Mizo te hi kan materialistic lutuk, khawvel thilah hian kan tlan nasa lutuk, kan in leh lo, kan thawhchhuah phu lovin kan inchei/lirthei/gadgets kan nei tha, kan ti a. A dik. Mi hlawhtling te chu kan ngaisang a, mahse hlawhtling lemlo bungrua nei tha te hi kan ngaisang tho.
Engatinge kan materialistic em em le ka ti? A bik takin khawpuiah hian. Engtik lai chiah atang khan nge bungraw nei tha hi mi ngaihsanawm an lo nih? Engtik lai chiah khan nge mi te neih ang neih ve lo hi thil zahthlak a lo nih le? UT hunlai atang khan emni? Rambuai hnu atang khan? MNF sipai te in surrender hnu khan? 70s chho kha emni? State kan nih hnu? Aaaaa hriat a har e, Pu chawnghilh te, pu Xaia te ho hian an hriat ka ring.
Tunlai mi te hi alawm, thil tha ber ber neih in duh a, kan ti maithei. Mahse kan nu leh pa te hunlai atang daih tawha lo intan tawh a ni he thil hi. Radio nei ve lo in an awt em em a, chutah TV an awt leh a, Colour TV an awt leh a, fridge, washing machine, car, bike, scooty…a tawp thei lo.
Awh ringawt hi chu a pawina pawh ka hre lo, mahse neih zawng zawng leh pukchawpa kan han lei tak chinah hian a pawi ta a ni. A nei deuh te chuan lo lei se (an eiruk pawisa ni lovin). Chantawka lungawi lah hi a har phian leh nghal. Thiante car nalh deuh nen an rawn chhuak a, bus stopa kan ding lai kha chak tawkin min han tlanpelh fua hi chuan “State Bank hian personal loan hi engzat nge a pek theih le” tih kan ngaihtuah nuap nuap a, engtinnge ka rulh ang tih lam kha chu a lang tawh lo.
Chu mai a la ni lo! Nei ve lo te hi kan la hmusit zui a. Mizo te hi hnam ngeiawm tak kan niin ka hria. Tawngkam tha deuh, mahse hmusit deuh si a han in tawngkhum vel hi kan thiam zek lehnghal a. Example han pe dawn ila min sawichhan chiang lutuk ti a lo inngaihbel tawk kha kan awm leh dawn sia. Khati kha kan nia.
DSLR hi ka awt ve khawp mai a, “Aizawl ah chuan camera lian deuh deuh neih an intihhmuh lutuk” an ti zui a. Neih ve loh te hi kan zak ta emaw tih tur khawp in phone camera a kan thlalak te Facebook ah kan han post a, inthlahrung deuhin “Hei chu phone cam a ka lak mai mai a nia” kan han ti a! Zep lohah chuan keipawh ka inthlahrung deuh thin. Mahse thlalak chu ka post loh phah chuang lo.
He awhna thangah hian kan awk nghet tawh lutuk a engtia han talchhuah tur nge pawh ka hre lo. Bula mi ten camera tha deuh deuh an lo lek chhuak a, phone camera in kan lo hmet ri ve tlek a, a quality a inthat hleih dawn tih kan hre reng mai si. Thiante’n iPhone model thar ber an neih laiin kum 3 kaltaa kan phone lei, a duh hun huna thi thut thin kha kha kan la hmang a, Millenium Centre a Bangkok (?) chhhuak pheikhawk cheng sangthum chuang man an bun laiin Zion Street-a an sale kan lo bun a. Bike thar ber ber, maksak deuh deuh a modi an khalh zuai zuai laiin bus tawt deuhah kan inhnawh a. Rangkachak thi hrawl lutuk leh bengbeh pasarih vel an awrh/beh tlar tuar laiin kan beng leh nghawng te chu a ruak hiau a. Unau inkima laptop an neih laiin chhungkua in pakhat pawh kan nei lo a. Sawi sen a ni lo.
Thil tha chu a lo tha nge nge, neih theih chuan a pawi hauh lo. Mahse kan afford loh hi chu lei lo teh ang u. Afford lo nih hi zaklo bawk ang u. Thil tha ka neih avangin nei ve lo te aia chungnung viau turah inngai lo bawk ang u. Thalai tam tak chawmhlawm ho phei hi chu ngawi rengin lawm hle ringawt tur. In nu leh pa thawh hah kha lo uanpui viau suh u, in college/school kalpui nei ve lo te kha lo hmusit ngawt suh u. Mahni emaw mahni nu leh pa te hlawh phu lova thil nei tha te ngaihsan hi i sim teh ang u.
Ka thil ziah teh nuai chu ka blog emaw ka ti emawni le aw.. a pawilo mi pawhin an ti ve thin tho 
March 26th, 2012 at 9:09 am
Chhiar ila…
March 26th, 2012 at 9:09 am
..
March 26th, 2012 at 9:19 am
1st rau rau ah ka hnung deuh a nih hi 😛 …Van ziak tha tak.
March 26th, 2012 at 9:22 am
(Y) 1st em aw?
March 26th, 2012 at 9:30 am
Tha bon top… (Y) I thuziak atang khian ka kawmngeih tur chi (nula, hmehdet keng pha chin) i ni in ka hria… 😀
Awhna hian hmasawnna min siam se, chu hmasawnna chu kan thawhrah atanga chhuak ngei ni bawk se. Khawvel hi a nuam ngei ang. Chutih rualin, awhna/itna hian tawp-in-tai a nei dawn lo thung.
Chuvangin,
Scooty Driving Licence ka lak zawhin ka thiante inah ka leng kawi a. Inti-license nei tawkin thlirhlatna (TV) ka en dauh dauh a. Jet Fighter khalhtu te nunchan ka en lai chuan ti hian ka ngaihtuah ta…
“Aw, mi fa te’n, Jet Fighter duh ang anga thuai kawiin van boruak ah an leu kual vel a. Keiin Scooty khalh turin License ka nei ve chauh a nia! ka ti a.
Ka rirlu ngaihtuahna chuan ti hian min chhang thung.
“Khi’ng, Jet Fighter khalh thiam tak tak te khian, ui/zawhte natna hrang hrang i hriat leh, damdawi hmanga i enkawl dam ang kha an thiam bik hlei nem” tiin.
