Zen a rei tawh a, ka han hawi chhuak a, chhawrthlapui lah chuan ka rumna leh manganna min hriatpui ve lo tih hriat fahran hian a mawina eng nen a pe un mai si a, ka bula mu, kum 25 chhung ka pasal ni mek chu ka en a, ka lainat a mahse ka thil tum hi hmana tanga ka lo tum tawh anih avang leh kum kha leh chen keima bila thil ka tih tawh loh hnu a keima bil liau liau a midang ngaihdan leh ka mualpho dan tur pawh dawn lova ka lo tum tawh anih avangin thulh ka tumlo.
Mama leh mami te room lam panin ka va kal a, an unau a tui taka an muhil hmel ka hmuh chuan ka lung ati chhia a, ka biangah mittui alo lung a, mahse khawvel ngaih pawhin piutling a chhiar theih an nih ve tawh avangin min dem bik ka ring lo..
Ka ngaihtuahna chu a buai map a, mahse he khawvel ah hian ka hlimna tur ka ngaihtuah ve hi demawm em em in ka inhre biklo…
<Tichuan kan nupa room ah chuan lutin mittui tla chunga ka lehkhathawn hnuhnung ka ziah hnu chuan, kan chaw ei dawhkan ah dahin thawm dim deuhin ka chhuak ta a..
TO,
Ka Pasal…
Zing I lo tho anga, I bulah ka mulo tih I hmuh pawhin min zawng lem lo ang, dan pangngai a khuma I thingpui in tur siama ka buai anihringin mi nghak anga, reilo te hnu ah mi au anga, chhang tur che ka awm tawh dawnloh avangin, thinrim deuhin I rawn tho chhuak anga, he lehkha hi hmuin mak iti in I mittui a tla hial mai thei, mahse kei chuan ka ringlo..I thin erawh a rim ang,ka demlo che, min zawn tum loin, ngaihtuahna nasa tak nen he lehkha erawh hi chu ilo chhiar chhuak dawn nia..
A hmasa in I ngaihdamna ka dil e, kum 25 lai mai I nupui ina heti maia nangmah leh kan fate ka kalsan hi min dem ani mai thei, mahse mihring vetho ka ni asin, I tana I hlimna tura ka thil tih zawng zawng te kha han chhut chin la, ka tana, ka hlimna tura I thil tih han chhut ve chin the, inbuk tawklo I tih ve tho ka ring..
Kan inneih khan mahnia ngaihdan pawh la nei ngamlo khawpa nula kum 20 mi ngawichawi leh zakzum ka niin, ka nu leh pate thu awiin ka nei ta che a, ka pasal ilo nit a in ka theihtawpa I nuna hlimna thlenhi ka hmachhawp ani tih hriain nitin, zantin I tan ka thawk thin..Nang erawh chuan chung ka lo beih hah vena chu mena min khung sakin, hmeichhia ka nih avanga ka nuna bet tel ve niin min ngaihsak a, ka thu I ngaithla ngai loin mi ngaih pawimawh sak ngai hek lo..
Kum 23 liam tawh mahse, tum khat 1988, march ni 16, nang chuan I hriat reng pawh ka ringlo..Mama paia ka rai lai khan ka naupai a chianglo nen Durtlang hospital a neih ka duhthu ka sawi a, min chhanna kha “ Hmeichhia in thu pawimawh ah thu an nei ve ngailo, ka nu leh pa thu thu ani mai” ti a min chhan kha, I tan chuan a ho maithei..
Ka tan erawh a na asin, kha I thil sawi khan in keimah leh keimah mi in ngaihnep tir a, kum lamah ka la naupang bawk nen ka rilru ana asin..I fa, kan Fa tur paiin thla 9 nuam samlo in ka awm a, ka neihna tur hmun pawh thlang theilo a ka awm khan ka thin ati na asin..I nu leh pa, Ka nu leh pa te thu kha ka zahlo anilo a,ka ngaihdan ka sawi ani ve mai a, kha I tawngkam hman khan mi I dah pawimawh loh zia min hriattir a,hei kum 22 lai a liam hnu ah pawh ila ngai reng anih hi..
