Ka post hmasa lamah khan ka lo sawi tawh a, ‘thil reng reng ka hmuh leh ka hriat ve phawt hma loh chuan ka awih ngai lem lo‘ ka tih tawh kha. He Zawlaidi chungchang pawh hi ka hmuh a ka tem chhin a ka hriat ve hma loh kha chuan sawi luai luai mahse ka bengkhawn duh ve lem lo. Tunah chuan ka hre tawh a, ka hmu tawh a, ka tem tawh a, a that loh dan hmu tur khawpin ka chhin tawh a chuvangin thil tlemte ka han sawi ve ang e.
2006 leh 2007 a High School a ka thawh laiin tumkhat chu kan Class-X ho in chaw an eikhawm a, chu an chaw eikhawm chu ‘mipa leh hmeichhia zawng zawng an rui vek‘ tiin thu kan dawng a kan thin a rim hlawm hle. A tukah chuan chung naupang ho chu kan ko khawm a, an nu leh pa te hruai turin kan ti a, chutah chuan hmeichhe naupang pakhat nu chuan heti hian a ti ‘ka fanu te chuan zu a in ve hleinem Grapewine mai mai a lawm a in‘ a ti a.
Ni e, a nihna dik takah chuan Grapewine a in alawm, mahse kha chaw eikhawmna ah khan engvanga grapewine kha in nge a nih? A chhanna chu thildang a awm lo, RUIH duh vang a ni mai. Mahse Zu a nih loh avangin nu leh pa tam tak chuan an fanu/fapa kha thil tisual ah an ngai tlat lo. Mahse grapewine an ruih khan RUI an nihna a bo chuang lo. Zu tho an in a mahse an thil in hming kha a dang mai chauh asin. Chuta karah hetiang ang chi ho Zu aiin taksa ah that lohna a thlen thei nasa zawk lehnghal. Mihring taksa pawhin a ngeih lo zawk (CO2 content sang lutuk vangin).
Ruih duh vang hrim hrim a Zawlaidi in ai chuan Zu pangai in nachang hre tlang zawk ila ava tha dawn em. Nu leh pa te pawhin an hriat tura ka duh chu ‘ in fate’n Zawlaidi man tur an dil che u anih chuan zu man an dil che u ah ngai rawh u‘. Zawlaidi (zu pangai aia taksa a effect nei tha lo zawk) phal taka in tir aichuan Zu in tir zawk rawh u.
Ngaihtuah chiang rawh u, Zawlaidi anih avang ringawt hian ngaihhna thiam suh u. Zu leh Zawlaidi chu Chemte leh Knife tih ang chauh a ni. Tleirawl tam takin an lei anga, an in ang a, an rui ang a, kan hmu mak leh hauh lo ang. Mahse Zu chu nise benthlawrh kan chak chak ang. Chemte haw em em si khan Knife haw miah lo ila chutiang ang deuh chu a ni.
Ka sawibuai nuaih em aw? Zawlaidi hi ka haw bur a, ka do bur e ka tihna a ni lo a nia. Anih na dik tak ah te chuan Zu ngawlvei nih hi ka hlau ngawih ngawih a, ka hlauh tluk zetin Zu in ngai lo leh zu a pawngpaw tak a haw ngawih ngawih mihring ka ni ang tih ka hlau asin.
Ka sawi tum chu hei hi a ni. Ruih kan duh anih rau rau chuan Zawlaidi (taksa tana tha lo zawk lehnghal) inruih a inthup mawi aichuan huaisen taka zu ruih mai hi a tha in a fin thlak zawk. Chuan I pawisa a hek lo zawk bawk ang.
Similar Posts:
- Zawlaidi chungchanga ka ngaihdan
- Zawlaidi
- TLANGAU (Krismas ka hman dan tur)
- “Bang ziakin a, Zawlaidi, ziakin a”
- Kerh Kerh– II (Ruih hi…)
November 11th, 2010 at 3:53 pm
Phek thar law law ang, a laklawh em mai :lol: :lol:
Report this comment
November 11th, 2010 at 4:04 pm
Dik khwp mai ka thkawp lutuk che. Zu hian hming chihrang hrang a nei a ni tih hi hre tlang hlawm ila chuan Zawlaidi hi zu ah kan pawm tlang hlawm mai ang. Kei chuan Zawlaidi hi ringtu te tan chuan in chi ah k ruat ve ngailo ang.
