Dt 9 September 2012, zing dar 5:30 am khan, Delhi atangin, car in Agra kan pan a. He mi tuma kan chuanna car khalhtu hi Punjabi fa pahnih nei tawh, mahse la thalai tak, kum 28 vel hi a ni.
Delhi leh Agra inkar hi Kms 200 a ni (awm e). Delhi atang kan chhuah hnu hian, Toll gate pahnih kan pel tawh a, mahse driver chuan motor chu a tlan muantir hle mai a. Midang motor te chuan min tlan pel zur zur reng mai a, keini lah, driver in a khalh chak duh der silo.
Kei motor khalh muang thanglo tak chuan,”Ngatinge, motor a tlan chak thei nange” ti in, ka zawt ta ngawt mai a.A ni chuan, tawng lemlo chuan, speed limit sign anlo tar chu min kawhhmuh ri ngawt a…..speed limit “30″ tih alo chuang kiau a. “Midang te saw” tih pahin, min tlan pel zung zungtu te chu ka han kawk a, “an ni chu, an mahni thu a lawm, kei chu, ka ram a nia. Dan hi keima tan a nia, khualzinte himna tura Dan siam a ni a, mi in Dan an zawm loh chuan, hremna an tawk thei a, an accident thei bawk a, Dan zawm lo/ fimkhur lo te avangin, midangte pawh in tawh sual an tawk thei a ni. ka pu, Dan a awm chuan zawm mai hi a tha ber” a ti a. Ka rilru te te chuan, “I la naupan ang reng nen, thisen lum, ‘tlan chak nuam ti rual’ i nih teh lul nen le, i fel mange” ka ti ta mai mai a.
Kan tlan ta zel a, nakin deuhah chuan, kawngsirah motor, min tlan pel zur zurtu te kha police nen anlo in dinchilh a, lehkha them an dawng far mai. Kan driver chuan, chung ho tlan pelh pah chuan, ” En ta che saw saw a ni mai a sin, dan bawhchhiat man a nih saw…” a ti mai a. Police lam pawh an che tha hle mai, Speed limit ai a sanga tlan chu anlo rek rek hmiah hmiah mai a ni awm e.
He Punjabi pa hnen atang hian zir tur a tam hle in ka hria. Ka ngaihtuahna a ti kal thui hle mai….Mizo zingah hian, he Punjabi pa ang hi nge tam ang a ? Dan pawisa lo, police ho lo man tak ang hi?
Punjabi pa hi tlawm te, mi naran ve mai a ni. Lehkhathiam sang pawh a ni lo, mahse a seilen na in a zir vang te pawh a niang, saptawng a hmang ve thei. Mahse, a nun hian zahawmna a keng tel tlat, ram hmangaih-na leh, ram neitu nihna a keng tel bawk.
Police hovin anlo rek tak ho kha, mi lian, Car nalh tak tak, manto tak tak chelek ho an ni in alang. An chapo leh chapo loh chu ka hre hran lo, mahse an landan ah, mi lian, kei ka ni in ti chin te pawh an nih hmel. Mahse Police man ngai khawp a, “DAN hre lo nge ? DAN pawisa lo? DAN palzam ?” An zahawm lo zo vek.
Hmanlai ngaihtuah chuan, Mizo te pawh, kan lo hausa ta..Kan hausak dan erawh, ‘pi leh pute atanga thawhrimrah hmuingil pui’ nge kan nih, ‘kut tling lova hausa’ tih phei chu kan inhre fur tho awm e. A enga pawh chu nise, kan hausa a, motor pawh, a chhuak thar…model thar tha tha kan lei thei awm e. Kan fate lehkha zira phai a awm te pawh ‘bike’ te in kan thuam hial thei pawh a niang. Tu’n kan tawng lo haw lo se, accident a thi kan awm ve zauh zauh ta fo mai…engvang nge? Speed sang lutuk vang nge? Rui chunga lirthei khalh vang?
