Mobile Phone ka nei ve a

May 11th, 2011 1:30 pm by Sangpuiipa

Tun tum chu Mobile Phone ka neih thu hi Mi(sual) member te hian in la hriat loh tak in kan hrilh ve mai mai ang che u.

Mizoram a mobile phone rawn lar chhoh lai vel khan ka pa in Aizawl lamah Computer zir turin min thawn thla a. Hmunpui a han awm tak ah chuan thingtlang lam angin duhdah taka tal vel mai mai thin kha a lo theih tawh lova. Kan thian kawm te pawh an changkang in sum leh pai ngah tak tak te an lo ni hlawm a. Mahni tawk a thingtlang lamah pa te hlawh nei an lo nih ve na lai ah engemaw zawng tal a intih changkan ve a ngai tlat.

Tichuan mobile phone neih chu ka tum ve ta a. Ka pa kan dil chuan a lo remti awzawng lo mai a. Mahse neih ngei ka tum ve em avang chuan ka inhlawh ta ngar ngar a. Rs.3000/- ka hlawh chhuah chinah chuan a daih tawh ang tiin dawr ah ka kal ta a. Samsung phek thler mai te hi ka lei ta a. Mobile ka nei ve ta reng mai. Ka lei hnu ah ka pa kan hrilh chuan phalloh vak ngaihna a awm tawh si lova. “I khawih chhe leh vat ange aw,” min ti ringawt a.

Tichuan SIM card te kan lei ve a. Khang hunlai khan Airtel Sim card kha Rs.200 in ka lei a. Ka hmang ve ta a. Tunlai chuan Rs.10 te pawhin a lei theih ta. Kan hmang tantir kha mobile phone la khawih ngai lo chu kan buai khawp a. Airtel leh sumdawng ho hnen atanga ka message dawn rawn ri tang tang ah te khan kan “HALLO” ta thin a. Nuam ve tak chu ani.

Tichuan hun a kal zel a. Ka pa pawhin phone a nei ve ta a. Nuam a ti lutuk hi thla tin hian a thar a lei ringawt mai a. A lei thar apiang hi ka hman sak hmasa phawt thin a. A van nuam tak em… Mahse mi te anga sum leh pai nei tak kan nih lemloh avangin changkang tak chu ka hmang thei chuang lo. Tuna ka hmanlai hi Nokia 6303i classic a ni a.

Ka sawi duh ber chu phone kan neih hian eng atan nge kan hman. Thenkhat chuan tangkai pui aiin sum thuni nu atan kan hmang thin. Kei chu kan hmang tangkai khawp a, changkang vak nilo mah se mi biak nan te, internet hman nan te, thla lak nan te ka hmang a. Ka hmang tangkai khawp mai. Ka leina man kha chu ka phone hmang hian ka hmuhchhuah na a rei tawh mai.

Mizoram ah hian thalai ten engmah thawhchhuah nei lek si lo hian phone changkang tak tak hum ve ngei kan tum thin. Ka tawng huatthu nilo sela, BPL chhungkua pawhin phone neih ngei an tum ta. Chutih rual chuan mobile hi hmanthiam loh chuan sum leh pai hekna mai mai a ni a. Tangkai taka hmang thiam tan chuan sum leh pai lakluhna tha tak a ni thung a ni.

Hetiang lam inzirtirna hi kan la nei tlem hle. Phone lei hma in kan hman duhna tur ngun takin ngaihtuah hmasak a, chumi mil tur chu to tak pawh nilo lei theih in a awm mai thin.

Part 2 ah ka chunzawm ang a sei dawn emai.

Ka lawm e.

54 Responses to “Mobile Phone ka nei ve a”

Pages: « 1 [2] Show All

51
shailendra Says:
May 11th, 2011 at 11:24 pm
@vlchinzah, sshhhhh… Australian pa kha em ni? Pa tiah tiah a sin. A nupuiin sazu (ngaih dam loh tur) a hlauh avangin a then hmiah… hehe… Sazu note, a hmul la to lo ho a lai chhuak a, telin a ‘dry fry’ hmiah a, kerh kerh hmehah a hmang hmiah hmiah mai maw le…

Report this comment
52
vlchinzah Says:
May 11th, 2011 at 11:37 pm
@ shailendra, Ni chiang e.. in thil hmuh chhuah reng hi a ropui mai. Thangthar lo la awm tur in an hriat reng che u ka ring tlat

Report this comment
53
shailendra Says:
May 11th, 2011 at 11:48 pm
@vlchinzah, kei chu supporting actor mai ka ni e. Ka comment vel ho kha picture a dah lo in, a narration lamah khan an hmang ta vek zawk a. Nat Geo ho nen experience tha tak ka neih pha, ka lawm khawp mai. (A bik tak in an official cameraman, Carsten Peter advise tha tak tak te kha).

Report this comment
54
vlchinzah Says:
May 12th, 2011 at 12:10 am
Pu shai i phal leh tips min la pe ve dawn nia he2..

Report this comment