Hnam tinte hian ngaihhlut zawng leh ngaihsan zawng kan nei theuh va. Khawtlang kalphung, chenna leilung, sakhua leh ram rorelna kalphung a zirin kan ngaihhlut zawng a danglam fo thin. Kan ngaihhlut zawng hian thui takin ram leh khawtlang kalphung a kaihhruai tlat thin avangin mumal taka zirchian a, ngaihhlut tur dik ngaihlu tura kan inzirtir a tul hle.
Kan pi leh pute khan mi huaisen, taima leh tlawmngai an ngaisang a, chawimawina ‘Nopui’ an hlan thin. Rorelna dik an ngaisang a; Lal, hleih neia rorel thin chu a khaw mite’n an pemsan thin. Khawltlangah mi hnawksak nih an duh lova, chutiang mi chu Valupa te leh tlangval te’n an zilh a, a tul chuan chil pawh an chil hial thin. Lal leh upate’n chutiang mi chu an chhan ngam ngai lo. Miduham an ngaisang lova, ‘sem sem dam dam ei bil thi thi’ an ti dial dial thin. Thenawm khawveng inlaichinna a tha a, thenawm do aiin khaw sarih do an thlang zawk. Mi taima an ngaisang a, mi thatchhia khawlai leng mai mai chu Lal-in a zilh hau thin. Khawtlang thil an zah a, kawngpui tih hnawk an duh ngai lo. An intodelh a, an thawmhnaw hak pawh anmahni kutchhuak ngat a ni.Tlawmngaihna leh huaisenna, dikna leh rinawmna chu an nuna bet tlat a ni.
Tunah erawh khawvel hmasawnna leh changkannain chak takin min nuai a, ‘Maurawkela age’ atangin ‘Computer age’-ahkan lut a, ‘Bekang leh zawngtah culture’ atangin ‘Media culture’-ahkan zuang lut a.Kan inrinlawk hmain ‘Globalisation’ chuan min rawn nangchinga,kan khawsak phung leh rilru sukthlek a danglam a,kan ngaihhlut leh ngaihsan zawng nasa takin a danglam ta. ‘Materialism’ inkan rilru a luah hneh hle a,kan in leh lo leh lirthei nasa takin a thang duak duak a,kan incheinate chu Paris khawpuiah pawh a zahpuiawm lovang a tih theih hial ta.
Kum 1980 chho vel atang khan Mizoramah Television kan nei tan ve a, hnamdang inchei dan leh khawsa zia kan hmuin kan kan lo hria a, chu chuan kan nunah thuk takin zung a kaih ta a. Sap nula inkhai thli thlerh thlawrhin nalh taka Jeans kekawr a hak mar zaih kha, keini chuan kan ha tawi tak a, naupang kekawr bul chen zet tan bun a ngai a, mawipui ve viau chuan kan inhria. ‘Show room’ ami ‘branded’ ngei a te a lian, a hausa a retheiin kan inbel ta sup mai a nih hi. Khawpuia sumdawnna thang chak ber chu “Thawmhnaw dawr” ti ila kan sawi sual awm love. Veng kilkhawr teah pawh kal ila thawmhnaw dawr hmuh tur a awm zel mai.
College zirlai tam zawk chuan an zirlai aiin ‘Vawiinah enge ka hak ang a, engtin nge ka inchei ang’ tih an ngai pawimawh zawk. College pawnah an thu khat hmur a, fiamthu an thawha an nui hluah hluah a, library-a thutna erawh a ruak leh huai si. A ni, kohhranah pawh kan thlarau nun aiin kan pawn lam incheina chuan kan rilru a luah thuk zawk a. Inkhawmpui leh kohhran programme pawimawhah a hmeia pain thawmhnaw thar neih kan tum vek ta mai. Pathian biakin chu Fashion show-na hmunah kan chantir ta a ni ber e. Thalaite chauh an ni lo, nu leh pa te hlei hlei hi thawmhnaw an buaipui nasa zawk emaw ni a tih theih. Incheina hi kan sawi sel ngawr ngawr a ni lova, kan thawhchhuah mil leh kan chhungkaw milin kanin chei em tih hi kan ngaihtuah zawk tur a ni.
