Hei hi vawiin vanglaini headline a ni a, in lo chhiar vek tawh maithei a, post an awm ka ring tawh hial a, mahse tuman an la post silo, ka rilru a luah em a, ka rawn copy paste tawp mai. In ngaihdan ka hre chak em a ni e. A hnuai ah link ka dah bawk e.
Mizoram sorkar chuan Lengte (Lengpui bul) rama Export Promotional Industrial Park (EPIP)-ah hnam dang sumdawng company, Mizoram Ispat Industries hnenah ram sq.meter 15,000-a zau a pe a; ram a pek neitute’n bank-a loan an lâk duh pawhin, Mizoram sorkara Industries Director chu Guarantor-a tan phalna a pe bawk. EPIP-a hnam dang hnena ram pek chungchangah hian Aizawl Municipal Council-a opposition leader, Biak Thansanga chuan Inrinni khan Aizawl Press Club-ah thuthar thehdarhtute a kâwm a; EPIP-ah hian Mizote hnenah kum 10 chhung atan ram pek/hawhtir thin a nih laiin, vai hnena ram an pek chu kum 99 atan a ni tih sawiin, hei hi Mizote chim ralna permit a nih thu leh Mizote hmuhsitnaa an ngaih thu a sawi.
Biak Thansanga sawi danin, September 27, 2011 khan Mizoram sorkarin vai sumdawng lian, Mizoram Ispat Industries neitute – RK Agarwal, Roshan Agarwal leh Pawan Baid te hnenah EPIP, Lengte-a Plot. No. 28-na, sq.m. 15,000-a zau chu kum 99 atan a pe a; EPIP ram hi mi pakhat hnenah plot pakhat zel pak thin a nih laiin, vai hnenah hian plot 30 pek a ni. Ram hi loan lak nan an hmang thei ang a, Mizoram Industries Director chu loan laknaah Guarantor a ni ang. Mizoram Ispat Industries hi thir/steel lam siamtu company a ni. Ram inpekah hian RK Agarwal, Roshan Agarwal leh Pawan Baid ten share 99% an nei a; 1% chu C Lalduhawma s/o. Ranvura, Chaltlanga chan tur a ni. Mizo pakhatin share a neih ve hi a hming chauh a ni a, Mizopa hian a hriatpui vak lo niin Biakthansanga chuan a sawi. Biakthansanga chuan, EPIP ram hi Mizote tan kum 10 bâk hman an phal ngai loh laia vai tana kum 99 an pe chu inchîmralna tur nia an ngaih thu a sawi a, “YMA-in ram leh hnam humhalh kum a puan laia Congress sorkarin vai hnena kum 99 atan a pe hi a ná kan ti. He ram inpekna hi sut leh vat turin kan phut a ni,” a ti.
[Read more at: VANGLAINI]
Similar Posts:
- Mizoram Ispat Industries Chungchanga Ka Article….
- CYMA-in dan loa sumdawngte hming Home Minister hnenah an hlan
- Mizoram Economy
- Power privatise chungchang sawiho; CYMA-in company mal hnena power sem darh hna pek a remti lo
- Chiahpuam Part II
February 21st, 2012 at 1:22 am
a uihawm dan a hlawk te pawh thenkhat chuan an ti maithei a ni
February 21st, 2012 at 1:35 am
Hei hi ka lo chhiar nual tawh a, ka thianpa pakhat hnenah ka zawt a, lengte khaw ho chuan an sawisel lo a, Mizo thenkhatin hna an hmuh phah e a ti a!. Hman hawh tir pawh nise kum 99 em em te chu a! Mizoramah hian ‘thluak’ hi a awm ve ta lo emaw tih mai tur anih hi! Politics lam aimah chuan bureaucrats ho hmalakna a ang khawp mai. A tha lo khawp in ka hre ve khawp mai.
