Tun hma leh tun hnu thleng pawhin Mizo-te hian sawrkar awmzia dik tak hi kan hre thelh fo thin. Sawrkar (government) hi kalpung (system/type) chi hrang hrang a awm a. A hmasa-in lo thlir thuak thuak ila:
Federal government – Thuneitu sang (top authority/central) a awm a, chumi chuan thuneihna hrang hrang sawrkar te zawk (smaller government/state)-ah a sem darh thin. Hna chi hrang hrangah thuneitu sang zawkin thuneitu te zawk hnenah aiawh (delegates) a tir thin.
Monarchy – Thuneihna sang ber mi pakhat kutah a awm. Inthlah chhawng zela lal rorelna hi monarchy chu a ni.
Despotism – Mi pakhat rorelna a ni. Roreltu chuan mipuite chu a chhiahhlawh ang lekin a chhawr thin. Tunlaiah chuan tyrannical rorelna te pawh an ti.
Dictatorship – Mi pakhat rorelna hnuaia ram pum tluk luhna hi a ni. Mi tlemte-in a rorelna tichak turin an pui thin. Inthlan a awm ngai lo va, a dam chhung chuan lal a hrawt mai thin.
Oligarchy – Mi tlemte, thil tithei leh hausa zualte rorelna.
Democracy – Mipui rorelna a ni. Democracy chi hnih a awm a, pakhat zawk chu mipuiten tlang (direct) taka ro an relna, dan leh hrai an siamna a ni a; pakhat zawk chu aiawh (representative) thlang chhuaka ro an relna a ni.
Communist government – Party pakhat chauh rorelna a ni. Party chu thuneitu sang ber a ni.
Theocracy – Sakhaw hruaitute rorelna a ni. Sakhaw hruaituten thuneihna an chan a, sakhuanain ram rorelna a chan chuan ecclesiocracy an ti thin.
Anarchy – Sawrkarna hmanga rorelna a awm ngai lo va. Pawl pawla indo-in a chak ber chuan thuneih an chang mai thin. Dan a awm lo va, buaina a awm reng thin.
Kan ram (India) kan en chuan Democratic system of government hmang kan ni a. Abraham Lincoln chuan “a form of government that is of the people, by the people and for the people,” a ti. Democracy chi hnih zinga pakhat zawk – aiawh (representative) thlang ram kan ni. Kan aiawh kan thlante hian thuneihna sang ber an nei tihna a ni lo. Thlan lal an ni lo va, kan duh ti tura kan thlan chhuah zawk an ni.
Rorelna leh thuneihna tak tak chu mipuite kutah a awm a. Kan thlan tlina te hi kan duh kan tihtir theihna turin kan aiawhin an ding thin. Sawrkar hi Congress sawrkar a ni lo va, MNF sawrkar a ni hek lo. Mipuite sawrkar a ni.
Tun hnaiah veng chhung mipuiten pawisa/mamawh thawh khawmin kawngpui an siam tha tih thawm te kan hre ta zeuh zeuh a. Sawrkar nawr chet nan te kan ti leh ngawt thin. Kan thlan tlinte hian ram hmasawnna an ngaihtuah tur chu a ni reng; mipuite pawh hian tihtur tam tak kan nei ve bawk. Veng chhung siam that ngai a awm a nih chuan mipuite pawhin kan ti ve ang chu. Eng vangin nge sawrkar (kan hriat chian loh vang) tihtur kan tih vek? A dik rêng a ni. Sawrkar chu keimahni hi kan ni a, kan tihtur kan ti lo tihna a ni zawk asin. Veng chhung thatna tura kan thawh reng rengin ministry mawhpuh nan emaw, hming tihchhiat nan emaw i hmang lo vang u. Mahni mawng hlim mai kan ni si a. Kan tih ve tur hi tam tak a awm a, tih nachang kan hre lo mai pawh a. Hetia mipuite kan thawh suau suau a, hmasawnna tam tak kan phurh chhuah chuan Bihar Chief Minister Nitish Kumar-a’n “Union government kan mamawh lo” a tih ang mai khan kan intodelh mai dawn a ni.
