He kan Bengali nu hi ‘chance’ la thiam ngang ania, a thu lah hi a “Sahuai thing vawn” tlat thin a, a party tan hian hlawkna a chaw chhuak nasa asin. Amaherawhchu, hei a tawlhthlu dawn tan a ang tlat mai. I han ching phar teh ang u.
Lok Sabha term hmasaa Left hovin No-COnfidence Motion Opposition-in an putluh avangin Left ho chuan UPA chu chhuahsanin, Congress ho nena an nghawngkawl bah chu a dah thla a. Chumi remchanga la chuan, Trinamool Congress hotunu Mamata Banerjee chuan Congress nghawngkawl chu lo la vatin tun sawrkarah hian remchang a lo la ta zauh a.
UPA-II sawrkar tharah chuan Didi chu Railways Minister a ni ta a. Ahmaa RJD pachal, mi zirsang pawh ni lem lo, mahse Railways tungdingtu Laloo Prasad-a hnung a zui hneh lo hle mai. Laloo-a railways cheibawlhnu hmang chuan West Bengal chu an vur ta tak taka, a kumleh lawkah West Bengal Election a awm dawn tih hre ranin. Tichuan, national asset hmangin regional politics a khel ta anih ber chu.
Rin ang ngeiin West Bengal ah chuan Trinamool chu an lal ta a, Didi pawh Chief Minister niin, a inlalawk hle a. Athu anga kal lo leh a kalphung sawisel apiang mai chu “Marxist/Maoist” hmuhin a hmu hmiah hmiah a, Maoist chhuanlama hmang phei hi chuan loneitu takngial pawhin jail an luh phah rawk rawk mai.
Awle, National politics i lo thlir ang. UPA sawrkar kalphung hi a duh duha kalpui a tum lehpek emawni tihtur khawp hian, sawrkar zinga tel ve tho si hian a thawhpuite hi a vau khur khur reng mai a. Hun thenkhata sawrkar a thlawp that duh loh chhan phei hi chu Bengal tana Fund a hmuhbelh duh vang mai mai te mawle.!!!!
Mipui tan tlattu inti si hian, mahni hrawk ngaihtuah ran hian Congress a blackmail thin hi a ninawm takzet a. COngress ho lah chuan tlak mai hlauin a duh ang ang an pe mai thin a. MP 19 lek nei hian MP 200 chuang nei Congress chu a duh duhin a chinglet kual vel a.
Presidential election-ah pawh zahpuiawm takin a che a, a Bengali pui a tan em em tura ngaih leh, a sawrkar sangawizawnpuite thehchhuah Pranab chu a helh leh a. Kawng dang a zawn fe hnuah a dinhmun a dik dawn loh avangin a tawpah a thlawp ve ta chauh anih kha.
Tunhnaia, economic reforms hran hran sawrkarin a tichhuak a, chumi pawh a duh duha tihkawi leh a tum a, sawrkar a kun duh ta lo..!! An in bakkaih a, a chhuak tau ta a ni.
Didi chhuah avang hian Congress hi an tlak hmel chuang lova, SP leh BSP hi lut thut thei dinhmunah an ding reng tho mai. Congress lam hian inphahhnuai an tum tawh dawn lo nasa bawk hmel a, Chidambaram a sawi hmang hian. Chuvangin, Didi dinhmun hi a chhe tulh tulhin a rinawm.
A innghahna Third front sawrkar din an sawi rik lah chu, Left ho tel ngei ngeina tur a ni bawk si a, Bengal ah in oppose an nih avangin tel thei a ni si lo. COngress atangin a chhuak tau tawh bawk si. BJP ho zawm dawn ngawt se, an party ideology a inang lo ropui mai bawk si. A talbuai dawn deuh tan a ang khawp e. I lo thlir ang..!!
Similar Posts:
- Congress and MNF to form one party in Mizoram
- Aizawl XI team in 1989
- Bannerghatta National Park: Zoo
- Politics
- Tlakpui kum – 1998 & 2008
September 21st, 2012 at 9:06 am
Kawmen tan i1a…
Report this comment
September 21st, 2012 at 9:13 am
Lo thlir ila…
Report this comment
September 21st, 2012 at 9:56 am
Bang vang vang teh se, ka ning. Nizanah Bengali ho nen kan inhnial phah hrep.
Tuk chhuah nuam u le..
