A thupui hmuh ruala thenkhat rilrua lo awm nghal tur chu ka hre mai. Society chu enge? mimal awmkhawmin chhungkua an siama, chhungkua engemawzat awmkhawmin khawtlang an siama, chu chu Society chu a ni mai. Mimal tam tak inzawmkhawmin a siam anih ber chu. Mizoten kan chhuan em em leh hnamdang zingah pawh kan sawi nin theih loh chu kan ‘society life’ hi a ni awm e. Sap ram hmun hla taka cheng leh Mizo awm mang lohna hmuna awm te pawhin an suangtuah nin theih loh chu Mizo khawtlang nun, inpuih dial dial, inlawm tawn, inlen pawh, inkawm ho leh adt, hi a ni awm e. A huhova thil ti chi tih takah pawl thil tih leh a kaihhnawih hi kan ngah em ema. Mi pangai leh pangailo kan intehna lian tak pakhat chu ‘kohhran leh khawtlangah a inhmang em?‘, anih loh pawhin chu aia chiang lehzualin ‘khawhar in a kal ngai em?’, ‘a hnatlang ngai em?‘ tih vel hi a ni tlangpui thin.
Mahni chauhva inkulhhrang, thenawm khawveng nena inlenpawh lo, pawl thiltihnaah pawh tel ngailo (emaw tel ngai vak lo), mahni tui zawng deuh chauh ngaihtuaha insawrbing deuh ngut mi chu a IQ level a sang emaw, mi piangthar tha a ni emaw, a chaw lak a na emaw, na lo emaw ‘mi chut’ anih loh pawhin ‘mi huihphai’ nih a hlawh thuai mai. Hei vang hi a ni mahna Mizo zingah ‘genius’ ti-a sawi tur kan tlem em ema, scientist leh inventor kan van pharh ni! College ka kal laia kan hruaitu pakhat min ‘zilhna’ chu ‘Engang pawhin i zirlai hi ti tha mah la, thenrual kawm dan leh midang zinga awmdan i zir thiam loh chuan i laktlak tak tak chuang lovang’ ti ang deuh hi ni tain ka hria. Anni tan kha chuan kar khata class vawikhat kala, a bak zawng thian kawm leh theuleu nana hman kha ‘nunphung dik’ a ni a, Mizo thil tih zawng zawnga an tel kim vek chuan tlema ’ak zat hnuailam’ result pawh nei se mi pangai an ni. Ka hriat sual loh chuan zirna lamah tak chuan an hlawhtling ta em em ta lo anih kha.
Tlawmngaihna ka sawisel lo, tlawmngaih avanga mahni nih tur ang nih phak loh erawh ka sawisel thung. J.S Mill-a’n ‘Society hian roreltu sual takin lal a hrawt ai maha nasain lal a hrawt thei a ni’ a tih hi ngun taka ngaihtuah chuan a dikin ka hria. Mizoten kan hun tam zawk midang tihlawm nan leh midang mitmei ven vanga kan khawhral zat hi kan ngaihtuah ngai em le? Mizorama kan zirlaite dinhmun atang lo ngaihtuah ta ila. Anihna takah chuan College level-a kan result chhiat em emna chhan te hi a bulpui ber chu Society-in standard a siam mila kan hun leh tha mai bakah kan nunphung kan hman nasat avangin zirnaah kan pachhiat phah thin a ni. Mihring rilru chak zawng, stress leh mawhphurhna a dawl nasat theih zawng hi mitinah a inanglo vek. Mahse mi zawng zawng kan inhrut ruala, phut dan inang vekin kan phuta, tehkhawng khat vek hmangin kan teha, kan tisual ta thin a ni. Chutah chumi tlansana neih thinglung khawnga phai lama zir pawhin Mizo tamna hmunah chuan Mizoram ang deuh chiahin ‘khawtlang nun’ kan siama, kan elpui vai leh hnamdang ten phuartu leh tibuaitu engmah nei ve lovin duhtawkin career an buaipui laiin keini Mizo, mi tlawmngai hnam te erawh hi chuan thei leh thei lovin kan han ti kawp kual sateha. Kan la inchhuang em em zuia!