Aw Khawvel!
March 26th, 2012 at 9:34 am
Camera awrh chi hi chu ka la awt ve hrih lo.
March 26th, 2012 at 9:41 am
Camera nuaih chuang awrh sup sup na ram ah hian, nitin ei leh bar, gas ah te kan harsa phian lawi a, kan priority hi chu kan set fuh lo deuh chu a ang. Kan ropui em em hran lo e lolz
March 26th, 2012 at 9:43 am
#7 (Y)
March 26th, 2012 at 9:47 am
Fashion mawlh mai hi, kan phu loh in kan in chei hlawm a,(hmeichhe lam ah a ni leh zual). State pawn a lehkha ka zir lai khan kan classmate vai chappal khawro deuh bun a, T-shirt zawr tak tak nen a class kal ho te kha an titi chu a hrawl phian,vacation dawn ah keini ho in haw na tur flight ticket concession, train ticket concession ( student’s/ st) kan buaipui lai in an ni chuan, Europe/USA vel a an kal na tur visa an buaipui daih 😀
March 26th, 2012 at 9:53 am
A ngaihnawm hle mai…Hringfa te hi a mawihawih zawng ta reng reng kan ni a,Mizo te hi kan ni leh zual em aw!
Thut hi a tha lo nge kan zo lo deuh nge nge…,hausak thut,pawl san thut(matric pass thut!),culture thlak thut te…UT a kan lut THUT khan thui tak chu culture shock min neih tir maithei..chawnghilh,muantea,mzvision ten an sawi thiam zawk ang!
March 26th, 2012 at 9:56 am
“Thil tha kan neih ang hi
Tuman an nei thei lo”
tih hla kan tuipui phian aniang.
Mite aia tam leh tha neih duh na hi Eden huan atanga First Couple and expel hnu lawka awm tan an ti. Mizo ho hmuhchhuah a ngai lo.
March 26th, 2012 at 9:58 am
Great post (Y) Ka vei ve em em thin, mahni fihlim chiah loh avanga ngawi thin an tih zingah hian ka awm ve a. Thawmhnaw bikah hi chuan hak hnih aia tam ka nei khat khawp. Sang chuang man hi ka inbel ngai meuh lo. Mahse, electronic gadget lam hi tlemin ka lawmin ka leito ve deuh thin. Chutih laiin ka lei ho hi chu ka khawl ve tang tang, ka afford ve an ni bawk si. Nupui aiah a ni mai ang chu 😛
Comment lo thlir ang …
March 26th, 2012 at 10:02 am
A then in , electronics, a then in thawmhnaw ah, a then in entertainment leh thil dangah, a mihring a zir in kan sum hmanna chu a dang nual ang, kan thawhchhuah in kan afford a, midang kan tihbuai loh phawt chuan a tha vek tho mai
March 26th, 2012 at 10:05 am
# 7… (Y) (Y)
Camera nuai chuang awrh then hnuang hnuang a pahin thlalak tur melhin an hawi kual a; A thenawm pa erawh chuan, vawiinah gas a lo thleng ang em aw? tiin gas bur a pu kual a pu kual thung.
Aw Khawvel!
March 26th, 2012 at 10:09 am
Mi’n camera lian á¹ha tak tak, ‘camera’ tih ringawt pawh inthlahrunawm khawpa lian leh á¹ha leh pui an awrh lai hian vawi khat de zeuh thei pawh kan la nei lo a nia. Kan neih ve theih hunah chuan a aia changkang zawkah min la pemsan vek ang a, engtik lai mahin mite ka umpha ve ngai dawn si lo va. Chuvangin shortcut lama kala lo lehkhalh hmeks hi a á¹ha em em.
March 26th, 2012 at 10:16 am
Tuaisial, lehkhalh policy khi ka duh ve haha
March 26th, 2012 at 10:22 am
Post tha ve. Hman deuh khan Camera kha a te te an uar a, tunah chuan a lian lian a ni leh tawh 🙁
Hmanni kan MI te khan Sony Camera te takte ka ak ve reng a, ka lekchhuak ngam ta lo. Lian pui pui a hma kawh chi kha an phawrh sup sup bawk sia 😀
March 26th, 2012 at 10:24 am
#17 a engah nge in lek chhuah ngam loh le aw’
March 26th, 2012 at 10:27 am
Awhna hi Hma min sawn tir tu anih chuan a tha e. Tin, vaiva te anga mahni afford ngei neih theih te pawh a tha. Mahse, miin an neih avang ringawta neih lo tum ve a, puk chawp emaw eiruk phah ang erawh chu, a tha lovin suala min hruai lut tu ani thei si. “Eng bawihah mah ka inphal lo” tìh kha vawn tlat a tha khawp mai. Ka mamawh chu khilam khian min pe zel a, Ka Nokia N-95 camera hi a la tawk rîhin ka hria kei ka tan hian. Comment no-7 khi ka like e.
March 26th, 2012 at 10:37 am
Engkim hi a lian lian an duh tawk. Tlangval lah ni se keini ang pate khir kher ai chuan pa lian thelh thawlh an luck tawh zawk a, phone pawh a lian telh telh a, kan khawsak pawh a lian telh telh mai zawng a nih hi. ;-(
March 26th, 2012 at 10:38 am
Khatia sawrkar hnathawk hoin eiruk nachang an hriat atang khan alawm mawle 🙂
aryan-a tawngkam takin kan rethei hlawm si a, khatia a thei deuhin an han eiru kha keini mimawl kut hnathawk rethei ho khan ‘a eiru’ tih nachang kan la hre si lo, kan chung en zawmah zawk a. Tichuan…kan heti chho ta ani mai lawm ni? nghuk.
March 26th, 2012 at 10:38 am
Kan mamawhtak kan neih hian kan materialistic lo..kan mamawh lem loh,mi neih kan hmuh kan awh vanga kan neih ve ngawt hi a tha lo.
March 26th, 2012 at 10:39 am
Nimin Times Of India extra page a an article pakhat “How much is enough” tih ami tlem ka lo type ange:
Remember Leo Tolstoy’s popular Russian story “How much land does a man need?” Pahom, a peasant dies exhausted in pursuit of his dream of owning large acres of land. He is rich finally, but now all the land he needs is a six-foot long grave.
