American Politics hian khawvel a nghawr nghin phak zel avangin mahni takchhak zawl atangin mahni phak tawk te tein i lo thlir ve leh mai mai teh ang:
Tun November thlaa America Inthlanpui (Presidential Election) lo awm tura Candidate pahnih Barak Hussein Obama leh Mitt Romney te tan chuan tan a na ta hle mai. Thlir dana zirin an intum tawk viau dawn nia a lan lai leh, Mitt Romney hian tuna President ni lai Obama hi a lehthal thei tak tak mai awm mang e tia thenkhatin an thlir mek laiin tun hnai thil thleng atang hian Obama hi a che fuh chho ta tlatin ka hria.
A bik takin Libya leh Egypt rama American Embassy beih chungchanga Presidential Candidate-te reaction hi a ngaihnawmin Romney-a hi a hmanhmawh luatah a chesual ta deuh niin a lang! Embassy beih an nih hma lawka Cairo hmuna US Embassy-in thu an chhuah chu Libya Embassy beih chungchanga Obama sawrkar thuchhuah emaw tiin Mitt Romney hian na takin Obama a dem a, mahse, chutiang chu a lo ni lo deuh a nih hmel. Tichuan Obama chuan chan tha inti takin Mitt Romney chu ‘kah hnua tin chauh’ (“shoot first and aim later”) tiin a deusawh hle a, “President chuan chutianga tih chi a ni lo” a ti zui!
Zawlnei ni miah lo mah ila tun lai khawvel inlumlet leh Bible hrilhlawkna lam atanga kei ka rin dan ve mai mai chuan Barak Hussein Obama hi a term hnihna atan President a ni leh ngei ang a, chutah zet chuan a mizia dik tak leh a ‘agenda’ dik tak kal puiin America ram ropui chu duh tawkin a hrual vel tawh dawn a ni. Mi thenkhat rin dan chuan tun hmaa khawvel hriata America ram zia, mimal leh sakhaw zalenna, ram hausa leh ropui a nihna zawng zawng bo thakin Socialist ram dik tak, sawrkarin engkim a thununna, mimal leh sakhua (a bikin Kristian sakhua) nek chepna, mahni thawhrimnaa hausate neih chhuhsaka sawrkarin duh duha a sem ralna ram, tun hmaa USSR ai maha ram hrehawmah a la chantir ang an ti. Chutih hunah chuan US of A, tun hmaa “Land of the free and home of the brave” tih thin chuan a hming a pu zo tawh dawn lo a nih hmel.
Obama hi chu mawngkawhur, nau tihthlak, Kristianna leh thil dang danga a thu lak dan hi ka tawmpui lo bur hlawm nain amah hi chu mi ngaihsanawm tak chu a ni ve hrim hrim!. A thu han sawi te reng reng hi a ‘smart’ thlap mai a, a ngaisang vek vek chuan an ngaisang bawk reng a ni. Thenkhatin hun tawpa Sakawlh (The Antichrist) ni hial tura an rin ang em hi chu a nih loh pawhin he pa hi chuan America mai ni lo, khawvel pumpui hi a tinghing pha hrim hrim zel dawn niin a lang. I lo thlir zel teh phawt ang hmiang…
Similar Posts:
- Obama in Nobel Peace Prize a dawng
- Vawiin pawh nidang ang thoin, hmeh theih hmet lo vin ni ahmang ral leh ta!
- US Presidential Debate 2012
- Obama Hi Gay A Ni Elo?
- Is Obama’s administration behind the Honduras Coup?
Nia,...
September 14th, 2012 at 7:11 pm
First leh miah lo ang chu
Report this comment
September 14th, 2012 at 7:16 pm
MHIP inthlan pawh a PUI kan ti tawh a nia, anni chu an dek PUI leh ang chu
Report this comment
September 14th, 2012 at 7:24 pm
A tlin nawn kalo ring vak hleinem keichu.
Report this comment
September 14th, 2012 at 7:25 pm
Pu Keimah, A va bengvar thlak ve. He post hi a ngaihnawm leh viau ang ka ring lawk, zawlnei ka ni lo nain!
Barking Obama!
Ril tak hre lo mah ila, he pa hi chu ka ngaisang ve tlat. Mahse, an han sawi hnawn leh deuh hi chuan mark ka pe hniam leh thin, ngaihtuah ve deuh tawh te’ng!
Nalh taka incheia, Necktie nen kawr ban a thlep tlat mai hi a nalh dangdai ka ti.
Report this comment
September 14th, 2012 at 7:39 pm
Israel thlavang hauh na na khu an tling leh mai ang..US of A a bankers lian tak tak ho khu Juda thisen kai an nia..An ni hovin an han support a, money nen an han tan tak tak chuan, an support lam khu an tling zel mai ania.