Mizo mipa I inti a, I inla pa a, mahse ka hrilh a che , Hmeichhia te hian awm nem zawk kan nihna kan hria a, mipa tehi kan lu ni tura Pathianin a ruat in ni tih hi kan pawm mahse “ Mipa tena in rahbeh a in hmuhsit tur hi kanni biklo asin, Pathian in in rawngbawl turin min ruat a, mahse kan rawng pawh in bawl let ve a, kan hlimna leh ngaihdan te in ngaih pawimawh ve hi Pathian duhdan pawh anioh ka ring” ka sawi ang chuan awm pawh ni ula ,Mipa te hlutna leh dinhmun hi a dang dawn chaunglo asin, Hmeichhe lu chu Mipa ani si a..
Nang erawh chuan mizo mipa tam tak te angin chung chu i hmuh hmaih si..Eizawng tu I nihna te hi I chhuangin nang erawh chuan chu pawh chu I chhuang ani tih I hrethaim peklo ang…Zing I tho a, khumah thingpui leh chanchinbu ka pe che a, rawng ka bawl zuiin, office I tlai hlau reng rengin zing tin ka phe buai a, I thawmhnaw, pheikhawk nawt paha zingtin rawngbawl paha phet buai chu ka khawvel ani si,
Chhunah ni se insuk,intihfai neuh neuh nen hun ka hmang liam a, tlai I rawn haw a, I chauh thu sawi pah in ka vanneihzia, nilenga mut hahdam chu a nawm tur zia te chu ti el chungin min tawngkhum nitin a, chaw ei hunah lah I chawhmeh duhzawng siamloh hlauin rawng ka bawl a,..
Alu hi a phek zawnga zai I duh tih te, Bai ah chuan a so hma a soda thlak I duh tih te, behlawi hi buh thlak hnu a chingal thlak I duh tih chenin ka hria asin..Nang erawh ka chawhmeh duhawng miin zawt ta che sela I chhan theih ka ringlo..I rngaihdanah chuan rawng hi ka bawl thiamlo a nia nge, 1996 October thla a, I pate a te chaw an rawn ei a, ka bawkbawn bai tui I tih thu I sawi bak kha vawikhatmah ka chawhmeh siam hi I la faklo asin, hechiang min ti em??
Mama te unau an rawn piang a, kan chhangchhiat vanglai leh ka nawmsam loh lai pawhin vawi khat pawh nau zun I thlaklo in, nauek vawi khat pawh I su silo..Nia I ngaihdanah chuan Mipa hna anilo in, inchhungkhura hna thawh hi apa lo in mipa I nihna kha a hniam phah in I ngai si…Naupang anlo lian a, Kg an kal atanga BA an kal tleng in an zirlai enpui I tum sio, Nia I tan chuan Nu tihtur a ni a, nang chu eizawng tu ini tlat…
Ka sawi thui lutuk dawn, duhtawk dawn mai ang, Ka sawi tum zawk erawh chu, Ka chunga ka thil sawi zawng zawng khi ka nin avanga he thil hi ti ka nilo tih min hriatsak ang che, pasal te tana thawh a fate enkawl chu a nuam asin, Amaherwh chu ka pasal I nihna anga duat ka phu ve na te, I Fate nu ka nihna anga min ngaihhlut ve na tur zawng zawng ni a ka ngaihna te hi ka hlimna tur ani tih I hrelo mai nilo in I hmaih a, I sual vang chu niin ka hrelo..
Mahse nang MIPA tak mai khan I ngaihtuah phalo ania nge, chuvang chuan hei mama te unau pawh an puitling in zirna kawng leh nun kawng ah pawh mi ngaih ah mifel anni ve a, Ka theih anga Pathian thu nena ka kaihhruaina te nen chuan an ngaihtuah awmloh in ka ring, ka hlimna tur ngaihtuah a hmun dang a kal a hlimna zawn hi he khawvel ka chhuahsan hma hian ka chak a, Ka hlimna tur zawngin ka kalsan ta mai che u ani e, ka hmuh leh hmuhloh chu thuhran, min ngaihtuah suh ang che u..Mama te unau kha lo hnem ang che, an tur thiamlo viau ange, nang chu ka ngaihtuahlo che MIPA ini si a..
