Vawiin chu Nova Lawng atanga zir tur kan neih lam I han thur chhuak dawn teh ang aw:
1. Nova Lawnga chuang hmanlo/duhlo te tan himna a awm lo; chutiang chiah chuan, tuna I damlaia hun tha I neih lai hian, Hmangaih Pathianin Chatuana boralna I pumpelh theihna tur atana Chhandamna Lawng(Novah’s Ark) a buatsaih sakah che , ISua Krista-ah hian I chuan luh thuai loh chuan, I tlai palh hlauh ang e, a pawi thui lutuk ang, Ka Unau.
2. Nova’n Lawng a tuk tluk tluk lai khan, Ruah a sur hran lem lo; mahse a hmalama thil lo thleng tur mi naran hmuh phak loh kha hmu phak bikin, ‘hun lo’ anga langah khan a inbuatsaih lawk tluk tluk a, a hun takah inpeih a. Chuvang chuan, amah leh a chhungte kha an him ta a ni. Nang pawh, hun tha leh muanawm I neih a, I rilru a la fim that lai leh ila chak that lai ngei hian, I chatuan hmun atan inbuatsaih lawk ang che.
3. Nova kha Kum 600 mi anih tawhah khan Pathianin khatiang Lawng lian tuk tur khan a tir ani a, Nang pawh I taksa leh Thlarau nun fit takin vawng tha reng ang che. Hna pawimawh leh hautak ang reng tak thawh tur I hmaah Lalpan(Mihring pawh anni thei a, tisa lam hna pawh ani thei) a rawn chhawp chhuak thei reng a ni. “Ka tar tawh em mai” tih mai tur a ni lo ang.
4. Nova khan Lawng a tuk tluk tluk lai khan, awmlo tih avanga sawiselna a tawk nasa ngawtin a rinawm. Thil dik leh tha nia I hriat itih laiin, Sawiselna I tawh pawhin, hnual mai lovin, I hnaah I rilru pe tlatin, a puitlin hma chuan thawk chhunzawm zel thin rawh.
5. Nova’n Sa tinreng a nu leh a pa a kawp te tea Lawnga a khung ang khan, Mahni chauha awm hi a thain a him ber thin lova, I kawppui awm mi nen hna thawkin leng dun thin ang che.(nitin hnaah leh nupui-pasal pawh a kawk thei.hehe). Hmeichhe tan ngat phei chuan, a tulin a him bik em em a ni.
6. Nova Lawngah khan Satel leh Keite te pawh an dinhmun a in ang reng a nia. A tlan chak pur pur apiang an dinhmun a tha reng bik kher lo. Pathian mithmuhah chuan mi zawng zawng hi angkhat vek kan ni e.
7. Nova Lawng kha Tuilianin a chim san poh ve leh a lang sang mai a ni. Ringtu dik tak, a rinchhan Lalpa nite chu, buaina, harsatna, vanduaina leh thlemna a hautak poh veleh Lalpa an bel hnai tial tial a, an thlarau nun chu a invawrh sang mai a ni.
8. Nova Lawng kha mithiambik(Professional) tuk ani lo a, mahse, tuilian eng angah pawh a him laiin, Titanic Lawng ropui kha erawhchu, mithiam tak tak bik(Professional) ho tuk a nia, mahse a vawikhat zin chhuah naah a pil tho si. Lalpa’n Lawng a tuk pui loh chuan, Lawng tuktute chuan an thawkrim thlawn mai ani a, Lalpan Lawng a tuk pui erawh chuan, Professional ni lem lo pawhin thil ropui leh rintlak tak an ti thei thin a ni.
9. Nova Lawng kha Ararat tlangah a inhung angin, Lalpaah innghat tlat thin ang che.
10. Nova Lawng khan tuilian rapthlak tak tuar mahse, a hnuah Chhimbal mawi tak an hmu ta ang khan, harsatna, tuarna, vanduaina leh thlemna rapthlak tak tuar thin mah la, Lalpa nen innih chuan, Chhimbal mawi tak in a hmuak a che.
(Duh leh thawhbelh theih)
Sunday hman nuam vek u le.
Similar Posts:
- Nova lawng an zawng hmu leh tawh emni?
- Tial Tial
- Pathiana mihringte dinhmun;
- Mi chesual ve te..
- Krista avanga mi â
January 13th, 2013 at 6:38 am
A tha h1e mai.
Report this comment
January 13th, 2013 at 7:13 am
Sunday Pual i rawn chhawp chhuah hi ka nghakhlel thin khawp mai.
