I cham reng thin asin Part-II

September 19th, 2012 11:30 pm by Sangpuiipa

Part-I chhiar lo tan HETAH

Puii nen chuan khaw khat a awm kan ni bawk a, kan in hmu zing in kan in ngaina ta hle mai a. Sangpuii nu pawh rilru kil khat ah ka hnawl tawm ta vel mai mai a. Kar khat ah vawi hnih vel te kan in be ve a. Hetih hunlai hian mobile phone te a la awm lova, landline ah kha chuan in lamah ka awm tam loh avangin a inbiak tam theihloh thin a, ni tin min rawn phone thin mahse ka awmloh thin avangin kan in be tlem ta hle mai a.

Tichuan ni te a ral zel a, Aizawl lamah lehkha zir turin ka kal a tul ta tlat mai le. Hun rei tak ka chawlhsan tawh avang leh Puii nena boruak kan neih mek avang pawh chuan ka huphurh ru hle mai a. A pehhel dan tur ka zawn ngial pawh chuan tihngaihna a awm thlawt lova. Tichuan Aizawl lama lehkha zir tur chuan ka kal ta a. Sangpuii nu nen chuan kan in hmu leh thei ta deuh reng mai a. Amaherawhchu Puii hi ka lo ngaina hle hman ani tih chiang taka min hriattirtu a ni.

Aizawl a ka awm ta chu ka lerh mai mai khawp a, hmun hrang hrang ah ngaizawng ka nei kual ta duah mai pek a. A then chu Aizawl a awm nghet te, thenkhat hmun dang atanga Aizawl lama hna vang emaw, lehkha zir vang leh engemaw avanga awm te an ni hlawm a. Hetih hunlai hian ka hawl kim ve khawp a, Zirtirtu, dawr nei, dawr nghak a an chhawr, puan thui, college kal lai leh mi awmpui chenin ka kawp kual duah mai pek a.

Ka kawp kual duah avang hian chet chhiat hun pawh ka tawng hnem malh malh khawp mai. Tin, topup a hek duh em em mai bawk a. Khang hunlai khan SMS pack te hi hre ve heklo,main balance kha ka hmang hiau hiau zel mai a. Nikhat ah cheng za man te hi ka hmang zo ta mai si a. Tichuan pawisa ka neilo tan ta a, thluak vawrh peih ta nafam chuan ka bialnu hlawh nei leh sum nei deuh ho te chu topup ka in thun tir ta thin a, chumi hmang chuan midang ho chu ka be kual ta thin a.

Tichuan ka awm rei ta deuh bawk a, engemaw changa han LEM ve kheuh ka lo ching chho ta bawk nen, kum tawp dawn lamah chuan Sangpuii nu lamah eng engemaw result a lo lang tan a. Loh theih lovin ka ruk mai a ngai chho ta a. Tichuan krismas dawn ah chuan ka hruai haw tel ve ta a.

Khua kan thlen hnu chuan midang ho chuan min rawn phone sap sap hlawm a, an thinrim vei hlawm khawp mai a. A khaw hmun lo nghaktu Puii chuan hrehawm a lo ti em em mai a. Amah hi fahrah anih avanga duhlo ang ah te min ngai hial a. A hunlai khan ngaihzawng satliah ang mai mai a ka lo en lai khan a ni chuan a thinlung tak in min lo hmangaih a lo ni si a.

A tir ah kha chuan eng vakah ka lo ngai lem lova. Luck vanglai taka nupui neih kha a lo nuam ber mai in ka hre thin. Ngaihdam dil kha ka bat ah ka ngai lova, ka tum bawk heklo. Mahse hun lo kal zel ah ka ngaihtuah thin a. Ngaihdam pawh dil hauh lo leh rilru na taka ka kal tir kha ka inchhir thin. Tunah chuan Champhai ah ka thianpa, ka school kalpui thin mi fel tak pasal ah nei in fanau tha tak neiin a awm tawh a. Ka lawmpui em em a ni.

He thu ka rawn ziah nachhan chu a laka ka ngaihdam dilna atan leh, ka misual pui te tan pawh thil tha engemaw tak a hrin chhuah ve ka beisei vang a ni e.

I CHAM RENG THIN ASIN

23 Responses to “I cham reng thin asin Part-II”

1
Chhurbura Says:
September 19th, 2012 at 11:33 pm
First
Report this comment
2
chhangteval Says:
September 19th, 2012 at 11:36 pm
Haha…ka nui huk huk mai

Sangpuii nu hian chhiar ve ta se a sa awm
Report this comment
3
H.Vangchhia Says:
September 19th, 2012 at 11:40 pm
A ṭha e.