Awle Society hi mihring than duan nan a pawimawh, nun awmzia min zirtirtu a ni. Ama’rawhchu mihring tumruhna, tumsanna leh hmalam pan zelna tura mahni tuina kawng zawh pawh ti thuanawp khawpa society-a kan inhmanna in min dal dawn anih chuan inlakhran ngam chin neih hi a tul khawp mai. An rel ang che, hnung lamah an sawi zui ang che., an eilo viau bawk maithei che. Pawiti suh. A tur ve reng emaw tia tette atanga kan lo inzirtir dan anih miau avangin kawng tam takah hrehawm tih chang pawh i nei maithei. Mihring rilru pangai pu kan nih chuan a hranpa taka thenrual kawm dan zir hi a ngai lem lo, a tlachawpa thiam theih thil a ni. Mi zawng zawng tihlawm tumin pawl thiltih leh khawtlang programme zawng zawngah tel kim vek mah la i tilawm kim seng chuang lovang. I hmelthat leh thatloh, i zaithiam leh thiamloh, i fel leh felloh, i tlawmngaih leh tlawmngaih loh etc chunga thutlukna siam thintu Society kha mahni inhlutna leh mahni inzahna hniam vek khawpa i chunga thu i neihtir chuan inchhir hun i la nei ang.
Society chu lui luang lai khauh tak ang a ni a, a chang chuan a luanlohna lam hawi zawnga hleuh let ngat ngat ngam a tul fo thin.
November 1st, 2012 at 3:38 pm
Report this comment
November 1st, 2012 at 3:54 pm
haha..ka ngaihtuahna hian min ti nui
Report this comment
November 1st, 2012 at 4:27 pm
Report this comment
November 1st, 2012 at 4:38 pm
Va pui bem2 ve hei chu, mi thenkhatin mipui an bumna tan hmun tih ngheh tum a tan lakna ava ang ve
………Ka thil hriat ve pakhat chu mi thenkhatin mi pakhat, Society soisel thin ti in an puh vak tawh mai a chumi chu a ni tak2 emaw tiin mi tamtak chuan an awih ta a………………..Thudik lan chhuah hlau deuh hi chu an awm thin mawle hehehe.
Report this comment
November 1st, 2012 at 4:54 pm
malsta, hei hi ‘critique of society’ a ni lo, question mark ka dah khi. Hetiang lam zawng hian ngaihtuahna ilo seng ve tawh ngai reng reng ami a?
Report this comment
November 1st, 2012 at 4:57 pm
“Mizo Society hian lal a hrawt em?”
Hrawt lo
Report this comment
November 1st, 2012 at 5:00 pm
5#:Seng hran lem love………………ka ngaihtuah khat ang reng khawp loh theih loh thil a ngaihtuah a ngaih chang te a awm te nih chuan thu hran…………..
Report this comment
November 1st, 2012 at 5:39 pm
Kan kal dan ngai hi a tha e.:-D
Report this comment
November 1st, 2012 at 6:05 pm
Kan theih chin chinah inhman a tha, mahni phak tawk leh tlin tawk hriatthiam erawh a tha khawp mai. Heng khawtlang/kohhran inhman nasat sawisel thin te hi inti zirsang ve deuh, inhmang vak lo an ni duh chawk a nia. Mi khawtlang tana a inhman chuan enge a tih ?? Thil tha a ti lo em ni? Thil tha tih a tum luatah a nuna pawimawh dang a hlamchhiah a tha ber lo. Academic a hlawhtlinna zawng hian hlimna leh lungawina min pe vek lova, mirethei zawk leh tanpui ngai te, khawtlang thatna tura theih tawk chhuah hi kan tih ngei ngei tur a ni.