February 21st, 2012 at 1:42 am
dem nghal ngawt chi ni dawn a mi? pawn lam atanga investment rawn ti duh kan lo hnar zel chuan kan economy thang thei lo ang. Mizo pa han nizawk se chusn duhthusam
February 21st, 2012 at 1:44 am
A pawi ka ti vaklo, company dangte hi rawn luh belh zel rih teh se. Chutihrualin, ILP lamah fimkhur lehzualin sawrkarin tan lo la ve se la, ‘INDIA DAN’ kalh miah silovin kan inhum thei viau rih dawn lo’m ni?? Tunah chuan kan ram hi technology lamin rawn luah nasa ve phawt se, thalai thiam tam tak a rawn chherchhuak ang a, reilote hnuah keimahni leh keimahni kan intodelh ve thei zawk dawnin a lang tlat. Thang(growth) chuang silo, thi(dead) chuang silova awm reng hi chu a hahthlak tawh. (Mimal ngaihdan).
February 21st, 2012 at 1:47 am
Mizorama industry din duh tlat ho khan hei aia nasa hi a rawn la thleng tuk tuk dawn tih lo hre lawk rawh u aw. In sawi chamchi bawk a, industry pakhat a rawn awm dawn dêk dêk a, heti hi anih hi. Industry an rawn lut anga, kan thing leh mau, ram tha tak tak an rawn lem duak duak ang a, boruak chhia leh tuichhia nen kan inchiahpiah a, kawrte tui thianghlim fim kak mai hlutzia kan ngaihtuah let thiam hunah thangtharte’n anchhia min va lawh nasa dawn em.!!!
February 21st, 2012 at 1:54 am
Ram resource a tlem sia Agri based industry, food procesing, coffee,wine etc lam zawk hi ani Ram dinchhuahna tur
February 21st, 2012 at 2:18 am
@5, chemtea sawi hi a dik ani! Industry hi keimahni Mizo ngeiin kan din loh chuan a hlawkna kan tel chuang lo ang. Keimahni natural resource neih chhun rawn hman tum lek phei chu kan block tlat tur ani. Tuna Mizoram Ispat Industries inti te hi enge an nih ka hre hauh lo! Mahse loan, quarantor etc,.. tih vel alan nuaih avang khian genuine ah ka ngai lo ve ngawt a, ka tisual mai thei bawk.
Silcharah zuk kal ila, sawrkar officer ho be tlawn ila, ram min hawhtir se, enge eng emaw phhuahchawp deuh dah ve tun ila..loan dil ila..tlanbo daih ila..chutiang ang vel chu ani lo ang tih tunge sawi thei! ?
February 21st, 2012 at 2:22 am
Chhiar puat khian a diklo tih a hriat puat mai a, chhiar chet chet in a diklo chet chet tih a hriat bawk alawm mawle…protected area ah a ram neitu nilovin ram an nei hi dan dinglai kalh a ni a, an industry din tum pawh mizoram a rawm material kg 1 pawh kan neih loh mineral based industry a nia, a ram zau zawng an pek pawh dan dinglai kalh, a hun reizawng pawh dan dinglai kalh, a share holder mizopa awmve in 1% a chang, zawh chian in engmah a hriat thui ve tak tak loh thu a sawi bawk…RAM leh HNAM hmangaih ve ik tan chuan mangannna tham a ni khi…..Bank Loan an puk nan mizoram sawrkar quarantor ah a la tang dawn zui, che chhia se, Mizoram budget khawih phak thil a ni zui, eng dan nge??? Nepotism hi chhungkhat laina hnai duhsakna hleihluak a ni a, khi bak bak a dan bawhchhiatna duhsakna hlei hluak, nepotism kan tih chuan vaiho hi kan chhungkhat anni tihna tluk a ni ah ka ngai…a tawi thei ang ber in…I smell rats.