Touche.
March 26th, 2012 at 10:41 am
(Y) Gud post. Aduhi post hi chu a tha, a dik tih bak sawi tur ka van thei khawps mai. Kei pawh First ah chuan ka lo hnung fe a nih hi… 😀 :-$
March 26th, 2012 at 10:41 am
Hawh u.
March 26th, 2012 at 10:42 am
#17… Hman deuh khan Camera kha a te te an uar a, tunah chuan a lian lian a ni leh tawh.. (Y)
Buaithlak a nia khawvel hi. Nula pakhat pawh kan bem thluk ve hma in, tlangval thenkhatin an kherh thlu zung zung lawi si te hi 😛
March 26th, 2012 at 10:44 am
Rethei reng renga seilian tan chuan tunlai khawvelah hian awh tur hi a tam em a ni. Mahse awh hrim hrim hi chu sual em em pawhin ka hre lo, insum theihna kan neih erawh a pawimawh. Keipawh awh chu ka ngah mai, mahse tlema kan inngaihtuah fim deuh hian ka insum leh hram thin.
March 26th, 2012 at 11:07 am
van post tha ve…ka rilru a ka vei ve reng thin a ni, mamawhna avang pawh ni si lo a chumi te pawn an nei tih vang ringawt a han awh ve ringawt te hi!! Hun engemaw atang khan pathian zarah awhna lak ata hi ka fihlim ta deuh roh a,dawr changkang tak taka han luh ve te pawh hian thil nalh leh tha pui pui lo awm khup mahse ka mamawh tak an nih loh chuan awhna rilru ka pu ngai ta lo a, a zalen thlak ka ti khawp mai
March 26th, 2012 at 11:11 am
Ka DSLR ve hi a lian lutuk lo na a han chelek vel a inthlahrunawm dawn ta deuh a nih hi a.. 🙂
‘I vengte ta reng reng chu engmah i awt tur a ni lo’ tih hi bible thu a ni a, hei hian awhna hi mihringin kan pianpui zia a tilang a. He thupekin a tum zawk chu awhna tihpuitlin loh kha a nih hmel zawk, he thupek hi Mizote hian kan zawm zo lo hle a nih hi, awhna hi materialism awmtirtu pakhat chu a ni chiang si a. Close knit society in tih hi a chhan pakhat a ni thei ang, kan thil neihte ka inlawmpui a, ka inhmuhpui liam liam a, neih ve ngei tumna a lo piang ta thrin a ni.
Kristiante hi kan materialistic deuh bik em aw, khawvelah hian?? :-S
March 26th, 2012 at 11:12 am
#17, u Sheldy mai mai chuh..
Mi in an neih phaka an lei chuan Camera arpa tiat leiin, Bike TMB tiat pawh nei se a pawilo. A bikin thawhchhuah nei loin phaklo chung chunga neih kan tum hi a thalo.. Kan incheina te hi..huiz ka zak thin.. Millenium Centre te khi thil lei en ah ka enlo..
THALAITE KAN PAWIMAWH, KA NGEN KAN NGEN CHUAN NU LEH PATEN PHAKLO CHUNG2 PAWHIN MIN LEI LEH NGE2 THIN.. (Fate hmangaihna rilru atangin)
kan pha dawnlo a hriat chuan AWHLOH NGAM MAI TUR..
ti ve khanglang ila, tiangah chuan Ka Nu hi ka fak thin, naupan lai pawh khan fapa mal ni mahila, thil a phalloh chu nuar eng ang mah ila a phal tawh ngailo. Kan chhungkaw phulo anga angaih min duat vangin min lei ngai heklo.. Tiang vang aniang, thil awh em em ka nei ngai vaklo.
IN ADJUST A PAWIMAWH BAWK. Ei leh in ka duh tuia, pawisa pawh tiang lamah ka hmang hnem, chuvangin thawmhnaw lam ka lei khat phah. KA THIANPA ERAWH EI LEH IN LAMAH PAWISA A UI A, A INSUM A, A KHAWL A, THAWMHNAW THAR LEH BRANDED A LEI THIN.. Ka dem bawk heklo. Expenditure compensate thiam a ngai
March 26th, 2012 at 11:12 am
@ aduhi – tlem ka lo belh ve: nuihzat thlak ka tih ve em em bawk chu, sumdawng ho office ah thawmhnaw zuarin an han kal kual vel ah, nu leh nula tam tak office kai ho te khan INSTALLMENT vawi 3 or 4-a rulh tur khan an sunday kawr tur te kha an han la ba ngei bawk ah…tin, veng hrang hranga nula/tlangval ho lah sunday skul thawhlawm khawn tura an han ruat chuan, kawr thar leh puan thar neih ngei ngei tur emaw an tiah….aaaaaaaa. Mizo(ram) ho hi chu kan hahthlak lam deuh chu ni eeeee
March 26th, 2012 at 11:13 am
Ka income chuan tlin ve hram chu nise thil ka nei tha ang chu aw…. thil tha awh nachang hriat hi ka rualpawl ve na pakhat a ni, mahse ka neihin a tlin thlawt si lo. Khawvel tak hi chu aw…..
March 26th, 2012 at 11:15 am
Sorkar tha leh chak tak hi ka awt ber mai, Car tha tawk nen
March 26th, 2012 at 11:16 am
#28 Jacka Pi sawi ang deuh khian han awh em em hi ka nei hranlo (DSLR bak 😉 ) Ka nitin office kalkawng hi branded dawr hlir a intlar phei tuar.. engmah ka awt chuang lo. Mak deuh chu vairama awm hian thil hi kan la easy a, Mizorama han awm chiah hian mi te neih ang neih ve duhna, an inchei dan anga inchei ve duhna hian kan khat thin. Buaithlakkkkkk
March 26th, 2012 at 11:19 am
Ni viau a sin, Materialism hi chu awm ngei2 tur a ni a dan beh tum vak chi pawh a ni lem lo, a uchuak avang thil thalo thleng erawh hi chu a tha lem lo. Mahse kan dinhmun erawh chu hetiang deuh hian a chhui dawn theih awm e, 1800 vel chhovah Social structure vuak chhiat chhoh a ni a, chumi tlan chhiatna tur chuan sakhaw lamah an tlan vaka(sakhaw thil bak kha chu khap a ni vek)khap tih hian written nilo conventional a tih theih ang. Chumi avang chuan cult(pawl chhuak) chi hrang2 hnam naupang te leh population tlemte si ah chuan ngah ber kan ni kan ti thei mai awm e. khami tlan chhiatna tur zawng khan kan nu leh pa te pawl chhuak ve lo kha materialism ah hian an tlan ta vak a ni ber a tih theih ang……mental capabilty in a phak lo chungin, tanna a rawn pe ta a chumi chuan heng hi min thlen ta mai a ni in a lang thin e…………Pawisa kan neih/hmuh ve chin atanga sum lut zat leh market a sum veivak awm ang tur vel atang chhut chuan emaw economical evolvement a ni ber mai ang chu. Pangai tak khan lo kal chho ta ang se tunah hian mi hausa zual thenkhat hian in pucca building chhawng sawm an sa thei chauh ang tih hi hriat a tha khawp mai.
