Mizoram ṭhatna atan duhthusamna leh tumna hrang hrang a awm chho ta zel a, a lawmawm hle mai. Mahse, kan tum (approach) dan aṭanga kan vei dan te leh, hma kan lak dante hi a fuh chiah em tihna ka nei fo thung!
Vantlang hian development pawisa eiru nia kan rin, an inziah fel thiam avang a man tawklo ho te hi, be tlawn lo ngam phawt mai ila. Tin, mahni hmasial lo ngamin, midang aia thil chuhhelh na’n a lawmman pekte hi sim ngam hmasak a pawimawh awm mang e tihna ka nei a; biakin lam a kan dawnsawn dan thlengin!
PRISM lam pawhin an thiam leh phak ang tawkin ṭan an la a, eiru ho hmelma nih an hreh lo niin ka hmu a, an fakawm ka ti hle. Anni hi thlawp a, fuihtu leh chanchin (information) petu nih ngam te thlengin a pawimawh lehin ka ring bawk.
Tin, eiru nia rinhlelh emaw an mante hi, lungin pawh lut lo vin damdawi lam lehkha emaw keng vive-in an chhuak nghal zel maite hi ka ngaimawh hle. Hetiang, dan (law) lam inrawlhna chi- a ṭangkai thei em em mai tur chu dan hremi (attorney/lawyer), ram leh hnam ṭhatna tur a ke pen ngam, ama hlawkna tur pawh thlauhthla ṭhen phal a dan chu ram ṭhatna atan a hmang ngam, chutiang chu kan mamawh ta niin ka hre bawk. “Dan hmangin man an han tum a, dan hmang vêk a an chhuak nghal mai ṭhin hian ati ngampa zual sauh theiin ka ring a.
Tin, rinhlelhte chu court hmaa an din hma (India danah khan ni 14 a ni em?) tal kha lungin-ah han tang ve ran mai sela, chutih chhungin ram hmangaihtu ukil chuan, dan hmang a an manna case chu tinghet thei turin tihchianna (evidence) leh ṭul dang ilo lo buaipui zui ṭhin ta se,” tih hi ka tunlai ngaihtuahna lian tak pakhat a ni.
Chu mai chu a tawk lo va, keimahni dam chhung mai ni lo,kan tu leh fate tan, kan ram tan tiin, mahni chhung leh khatte pawh ram hmelma, ram ṭhanmawh bawk an nih chuan a awm tawk zel a hrem tir hreh lo ngam khawp a kan ṭan tlan angai tawh a ni. Dan leh hrai kan neihte pawh hi kan ram, Mizoram tan a ṭha lo a awm anih chuan, state-in a tih theih ang chin chu aṭul ang thlak mai zel ni bawk sela ka ti hle. Irish sawrkar pawhin (state mai nilo) nu pakhat vangin, thlakhat pawh rial lo vin, rinhlelhte bungrua/ro mansak vek theihna dan an nemnghet charh mai a nih kha. Chutiang em em a khauh leh fir kan mamawh kher lo vang, mahse siamṭhat ngai, kan phaktawk chu siam ṭhat zel mai a van ṭul tak em!
Mizoram ukil fel tak takte, ram leh hnam tan a dingchhuak a, dan hmang a hrem ngaite hrem tirtu tur kan va mamawh vele. Dingchhuak ngam kan awm em aw? Khawvel awmchhung zawngin in hming a dai tawh ngai lovang. Mizoram mipui tamzawk te nen ṭan ila ang u hmiang?
Retheihna a pung zel a, eiru ho lahin ram siamna tur an thukru zo zel si!
Tih chianna: cartoon ziaktu ngaihtuahna ka ṭawmpui vek kher lo!
OPINION em em a ni e 
Similar Posts:
- Mizoram hnar kaitu atan Mi Huaisen kan mamawh! Tunge ni ang?
- Corruption leh CBI koh hla
- Inbihchianna/Chona!
- Mizoram ka hmuh dan
- Investigative Journalist Huaisen
(Y) 
September 20th, 2012 at 5:02 pm
Comment phawt ang.
Report this comment
September 20th, 2012 at 5:14 pm
Ka tawmpui deuh vek chein ka hria. Mi thenkhat chhuah an nih fo nachhan chu evidence tha tawk lo a ni fo. Tualthata puhte pawh an chhuah leh mai thin kha. Toonlaini hi a dik ve thei tho a nia.
Report this comment
September 20th, 2012 at 5:37 pm
Dik lutuk. Khaw hawizau ti takah HV chuan a ziak tha khawp mai. Ram danga corruption an ven tum dan hmu ve ik tan chuan “Switzerland of the East” a kan tih ve dan hi chu nuih pawh a tiza pha lo.
