Tun tum chu Mobile Phone ka neih thu hi Mi(sual) member te hian in la hriat loh tak in kan hrilh ve mai mai ang che u. 
Mizoram a mobile phone rawn lar chhoh lai vel khan ka pa in Aizawl lamah Computer zir turin min thawn thla a. Hmunpui a han awm tak ah chuan thingtlang lam angin duhdah taka tal vel mai mai thin kha a lo theih tawh lova. Kan thian kawm te pawh an changkang in sum leh pai ngah tak tak te an lo ni hlawm a. Mahni tawk a thingtlang lamah pa te hlawh nei an lo nih ve na lai ah engemaw zawng tal a intih changkan ve a ngai tlat. 
Tichuan mobile phone neih chu ka tum ve ta a. Ka pa kan dil chuan a lo remti awzawng lo mai a. Mahse neih ngei ka tum ve em avang chuan ka inhlawh ta ngar ngar a. Rs.3000/- ka hlawh chhuah chinah chuan a daih tawh ang tiin dawr ah ka kal ta a. Samsung phek thler mai te hi ka lei ta a. Mobile ka nei ve ta reng mai. Ka lei hnu ah ka pa kan hrilh chuan phalloh vak ngaihna a awm tawh si lova. “I khawih chhe leh vat ange aw,” min ti ringawt a.
Tichuan SIM card te kan lei ve a. Khang hunlai khan Airtel Sim card kha Rs.200 in ka lei a. Ka hmang ve ta a. Tunlai chuan Rs.10 te pawhin a lei theih ta. Kan hmang tantir kha mobile phone la khawih ngai lo chu kan buai khawp a. Airtel leh sumdawng ho hnen atanga ka message dawn rawn ri tang tang ah te khan kan “HALLO” ta thin a. Nuam ve tak chu ani.
Tichuan hun a kal zel a. Ka pa pawhin phone a nei ve ta a. Nuam a ti lutuk hi thla tin hian a thar a lei ringawt mai a. A lei thar apiang hi ka hman sak hmasa phawt thin a. A van nuam tak em… Mahse mi te anga sum leh pai nei tak kan nih lemloh avangin changkang tak chu ka hmang thei chuang lo. Tuna ka hmanlai hi Nokia 6303i classic a ni a.
Ka sawi duh ber chu phone kan neih hian eng atan nge kan hman. Thenkhat chuan tangkai pui aiin sum thuni nu atan kan hmang thin. Kei chu kan hmang tangkai khawp a, changkang vak nilo mah se mi biak nan te, internet hman nan te, thla lak nan te ka hmang a. Ka hmang tangkai khawp mai. Ka leina man kha chu ka phone hmang hian ka hmuhchhuah na a rei tawh mai.
Mizoram ah hian thalai ten engmah thawhchhuah nei lek si lo hian phone changkang tak tak hum ve ngei kan tum thin. Ka tawng huatthu nilo sela, BPL chhungkua pawhin phone neih ngei an tum ta. Chutih rual chuan mobile hi hmanthiam loh chuan sum leh pai hekna mai mai a ni a. Tangkai taka hmang thiam tan chuan sum leh pai lakluhna tha tak a ni thung a ni.
Hetiang lam inzirtirna hi kan la nei tlem hle. Phone lei hma in kan hman duhna tur ngun takin ngaihtuah hmasak a, chumi mil tur chu to tak pawh nilo lei theih in a awm mai thin.
Part 2 ah ka chunzawm ang a sei dawn emai.
Ka lawm e.
Similar Posts:
- Facebook Phonebook kan hman dan hi
- 3G
- Naupang, Tleirawlte leh Mobile Phone hi
- Mobile misual.com – a suggestion
- Mobile Phone ka nei ve a – II
May 11th, 2011 at 1:37 pm
A tha em?
