mi(sual).com

Kum tam a liam tain a hun laia a khawtual titi tui ber nimahse a tun an hre tawh loin thawnthu anga a hunlaia awm la dam ten an tu leh fate hnena thawnthu sawia an sawi chhawn bak chu hria an awm tawh meuh awm love. Indopui 2 na zawh hnu, Mizo mipui te Independent thlarau ina min chiah hma leh UT sum luh that vanglai, a tu ate pawh sum mena an men leh tihhreh an neihloh hma niin Mizoram ala ralmuangin ala thianghlim a.

Suahsualna a tlemin khawpui nun a tun an ngai loin, an lawina tlang leh mual an khua bak ngaihhlut leh ngaih atun anla nei silo. Mizo te mizo kan nih lai niin kei chu hmar kani tih thuhla ah inhnial buai ala awm lova, khawchhak lama kan unau te Burma mi anla ti heklo in annin thil thalo leh sum avanga unaute bum hreh lohna thlarau anla chang heklo.

Tlangzawl khua pawh favang awllen lai ani nen hnuhlak leh ram hna thawh tur a awmlo in a khaw pum an thla a muang a, nula leh tlangval tan inrimna huntha leh thlamuang a sangha den, ramkal hun aniin chhungpui nu tan lah fanu te tha chhawr remchang lai chuha pawnpui an ban hun niin boruak a nuam hle a, kawtlaia archhiar te thleng chuan an thlamuangin damlai an chen nite hian a hriat si.

(more…)

Khuanu remruat anih vang nge, tu pa tuh leh enkawl nimiahlo mahse hunin a herchhuahpuiin April par mawi tak mai te chuan a mawina a chhuah a. Boruak ain thlak a, sikni eng boruak vawt leh dairdiak mai te chuan kian zai relin, nipui lo hertur chu hmuakin vanpui te chuan an ziarang leh sakhmel thlakin chunglam rorel zawmin hmalam hun panin an zia an chhuah chho a. Nipui boruak a thaw tanin vawkhniakzawn khawpin ruahtui ala tam lova, tuikhur lama tuikang nghak thawm te erawh thal zualpui a reh tawh avangin tam em em lo mahse, Pu.Khuma bawng no neih thu te leh Zatawni muala sava hmawngkung tlan an tam zia leh awh a nawm zia te tui ti taka sawi ho tham erawh an awm reng si. Kan khaw lama ka haw lai anih avangin tlachham em em lo mah ila, thawhlehni a PHE ho tui rawn sem, kan veng lam pipe a chian loh avanga nidang aia kan dawn tlem avang leh tihtur em em ka neihloh avang chuan tuikhur lam pan chuan ka inkawt chhuak ve ta a.

Kan veng tuikhur hi khawhmawr lama awm nimahse kan veng dawrkawn, Pu.Romana te in bul step a chhuk a, chuta tanga Mohana Chhang ur in bula ding pen niin, a hla em em lova. Step chhuk a ulh deuh e tih lovah chuan a kai pawh a nuamin a ruam a cham a, tui tin 2 kawt chhung pawhin hah hman lovin kan thleng zung zung mai thin. Chu zawng ai cuan tuikhur thlen hma a kawng sir tawn tawn a April kung in tlar thla, kan khaw Lal thin Vankhuma Sailo in a lal laia a phun te chuan a hmun a ti mawiin nula leh tlangval tan pawh tuikang nghah ati nuam a, naupang tan lah tual chaina hmun tha aniin chu aimah chuan hmangaihna in a bual mek nula leh tlangval tan zawng kan khua ah ro ro chuan he tuikhur hmun baka hmangaihna parmawi chhuah tirna tur leh duhber te nena lendunna atana hmun thlanawm a awm chuang silo, mi khua te tan zawng thlanmual leh helipad tlang te hi hmangaih te lenna ni mahse kan khaw tan zawng he tuikhur leh a vel baka hmangaih te lenna tlang nuam leh thlakhlehawm a awm silo. (more…)

Nula/tlangval tungchho a kal ve ta chuan ngaihzawng tih hi tu pawh in a an tawn leh an neih theuh ti ta ila kan ti sual tampui awm lo ve. Chutiang a nih lai chuan, engati tehreng nge maw ni a tihdan tur te, han thlem vel dan te leh han chhai dan tihvel hi thiamloh a leiah ngaihtuah peih pawh a har thin  an tih hi a lo dik awm mange ka ti thin. A tak ram ah hetiang ka nih vang nge mumang ram ah thung chuan ka lo nei ve mial a.

He ka mumang ah hian Shillong ah lehkha ka lo zir ve a, kong-i dawr ah hian thingpui kan lo in a kan lo titi ham ham mai a. Chutihlai chuan Msg hi thian pakhat hnena atangin ka dawng ve hlauh mai pek a, star tu deuh che an awm tih hi ni ve teh tlat a,tu nge chu2 a nih va hre chuang lo leh ngaihtuah zui lem chuang lo chuan, mak ti ang reng leh lawm rilru ve tho si chuan kan awm ve ringawt mai pek a. Mi awm dan thin a ni angem phei chu ka hre chuang lova. Tunge a nih a tih phei chu ka va ngaihtuah zui lem lova chuan hostel lamah ka haw phei ve leh ta hna hna a. Chumi hnu ni 2/3 hnu vel chuan thian pakhat hian msg kha i hmu em? tih min rawn zawt a,hmu e   ka lo ti ve mai a, khami zana kong dawr dinglam sir a thu kha a nia an tih chuan, tunge a nih phei chu ka hre lo mahse  chhelo an tih huai huai, a hming chu ka hriat a tak nen a ka hmehbel theih lem loh hi a lo ni reng mai a, Mak duh ang reng khawp. A bultanna chu a ni reng mai.
(more…)

Ka dah tawh emaw ka tia, kalo la dah lova. Nikuma ka chhuah tawh The Last letter chhunzawmna na thawnthu tawi ani e. The last letter en duh tan
https://misual.life/2011/10/07/the-last-letter/

Favang boruak a nuamin thla lah chu a eng uarin lung a leng a, rilru in kan tlangval lai min hriatchhuah tirin mami nu nena kan in ngaihzawn laia Pu Phunga serthlum huana thla eng hnuaia hlim taka kan awm dun lai leh vaihmite thlawk mai mai pawh kan nuih pui laite rilru ah a rawn lang a. Hlimte a tudang ngai lova kan lendun laite rilru ah a rawn tharin tunah zawng engkim mai hi a dang tasi. Ka tih hreh ka tih a ngai a, tlang rel hlauh vanga keimah hlimna tur nia ka ngaih tihreh tur khawp chuan dawizepin ka in hre silo. Zinglam dar 4 a ri tawh a, ka thiannu (Bialnu) chuan bus station ah kan in tiam ang ngeiin minlo nghak tawh ngei dawnsi. Hmmm.. kan chokapui dawhkanah hian ka thil ziah chu dahin ka kal mai ta nge.
(more…)