February 21st, 2012 at 2:27 am
Zoho, ‘Mizo te khi an a ania, an duham bawk sia, han bum hlum ang u’ an rawn ti anih a hlauhawm khawp mai a 🙂
February 21st, 2012 at 2:42 am
NLUP tha ber a nih chu le, MIP pawhin a lehpel pha lo’ng e!
February 21st, 2012 at 2:46 am
ISPAT hi rangva ah pawh a awm thin em kha? Hrechiang ve lo te sawi hunah hawng ang aw…
1. Mizoram sawrkar nena an inremsiamna (MoU) hi confidential a nih lem loh chuan tlangzarh theih dan a awm em? Clause mal te te a en ve theih dan a awm em?
2. Export Promotional Industrial Park chungchang hi hei aia chiang a sawifiah thei kan awm em? Since when? Area alloted? Criteria for bidding? Regulations binding EPIP? etc etc…
3. ISPAT hian export promotion nan a ti tak tak em? Iron/steel a sumdawng an nih chuan raw materials lakna tur nena tehkhin in Mizoram emaw export tur chuan finished product market route ah bak an chhawr ang em?
4. Industry set up tur hian labour intensive nge kan mamawh extensive? Sawrkar hian intiamkamna emaw an MoU ah an thailang em? Employment generation ah Mizote tan reserved quota an in ziah khalh em?
5. Land leased agreement ah power subsidy/ tax break etc etc an pe tel em? Benefits hi mipuite tan a ni tak tak ang em? tih te hi ka lo ngaihtuah mai mai a.
Hrechiangte khan min han tifing leh teh u…
February 21st, 2012 at 2:56 am
Ka hre lo bawk a, ka ti fing lo mai ang che..VaiVa 🙂
mispat, ispat?
Ram inpekna ah hian vai ho in 99% share an nei a, mizo pa pakhatin 1% anei a..ka hrethiam nawh! An industry share nge a ram hrim hrim ah khan..
tikhian thlakhat ah one lakh vel an seng anga, hlawhfa leh eng ilo atan, kum hnihah pawh 24 lakhs vel an seng anga..1000 lakh vel loan an dil anga..an bo daih mai ang..te ti vel ila.. 😀 ka ring lo ani e..
Thirchhia atanga in lak milen an lo tum te pawh ani mahna..
February 21st, 2012 at 3:05 am
CM chu ni ila, officer involve ho khi ka ko khawm tek ang mawle.. 😉 😉
February 21st, 2012 at 3:05 am
Vaiva@ 11… ka hrelo, hre deuh in rawn sawi se ka ti khawp mai a, i zawhna te khi an fing hlawm thre thraw kher mai, ka lo chik ang e, mahse he post hi chutih hun ah chuan a liam leh daih tawh si ang….he project hi politicised lovin hnam pawi khawihna a ni tih hi hrethiam ila aw… an ti tlang lui a nih ngai chuan, Chipko Movement ai khan a serious loh bikna kei chuan ka hre lo.
February 21st, 2012 at 3:08 am
A hmunthute khan RTI han file ula, Vaiva zawhnate khi. Khitiang transaction te chu ramhnuk khawih thil anih khi.
February 21st, 2012 at 3:15 am
Vanglaini a alan dan:
EPIP ram an inpek dan
May 15, 2011: Mizoram Ispat Industries (MII)-in EPIP-a ram dilna Industries deptt-ah an thehlut.
August 9, 2011: MII dilna angin EPIP ram inpek dan tihdanglam a ni.
August 12, 2011: EPIP ram inpek dan tihdanglam chu The Mizoram Gazette-ah chhuah a ni.
August 25, 2011: Industries Secretary room-a meeting chuan MII dilna tihhlawhtlin a remti.
Sept. 22, 2011: MII-in ram a dilna chu pawm a ni tih Industries Director hriattir a ni.
Sept. 27, 2011: MII hnenah EPIP ram pek a ni tih thupek chhuah a ni.
