovin mihring zawng zawngah a ni. Chumi kawntrawl theite chu in thiam kan tihte an ni a, Mizoah pawh an tam ang chu. A sei ta duah mai…
Report this comment
October 10th, 2012 at 6:04 pm
Post full support. A dik lutuk. Mihring rilru chhungrilah hian tha rum thawh duhna mai bakah nunphung pangngai pel a khawsak chakna a in phum an tih hi a dik thawkhat in ka ring.
Zu ruih chhuanlama hmanga sual rawngbawl hi chu ka pawmlo, tiang mi hi chu a ruih loh lai pawha misual ani tho ang. Mi rilru tluang chu a ruih paw’n a sual kher lo. Zu an han ruih chiah khan an rilru diktak a lang chhuak thin.
Report this comment
October 10th, 2012 at 6:06 pm
Awmtea, nia, kan history han chhiar hian, kan pi leh pu te khan Sa leh ral lak atanga survive tur khan an bei tak meuh a, mi chak leh huaisen ten ngaihsan an hlawh em em a, sa leh ral laka ralmuan deuh lai pawhin Zawlbukah an inbuan a, an insuknawr bawk thin. Mizawn inchuh talin an inbei vak thin a ni. Khang ang thil kan bansanna kha a la reilo lulai em mai a, kan thisenah hian ala awm tlat niin a lang. Chu chu abikin tleirawl thaza ho khan zu an han in ruih chang khan, an thisena awm muhil diar diar kha, an kaitho ta thin niin a lang a, eng emaw ti zawng taka lanchhuahtir an tum ta thin niin a lang. Psychologist ho sawi angin hnam tinin an lo paltlang hnu a ni. Amaherawhchu, hnam upa tawh leh lo changkang hmasa tawh teah chuan, hei hi an lo kalsan tawh deuhin, ‘zu in an thiam’ kan lo ti ta thin niin a lang. (ka la sawi belh leh ang…)
Report this comment
October 10th, 2012 at 6:20 pm
22 Sheldon,
Report this comment
October 10th, 2012 at 6:47 pm
tihdanglam a awmna atan chuan zu hi chu a tha ve ngawt mai.
Report this comment
October 10th, 2012 at 7:24 pm
#22
Chhungrilah tharum thawh chakna a awm ang thoin ngilneihna pawh a awm ve bawk ang chu, kristianna in a phal loh vang a ni ber dawn chuang emaw ni le?
Report this comment
October 10th, 2012 at 7:41 pm
Thupuiah kan lut tawh ang e: Vailen hmalam, hnamdang chimbuai loh a, Lal leh Upate leh Valupa te kaihhruaina hnuaia khawtlang a awm lai khan, Rawlthar leh tlangval ten, a nazawngin zu an in ngai lova, ruih lek phei chu thil zahthlak tak a ni thin. Vailen hnuah Lal leh Upa te zahna leh hlauhna alo kiang a, tunhma a Lal leh Upate chauh chanpual, tlangval chungchuang thlanchhuahte chanpual kha, a duh duhin an lo in thei ta a, chawngchen leh kutni vangthla chauha an lo chen thin kha, hlutna nei lovin. An nawm an makin mi nazawngin an lo in theih takah khan, an lo hmangthiam ta lo ni ngei hian ka han chhuidawn a. Chutia zalen taka sual tinreng tihna remchanga hmanga tlangval leh pa hovin an lo hmangsual(abused) ta kha, Missionary leh kohhran hruaitu hmasate tan khan, khap kha, ‘tih mak mawh’ a lo ni ta, niin a lang. Tichuan, Zu chuan ‘Sual tinreng bul’ nih alo hlawh chho ta zel a, thalaite pawhin Sual tihna ‘Licence’ angin an lo hmang chho ta zel niin a lang. Tichuan, a kaikuang ber ni ta chu, kan Culture rawn her danglam bawih tu, ‘VAILIAN’ kha a ang ta ber mai.
Report this comment
October 10th, 2012 at 7:55 pm
Pu Pk @27, chuvang tak chuan ania zu hi sawi sawi a tulna. I sawi ang khian mi thenkhatin zu chu thilsual tihna license ah an hmang reng ani. A chhan chu zu hi kan hlau lutuk a, khap tak tak thei si lovin kan khap buangbar vel a, hei vang hian zu vanga buaina a pung reng ani.