Report this comment
September 21st, 2012 at 10:19 am
BAD (Bahen Amma Didi)
Report this comment
September 21st, 2012 at 10:25 am
Awm dan chin tawk a hre lo ltk, a inhmu lian ltk a ni he nu hi, buak nak tehse, mai mai hian.
Report this comment
September 21st, 2012 at 10:33 am
India aiin Bengal a hmangaih a ni ve mai a
Report this comment
September 21st, 2012 at 10:51 am
A tir kha chuan a fakawm ve thlawt asin le… silipar nen a kal hnak hnak a, mi retheite kha a ngaihsak thin a.. mahse…
Report this comment
September 21st, 2012 at 11:08 am
Politics, polytricks tih vel hi chu, ka hre tam lo khawp mai; ka englo thenna lam a ni lo nge ni?!…
Hmeichhe ropui leh thiltithei tak chu a ni ve chiang, Didi hi chu…
Report this comment
September 21st, 2012 at 11:55 am
Good post.
Post tupa zarah tunlai boruak kan hre ve leh ta e.
Report this comment
September 21st, 2012 at 1:11 pm
Tuntum chu Didi chuan chefuh lo a inti ve vang vang maithei a ni!
Congress hian a tel loin an survive theih hmel ta si a hei.
Report this comment
September 21st, 2012 at 1:21 pm
Presidential candidate chungchanga ngaihdan tumtlang leh hmathlir thuilo zet cheap politics khelh duh vanga a thehchhuah atang khan ka ngei tawp he nu hi chu…a hmeichhe Politician puite a tluklo em mai. UPA ka thlawp, an motive leh decisions phenah engpawh awm se democracy vawng himtu anni tlat. Oppositions ho chuan an tihtur lo ti sela, sawrkar dinglai erawh nghing lo hram teh se, chuti lo zawng Pakistan ang lek kan ni ve thuai palh mai ang.
Report this comment
September 21st, 2012 at 1:26 pm
Didi hian Dada kha a haw viau en ti em ni kha(h)? Pawlitrik tak hi chu a…
te lo ti ve chiam ila.. 
Report this comment
September 21st, 2012 at 1:38 pm
Bengal ah lah mipui a rapbet si. A thlan khur a lai mek a ang ka ti.
Report this comment
September 21st, 2012 at 1:39 pm
#11 Sawrkar dinglai hi chu a nghing em dawn emni ka ti ve deuh.
#13 A lai chak viau maithei a ni!!
Didi hi chu a huaisen rum ve ka ti Singur chungchangte, W. Bengal tana railways chungchanga mawi lo khawp a a duhsakna a tihlan te leh thildangah te. Mahse a inti luhlul engemaw thin mah mah em aw?
Report this comment
September 21st, 2012 at 1:56 pm
Manuni, a nghing dawn lo a ang khawp mai. SP leh BSP hian outside support an pe reng a, tunge sawrkarah lut dawn tih a ni mai a. NDA tanrualpui Nitish Kumar lah chuan Bihar tana inseng huam apiang ka thawhpui thei a rawn ti mauh mai bawk si a, BJP lam pawh an lu a hai khawp mai.
Didi ve hi chu a hmabak a eng vak lo niin a lang.
Report this comment
September 21st, 2012 at 1:58 pm
CTR chu post tha e….
DiDi hi a opposition lai khan a tha ka ti a, lal hi a thiam mang lo tlat… 
Report this comment
September 21st, 2012 at 2:11 pm
#15, Congress hian politics khelh an thiam kan ti dawn nge maw ni, thawhpui tur hi an hmu leh zel a, ni e.
Didi hi chu, subjective tak a lak chuan, W.Bengal anga hmeichhe CM ni thei leh leh awmchhun a nihna te, painting thiam a nihte, a Zen hlui tak mai chauh a neihte, hmeichhia tih takah sari man to leh rangkachak eng ilo Jayalalitha te ang lo tak a a uar lo te hi mi danglam tak chu a ang ka lo ti ve thin a! Mahse hei enge a an tak zel ang le..a hmabak a eng vak loh hmel ni e!
Report this comment
September 21st, 2012 at 2:36 pm
Mamata politics khelh dan hi chu a ‘Opporturnist’ mah mah alawm, diktak chuan a thusawi leh thil tih a inmil lo (inconsistent) thin. Hei tunah ngei pawh ama tawngah bawk a talbuai leh tawh hi. 2009 trinamool Election manisfesto ah chuan ‘Entry of large domestic and foreign capital in retail trade’ hi an thil duh zingah an telha, kum 3 hnuah a taka chu chu alo thlen dawnin an dodal leh lawi si a!