American Idol kan en a, an tih dan ka lo la chhawng ve nghal mai. Mizo Idol/Icon kan ti a, a rampumin kan buaipui hut hut ta ber a nih hi. Entertainment lamah kan kal nasa lutuk a, hei hian lar chakna thangtharte rilruah nasa takin a tuh mek. Kan Idol/icon te chu Zaithiam te an ni a, lehkhathiam leh mifingte chu kan ‘Idol’ an ni mawlh si lo. Idol/Icon contest-a ti tha te chu khawtlang huapin kan chawimawi a, awmni kham te’n ruai kan buatsaihsak hial a nih kha. Veng thenkhat VC phei chuan inhmun ram thlengin an pe hial tih kan hria. Dik tak chuan HSLC exam-a pakhatna kan chawimawi dan leh Idol contest-a pakhatna kan chawimawi dan hi khaihkhin ta ila, lehkhathiam nih aiin zaithiam lar nih a thlanawm zawk.
Chhungkuain khawchhak film kan buaipui a, zankhaw tairek thleng thleng kan en a. A changtute chanchin kan hre em em a,kan ngaihtuah zui a,kan rilru a luah hnehin khawdang kan hawi thei meuh lo. Korean movie enin TV hmaah darkar tam hun kan khawhrala, ram hnuk khawih chanchinthar erawh darkar khat pawh kan enchuak peih leh si lo. Chanchinbu kan chhiarin milarte chanchin inziahna kan tuipui ber a, sports column kan keu nghal zut zut thin. A hnunglam atangin kan chhiar tan a, ramhnuk khawih chanchin inziahna leh a chhunga article ziak tha tak tak te chu kan en liam leh mai mai si. Entertainment lam inziahna kan tuipui ber a, thutak pai chanchin erawh kan ngaihtuah peih si lo. Hei hian kan ngaihhlut zawng a tilang chiang hle a ni. Sephung leh sawhthing bak laihchuah la nei lo ram hian American te anga, entertainment lama tlan ve vak hi kan la tlin lo tih kan hriat loh ka duh love!
Hausak leh nawmsak kan tum luatah “Chiahpuam” a puak keh tih kan hriat kha. Ropuina leh hlimna hi hausaknaah emaw a awm kan ti a, a dik a dawk pawh thlu lovin kan um dawr dawr a, kan inbum kual hut hut chu a ni ta ber e. ‘Corruption’ chu Kristian za-a za inti rama kan ti ti tui ber a ni a, eiru thei kan endawng lova, eirukna chang hre lo chu mimawlah kan chhhuah ta hial zawk niin a lang. Ram hruaitu, ram tan eng nge thil tha a tih pawh chhut lem lovin ‘contract’ chhete min pek chuan kan ngaisang em em a, kan bawh huam huam a nih hi. Hausakna hi kan sawisel a nilova ,kan hausakna hi kan thawrimrah a ni chiah em?Kan hausakna hi midang te tanpui nan kan seng phal em? Nge mihausa uikawm, thaw uih satliah ve ringawt kan ni tih hi kan chhut ngun a ngai a ni.
Lal Isua lo kal leh hunah in chhe deuh atanga lo hmuah ai chuan ‘In ropui tak atang ngei hian aw ni ang’, kan ti nge ni; rem leh rem lovah RCC building kan sa khir eih uaih a. Heng kan in sak hi kan sum lak luh nen a inmil em? Pay scale inang rau rau pawh Building kan inneih that hleihzia chhut hian thil fel lo chu a awm ngei a ni tih a rin theih. “Aw ral tawh mai rawh, lei ninawm” tia kut benga lam lam thinte hi inhmun buaiin kan buai chuk chuk ta a ni ber e! Lirthei changkang neih te hi ropuinaahkanngai a, Bike neih loh chuan ‘Luck’ dawn lova riauva inhriatna kan nei tlat. Thlabi hlawh nei dek dek tawh chuan Car loan, Bike loan kan ti a, karei! Scooty mawlh mai hi! Top up tak ngial pawh man thawk chhuak hauh si lo hian cell phone neih changkanahkaninel a, handset changkang tak nen tui kang kan nghak leh si!