Khawvel pumpui ah hian international traffic rule a awm a. Chumi zulzui chuan ram hrangin dan an nei vek bawk. Lirthei khalhtu te leh mipui him zawkna atan Mizoramah pawh hian, Dan a awm a, Dan (traffic rule) pawisalo tute pawh Police in an han man ve ngei thin, “Dan a bawh chhia a, in man tur a lawm, hna in thawk tha e, ka fapa accident tur inlo humhim a ni ringawt a lawm” ti a, police ho lawmthu hrilh te, mahni fate, “Engatinge dan i zawm loh, an man reng ang che chu, hremna i pumpelh ka remti lo” tih lam hi chu a awm ngai lo, a awm a nih pawhin, a khat viau ta ve ang.
Hotu lam atangin, phone a lo ri a…….. “ ..tun tum chauh chu lo chhuah mai ta che…chumi fapa chu a ni si a..” tih vel vangin, dan kengkawhtu Police pawh an hrilh-hai fo in, dan kan kenkawh tir theilo fo awm e. Chung chu kan kal phung a ni in a lang. Kan rilru hi a piangsual chhia-va tawh ni in a lang.
Lehkha kan thiam sang e, kan hnathawh pawh “officer” zah tlak, leh ‘Sorkar kut-ke’ ‘Head of Department’ te kan ni nuk awm e. In te pawh kan sa ropui…kan lirthei te pawhin rual a pawl….mahni hlawh diktak atang a leitur ni ta se, kan lei theihloh tur te pawh a ni ngei ang. Mahse, kan zak lemlo…kohhran leh khawtlang, thenawmpa te lah in lo ngaisang ve tum hrang zel bawk si. Keimahni chuan motor kan khalh lo te pawh a niang, driver khalh tirin mahni chu a sir emaw a hnung ah kan thu pawh a niang. Mahse kan faten
dan an pawisa em? Dan pawisa turin engtin nge kan kaih hruai?
Hman 1988 kum daih tawhah khan, Kohhran pakhata Rev. ni hial, an denominationah chuan…lal ve tak, fapa zurui khalh jeep in bus a lo su thawi a,…a mah chu thinrim zawk a tangin Jeep chu titau in a rawn back a, a hnung deuh a lo ding ka Maruti car lei thar ve hlim chu, Bumper leh Grill vel per bawih khawp in a rawn su a. A pa, Reverend..kan va hmu a, thil awmzia kan han sawi dawn dek dek a, a pa, Pu Reverend chuan, “.. ka fapa in chutiang in a ti lo vang, Police pun i la..” a lo kha kha mai a, Ka thianpa thin a sa ve ta zak mai a. Mahse an nu zawk chuan, “Ekhai ! kan thiam loh a nih chu, in pawi kan khawih a, in mi ngihdam kan ngai..min hrethiam rawh u..a siam man chu kan lo tum dawn nia” a ti ta hlauh zawk a. Kan kal pah chuan, ka thianpa chuan, “Fapa rui chhar chhar nei awm tak a nih kha..Reverend zahawm lo tak a ni” a ti bal bal a. Nu leh pa ten a, kan thulak dan reng reng hi fate tan, ‘dikna’ kawng zawh ngaihna a awmlo a ni ber.
Kan nihna leh, kan rosum neih te chhut-in, khawkhat pa zah-kai chu kan ni ve ngei….mahse, dandika thil tih, rinawmna, rinawm taka dan zawm leh, mahni nupui fanaute zirtir a entawntlak a nung erawh chu…kan van hmel hle. Mizo zingah kan awm chu ka ring…mahse engzatnge awm ang le?
