Vawiin hi Thlarau Thianghlim lo thlen ni; Pentecost Day kan tih kha a ni a. He ni Pual hian Thlarau Thianghlim chung chang lam I han thlirho dawn teh ang. (Vawiin chu Chaw a rum leh deuh thah rih dawn anih chu).
Thlarau Thianghlim chu Pathiana minung 3 zinga pakhat; a pathumna kan tithei ang chu ani a. Engemaw thiltihtheihna satliah ni ringawt lovin, MINUNG(person) a ni. Thuthlung hlui hunah khan Thlarau Thianghlim hi mimal thlanbik te hnenah Hna pawimawh bik an tih theih nan pek anni thin a. Thuthlung Thar hunah erawh hi chuan, Ringtu(mi Piangthar) tawhphawt chu Pek kanni ta vek a ni.
Thlarau Thianghlim Nihnate:
(1) Minung (person) a ni. (Johana 16:7)
(2) Khawikipa awm thei (Omnipresent) a ni. (Sam 139:7)
(3) Chatuan mi (Eternal Spirit)a ni. (Hebrai 9:14)
(4) Lalpa (Lord) a ni. (II Korinth 3:17)
(5) Pathian Thlarau (Spirit of God) a ni. (II Korinth 3:3)
(6) Krista Thlarau (Spirit of Christ) a ni. (I Petera 1:11)
(7) Thiltih theihna, Hmangaihna leh mahni inthununna Thlarau a ni. II Timothea 1:7)
Dikna Thlarau (Spirit of Truth)a ni. (Johana 14:17)
(9) Khawngaihna Thlarau (Spirit of Grace) a ni. (Hebrai 10:29)
(10) Hrethiamtu Thlarau (Spirit of Understanding) a ni. Isaia 11:2
(11) Thutak hriattirtu (Spirit of Counsel) a ni. (Isaia 11:2
(12) Finna leh Thutak puangchhuaktu Thlarau (Spirit of wisdom and revelation) a ni. (Ephesi 1:17) (more…)
Archive for the ‘Religion’ Category
Thlarau Thianghlim (Pentecost Pual)
Sunday, May 27th, 2012Thlarau Thianghlim Baptisma (Pentecostal Sermon)
Sunday, May 27th, 2012Chhiar tur: Tirh 2: 1 – 41
Kum thum leh a chanve lai an inzui hnuah pawh Petera chuan a Lalpa chu a phatsan a. A tum thumnaah phei chuan, “Chu mihring in sawi chu ka hre lo” tiin a pha ta hial a ni. (Mk 14:71).
Chawlhkar sarih lek liam taa, “Kraws-ah khengbet rawh” tia autu mipuite chu Amah Lal Isua lo phatsan tawhtu Petera sermon atangin mi sangthum (3000) laiin baptisma an lo chanbelh ta a. A va ropui em! Lal Isua ngeiin a lo tiam tawh angin Thlarau Thianghlim chu pekin an awm ta a ni.
Aw le, tun tumah hian Thlarau Thianghlim hnathawh rah chhuah, Thlarau Thianghlim baptisma chang tura tih tur leh a chan dan kawngte tlem a zawng ilo zir ho teh ang u.
1. Pentecost ni-a Thlarau thianghlim hnathawh rahchhuah:
[i] Isua Krista lo phatsan tawhtu leh tuna Thlarau hruaia awm mek Petera chuan huaisen takin Pathian thu a lo sawi ngam ta a; mi sangthum laiin baptisma an lo chan phah ta a ni. ( Tirh 2:4 ).
Scientist te an tawngtai ngai em?
Tuesday, May 22nd, 2012
January 1936 khan Phyllis-i chuan an Sunday School aiawhin Einstein-a hnenah “Scientist te hi an tawngtai ngai em?” tih zawtin lehkha a thawn a, chumi lehkha leh Einstein-a chhana chu a hnuai ami hi ani e. Mizo tawng-a nalh deuh leh context bo hauh lova han translate a chakawm khawp mai.
The Riverside Church
January 19, 1936My dear Dr. Einstein,
We have brought up the question: Do scientists pray? in our Sunday school class. It began by asking whether we could believe in both science and religion. We are writing to scientists and other important men, to try and have our own question answered.
We will feel greatly honored if you will answer our question: Do scientists pray, and what do they pray for?
We are in the sixth grade, Miss Ellis’s class.
Respectfully yours,
Phyllis
Chhandamtu’n a tuar
Sunday, May 20th, 2012Mite angin Khawpuiah chengin, fai leh nalh tak taka incheiin Office changkang leh nuam takah daihlim hnuaiah hna a thawk lemlo naa, Pu Robert-a chu mi ramvachal tak leh chak phiarfut mai ani bawk a,tuna a eizawn dan; Thingzai tur kih a eizawn chu hrehawm ati ngai lo a, a hlawk ve thawkhat bawk avang chuan rilru engthawl tak leh nuam ti takin a thawk thei thin a ni. Nupui hmeltha leh fel tak, hmeichhe dang an awm ve tih pawh hrechanglo khawpa a hmangaih Anne-I a nei a, a nupui pawhin a hmangaih takzet niin a hre bawk a, a pasal bulah chuan a hlim tawk a, hmun dang a ngai bik chuang lo. Fapa duhawm zet mai an neih hnuah phei chuan, tu dang an ngai lovin an hlim tak zet a ni.