Dam takin le,
I nupui thin
Momma never seemed to miss the finer things in life If she did,
she never did say so to daddy
She never wanted to be more than mother and a wife If she did,
she never did say so to daddy
The only things that seemed to be important in her life
Was to make our house a home and make us happy Momma never wanted anymore than what she had
If she did, she never did say so to daddy
He often left her all alone She didn’t mind the stayin’ home
If she did, she never did say so to daddy
And she never missed the flowers And the gifts he never gave
If she did, she never did say so to daddy
Being took for granted was a thing that she accepted
And she didn’t need those things to make her happy
: She didn’t even seem to notice That he didn’t kiss and hold her
If she did, she never did say so to daddy
One morning we awoke Just to find the note
That momma carefully wrote And left to daddy
And as he began to read it Our ears could not believe it
The words that she had written there to daddy
She said our kids are old enough And they don’t need me very much
So I’ve gone in search for love I need so badly
I have needed you so long But I just can’t keep holdin’ on
She never meant to come back home I
f she did, she never did say so to daddy
Momma’s gone Good-bye to daddy
Similar Posts:
- The last letter (the other side)
- Tu ber nge i thlan dawn le?
- Hmeichhia nih chuan phakar a ngai
- Duhtak
- Zâm suh
October 7th, 2011 at 10:39 pm
a ngaihnawm hmel khawp mai….tih tur ka nei tlat..nakinah uluk tawkin ka chhiar chhun zawm ang…. (Y)
October 7th, 2011 at 10:46 pm
A ngaihnawm riap riap khawp mai. Ka chhiar chhuak dap. Hetiang post ngaihnawm chhiar tur hi a awm khát tawh lutuk a, ka lungawi e.
October 7th, 2011 at 11:00 pm
(Y) (Y)
October 7th, 2011 at 11:00 pm
a mipa post chi chiah lo.mahse rilru ah awm miau sia..sept a mi(sual) ciah kha hei 4 ka dah ta reng mai a,ka inthlahrung khawp mai, mahse ka awmna ka sawn a,lung a leng a,thu ziah lang tlat ani e
October 7th, 2011 at 11:05 pm
Misual pa ho zawng zawng khan uluk takin vawi 2 aia tlem lo han chhiar chhuak vek teh u. Ka lo nìh dan thin, ka sim tawh a nih hi. Ka nupui duh tak hi, min thlahtute Fanai Lal thisen kai inti takin ka lo intìh mipa khum tawh thin a. Natna hriat theih si loh, damchhuah beiseina reng nei lo khawpin ka lo siam tawh a ni. Guwahati a doctor thiam an tìh zawng zawng kan rawn hnuah, a tawp khawkah Down town Hospital a psychiatryst pi Goswami kan rawn a, Phung rilru hria ang maiin a awmdan zawng zawng a sawi fai leng a. Min tawngtai puitute zarah nen, mi beisei phak loh leh mak tih khawpin a tha chhuak leh a ni. Ka pianpui mizia kalh chiah a nun ka zir ta a, ka thìam ve tawh khawp mai. (Tin, mi rilru tluang tha lutuk a nìh avangin mission field a ka mawhphurhna sang tak leh, engemaw neuh neuh keiin engah mah a ka ngaih tham loh a hriat thin hian, a rilru a tihah nasa thin bawk). In care tawn hi a tul teh mai a nia.
October 7th, 2011 at 11:07 pm
Va tha piap2 ve!
October 7th, 2011 at 11:20 pm
Speed Post a banna thu inhlan ai chuan a la zia reng reng in ka hria! 🙂
October 7th, 2011 at 11:27 pm
#7,speed post in an ban tawh che ni maw.he2
October 7th, 2011 at 11:34 pm
Pa ho (nupui nei) te tan darthlalang tha tak a ni e
October 7th, 2011 at 11:36 pm
#8, 1991 kum khan ka thrian mai mai emaw ka tih khan Speed Post in a sas ka nihna atangin min rawn ban thut a mawle! :hrilh hai:
October 7th, 2011 at 11:42 pm
a tha hle mai (Y)
nula pakhat pawh khan a bialpa kha ‘a pa lutuk’ tiin a chhuang viau thin a,an han innei chu a lo PA mah mah a niang chu,chu hmeichhia chu a duk deuh chur reng mai. 😀 😛 (fth)
October 7th, 2011 at 11:52 pm
Tha hle mai a..khawvel taka hlim ve phet kan tum lutuk hian Pasal te emaw Nupui te lakah vui leh vaina kan zawngphah chawk anih hmel….tepawh atih theih in ka hria..Ringtu nun atanga teh in atawp thlenga tuarpeih lo engzattak awm angmaw ..te katia..
Ziak tha hle mai..
