(Ka post hnuhnung ber tur pawh a ni maithei….ka nun a inthup ka puang dawn :))
Chhun lam ah ka lo chhin sek avangin ni zan chu ka mu hlei thei lova, tih tur engmah a awm loh avangin computer games te ka khel kual vel mai maia. Zing 2:30 a rik chuan mut mai ka han tum a, ka harh tulh tulh zawk emaw tih turin khum ah chuan ka let a ka let a. Reilo te ah ka tho leh ta nge nge a, computer chu ka han on ṭha leh a. Internet connect in ni danga ka tih fo tawh angin facebook leh misual.com te ka han lut leh phawt a, mahse tunlai chu ka eng tihmah a tui lo a niang post chhiar thuak bak ka peih lova.
Kan veng in chanchin kan in hriat tawnna tura website an siam chu kan han tlawh ve leh a, ka hmel hriat ka awm bo hnu a boral an lo awmnual tawh maia, ṭhenkhat pheichu ka hriat chian em em te an ni a, an chanchin te chiang zawkin ka chhiar zel a. A ṭhen chu hausa deuh te an ni a, a ṭhen chu rethei deuh te, lehkha thiam deuh te, Doctor te, dawrkai te, zirlai te, kum in ang lo tak tak an ni hlawm a.
Mahse tunah chuan an nihna thuhmun vek mai chu ‘An awm tawh lo vek’ a ni. Ka rilru chuan ‘Ka awm tawhloh huna he khawvela hriat reng ka nih tawh bikloh tur thu te min ngaihtuah tir a,’ kan Pathian thu in “Mikhual leh cham mai kan ni” a tih te chu dik ka ti tulh tulh a, Solomona’n “Kan dam chhûng ni zawng zawng hi thim hnuaia khawsain bawrhsâwm mangang leh thinrim ṭeuhvin kan hmang ral ṭhîn,” a tih te chu ka hun kal ta te nen ka chhui zui a, nun alo hriat zia te chu ka pawh telh telh in ka hria a.
Chumi ngaihtuah chung chuan post hlui leh thlalak te chu ka han en phei zel a, kan veng ṭhalai ho hlim lai ni thlalak leh thu te ka chhiar a. Kum 3 lai liamta a ka bialnu hlui thlalak ka hmu teh nawlh maia 
, kan inkawp lai te ka ngaihtuaha chhunzawm a, tun hnu a ka rilru lo inthlak dan chu chuan min hriatchhuah tir a. A ni hian ka nun min thlak danglam nasa hle a, ṭha leh fel ni a ka inhriatna zawng zawng te min pheh thlak sak ni ber in ka hria. Nula fel tak a ni hran lova, mahse ka rilru a tih hahna lamah ka khaw hawi erawh a ti danglam nasa hle a ni.
Computer chu ka Shut down leh a, tichuan inchung zawl ah ka han chhova, dar 3:00 a pel tawh a, tumah an awm lova a reh ruih mai, nizan lama thla bial pawhin kawl lam a hnaih tawh hle a, thli lah chu a thaw nasa hle maia. Inchung zawla ṭhutthleng awm ah chuan ka han ṭhu a, ka thil ngaihtuah chu ka chhunzawm leh a. Phaia ka chhuk hmaa mahni tawka fel ka lo intih ve ṭhin dan te, kohhran inkhawma ka ṭhahnem ngaih ve ṭhin zia leh kohhran ṭhalai tana ṭhahnemngai taka chhun leh zana ka lo thawh ṭhin te, Upa ten hmaichhan ngeia min fakna aw mawi te, kan in ah ka thawhpui Evangelism sub-committee ten missionary chhuak tur anga ṭhahnem ngai taka rawngbawl zui tura min thlahna te chu ka mitthla leh beng ah hian a rawn ri nawn leh a.
A lunglenthlak rualin “Engtinnge kha tihlai khan sim tur lian tak ka neih hi a lo inthup reng le?” tih ka ngaihtuah tel bawk a. Nie, Davida pawhin rei tak Pathian ring em em chunga a harsatna zawng zawng a sual chhuak tawh emaw a tih hnu a a sual inthup rapthlak tak mai alo lang chhuak chiah(Sam 51) ang kha ka in chan ber in ka hria.