Hetianga khawtlang/kohran a inhman tam loh tur tih ang zawnga infuih thin hi infuihna dik lo tak, hnam dalzia tih lanna a ni. Khawtlang/kohranah theih tawka inhman a, chu chuan kan nuna bet pawimawh tam tak thulh tir suh se tih lam zawng a inzirtirna hi uar a fuh zawk in ka hria.
Report this comment
November 1st, 2012 at 6:21 pm
Kan society ngaihdan a inan loh theih ang bawkin hringnun khawvela mihlawhtling kan teh dan pawh a inang lo thei viau bawk ang. Mipangngai tan chuan thil reng reng hi a awm tawk hi a hriat ve mai a nia.
tren tren
Report this comment
November 1st, 2012 at 6:30 pm
Report this comment
November 1st, 2012 at 6:54 pm
He post chu ka rilrem zawng tak ani. Mizo society hmuha fel fel hi factory emaw, supermarket emawa rawih chakawm lo ber ber anni dawn ani. A chhan chu “employee of the month” emaw, employee of the hour emaw lek ni tur pawn thlanlaihna, lungphunna, committee na, hla zirna, khawhar riahpuina tih vela kal hman thu a awm lo.
Ka employee tur rawn interview ta sela,
“YMA committee menber i ni em?
“Ni e”
“KTP huaitu zingah i tel em?”
“Tel e”
“Anin leh Chawlhni leh inrinni tiam lovin nitin i rawn thawk thei ang em?
“Thei kher lovang, Committee, Hnatlan, Mibo zawn, mo hmuah, inneiihna a kal, hla zir, biakin sak, adt. a ngai fo thin”
ti ta sela, employee atan i duh ang em?
Report this comment
November 1st, 2012 at 7:03 pm
Scientist un tawk pakhatin atia lawm, ‘kan zirbing tulh2 a society-ah kan hmantlak loh tulh2 e’ atia.
Hun an nei lo pawh aniang e. Thenkhat chuan ‘chut’ an ti maithei, mahse ram tan hna ropui tak a thawk tho alawm.:-)
Mihring kan inang lo a, mahnia awm chut2 nuam timi pawh kan ni thei, society-a va inhmang lo paw’n khawtlang leh ram tan thil ropui tak a tih theih.
Phak ang tawka inhman peih chuan chu tluk chu awmin ka hre chuang law.
Btw, charice_ka duat, muah2
Report this comment
November 1st, 2012 at 7:24 pm
Post tha tak, ngaihtuahna ti thui thei tak a ni e.
Mahni hnathawha rinawm leh hawihawm hi Pathian rawngbawlna a ni tih kan hriat hunah…second hand thinsante, inneihna/lungphunna a kal bo avanga dawr tur awmlo, mi berh deuh te lo biak that duhloh leh adt. hi a bo thei mahna!
Report this comment
November 1st, 2012 at 7:28 pm
CCte, ka perspective min man thiampui vangin ka lawm tuk e, muah2
James Bond, i thil sawi hi ka vei em em pakhat a ni, post ah sawi vek a rem lova, rawn sawi zau lehzual thei la ka lawm ngawt ang. Excellence, career ah kan duha, theihtawp kan chhuaha, mahse min pawt lettu, min phuartu tam tak kan insiam leh si a, hnamdang kan tluk thei tak tak ngai dawn lo. khawtlang leh kohhrana inhman support em em chhungkuaa seilian ka ni a, society sawisel ngawr ngawr hi ka tum a ni lo. kan kalphungah hian siam that ngai a awm em? tih dikloh kan nei em? enge hmasawnna kawnga kan mu tan (main obstacle) tih hi inchhut ve fo tur a ni zawk, chu chu hnam anga kan dalraina tur lam aiin khawvel pen ruala kan pen theihna tur zawk a ni.
Report this comment
November 1st, 2012 at 7:52 pm
Kan society hi zawi zawiin a inher rem ve zel a nia. Chutih laiin, kan society mila khawsa thiam lo/duh lo, sawiselna tur zawng reng mai an tam ta. Zir lai tih that loh phahnan an lo hmang a nih pawhin anmahni thiam lohvah ka ngai.