Report this comment
October 10th, 2012 at 7:59 pm
@cchild, a dik alawm. Kristian ni lo te pawh ngilnei tak tak an tam e mai tiraw? Ransa te pawhin lainatna an neih chuan mihringah phei chuan a awm tur ani.
Report this comment
October 10th, 2012 at 8:16 pm
Sheldy, Kan pi leh pu te hunlai anga Puitling lungfing leh ruibuai lo chin chauh te tana tih chi leh, hmeichhia leh Rawltharte tan chuan, ruihbuai chu thil zahthlak tak anga kan ngaih leh pawm thiam hunah, a thlah zalen leh chiin ka ring. La nghak hret ila, kan in educate chhuah hun a awm mah na? Thalai 90% te hi, Mahminga te, Ignatia te ang rilru pu annih hunah aw ni ang.
Report this comment
October 10th, 2012 at 8:30 pm
Pu Pk, a nghah ngawt chuan kan nghak chhuak thei ngut ang emaw? A nih ang ang a kan tawn chhoh bawrh bawrh a ngaih hmel. Han thlah zalen se kum 5 a ral meuh chuan kan in thiam tawh viau lawng maw?
A in thin te’n, khapna dan hnuaiah a ruk in, a man to in zu quality chhia an in a, hei hian hlet thalo a chhuah tam viau zawkin kei ka hria.
Report this comment
October 10th, 2012 at 8:44 pm
Kei, inthiam awm mang lo ang leh, thalai zawng zawng deuh thaw zu in apiang buaina siam thin anga in han sawi mai hi ka helh deuh thin. Mi tlemte avanga a zavaia kan puh thin hi ka pawm thei lo.
Report this comment
October 10th, 2012 at 8:57 pm
Mizo thalaite hian Ruah kan dova, rual u deuh leh kan kohhran rawngbawltu ten Nihliap min pe duh lovin a han hun min nghahtir in tum a..
Zu chungchangah hi chuan thalaite hi experiance min neih tir ngam teh se..
thlang lam Cachar phai vai leh chhak lam kan unau Burma mi kan tih ten an in thiam theih lai a, Zoram thalaite zu in thiam lo leh in thiam ve thei ngai lo tura min ngai tlattu hi chuan MIZO a hmusit a ni.
Report this comment
October 10th, 2012 at 9:01 pm
Nia, Sakuh ser nghah ngawt lam ni lovin, in zirtir pah zel ila, chutah, “kan zawh/thiam ve tawh ngei dawn hi” tih awm ang velah, a hun tha chu ala inher chhuak mai ang. Tunah chuan, Fb Special Report a tharum thawhna leh tualthahna zawng zawng kan chhiar ho hi, Zet u zu nen ala inkaihhnawih deuh zel rih zu nia maw le!
Report this comment
October 10th, 2012 at 9:13 pm
Hei hi ka zawhna: Zet u zu hi thlah zalen ta ila tuna zu vanga buaina chanchin kan hriat zawng zawng hi kiang ta duak turah kan ngai em ni?
Tin, MLTP ACT hman a nih hma pawh khan inzirfinna tur hun a tam lutuk. A fing lo tur chi hi chu an fing tak tak thei chuang lo. Zu khapna dan awm hnu-a buai tam tak kian nasatzia pawh kan hmuh ve vek hi. Khap a ni chung pawha kan buaipui a nih chuan khap lo chung phei chuan…….
Report this comment
October 10th, 2012 at 9:23 pm
“Amah a lan hun apiangah ropuiin kan lang ve ang..” tih hla ang deuh khan, Zu sawi hi chuan lang ve zut mai ang aw..haha..
Zu avanga buaina tam zawk hi zu tlanchhia, khap beh leh hrek beh ni chunga rem leh rem lo, hun leh hun lo pawh thliar thei lova kan in vang a ni. zu thawh hmana leh a tih takna hmanrua chhe tak tak hmanga sawngbawl hnu ruih sual awl bik zia chu kan hria.
he tiang ni lo hian.. mahni inchhung lumah- uluk thianghlim taka in tura an siam ngei mai.. Fridge tui vawt nen a duhin vur tlang an thlak ang a.. chaw ei kham thingpui han kan in ang hian muang chang leh fan reih rawih in han in khalh khalh mai ila chuan.. tumah hi kan buai lovang.(mi pangngai lo chu awm tho mahse)
Zu in tawh chuan kan hre vek ang.- Kan zu in leh kan chheh vel environment hian kan ruih dan a hril lutuk tlats..
