Kar kaltaa Pi Lalrinpuii’n a post tak, Bangalore Mizote’n mibo kan zawn: Tv. Lalhmachhuana chu hmuh a ni ta.
Bangalore Mizote’n theihtawp chhuaha Lalhmachuana zawnga tha, hun leh sum senga kan beidawn titih hnuin; tahrinkni 9, March 2013, inrinni khan Pu Lalrinenga Sailo, Durtlang, AMC member chuan sum thahnem tak thawhin Lalhmachhuana zawn hi tan lak that leh a ni a. Bangalore Mizote, hnatlang tura kan chuah tan lai vel zing 10:30 khan, Nl. Suzanne Lalnunkimi leh Nl. Mapuii (KLE college-a zirlai ve ve) te bazar tura chhuakin, Auto-rickshaw atangin Yeshawnthpur Train Station kawta mipa pakhat, kawngsira chauh hmel taka lo thu an hmu a. Auto atanga hmuh a nih avangin a tirah chuan amah a nih an ring chiah lo va.
Amaherawchu, Mizo ni tlata hriatna an neih ruk avang leh, kan mi bo zawnlai ni ngeia an hriat avangin auto atanga chhuk thlain amah chu LALHMACHHUANA I ni em tiin an be ta rawih a. A ni chuan ‘aw ni e’ tiin a lo chhang a. Tichuan, Kimkimi leh Mapuii chuan KLE Hostel ah hruai pheiin Boys Canteen-ah chaw an eitir a. KLE a Mizo awm zawng zawngte in aukhawmin KLE Mizo Zirlaite chuan a theih ang anga buaipuiin, thawnhnaw te pe in an inbualtir nghal a. Venthawn thilah a inbual lai pawh hi, tlangval pahnihin an veng reng a ni. Hemi ni vek hian BMA-in FIR a file-na Amruthalli Police Station-ah tihfel ngai te tih zawh a n ih hnuin, Hmachhuana hi Mizoram House-ah hruai phei a ni a. Tlangval tlawmngaite’n an riahpui a ni.
Hmachhuana hi a hma thei ang bera Mizorama hawpui tha tih a ni a. Pu Lalthanzara (Patea), Parliamentary Secretary chuan kan harsatna te min hriatthiampuiin Hmachhuana hawn man tur pawisa a tumsak a. Tin, amah maia haw thei a nih loh avangin, Bangalore atang haw tur Tv Vanlalhruaitluang Sailo rualin tukin zing (March 11, 2013) khan Aizawl rawn pan pui a ni.
Lalhmachhuana dam taka zawn hmuh theihna tura min buaipuitu zawng zawng: Pu Lalrokhuma, DG & IGP, Karanataka, Amruthalli Poloce Station-a thawkte, Pu Lalrinenga Sailo, Pu Lalthanzara leh an hming ziah lan sen loh Bangalore Mizo-te chungah lawmthu kan sawi e.
Thlalak: Hmachhuana haw tur, Mizoram House-ah tawngtaina nena thlah a ni.
Thulakna: BANGALORE MIZO ASSOCIATION, Facebook group
Similar Posts:
- [URGENT] Lalhmachhuana awmna chin hriat a la nilo
- Bangalore Map tangkai tak! (Delhi,Chennai leh Hyderabad pawh!)
- Bangalore Mizoram House hawn a ni ta
- Bangalore ah Mizoram House kan nei ve ta
- Bangalore-a lehkha zir tumte tan contact theih
March 11th, 2013 at 1:21 pm
Lawmawm hle mai
March 11th, 2013 at 1:21 pm
Dam taka hmuh leh a ni chu a va lawmawm em, a bo na a rei tawh tehreng nen. Bangalore Mizote an fakawm thlawt e.
March 11th, 2013 at 1:24 pm
fak in phu e…
Chuan… a hmutu te hi.. Midang an hnatlan suau suau laia lo bazar daih an ni i tihna a mi? (fiamthu)
March 11th, 2013 at 3:34 pm
March 11th, 2013 at 5:11 pm
Whew! A va lawmawm tak em!
March 11th, 2013 at 6:16 pm
lawmawm khawpmai.(Y)
March 11th, 2013 at 6:24 pm
Lawmawm hle mai
March 11th, 2013 at 9:10 pm
Rilru lama chiang zan lo te hi chu ram dangah leh nghal, chhuk tir ngawt kha a chi loh ee
March 11th, 2013 at 9:40 pm
# 8..
Dam taka zawn hmuh a ni hi a lawmawm ngawt mai. Keimah tak phei chuan beisei ka nei sang lo khawp mai a. Mahse tawhsual emaw misual emaw tawng lem lovin, ei leh in petu an lo awm ve zel a, a vannei khawp mai. Tawngpawng inzawn ngawt mai chu, khawpui lian deuhah phei chuan kawng a bo riau mai bawk si a..
Hlawkna duh avanga mahni hnampui bum duh an awm fo mai hi a tha lo khawp mai..
March 12th, 2013 at 1:48 am
March 12th, 2013 at 10:37 am
A va lawmawm ve
March 12th, 2013 at 11:11 am
a lawmawm hle mai. BMA, KZP
March 12th, 2013 at 11:39 am
lawmawm hle mai
March 12th, 2013 at 11:40 am
A lawmawm
March 15th, 2013 at 1:49 pm
March 15th, 2013 at 10:12 pm
Ka lawmpui lutuk e!