May 11th, 2011 at 1:37 pm
Sawiho ang le
May 11th, 2011 at 1:40 pm
ehe…keipawh bpl chhungkua antagin n97 ka nei,,,ti mai mai:D
May 11th, 2011 at 1:45 pm
Khawvel changkanna hi do leh khap ngawt chi a ni lo a. Kan duh emaw duh lo emaw, kan rethei emaw hausa emaw eng emaw tizawng tal chuan min nghawng dawn tho tho! A hmangtu leh a hman dan hian kawngro a su thui ber a; kan nunphung, hawiher, sakhuana, eizawnna thlenga a thunun nasat em avangin inven lawk leh lo dawnsawn dan kan thiam a tul a ni mai. (Y) post… @badboy a hul leh teh ang chu … π
May 11th, 2011 at 1:49 pm
2006 ah khan Sony Ericsson Z550i ka lei ve a,ka hmang tangkai khawp mai,mahse a model a hlui ve tawh bawk a,Sony Ericsson website ah pawh a software update na tur a awm tawh lo.. π .ka buai phah vak chuang lo a,mahse mi(sual).com ah hian tun hnai atangin ka lut thei ta ngai lo,Large page,content incompletely shown,choose another page tih vel te a rawn lang nuai zel a,a chhan pawh ka hre tawh bik lo,a hma zawngin ka lut ve thei ziah sia,site dang pawh ka lut thei reng tho sia,mak khawp mai
May 11th, 2011 at 1:51 pm
Hmangaihna Varparh : Keini ang mi zak zum, ngaih zawng te vawikhat melh mai pawh a sen chhuak phut phut thin tan chuan βSMSβ ring tone vawi khat βkeuhβ mai pawh hi inneih dar tlukin kan beng ah chuan a ring a, Thlaler ramro a tui farkhat an dam pui angin Missed call 1 chauh mai te pawh hi hmangaihna khawvel a beisei thar min siam sak tu a ni thin. Awβ¦ a lo va han tangkai tak em. Computer age ah kan cheng tawh a fanghma a in chhawlthuai thuai thuai ai chuan βMobile phoneβ a in chhawl thuai hi a effective tawh zawk a ni in a lang. Hmangaihna tui pui atangin Eizawnna sumtual pawh ka la sawi zel dawn…. Ka tui laklawh tlat
May 11th, 2011 at 1:55 pm
Nokia N72 ka nei a, 6303i classic aiin PC a internet connect nana ka hman hian a muang zawk tlat in ka hria.
May 11th, 2011 at 2:06 pm
Hmang tangkai kan inti lutuk. Ka hlawh in a phu bawk a π
sum leh pai lakluhnan erawh ka hmang lo.
Ka chawm te, ka leisak tur an nih loh kei ka buai lem lo khawp mai, mi thil neihah. Nu leh pa zara thil tha nei ka hmusit lova, ka ngaisang hran lo. An nu leh pa ten an afford thei a ni mai. Ka ti kei chuan.
Handset 2 ka nei a, ka duh tawk lova, a dang lei leh ka tum π seriously! A hlui hi a man hu tawkin a hralh tak tak theih chuang loh.
Tunlai chhanah Smart Phone nei lo, Google Latitude-a khawnge an awm en theih loh hi chu, kawm pawh ka pawm paih lo!
(H) (H)
Sawibelh: Phone kher lo pawh, thil reng reng te chu ka mamawh em tih uluk taka ngaihtuah vek a ngai lawm. Lirthei pawh hi kum 4 ka inngaihtuah hnu ah ka lei ve chauh π
May 11th, 2011 at 2:08 pm
a lo ni maw…
May 11th, 2011 at 2:20 pm
Nokia 2690 atang hian connect ve theih angem..pc ah
May 11th, 2011 at 2:22 pm
Ka phone hi a simple tehlul nen a volume adjust na ka’n hrelo tlat pek a. Settings atanga tih ka tumin option a awm bawksio a. Mi min hrilh na ala reilo, inbiak laia adjust chi alo ni daih. π
May 11th, 2011 at 2:25 pm
kei pawh Mobile phone ka nei ve asin, lele π
http://hmelthatea.blogspot.com/2007/11/ka-mobile-phone-ve.html
May 11th, 2011 at 2:25 pm
Fapa thuawihlo i lo ni reng a!
Thlatin phone thar lei thei chu mite angin i harsa vaklo a nih chu a!
I hman mek ang hi kei pawh ka hmang tangkai ve khawp mai!
Post tha tak a ni.
May 11th, 2011 at 2:27 pm
Taka, mobile phone Converter hi nei kan awm mial em? ka Nokia hi Samsung-ah convert ka duh a, π
May 11th, 2011 at 2:32 pm
Funny chu…volume set dawn chuan balance hek duh awm ve.. π
May 11th, 2011 at 2:32 pm
@hmelthatea-googleah zawng rawh π
May 11th, 2011 at 2:34 pm
@funny, i inzir nasa deuh a i Γ’ huih tawh a nih kha… π
May 11th, 2011 at 2:41 pm
trawta: hahaha, volume set dan chu Bingtaituki khan alawm min hrilh. Ve leh chhawng a π
May 11th, 2011 at 2:54 pm
Funny, in va han inchhun nufa awm ve.. π ..
i hairstyle updated pic hmuh a chakawm khawp mai.. π
May 11th, 2011 at 2:55 pm
@18, “Bingtaituki,” kan mizo thawnthu ah khan a awmin ka hria, Mizo thawnthu thawh thin te khan han ziak thei sela ka van ti em?