Kohhrana ṭhalaia ka rawngbawlpui ten min thlah zan chuan ka ngaihzawng nen pawh chuan kan inthlah ve a, (a ni nena kan chanchin hi zep tel zauh bawk ila). Rinawm taka a awm ka duh a, ka mizia a hria a min ring tih pawh ka hria. Nimahsela ka chhukthlak aṭang chuan hel zai a pu ta mai a, a tir chuan a duh chuan ṭhen mai pawh ka pawi ti bik lova. “Pathianin ṭul a tih dan dan ni rawh se, ka tana hnawk tur anih chuan a nin min ṭhen sak zawk se, ka tana ṭha tur anih chuan min ṭhen tir lovang chu” ka ti ve a.
Hemi kum hian “Dam chhung mi hmuak apiang i tirh nise lawm takin ka pawm zel ang” tih thupui ka lo ṭan chhan ve a (fel amaw ka intih lai pawh a ni). Chu thupui chu nghet taka vawn ka tum tlat a, chuvang pawh chu a ni ka ṭhiannu pawh chu min hmuak tu zing ah chhiarin he thupui ṭan chhan hian Pathian hmangaihna behchhan tumin ka lo pawm nghet a. Chung chu ka hrilh chuang lova, a awm dan apiang ah hriatthiam ka tum zawk a.
(Kan in kar chu sawi hmasa ila…..)Ani hian ka thupui hmang chuan mi vaw let nasa khawp mai, lehkha lam a ti thei vak bik lova, engemaw nikhua a in ve thei mai a ni tih ka ṭhian pakhat sawi pawh chu a tak in ka tawng a ka ṭhen phah chuang lo, a sual vang a ni lo tih ka hre chiang a ni. . (Ka in fak hmasak avang khian khirh turah min lo ngai lo ula, ani pawhin chutiang chuan min ngai lo, fiamthu duh leh rilru zau tak ka ni…. hairehai 
) Keima mihring duhthlanna ah chuan ka dream girl a nilo, mahse ka nun a hria a, a fellohna ah infuih tawna insiam ṭhat a duh tih ka hriatna chu ka tluklo zawkmah in ka hria.
Eng pawh nise keia tawn tura Pathian ruat a nih chuan atan pawh a ṭha anga ka tan pawh a ṭhat ngei ka beisei a Pathian kut ah ka nghat a, “Pathianin kei mifel lo pawh min hmangaih thei ni a ka hriat chuan chu chu ka zir ve tur a lawm,” tiin ka rilru ka ti paukhauh a, atan vawi tam tak ka ṭawngṭai a. Grape wine lar vak lai khan tlema rui deuh hlek chunga min biak chang a awm a, kan inbiak zawh ah ka ṭawngṭai sak mai a.
(Zu hrim hrim pawh hi kei chuan sual ka ti lova , mahse Mizo chu kan a em a a nun a tih khawloh lohna tur zawkin ka dil sak ṭhin). Fel lo ka tihna aiin hmana ruihhlo bawiha ka tang Lalpan min chhanchhuahna chu ka thinlung ah a lian zawk a, chumi hriatchhuahna avang tak pawh chuan ka lawm a, Pathianin min hmangaihna ang taka hmangaih let ve ka tum tlat zawk a. A ṭhat phah na tur a nih phawt chuan ka hamṭhatna pawh chan ka huam ve a ni. (Love strory ang pawhin sawi tur a awm nual ang)
Mahse kan in buaipui na lamah a ni telin ka chaklo ta zawk a, ka zirlai awlsam taka ka ngaih ṭhin ah pawh chuan ka fail chho ta zel a, ka ṭhiannu chuan chung chu engmah a hre ve lo. Chhuanlam mumal pawh nei lovin min ṭhen a(inhmu lo reng inngaizawng chu a tuarzuau zawk in hre mai ang chu) a thiamloh a ni hran love. Ka beisei aiin ka na ta zawk a, Pathian hnenah vawi tam tak ka ṭawngṭaia, ka harsatna hrethiam tumah an awm lo. Kohhran leh khawtlangin an fak em em chuan report pek ngamloh khawpin ka lo ti chhe ta a, haw chhoh pawh ka zak a.