Report this comment
November 1st, 2012 at 8:00 pm
Mizo tlawmngaihna an tih pawh hi phakar angreng tak ani tawh. YMA a inhmang tak thenawmte ram nek tan an awm teuh. Kohhran upa office lama dawr har deuh te, buhfai tham khawn hnem mi rel ching, thalai hruaitu nuthlawi ngaizawng. YMA hminga radical mob (MTV, SRS) chet dan te kha Taitesena duhzawng ani ka ring lo.
Tunhma lam Mizo lal te’n khawhmawra hmeithai an dah te, Liandova te unau anga fahrah (orphan) an enhran dan te kha tlawmngaihna sawi dup dup thei society a ang lo.
Report this comment
November 1st, 2012 at 8:17 pm
Kristian dik tak tan chuan Pathian biak inkhawm ngaih pawimawh tur, theih ang tawka kohhran leh khawtlang a inhman a tha thlawt. Amaherawhchu, zan zirlai / hnathawhna lam ngaihthat thak khawp a Kohhran leh khawtlang a inhman erawh a Pathian Thu lo a, a kristian lo bawk.
Report this comment
November 1st, 2012 at 8:18 pm
Great Post
(Ka va sual hman lo tunlai chu 
). Ih.. Society leh Kohhran ah inhman loh tur a tih loh hi.. Mahni career etc pawh ngaihtuah hman lo va buai reng hi kan ngaihtuah chian a ngai in positive change kan neih angai tih lam in ka hriatthiam dan…( buai leh tawh hrih haha)
Report this comment
November 1st, 2012 at 8:23 pm
……Amaherawhchu, zirlai / hnathawk an zirlai emaw hna ngaihthah vek khawp a kohhran leh khawtlang a inhman erawh a Pathian Thu lo a, a Kristian lo bawk. (Lo type sual nasa nih khi mawle)
Report this comment
November 1st, 2012 at 8:38 pm
Vai culture ah hian Society chuan lal chu a hrawt rem rem zawk deuh lo maw?? Honour killings, female infanticide, child marriage, foeticide, caste system, dowry, purdah system, sati, adt a tam lutuk hi vai society ah a tel a, tun thleng pawhin a la hluar hle tih hi kan hriat a tha hle mai. heng zawng zawnga vai society lal hrawt dan hi mahni tanghmangai tak theuha lal hrawt an ni a, brahmins hovin ahnuaia awmte a thuhnuaia a dah theihna tur te, mipain hmeichhia a thuhnuaia a dah theihna tur te, mipa chungnunzia show nan te a ni tlangpui hlawm a.
Mizo society in lal a hrawt dan thung erawh, selfless service a ni a, a ropui hle zawk a ni. Educational perspective leh thlirna kil khat atang chauh chuan Mizo society hi a hnawksakna chen tam tak a awm a. Heng zawng zawng hi a bul berah chuan, “We take everything for granted”. Han awm lo chiah sela, a tangkaina leh a ropuina hi kan hrefiah thiam chauh ang.
Tin, mihring nunah hian sum, thiamna leh finna te hi Security tel lo chuan engmah awmzia a awm lem lo a. Billionaire pawh ni la, i nunna atana hlauh tur nei reng renga khawsak ai chuan rangva in chhe te ah pawh awm ila, thinlung a muang nge nge..
Report this comment
November 1st, 2012 at 9:08 pm
#19 #20 vel bawr chho zulzuiin:
Mahni tih tur, kan mawhphurhna theuh hi theih tawp a thain ti ila a dik vel duak zelin ka hria. hairehai
Report this comment
November 1st, 2012 at 9:14 pm
“Try not to become a man of success but rather to become a man of value..” Albert Einstein
Report this comment
November 1st, 2012 at 9:21 pm
Post tha khawp mai,theihna lai apianga mite tanpui pawh atha chutih laiin mahni eizawnna hlamchhiah thaka khawtlang leh kohhran thil buaipuia tlanbo adiklo,work is worship..