May 11th, 2011 at 2:59 pm
Hmelthate, bingtaituki chu mauruangi unaunu alawm, ..a nuhrawn fanu.. π
May 11th, 2011 at 3:03 pm
@tatrawt, nokia handset internet support chi anih chuan PC ah internet hman nan a hman theih vek.
May 11th, 2011 at 3:05 pm
13
Benny Says:
Fapa thuawihlo i lo ni reng a!
Thlatin phone thar lei thei chu mite angin i harsa vaklo a nih chu a!
I hman mek ang hi kei pawh ka hmang tangkai ve khawp mai!
Post tha tak a ni.
@benny, mi harsa chi ka ni lo hrim hrim a, eng kim hi ka ngai zam vel vek thin π I thusawi khi ka rawn chhang dik em. π
May 11th, 2011 at 3:13 pm
Keipawh mobile model hrang hrang ka hmang nual tawh a, ka hman tangkaina chi hrang hrang kan sawi ange π ka neih dan indawtin :-
i)Sony Ericsson J230i – nula thiante biak ck nan ka hmang nasa a, chuan ka hnathawhna pa in min rawn biak nan a hmang tangkai hle bawk.
ii)Samsung(a model hming ka hre tawh lo) – Tlawm te in ka lei a, thla khat ka hman hnuah ka leina aia to in ka hralh (ha kherna hman hnu pawh ka hralh thei π )
iii)Nokia N72 : Ka lei ve ngawt a, a ri ka duhthu a sam lo a ka hralh leh, nula biak nan ka hmang hman lo (H)
iv)Sony Ericsson W700i : Hla ngaihthlak nan ka hmang nasa. Nula pawh he phone hmang hian pahnih chu ka chhai thlu ve. Thla 5 ka hman hnuah Bus Station ah vai hovin min ruk sak.
v)LG(a model ka hre leh ta lo, Rs.1200 man lawih): Signal a chhe lutuk a, ka hman tangkai hma in phone dang ka thleng pui.
vi)Nokia 1110i : Hei zet chu ka phone hman tawh ah ka la duh ber, feet 20 vel atangin a tla darh a, remkhawmin a la hman tlak, nula pathum lai ka be chhuak π ka hmang ning ta maw tihah ka nau in a khal zawm ve.
vii)China Touch Mobile(a model kha Xing Xang Bao vel niin ka hria) : a tirah chuan a tha ve fu, a ri pawh a tha, thla tum vel hnuah a touch a tha ta lo, nula pakhat chu ka be chhuak hman hram π , a tawpah chuan Touch Screen Mobile zir nan ka thiat darh a, ka remkhawm leh thiam si lo a ka paih ta ngawt.
viii)Nokia 6070 : Nula lam an reh ta, rei ka hman hma in ka nu in min hmansak.
ix)Nokia 1616 : Torch light chhawm ngat kha ania, he a torch light chhawm hmang hian ka duhtak ka chhun thlu ta, tunah erawh a software a nikhua lo tlat mai a, ka dah tha rih.
x)Nokia E71 : Tunah ka hmang mek a, hman a lo nuam em a, duhtak te lak atang paw’n ka uire ta reng mai, nula an lo lang zut zut mai π Thu han chhut zung zung te a lo awl bawk si nen, hmang ve rawh u, in inchhir lo ang ka hmel ang in neih ve phawt chuan nula chu….nimai π
NOTE : Office ah hian tihtur a awm lo em a. ka hman lutuk thil tih a nih lehpek hi, a phek ka lo ti hek ta anih leh phek thar ka pe dawn che u nia π
May 11th, 2011 at 3:26 pm
sangpuiipa..
tihdan min hrilh ve ngei ngai nih chu…
May 11th, 2011 at 3:30 pm
Nei ve sup sup mai ang ooo… π
May 11th, 2011 at 3:47 pm
Hmanni khan Nokia(qwerty pad) ka awt deu a ka lei. Ka ti bo daih.