Chu nun kawng hnih(Pathian ka rin chhannaa) ka hlawhchhamna chuan a chang chuan ka rilru a ti bei dawng leh ṭhin a, thih daih mai te min chak tir a. Pathiana aw hriatloh avanga lungawi loh hi alo na ngei mai, mahse beidawn ka tum hauh lo. A thil tuar ah Pathian a ngawih reng avanga Joba’n “Mi ti hlum hial mahse amah chu ka nghak cheuvang” a tih kha ka hre chhuak a, he ka harsatna su kiang tur hian a tira ka in nghahna chu vawn tlang tumin ka rilru ka ti paukhauh a, kum 1 lai hlawhchhamna tawng mah ila Lalpa ka rin hi a dik a nih chuan a siam ṭha leh thei ang tih rinna nen.
Ka ṭhiannu min ṭhen chuan amah dem aiin Pathian ah he zawhna hi ka nei lian ta zawk a, “Lalpa enge ka tan hlawkna awm? Ka innghahna thu te, ka ṭawngṭaina te kha i ngaithla lovemni?” ka ti a, Pathian a ngawih reng avang chuan angaihna hriatlohna chuan min vaw chau hle a. Pathian hmangaihna te ka rinhlelh rum rum chang a lo awm a, Pathiana vui te thu khaw chang leh ka vuina hi a inmil em tihte hriat tumin Pathian lo bel tawh ṭhin tlu leh te nun ka phak tawk tawk in ka chhui let a. Pathian duh lova Setana be tute rindan te pawh ka chhiar fova. Pathian la hre lo te nilovin Pathian hre tawh ten an rinloh chhan hi hriat ka duh a ni.
Khawlai ka len te chuan Pathian hmangaihna dik leh diklo ringawt fiah tumna chuan ka rilru a luah a, rethei leh kutdawh, piangsual ka ṭanpui mamawh em em a an kut lo phar te chuan ka mittui an tih tlak rualin ka thinlung ah zawhna an siam nasa ting maia, “Engatinge ka hnen ah mamawh min dil, Lalpan engkim a neia ngate a pek loh che u, kutdawh turin engatinge in lo pian? Amah in hriat loh chuan in tawpna tur pawh hremhmun a ni lehnghal, rorelna thuhmun kan hmachhawn a nih ngat chuan in va piang vanduai bik tehlul em!” tih ngaihtuahna te chuan kar tam tak ka thinlung a luaha, ka vel a mite hnena ka sawi chhuah pawhin an hre thiam lo.
Rethei ka intihna chuan rethei zawkte chan ka ngaihtuaha, ka lungawi phah chuang lo, “Kei aia rethei an awm avang hian enge ka lungawi ang! An ni retheih rinchhana lungawi chu a sual thlak ka ti a ni.” Lalpan engkim a nei a, engkim chunga roreltu leh thunei tu a ni, engkim min tih sak lo mahse a ropuina nen ka dawn hian “Engtinnge a fate dinhmun inthlau em em a awm hi a en reng theih ang le? Fa nei ila hetiang hian an dinhmun inthlau se hrehawm ka va ti dawn em!” tih ka ngaihtuah a.
A ṭhenin duhtawk aliam an hmuh laiin a ṭhen kan hriatlohvin hnawmhnawk karah an cher hlum a, kan pianna tur hi tumahin kan thlan a ni bik si lo. Vanduai bik an awm emni ang? “Vanduai bik reng kan awmlo Lalpa remruatna ah” tih hla te kan sa a, Petera’n “Pathianin mi duhsak bik a nei lo tih chiang takin ka hria e” a ti bawk si a, chuvangin a ṭhen pawh kan hre lo a ni he luikam aṭang hian tih ka hria.
Pathian a ngawih reng avang chuan hrehawm a ti lo tihna em ni ang? Hausa takin a lalṭhutthleng ah a ṭhu ngawi veng veng mai em ni ang? Chumi ka ngaihtuah chuan Lal Isua ka rilru ah lo langa, hei hi amah ka rinna chhan pawh a ni, khawvela a lokal dan hian ka buaina a ti fiah em em. Isua ka hriat avang hian ka lawm em em a ni, ni suh sela kan Bible pawh hi ka ring kher lovang, khing ka zawhna te pawh khi Isua hriatna lo chuan Pathian awm rinloh puina tham a ni he ka thinlunga zawhna te nen hian. Isuan rethei taka a tawrhna hian Pathian thinlung nat zia min rin tir a, Isua Pathiana ka pawmna ah hian Pathianin a lalṭhutthleng kalsana rethei taka alo kal hian min ngaihtuah takzet zia min fiah sak bawk a, rethei te a ngaihtuah zia amah ngeiin a takin a rawn fiah a ni si.