Tin, Mizoram Ispat Industries hi Industries department hnuaia Provisional leh Permanent Registration nei lo a ni nia sawi ani bawk..source http://www.vanglaini.org/index.php?option=com_content&view=article&id=12643:sorkarin-vai-hnenah-epip-ram-a-pe-mnf-councillor-in-ram-pek-sut-a-phut&catid=99:tualchhung&Itemid=2
August thla khi an active khawp mai a 😉
February 21st, 2012 at 3:36 am
“Mizoram Ispat Industries neitute – RK Agarwal, Roshan Agarwal leh Pawan Baid”….ka luak a chhuak deuh ngulh thei nia….Baid tih surname ka hmuh hian ka pum a nuamlo lehzual…MNF in hei hi an chingchhuak tawh a, engtin nge an tih dawn zel lo thir ila, party issue nilo, hnam issue a an present chhuah thiam chuan ka support mai a niang chu…kan thianho 3 hian Maharastra ah Industrial plot, an ram a awm miahlo mau sawngbawlna lam atan kum 99 atan zuk dil ve ila,Bank Loan an Industry Director guarantor a tang tur in ngen ta bawk ila…min pe ta mai bawk se…Shiv Sena ten lo hre bawk se la, enge kan chan tur ni ang aw….. :-S
February 21st, 2012 at 4:45 am
Avan hnaisailo mai mai he thil chu. (N)
February 21st, 2012 at 5:15 am
Vaihawla leh Congress minister ho bank account a muk leh sawt dawn tihna anih khi. Lawrkhawmah pawh an post a, ka pawm loh ber chu Mizoram sawrkar department director Loan guarantor ni tur anga an sawi tel khi ania. Vai ho khian Loan la se rul duh lo se Mizoram sawrkar in an rulhsak angai dawn tihna ani awm sia. Vaichhe thenkhat leh Congress Minister ho emaw, director ho in sum eiruk/phil ruk an tumna plan anih hmel hle mai. :-$
February 21st, 2012 at 6:50 am
Baid brother tih kha an tel ve mi? SSA a free uniform sem tur supply tute kha?
#17 @zoho (Y) “Maharastra ah Industrial plot, an ram a awm miahlo mau sawngbawlna lam atan kum 99 atan zuk dil ve ila,Bank Loan an Industry Director guarantor a tang tur in ngen ta bawk ila…min pe ta mai bawk se…Shiv Sena ten lo hre bawk se la, enge kan chan tur ni ang aw….. :-S”
February 21st, 2012 at 6:56 am
Kan sorkar hian a tihdik loh hi hria in a sût leh ngei turah ka ngai.. (N)
February 21st, 2012 at 7:22 am
Mizoram ah hian Industry leh sumdawnna lian pui pui ala rawn lut dawn, amaherawhchu, he tiang zawnga an ti hi chu a fuh lo.. :-O .
Sawlai Sihhmui atanga Lengte ram vel bawr saw Vai an la tam dawn,, Rel head, BSF Camp awm bawk nga, tun ami hi awm phei chuan… (N)
February 21st, 2012 at 7:44 am
In thliarkar rilru e mai, India mi vek kan nih hi. 😛 😀 (phiamthur)
tren tren
February 21st, 2012 at 7:49 am
#23 (Y) (Y)
February 21st, 2012 at 8:54 am
Mizo te hi hma kan sawn tak tak dawn chuan a hlangin kan awm reng dawn lova, kan huan lo ram erawh kan hum thiam chu a ngai a ni.
February 21st, 2012 at 9:05 am
Hei hi chu Political party 1 chinchhuah a ni a, ram leh hnem boral/chimralna hmahruai a ni e. A do let turin pawl lian deuh in hma la se, full support pe ila……….. a vbak kawng dang a awm lo. Heng thil tih a nih hian tute emaw sahmim uip a puar belh ngei ang tih a rinawm tlat.
February 21st, 2012 at 9:38 am
Tuna, Israrel ram din hma a, Ram danga awm Juda-hovin Palestina ram leilung an lei te pawh min ti hre chhuak rum rum a lawm le….