Kohhran lian ho leh NGO thenkhat hian hlprukna, eirukna, hleplanna, eilanna, fair lo taka influence hman, chhungte leh thiante fair lo tak duhsak bik do lovin ‘RUIH HLO DO KUM tih slogan hmingin an che vak vak a. Hetih lai hian an lo eiru hem hem mai thin anih kha.
Report this comment
September 20th, 2012 at 5:48 pm
Pu HV, ṭha thlawt e! Kan ram tana i ngaihtuahna i sen ve nasatzia ka hmuh hian i fakawm ngawt mai! Idea ṭha tak tak han vawrh chhuak zel teh khai!
Report this comment
September 20th, 2012 at 6:01 pm
keimah #4 ty ty.
Tun hmain ka lo thenkual mai mai ṭhinte kha pawi tihna namen lo vin ka nei a, mahse hei, ṭhalai fing tak tak an lo awm chho zel a, tlem chuan thlamuanna a awm deuh e. Mahse, tu sawi dan takah emaw, “Mi hruai fel aiin, mi hruaisual nih a awl zawk,” tih ang deuh kha kan ni chho vang tih erawh a hlauhawm viau tho mai.
Mizoram corruption hi a thuk tawh lutuk a, tumah hi an inti chhe ngam tawh mang lo niberin a lang. Chuvangin, chi leh kuang, chhung leh khat pawh dim miah lo va, ram ṭhatna tur a hrem ngaite kan hrem ngam a pawimawh tawh.
Tin, sawrkar hnathawkte pawh dikna avanga transfer te hi hlau hlur lo ngam tawh sela ka ti hle. An transfer pawhin mel tlemte ani zel tho a, a kumhlun hek lo. Mahni hmasialna dah bo va, ram tan ṭan kan lak a ngai takmeuhin ka hria. Mizoram te ang phei chu in ban tawp tawp (fire) a awm ve lo lehnghal a, thawk nghet tan lek phei chuan hlauhawm hi a awmin ka hre lo (compared to other places).
Report this comment
September 20th, 2012 at 6:23 pm
#5
Report this comment
September 20th, 2012 at 6:33 pm
Pi leh pu atanga corruptiona fihlim hi Mizoram ah hian kan tam lo em alawm. Chuvangin han in hrem dawn tak tak chuan, ka chumi, kha mi, kan kawm thlang a nilum aipui fanu tih te kha ani zel a.
Ka CM hunah chuan tumah hrem lohin ka chhuah lo ang
Report this comment
September 20th, 2012 at 6:34 pm
Heti em ema corruption a hluarna chhan pakhat chu hun kha lehchen chhung khan tute mah hrem awm hek lo. An huangtau phah em em ani. Tun maiah pawh PRISM te leh pawl thenkhat (no thanks to YMA) zarah an fimkhur phah ngawt ang.
Ka duh dan tak chuan minister te pawh hian mipui zah tak tak nih an duh chuan car man tlawmte hmang sela, kawngah light ri miah lo hmangin, mahse an hmaa mite’n minister car an hnungah a kal ani tih an hriat theih si hmangin, mipuiiin an zah vanga an ken sup sup khawpa zahawm nih a harsa lo asin. Police hmanga in tih zahawm theih ani lo.
Report this comment
September 20th, 2012 at 6:35 pm
doc_lib #7 Chuvangin, chi leh kuang, chhung leh khat pawh dim miah lo va, ram ṭhatna tur a hrem ngaite kan hrem ngam a pawimawh tawh. Kan IPS pakhat pawhin a nupui a man mai kha
Report this comment
September 20th, 2012 at 7:09 pm
Hm…. Mizorama mizo mizia leh nundan atang a hman hleihtheih vak loh tur thil tha tak a ni e.
Zawm theih nise kan that phah ngawt ang le…
good post
Report this comment
September 20th, 2012 at 7:14 pm
bucko #10 tumna a awm chuan kawng a awm, mimal tin kan pawimawh. Dailuah fang khat te te tlingkhawm-in chawhmeh a ti tling ṭhin.
Report this comment
September 20th, 2012 at 7:15 pm
Corruption hi chu kan duh lo vekin a rinawm, mahse thlem kan nih hian ka do zo ta lo thin ni berin ka hria. Eiru thei dinhmunah chuan ding ve ila keipawn ka eiruk ve tho ka ring, nuai 100 vel thai bo theih dawn a hlawk awm hi ka tia..fth
Report this comment
September 20th, 2012 at 7:20 pm
Thlem awlsamna leh, chuhhelh/mahni hmasialna hi kan sim thei anih chuan, hma chu tlemin kan sawn ka ring.