Report this comment
November 1st, 2012 at 9:46 pm
Hei chu a eng zawng pawha sawi fe tham a awm. Good Post. Ngaihtuah a ti thui.
Report this comment
November 1st, 2012 at 10:21 pm
“Mizo society is the best society” hnamdang vai pwn an tih fo hi, hetah cuan ka chiang! Zirzawh hunah officer/mi thiam nih hunah society cu a puih let theih ltk..tlawmngaih vanga lo hmnhmwh vak chi pwh a ni lo! Mahse thlan laih kher hi chu hlwhfa rawih a tha ka ti..a ‘labour’ hna mah2 tun ang generation a tan cuan…
Report this comment
November 1st, 2012 at 10:54 pm
I sawi tel loh, ‘tleirawl sual’ kan nei thin hi kan society vangah ka puh hmiah. Hnam dang nungchang hre tamlo hle mah ila, Mizo hi tleirawl chhuah hlima sual kawng zawh kan tam bik riau hian ka hre thin.
Inkhawm, hnatlang, thlan laih, khawhar in kal, adt. piah lamah hian inkawm hul hul kan ching a, sualna chi hrang hrang zirna hun remchang kan ngah lutuk lam hrat a ni.
Kan society lalhrawt thuhnuaia kun vanga nih theih tur ni pha ta lo kan tam ngawtin ka ring.
He post hi kava thlawp tehlul em.
Report this comment
November 2nd, 2012 at 12:04 am
Thachianga leh mambawihi, thank you… tleirawl sual chungchang chu nangmah bawkin rawn sawi zau la a tha ang, i idea hi ka lo ngaih ve thin dan chiah a ni…
Ka hman har lutuka a pawi hle mai, he thil hi perspective hrang hrang ka hriat duh vang pakhatalo post ka nia, a kamkeuna ang lek chauh a ni. a tul dan a zirin post dangah kan la sawi zawm ang.
Chemtatrawta hmaichhanah ka chhang tawh tho nain ka’n thual nawn ve leh hram ang e. Society as in, Mizo society chungchang bik liau liau a ni a, phaia kan Mizo nunphung kan maintain zui dan sawi tel hlek a ngaih avangin vai ho condition ka rawn thailang tel zauha, hei hi Vai society leh Mizo society tekhinna a ni lo. Plus, there is no such thing as Vai society, a zau lutuka helai hmun zimtea sawifiah zawh chi a ni lo.
In vaiin ka sawi tum in hriat thelh deuh nia ka hriat chu khawtlang/kohhrana inhmangte kha an duh vanga inhmang anni vek lova, Society in a phut vangte, mi hmuha mawi, mi pangai leh mite ei zawng nih duhna avangtea inhmang tam tak an awm, MITMEI VEN tih tawngkam hi hnamdangin an nei ve em aw??? hei tak hi a ni ka sawi tum laimu chu. Khawtlanga i inhman tawk loh vanga mi pangailo, chut, thatchhia etc a rawn puh tawp theitu che kha Society hi a ni em ni?
what about your personal preferences and choices?! kan vaiin puitling chin chu free-thinking individual, mahni duhthlanna fim hmanga thil ti thei kan ni, engvangin nge i thenawm khawveng emaw thenrual (peers etc) te khan i duhthlanna chungah thu an rawn neih anga, an duh anga i awmloh vanga an duh duha an sawichhiat ringawt ang che? tih te pawh hi lo ngaihtuah tel ila . Society in mimal nuna pressure nasa tak a siam zozai te hi kan ngaihtuah ngai em le..