May 11th, 2011 at 3:51 pm
ka lo haw khan nokia, chhuak hmasa ang chi black and white kha ka hmang a, mi in nga ti nge tiang mobile te i hman a thing si an ti LOL, kum 5 vel chu hmang ve tawh
May 11th, 2011 at 3:56 pm
DXBfreak…keipawh nokia 1130 ka la nei…
May 11th, 2011 at 3:59 pm
Ka nokia phone chu 1900 in ka lei a..a chhe lutuk a..nokia care ah a aia thra 3000 manin min thleng sak daih.. π
May 11th, 2011 at 4:07 pm
Kei pek 2007 khan Sony Ericsson k550i ka pass lawm nan ka putean min leisak ve hlauh mai a. Ka va han lawm tehreng! Mahse, thla hmasa khan min peih lohsan ta a. Tunah chuan Sony Ericsson W20 Zylo ngat ka nei ve ta. Ka duhtawk cher cher khawp mai. Lei ve rawh u. π
hei ka phone ang chu.
http://newtechnology.co.in/sony-ericsson-w20-price/
May 11th, 2011 at 4:52 pm
2006 khan Nehru place, Delhi-ah Motorola L-7 ka lei ve a, commode-ah ka ti tla a, a chhe der mai, ka ui a nia aw! A dang ka nei leh mai thei tawh si lo.
Kan SIM card hman hi foreign a an hman nen hian a in hman pawlh theih em le? BSNL post paid, All India roaming a ni a.
May 11th, 2011 at 5:08 pm
@Sangpuiipa: i ziak thiam hle mai. mahse tizawng hian ka rilru a kal daih, i nick atang hian fanu nei tawh i nih hmel a, chuan ‘tinge i pa hnenah phone leina te i dil a? (patling phone lei ngen :-O ) nge i tlangval lai chanchin i rawn ziak zawk? nge i pa hnenah hian mobile phone lei phalna permit i dil chauh zawk? I tlangval lai ni ta se, thil zir, hnathawh neilo i ni a, engtin nge phone leina i tuak, hunawlah hna i thawk a nih ka ring ngawt a, nih chuan ka ngaisang ngawt ang che. Nge i insum deuh chhung te sum thawn ilo save a ka hlawhchhuah iti ngawt?( phaia zirlai tamtak sum thawhchhuah ve dan π ) :dilchhuttiahtiah:
May 11th, 2011 at 5:31 pm
Ka phone neih hmasak ber chu cheng 1250-in ka lei a, ka hmang rei khawp mai. Chite luikam, thosi leh nisa hnuaia ka thawhchhuah ve a nia, ka tan chuan a hlu vet vet khawp mai. A hnuah a hlui ka hmang vel mai mai a. Misual.com luh theihna tur ka duh em avangin ka inkhawl leh tang tang a, nikum December 31-ah k’u Trawta phone ang (N2690) khi ka lei a, ka hmang mek. A tha vak lem lo va, camera phei chu a hmantlak hlawl loh. Mahse, he ka phone hmang hian misual.com-ah post 20 vel chu ka ziak tawh. Hmang tangkai tak ka ni. Phone hmanga sum lakluh theihna chi a awm pawh ka hre law.. Tin, ka phone, top up & sms pack adt vangin ka chhungte’n cheng khat pawh an la seng lo va, ka inchhuanna zawng tak. π
May 11th, 2011 at 5:47 pm
#35 (Y)
May 11th, 2011 at 6:11 pm
Ka mobile phone ve hi chu Mizoram ka luh veleh ka paih nghal ang! Ken lan ngam chi a ni lo! Chhungkhat lainaten thing an ti lutuk min zilh rawn luai luai tur ka ngai ngam lo! (H)
May 11th, 2011 at 6:38 pm
@ozima, ka tlangval lai chanchin a ni e. Ka lei na man hi school sakna ah ka inhlawh a, chumi a ka lei chu a ni e. Phone man tuak tur hian class kal laklawh laiin Aizawl atangin kan khua ah inhlawh tur in ka haw vang vang.:-D
May 11th, 2011 at 6:41 pm
Ka phone hi 2007 kum a ka lei ani ve tawh a, lawm ve viau thin mahila kei zawng min ti chhe tu ani ka ti ve tlat. A chhan chu tuna ang a internet a awlsam hma kha ani si a, Misual.com zunah kan lo uai lak lawk tawh si a, mittui tla phung hian ka phone neih chhun atang chuan kan chhiar ta tlauh2 mai thin a, ka mit men te hi aphe vek thin a, kei atan chuan chhaitna anilo ka ti lo thei lo ani.
May 11th, 2011 at 7:00 pm
@vlchinzah, kei pawh ka ni chiah alawm.