Tichuan zing dar 5:00 chu alo ri dawn ta maia, he zan/zing danglam tak ah hian hei hi ka inhmuhchhuahna chu a ni, Rinna lovin Pathian hi keima ṭhahnemngaihna in ka lo zui ve ngat ngat a, Pathian rinhlelhna fiahna dawng ngai lovin mifel nih ka lo hlawh fova, Pathian thu pawh sawi tur ka hria in ka duh ṭhin, mi dang pawh siamṭhat theih ka inbeiseia. Chu chuan chapona huang ah min lo chen tir reng a, ka hriatthiamloh harsatna ka tawh ni chuan ka rilru alo kha ngei mai. Mihringin ṭha leh fel a tih anga Pathianin a tih ve loh tur zia pawh ka man thiam ta a.
Lalpa rorelna hmaa kan din huna mak kan tih tura hrehmuna nawr liam tak, rawngbawl tute awm ve tur pawh mak ti lo sawt turin ka rinna pawhin hma a sawn in ka hria. Chung zawng zawng ngaihtuah tura rilru hah a ka awmna ah chuan ka lawm a, ka ṭhiannu hmanga ka ngaihtuah theih phah avang pawh chuan ka lawm a, beidawng amaw ka intihna chu amah avanga chuan alo puitling ta zawk a ni.
“Tu a ni nge, hriatna lova thurawn thup botu hi?’ Chuvang alawm ka hriat thiam lohte, Ka tana mak lutuk, ka hriat loh thilte ka sawi ni……….Benga hriatna mai zawngin ka hre tawh chia, Mahse, tunah zawng ka hmu ta che; Chuvang tak chuan ka inten a, Vut leh vaivuta thuin ka sim ta e” Joba’n a lo tih awmzia te hi hnai takah a ni ang hian hma chhawn lo mah ila a sawina awm ang thinlung chu darthlalang ah ka hmu ve ruai ruai in ka hria a ni. Joba pawhin sim tur a neihzia a hre mai nilovin a in ten a, a sim ta. Eng chu maw a sim?
Sual inthup hi kan pai fur a ni, Davida pawhin a hmu har khawp mai. Chu kan sual inthup chu a lo lan chhuah chuan kan rilru hi kha fek fek tak ni. Pathianin a haichhuah loh avanga mi ṭha anga leng hi kan tam em em, fak kai nazawng hi an lo fak tlak kher lo, Pathianin a tih mualpho zet loh chuan kan sual hi a awm reng ṭhin. Chuvangin “A chhuang apiangin LALPA chu chhuang rawh se” (I Kor. 1:31)
Tichuan ka khum lam panin in chung aṭang chuan zing khaw en hma in ka chhuk thla ta a. misual.com ah hian ka post zen zen hman tawhloh takin post ve reng reng teh ang tiin kim lo takin ka ziak chhuak a, ka submit ta a, nangnin in lo chhiar ta a, engtin nge in rilru ah a thawh ang tih lam chu ka hre lo mahse in chhiar ve reng reng avangin ka lawm e
Similar Posts:
- Kan meng ve tawh dawn lo a nih hi
- Thalaite leh Sex:
- Mizoram- Kristian ram
- Pathian rilru a dam em?
- I tan liau liau
May 11th, 2012 at 6:05 pm
Kawlhawka style la ve. Hetia last post in tih vel hian comment hmuh tam in in beisei deuh ami..ka misual detective mit chawngkawr tak hi chu aw 😛 ( style hrang hrang hi apply mah ula, comment hi a tam tak tak thei rih lo ang..misual.com hian natna a vei tiin a natna nen lam ka rawn chhui chhuah daih tawh kha..A cause treat a ngai..symptomatic treatment hi chuan a daih rei ngai lo 🙂 )
May 11th, 2012 at 6:15 pm
A thenin “Misual ka lo ni” kan rawn ti tan ve chauh a, a then in lo piangthar daih a! Huiha :-$
May 11th, 2012 at 6:26 pm
Ivan Pathian thu awm roh ve a, i fiamthu anilo maw? 😛
I ziak ngaihnawm e 🙂
May 11th, 2012 at 6:28 pm
Haha….doc_lib, comment hi close hial ka duh zawk 😀
Pu HV inti Pathian thu thin ka nih alawm ka sawi ber khi 😉
May 11th, 2012 at 6:35 pm
Post chhiar hmain ka rawn comment zuai. Tunah chhiar tan ang.