Vawikhat chu, Punjabi pa khalh bus-ah, naupang ho an chuang a…bus khalhtu Punjabi pa chu, nuihza siamnan an hmang a, an chhaih-nawmnah a. Bus atanga an chhuk dawn chuan, Bus driver Punjabi pa chuan, naupang ho chu Rs 1/- theuh a pe a, naupang ho chuan “.. engatinge” tiin an zawt a. Punjabi pa chuan,“ Min hmusit rawh u, nuihza siamnan min hmang rawh u, a pawi miah lo, mahse, he Rs 1/- ka pek che u hi, ‘Punjabi kutdawh’ in hmuh hun ah in pe theuh dawn nia” a ti a. Thla tam a ral hnu ah pawh, ‘Punjabi kutdawh’ Rs 1/- pek tur’, an hmu ta hauh lo mai a. Naupang ho chu an han in phone kual a, Punjabi kutdawh Rs 1/- pek tur hmu, ‘tumah’ anlo awm lo. Bus driver chuan, “Punjabi hi, in hmusit ang ngawt kan ni lo a sin ” a tihna a lo ni. Punjabi ho zingah hian kutdawh anlo awm hauhlo a lo ni in a lang, kutdawh ai chuan, an thawh phak tawk ang ang hna an thawk zawk, an lo zah awm ru riau.
“Mizo te hi engnge kan an ve le….?”
Bonus:
N.B: Taj Mahal hi, 1982, 1993 khan kan tlawh tawh a. Tichuan, kum 19 hnu, 2012 ah kan tlawh ve leh thei ta hlauh a ni. A luhdan te anlo ti danglam nasa ta hle….
kum 1982 kha chuan, Aizawl College educational tour a ni nghe nghe a. 1982 kum khan Aizawl, Kan Lecturer zahawmtak te sawmna avangin, Article “Educational tour” tiin ka ziak ve nghe nghe. Khatah khan, Delhi Forth, Agra Forth, Taj Mahal, Fatehpur Sikri, leh Chandigarh chanchin, chipchiar ve deuhin ka ziak ve a, kha magazine kha, hmuh leh ka chak ngawt mai. Kawl tha te kan la awm em aw…?? A lunglen thlak hle in ka hria…
Similar Posts:
- Truck driver sawisa hlum
- Bungkawn veng Taxi driver bo ruang chhar
- MLA vengtuten police driver kut an thlak
- Police-in zu an rui thin em ni?
- Hmanlai Motor Willis kha
Nia,...
September 13th, 2012 at 5:03 am
First ila, muhil ve lawk teh ang.
A chhiar lam chu harh hunah ti mai ang.
tren tren
Report this comment
September 13th, 2012 at 5:26 am
Ka chhiar chhuak leh ta tho mai, a zirtir a tha hle mai.
Post-tupa chu i senior tawh hle mai a, Taj Mahal i tlawh hmasak zawk hi chuan a hming pawh kan hre thawi feih feih chauh a nih hi le. Hetih lai hi chuan Hareli leh Kuchu and his family kan la buaipui nasa mai.
Punjubi sawi takah chuan, hmanni chu ka nu innghak mawlmang ve tak mai khan punjabi pakhat hnen atangin handset duplicate zet mai pathum Rs, 5000 ngawt maiin a lo lei pek a, ka hnathawk hawin kan hmu chu fb-ah ka post vat a. Thiante tanpuina a zarah a thlenna hotelah ka va nangching a, ka thleng leh hlauh.
tren tren
Report this comment
September 13th, 2012 at 5:44 am
Ram buai lai a kan hmeichhiate pawngsual nasa ber tute kha punjabi ho hi an ni e an tih kha, ka ngaisang dawn lo rengs
Hmanni ah punjabi pakhat in “ching chang pong ching chong” ka hriat tur kherin a tia, “oye balle balle” ka tia a ngawi ve dak mai
Sardar-a jokes reng a tam mai, an fing vak lo aniang. Survival of the fittest khawvelah hian kan elpuite tih ang kan tih ve zel ngam loh chuan kan dingchhuak ve thei nang.