Report this comment
October 10th, 2012 at 9:37 pm
Pu Saatea’n a han sep rawtui tak tak chuan, chil a put thei mai dawn a lawm le.
Report this comment
October 10th, 2012 at 9:40 pm
Zu in thin pakhatin ‘Sofa a thu a rilru muang dep dawpa zu han in hi chuan a ruih buai theih tak tak loh va, khawilai hmeithai in emaw a man hlau reng renga zu quality hniam han in hi chuan kan phelh nuaih e’ a tia lawm, nih duh hmel..haha
Report this comment
October 10th, 2012 at 10:04 pm
Ka tang bur lo va, ka duh leh tum chu, Intellectual discussion neih a nia, keini Zofate tana tha ber tur dap chhuah a ni mai. Keimah bikah chuan, Fridge a cold drink dah reng hi ka duh a, zan rei lam a, noa thli chhuak lem lova, a bottle a han khiat khalh khalh hìan, ‘Dam man a awm’ hliah hliah hian ka hre thin. Fanta leh Amul cool bakah, pineapple juice te hi ka ngaina khawp mai.
Report this comment
October 10th, 2012 at 10:05 pm
#29 sheldy,
#36 Saint.
Zu chungchang sawi a khat deuh bawk a sawi zel ang aw..
Kan khap dan vel hi chu zu hlutna kan dahsang lek fang a ni.
‘Zu in kan thiam lo’ tih te chu tih mai2 alawm, RV ah intinah (ti mai ang) zu a awm a, mi tamtakin an in reng a, RV ah khuan intibuai an awm khat hmel fu asin. Insual luih2 reng awm tak
Report this comment
October 10th, 2012 at 10:07 pm
#29 sheldy,
post tha tak a ni.
#36 Saint.
Zu chungchang sawi a khat deuh bawk a sawi zel ang aw..
Kan khap dan vel hi chu zu hlutna kan dahsang lek fang a ni.
‘Zu in kan thiam lo’ tih te chu tih mai2 alawm, RV ah intinah (ti mai ang) zu a awm a, mi tamtakin an in reng a, RV ah khuan intibuai an awm khat hmel fu asin. Insual luih2 reng awm tak
post hi ka oppose miah chuang lo ania
Report this comment
October 10th, 2012 at 10:19 pm
Cctea, a hlet bawk kha, bike accident leh in vit hlum tih vel khan, khawi khawiah emaw a rawn langchhuak ta thin hi a pawi em thin alawm maw le.
Report this comment
October 10th, 2012 at 10:24 pm
36.sammoo …i thu kamkeuna chu nuih i va tiza ve mawle..
zu chu in laia thusawi…hmeh tel hian ruih hnuah nghawng a nei…insual lam leh thinrimna sawite sex lam sawite hi a thawk na zual pu HVan a ti.
Report this comment
October 10th, 2012 at 11:01 pm
#42 pu pka, a dik alawm, mahse a rem dawn chuang si loa.
‘Inthiam hun’ kan tih chu zu vanga buaina a awm loh hun anih si chuan inthiam hun a awm ngai dawn lo.
Report this comment
October 10th, 2012 at 11:19 pm
Dot.com reh thup pawh ZU nih chuan ri leh hluai mai a alawm, ‘Nopui’ an ti mi khah? in chawimawi nan a hman thin kha. A hnam ang zawnga zu inthiamlo chuan hetiang hi thil neih theih a nih a rinawm lem loh khawp mai.
A mihringa duhamna sual te leh thil chi hrang2 sualna kan lo neih chho tak avanga Zu kaihhnawih tih a puh ngawt hi chu chhuanlam fahrah ve tak chu ni……….a hnam anga sual thup mawina tur ni awm ang takin chhuanlam atan kan duh zawk emaw ni dawn ni …………..Zu hi khap reng mahse kei atan chuan ka buai phah eih loh thung
.
A in tamtak chhungte rilru tur dawn in, engtikah nge zu chhia a in palh ang aw? ti a hlauthawng reng2 a awm ai chuan a zia fe zawk chuan ka ring. khawvel sualna te hi chu a pung zel dawn a hei ai a nasa pawh hi a lo la kal ang chumi ni lova zu in mai2 ah pawh kan la buai a nih chuan buaithlak duh awm ve ( mimal ngaihdan mai2)…..
Report this comment
October 13th, 2012 at 12:27 pm
Report this comment