Report this comment
November 2nd, 2012 at 1:21 am
A dik viau in ka hria
Mizoram ah chuan khawihmunah pawh, khawpui or thingtlangah pawh tlawmngaihna avang hrim2 a khawtlang thil a active te hi chu an awm tho na in, Mi pangngai nih duh vang leh thenawm khawvengte mitmei ven vanga kohhran leh khawtlanga inhmang hi (k)an tam a. Heihi a thalo miahlo a, amaherawhchu inhman loh avanga rualpawllo, inkiltawih leh tlawmngailo bika inngaihna kan rilru a rawn tuh tlat thin tu hi hman atang tawha kan mizo society hi ani ve tlat!
Intihluih avang ni miah silo hian Kohhran leh khawtlanga inhman avanga zirna leh hnathawh adt.. a ‘nih tur ang nih phak loh phahna’ te hi mi tamtak chungah chuan thlenglo na in, tamtak chungah a thleng thin tlat sia…
Report this comment
November 2nd, 2012 at 7:24 am
Post tha tak ngaih tuah na ti thui thei tak ani e.
Mihring hi mah ni chauhva khawsa thei chi zia zang
kan ni si lova, mi dang ma mawh lo khawp a in ngai
te pawh hian, chhiat ni tha ni an han tawh meuh hi chuan, khaw tlang leh koh hran hi chu, an lo
ma mawh ve na sa khawp mai. Mah ni in phat
ral raih khawp a, mah ni mi hring pui te tan a
mi in pe zo te hi chu, kei chuan ka ngai nep
thei ngang lo a ni e. Zir lai kan chhung tawi te ah
hi chuan
Report this comment
November 2nd, 2012 at 7:37 am
Comment chhut zawh hma in, nau te
a lo hlei zeuh. Zirlai nih chhung tawi te ah hi chuan, khaw tlang leh koh hran a in hman tam
rih loh a tha. Kan tum kan tih hlawh tlin hnu ah, khaw tlang leh koh hran tan hian hlawk zawk in
thil tha tamtak, a tih thei zawk in ka ring.
Report this comment
November 2nd, 2012 at 8:57 am
Sihtea, hehe chhangchhe pa tih takah.
Kan chenna khawvel hi a tumruh tawh ema, inelnate a sang tawh ema, hmanali Mizo society ang lo takin tunah chuan changkanna kawng hrang hrangah ke kan pen nasat zual a tul tawha, tunlaia kan social activity tam tak hi chu awmlo mahse kan buai phah ka ring lo. Mx sawi pawh khi a dik khawp mai, he inkiltawihna leh inthlahrunna hian alawm midang phak lo emaw mi rual pawl ve lo nia inhriatna min siamtu, mentally-a kan nun ti hrehawm tu chu. Anih leh tlawmngai hnam kan nih si chuan khawtlanga inhmang leh thiltihnaa lang tam, an professional life lama eng teh ual ni chuang silo te chauh kha ami kan rate san anga, chhiat that an tawh pawhin kan puih nasat deuh bik ang?
Chu chuan zawhna dang rilruah a rawn awmtira- ramtuileilo, thawkmawh chhungkua, sum leh pai leh hriselnain a tlinloh vanga mite lawm (sawm-invite anga lam rik tur) tha ve hleitheilo te dinhmun chu a va khirh dawn em!
Report this comment
November 2nd, 2012 at 12:11 pm
Post tha tak mai a ni
Report this comment
November 2nd, 2012 at 12:11 pm
Ziak thra hle mai. Wiw. Century Child comment leh a dang dang te pawh.
Hei zawng hi ni phawt rawh se, ka hna ka thawk hman dawn lo
Report this comment
November 2nd, 2012 at 3:46 pm
Amah Charice_mizo Says….
thanx for this post..ka lo ngaihtuah ve nep2 thin he2. ziah ka chak em2 thin i rawn ziak felfai/tawikim thlap mai… good post…
Report this comment
November 2nd, 2012 at 4:11 pm
Peer pressure vanga vantlang tana inhman hi tlawmngaihna ani lo.
“Mizo society is NOT the best society. See Germans first.