Tin, an awmna hi Khawpui daifem hmun fianrial tak leh Compound zau tak, thing zai tur chi an din thelh sungna a ni a, Beram venthiam Uipa hrawl tak mai leh mihring ang deuh thawa fing, a pute chhungkaw tana rinawm an nei bawk a, Ramsa lakah pawh an him phah viau a ni. (more…)
Mara Rama Sap-hote Thiltih Mak
Friday, May 18th, 2012Thu Hmatheh:
Sap ram, London atanga Mara rama lo kal Sap-hote Rev. Reginald Arthur Lorrain leh a nupui Mrs. Maud Louise Ulander Lorrain te khan September 26, 1907, tlai 4:00 PM ah Serkawr khua an rawn lut a. Mara Lal Thylai Hlychho In hmun pekah, an mahni kutkawih ngeiin an chenna tur in an sa a. Hemi hnu hian an lo kal chhan ang takin tisa leh thlarauva Mara fate dawmkanna leh hmasawnna turte ngaihtuahin an hun pum an hmang chho ta a ni.
Heng Sap-hote tum ber hi Mara fate thlarau chhandam ni mahse, tisa leh thlarauva an dinhmun chawikan chu hnapui berah an rawn nei a. Tunah chuan Mara ram pawhin Chanchin Tha thlen atanga Kum 100-na (Maraland Gospel Centenary) hial a lo lawm ta a. Mara fate chu tisa leh thlarauvah khawvelah rual el phakin an lo chherchhuak ta a ni. Mara rama Sap-hote Thiltih Mak hi kawng hrang hrangin lo chhui ila:
1. Ziak leh Chhiar (Literature Work)
Mara rama lo kal Sap hote khan Mara ram an lo thlen veleh Mara tawng A, AW, B an siam hmasaber a. Hemi hnu hian Bible thu zirtir nan he A, AW, B hi tangkai takin an hmang chho nghal a. He A, AW, B hmang vek hian Mara hote chu an inbiakpawhtir ta a ni. Mara hote chu tawng (oral) leh zaizir (signs) te hmanga lo inbepawp thin an nih avangin, lehkha te, thingphek te, vaivut leh lungpheka Thuziak hmanga an han inbe-pawp thei ta mai chu atirah chuan mak an ti nasa a, ramhuai hnathawh-ah hial an ngai a ni. Bible lehlin hi December 1908 ah an tan a, Thuthlung Thar chu kum 1928 khan zawhfel a ni a, Bible pumpui hi kum 1951 khan zawhfel a ni. Mara Dictionary leh Grammar te, Chanchinbu - Krizyhpa Chiamie (The Christian Trumpet) te, Hlabu te an siam bawk. Kan aia Chanchin Tha dawng hmasa zawk, thenawm Mizo hote aiin Bible pumpui hi kan nei hmasa zawk nghe nghe a ni.
(more…)
Savawmin Mi 42 A Seh Hlum {Sunday Pual)
Sunday, May 13th, 20121. Thu Hawnna:
2 Lalte 2:23-24-a kan hmuh angin, Zawlnei Eliza vana hruaichhoh a nih hnu chuan, Elisa’n a ai awh-in rawngbawlna a chhunzawm țan a. Jeriko khuaa tui in tlak loh a tih-thianghlim hnu-in, Bethel-ah Pathian be turin a chho ta a. Kawnga a kal lai chuan, mipa țhalai rualte chuan an lo nuihzat-in, an lo deuhsawh a, “Nang lukawlh-pa, han chho tawh, nang lukawlhpa han chho tawh” an lo ti a.
Elisa thinrim chuan țhalai rualho chu anchhia a lawh a, chuveleh ram lam ațanga Savawmnu 2 lo chhuakin mi 42 lai mai an rawn seh hlum ta mai a ni! Zawlnei si, a thin a va chhe ve? Ţhalai-ho țawngkamah hian thil inzep lian tak a awm a ni lo maw?
2. Lukawlh-pa:
Mizo Bible-ah, țhalai mipa-ho sawi nan hian, “naupang” a hmang a. Hei hi hriatsual palh a awl mai thei. Helai thu-ah hian, “naupang/țhalai” sawi nan hian Heb.getanaim na’arim, hman a ni a, hei hian mipa kum 15-30 a huam. 1Sam.16:11-13-a kan hmuh angin, Davida chu “naupang” (Heb.gatan) a ni a, Savawm leh Sakeibaknei-te bei tlaka tha nei rual a ni daih tawh a ni.