Jim Nelson Black chuan hnam ral tur zia ti hian a sawi, “Dan mumal lohna, hna hmuh lohna, induhsak bikna, zirna tlahniam, culture tlachhia, tradition hloh, sum leh pai intlansiakna, mipat hmeichhiat hluarna, sakhaw ngaihnepna, Nun hlut hlohna”.Kantunlai dinhmun enin hnam zuih ral turkanni em le? Eng hi nge kan ngaihhlut anga, tu te nge kan ngaihsan tur chu? Incheina hi ropuina nise khawvel miropui Mahatma Gandhi kha a ropui lo ber te zing ami a ni ang. Hrenpereng nen Kumpinu a hmachhawn a, zalenna sual chhuakin ‘India Hnam Pa’ tih hial a koh a ni.India President kal chhuak ta, APJ Abdul Kalam khan Rastrapati Bhavan a chhuahsan khan suit case pakhat chiah khai chhuah tur a nei an tih chu! Khawvelin miropui a ngaihhlut zawngte hi hausa leh rosum ngah nise he tlangval pawh hi a tla chiang ngawt ang. Mahse, a ni si lo!
Mihring hlutna hi a thil neihah a innghat ngawt lova, ama mihring mihrinnaah zawk a ni a innghah ni. Mi dik leh rinawm, dikna avanga retheih leh pachhiat huam te hi kan ngaihsan a hun ta. Mahni thawhrim avanga dingchhuakte hi khawtlang leh kohhranah kan phochhuah a hun ta e. Mithiam leh rinawm, hna thiam leh hmangchang hriate hi rethei te mah nise kan ngaihsan a va hun ta em! Mi hlawhtling nazawng aiin mi hlu, midangte tana inpe kanngaihhlut a hun ta. Hmanakanpi leh pute’n an ngaihlut dikna, rinawmna, taimakna, intodelhna, huaisenna leh tlawmngaihna te kha ngaihlu ila kohran leh khawtlang hi a va nuam dawn em! Thawmhnaw man to, sum leh pai hausakna, larna, in leh lo tha, lirthei leh handset changkang te hi kan ngaihhlut zawng a nih chuan Lal Isua ngei pawh kha a va tla chiang dawn rua em!
Similar Posts:
- Nulate u, in khawvel a ni e!
- Mizo Music
- Ngaihsan/ngaih hlut tur dik hriat:
- Kan value system
- Pafa ka ngaihsan Saiawi pafa
Nia,...
September 13th, 2012 at 4:17 pm
A van reh…
Report this comment
September 13th, 2012 at 4:22 pm
Post tha deuh deuh a chhuak zawn chur chur mai a..!
Article tha tak anih hi..KZP..
Report this comment
September 13th, 2012 at 5:38 pm
A va han tha cher cher vele.
Thuhlawm tawp ber khi
MIZORAM chanchinbu lamah hetiang thu hi chhuah uai uai teh u.
Report this comment
September 13th, 2012 at 5:44 pm
A dik ngawt mai
Report this comment
September 13th, 2012 at 5:46 pm
Pu Hv & lrpa, Ka lawm e, a sei deuhva inthlahrung takin ka rawn post.
Report this comment
September 13th, 2012 at 5:51 pm
Idol/icon super model, eng eng maw kan thlang a. Milar cheibawlin kan cheibawl a. Anmahni lahin milar tak tak emaw an in ti..Heng ai chuan zirna lam titha te hi chawi mawi ila kan ram chuan hma a sawn zawk ang. Icon/idol vel 100 ai chuan IAS pakhatin Mizoram tan hma a su kaw thei zawk tih te hi kan zir chhuah a hun tawh.
Report this comment
September 13th, 2012 at 5:52 pm
Report this comment
September 13th, 2012 at 6:00 pm
Thuziak tha leh rotling tak a ni e…
doc_lib han tuihhnih sak pawh khi ka thlawp e..
Mahse, ka’n phunchiar ve leh hram te’ng. I thuziak a tha, a ngaihnawm tel bawk. Mahse, a hnuaia mi ang tam lutuk hian mit a tikham deuh…
ropuinaahkanngai
changkanahkaninel
”.Kantunlai
kanngaihhlut
Hmanakanpi
Punctuation mark: Coma leh full stop zawha karawl awm lo te pawh…
Report this comment
September 13th, 2012 at 6:01 pm
Post ka vil hman dawn lo tlat zanin chu, lo hre thiam plz..