Nghahhlelh ang ngeiin a manhla e.
Report this comment
January 13th, 2013 at 8:08 am
Sunday tuk chhuah nuam vek u le. Chhana leh Hotunu_pasal, in tho zing hle mai.
Report this comment
January 13th, 2013 at 8:08 am
Tunlai chu kan tul, kan buai over lutuk a, engmah pawh ka ti hman lo, hun tlemte neih chhuna hetiang chhiar tur a lo awm hi a lawmawm ngei mai …
Report this comment
January 13th, 2013 at 9:13 am
Nova lawng tuk atang hian hetiang em em a tam hi zir tur a awm ang tih ka lo hre ngai lo reng reng!
Report this comment
January 13th, 2013 at 9:29 am
Chhangteval
Dr.John i reh hle tak mai. Mahse Pathian hi chu a hausa a, i awm loh chhungin hneh takin Dustin Sampler an i hmun awl alo hnawhkhat a, a thawh hlawk khawp mai. 
Report this comment
January 13th, 2013 at 9:35 am
Good
Report this comment
January 13th, 2013 at 11:12 am
….Lalpa-ah innghat tlat thin ang che
tih lai hi ka duh. Btw Build an Ark tih hla kha ka nauin min lehlin tira an zaipawl sak atan, an sa leh duh mang siloa LOL
Report this comment
January 13th, 2013 at 12:07 pm
Mi thu thiam ho hi chuan, Nova lawng
a tang ri ngawt pawh in, tih tur
tha deuh deuh mi kawh hmuh tur hi
an hmu thei zel maw le.
Sunday nghah thlen man a awm e.
Report this comment
January 13th, 2013 at 12:16 pm
Sunday hmasa lama ka post ‘Tleirawl/Rawltharte hnena thurawn’ tihah khan, a rhyme/flow lam ngaipawimawh deuh tura suggestion kha a awm deuh avangin, point tinte khi rem leh rem lovin ‘Nova’ tih hmangin ka han tan lui vek anih khi.
Report this comment
January 13th, 2013 at 1:14 pm
I kawp ui tur awm mi nen, hna thawk in leng dun thun ang che.
Khi ti lai khi chu misual zing ah
len dun pui tur hmu zo lo tan chuan,
a hrilh hai thlak deuh dawn a ang.
Report this comment
January 13th, 2013 at 1:40 pm
Sihtea, nula thian tel lova mahni chauha hmun fianrial tak taka kal fo a him loh thu sawina ani ber mai. Tin, misual ho hi Zirlai leh hna ringawt buaipui, kawppui awm mi zawn nachang hrelo kan tam riauin ka hria. Infuihna ni teh se.
Report this comment
January 13th, 2013 at 8:09 pm
Chhiar ava manhla thin em
Report this comment
January 13th, 2013 at 10:42 pm
Thil ni thei lo dik tak chu Nova lawng leh khawvel tui hnuaia awm tir thawnthu hi a ni.
A logistics leh math calculation atang pawhin Nova lawng hi a nuihzathlak lutuk. Eng emaw entirna, tehkhin thu mai mai a ni zawk leh pek ang.
Article hi ka comment lova, Bible hi Historical record enna (reference) a tan pawh a rin tlak loh zia ka thai lang ve mai mai.
Heti khawpa Kristiannain min bum hi chu a pawi thlawt a ni.
Report this comment
January 14th, 2013 at 1:47 pm
Ka Nau hi ziak ngaihnawm thei a sin
Report this comment
January 14th, 2013 at 4:45 pm
Post tha lutuk.
Report this comment
January 14th, 2013 at 6:39 pm
15. Ka U ta mai mai thin hi aw…ti zahthlak thin em mai. Tiangte chuan, thiante zingah mit chauh lo chuan men ngaihna kan hre dawn hlei nem ;-P 16. Keinin naktukah khawchhak lam atangin ni a rawn chhuak leh dawn tih ai pawha Bible kan rin laiin, in lo ring thei manglo vel a, Pianthar a har duh awm hi ka tia.
Report this comment
January 15th, 2013 at 1:13 pm
Nova lawng atang hian Pathian hian mihring te hnen ah finna a pek zia a lang ve hle. Mithiam ten an zir chian a Nova lawng ang(prototype) a lawng an siam a, an simulate (computer) chhin atang chuan pil thei lo, tuifawn sang tak ah pawh let thei lo ni a an sawi tak kha ma le..Pathian khan a tuk dan tur bik a lo hrilh ngei ang khan
Report this comment