Report this comment
September 13th, 2012 at 6:02 am
“phone a lo ri a…….. “ ..tun tum chauh chu lo chhuah mai ta che…” khi ka beng ngeiin ka hre tawh.
Punjabi kutdawh cc khi ka lo ngaihtuah ngai miah lo, a van pui rep rep ve le.
Report this comment
September 13th, 2012 at 6:43 am
3
chhangteval # Thatlohna tamtak pawh sawi tur kan hria in ka ring, mahse Mizote tana entawn tur, entawn tlak ka rawn tarlang mai a ni.
Mahni lamin bihlet ta ila, Mizote pawh hi, engenge maw kan nih bik chiah le ? Kum tling lo pawng sual pawh sawi tur a tam hi. Buai lai khan, Mizo te pawh hi, an din hmunah khan ding ta ila,kan che ve viau lawng maw..?
Report this comment
September 13th, 2012 at 7:03 am
Tukchhuah nuam vek u le
Report this comment
September 13th, 2012 at 7:06 am
6
Nang pawh le…
Report this comment
September 13th, 2012 at 7:09 am
2
# Kan uaithla ve tan (kum lamah chuan) Mahse, Misualah hian min tinau pang a, in bula awm hi a nuam em a, ‘kan thu hriat’ fahrah te te kan lo luhpui ve leh thin a nih hi.
Report this comment
September 13th, 2012 at 7:13 am
Hei zet chuh! a va tha em
(Y).
Sawi belh pawh angai lo e..
Report this comment
September 13th, 2012 at 7:39 am
A tha hle mai. Sheldon hi Tukchhuah-nuami i ti tawh mai ang u.
Report this comment
September 13th, 2012 at 7:39 am
Amen.
Report this comment
September 13th, 2012 at 7:49 am
Report this comment
September 13th, 2012 at 8:28 am
Tuaite, Pu Duhlova te ho hi an tukchhuak a nuamlo ang tih ka hlau teh ania…
Report this comment
September 13th, 2012 at 8:44 am
a tha hle mai
Report this comment
September 13th, 2012 at 9:14 am
paws ngaihtuah ti thui tak a ni
Report this comment
September 13th, 2012 at 9:39 am
Ka rilrem zawng tak a ni, he post chu..
Pathian ni tlaia, thalai fellowship-a intihhlimna (games) ka hruaiin hei hi ka sawilang:
Tlangval pakhat chu, smart taka incheiin a rawn inthuam a. A thian tam tak te chuan, i inthuam nalh/zahawm hle mai tih aiin, khawte pastor zaih mai a an ti daih thin. Fiamthu chu a awm ngei mai, chutih rualin kawng tam takah hian thiltha leh mawi pawh hi, a thlirtute tawngkam avangin, a titute kan tihnual fovin ka ring..
Eng an ni bik chuang lo, an sual ve tho… tia tan khawh reng lo hian, Midang thiltih tha leh fel, faktlak na na na chu fakin, thiltha chu entawn zel ang u…
Khuai hian, khawizu thlum tak siam turin, hmun hla tak takah thlawkin pangpar zu dawtin an bu-ah an thlen hram hram thin
Report this comment
September 13th, 2012 at 10:08 am
pic 1 saw nalh hle mai a, sardar ho hi vai taima tak anni
Report this comment
September 13th, 2012 at 11:11 am
13 #
Tukchhuah nuam tura in duhsakna ” Tukchhuah nuam vek u le”
tih hi hriat a nuam e.
Report this comment
September 13th, 2012 at 12:01 pm
Pu Reverend chuan, ka fapa in chu ti angin a ti lovang.
Khi ti ang mi hringkhi, ka hre nual mai. Kan tha lai tam tak te ngaih tuah na
ti piangsual tu te chu, khi ti ang mi te khi zuk ni tlat a maw le.
Report this comment
September 13th, 2012 at 12:07 pm
Kei chu ka thil hlauh pahnih ah motor tlan chak leh thli (storm) hi ania..