October 7th, 2011 at 11:53 pm
I hun hnuhnung hun tlem i neihah i pasal leh fate i hmangaih em em i chhuahsan ta a, i dinhmun thlirin i demawm lo e. Nangma dinhmun anga ding hi nu tam tak an awm asin, a tawp thlenga tuara mahni hlimna tur zawng lova tuar chhuakte fakawm zia min ngaihtuahtir.
October 7th, 2011 at 11:59 pm
#10 thian mai2 nise a rn ban dawn che ami..nui nui..13, mizo hmeichhe tam tak hi an khawngaihthlak in ka hria asin,mizo mipa te hian nupui te hi kan duat thiam thinlo em aw te ka tia…zahthlak,bialnu pawh kan hmu thei lova,chutiang te kan sawi vak le.he he
October 8th, 2011 at 12:09 am
A tha hle mai…
October 8th, 2011 at 12:25 am
A ngaihnawm hle mai.
October 8th, 2011 at 12:37 am
Avan ngaihnawm em..in ti pa deuh a maian bai hmeh reng ai chuan tlema thaibawi a sa hmeh ka thlang zawk fe..ha2
October 8th, 2011 at 12:45 am
Ka chhiar puat a, a va dik in a va tha em,ka ti a, mahse a aia thuk in ka ngaihtuah tha leh a, sawiselna tlem aw….
1. A nupui khi Kristian nu tha ah ka ngai theilo, a thutlukna khi a self-centred khawp mai. Enge a beisei a, an chhungkaw hun tawplam khitia a suasam mai le…. zawhna hlir, zawhna hlir… a tuar khi khawvel pum huap a hmeichhe tuarna top 100 ah pawh a langpha lovang, mahni inkhawngaihna hi Thlarau Thianghlim atanga chhuak a ni ngailo. A pasal khian kut a thlak pawh a ni lo va, a lerh bosan pawh a ni lova, a rui reng mai pawh a ni lo va, an fate pawh an leikang tawh a, thlirna tlang dang atangin han thlir se, lawmna tur a ngah asin mawle aw….
2. Hetiang thuziak leh ngaihdan ah hian mipa hi an inhmuchhuaktur a ni a, a hmeichhia zawk an lo inhmuhchhuah hian BUAINA siamchawp hi a tam phah thei em em bawk.
3. Hmeichhia leh mipa hi inang a siam kanni lo a, hmeichhe beisei ang a mipa hi kan zawm takzet dawn chuan khawvel hi a buai nuai nuai mai ang. Hmeichhe in mipa lak a an beisei thinlung atanga chhuak hmangaihna hi mipa in kan nei ve tak tak lo, kan hmangaihna hi thluak atanga chhuak a ni zawk mah. Hmeichhia chu emotion(heart) in a drive a, mipa chu reason(brain) in a drive daih thung, chumi danglamna inpawmtawn thiamna zawk chu a ni MUTUAL LOVE kan tih hi.
4. An chhungkua khi an nuamsa ve pangngai ah ka ngai, harsatna leh raltitna eng emaw hmachhawn se, mipa hi mipat a lo ngaihzia leh mipa thlazar a hmeichhe lo lungmuang zia hi a manfiah thiam ve chauh ang.
Duhtawk teh ang, a bu a siamtham a sawitur a awm a nia. 😛
October 8th, 2011 at 12:47 am
Nupui nei tawhte tan inenfiahna tur, la neilo te tan hriatlawk chi a ni tlat.. Good Post..
October 8th, 2011 at 1:13 am
Nupui neih pawh hi a huphurhawm tih chang ka nei fo mai.
October 8th, 2011 at 1:25 am
#14,mizo hmeichhia te tuar te chu ala nep ka ti keichu, vai hmeichhia te hi nia khawngaihthlak awm chu, hmangaih miah loh leh voihnih voithum vel an hmuh hnu ah an chhungte vang in pasal ah an nei a, thuam an chhawm thrat loh in a pasal emaw, pasal chhungten emaw an sawisa/deusawh (physically and mentally) a, an dinhmun hi an khawngaihthlak a sin
October 8th, 2011 at 1:33 am
Hetiang thu/hla lungngaihthlak hi chhiar a hrehawm ka ti. Hla play a ngaihthlak tawp chu a zia-awm deuh. Ziak thiam khawp mai.