May 11th, 2012 at 6:36 pm
#4 niberin alang. Chu tak chu alawm ka sawi 😛 Muah muah 😉
May 11th, 2012 at 6:47 pm
(Y) “Dam chhung mi hmuak apiang i tirh nise lawm takin ka pawm zel ang” (Y)
May 11th, 2012 at 7:07 pm
OT loks.Earthquake in NE. Epicentre in Shillong, but 5.3 on richter scale
May 11th, 2012 at 7:33 pm
Luh khat manah kan ti ve zuai 😀
May 11th, 2012 at 7:35 pm
Ka chhiar chhuak thlap 🙂 Testimony ropui tak anih hi… Haw zak khawpa i zirlai i tichhia khi i khawngaihthlak.. i bialnu vangin! Hmangaihna i la na ve fu nih hi.. 😛
I conclusion khi tha khawp mai Aste (Y)
May 11th, 2012 at 7:55 pm
Ka chhiarchhuak ta. A ngaihnawm khawp mai. Mi pangngai tan chuan puitling kan nih tawh hi chuan engemaw tak hi kan tawng vek a, kan sawi duhlo mai mai hlawm. I bialnu in a then che vanga i rilru na hi a awm ka tia, i rilru na miahlo angin sawila chu ka awih miahlo ang. Relationship engvang pawha a tawp hian rilru na lo chu an awm ka ringlo.
Mamboihi sawi ang khian – i conclusion a tha khawp mai Aste (Y)
May 11th, 2012 at 7:57 pm
Nick name dang in ron sign in leh mai la? Asteric hi i thlak a nga 😀 🙂 .
Tha khop mai, Pathian hriatna tluka hlu hi a tlem teh a nia, han kal sual nawk2 te awm thin mahse. P.U kan zir ve lai ti khanglang ila, zirlai ni miah si lo mi theory dang eng2 emaw vang hian Pathian chungchangah hian ka buai hrep tawh mahse amah ah bawk kan let leh nge2 thin 😀 .
Mahse bialnu tih vel vang mai2 a zirlai tih chhiat chu ho ve, idealogy eng2 emaw dang vang te chu ni se thu hran 🙂 🙂 . (biru nghal)
May 11th, 2012 at 8:20 pm
Pathian hmel diktak leh i nihna diktak i hmuh chhuah dan chu a ropui hle mai. (Y)
‘Damna kim’ tih hla, mamuani saka ka duh deuh lai…. ‘ka mawina ka zawng thin, ka mualpho ti zual tu mai a lo ni” tih lai kha a dik ka va han ti tak. Kan chet chhiat ber lai hi han thlir let ila, mahni mawina kan zawn vang a ni deuh fur in ka ring.
Live a kan inhmuh hunah ka testimony ka la hrilh ve ang che..ruk deuhvin 🙂
May 11th, 2012 at 8:33 pm
Comment close leh ta………
May 11th, 2012 at 8:51 pm
ka chhiarchhuak dap. Aste, ngaihnawm ka ti hle mai.! Gud post.
May 11th, 2012 at 9:02 pm
va ngaihnawm em (Y)
ka nu hian ‘mihring felna ringawt hi engmah a ni lo ania’ tiin min hrilh thin, thenawm khawveng ten fel ang zia zangin min lo fak ve thin sia (ka felna vak phei chu ka hre law) :-O
May 11th, 2012 at 9:49 pm
To all and after all
Ngaihnawm in tih avangin a lawmawm hle 🙂 in comment pawh a ngaihnawm hlawm khawp mai, uluk taka ka chhiar in in rilru in seng tih ka hre thei.
Ngaihzawng hi khimi hma khian ka nei tawha, in then ka lak nat em em pawh ka hre lo[a ho zawnga sawi dawn chuan keipawhin ka sawi ho thiam khawp mai]. Amaherawh chu engati teh reng nge mawni khimi á¹um khi chuan ka kalkawng leh plan a tlawlh chiang lutuka ka hriatna zawk khi ka nat pui chu a ni. Ani chu tunah pawh ka la be reng a, á¹hian angin ka kawm leh thei tho. Tin, amah hi ka rilru hahna source 1 a ni a, a key point erawh a ni lo.