Leilung hi humhalh hi a va tul tak em…
February 21st, 2012 at 9:52 am
In commnet a ngaihnawm viau hlawm. Ngaihdan a in an loh chhan chu Vanglaini ah pawh, hetah pawh “Mizoram Ispat Industries” (Ispat hi Hindi tawnga ‘steel’ tihna ani)hi eng company chiah nge anih an puanzar loh vang ani.
Registered company ani em? Limited company zawk nge? Trading company nge manufacturing company? Manufacturing company nise eng zat component nge Mizoram ah an siam dawn? Genuine investor ni se kan ram mamawh tawpkhawk ani a. Mahse trading copmany, a hminga manufacturing company anga inchhal mai mai annih chuan kan mamawh si lo. Capital an lakkhawm dan pawh a pawimawh. State dang atanga capital an rawn lakluh loh chuan ang ang term chiahin nge Mizoram ah loan an lak.
An sumdawn tum dan hi a hlawk ngei ngei dawna a lan loh chuan gurantor lo nih chu a risky lutuk ringawt. Tu te thu in nge Mizoram sorkara Industries Director in a sign? Tu sign tir nge? Mizoram sorkar an bankrupt rup phah thei tih an hria em?
February 21st, 2012 at 10:28 am
a va lungchhiatthlak thin em (N)
February 21st, 2012 at 11:11 am
Kum 99 hi ram in hman hawh tir dan chu a ni tlang pui AR ho te pawh an nih tho hi
February 21st, 2012 at 11:52 am
Kum 99 chhung an awm chuan an awm kumkhua tawh ang! Kum 99 hnuah an haw nalh dawn lo chiangkuang lutuk!!!
August 9, 2011: MII dilna angin EPIP ram inpek dan tihdanglam a ni. Heta tang pawh hian a rimchhe tawh!!
A rang thei ang berin sut leh rawh se…lo ti ve ngawt ila an sut leh dawn hmel lo ropui si! Kan hla pakhatin, “Hnâm ka len nuam mang e” a tih ang deuh kha ka ni! 🙁
February 21st, 2012 at 12:35 pm
:-O Engnge a chhan ni ang aw? Kum 99 chhung teh meuh ram han inhawh tir mai chu? A rei lutuk hrat lo maw le? Chhan tha tak chu a awm ngei ang a, :-S Sorkar lamin a chhan hi sawifiah hma thei se ava tha dawn ve?
February 21st, 2012 at 12:43 pm
Ruling lam insawi fiahna hriat a chakawm khawpmai… Vanglaini a a lan dan atang ringawt hi chuan a tha dawn nge dawnlo hriat a har information a tlem emai. Mahse thil diklo chu a awm a ang ka ti.
Kan pressure group neih ve te hian sawrkar insawifiahna phut sela, thil thalo a awm anih chuan do ngam sela ka ti hle mai. An do leh ngam tak tak awm silo a hahthlak ani e mizoram ve hi zawng state dang te angin NIT te kan han nei ve a, keimahni bawkin NIT chhe ber ah kan chhuah leh tho a. Central sawrkar pawhin min han tanpui ngial dawn pawhin keimahni bawkin kan ei ral leh a… Tih theih neih bawksiloh chuan ngaihtuah peih vak chi pawh a nilo rilru an ti chingchivet mai mai. (N)
February 21st, 2012 at 12:48 pm
Jacka pi sawi ang hian an ram lease chungchangah hian hei hi kalphung dik tak chu a ni alawm. Nangni pawhin mi ramah va sumdawng ula, a tir lamah chuan loss hlir, long term ah hlep a awm dawn anih chuan(industry lian) hun reilote chhung atan investment tumahin in ti duh lo ang. Kum 5 chhunga an loss hmu let leh turin kum engzat nge ngai ang? A hmun enthlithlai, plan, bungraw phurh luh, building, khawl…a tam lutuk.. Heng zawng zawng hi kum 10 vel lek awm turin tumah an rawn kal dawn lo hrim hrim.