Report this comment
September 14th, 2012 at 7:41 pm
Obama hi ka hne hle tawh, Romney lah a tlin aiin a tlin loh a rinawm dawn dawn ta tak tak mai. Chutah, ani Romney pawh tling mahse President tha tak a nih ka ring chuang hauh lo, tawngsual reng mai a awl mai a…ram mualphona a awm fo ang tihte thlengin a hlauhawm thei maithei.
Obama lah chuan Israeli hotu a hmu duh lo leh ta, a hahthlak hle mai.
Tun tum Ambassador to Libya a thih chungchangah chuan, Republican lam pawhin, “9/11 a thlen dawn chuan khawvel a kan mi lehsate sahimna tur chu he administration hian a ngaihtuah sak tur a nia lawm. Hetiang buaina thleng thei a nihte chu kumtin kan inhrilh nawn ziah zawk a ni lawm ni…” an ti fe fan bawk a.
Obama tlin leh loh hlau lutuk (niberin alang) han tal vel lah hi, Mizoram politicians ho, tlin nawn loh hlau lutuk, che desperate em em mai thin hi a ang ka ti ber. Tlin theihna tur chuan a hnu leh ie:Ram tan a la pawi thei tur pawh hre duh miah lo vin a che per per mai
a pawi hle mai.
Romney hi Obama aiin tling ta sela, ram tan a that zawk ka ring fan!
Obama hian Bill Clinton hi a chhawr tangkai em a ni e.
Heihi ka duh dan:
https://i46.tinypic.com/aczuh5.jpg
Report this comment
September 14th, 2012 at 8:05 pm
Obama hnuaiah hian USA hian a zahawmna leh ropuina a hloh deuh tlat hian ka han hre ve ringawt a. Pa zahawm, huaisen, fing bawk si, Pathian tih bawk si, ram dang tan pawha rinna nghah ngamna tur, mi tak deuh khek khawk, hi an awm ngang lo em ni le?
Report this comment
September 14th, 2012 at 8:09 pm
PKfanai, #7 ṭawngkam chiah a thiam hian ka hre ta ber e
Report this comment
September 14th, 2012 at 8:22 pm
tling leh nulh maithei ni, america hi chu an mak ve deuh a, term 1 chiah lawm a neih tawh ti hian an vote leh mai ang ah, Bill Clinton te pawh kha, Black leh Hispanic hian an support full chuan, a thutiam hlen leh loh kan la ngaithla dawn chauh a ang
Report this comment
September 14th, 2012 at 8:30 pm
Report this comment
September 14th, 2012 at 10:03 pm
Hmani chu kan Biakin ah thusawitu hian Obama hi sakawlh a nih theih dan Bible bung leh chang sawiin a’n sawi tak tak mai chu! ka awih emaw awih lo emaw, ngaihnawm ka ti tak tak a ni.
Report this comment
September 14th, 2012 at 10:14 pm
Tun tumah hi chuan a chance hi a tha vak pawn ka lo hre law… Jewish ho vote a hloh viau dawn in a lang bawk si. Chuan kristian vote pawh hi a darh leh khawp ang, a chhan chu health care hi an duh vak loh hmel. Hetiang anih chuan a tlinna chance chu Afro-american ho an nih hmel khawp mai. Lo thlir ang u…..
Report this comment
September 14th, 2012 at 11:25 pm
Republican forever !!
Report this comment
September 15th, 2012 at 12:04 am
Tunah tak hian US ambassador to Libya leh midang 3 ruang Andrew’s Airforce Base, Maryland-ah a lo thleng chiah a, “I lam lo hnaih zelin… nang kan Pathian… (?)” tih hla kha an tum riai riai a, a dang zawng chu a reh ngawih ngawih ani ber e.
….Sipai hotu-in Pathian hnenah tawngtaina a hmang zo leh ta chiah e.
Report this comment
September 15th, 2012 at 12:09 am
H.Vangchhia@14, i hla han chham chhuah chu leh…a Mizo tawngin i sak khat hmel ve deuh a nih khi:-O
Midang 3 an tih deuh ngawt zel hi tute nge tih an sawi chiang tawh em le?
Report this comment
September 15th, 2012 at 12:11 am
hehe pu hv chu hla i van letling mawi ve..
Report this comment
September 15th, 2012 at 12:28 am
Pu hva hla sak hi Kristian hla buah a awm em??
Ambassador thi chu a pawi ngei mai, foreign policy dik loh vang ka ti lo thei lo.
Obama kha ‘THE DEVIL’ ah khan a la chuang vuah vuah thin em??
Obama thusawi thiam chhan te chu a speechwriter vang mai mai alawm mawle.
Report this comment
September 15th, 2012 at 12:33 am
A ngaihnawm bawn tawp, comment nen.