Report this comment
November 11th, 2010 at 4:28 pm
Zawlaidi (taksa tana tha lo zawk lehnghal) tih kha elaborate deuh thei m?local rangvamual a mi vel ai chuan a tha zok lo mo? moderate amount a in chuan wine chu tha tih k chhiar a nia.
mi inveng thei leh in control thei tan chuan a poi lo,mahse mawl tak2 hi kan tam a,buaithlak nih hi mole.mizorama ron haw a,han tem chhin a va chakawm v,kan ram siam v ngei chu!
Report this comment
November 11th, 2010 at 4:42 pm
81
Mr. TSA Says:
November 11th, 2010 at 2:00 pm
@zualbonez: Ka comment i hmuhhmaih em ni??? :?:
Eng ber??
Report this comment
November 11th, 2010 at 5:01 pm
Ka post hmasa lamah khan ka lo sawi tawh a, ‘thil reng reng ka hmuh leh ka hriat ve phawt hma loh chuan ka awih ngai lem lo‘ ka tih tawh kha……. William Ralte .
EEEEEEE….Mipangai(normal people) nena in inan lohna/danglamna a awm chuanglo anih chu…..thil reng reng hi kan hmuh phot emaw ka hriat phot loh chuan eng thil nge emaw, englam hoi nge ani tihlo hre nghal thei hi chu vang deuh annia,kan hrilh emaw kan kawhhmuh phot an ngai mi reng reng an awih leh awihloh ngaihdan an siam theihna tur chuan :))
Report this comment
November 11th, 2010 at 5:02 pm
#William Ralte
I post chu tha hle…
Comment atanga a lan danin,ngaihdan poh inang tlang tho, tlemtein “ZAWLAIDI = ZU” nilo a chhuah kan tum tep niin a lang deuh.
JF-a Dictionary, thumal hrilhfiahnaah chuan, alcohol-hi: thil tui ruihtheih, zu…..tia hrilhfiah a ni. Tichuan, thil tui reng reng, ruihtheih, alcohol a awm tel phawt chuan zu a ni ta tihna a ni ber.
Chuvang chuan zawlaidi rui chu zu rui tihna ani reng fo ang 8O
Tin kan sakhaw rawngbawltute hi,tiang tihhmangah hian i chhal lo hram ang u,atam zawk chu fihlim an ni si
Report this comment
November 11th, 2010 at 5:07 pm
Last para a last sentence ami tichuan i pawisa a hek lo bawk ang tih khi chu ka ring lo thlawt thung; Zu hi a to em em a,a chhe em em bawk a,he lai a sen chi hmuh theih chhun lah chu Silchar Duplicate hlir lehnghal ni vei bawk nen…Grape hi a wine ah siam lo hian a juice ah siam zawk mai rawh se…Alchohol hi paih mai se..a tha ani mai…engvang Alchohol hi paih duh maih lo nge anih tihchuan Ruih theih anih loh chuan Hralh a kal lovang tih hlauh vang mai2 male…
Report this comment
November 11th, 2010 at 5:10 pm
Zawlaidi hi Port Wine (Vinho do Porto) niin, dessert (chaw pangai ei kham a tlem te in thin) anga hman tur a ni. Engkim hmansual (abuse) chuan a thalo vek; tuisik pawh, chaw pawh, beer/ red wine/port wine/white wine, liquor pawh. ka lawm e
Report this comment
November 11th, 2010 at 5:22 pm
@l.chhangte
Grape juice siam mai poh chu that hmel…dik khawpin ka hria.
Report this comment
November 11th, 2010 at 6:28 pm
Nachhawkna pawh hi a dose aia tam ei/in/inchiu chuan ruih theih a ni. Pathian thu meuh pawh hi hman sual/ruih sual theih a nih hi maw.
Report this comment
November 11th, 2010 at 6:47 pm
Keini ang, Pumpui ulcer nei mek ten kan han in chhin hian i sawi tum khi ka chiang khawp. Zawlaidi leh AC Black hi inzat chiah a ka lem ve ve in zawlaidi in ka pum a ti thip nasa fe zawk.(Midang ah chuan ka sawilo, keimah ah a nia)
Zu ruih tak hi chu ka peih vaklo thung.