Ralkhat atangin lo analysed ve teh ang.!!! Mi hla phuah sa leh irawm chhuak lo modify kual thinte hi Literature khawvel ah hian eng category ah nge an dah ber le ??? ‘Poem Modifier’ em ni ? Nge Poet Assistant ??. 😉 (NOI)
A then hi chuan a phuahtu/ziaktu rilru put phak bak hiala tha an sawichhuah sak thiam a, mi rilru la peng thei hial khawpin an tidanglam thei thin. Thenkht thung hi chuan mawi taka mi thu/hla phuah ril tak takte hi anti khawlo zo ve thung bawk a.
October 8th, 2011 at 1:37 am
#20, dik tho mai..khawvel khawi ah pawh hmeichhe dinhmun hi a chhe deuh aniange, dolly parton i pawn a sak hlarh hlarh ni..a that lutukin an pawr lutuk a, tha bawk silo,..khawvel ni miau a..nupui neih hi a!!! Catholic father a tan lah inpekna tak2 awm lo a khai hil reng ka phal bawk silo:-)
October 8th, 2011 at 1:38 am
18 Zoho (Y)
October 8th, 2011 at 1:48 am
KA chhiar chhuak dap, tha hlee mai
October 8th, 2011 at 1:49 am
A theme chu a tha hle mai. Inenfiah ngai hi kan tam viau awm asin. Dolly Parton-i’n khi hla a’n sa ar ar khi chuan lung a kuai thlawt a ni.
Chutih rualin Mizo tawng hei ai hian uluk la, chhiar a nuam lehzual ngei ang. A thumal hmasa ber atangin a dik lo nghal ringawt a, i post hma-in i chhiar nawn leh miah lo em ni le?
October 8th, 2011 at 2:00 am
#26, alo nih khi….ka ziak lawk ngailo a,ka type luh nghal thin vang mawle…phunchiar lutuk;-) tak taka, ka lawm e..
October 8th, 2011 at 4:42 am
A ngaihnawm angreng khawp mai.. Post tha e (Y)
October 8th, 2011 at 6:24 am
A va tha em! Nupui nei tawhte tan chuan inzirna tur point tha tak a ni. MIPA intih vanga nupuite hnuaichhiah leh an duh dante ngaihpawimawh loh ringawt hi thil atthlak tak a ni e. Kei pawh ka inzir mek..mahse ka la pass bik lo! Bible bawk hian nupa inkar awm dan tur chu a lo sawi chiang khawp mai:
Pasal tan: Kristan kohhran a hmangaiha a nunna hial a pe ang khasn nupuite hmangaih tur. Tupawh nupui hmangaih chu mahni inhmangaih an ni. Eph. 5:25-33
Nupui tan: Pasalte hnuaiah a intulut tur a ni. Eph. 5:22-24
A pasal khian a ti dik lo viau na a, a nupui hmalak dan khi chu kei pawh a ‘selfish’ ka ti a, khitia chhuahsan paha a lungawi lohnate sawi lo khian a hma atang tawhin a pasal hnenah khing point te khi lo sawi lang zauh zauh tawh thin se, a pasal pawh khi a inzir chho ve deuh mai thei. Khi nu khi chuan a pasal leh a fate aiin AMAH a inhmangaih a nih khi! A fate chu lo lian tawh mahse BROKEN FAMILY a siam sak ta reng reng a, a harsatna ‘solution’ khi a fuh lo a nih khi!
October 8th, 2011 at 6:25 am
Inngaihbel chungin tihtak zeta ka’n chhiar chhuah parh chu a. Ngaihnawm hle mai, rilru thar min pe dawn e.
October 8th, 2011 at 7:31 am
A ngaithlaknawm in rilru a khawih khop mai…NU te dinhmun a tarlang chiang khawp mai…nupui nei tawhte le keini la nelo te tan pawh rilru a kan vawn reng atan ava duhawm em.
October 8th, 2011 at 7:33 am
Comment dang chhiar hma in… ngaihnawm lutuk. Hetiang dinhmuna ding mizo hmeichhia hi an tam lutuk tih ka hrechiang. (Y)
October 8th, 2011 at 7:45 am
Kan inneihna nupui pasal kan lo nih tawh chuan, kan tih tur chin te, tih loh tur chin te hi bithliah fel a tha. Nupui ten pasal te laka an dawn awm tawk te, pasalin nupui te laka an dawn awm tawk te hi inhriat sak a, sawiho a tha.