Mahse hmasawnna vek tho a nia a rual khai ta lo deuh a ni e tih mai chauh a ni……….Thil kal tawh avanga in tih buai vak hi a tha lem lo nia.
Mimal ah chuan Chronological age leh mental age hi a inthlau thei fo, chutiang chiah chuan social structure leh kan mentality hi a inthlau lutuk……..A hmasawn dan hi a kal rual lo ni ber in a lang.
March 26th, 2012 at 11:19 am
U Aduhi hian a sawi chiang lova,kan belh ange,
DSLR nei ho kha in in thlahrun phah ange. Photography tui tan chuan a awhawm ani. Keipawh Photography ka tui a(Olympus roll film hmang ka nei ve thin) keipawn DSLR leh a lens chu ka awt, wildlife lam zir kani nen, ka mahmawh bawk a, ka khawl ngah hunah ka la lei ang..
Mahse, thenawm Pain a lei vanga a function mumal hre lova to taka lo lei ve ngawt angkha a tullo. Gadget hi tunlai hian changkanna tehfung ah kan hmang niin a lang.. A bikin Tunlai Thalai te hian..
March 26th, 2012 at 11:20 am
A va dik e aw. Good post. (Y)
March 26th, 2012 at 11:25 am
Rambuai atanga UT a kan zuanluh khan sawrkar hna a tam a, pawisa a tam a, awlsam taka neih a awl bawk.. Khang hun atang khan Mizoram hi ngai a awh leh talo..
MIZO HRIM HRIM KAN MIZIA HI KA NGAIHTUAH FO THIN.. PIALRALA FAISA RINA HNATHAWH TAWHLOH TUM KHA KAN NIA..
March 26th, 2012 at 11:27 am
# 30 & 34 (lamea25 & aduhi) … (Y)
College ka kal chhung zawng khan Cotton Expo ami T-shirt Rs 60-100 man ka lei thin a. A hunger hian ka zir bawk ni tur a ni.. 😛 Department danga zirlai te’n T-shirt an hak ngam loh laiin, Clinic (kawrfual var ka hak hnan tho va) leh class kalna ah pawh T-shirt ka ha mai thin.
Vawikhat phei chu kan professor pakhat in, Ka T-shirt Rs 100 man kha a en vut vut a. “Engzat man nge?” a ti a. Kei la chuan “Sir, han ring chhin teh” ka ti a. “Rs 500 aiin a to ang” a ti mai chu(h), nuam duh tak a ni.
Branded thuamhnaw ka sawisel miah lo, a nei thei chuan nei se. ka tan chuan ka awt lo va, ka lei ngai hek lo. Branded thuamhnaw ai chuan, a inbeltu hi branded zawk mai tur … 😀
March 26th, 2012 at 11:29 am
Aduhi: i ziak á¹ha hle mai. Hei tak hi Mizorama ka haw peihlohna pakhat a nia. Tunlai chu ka ngeiawm ka chhuah ve e ka tia, “In va hausa em em” tiin ka comment sak zel 😉
Ṭhalai chauh pawh nilo, patling pui pui camera an in neih á¹hat siak emawni, he thlipui hi tunlai a tleh in a tleh hum hum in ka hria, kan misual member ah te pawh hian 😉 A rilru Schedule Tribe tlat tlat ka ti 😀 Nei zawh ve loh vang pawh nilovin, a in el na hi hnampui tih chi loh eeeee…..Hnampui kan ni chuang lova, Tribal kan nia, kan Tribal na tak pawh a ni reng a 😀
March 26th, 2012 at 11:33 am
Dr Mahminga Sailo, i comment #39 hi ka LIKE lutuk (Y) , kei pawh branded hi ka la awt chhin lo reng reng! sneaker erawh chu Reebok 1 ka nei ve, chu pawh discount runpui laia ka hmuh fuh ve a nia…bakah Mizoramah hian branded hian hlutna a nei tlem ka ti, man to deuh si hian a common thei eeee 🙂
March 26th, 2012 at 11:39 am
Ka awmna ah hi chuan camera kan in neih á¹hat siak ve chuanglo bawka, neih leh neih loh rilru hah pui na tur ka nei chuang lo bawk a. Mahse ka ralkhat thlir aá¹ang hian kan in tih changkan siakna leh kan thil in tihhmuh te hi a class a hniam chu ka ti deuh á¹hin a ni…. a nei zolo tan hian a luhai thlak á¹hin ka ti. Mahse nei zolo chu ram pawn lo awm daih ila nuam a nih hi hahaha
Camera nei á¹ha leh thlalaka tui deuh hi chu lo awm hran ve mahse pawi lo, a rampum huapin kan tleh dul dul zel mai hi chu a chk loh thlak ve deuh chuan ka hria 😉
March 26th, 2012 at 11:40 am
Hawh u..
March 26th, 2012 at 11:41 am
Branded e ded lo e, ka duhzawng a nih chuan eng brand nge ka care vak lo.Branded thil hi pawngpaw ngaihsan loh tur
India a Benetton thawmhnaw te kha a quality a va han chhe thei tak, Target hmun tlawm a an zawrh ai pawn a quality a chhe zawk, Branded nazawng hi chu a tha vek lo, mahse exercise leh sports lamah chuan reebok, nike, addidas adt tih vel hi chu a tha ka ti
March 26th, 2012 at 11:48 am
Dr. Mahminga posi khi a tha (Y) (Y) …….DLSR neih hi chapo pui chi lam nilovin tui vang zawk chi a nih hmel e…………….