Report this comment
November 2nd, 2012 at 4:22 pm
I thu a fing thin hle mai…
Pathianin a chhia leh a tha hriatna thiang min pek hi hmang thiam vek ila a tha mai tur hi a nia, kan thiam thei si lo a nih hi..
Report this comment
November 2nd, 2012 at 5:34 pm
Chowtrix, ka lawm e, keimahni anga vei dang tam tak pawh hi an awm ve ka ring, a sawichhuaktu nih kan la hreh tlang ni te pawhin a lang, a sawichhuaktu ‘khengbet rawh u’ ti duh tawk an la tam em maia
James Bond, ila inthlahrung mah mahin ka hria…German lo pawh society dang paradigm tha tak tak an awm nual mai khawvelah hian..
Mahming, kan chhia leh tha hriatna hi tette atanga society in min thunun sak tlat vanga mahni thua initiative la theilo, society luan dan zawnga luang kawi ve mai mai hi kan tam awm asin
Report this comment
November 2nd, 2012 at 8:14 pm
Paws tha hle mai
, paws that manah hei le.. 
Bengsik in han ngaihtuah ve teh u, A tui leh a nuam hre tawk chauha changkang, Sum hmanral thiam tawk chauha sum hlutna hria, chhungkua leh thenawm khawveng te tana tawrhhlelawm tawk chiaha Kohhran leh khawtlanga inhmang, chhawr tak tak dawn a buh pho veng atan pawha tlak lo THALAI, lo chhuah sup sup na society hi chuan engemaw tak chu hmuh hmaih kan nei chuan ka hria kei misual hian.
Tum loh deuh a kan an piap piap leh tak chu le
Report this comment
November 2nd, 2012 at 10:13 pm
dtea, insum reng reng suh, hetiang lam hawi zawnga ngaihtuahna kan sen hi a hun tawh takzet a ni, mi thenkhatin an lo ngai kawi thin mai pawha
Report this comment
November 2nd, 2012 at 10:47 pm
Eu Charice chu thu leh hla i lo thiam hle mai a…
I ziak ang angin kan pawm mai dawn alawm le….
Ignatia hian a lo comment ve dawn em aw? khawnge le?
kan kalphung ngai reng hi chuan kan kal theih loh hun a thleng thuai tawh ang….khawpuiah hi chuan Nula rim pawh kan bansan tan deuh ta lo maw? fone te, internette a lo awm ta bawk a…
Report this comment
November 3rd, 2012 at 4:13 pm
Vawikhat chu kan awmnaah kan vanduai nge, lusun hi an awm deuh reng mai a. Kohhran, veng leh thian ang zawngin nu & pa, kan fate zantin deuhthaw-a kan chhuah fo a ngai ta mai a! Kan Chhungkaw nunphung chu a khaihlak phah nasa hle a ni.
“Engkim a hun leh a hmun-ah” tih a nih ang hian, awmze nei tak leh ngaihtuahna thui tak seng chungin thil ti ta thin ila. Kan Society hian a chhiat phah ka ring hauh lova, kan zirna leh hnathawh-te pawhin a chhiat-phah ka ring lo bawk. Chutih ahnekin, Tisa leh Thlarauvah Malsawmna kan dawn tam phah ka ring zawk hial!
Report this comment
November 3rd, 2012 at 5:38 pm
Ka vei zawng tak i rawn post chu le….
A dik chiah a ni…
Hnam dang zing a lehkha ka zir hnu in tlem tlem in ka mizia pawh a dang chho a. Hna ka thawk a, a dang ta deuh deuh zel a.
Mizoram a lehkah Nursery atang a Class XII thleng khan, Mi in a leng tawm lo mi, mah ni a Guitar in siam, Distortion Effect leh adt, pawh mahni a in siam chhop thing kha ka ni ngei mai a. Mathematics lamah thian ten ‘I chut’ min tih chu ka ni ngei bawk a. Kohhran ah ‘Thalai pawl ah teh pawh kum 4 secretary’ te pawh lo chelh tawh chu ka ni a, Khawhar in ah a vai in vawi 10 ka kal tling tawh em aw ka hre lo.