Chhungkaw bua tam tak chu mipa ten thuneihna hun turah an thuneihna an lek ngam loh avang a ni fo. Chutiang bawkin, hmeichhe thuneihna hi a awm ve tih hriat a tha hle a ni.
Post tha tak, inhmuhchhuahna tur a ni e. Mahse, ziak zawm leh zawm loh chungchang erawh hi chu i inzir deuh a la ngai anih hmel 😀
October 8th, 2011 at 8:29 am
I chhuak ta sasa.. Ka pi chu bar ah ka hruai dawn che emni le..? 😀
October 8th, 2011 at 9:56 am
Tha hle mai. Keimahah hmasawnna min thlensaktu a nih ngei ka ring. Hmanni khan C.Laizawna thuziak Vanglaini a chhuak fate chungchang ziahna khan ka rilru a khawih em em tawh bawk a, hei tunah he thuziak kan chhiar leh thei hlauh mai hi ka va lawm em. Khawnge… ka nupui hi ‘ka hmangaih che’ tih kan hrilh nghal mawlh mawlh teh ang. (Y)
October 8th, 2011 at 10:03 am
Mizo mipate hian kan hmanlai mipa nun kha kan siamthat hret hret chu a ngai. chuti anih loh chuan, kan nula ten, “Min care an thiam zawk” tiin hnamdang abikin midum ho min um bo zawhsan palh ang e.Mahse hnamdang um kher leh Pasalte chhuahsan kher erawh hi chu ka support chuang miah lo.
October 8th, 2011 at 10:50 am
Pa pakhat pawh a nupui a thi a, an vui zo chiah chu tukverhah a dak ang vengvawng a. Tunge ka neih leh ang aw…….
October 8th, 2011 at 10:58 am
Nupa chungchang hi chu nitin inzir chawp mawlh mawlh ngai a ni. Kan nupa hi kan inneihin kei kum 33 ka ni a, ka nupui hi kum 29 a ni thung a. Mite chuan rilru puitling leh ngaihtuahawm lo turah min dah a, mahse a teuh lo dan zia mai chu..h. Mizo mipate hi kan intih mipa danah felhlel a tam ve tih kan inhriat a tha ang. ‘Nang, hmeichhia i lo tawng ve avangin….’ han tih ang chi te, ‘Ka in leh lo, ka ui, ka ar, ka thutthleng, ka..ka..ka..’ ti zut zut chung si a, nupuite hmanhlel taka an phar kual dawr dawr laia, ‘Sumkung, i bai liam hi ngaihsak ta che’ tih leh khur khur tlat si te hi a changkan loh thlak lam hret chu a ni.
PKfanai, nupa chungthuah Pathian Thlarau Thianghlimin a sawi hmin che tih ka hrethiam e. ‘Tur a ni, chutin khatin…,’ kan tih piah lamah hian a taka kan intawng harh tur hi a tam tak zet a ni.
October 8th, 2011 at 11:11 am
KA duh ltk tlat. Mizo MIPA zia a phawk hlein ka hria.
MIPA inti te hian inenletna atan hmang theuh ila a thra khawp ang. Inneih hma, nulat-tlangval inngahzawn hunlai atang hian apply thei ila ka ti hial ani.
October 8th, 2011 at 11:22 am
(Y)
October 8th, 2011 at 12:13 pm
A ngaihnawmin a tha kher mai. A sei viau na-in tui taka ka chhiar tluanchhuah parh chu mawle.
Hetianga hla tha i rawn sawizau thiam a, Mizo raih mai leh zirtir nei tha tak maia i phuahchhuak thei hi i fakawm ka ti thlawt.
October 8th, 2011 at 12:16 pm
NUPUI CHUNGCHANG:A nupui selfish lutuk khi tei thei thak lo.Hun kal tawha thil thleng a hriat theih nen future a thil thleng tur a suangtuah pha lo leh tlat khi a mak!BA fa lai neia bih pui thin chu hmeichhia ah chuan a zir sang ve tawk ah ka ngai a,mahse a lehkhathiamna khi colledge emaw higher a kal lai pawn byhard system a a tih thin ka ring,Events tur a ngaihtuah phalo tlat!Kristian nu tha tak ah ka ngailo bawk. PASAL CHUNGCHANG:A ngaihsam ka ti.Midang aia mahni hlimna um mi,pisa kai a nih chuan an peon nen an inrem ka ringlo.Pa taima a ni lo bawk ang a.Kristian chhungkua lam a tuina a ni lo.Motor lawm tak a nih ka ring a.Family life a rilru ah a dah pawimawh ka ringlo bawk. Post tha e. (Y)
October 8th, 2011 at 12:30 pm
Nupui te ngam/control dan lam a ni kei chuan ka mamawh zawk ni. 😀
Phuah chawp a ni miau a, a changtute character lam ka ngai pawimawh lo a, a thawnthu atang a zirtur awm khi chu a tha kher mai. (Y)
October 8th, 2011 at 12:39 pm
43 @Chhuaklinga (Y) . Kei pawh nupui ngam/control dan hi ka mamawh letling zawk mah tawhin a nia ka inhriat rum rum ni 😀 .