Report this comment
September 20th, 2012 at 7:20 pm
Mioram chhanchhuah nan chuan “Kungfu thiam” hi a lo pawimawh ber dawn a lo nih hi..@Ku_Shai
Report this comment
September 20th, 2012 at 7:30 pm
Nia… Tum hi a har a niang. Tak tak in tunah chuan hma kan sawn chak khawp in ka hria. Pawl kaltlangin mipuiin corruption do kan ngam tan a. Tunah phei fb kaltlangin mipuiin eiru ni ang puh te ka chilh rawn luai luai tawh a, tun atanga kum 10 vel ah chuan kan ram chuan hma a sawn nasa ngei ang. Corruption a fihlim ang ka ti lova, mahse a tlem hle tawh ngei ang…
Post tupa sawi ang hian han tum phawt mai ila….
Report this comment
September 20th, 2012 at 7:48 pm
#12. “Eiru thei dinhmunah chuan ding ve ila” Hei vang ringawta corruption beih hlawhchham tur ani lo. An din hmunah pawh ding la, i rinawm tlut maithei asin. Mizoramah hian sorkar hnathawk rinawm lo 60,000 neih aiin rinawm 300 chauh pawh nei ila ka thlang zawk. Sorkar hna tawp thup mahse pawi ka ti lo. Chuti khawpin ka ning. Thuneitu ni ila, eiru ho mi 30,000 pawh jail ah thawn ngaiih, khawhar in leh biakin velah tute mahin min biak duh loh phah pawh nise pawi ka ti lo. Mi 50 vel corruption vangin han khaihlum ngat phei ila chuan Kristian ram pawh kan ang ve deuh ang.
Kan value system dik loh hi chhan dang leh chu ani. Corruption hi “crime” ani a, ‘sin’ ani lo. Mahse kan Kristian derna suak hian crime aiin sin hi a ngai pawimawh tlat mai si a.
Kohhran rawngbawl inti tena an sawi fo “Zu hmun hlimna” khawvela thil tenawm bera an sawi thin hi ngaihtuah lawk. Kana khua a wedding reception ah khan tu berin nge instant wine factory hawng kha?
Report this comment
September 20th, 2012 at 7:55 pm
#16
Report this comment
September 20th, 2012 at 8:02 pm
OT em aw, Mizoram thil tho chu a nia, post a awm hmel si lova tah hian martarte pual in han zep ve mai teh ang. Pu H Vangchhia khan min lo hrethiam em ang chu ka dil nghal e.
Martarte Pual in
Aw kan Zoram nuam leh mawi
I hmun i tlang a mawi mang e
I chhungah naufa zaleng tual chai e
Partin an vul chiai, ngaknu an mawi
Hnuntui a thianghlim e hnamdang hawihin
Tlawmngaihna leh zahawmna thamin
I chhung a leng hnam ropui Zofa
An duai bil lo an do an sat an chhan
Thian tan nun an hlan thih huamin
Rinawmna leh dikna a thangvel
A par rimtui lo dawn ve u lengzawngten
Kan Zoram nuam leh mawi hi
A chuai ta maw nau ang nuihni
Kutni vangthla pawh ur hman lo in
Hnam dang bawih a tan mai hlauvin
Ram hmangaihtute an chhuak ta si
Tlang a ngui ruai e duhlai an then run nen
Hnutiang an hawi lo an kal zel e
Doral kianni her mawlh si lo
Chunnu a mangang zua bang bil lo
Hriatloh ramdai ah chin hriatlohvin
Engtin awm zel ang maw an hrai chu
Zanmu chhing lo hmangaihtu mengmawii
Dar ang intawng leh ang i maw
An tiam dun thenloh biahthu di
Parte aw ka hmangaih ber i ni asin
Zaleng zawng zingah nang ai tha
Ka tawng bil lawng e tiin an hlan e
Zing tian bawhar lo pau e thenna ni chu
An dang zo si lo hmangaihtu
An ngir e dai lungrawnah chuan
Pawm vawng vawng e leng i mittui nen
An inthen ta intawng leh ang i maw
Inthlirliam ta thlafam iang a thlahin
Na lo fa awm ang maw hei ang damlai pialral
An liam e zahlei mual hran ah
A thlir thin chhun nitin in
A hmangaih tawh nan dairawn ah
Kumsul a vei hriattur biahzai awm lo
A nghak e famthu thlen hma loh chuan
A thlirkir e chhuahtlang hmunhlui chul hnu
A far ta e thlafam lusun iangin
Ram leh hnam tan tiin an kalzel a
Bawn pik riltam hliampui leh damloh