Report this comment
September 13th, 2012 at 6:04 pm
#8, Ka edit ve thlap a, a thui deuhva a inhnawh tawng a ni ang, ka hre tawh bik lo.
Thu ziak zawm leh zawm loh hi chu ka phak tawkah ka uluk viau,SMS type thlengin…mahse, heti hian a rawn lang tlat, sorry!
Report this comment
September 13th, 2012 at 6:04 pm
Good post ti thuai teh ang. Chawei kham veleh ka chhiar ang.
Report this comment
September 13th, 2012 at 6:15 pm
A va han dik tak em !!!! Good Post !!
Report this comment
September 13th, 2012 at 6:21 pm
Evergreen nge nge i lo la hring tha e..I thuziak misuala ka’n chhiar leh thei hi a lawmawm a, lung a leng ruih mai.Thu ziak tha tak a ni.
Report this comment
September 13th, 2012 at 6:30 pm
Thuziak ṭha a va tling tehlul em! High Sikul-ah emaw college-ah zawk emaw zirlaia telh tlak niin ka hria.
A content a ṭhat bakah thuziak thiam tak i nihzia a lang chiang khawp mai.
Typo leh thuziak zawm leh zawm loh chungchang hi – ka rin danin cut and paste-in i ti a ni maithei. Misual.com-a post hi cut and paste hian spacing-ah a buai zo vek zel. Eng vang nge ka hre ve phak lo. Post submit hmaa ennawn leh vek a ngai ziah.
Report this comment
September 13th, 2012 at 6:50 pm
Report this comment
September 13th, 2012 at 7:04 pm
THa hle msi
Report this comment
September 13th, 2012 at 7:05 pm
Tha bawn top
Report this comment
September 13th, 2012 at 7:09 pm
Post tha takzet. “Mihring hlutna hi a thil neihah a innghat ngawt lova, ama mihring mihrinnaah zawk a ni a innghah ni. Mi dik leh rinawm, dikna avanga retheih leh pachhiat huam te hi kan ngaihsan a hun ta. Mahni thawhrim avanga dingchhuakte hi khawtlang leh kohhranah kan phochhuah a hun ta e. Mithiam leh rinawm, hna thiam leh hmangchang hriate hi rethei te mah nise kan ngaihsan a va hun ta em!”
I va’n sawi dik tak em. I post hi mi tam zawkin an chhiar theih turin Daily Newspaper ah chhuah thei la ka ti ngawt mai.
Spacing awmlo khi chu hlatekhua sawi ang khian word a i type i copy paste vangin a buai anih khi. Keipawh ka ti thin a, submit hma hian edit leh vek a ngai thin a, mahse a font a zir a ni tlat. Arial leh Roman ka hman hian edit leh a ngai thin a, century gothic ka hman hian edit leh ngailo in a dik thlap, han ti ve chhin teh.
Report this comment
September 13th, 2012 at 7:46 pm
A va han ▶ha rem rem tak em!! Thaw la hman mang miah lovin; lahlum phelh ang zar zara ka chhiar chu le! thaw a chham hman dawn a lawm maw le, thawchham phah theih hial khawpa chhiar turin i la ziak thiam tih ka hria e. KUTZUNGPUI liantawk ka pe a che!
Report this comment
September 13th, 2012 at 8:16 pm
Ka chhiar zawngin ka zak chem chem.
Post good.
tren tren
Report this comment
September 13th, 2012 at 8:37 pm
Hetiang thuziak hi kan lawm duh phian. Mahse, a taka hman a tul hunah kan hmang leh duh tak tak chuang lem hlei lo va. Tu post emaw ang deuh khan kan practical lo.
Report this comment
September 13th, 2012 at 9:04 pm
Ka chhiar thla par par a, a sentense tin maiah khian ka amen thei deuh vek!
Post uangthuang lo tak a ni e
Report this comment
September 13th, 2012 at 9:25 pm
“Aw ral tawh mai rawh, lei ninawm” tia kut benga lam lam thinte hi inhmun buaiin kan buai chuk chuk ta a ni ber e!
^^ Awmze neilo hla a ni zawk lo maw!!
Report this comment
September 13th, 2012 at 9:46 pm
Post thatak a nihhi mawle. Ngaihtuahna a ti thui vawngvawng hlemai.