Report this comment
September 15th, 2012 at 12:35 am
#15 – #17
Hmanhmawh type kim lo ta vel ani maw, ka en duh bawk si a, ka lo uluk lem lo a nih kha, tihpalh hairehai
♫ “I lam hnaih zual zelin,” ♫ tih tur zawk a ni e
Sap ho chuan, “Nearer My God To Thee,” an ti
https://www.youtube.com/watch?v=0uc01ASDJT8
Report this comment
September 15th, 2012 at 12:37 am
H.Vangchhia, Mizo tawnga an dah dan chu ‘I lamah min hip rawh, aw ka Pathian’ tih a ni. I lehlin dan pawh hi a dik em em tho, a tha zawk mah nghe nghe awm e.
Ambassador Christopher Stevens-a hi Libya ‘liberate’-naah khan a thawk tha an ti viau asin maw le. ‘Liberated’ anga inngai ve lem lo hi an la tam viau a ni maithei e.
Nikum March thla khan kan Ambassador a thi hlauh mai a, a ruang Turkish military thlawhnaa an han phur liam vuah vuah mai chu a lungchhiatthlak duh khawp mai. Tuna thi tate pawh hi an chhungte leh thiante tan chuan an uiawm ve ngawt ang. (Ka OT ta deuh).
Report this comment
September 15th, 2012 at 12:39 am
Pu hlatekhua kha lo fimkhur ve rawh se…apa maiseka’n a ti nih chu..
Report this comment
September 15th, 2012 at 12:39 am
hlatekhua #20, Muslim extremists ho niin an hria. Tunah mi 4 man an ni tawh a, chanchin an chhui mek anih hmel source:Al Jazeera & CNN. Libyan mipui ten kawng zawhin “Christopher Stevens was a friend of Libya,” tih te leh chutiang lam hawi chu an keng nasa khawp…English leh Arabic a ziak.
Glen Doherty and Tyrone Woods, both former Navy SEALs working under the State Department, were killed alongside U.S. Ambassador to Libya Christopher Stevens and information management officer Sean Smith ..
https://abcnews.go.com/Blotter/.....FOBz41lRoE
Report this comment
September 15th, 2012 at 12:41 am
Ronald Reagan ka ngai mang e….
Report this comment
September 15th, 2012 at 12:43 am
chemtatrawta@21, ka lawm e. Mahse keini ang thi beh ve lo chu tumahin hnawksak min ti ve tham lo tawp ang.
H.Vangchhia, ka zawh khi chu American dang pathum thi ve te zawk kha.
Report this comment
September 15th, 2012 at 12:45 am
mamboih #23 George Washington law law mawle
Report this comment
September 15th, 2012 at 12:46 am
hlatekhua #22 edited
Report this comment
September 15th, 2012 at 12:47 am
Josefa kha mawle..
Report this comment
September 15th, 2012 at 12:48 am
Abraham Lincoln khan khunkhan tak maiin thu han sawi sela, a bei tha leh ang chu aw…
Report this comment
September 15th, 2012 at 1:02 am
Obama thusawi ngai thla in hman zanah ka duh aia rei ka men phah! Thusawi hi chu a thiam chiang!!
HV nia, George Washington te pawh an ngaihawm zo vek haha!!
Report this comment
September 15th, 2012 at 1:04 am
https://www.youtube.com/watch?v.....Ef_XLXg4CI
Report this comment
September 15th, 2012 at 1:23 am
Obama hi an thlang tling leh anga, office a luah laiin an assasinate ka ring, ve tawp mai a, chuan khawvel hi a buai chho tan bawk ang
Report this comment
September 15th, 2012 at 1:35 am
Thusawi thiam ka hriat ah chuan Pu Zorama tluk hi chu ka la hre tam lo khawp mai, ka la kal zim vang chu a ni chiang mai.
Report this comment
September 15th, 2012 at 3:32 am
In va han comment ngaihnawm hlawm em!
Pu HV, a hmun ngei atanga i han comment chu a fiah kuar kuar mai! I ngaihdan leh hmuh dan khi kei pawh ka hmuh dan chiah a ni. Romney pawh hi tling se, beisei a sang em em chuang lo mai thei. Leadership quality an tih ang hi a nei lutuk lo em ni chu aw a tih theih. Chet nat hunah a che zawi sep a, chet fimkhur hunah a che leh buan buan si ang tihte pawh a hlauhawm a lawm.
Juda ho hian Obama hi an support dawn lo emaw kan ti a, rin aiin support an la tam fuin a lang tlat. Hmanni deuh lawk khan an Juda hruaitu lawk tak pakhat chuan, Ïsrael chungchangah hi chuan Obama hi ring ngam rawh u” tiin a mite a fuih ve tlat thung.