March 26th, 2012 at 11:51 am
Pathian hi a tha khawp a. Min zilhtu te hi a hun takah min pe thin.
Kei pawh nikum kum tawp lam kha NIKON coolpix camera ka lei ve a. Tlangval e ti lo vin pangpar thla ka la thin a, nuam ka ti ta riau pek a. Camera tha ka lei tur thu ka sawi zauh zauh. Mahse, kumin kum tir khan ka uncle (Shillong-a Tourism Engineer) pakhatin min zilh ka pawm ta zawk.
“Sailo, You are a Veterinarian, working for the pets. Why are you trying to be a photgrahpher, there are lots of professionals who are doing this job. Your NIKON coolpix is enough for you” min ti a. Mi thuawih tih takah, tin Pawisa neih loh bawk nen, he thurawn hi ka zawm ta a ka inchhir lo. Chutichuan, Ka NIKON coolpix (rawng senno hlar . 🙂 ) hi ka kalna apiangah ka ak chhuak ve ta ziah.
March 26th, 2012 at 11:52 am
Jeans hi chu branded ka lei hram thin, a tlo a.. Hmanah pawh ka bialnu 😉 cousin in “Lamea hi ban rawh, a thing thei si, Vawk chaw a pe ang pur pur a” tiin alo advice a, minlo nuih thin ani awm e. Kan inthen ta reng a.
A Fu khawp mai, kei aia changkang, nalh, Bike nei a ngaizawnga, kum 20 a tlin hmain an ru daih. Hmanni ka haw pawh, ka kuhva leina dawrah a fa 2 kai chungin a Oriflame zuar ka hmu a, kan Order sak kha:-)
March 26th, 2012 at 11:53 am
Miin á¹ha an tih avangin á¹ha tih ve ngawt zel loh tur.
misual.com post pawh hi comment hmasa 10 vel hian comment hnuhnung lam hi kaihruai viau zel in ka hria 😉
March 26th, 2012 at 11:55 am
#47 u lame-a khi ka tan lutuk Param Vir Chakra ka hlan nghal. Tunlai khawpui nula tlangval “changkang” lutuk ho chanchin hi la ziah tur a ni. U Lame lo ziak ta che?
March 26th, 2012 at 11:57 am
Hnam naupang zia mai bakah hian modern world influence hi kan tuar zo lo anih ber mai hi maw? Kan mentality hian kan real status hi a thlawkhum vung vung mai ani hi!
kan community a te a, a zim bawk a, in cheina mai mai leh engemaw mai mai bak show tur kan nei lo a. Buh phur 100 thlo thei kan ngai sang eih tawh si lo a, a buaithlak zo vek anih hi! (H)
March 26th, 2012 at 11:57 am
Tunlai mizoram thalai ho lifestyle hi ka hrechak khawp mai keipawh
March 26th, 2012 at 12:01 pm
Post tha tep!
Ka line loh lam tak a ni a. Sawi vak tur ka hre lo khawp mai. Mi thil neih avangin ka buai ngai lova ke neih loh avangin ka buai ngai hek lo mahse zirna lamah hi chuan ka rualawt ngawih ngawih.
Ka la hriat reng chu Aizawlaa Science Seminar chhima ka kal hmasak ber khan min hruaitu, ka zirtirtu – min duhsak em em tu hian tuna bazar puiah sawn WRIST WATCH hi lei sak min tum a. Ka duh eih lo. Hmun fianrialah min ko hrang a. Sona bun a changkang zia te, examnaa ka mamawh thinzia thlengin min hrilh fai kel a. Mahse min hmin chuang lo. Ka duh loh chhan min zawh nawn fo avangin rethei taka zir ka nihzia tlang hriat a ni a chutih laia sona lo bun vel kha ka duh loh zia leh ka thawhchhuah pawh ni miah lova han neih kha tha lo ka tih zia ka hrilh ta kel a. Mak a ti ve khawp mai.
Incheina thleng hian a ni. Mahni nihna bak baka inchei tum. Inla Hihg fi ve ngawt hi an tam khawp. Mahse ka nunphung hi an ti buai lem lo. Valued system tha leh Principle nghet nei tura ka duhsak bak han sermon chiam a thain ka hre tawh lo tlat.
March 26th, 2012 at 12:03 pm
# 47…
U-lamea25 chu, nula tel ngeiin tawnhriat ilo nei tawh vel. Nangmah hi i branded riau..
Branded teuh deuh chappal ka lei ve ngei tawh. ADIBAS logo a chuang ve ngei!…
March 26th, 2012 at 12:04 pm
U Aduh, ana ve asin
first person a ziah i phal m:-)
March 26th, 2012 at 12:07 pm
hahaha tun tum chu ka lo ngaidam ang. Lo ziak la.
March 26th, 2012 at 12:18 pm
Ignatia, tinge sona i tih? Sana ti ve mai la
Chuan, i fel hmel khawp mai.
Mahse fel intih lutuk hi thil awmthei tih kan sawi ve mai mai ( lo in ngaihbel lo la. mi zawng² tan ka sawi!!). Thil hlauhawm tak a ni lehnghal.Fel lutuk hi chuan hriat loh lai hian ‘holier than thou’ complex lo neih mai hi awl khawp an ti. Miin an fak an fak ho phei hi chuan a rukin an lo nei leh keuh thin ( unconsciously pawn a ni thei). Chapo na hi Pathian huat ber te zinga mi a ni zui.
March 26th, 2012 at 12:21 pm
A va ṭha em
March 26th, 2012 at 12:23 pm
He tia kan sawi ho laih laih theih lai hian internet access phak lo tam tak an awm keuh ang…Aw Khawvel!!!