Industry neih duha iak iak, kan neih loh avanga insit em emte kha rawn penchhuak ula, in ngaihdan hi rawn sapawt ta che u. Kei erawh chuan kan ram environment, legislation leh society ka en hian ka duh lo hul hual a, min hnial pawng pawngtuteho kha rawn dingchhuak ta che u.
February 21st, 2012 at 12:59 pm
An pek a te profile pawh hi hriat a chakawm khawpmai. Company ding tan tir an nih hmel a. Hetiang tur techuan thisen zama entrepreneurship bet tlat tawh zualbonez-a tehi pek zawk awm ania. hehe
An share neih dan pawh hi a kimchang chiah loh hmel ka tia, enge an agreements, mizoram sawrkar in enge hlawkna a tel theih ang nakin zelah tih tepawh hriat a chakawm.
Gujatar sawrkar in Tata ho ram a peka an agreements te rilru ah a rawn awm chu a. A share neitu ber pawh hian a hriatpui vaklo anih chuan engemaw diklo chu a awm a ang. Company promising vaklo hnenah an mahnin black money an chan ve dawn avangin ram an pe ta duai mai tehi alo ni reng lo maw…? Bakah an ram pek a hi nakin ah mipui ina an hriat manglo a an la neih theihnan an ti tehi alo ni lek lo maw…? Sawrkar insawifiahna phut na tham ani e.
February 21st, 2012 at 1:08 pm
Funny, investor te pawh an hmu zo lo nge ni ang? Bank loan rinchhanin vai sumdawng satliah ho leh Mizo pamham thenkhat hian thluak an hmang kual a ang ka ti, an ‘profe’ loh em em dan hi.
Economic growth ai chuan social integrity hi kei chuan ka la dah pawimawh fan..
February 21st, 2012 at 2:00 pm
Tul lo hle mai, Vai sumdawng, KS, officer leh Politician chiah in an hlawkpui ang. A hmingin Mizo thenkhat chu an chhawr ve ani awm e Low unskilled job (security/watchman)vel atan…..
Sum nge kan duh Mizo hnam boral!
Officer leh Politician duham ho hi mipui hian a langin i haw ngam ang u!
MNF hunlai a Plain People Mizoram a sumdan theihna dan an siam lai khan Congress ho kha a sawisel tu anih kha mawle, khawnge opposition an nih laia ram leh hnam hmangaih ho kha an awm zawh tak?
February 21st, 2012 at 2:10 pm
Hetia sawrkar in a tanpui dawn techuan keipawn ka duh ve reng alawm. Company te din a charity foundation te din hi my dreams but unlikely to come true ania. hehe
February 21st, 2012 at 2:27 pm
Pu Zoho: Vanram kawthler pakhat chu Setana leh a kid te’n kum 99 chhung an nei dawn e tih lam i rawn post dawn emaw ka tia.
Welcome back. Kan zingah hian lo tal ve leh tawh teh, ka sawm a che!
February 21st, 2012 at 3:25 pm
Eng tin nge Private company hnenah loan guatantor ah sawrkar a tan thei le? Nikum a Assembly session ah khan sawrkar chu Private tan loan guarantor ah a tang thei lo ang tih kha an pass si a. Mizo zing ah duham vang in vai sumdawng lo tihpui pawh kan hreh ta si lo a.