Ngaihdam dil hian tlailuat a nei lo va, kan thiam lo vah chuan ngaihdam dil hi hreh miah loh tur niin ka hria. Mahni thiam naah ngei pawh, remna siamna atan chuan ngaihdam diltu zawk a ṭan a ngaih chang pawh a awm thei bawk ang!
Report this comment
4
aduhi Says:
September 19th, 2012 at 11:48 pm
chuan a tu ber chu maw cham reng thin chu?
Report this comment
5
H.Vangchhia Says:
September 20th, 2012 at 12:14 am
He hla hi As_Khiangte, Saitawk te nen kan ngaithla mek (hmun hran vek aṭangin)

Di chhawrthlapui:
https://www.youtube.com/watch?v.....re=related
Report this comment
6
Amah Charice_mizo Says:
September 20th, 2012 at 12:21 am
He thil hi ka lo chang ru reng thina, i rawn chhunzawm har ta lutuka…i ziahdan te khi, ka ngei tlat che! Mipa inla luck ho tak hi chu, lerh bawk si, ka thin an ti rim! Puii khi ka khawngaih reuh e, midang ho kha chu thuhran nise.

Sangpuii nu pawh chu ka va’n khawngaih, i hmangaih loh pawn i duat tal turah han beisei hram ila..lol
Report this comment
7
B. Bong Says:
September 20th, 2012 at 12:38 am
Comment ve thei ta hlauh e. Tha lutuk tlat
Report this comment
8
century child Says:
September 20th, 2012 at 12:49 am
puii chu a khawngaihthlak hle mai.
tin, i duh tui loh hmel ve thawkhat :thlawk bo nghal:
Report this comment
9
Mx Says:
September 20th, 2012 at 2:12 am
Kawp lawr nasa ve hle mai maw..hahaa.. Puii chu i va ti khawngaihthlak ve le.
Ngaihzawng hi ka kawp ngai vaklo a (luck viau mah ila ) Vawikhat ka kawp ve a, min manchhuak chiang lutuk a (phone ah an inbe vel) ka sim hmaks
Report this comment
10
Awmtea Khiangte Says:
September 20th, 2012 at 6:08 am
Hmangaihna sem zai thiam hle mai

Puii khawngaihthlak tak, lungchhe vankaia a tap hliam hliam tur ka mitthlaa ka khawngaih hle mai. Ka bulah chuan awm la, ka chum bur ang che
Report this comment
11
Jacka Pi Says:
September 20th, 2012 at 6:28 am
Karei maw!!! Nangmah ang hi ka nulat laiin ka tawng zuai tawh a,steady a nei tih ka hriat rual rualin a steady chu ka contact a,kan thin a rim dun bawk a, kan hmelphaka chu ar chuk tuilo khawpin kan han chhuah kha
Report this comment
12
awmtea khiangte Says:
September 20th, 2012 at 6:48 am
@Jacka Pi chuk han nih chu hlauhawm drem drem
Report this comment
13
Sangpuiipa Says:
September 20th, 2012 at 7:02 am
Aw haw, ka mut hnu ah a lo chhuak a nih hi mawle.
Report this comment
14
Jacka Pi Says:
September 20th, 2012 at 7:24 am
Awmtea Khiangte,tumah ka chuk ngai hleinem ‘ar chuk tui lo khawp’ awmzia i hre lo??? Kei chuan ka bauh thin
Report this comment
15
malsta27 Says:
September 20th, 2012 at 10:35 am
Mahni dikna rengah pawh ngaihdam dil ngaihchang hi a awm ve fova nia……………….I lerh2 mah2 nih khi mawle
Report this comment
16
Puii Says:
September 20th, 2012 at 10:45 am
Sangpuiipa, Part II hi chu i tlanchhe deuh tlat…i ziak dawnin a boruakah i cheng ta lo deuh tlat…
Report this comment
17
lrpa Says:
September 20th, 2012 at 11:13 am
SangpuiiNu varsawn hriat a chak awm hle mai a
Report this comment
18
doc_lib Says:
September 20th, 2012 at 1:53 pm
Keini ang hmui thianghlim pu mi tan chuan khing ” kawp ” tih tawngkam te khi a tenawm thei lek lek a lawm le
Report this comment
19
malsta27 Says:
September 20th, 2012 at 2:03 pm
@Doc_lib a chu hmui thianghlim te i lo pu ve ni maw? kei ka hmui hi an thianghlim mai2 khawp ah an sawi dan in ……
Report this comment
20
Sangpuiipa Says:
September 20th, 2012 at 2:32 pm
Haha doc_te,
Report this comment
21
Sangpuiipa Says:
September 20th, 2012 at 2:33 pm
Awhaw, Puii tih nick te pawh a lo awm chu le… Puii tih hi a hming tak tak ania, ka Puii kha chu i ni em lovang chu maw…haha
Report this comment
22
sheldon Says:
September 20th, 2012 at 4:24 pm
Haha…sangpuiipa leh! I va inla luck tak em. Chhiar a nuam, thu a inla man nalh a ning miah lovin ka chhiar chhuak.
Report this comment
23
aduhi Says:
September 20th, 2012 at 5:41 pm
sangpuiipa hi a nick ah puii tih a tel. ehemzzzz
Report this comment