#13@BMW….I man(catch) khawp mai, i hla thu leh i sawi khi dik ka ti (Y) min la hrilh ve dawnnia. 😉
May 11th, 2012 at 9:58 pm
A ngaihnawm tham hle mai(Fast readingin ka chhiar a. BMW comment (13) khi a dik-fu mai a. (Y)
May 11th, 2012 at 10:25 pm
Sei deuhva han comment-sak che ka va châk e! A á¹ha khupsss mai. ReMpY chanchin a ni lo teh tlat.
May 11th, 2012 at 10:52 pm
Tha lutuk…
May 11th, 2012 at 11:05 pm
Ka nunhlui ka hriatchhuah ve det chu. Keipawh hetiang events avang hian kum 2 lai chu agnostic/atheist ka nih phah a sin. Ka question ber chu “undistributed love?” hi a ni. Mahse Pathian hmangaihna ka man fiah atang ve thung chuan tlukna hi khawi ah mah ka hmu leh ngai tawhlo. Setana leh elohim war hi chu Political war ka ti thin. Punishment pawh hi reformative punishment a ni zawk daih a..Time/circular prison leh Isua lo kaldan thleng te hian ava ril em. Mipa leh hmeichhe inkar hmangaihna hi chu adrenaline hormones vang mai a ni a, Pathian hmangaihna erawh divine though chauhlo chuan hriatfiah hi a harsa em a ni.
May 11th, 2012 at 11:11 pm
#21lta-“Mipa leh hmeichhe inkar hmangaihna hi chu adrenaline hormones vang mai a ni a,”
Nupa inhmangaihna kha a thukin a ril em a, Paula phei chuan “Krista leh a Kohhranho sawina niin ka hria” a ti hial a, chu inzawmna thuk tak chu i sawi laaaau thiam ngei e.
May 12th, 2012 at 1:11 am
#19@TS…. ReMpY pawh hian role pawimawh tak a nei, ka la ziak maithei ni… 😀
May 12th, 2012 at 1:23 am
Aste rawn ziak teh, ngaihnawm ti tak in ka lo chhiar ang! 🙂
May 12th, 2012 at 1:26 am
khawnge rempy hi awm tak? a reh rei ta hle mai.
May 12th, 2012 at 1:30 am
A birthday ni khan tlem ka ziaka, Sandmana lo lai lutuk a a chhuah ngam lo lawm. Chhuah sela chu a reh miah lo tur nia 😉
May 12th, 2012 at 1:33 am
BMW hian Sandman chu hau rawh se!! Rempy a reh chuan Aste pawh hi a tam tha hlei thei lo tlat!! (H)
May 12th, 2012 at 1:36 am
Aste and mamboih, Sandy chu van che thring ve a…ka lo hau hrep ang e. Aste-a hi ka tran teh mai a nia! 🙂
May 12th, 2012 at 1:37 am
Kei pawh hei Larpa min bo san luah luah mai haha!! (OT Lalnu ka che leh ta!!) 😛
May 12th, 2012 at 1:52 am
@mamboih…hahaha….active member kan tam chhan te hi an hre lo leh lutuka ti raw. Rempy lah chuan ka chhiar ve chak a sin le a tia. Ka lo delete tawh sia pawi tak tak ni 😉
Larpa te chu ala awm reng ni lawmni.
May 12th, 2012 at 1:52 am
Aste and BMW.. Weekend hman nuam ule..
May 12th, 2012 at 1:56 am
mamboih, thanks! nangpawh lrpa nen weekend hman nuam 😉
g’night y’all…..tar mut a hun ta!
May 12th, 2012 at 1:57 am
@mamboih…i chhuak mai dawn em ni, kan romantic leh ang chu. 😉
Pi bmw-i pawh hian ka rilru man lutuk hi ka awih lo rum rum, ka story ziah body tak a rawn thur nalh emai comment #13 khi dik em em 😀
May 12th, 2012 at 2:02 am
Aste, birthday inang te chu kan in man deuh zar bik ang chu mawle! Mumangah rempy hmu ngei turin ka duhsakna ka hlan a che!