‘Printing mistake mai mai anih kha’ a ti liam satliah ringawta, mahse amah bawkin ahmain heng an manifesto thil ngiatte hi an party duhzawng ang thlapa tarlan annih thu alo sawi tawh tih an hre thup bawk si!
Report this comment
September 21st, 2012 at 2:54 pm
Hmeichhe tih awm tawk lek ani. Sonia pawh hi backup tu Chimdambaram te, Man Mohan Singh te leh pu Pranab-a te nei lo se chu a tal buai daih tawh ang.. Hmeichhe vau loh leh vausam loh chu an pawng tual tual an tih kha..
( tlanchhe nghal vang vang)
Report this comment
September 21st, 2012 at 3:03 pm
Sawi zel t’u… Pawlitrik changchinthar hi ka bengkhawn vak lova, in titi hi a bengvarthlak dawn riau…
Report this comment
September 21st, 2012 at 3:10 pm
#19, on the contrary, Sonia hian Congress party image chhe tawh tak dinthar lehin UPA sawrkar legitimacy hi a vawng him hram hram zawk niin ka hria, leader chak leh integrity nei tha tak tello chuan India ram angah Political Party an chak tak tak theilo, Manmohan Singh hi a pawimawh khawp mai bawk.
Report this comment
September 21st, 2012 at 3:21 pm
Didi hi a tanawm ve reuh ping peng tho a sin
Report this comment
September 21st, 2012 at 3:48 pm
The Help film kha mi ti hre chhuak lo thei lo. Hilly mi khirh lutk kha Aibileen in chhal na ” A chauh pawh i chau zo zai lo a ni”a tih kha. Didi hi he tiang reng reng a khirh leh kawi a awm hi a nin pawh a ning zozai lo a mi le ka ti thin
Report this comment
September 21st, 2012 at 4:00 pm
Mamata fatique kei pawn ka vei a. A chapo liah liah khawpa, a thu thu in hkawvel kal vir tura a rin em loh pawn Central sorkar tal chu tal buai turin a ngai ani. A tel lo chuan sorkar tla ngei ngei turah a ngai a, an tla dawn awzawng si lo. Railway Ministry leh ministerial post engemaw zat a hloh bakah Delhi ah tute mahin a thu an ngaichang dawn lo ta thut hi awm dan a thian mawh viau ta ve ang.
Report this comment
September 21st, 2012 at 4:06 pm
didi hi street politics atanga chawr chhuak a ni a…a college kal laia jail atang exam fo a ni. amahah hian rebellion mind hi a bei nghet tawh lutuk a…a bo thei tawh lo hial ang.. CM anih hnuah pawh state lalber niha adm. ngaihsak lam aiin a suala sual chhuah tho a la tum a…rallyte hi a huaihawt leh hluai zel.
mi thinchhia a ni a chu chuan dictator zia deuh roh a neihtir a…a ngaihdan ni lo dawnsawn a thiam lo a ni ber.
economic reform hi a duh lo tak tak pawh niin ka hre lo a lawm lo ru a ni ber. bengal mipui pawh hian an hre tan tawha lal rei lo ber a nih an ring tan hial.
railway minister trivedi a ban dan te…lo neitu a mantir dan te khan amah a dah hniam tial tial a…judgement chu lei chhuah theih ang hiala a tawng avangin an ngainep tawh bawk.
mahse congress tan chuan a lal hi a tha…cpm dawta lian an ni a…mipui hian beiseina an neih ve tihbeidawntir phawt an duh…kum 25 chuang congress leh a sangawizawnpui ruling kha an paiha cpm ah an tlan a..politics compassah tmc an lal phawt a tul…a rei an rin loh avangin congress an that phah thei…mahse hnam tolerance ngah an nihna hian a veng leh fe thei.
hmanni cnnibn a an kawm tum tuma a chhuak tau…zawhna twist deuh zawh hlek khan maoist or cpm ah a puh zel…te kha zahpuiawm tak a ni.
Report this comment
September 21st, 2012 at 4:43 pm
Sawrkar thawhpuiah chuan Pi Rii a tluk meuh lo a ni..
Report this comment
September 21st, 2012 at 5:12 pm
An bang ta. An ban ngam tak tak lo ka rin tehlul nen. Good riddance
Report this comment