College kan kal lai in Topper ’1 emaw 2 emaw’ ka ni ziah a, hna pawh College pass hma in mahni in chawm nan Ka thawk daih tawh a.
Ka mizo na ka hlauh chuang lo, mahse Society a in hman vel hi kan hlawhtlin hma chuan a tih ngai ah pawh ka dah tawh lo.
Tunah tak phei chuan Mizo thian tumah ka nei lo a, mahse ka hlim loh phah chuang lo.
Chhung ten Mizoram ah lo haw la, hna zawng rawh min tih te hian :- a chang chuan
Hlawh tlin kan duh chuan mahni tan a chakai kan khawrh tak meuh chu a ngai a lom !!
Report this comment
November 3rd, 2012 at 9:35 pm
A post tu hian thil a thlir zauin ahmu kim thiam ka van ti em.
Ka rilru tak ka sawi hreh leh hlauh ruk deuh reuh si chu kei aia chiangin mi ziah chhuah sak a ni ber in ka hria.
“khawtlang/kohhrana inhmangte kha an duh vanga inhmang anni vek lova, Society in a phut vangte, mi hmuha mawi, mi pangai leh mite ei zawng nih duhna avangtea inhmang tam tak an awm.” A dik khawp mai hei pawh hi.
Kan Khawtlang mitmei ven hi chu angai khop mai.Thil sual kan va ti a nih lem si loh chuan
Report this comment
November 3rd, 2012 at 10:37 pm
A post tu hian thil a thlir zauin ahmu kim thiam ka van ti em.
Ka rilru tak ka sawi hreh leh hlauh ruk deuh reuh si chu kei aia chiangin mi ziah chhuah sak a ni ber in ka hria.
“khawtlang/kohhrana inhmangte kha an duh vanga inhmang anni vek lova, Society in a phut vangte, mi hmuha mawi, mi pangai leh mite ei zawng nih duhna avangtea inhmang tam tak an awm.” A dik khawp mai hei pawh hi.
Thilsual tih piah lamah hian, Kan Khawtlang mitmei ven hi chu angaih chan a tam thin khop mai.Khawtlang a inhman hi Fel, mi Tling teh nan ber hi chuan kan hmang ber alawm, Ei ruk ching tam takte pawn intih mawi tum nan an hman ber ani thin tih poh kan hai lo tlangpui ang.
Inhman miah loh tur ka tihna lam ni lovin. Khawtlang ang hian Activities/Programe hi chu tam tak a ni, nitin hna a neih tham tak meuh hi a awm. Chung a tel tam thei chu FEL/Tlawmngai nihna kan pek na tehkhawng ber a ni a. Tin Tel tam thei tur chuan HMAN ve tak nih angai bawk, A tel tam lo apiang, an tel tam loh chhan chhut kilkelh lova FEL LO tih poh an hlawhna a ni chawk.
‘Hman ang anga inhman tur’ te kan ti fo, atha pawh keipawn ka ti. Mahse e, sawi liam puat ang chu ni miah lo ania o, hman hun anga va tel chan hian Nuam vak lo thin tak ani, Tuang tihchhaha, Haider luih ngai atam thin khop mai.
A bikin hman deuh laia lo tel tam ve thin nih phei chuan, tel tam toh loh hnuah hriat kan hlawh duh phian asin.
Tin Khaw te deuh leh vengte deuh or Pawl te deuh apiangah inphutna poh a na tawlh2. Kan hmasang Mizo chanchin ah te poh khan Khawtlang thil tih a inhmang vak lo chu an Run thin tihte poh hriattur a awm, Ka sawi tum ber chu Tlawmngai/Ti THA inti pawl ho kha A RUN tu chu an ni lawi awm sia.
Report this comment
November 19th, 2012 at 8:42 pm
[...] : https://misual.life/2012/11/01/mizo-society-hian-lal-a-hrawt-em/ (Amah [...]
Report this comment