Sumdawn hrim hrim hi ka lunglenna lam a ni vak lova. Secondhand nen ngat phei chuan kan inhnim hnai ngai meuh lo. Mahse tun tum chawlh ka han hmang chu Lunglei Bazar Secondhand lane ah nalh takin ni thum lai ka han thu ve a. Ka ni te an buai deuh avanga pui ve ka nia. Hritlang a zual duh tih lovah chuan a nuam ve phian reuh zuia. Krismas vuakvet a ni bawk nen bazar a luna, mihring pawh an tam angreng.
Han thut ve tak miau si-ah chuan zeihawi leh mi biangbiak peih alo ngaia. Inhralh han tum tak tak chuan tumloh thleng thleng sawikai a awl khawp. Thenkhatin Secondhand an lo iai rawl nen. Ka puanthan zawrh aia ka puan awrhlai duh zawk tlat te pawh an awm nawka. Thawmhnaw rawn en thenkhat chuan ka biak that em avangin lawmthu min hrilh let zaw hlauha, mak ka ti angreng.
Nilenga secondhand dawr nghah chu inhralh loh karah hian tihtur alo vang duh khawpa. Bazar-a mipui veivak te chu ka thuthmun rualrem fahran lo atang chuan ka lo thlir vel mai maia. Thingtlang lam mi chhungkua leh thianho awmni khama rawn bazar an tam hle. Chung bakah college kallai, sikul naupang, nula leh tlangval, nu leh pa leh tar tlem azawng, naupang engemawzat nen. Vai pawh hmuh tur an awm nual. Mipa zingah kal paha meizial zu khu hluah hluah leh ha sen fe fe hmuh tur an tam. Meizuk hi intih pa nan an la hmang emaw ni chu aw a tih theih. An hmel ena ruih nei tih hriat tak an awm pheuh pheuh bawk. Chutih laiin zirlai tleirawl rual fresh tak tak te kha hmuh an hahdam. Rethei harsa ve tak tak, chhungkaw budget-in a tlin baka lei tul si te kha an lainatawm. Thil man a to em atin ni.
Readymade lane ah chuan engang pawhin indawn mah ila intlawm an harsat em em. Chutiang bawkin secondhand pawh bail tha chu an sale mai mai lo. Mi zawng zawng inlei huai siak Readymade lane kal pela Secondhand ramri rawn kan khu rum rum ngam te kha an fakawm angreng ka tia. Krismas leh kumthar hi thawmhnaw thar neihna hun emaw ti-a la buai kan la tam si a. Inhralh loh hlau reng renga khawsa sumdawngte tan pawh chance tha a ni. Kristian tha ni tur chuan inkhawm taimak a tula, inkhawm taima tur chuan thawmhnaw tha neih a tul. Mahni intodelh si loa kohhrana inhman duh bawk si chuan chhungte rilru kan tihah duh phian law’ng maw? te ka ti mai maia. Alo pian chhan aia nalh leh mawi ringawt thlahlel leh a ruai kil lam ringawta lo hmanhlel thin ringtute hian December 25 krismas an tihah hian a tu tak hi nge maw kan lo hmuah thin le?
Chutiang vei ru fu chunga mi nei leh neilo inkar leitir tuma lo bel chawt chawt te chu a kristian zia lo riau hian ka hre ta roha. Ngaihtuahna khawngkhawbai tak nena customer tur ka lo melh mek lai chuan zinga ka thil hmuh kha ka hrechhuak leh zawk peka. Kan thianpa pakhat Engineering zir zo hlim hlawt hian bazar tawntirh step chhoah hian pheikhawk pum, nuho bun awm tak tak hi ngui burin alo sale a! A awmna lai kha inhralh a har turzia ngaihtuahin ka khawngaih veleh chhawng ta em ema…
Similar Posts:
- Zion Street
- Santa Claus Address!
- Masi Hmang turin min rawn dawr r’u
- Kan 2013 kumthar ni kan hman dan tlem :)
- Secondhand Puanthan
Heng te hi a aw a...
January 13th, 2013 at 9:13 am
good morning
Report this comment
January 13th, 2013 at 9:39 am
Ti tha thin e. Chawlh chhung khan Bazar ka kal awm pawh ka hre lo a
Report this comment
January 13th, 2013 at 9:44 am
A ngaihnawm fu mai
Engineer e, dâktawr e tu pawh nise, ruk nilo, zawrh duh neih emaw, a ṭul miau chuan zawrh lawp lawp mai tur. Thawh hah rah chhuak hi a hlu bik teh a nia…thawh hreh nei lo hi ka ngaisang.
Meizial khu nasa lutuk hi chu, “tawrh a har di lenmawi,” a ni ringawt.
Report this comment
January 13th, 2013 at 11:08 am
Hetz, ka rin aiin in chhuah hma..sunday a ni bawk sia, ka inthlahrung deuh reuh
Report this comment
January 13th, 2013 at 11:43 am
2006 khan hmeichhe thawmhnaw hi ka zuar ve nasa, a nuam reuh phian.