March 26th, 2012 at 12:24 pm
Keipawh ‘awh’ neilo chu ka ni lo. Pathian thu thiam hi ka chak em em. Tunah tak phei chuan Greek leh Hebrew thiam lutuk hi ka chak khawp mai. Greek hi chu kum 1 ka zir ve tawh a, a bo lo tawk chuan ka hre ve in ka inhria a. Hebret hi ka bo rih hle mai a, zir a thiam ka chak et et. Ku chawnghilhan ‘Lehkhabu ka rawn thawn teuh dawn che’ a rawn ti hlauh mai a ! Hebrew zirna bu tha tak rawn thawn tel se ka ti hle mai
March 26th, 2012 at 12:26 pm
Ignatia pawh hian mi ti ṭhin a “I in adapt chak lutuk a niang” a ti maia, Aizawl boruak ang ah chuan pi aduhi sawi ang chiah hi a ni, keimahni in adapt chak nilovin kan society hi a in adapt chak lutuk zawk a, ṭhenrual kawm ve turin kan leng ta ṭhin lo a ni. Khita #42 ka sawi ang khian kan awmna in a zir chuan lo zah ve vak na tur a lo awm reng reng lo. Amaherawh chu kan ṭhian bul hnai, kan ṭhenawm, a kur-a-taia a thlum a al ei hova kan len pui, kan inkhawm pui te, kut kan ben pui ṭhin te kan rual el phak lova in elna an neih chiah hi a ni hrehawm. Anni anga awm loh rengin ṭhian inṭhenna a awm lo thei silo, in kilhtawih ru taka, titi rual lo taka inkawm te a ngaih phah ta ṭhin zawk a ni. Mi veng pa hausa chuan min ti hnawk hran lo. Ṭhianten an neih ve loh chuan neih chak em em na pawh hi kan lo nei chuang lo, kan ṭhian te zel aṭang a ni heng hi chu darh kual.
March 26th, 2012 at 12:28 pm
Pi BMW: Ka lo ziak sual a ni maw. A sawi a sawi hian tihsual ka ngah leh zual thin khawp mai.
I second para khi a tha khawp mai. Tlangval fel leh nula fel tak tak ka tawn changa keima experience atanga ka sawichhuah ve fo a ni thin. Min lo hrilh hre leh a vawiin hman i ti nuam leh dawn e. Ka lawm lutuk e!
March 26th, 2012 at 12:31 pm
Ṭha ṭhuai ṭhuai ve!! He lai hi ka la fuh tlat bawk:
Thalai tam tak chawmhlawm ho phei hi chu ngawi rengin lawm hle ringawt tur. In nu leh pa thawh hah kha lo uanpui viau suh u, in college/school kalpui nei ve lo te kha lo hmusit ngawt suh u. Mahni emaw mahni nu leh pa te hlawh phu lova thil nei tha te ngaihsan hi i sim teh ang u.
Post ṭha thlawt e, aduhi!
March 26th, 2012 at 12:36 pm
Vai ram ah chuan kekawr bul leh Chapal nen chauh pawh college kan kal thei a, incheina pawh lei kan mamawh lem lo. Amaherawh chu kan ram ah chuan “Kan rethei em a” tih avangin kan inchei loh phah chuang lo, kekawr bul leh chapal em em kha chu a ni leh tlat silo a ni. Fel leh ṭha anga lan te leh Demand san leh san loh te pawh hi kan awmna zir zel zawk hi a nia.
March 26th, 2012 at 12:49 pm
Camera tha neiho kha inthlahrung miah su. Camera ah kan focus ta deuh bik in ka hria. Diktak chuan Misual a camera tha nei ho te chuan an interest vang leh an afford zawh vang a nei an nia. Kan sawi hi chu nu leh pa thawhchhuah a nuamtawl ho a ni deuh zel.
March 26th, 2012 at 12:50 pm
Mihring kan la tlem vang a ni pakhat bawk.
March 26th, 2012 at 12:51 pm
Chuan Simple lutuka inchei hi kan hmu hniam a, kan ngainep a, kan zahlo nghal ngawt zel.. Mi thawhnaw hak fiamthu nan hman kan ching bok. A bikin tleirawl hoin
March 26th, 2012 at 12:53 pm
#64 hi a dik e, camera ka awh em avangin ka rawn sawi langa, mahni thawhchhuah a lei, tui ve hrim hrim te kha chu lo inthlahrung suh u. Keipawh ka thawhchhuah ngeia ka lei hunah chuan mi zawng zawng aia nei ber ni awm khawpin misual ah hian thlalak ka rawn post ang
In ning viau ang.
March 26th, 2012 at 1:11 pm
Engatinge khamera chungchang ringawt in lo sawi mai le. Ka thawhchhuah ngeia nupui ka lei hunah, in hmuh turin ka rawn show off dawn chiang…
Kan rilru puthmang azir hian kan inchei duh dan a dang thei khawp mai. Neih tawk leh phak tawka inchei hi a zahawmin hmuh a nuam fo.
March 26th, 2012 at 1:16 pm
Keipawh camera ka rawn sawi avang khian camera chauh khi ka buaipui tihna a nilo nia, kan thil uar ṭhin ṭhatloh zia, materialistic lama kan intlansiak nasat zia entir nan tunlai lar mek ka sawi mai mai ni.
Retheih te pawh hi awmna zir zel a ni ka ti ve tlata. Dinhmun inthlau lutuk hmun ah chuan retheih a hrehawma, dinhmun in thlauh lohna ah chuan a hrehawm chuang hauh lo. Tuna chhungkaw rethei ber pawh hi kum 100 liam ta ah kha chuan awm se a hausa pawl chu an ni tho vang, a awmzia chu a neih ngai reng mahse a awmna in a status a ti danglam zawk a ni. Dinhmun inthlauhna hmun apiang ah retheih pawh hi a na.