Report this comment
November 11th, 2010 at 7:03 pm
Tun atanga rei lote ah hian ulcer nei kan pung dawn, ka tem ve ka zawngchang thlawt lo, a thur bawk si, lo thlir phawt mai teng.
Report this comment
November 11th, 2010 at 9:52 pm
#26
nictoz ,duh aiin ka short cut mah mah a ni, i sawi dik e.
# india ramah hian 1peg hi a in ang lo nuai mai. Punjab ah 1peg = 25.50ml an hmang a, delhi/haryana/m.p. etc ah chuan 30ml an hmang…a awm zia ber lang chu bar or rest neitu ten ti zat hi 1peg ni rawh se an tih kha an ring mai ni awm e.
Report this comment
November 11th, 2010 at 11:47 pm
tu te futbol referee an sawi ang mai..in dik/dik lo deuh thum… ti mai ang…in hnialna hi chu a tawp mai lo ang..ka ngaihdan ve mai mai chuan a duh chuan ZAD chu lo rui se la, a duh in rui lo se la..( a in lo rui leh chhawng te nen..) mahse kan Total Prohibition hi chu Sipai/A ruka a sen chi zuar ho/rv hian an hlawk pui a nih hi…
MAHSE KA RILRU A AWM BER CHU HE ZAD HI MIZORAM AH NI LO HIAN STATE DANG LEH FOREIGN AH THAWN CHHUAH THEIH TURIN KAN LO NEITU LEH SAWRKAR TE HIAN BUAIPUI SE LA, TU TE TAN PAWH A HLAWKNA A NI AWM MANG E..TUN AH CHUAN FOR SALE IN MIZORAM ONLY TIH A NI IN KA HRIA.. CHUAN KAN PROHIBITION/KOHHRAN/YMA/YLA TE HO SAWISEL POH A REH ANG CHU…A DUH CHUAN SILCHAR A TANGIN LEI MAI SE…ZAD HI A MIMAL TAKIN IN/DUH MAH ILA KAN MIZO SOCIETY AH HI CHUAN PUBLICLY IN KAN HUA A NIH SI HI MAW… ( A NGAIHNA CHEN A LO AWM VE SIA)
Report this comment
November 12th, 2010 at 12:15 am
chutiang bawkin tui pang ngai pawh Bucket chanve vel i in chuan i ti chhalh mai ang,chutiang a local zu ROBIN thawnmhnaw fai thei lo chiah fainana an hman leh colin ekin tihfainan an hman thin pawlh ai pawh a atha lo anih chuan sawrkar thuneitu te hnen ah hriat tir ava tha awm ve wwww, kalo hriat dan chuan acid content leh kan taksa tan a thalo thei tih bo nana winery factory pawh din an ni in kalo hreve si a, itawn i hmuh ani miau si aleee,ava pawi ve.thu neitute hriat tir vat tur a nih chu le misual ho tan ava ngai em….
Report this comment
November 12th, 2010 at 8:57 am
@ MS Chhangte: Ni e a pawi ngawt mai tiro…… Mi tha kara mi chhia an lo awm hian alom midang poh ti lang bal thin chu. A zawng a za chu ka ti bik lo a nia.
Report this comment
November 12th, 2010 at 3:45 pm
107(lr.chhangte)
grape juice siam ta teuh sela khawi ah nge an hralh ang?? Tu nge lei ang? Tu nge in ang? Grape juice hi juice ho zing ah pawh a tui lo ber pawl a ni.(food n beverages industry ah hian 5 years vel chu experience ka lo nei ve tawh). Tropicana , Real.. etc, indian and foreign brand te pawh a tam mai, mahse market ah demand a tha lo hle.Hnahlan grape variety(bangalore blue/purple) hi fortified wine siam nan bak chuan hmantlak vak a ni lo.Table grape ah hman dawn in a thur si,raisin ah pawh siam thlak loh.(raisin pawh mizoram ah hralh a har viau ang).
zawlaidi chungchang post hi a tam tawh a, a ninawm zozai ta khawp mai,a ropui lo tlats!!
Report this comment