Tuna USA leibat (16 trillions vel niin ka hria) nasatzia leh Pathian hming thlauthlaa a hnam thlan Israelte Obama sawrkarin Iran chungchangah pawh a phatsan titih ta mai te, Jerusalem Israel khawpui a nih pawmpui hleithei lova an han awm te hian America ram ropui hian chuai lam a pan dawn tih a tilangin ka hria. Hmannia DNC laia Pathian hming leh Jerusalem chungchanga an han che buai te khan America tlakhniam tawhzia a tilang bawkin ka hmu.
Report this comment
September 15th, 2012 at 3:46 am
He nu thu ziak hi a chhiar peih chuan lo chhiar ve mai mai teh u. A ziak ngaihnawm zek a nia!
https://www.raptureready.com/soap/wasson71.html
Report this comment
September 15th, 2012 at 5:55 am
Bush a kha tling leh se ka ti, a pa rem rem e
Report this comment
September 15th, 2012 at 6:47 am
Tling nulh thei tho, mahse ka lo thlir vena tlang atang chuan a tlin loh ka ring deuh mah zawk. President ni lai hi chu an mi uap a na ve hrim hrim a, an thawm pawh a ring zawk tlangpui. Mahse mipui hian mi tha leh ram tana mi tangkai tur chu an lo hre ber mai… lo thlir phawt teh ang
Report this comment
September 15th, 2012 at 7:25 am
US la ropuina leh an la tanawm em emna chu, an State funeral a, “I lamah min hip rawh, aw ka Pathian” tih hla ang te band party ten khùn khan lutuka an han play fän ruih mai thin hi a ni.(Media power bawk). Nia, George Washington, Abraham Lincoln, Ronald Reagan, George Bush(sr) ang ho, patling leh mi tak tak deuh ho ang kha an ngaihawm hle mai. Roman Catholic ho pawh hian Pope John Paul ang kha nei leh se ka duhsak pui khawp mai.
Report this comment
September 15th, 2012 at 9:19 am
British ho pawh Kristianna an chawisan lai leh Pathian an tih tak tak lai chuan khawvela rorel turin Pathianin a ruat a, Ram ni tlang seng lova rorel tur a pe mai a. Chanchintha hril lam an ngaihpawi mawh loh hnu ah hnuh thlakin an awm a, America a lo lang ta ani. An ni pawh British ang chiahin hnuhthlak in an la awm dawn. President rengin Lalpa lawm loh zawng thil a ti hnem emai. Chuvangin ka unau, lal ram thar, Pathian hian a buatsaih leh thuai dawn. Chu lal ram thar chu khawi ram a tangin nge lo thleng dawn kan hre lo. Nimahsela Zoram hian tih tak zeta Lalpa kan auh huan, ram lo thleng tur chu kan ni ngei ang..Oil lipui chungah kan chuang a, Khawizu leh hnute tui luanna ram chu kan din ngei theih nan Ama lam i hawi ang u..
Microphone ah, thum deuh dep dup in,Pawn lam tlawhpawh phal loh a ni 5 chhung vel camping pui tawh ho kha, vau ti tih, thlem ti tih in “sawmna” han siam mai ila…Pa hnih khat an ding tan tih ah aia uarin leh ringin “Ka lawm e Lalpa mi he ti zat nangma tana min pek a vangin” tiin han au zui leh dum dum mai ila chu aw……Lal ram thar, Khawvela rorel tur Mizote anga in ngai chung ngeiin Campers ho zawng zawng chu an ding leh suau mai dawn ani (Ding lo bik nih kha chu counsellor leh speaker ten kil tin atangin kan melh kur mai dawn sia, zahthlak dawn em a sin.
Report this comment
September 15th, 2012 at 12:03 pm
Kei chu a tlin ka lo ring mang hlei nem…same sex policy vang mai poh hian…
Report this comment
September 15th, 2012 at 1:48 pm
Nizanah youtube atangin Innocents of Muslims tih kha ka en a, muslim ho tan chuan a thinrimthlak khawp in ka ring. Khatiang em em khan Isua hi rawn ti ve ta sela chuan a thinrim pawl ah ka tan ka ring. Revenge atan hrim hrim siam anih hmel bakah director khan hminglem a hmang lehnghal a, a pawi ngawt mai.
Middle East ah hian Obama hi a fail emawni aw ka ti mai mai a. Iran in a thu a bengkhawn duhloh chungchangte, Israel chungchangah te, Lybia an puih a hei an chunga thil lothleng hi a rapthlak khawp mai. Egypt hel ho an puih a hei an sorkar ta cheng a, a hlawk[ui lo tu ber chu America a ni.
Goerge Bush a khan a 2nd term ah khan an duhlo hle mai a, mahse a la tling miau si a. A chhan an chhuichhuah chu American kristian ho khan an duh em a ni tih hi a ni. Pathian tih mi an mamawh takzet e, khawvel remna atan chuan …..
Report this comment
September 16th, 2012 at 3:02 am
Obama hi tling lo hram seng ka ti
Report this comment