March 26th, 2012 at 1:24 pm
sheldon170 Says:
March 26th, 2012 at 12:49 pm
Camera tha neiho kha inthlahrung miah su… Kan inthlahrung lek lek hman mawle!!! hi!hi! hii
March 26th, 2012 at 1:28 pm
Ka va han inthlahrung tak em, Khamera ka nei ve lo hi
March 26th, 2012 at 1:30 pm
Ka Khamera hi ka tan chuan a tha ve khawp mai aaa(h)… Thiante u.., ka inthlahrung…
(Isaac Tutua style-in)
March 26th, 2012 at 1:32 pm
Kei pawh ka inthlahrung tawh lutuk
March 26th, 2012 at 1:33 pm
He post atang a thil lang chiang deuh mai chu Mizote hi a hun leh hmun lo lai a chapo thin kan nih zia leh kan nihna dinhmun ngaihtuah miah lova rilru leh ngaihtuahna hmang hnam kan nihzia a tarlang in ka hria.Kan neih zawh loh pawh awlai taka hnualsuat/hmusit mai,kan neih ang ang a nihna aia tha leh standard deuh a sawi ching. Dawtsawi hreh miahlo. A ruka mite it ngawih2 a,neih ve dan dap char2. A source chu eng pawh nise pawi ti lo deuh vek kan ni.Thil ho te_-Sa eikhat tak chhung pawhin tukzan a saei thei a insawi ching kan ni.A chhan leh vang ni awm a lang ta ber chu vawi leh khatah rambuai kan nihna atangin UT/STATE kan lo ni a nimin mai a kan anpui thenkhatte chu mi awmthei an lo ni a chung mite chuan a neive lote an awhthik bakah a nei loten phak lo chung2 in ban phak kan tum a, an ei leh in, silh leh fen thlengin an kan tum tlat a chuvangin hnam kalsual kan lo ni ta a, kan moral a dik lova, mi kan hmuh dan pawh a vai tingtang zo vek ta a ni ber e. MORAL REFORM KAN MAMAWH BER, PATHIAN THU NEN A INMIL TURA NUN hi a pawimawh.
March 26th, 2012 at 1:34 pm
Camera in sawi avangin kei chu ka inthlahrun phah hauh lo thung. DSLR ka lei hma hian ka mobile hlirin thla ka la a, FB ah pawh ka album God’s Coloring Book a mi pawh mobile atanga ka shot vek an ni.
March 26th, 2012 at 2:03 pm
In sawi tha hlawm hle mai, sawi belh tur pawh ka hre vak lo.
March 26th, 2012 at 2:15 pm
post chhiar chhuak lovin komen ve tawp te’ngs.. “an nun leh an thil tihin zahawmna a phurh chhuah zawh loh avanga incheina leh material hmanga in tih zahawm tum ho hi ka ten. Kekawrbul leh tawnzau nena ka awm mai2 pawh hi vengthlang tlangval tu emaw suit leh tie nena in duang ve ngawt ai chuan ka zahawm fe zawk tihah hian ka chiang ve tawk. (chapo vang ni tak maw?)
March 26th, 2012 at 2:37 pm
Comment tak2 hma in a urlawk nan…. Aizawl a ka haw hrehna ber thin chu incheina sang lutuk leh lirthei neihloh hrehawm thei lutuk thin kha ani. To be contd…..
March 26th, 2012 at 2:45 pm
@Lamji, i rawn continue hma in – Ho e, City Bus a tam tho lawm
March 26th, 2012 at 2:52 pm
Branded ded a ngai lo, mahni branded mai tur. Kan ngaihtuahna leh mamawh tlat ni a kan inhriatna hian min ti materialism zo a ni ber. Kohhran thleng pawh in kan bang chuang lova, Biak In Branded
lo deuhvah chuan inkhawm kan peih lo tan tawh a ni lawm ni?
March 26th, 2012 at 2:56 pm
hetiang ngaihtuah chhuak thei in la nula tlat hi chu awww. misual tlangvalte u, aduhi hlutna hi in hmu thiam pha lom maw ni le.
lehkha kan zira kan hna duh zawng ber kan han thawk hi a hlu ka ti ber a, a bak hi chu a tul dan a zir a ni. hna thawka mahni inchawmte hi hetiangah hi chuan an ngaihtuahawm lo, zir si thawk si lo, hmuh chhun sit si, hi an zualkai.
kan education kalphung hi ka dem thui khawp mai, kan college kal ve lai(ti ve khanglang ila) pawh khan zirna ai khan hetiang mai mai hi kan tuipui fur. nula in kawta bike hun thum dawt chakna kha a lian thei em mai.
hmeichhia hi mawh an phur lian ka ti, an ngaihhlut zawnga awm hi mipa chuan kan tum tlangpui. kha mi kha nulahovin an bawh phawt chuan amah kha kan an tum mai thin.
zoram hi zawng khua a var lo khawp mai, vai ramah hian tlawm mahse thawmhnaw ka lei ngai lem lo, rual elna a awm lo kan ngaihtuah hi a puitham daih zawkin ka hre lehnghal.
duhzawng neih hi a thiang a, kan duh zawng inhnuhtir hi a pawi.
aduhi hi ka * tlat nia. pawi em aw…..ignatia.
March 26th, 2012 at 3:06 pm
# 81..
@vakul … Hman atangin aduhi hi ka * tawh a, mahse ka chang lo…
chemtatrawta, lamea, ignatia, asteric leh midang chiah hi a be tha duh a. A duh young lutuk hi a pawi teh a nia … 
March 26th, 2012 at 3:41 pm
mahming..a lo nih chu. Ignatia hi ka rinhlelhna a rei tawh reng a. lolz.
March 26th, 2012 at 3:55 pm
U ADUHI, zindabad..
March 26th, 2012 at 5:02 pm
March 26th, 2012 at 5:29 pm
Camera ai chuan Bial nu tur ka duh fe zawk..
March 26th, 2012 at 5:41 pm
Engmah nei lova ka luhna khawvel hi engmah keng chhuak lovin ka chhuah san tho tho dawn vang nge maw ni dawn!? Engmah neih ka la nei rih lo, ka chhungte chauh lo chu.
tren tren
March 26th, 2012 at 6:39 pm
Van ngaihnawmin van dik tiah2 ve le…
March 26th, 2012 at 7:26 pm
Thawmhnaw lei ve chhunah branded deuh kher lei hi a hlu ka ti ve tlat, mahse ka lei khat khawp mai. Ka lei chhunah ka uluk ve thung a ni. Inkhawmna tur pheikhawk leh coat pawh lei ngam tawk branded kher ka thlang, mipa fashion hi a in thlak nasa vak lem lo bawk a, dama pathian in rem a tih chuan kum 5-8 vel tal chu rin ka tum hmiah zel mai. Hetiang thawmhnaw tha pangai ve deuh hi pa 3 aia tam erawh neih a tul ka ti lem lo khawp mai. Thawmhnaw tha deuh in bel leh tlem a phuai deuh in bel hian mi in min biak dan hi a dang tlat, chumi vang chuan tam tak ni lo, a awm tawk hi a awm ve ah ka ngai. Branded sneaker bun 50 chuang nei te zu han awm a!!! TUL LO LUTUK.