Kirzai rel lo ten an pen zel e ramdaiah
Riahrun an rem e thing zar hnuai ah
A ngai nem maw an runnuam hmangaihna
An hmangaih Zoram vang maw lo ni le
Lengin a thlir tlaini tla a chhiar
Vai an lo lian e doral an hrang e
An hruai ta leng i tlang hran ah
Engtin ngai ang maw valnem a khan
Khua an khawm ta e lung a zing ngei mai
An tap an rum e chhantu ngaiin
Val an a chhuikir e an vangkhua
A ngui riai e, an run hmunhlui
Zuva leh leilenten lamtluang an rem
An vangkhua chulram mai ni tawh si
A thlir biakbuk kang bang engtinngai maw
Har a so ve thinrimna nen kawp in
Lengin lo nghak e khua hran ah
An hruai ta tun chhan ngam si lo
Hmeltha zaidam leh hmeltha chu
Chhantu neilo hmelma hual vel kutah
Hmangaih loh leh lengdang hraichawi ai chuan
A fam ta e hmelma riahrun kawtah
A hre nem maw valnem a chuan
Hmangaih Zoram tan ti a kal in
A pu e awlanpi leh talhfiak kengin
An bei zam lovin mahse an tlem si
An chhat ta vala nunna Zo lui bulah chuan
A hlan e a thil neih zawng chu
Famkhua an intawng leh ang imaw
Hmangaih vang a famhnu martarte
Parthi ka hlan e duhsakna nen
An sakruang Zoram leitha
An hming mawina thangthar te tan nise
An hmel a tha e Zoram tan
Hun sulthum a liam zo ta e
Remna lamtluangah intulut e
Nghilh zai an rel ta Zoram luahtuten
An duhtawk nem an sel an hau an raui
Kei chuan ka lainat asin aw Zoram hmangaihtu
Piang leh ngam hian ka ring lo.
Report this comment
September 20th, 2012 at 8:05 pm
@18, a va tha em. Ka phuah ni zawk se
Report this comment
September 20th, 2012 at 8:20 pm
Dan bawhchhia chu criminal a ni a, Pathian dan bawhchhia erawh chu sinner a nih hmel.
Khawvel dan bawhchhia chu dan ang a hrem tur a ni a, Pathian lak a sual chu a thih hnuah Pathianin ala hrem ang. Tamtak phei chu an damlai la la in an chungah a tla lehnghal.
Report this comment
September 20th, 2012 at 8:25 pm
Sawi lam chauh a corruption hua, a tak a haw si lo kan la tam em a ni e.
Tang tlangin, haw tlang tak tak ila, corruption hi kan titlem thei khawp ang.
Report this comment
September 20th, 2012 at 8:28 pm
Kut thlak em chu kan la insum ani ber e. An la hre mai ang. “Ringlote hlauvin an khur ang, kan lawmna ni ah chuan” tih hla hi lo sa ve lo phawt mai se.
Report this comment
September 20th, 2012 at 11:29 pm
Mipui kan pawimawh khawpin ka hria hemi kawngah chuan. Eiruk vanga hausate hi kan ngaisang titih deuh tlat a, ṭawngkamin haw viau mah ila an duhsakna dawng thei a kan din chiah hian kan nep zo lo ṭhin a ni. Rethei te te, mi hausate tlawn lo thei lo kan lo ni ṭhin bawk si a.
Kan kal sual rei lu deuh a ni. Beiseina tlem erawh a la awm e.
Post hi
Report this comment
September 21st, 2012 at 10:50 am
Kan ramhi, sum tamtak hleprukhmangte vanram a ang ta berin ka hria.
Mi hausa te tannatur, jail kannei rihlo te pawh a ni ang e.
Sum tamtak ai in hmingthat hi, thilthlan hlauhawmtak a lo nih dawnhi.
Kan kristian na pawhhi, Krista a vanga Kristian na ni lovin, Sakhaw Kristianna a angzawktlat. Kan kohhranangah ngatpheichuan, mirethei te tan
kohhran Upa nih tumchu, Sanghawngsei hriaubenga luhtlang tirtum
ang vel a ni ta ber e. Kan kohhran Upa ho thenkhat te lahhi,
office hna ti thuanawptu leh, an hnuai a mite ham thatna hupbet saka,
an chan votur te thlenga, paihbosakdaih duhtute an ni fo zu n’a, mawle.
Kan biakbuk meuhpawh, HLEP RUK HMANG tu te in khual te lemna
a changzota.
Report this comment
September 21st, 2012 at 10:55 am
#18 VL Hminga a tha-in a va sei tehlul em!
Report this comment