Amaherawhchu, leh khathiam leh mi puitling tur a ka ngaih, post tu pa
leh doc-lib hian, Zaithiam te leh Lehkhathiam te hluna, an thliar thiamlo
a nihkaring. IAS pa chu, a mahleh a chhungkawtan, mi hlawhtling a ni.
Ramleh khawtlang inrel bawlnakha, an ei hmuhna a ni ve mai a.
An ei zawnna thataka anhlen chhuahkha, an tihtur renga ruat a ni miau si a.
Ram leh khawtlangin engemaw chenahchuan, chhawr tangkaina te chu kannei ve bawk. Pollitics an hanluhve lahhian, biak an hrehawmin, an inti lalhlur ringawt a, keini ang mirethei te chu henghohian, biakpawh minbeduhlo mai nilovin, Ui leh Ar ang chahvah minngai nimaihian ka hrethin. Keichuan, IAS 100 ai in, mi pakhat Pu Rokunga kha, kangai ropui in, kangai hlu fe zawk.
Zaithiam te hlutna chu, mi zawngzawngin an hlutna leh an tangkaina kan intawmthei hi a ni. IAS pa in, mi lungngai leh lungchhia te, a tuam damin,
a thawi damtheilo bawkang. Thawidam a hnekin, a tihnat belhchhah zawkang.
Chu tiang bawkin, Zaithiam satliah ri ngawtin, Ram inrelbawlna lamthil a khawihchuan, a buaichuar nuaihang. Thiam ve dawn miau heklo.
Mitin maihian, Talenbik kanneih hi, in hlutsak tawn nachang kanhriat a ngai ang. Lehkhathiam satliah, mifinga lo in ngai palh hi, kanram ahhian,
kan ngah tawkthawkhat in ti ve em?.. Lehkha zirsang na zawng, mifing an ni lo.Ziak leh chhiarpawh thiamlo khawpa, leh khathiamlo pawh, MIMAWL,
an nivek bik hek lo.
Report this comment
September 13th, 2012 at 10:08 pm
Post tha tak a va ni em, Jim Nelson Black thuziak khi kan ram leh hnam nihna chiah chiah a niin ka hria.
Report this comment
September 13th, 2012 at 11:41 pm
Kan sawi ve lawk teh ang..kei pawh idol tih vel,zaithiam te kan buaipui ang hian lehkhathiam, HSSLC TOPER te,IAS tling thar te hi Rampum huap ang hian buaipui ve ila,kan duai lo viau ang ka ring kan Ram hi.
Report this comment
September 14th, 2012 at 1:50 am
A that tehlul nen Post i vil hmanlo tak tak anih hi
Eiruk atanga sawma pakhat pek nge tha i tih pek loh hrim hrim ? @ Green
Report this comment
September 14th, 2012 at 8:47 am
doc’ i va bei tha thei ve..
Report this comment
September 14th, 2012 at 10:03 am
@hlatekhua, sheldon & adt.
Ka lawm e, ka thuziak tlawmte min fak hi, ka chapo phah ang tih ka hlau hle mai.
Nia, ka type chhuah hnuah ka copy-paste a, khiti khi alo ni ta nuai mai, pawi ka ti tak zet e.
@khawpui & nguntang, ka lawm e. chuan.. ka la dam
Report this comment
September 14th, 2012 at 10:10 am
@ Pu Hringnghelh (Evergreen)
, MS word atang copy-paste hnu hian, post preview hi vawi 2/3 tal hawn ni se. Mahni phak tawkah thuziak siamthat a awl deuh.. 
(Ka sawisel ngam te hi, ka sel ve leh khauh khauh thin a nia) 
Han ziak zel teh…
Report this comment
September 14th, 2012 at 10:46 am
#Dr. Mahming, ka lawm e. Mahse, Min ‘PU???’
Report this comment
September 14th, 2012 at 11:29 am
@ evergreen… Pu tih rual hi an awm ve alawm.
Keini ang duang pawh, vai naupang hian UNCLE min ti ta fo nia…
Chhurbura’n mi fate hi chu an kam a tha liam liam a nia a tih ang deuh kha ni ta berin ka hria… 
Report this comment
September 14th, 2012 at 12:15 pm
Post-tupa ka duh lutuk tlat
Report this comment
September 14th, 2012 at 12:18 pm
#33 Awmtea Khiangte ,
Thanks!
Report this comment