Gadgets ah pawh a tha ber dawttu zel hi a lo tha khawp mai, tuna ka laptop hi kum 4 vel chu ka hmang ve ta, Wipro tlawm chi celeron, bluetooth leh webcam pawh awm lo a nia, ka mamawh na ah chuan mi phuhruk chiang khawp mai,a hard disk erawh 160 gb hi a tet deuh vangin 500 gb ah upgrade a chuan external HDD casing lei tel bawk a, 160 gb hlui hi backup ah hmang leh, tawk tiu teu viau ni.
Chawtha/Eitur tha/thianghlim erawh ka in hman nasat na ber a ni thung. Naupang ho pawh an ei tur ah chuan a tha thei ang ber zel pek kan duh thung. Dam mawh hritlan pawh pathian zarah an tawk khat viau, zirna lamah pawh an ngaihtuah ding theih phah deuh em aw a tih theih.
March 26th, 2012 at 7:42 pm
Ka kamis pakhat hi kum 8 ka hakna a ni ta.
March 26th, 2012 at 7:53 pm
Ka inthlahrung lutuk a, comment pek pawh ka ngam lo. .
March 26th, 2012 at 9:02 pm
Kan phak tawk a thil tha hi a awm zel ania,kan duh aia a to deuh paw’n kan inkhawl mai ani law’m ni kha!! Mahse Mizoram(a bikin Aizawl)ah chuan ‘tiang case hi a tam tawh lo ngawt ang. Neih zawng2 leh puk belh a thil lei kan hreh ta lo. Thenawmpa in a neih veleh a neih ve nghal tum hi an tam tawh viau ang,awhna hian thil tha min pe se,thil tha leh hmasawnna te hi awt ila. Kan materialistic lutuk tih vel te hi chu..kan zavai hian kan nih vek ka ring,tlawhpawh harsa khawp a pilril tih loh. A nei deuh ten an ti lang a,a neilo ten kan ti lang lo mai2 ani mai lo’m ni?? Mahni phak tawk a thil tha duh vek kan ni sia…!!
March 26th, 2012 at 9:06 pm
Camera sei chi chu lei ve ka lo rilruk mek laiin ka chhiar a, lei loh phah mai ka rilruk leh.
March 26th, 2012 at 10:16 pm
Aduhi chu i va sawichhuak thiam! Keipawh Aizawl bik khi chu ka fit lo vel vek!
March 26th, 2012 at 10:50 pm
He post hi ka hmu ve chiah. Ka chhiar lak lawh lai te khan chhiar zo nghal phal loin ka maimitchhan san veng veng… Ka ziah sa i lo hmu ru a ni hial lo maw !
ka vei ang leh ngaimawh ang lo veia lo ngaimawh ve ka hmuh che u hian ka thawl hawk mai…
March 27th, 2012 at 10:51 am
Incheina chung chang hi ka’n sawi leh lawk, in ngaih dan a nih loh chuan duh leh min rawn kheng rawh u. Ka ngaihdan a ni miau sia.
Fashion a in thlak chak kan tia, mahse mipa fashion hi a in thlak muang lutuk, Levis 501 jeans kekawr hi kan pian hma atanga awm tawh, tun thlenga design la ngai pat a ni. Chutiangin Suit thui pangai pawh hi a hlui thei lo tluk a ni, mahse suit tak hi chu ka in bel khat khawp mai. Mipa pheikhawk smart shoe design pangai, a suihna awm tawp emaw thun thawt te hi a hlui thei lo. Mahse mipa pheikhawk tho chhip bawng turh, chhip zum tih vel hi chu a hlui vat tho. ’80 vel ah high school kan kallai a Converse canvas (puanpheikhawk) ang hi tunah pawh hei a hmei a pa college student ho hian an la bun sup sup mai, college kan kal lai a ka pheikhawk awh ber thin Dr Marten 1640 pawh hmanni khan ka lei ve leh chiah, Dr Marten 1640 hi Punk rock lar lai vel a an bun daih tawh kha a ni, tunah pawh a design in thlak miah loin a siam tu te hian an la hralh. Hei kum 5 vel chu ka bun ta e, Ka bun chul lutuk lo a nih chuan ka fapa te pawh hian an la rawn bun theih ka ring. Mipa fashion incheina pangai uchuak lutuk lo hi a in thlak muang. Hetiang hi mipa fashion awm dan a nih avangin, misual a regu chin hi chuan inkhawl tang tanga awm leh mawi tawk vel lei thei lo kan awm ka ring lo tlat. Chutiang chu neih phu loh a inchei na ti sang lutuk emaw, neih phak bak a in chei ah ka ngai lo.
Mipa in gadgets lei nan a kan sum khawh ral hi a nasa lutuk, kum 1 hnu a obsolete leh tur computer/laptop/camera etc Rs 50000 man lei hnawk te hi a fuh lo lutuk a ni. Model a in thlak zung zung a, gadgets te phei chu resale value a nei miah lo lehnghal.
Hmeichhia ve thung hi chu a inthlak reng a ni awm e, kan nu hian man to deuh lei ai chuan man tlom te, ni buaih lo ang hi lei i la (vai ram kawngsir a mi ang)thlak deuh reng i la a fuh zawk, chuan inkhawmna/puipunna mi tur hi thawmhnaw pangai ve deuh tlem nei leh i la a fuh zawk a ti thung. Mahse cosmetics chu a duh uluk khawp mai, a tha lo hman chu mihring tan a hlauhawm a ti. Hei hi chu sawi thui tur vak ka hre lo.
Kan college kal laiin Mizo Central Service officer lal tak, mahse vai rama awm rei tawh tak pawh, hmanlai fashion dik tak kekawr tlang arh Mizo inkhawmna ah a rawn ha chiah mai chuh, nuih loh a har khawp mai. Incheina na hi a hun leh hmun mil zela hak tur pangai pa 2 khat neih hi, neih miah lo ai chuan ka la thlang zar zar, mahse to uchuak erawh tul ka ti miah lo.
March 27th, 2012 at 5:15 pm
# 96…