Kei pawh a thawnthu phena zir tur awm khi thlir zawk ila kan tifuh phian zawk ang tih ka ring.
October 8th, 2011 at 1:35 pm
@Atom c#22 Literati an ti tlat in ka hria a dik em phei chu ka hre lo,mahse modify chiah hi chu an awm vak dawn a maw ni le????? tih luih a uang thuang a an hmang te nih loh chuan.
October 8th, 2011 at 2:57 pm
#42, va analyse tha dap dap ve.dik hmel viau..
October 8th, 2011 at 3:02 pm
chhiar a nuam dap dap khawp mai.nu pawimawhna hi mizo mipa tam tak hian kan hmuh hmaih fo reng a ni.spanish thufing chuan”Puithiam kawrfual aiin nu pawnfen tlang tet pawh a hlu zawk” an lo ti hial a sin.mipa kan nihna hian chhungkuaa kan mawhphurhna kawngah ken tel a nei a ni.tawngkam mawilo ni lose til khai zawk nihna ringawt hi mipa nihna a ni lem lo.nupui fanaute tan pa nih kan tling tawk tur a ani.chutiang tling lo chu pherh ka ti mai keichuan.
October 8th, 2011 at 5:56 pm
Vawiin chu ka kum 20 leh thla 120 na piancham ania, tu post ah pawh kan OT teh ang 😛
October 8th, 2011 at 8:05 pm
(Y)
October 8th, 2011 at 3:22 pm
A tha ka ti a, a ngaihnawm ka ti bawk,,, Hmeichhia lu chu mipa a ni a, mahse, Mipa tam zawk hi chuan hmeichhe awm nem zawk te chungah hian kan in luling lutuk hi chu kan tih lo tawp tur a ni.. Muslim ang maia Hmeichhia te chunga Mipate kan khawsak dan tha lo leh sim ngai te hi kan sim a, kan insiam that hi a hun ta e,,,,,,
October 8th, 2011 at 10:10 pm
In duh lo ve ve a innei in ang
October 9th, 2011 at 5:35 am
Hla mah nise…nupa ni si an titi dun in an rilru te an inhrilh ngailo amaw’n le….mahse a tha khups mai,inzirna tur tha tak ani e. (Y)x 10
October 9th, 2011 at 6:49 pm
***Mapuii here says, ” a va han thra chiang em…!!!…Lame, ziak zel teh…Jabalpur lam article kan lo chang reng ange…!!!!
October 9th, 2011 at 11:07 pm
true story tak2 nise, nu ber a tlanbo ring phallo teh ang…mahse in enfiahna tura thu tha tak anih zawng chiang mai e
November 2nd, 2011 at 10:05 pm
He Post hi mahni in adjust nan en zeuh zeuh ka tum.
May 3rd, 2012 at 9:00 am
[…] Ka dah tawh emaw ka tia, kalo la dah lova. Nikuma ka chhuah tawh The Last letter chhunzawmna na thawnthu tawi ani e. The last letter en duh tan https://misual.life/2011/10/07/the-last-letter/ […]
May 3rd, 2012 at 12:13 pm
@lamea: ti daih ila, nikum? Lama the other side tho- hnam dang nupuia i neih vel kha haichhuak la link han dah teh a. plz. Fone te ka hmanga hai vel a buaithlak tlat. Ka van chhiar leh chak tak em.
August 14th, 2013 at 2:17 am
Old is gold!!!
August 14th, 2013 at 9:53 am
Saitawk, i induh lutuk. Ka lo haw dawn karleh hian ka kawm dawn lo che. Ka T set pawh kha ka rawn la daih dawn