February 21st, 2012 at 3:31 pm
He company leh Mizoram sawrkar hian thawh dun dan tur la puan zar loh an la nei a ni hial lo maw, joint venture an nei dawn zawk em ni? Chuti ni si lova hnamdang company in kan ramah project an neih tur, ram kan lo sih chhuah tawh lehnghala loan guarantor a kan sawrkar a trang tur hi ka hre thiam thei lo ka rilru a na tawp. (N)
February 21st, 2012 at 3:38 pm
Ram hawh tih chin khi chu ka la hrethiam. Loan an lak a Mizoram sorkar Department Quarantor ni tura intiamkamna khi ka hrethiam lo :-S
February 21st, 2012 at 10:21 am
Mizoram Pollution Control Board tan pawh an hnawksak khawp ang le. Mizoram ah Steel,iron etc siam turin raw material pawh kan neih loh lai in hetiang lo set up hi a tul lo tawp. Agro base industry te ni sela chuan a zia a. Vai ho in Mizoram ( backward area) a scheme hrang hrang leh subsidy awm thei te avail an tum vang ani thei em?
February 21st, 2012 at 1:58 pm
Congree ho chu an va insawi fiah har ve. Vanglaini editorial ah pawh hemi chungchang hi ziah ani.
Companny lian ‘big’ nisi registration nei lo a sawi ni bawk si
February 21st, 2012 at 2:03 pm
Tak tak a nih chuan, Khawngaih takin Mizoram mipuite vangin an thiltum hi sut leh thuai teh se..ala theih hram anih chuan. Mizoram mipui aiawh anni si a, mipui rawn lova hetia ram tihral mai hi ka ngaihdan a nilova, Mizote mipui ngaihdan anih ka ring hlawllo.
February 21st, 2012 at 2:33 pm
Sawrkar hnenah Ram hawh saka loan lian lak nan hmanve tur ani. Ka ding chhuak hrim2
February 21st, 2012 at 2:51 pm
He thil hi hman deuh khan Vai pakhat ti ti atangin,ka lo ral hriat viai viai tawh a, mahse ram hawh leh Guarantor lam khi ka lo la hre tel lo fo a, a rapthlak tak zet ka ti. Sorkar hruaitu Lu te pawh hi an inrawlh ve palh mai ang ngem aw…. Ngai chang deuh ila, lang chhuak thei tak ang maw…. Politics a chirh thehna atan ngawt chuan hman chi a ni lovang. Zanin LPS News em ni aw, Congress lam chuan MNF dawt sawi mai mai a nih thu an rawn puang a, mahse MNF ho rawn vawrhdarh hma khan ri deuh ret ret kha ka hre lawi bawk si, shala. Chhui zel phawt ang u..
February 21st, 2012 at 3:23 pm
West Bengal a Communist sawrkar nghet lutuk anga lang nu hmelchhe ve te leh pawl lian tak ang pawha lang lem lo Mamta Bannerjee ten an nawr tlak theih chhan kha, Ratan Tata te company Ram pek an tum vang kha a nia. Hetiang hi, thil serious tak a ni thei tlat. Sawrkar dinglai tan Fimkhur a tha khawp ang.
February 21st, 2012 at 5:02 pm
Comment a tam lutuk a, ka chhiar kim hman lo. Ka han sawi ve duh chu, kei chu a hmunah ka kal tawh a, an thirchhe lei khawm mawlh mai khu a hmuhnawm mai! PHE pipe tha tak2 te, Electric ban te, thirzai kual thar hlak mai te leh thil dang2, eng atan maha la hman loh tha tak2 a tam mai. Nakinah phei chuan police ho hian thil bo an zawnna lamah khu lai thirchhe lei khawm khu an la hai an la hai ngei ang.
February 21st, 2012 at 5:07 pm
hmmm, legal adviser engemawzaaat bakah anchungnung ber PRINCIPAL LEGAL ADVISER nei thei chin sorkar chu an chefuh emm ang chu maw, mipui chanai pawisa engzat nge legal adviser rawih/enkawl nan anhman tawh a engzatnge anla hman belh ang…ti chung a thil antih fuh chuan siloh chuan enge a sawtna..
February 21st, 2012 at 10:48 pm
Post ngaihnawm loh tak a ni.
February 21st, 2012 at 10:50 pm
Tu bureaucrats ber nge minister misguide tu…