I tan tunge A nih (Part 1)
Saturday, May 12th, 2012(Tunlai chu Misual.com-ah ka lut khatin comment pawh ka pe khat viau a, chuvangin ka inthlahrung khawp mai paws rawn siam pawh hi, he2). www.laldoma.blogspot.com
Ngaihtuahna nasa tak senga mitthlaa lolang riai riai, miten hmu ve se ti a kan duh tak mai pencil leh lehkhapuan la a, kan suangtuahna te mawi tak mai a chhawpchhuak thintu Lemziak thiamte hi an hlu ngawt mai. An thawhrimna zarah liau liau Siamtu kutchhuak mawi tak takte pholanin a awm thin a, thil hlu ni a kan hriat ngailohte hlutna kan thinlungah an tuh thin a ni. Chu chuan ngaihsakna thinlung min pein a enkawl zui tura hringmite mawhphurhna pawh min hriat chhuahtir thin bawk. Thil mawi leh mi hip thei, mi duhzawng leh duhawm te hi Lemziak thiamte kuthnu a ni thin a ni.
Mahse… Siamtu thilsiam mawina leh parvulna ringawt hi Amah Siamtu kan hriat telloh chuan ala chuai dawn a ni. Khawvel parvulna leh chu parmawina chen tu te ngei chu an la chuai dawn a ni.. Chung zawng zawng chungah chuan mawina zawng zawng infawkkhawmna leh duhawmna a khat thil pakhat a awm a chu chu kan Lal ISUA KRISTA hi a ni.
(more…)
Zan dangdai tak a ni
Friday, May 11th, 2012(Ka post hnuhnung ber tur pawh a ni maithei….ka nun a inthup ka puang dawn :))
Chhun lam ah ka lo chhin sek avangin ni zan chu ka mu hlei thei lova, tih tur engmah a awm loh avangin computer games te ka khel kual vel mai maia. Zing 2:30 a rik chuan mut mai ka han tum a, ka harh tulh tulh zawk emaw tih turin khum ah chuan ka let a ka let a. Reilo te ah ka tho leh ta nge nge a, computer chu ka han on ṭha leh a. Internet connect in ni danga ka tih fo tawh angin facebook leh misual.com te ka han lut leh phawt a, mahse tunlai chu ka eng tihmah a tui lo a niang post chhiar thuak bak ka peih lova.
Kan veng in chanchin kan in hriat tawnna tura website an siam chu kan han tlawh ve leh a, ka hmel hriat ka awm bo hnu a boral an lo awmnual tawh maia, ṭhenkhat pheichu ka hriat chian em em te an ni a, an chanchin te chiang zawkin ka chhiar zel a. A ṭhen chu hausa deuh te an ni a, a ṭhen chu rethei deuh te, lehkha thiam deuh te, Doctor te, dawrkai te, zirlai te, kum in ang lo tak tak an ni hlawm a.
Kolasib Vengthar Biak In suasam a ni leh ta!
Wednesday, May 9th, 2012Kumin January thlaa Hunthar Veng UPC (NEI) Biak In suasam a nih hnu leh, hmanni lawka Thingdawl khua Presbyterian Biak In leh Catholic Biak In suasam a nih hnuah, nizan (May ni 7) khan Kolasib Vengthar Biak In chu mi tu tih hriat lohte’n a ṭum hnih nan an suasam leh ta.
He Biak In an suasamnaah hian Bible leh lehkhabu pawimawh tak tak eng emaw zat hâl a ni a, satanic sign hmuh tur a awm bakah thuziak eng emaw zat an hnutchhiah a.
Lehkhachaih lukhawng nei
Wednesday, May 9th, 2012Ennawm pahnih: > Ni 9, Khuangchawithla, 2009 Zirtawp tlai a ni a, Pisâ ban hnu ah chawhmeh ilo bazar pahin bawr takin ka in khai haw ve par par a, kê a kal râlah chuan kan in chu a lo hla zek mai, kan veng thlen meuh chuan thut chawlhna tur chu ka zawng ruai a!!
Pu Das a kawmchhak lungrem ah chuan thuthmun rem in, thli thaw chu ka dawng ta vang vang a, ka thlang inchung zawlah chuan unau pahnih, in kawmngeih zet mai hian lehkhachaih an lo buaipui a, lehkhachaih inanglo tak mai chu chaih thawlh tum ve ve in an lo vawr dun lauh lauh mai a. Fûr ruah a tuihul tawh bawk a, boruak lah a thiang tha, thlifim a tam vei bawk nen lehkhachiah tuipui mi tan chuan hun duhawm tak a ni ringawt mai.
Vengdang naupang tepawn an hai hauh lo, lehkhachiah pian in anglo tak tak leng vel chu ka tlir dauh dauh a, hmuhnawm a tling tham a, ka rilru luah tu ber erawh ka thlang lawk inchung a naupang Sahar chaih thawlk ve theilo ah chuan a awm tlat mai…. Chu naupang Sahar chaih chu…