May 11th, 2011 at 8:12 pm
Phone hi chu a lo tangkai ngawt mai, vawikhat bus tawt lutuk ah vai in min ruksak tawha, a hnuah ka no chu ka phone a, an lo pic up ve ngei, a sim card tal kha ka nei let leh thei a ngem tiin ka dila, nai tak a ni, Kha sim card kha ka hmanna a rei tawh bakah ka tan tangkai tak a ni nain, INDIA a nih hi an tih teh fona ah hian lungawi ka zir ta zawka, ka samsung e250 kha chu, misual.com ka tlawhna vang hian ka hluihlawn hiala, airtel gprs kum 1 vel zet, a tlawna ka pawh (hack)na vanga software leh app. ka khoih hnem luat a ni bawk in ka hria
May 11th, 2011 at 8:14 pm
Phone hi chu a lo tangkai ngawt mai, vawikhat bus tawt lutuk ah vai in min ruksak tawha, a hnuah ka no (min ruk sak ta) chu ka phone a, an lo pic up ve ngei, a sim card tal kha ka nei let leh thei a ngem tiin ka dila, nai tak a ni, Kha sim card kha ka hmanna a rei tawh bakah ka tan tangkai tak a ni nain, INDIA a nih hi an tih teh fona ah hian lungawi ka zir ta zawka, ka samsung e250 kha chu, misual.com ka tlawhna vang hian ka hluihlawn hiala, airtel gprs kum 1 vel zet, a tlawna ka pawh (hack)na vanga software leh app. ka khoih hnem luat a ni bawk in ka hria
May 11th, 2011 at 9:07 pm
Ka phone neih hmasak ber kha Sony Ericsson T230i a ni a. Colour a ni ve reuh. BSNL SIM card neih harsat vanglai kha a ni a. Tlanchhiatna tur a awm si lo, an induh si, SIM card nei thei turin zing vartian atanga nghah a ngai.
Tunah zet zawng, SIM card chu duh leh duhloh a ni tawh mai. Hma kan sawn nasa khawp mai.
May 11th, 2011 at 9:11 pm
@tatrawt, nokia pc suite nei la, i phone usb connector nei bawk la a tawk der. A set dan vel chu misual ah tho hian post a awm tawh in ka hria. Chumi nih loh pawhin ka blog lamah lo en mai rawh.
May 11th, 2011 at 9:22 pm
Sangpuiipa @ 23, i pa’n a phal chung2 i lei lui si a, thu chu i awihlo phawt mai a.
Thlatin i pa in phone thar a lei theih chuan, in harsalo/neilo lo hrim2 leh bawk a. I thu cheimawina emaw thukhuhna a ni zawk a niang e.
La thutak duh lem suh.
Rs 3000 vel sikul saknaa hlawh chhuak tur khan class i thulh tam/rei ve ngawt lo maw? I ngaihsanawm khawp mai.
May 11th, 2011 at 10:23 pm
@benny, ka sawi awmzia chu pawisa lama harsa ni lovin mihring mihrinna lama harsa, hrethiam em? Hrilhfiah i harsa emai. π
May 11th, 2011 at 10:31 pm
I sawi tra thei pap pap ngei mai
May 11th, 2011 at 10:31 pm
aaaaaaaaaaa ka coment chhan tu man i hre ve si lo a lelelel
May 11th, 2011 at 11:00 pm
@keimah #37, paih reng reng suh. ka handset neih hmasak ber chu Nokia, silver/var vung, chhah el ul, aman tlawm ber chi kha a nia, khami model kha (a model number ka hre ta mai lo) ka la zawng let leh mek a nia.
May 11th, 2011 at 11:01 pm
@sangpuiipa, e, a ni tak maw. Ka hrethiam e, mi tihmawh/harsa i nilo a thil palzam thiam chi i ni e. Now smile please(serious)
May 11th, 2011 at 11:06 pm
Pu shai, in sul hnu mau tam lai ami kha ka en mek.. ka van ngaisang che u i thianpa nen hian. (Y)
May 11th, 2011 at 11:24 pm
@vlchinzah, sshhhhh…
Australian pa kha em ni? Pa tiah tiah a sin. A nupuiin sazu (ngaih dam loh tur) a hlauh avangin a then hmiah… hehe… Sazu note, a hmul la to lo ho a lai chhuak a, telin a ‘dry fry’ hmiah a, kerh kerh hmehah a hmang hmiah hmiah mai maw le… 
May 11th, 2011 at 11:37 pm
@ shailendra, Ni chiang e.. in thil hmuh chhuah reng hi a ropui mai. Thangthar lo la awm tur in an hriat reng che u ka ring tlat
May 11th, 2011 at 11:48 pm
@vlchinzah, kei chu supporting actor mai ka ni e. Ka comment vel ho kha picture a dah lo in, a narration lamah khan an hmang ta vek zawk a. Nat Geo ho nen experience tha tak ka neih pha, ka lawm khawp mai. (A bik tak in an official cameraman, Carsten Peter advise tha tak tak te kha).
May 12th, 2011 at 12:10 am
Pu shai i phal leh tips min la pe ve dawn nia he2..