May 12th, 2012 at 2:08 am
#34@BMW…A dik leh reng si, i thil tawn te chu min la share ve dawnnia ka lo man ve phian maithei ni 🙂 Mumang ah chauh lo pawh ti la 😉
May 12th, 2012 at 2:46 am
“Submitted on 2010/09/22 at 3:46 pm
Olympic games a Gold medal chu sawiloh Bronze
medal pakhat pawh uchuak taka lawm si hi engtikah
tak harhchhuah nachang hria angmaw! ‘Char Run’ bak
hi buaipui an tumlo anih hi, pakhatna nithei tak tak
chuang si lo hian. Ram tan ka khel pha dawnlo tih
inhre reng pawh hian an atchilh vek mai si a. Hahthlak”
Hei hi Asteric comment kan hmuh hmasak ber a nia!
#35 hi comment hnuhnung ber tur emaw ni dawn? ???
Rempy ban hnu hian misual.comah hian a tui ta vak lo a ni berin a lang :-p
May 12th, 2012 at 2:47 am
a spy nick ka hria
May 12th, 2012 at 2:49 am
Vakul- Ka uar luatah ilo la sual ta reng chu niin. Nie, inngaihzawnna vuak vet(lunglen, feel pain, unwell, depression, desire love, disappointed love adt) reng reng external atangin adrenal hormone a stimulate mai tihna zawk a ni. Hmangaihna hi chu ka sawifiah thiamlo a, mahse internal volume change turin adrenaline hi lo respond hmasa bertu a ni tlat bawk sia ni.
May 12th, 2012 at 2:57 am
Rempy maw? Ka sawi zel duh angem aw?? 😛
May 12th, 2012 at 3:02 am
#36@lusai_er ….haha, ka comment thukhawchang aá¹ang khian ka tlangnel hle tawh tih a hriat zawk loh maw…khi aia hma deuh khian ka awm ka ring 😉
ReMpy chu rawn let leh vat dawn alawm, keimah hi ka haw dawn avangin ka reh lawk dawn a, chuvang nia ka reh hmaa k post hnuhnung ber a ni maithei ka tih ni. Hman changin ka la chhiarin ka la comment reng ang, post erawh ziak leh vil turin hun a tide deuh hrih ang tihna ni e 😉
May 12th, 2012 at 3:06 am
@Aduh: Nick dang engzatnge a neih?
@Alej: Rempy sawi loh chuan chengkawl anga ngawireng an awm em ni?
Sir Sandman pawh hian Mumbai chhuahsan a tum em ni?????
May 12th, 2012 at 3:24 am
Asteric maw? E!! A comment in hmu duh a mi? Rempy han ti zeuh ula.. a rawn tlar leh tuar tuar mai ang..
wink @ lushai_er 😛
May 12th, 2012 at 3:34 am
aste-a nick dang chu ka la puang lovang, han bo deuh vang2 se a awmloh huna rel nan.
May 12th, 2012 at 3:39 am
@aduh chutiangin spy nick ka nei lo, Asteric ka ni tluan parh dawn.
May 12th, 2012 at 3:41 am
hehe ngawi mai mai ang 😛
May 12th, 2012 at 3:42 am
khual thuthang leh ar pan chuk mai a ni ta ve ang Pi aduh 😉
May 12th, 2012 at 3:43 am
la ngawi zel ang 😛 😛
May 12th, 2012 at 3:54 am
@aduh…ka mutsan phawt mai angche u auh….mut hnu ah in rel awih loh 😉 gushnite all
May 12th, 2012 at 4:18 am
Amen, Lalpa kei pawh ka sual zep ruk, kei mah pawh in ka hriat si loh hi min tih mualpho sak ve ang che.
A tha in a ngaihnawm hle mai
May 12th, 2012 at 7:27 am
A ngaihnawmin a tha dap dap ngei mai. Thu ziak thiam tak i ni (Y)
May 12th, 2012 at 8:47 am
A chhiar tlak viau mai a
May 12th, 2012 at 9:53 am
Zing khawvar dawn lamah pawh hetiang thu tha leh ngaihnawm i ngaihtuah chhuah theih chuan, lehkha i thiam thei ngawtin ka ring?
Nia, engpawh tawk ila, kan tlukluhna Pathian a nih chhung chu, ani thlazar hnuaiah hian kan him ber fo a ni.