Report this comment
September 13th, 2012 at 12:22 pm
20 #
Nia, Pu Hva te ram ‘Tornado’ phei khu chu a hlauhawm a n aw !!!
Report this comment
September 13th, 2012 at 12:28 pm
Taj/Yamuna Xpress highway hi hman ni lawk a an hawn thar a ni a, 4-lane a ni bawk a, Agra thlen nan darkar 2 leh a chanve an hmang. Km 209 vel a ni.
In Taxi hman chu in vannei a nih chu. Taxi driver te kha khatiang vek kha an ni bik lo a nia
Shanti Path-ah pawh hian speed limit cars tan 50 Km/h tih an tar kuau va, 50 Km/h vel a tlan chuan ‘honk honk honk’; an Police car thlengin 60-80 Km/h hi an speed tlang pui. An zawm that loh avangin Speed Limit sign board hi an la thla ta daih niin ka hria, tun hnaiah hmuh tur a awm ta lo.
Report this comment
September 13th, 2012 at 12:33 pm
Pu Duhlova chu ziak tha ngei mai. Hetiang tur hi a ni . Thlirna hi a zau hram hram angai, hmanlaia kan chunga thil an lo tihsual tawhna kha, khami hunlai tarmit atanga kan thlir reng zawngin kan insawh kan insawh ringawt mai dawn a ni. Thatlohna lai an nei tih hrereng tho siin, an thatna lai hi lo copy ve hmiah hmiah mai hi a tha ber e.
Report this comment
September 13th, 2012 at 12:37 pm
23 #
Report this comment
September 13th, 2012 at 12:44 pm
22
lushai_er # Taxi pawh a ni chiah lo, mahse kan vannei khawp mai. Punjabi ho zing rau rauah pawh khatiang kha an nih vek ka ring bik hauh lo. Khatiang mihring ka tawng khan …ka ngaihtuahna a ti kal thuiin, misual han share atan ka han it deuh a nia. Mizote zir ve atan leh kan landan ni se ka tih vang a nia.
Report this comment
September 13th, 2012 at 12:54 pm
Punjabi chu hnampui hi an ni ve a, pawisa ah pawh an rinawm fu mai hnamdang ngaihtuah chuan, Chandigarh ka kal tirh dawna min hrilh chu, Delhi Airport velah Punjabi taxi driver in hmang hram hram dawn nia min ti. Hnam chapo, induh, intodelh leh hausa an ni a, kut chu an dawh khat khawp ang.
Ziak tha lutuk e, luxury car avanga road rage thleng hi Delhi ah a tam , Aizawl velah pawh khian car manto tak tak khalhtute hian mi pawi an sawi tam ber ka ring tlat, lolz Dan hmaah chuan tumah an lian bik lova, an te bik heklo, kan police/traffic thuneituten hei hi hrereng teh se, an hnuaia thawkte fuih nan hmang bawk sela.
Report this comment
September 13th, 2012 at 1:27 pm
Kan khua a sipai Punjabi zu rui pakhat pawh a kal hlei thei lo, kawngpui ah akhat tlatin rawn phei a. Biak In chhak athlen chuan ngil taka kal hram hram tumin a kal ngil ka hmu chu ka ngaisang ang reng…hnam danglam tak chu an ni ve reng reng. Misual rider ho khan chhiar ula, zawm hlawm teh u
Report this comment
September 13th, 2012 at 1:37 pm
An hmeichhiate hian an nei thuk an ti
Report this comment
September 13th, 2012 at 2:02 pm
Post-tupa@8, Nangni ang mi senior, experience ngahin Misual ho min han ho a, thu tha tak tak a min han chawm hi chu a thlamuanthlakin Misual nih hi a hlawkthlak thin khawp mai. Tlawmngaiin han tang zel teh u.