Mi’n ‘second hand hi a tha zawk’ an ti teh fo a; ka pawm chiah lo. A lo tha zawk a nih tak leh, kan thil neih zawng zawng hi kan neih atanga minute khat lek hnuah pawh second hand a ni mai tihna a nia; chuvangin a that sawt na tur chhan ka hrethiam lo.
Report this comment
January 13th, 2013 at 1:47 pm
Second hand zuar in chang kang awm hle mai. Nia, eng hna pawh thawk ila, hlawhtling tur chuan, tih tak takna angai vek mai. Inkhelh naa khelhpuite khawngaih tlat te hi chak a har duh phian.
Report this comment
January 13th, 2013 at 2:06 pm
second hand thawmhnaw ha chungin Foreign car manto tak kan khalh a… kan intih changkannaah hian dik zat lo chu a awm maw le..
second hand hrim² hi ka hnualsuat e tihna lam ni lovin … ka ngaina lo ve hranpa hrim²..
chuan.second hand bail… ni lovin bale.. zawk… nangni ang chin tal hi chuan tisual teh suh u..
Report this comment
January 13th, 2013 at 2:53 pm
Second hand zawrh thu pawh ngaihnawm deuhin in ziak thei zel bik a.
Report this comment
January 13th, 2013 at 2:58 pm
Experience tha tak i va nei anih chu. I ti tha hle mai. Khatiang chance kha nei mahila kan ti ve peihlo mai thei ani.
Secondhand thin hi kan intihhmuh a, a tha viau em aw ka ti. A chhan chu a man hi a to lutuk tawh a, a thar tlukin a nalh silo a, a man a to tho si a, incheinan a hman tlak em em loh, tha ve deuh tho, man to ve viau si hi lei teuh a awl.
Report this comment
January 13th, 2013 at 5:28 pm
Nikum chhung zawng khan thawmhnaw lam hi ka bazar ve miahlo, ka chhungte min rawn hawn khawm ka ring tawp mai. A nuam angreng phian.
Report this comment
January 13th, 2013 at 7:59 pm
Van ngaihnawm
Report this comment
January 14th, 2013 at 1:23 am
Laptop ka keu peihlo a, handset atangin ka chhiar a, comment pek ka tum a, smilie hi ka add theilo, ka thuziak a bo zel @ Vaiva
Report this comment
January 14th, 2013 at 2:51 am
I thu tihtawp dan chu ka nui deuh huk alawm le… A ngaihnawm zuai zuai khawp mai. Secondhand chu ka la zuar lo va, mahse, chanchinbu ka zuar tawh…hihihi
Report this comment
January 14th, 2013 at 1:43 pm
Kan net connection a chian loh thut vangin ka post pawh ka vil hman lova, in comment erawh hman tawkin ka la rawn chhang ang che u. Bail- Bale ni dawn tak e, Sammoo nge nge, class kal a ngai tlat, out leh nghal
Report this comment
January 14th, 2013 at 1:44 pm
Kei chu Ar ka vulh ve a, tuman min leisak duh lova, an lian tawh si, chaw an heh si, Bazaar aia To deuh hret in ka U te ka leitir.
I ti tha khawp mai. I hrerengin ka ring.
Report this comment
January 14th, 2013 at 4:06 pm
Nia ka chemkalna lam tur tak ni te pawhin ka hria
, ar vulh lam hi chu ka la experiment hauh lo thung 
Report this comment
January 14th, 2013 at 4:41 pm
He post hi ka lo hmu miah lo va. A ngaihnawm deuh kher mai. I bulah awm ni ila ka zawrhpui tur che nia…
Report this comment
January 14th, 2013 at 11:49 pm
I lo haw chho tih pawh ka va hre lo ve! Hmuh i chakawm teh nen aw! Mahse 2nd hand i lo zuar buai em a nih hi
Report this comment
January 15th, 2013 at 12:15 am
Kekawrte tih loh second-hand hlir ha chunga ka’n chhiar chu le
Report this comment
January 15th, 2013 at 9:11 am
second hand chu ka la zuar lo a, thingpui dawr ka siam ve tawh thung, a hahthlak viau a, a hlawk phian bawk
Report this comment
January 15th, 2013 at 9:59 am
Seconhand sawi tawh chuan, Aizawl secondhand market ka hre chhuak ziah, ka va’n vak kual nasa thin tak
Mahni inthunun thei tih takah, kum li chuang a vei tawh chungin, Aizawl secondhand market-a Kamiz Rs 150 ka lei kha ka la ha tawk chiah chiah a. Pathiannia ka kawr hak ber a la ni ve tlat. A man ka sawi hian, mak an ti thei khawp nia, a hunger/model hian ka zir ve hrim hrim nge ni? 
Tin, Aizawl secondhand market-ah khian thuamhnaw tha a tam bakah, mit a tlai..
Report this comment
January 16th, 2013 at 6:13 pm
Post tunu hi ka lo va hre har em!! Ka hre tawh khawp ang
Report this comment
January 16th, 2013 at 6:17 pm
Nia, tunah inhriatna alo thleng ang lol
Report this comment