I harh ang u. Rorelna chang mek ministry hi in luma kan awm mai mai lai kan mamawh zawng zawng min pe vek turin i beisei lo vang u. Mipuiin hna kan thawh loh chuan kan thlan tlinte hian engmah an ti thei lo. Mi tin hian kan theih tawk theuhah ram thatna turin thawk theuh ila, kan ram hi Switzerland of the East mai pawh ni lovin Modern Eden Garden kan siam zawk dawn a lo ni. Ka lawm e.
Similar Posts:
- Transparency in governance (Rorelna langtlang kan tih thin chu!)
- Synod-in Press Conference Ko
- Kalphung thar vrs Sawrkar Thar
- Prism in Eiruk dona a neih ni a ka thusawi tlem
- Mizoram pawlitik ka hmuh dan tlem!
January 13th, 2013 at 12:33 pm
Ka va first khat ta ve
Report this comment
January 13th, 2013 at 2:37 pm
Kan 2nd ve teh ang, i post tha e, bengvarthlak khawp mai
Report this comment
January 13th, 2013 at 3:25 pm
Oligarchy – (Mi tlemte, thil tithei leh hausa zualte rorelna) khi tunlai Mizoram dinhmun nen a inmil deuh berin a lang.
Report this comment
January 13th, 2013 at 3:27 pm
Veng chhung kawng chhia te a veng mi ten hna tlang in siam zel thei mai i la,
PWD Deptt hi kan ma mawh lo vang a
a tha ngawt ang. Eiruk hmang kan ti dawn nge, Ziah bo thiam kan ti zawk ang? Heng ei ruk hmang ho tan a
thla tin khel lo va sum tam tak
kan sen thin hi a ngai lo tur.
Report this comment
January 13th, 2013 at 3:29 pm
Hei chu post bengvarthlak hle mai. Good post
Kan Mizoram hian a eng ber khi nge maw kan neih le? Duplicate Democracy ni mai
Report this comment
January 13th, 2013 at 4:09 pm
Mipuite hian tan kan lak a ngai a ni.
Report this comment
January 13th, 2013 at 5:41 pm
Sawrkar tha nei tur chuan mipui kan huaisen a pawimawh.
Report this comment
January 13th, 2013 at 9:05 pm
Kan ram sawrkar chu hei hi a ang ka ti.
Oligarchy- mi tlem te, Eiruk hmang a
in ti hausa, ram hruai tu lu te hnen a
tham na pe a, hna lian lian thawk a,
sum sangsawn leh an hna thawh
in mil lo lu tuk a vang a in ti hau sa,
heng ho ro rel na a ni ber e.
An tan jail lah a awm lo e maw ni hei,
thiam an chang a an hna pawh an zawm leh hlawm hi a.
Report this comment
January 13th, 2013 at 9:49 pm
Post tha hle mai.
Report this comment
January 13th, 2013 at 10:42 pm
Mipuite hi kan harh chhuah chu a hun tawh tak zet asin.
Report this comment
January 14th, 2013 at 2:46 am
A bengvarthlak takzet. Zirlai tan ngat phei chuan, chhinchhiah keuh ang.
Report this comment
January 14th, 2013 at 8:02 am
Save keuh rawh.
Report this comment
January 14th, 2013 at 9:16 am
Post tha tak a ni
Hei hi a dik lutuk. Mipui rawih (hire) te hi kan intih thu tir lutuk hi a mak ka ti thin.
“Kan ram (India) kan en chuan Democratic system of government hmang kan ni a. Abraham Lincoln chuan “a form of government that is of the people, by the people and for the people,” a ti. Democracy chi hnih zinga pakhat zawk – aiawh (representative) thlang ram kan ni. Kan aiawh kan thlante hian thuneihna sang ber an nei tihna a ni lo. Thlan lal an ni lo va, kan duh ti tura kan thlan chhuah zawk an ni.”
Report this comment
January 14th, 2013 at 9:32 am
Ka ngaihtuah thin a. Kan ram hian kawng dik lo kan zawh tan mek niin ka hria a ni. Mipuite hi kan harh chhuah thuai a hun hle-in ka hria. Nizanah ka ziah belh a. Full article chhiar duh tan tah hian a chhiar theih e – https://zunleng.blogspot.in/201.....wrkar.html
Report this comment