Vawiin atan ka comment hnuhnung ber a ni mai thei
May 12th, 2012 at 11:03 am
Hmeichhe tha lo kawp hi chu pawi thui deuh mai a nia
May 12th, 2012 at 12:43 pm
#49@hp.swing ….I ti ṭha e, “kan dam chhung hian keimahni ah hian sual engzat tak inphum ru ang maw” ka ti ṭhin. Joba pawh sawisel bo ni mahse Pathian hmaa din meuh chuan a zak ngawih ngawih a. Davida pawh Pathian thinlung ang pumi ni mahse Bethsebi a uire meuh chuan a piantirh phata aṭanga a sual in zep reng a ni tih a hre chhuak chauhva. Keimahni ah pawh hian Pathian in a fiahloh avanga sual anga lang lo, inzep ru hi a awm ṭeuh in ka ring. Kohhran inkhawmna ah chuan Pathian rin a har lo, a pawn ah hian a har a ni tih ang deuhin. Sawi tur tam tak a awm.
#50@Awmtea Khiangte…I chhiar uluk bawk a i ti lawmawm e
#51@lrpa…Thanks
#52@Dr Mahminga….I tih lawmawm rualin lehkha chu thiam bik hran love. I sawi ang khian “Kan tlukluhna Lalpa a nih chhung chu a thlazar hnuaiah hian kan him” i tih khi ṭha ka ti khawp mai. Amaherawh chu he thu hi a takin i nunin a fiah tawh em? He thu hi rinhlelh rum rum chang i nei tawh em? Chu chu ni ka thu ziah awmzia khi. Ka rinhlelhna zawng zawng hi ka ṭha ka intih vang alo ni e tih ka inhmuhchhuah avang a ni. Mhase chu rinhlelhna chu lo tawng lo ila chu He thinglung sual hi ka pai reng si ka tihna a ni.
#53@chhangteval…I ti dik khawp mai, hmeichhe ṭhalo kawp hi mi tam tak chuan kan duhlo a ni. Ka ṭhian tam ber pawhin ṭhen turin min duh vek. Mahse keiin sual hi ka thliar tur a ni lo tih rinchhanin ka ngaizawng a, ka chhiatpui leh ṭhatpui thu ah Pathian mawhphur turin ka rawn a, a ko ah ka nghat hmiah mai. Ka felna hmachhuanin tupawh ka kawp chu Pathian hnena ka hruai theih ka inbeisei nghet bur a ni. Chu chu paihthlakin ka awm a, chu tak chu ana ka tih chu ni. Fel ka intihna engmah a nih loh chuan enge beisei leh tur awm chuang? I ngaihtuah thiam m? Fel i intihna ber kha tihmualpho in awm se i rilru beidawn dan tur chu. A mualpho loh avang hian alawm fel inti a confi taka kan len ṭhin.
May 12th, 2012 at 4:41 pm
A thra ka va ti teh lul em. Puitling taka i harsatna i hmachhawn dan vel khi ava ropui teh lul em.
* Ka ngaisang zual sawt che.
May 15th, 2012 at 3:58 pm
sual sa vekin kan piang a, chumi kan inhriat chu a pawimawh ber i tihna ni thei em? entirnan fel emaw kan lo intih pawn sual na tam tak kan pai reng a
May 15th, 2012 at 3:59 pm
sual sa vekin kan piang a, chumi kan inhriat chu a pawimawh ber i tihna ni thei e m? entirnan fel emaw kan lo intih pawn sual na tam tak kan pai reng a
May 17th, 2012 at 11:27 pm
He ka post chu comment cum zawhna alo awm reng animaw…
#57@dew…Chu chu ka thu laimu pakhat chu ni e. Mihring kan nih chhung hian mahni inngaihhlutna tur khawpa felna kawng hi a zawh theih loh zia ka nun ngei atang ka hmuh chin ka han phawrh ve a. Tha kan intihna lai tak hi sawi ila Pathian chuan kan sualna lai tak ani e a ti hlauh maithei ni. Chuvang chuan mahni inchhuang midang pawh chhuang viau thei kan ni lova, Bible pawhin “A chhuang apiangin LALPA chu chhuang rawh se” alo tihna zawn tak pawh he thu atang hian a ni.
sory about late reply
October 29th, 2012 at 9:37 pm
Tha hle mai,nyway, Engkim hi Pathianah a tawp thin, ka sawi ve thiam dan chuan.