28@Chhangteval,
tren tren
Report this comment
September 13th, 2012 at 2:03 pm
Punjabi kutdawh chungchang khian ngaihtuahna a tithui hle mai.
Report this comment
September 13th, 2012 at 2:22 pm
Keini Mizote pawh hi inbihchiang ila, mi thralo te chanchin ngawt an sawilan mai chuan thra tur reng reng kan awmlo ang. Mihring hi a hnam ang te a kan in generalize dawn chuan tumah thra reng reng kan awmin ka ringlo…chuvang chuan kan vela mithra leh entawn tlak te atrang hian thil thra leh awmdan mawi hi zir tum threuh ila ava thra dawn em…ka lo tive mai mai a!!!
Report this comment
September 13th, 2012 at 2:43 pm
Post tupa chu “U AMA” lo va hmang tam tawh bik ve. Taj Mahal i tlawh hmasak ber khi chuan a awm tih hre tur pawn school ka la kal pha lo hrim hrim
Report this comment
September 13th, 2012 at 2:53 pm
Tha ngei mai a.
Nangni in la awm hi chuan misual hi a ti phuisui khawp mai.
Report this comment
September 13th, 2012 at 2:55 pm
Texas ho Speed Limit 85 nen chhuan intlau hle mai…
Report this comment
September 13th, 2012 at 2:57 pm
32 #
‘Better late than never’
Keini ang em chuan “U AMA” hmang tamlo mah ula, in puitling a, thu leh hla in thiam in, in bula awm a nuam khawp mai.
Khang hunlai chuan tuna kan inkawmna, ‘Website’, ‘Internet’
computer te hi kan hre pha lo. A hnu hnungah tih tawk a awm tih ang deuh, ‘Website’, ‘Internet”computer’ in chawm ta vel bik a nih hi. In vanneih hle a ni, in vanneihna hi ram tan ‘thil-tha’ tihnan hmang char char rawh u.
Agra kan kal hmasak ber chuan, Camera (colour, engmaw a hming ta kha ni?) kan thian pakhat in a keng a, kan inhman chhawk laih laih, Roll ka lei a, expire a lo ni leh nghal…thlalak a paw rem vek, min bum chiang teh a nia.
Pian hmaa nu leh pa’n minlo thihsan lo hi, kutdawh phahnan hmang lo ila.. !!
Report this comment
September 13th, 2012 at 3:13 pm
Dan zawm hi chu a har a ni! Dan bawhchiat talh hi kan tum hlawm bawk si a. MLTP Act hi dan zawm moh hlawh ber chu a ni ve ngei ang le!!
Report this comment
September 13th, 2012 at 3:45 pm
A va tha ve. Nam chungin motor ka khalh police in min la a, ka pa rawn kal chu an pu nen an lo in hria a, chhuah min phalsak a. Amaherawh chu ka pa in min riah tir zankhat
Report this comment
September 13th, 2012 at 9:40 pm
I post hi nangmah nen pawh inhmeh khawp mai.
Illustration belhchian dawl tak a ni. Kut tling lova hausa duh si lovin kan ngaisang tlat pek alawm le…helai tak hi kan mutan niin ka hria. Kohhran nu leh pa – upa leh pastorte pawh hian a nei nei hi an lawm emaw ni tih mai tur a ni thin. Chu chuan kan nunphung a kaihruai si a.
India ramah hian Gujarat, Punjab leh JK ami chengte hi ka tawng fuh thei riau, an fela an rinawm thin bawk. Mahse Punjabi hi chu an aggressive ve khawp mai.
Report this comment
September 14th, 2012 at 9:57 am
38
Ignatia #
A dik ang,Punjabi hi chu an aggressive ve khawp ka ring.
Report this comment
September 14th, 2012 at 11:03 am
He thu chuan mi zirtir ava neitha kher vele o
Report this comment
September 14th, 2012 at 12:09 pm
Post tha tak a nih hi le
Mizote hian zirtur kan va ngah ve maw le
Report this comment