ZoFooty chuan ZoFooty Awards kumin atang hian a pe chhuak dawn a. ZoFooty Awards-ah hian Footballer of the year leh Coach of the year te a awm ang. Mizoram chhung a khel player leh coach chauh thlan anih avangin Mizo Player of the Year leh Mizo Coach of the Year ti lovin Mizoram Player of the Year leh Mizoram Coach of the Year tih a ni. Kan player leh coach tante ZoFooty.com-ah vote theuh turin kan in sawm a ni (right column-ah khan vote thlakna chu a awm).
Hun rei tak inhnialna thlentu football-a a goal leh goal loh enna tura ‘goal-line technology’ (GLT) hman chu football dan siamtu International Football Association Board (IFAB) chuan a remti ta a, FIFA pawhin a pawm zui nghal.
Ningani khan Zurich-ah IFAB hi an thukhawm a, football-a inhnialna tam tak chawk chhuaktu GLT chungchang an ngaihtuah a, hman a tha tiin lungrual takin an pawm a ni.
FIFA secretary general Jerome Valcke chuan, “Tokyo-a khelh tur Club World Cup (kumin December), Confederations Cup ( 2013) leh 2014 World Cup-ah hman nghal a ni ang,” a ti a; English Premier League-ah pawh season tharah an hmang dawn a, eng tik hunah chiah nge hman turin an peih dawn tih erawh an la puang thei lo.
IFAB-in ro a rel e:
FIFA hi football dan siamtu a ni lo a, dan siamtu chu IFAB a ni. He pawlah hian football dan siamtu hmasa England-a Football Association, Scottish Football Association (SFA), Football Association of Wales (FAW) leh Northern Ireland-a Irish Football Association (IFA)-in member pakhat theuh an tir thei a, FIFA lamin member pali an tir thei thung.
(more…)
Indian football-a transfer ropui ber ni turin Sunil Chhetri chuan Portuguese club lian Sporting Lisbon a zawm dawn.
India team captain Chhetri chuan, “Ka lawm takzet a, European club lian Sporting Lisbon ka zawm ve thei mai tur hi ka phûr takzet a ni. Hetiang hun tawn hi ka nghakhlel a, ka lo suangtuah tawh thin a ni a, ka beiseina a thleng dik ta a ni,” a ti.
Sunil hian a transter buaipuitute chungah lawmthu sawiin he transfer a thlen theihna tura bul tumtu a agent Yogesh Joshee chu a fak hle. Sporting Clube de Portugal (Sporting Lisbon official hming) chuan India team captain an lakluh thu hi an chhuah zui ve nghal bawk a ni.
Cristiano Ronaldo, Luis Figo leh Nani-te club hluiin Chhetri an lalut nawlh mai hi football-a hlawkpui an tum vang a ni ber lo a, football-a sumdawnna lama India nena tha taka inthun zawm an duh vang tih a chiang e.
Mi tam tak chuan World Cup aiin an dah sang zawk mah a; a chhan chu World Cup-ah chuan Continent hrang hrang kha Represent kim ve biai angai a, USA, Mexico, Honduras, Chile, South Africa, Ghana, Morrocco, Cameroon, Egypt, China,
Korea, Saudi Arabia, Iraq, Australia, Japan tih vel kha an tel ve nuaih mai thin a, an chhangchhe deuh thin a ni. EURO ah hi chuan an felfai thuh mai a, 2008 EURO ah te khan England te kha an in pet tling zolo anih kha.
Europe a ram hrang hrang ten hun rei tak inthlitfimna(Qualification Round) anneih hnua tling han nih ringawt pawh hi thil lawmawm tawk tak hi ani tawh a, Tumah chhe zawk zawk an awm tawh loh avangin, in hnehsawh leh insawp nasa pawh an awm thei tak tak tawh lova, rinloh tak tak an Champion tlat changte pawh a awm thin. Hman kum(1992?) ah pawh tling tawh sa rambuai avanga tel leh thei talo aia thunluh Denmark kha Michael Laudup-a te unau vanglaiin an rawn champion daih kha. Khati tlat kha a nia.
Tichuan Qualifying round harsa taka rawn paltlang ram 16 te chu Group 4 ah team 4 zela inthenin an han inkhel kual ta mup mup mai a. Group B, Group of Death an tih mai phei chu FIFA ranking a Top 10 tling thah mai dahkhawm kha annia, an pui rem rem hle a ni.
Euro 2012 chu zanin hian a hmawr an bawk dawn ta….
Euro Mizo League-ah hian tun dinhmuna Top 5 chu –
1. The Tactician Hnamte – 229 Points
2. Nuno FC – 212 Points
3. macmst – 201 Points
4. Flake Excel – 201 Points
5. Postmodernist – 175 Points
…te an ni hlawm a, zanina Point an Score dan azirin Euro 2012 Mizo League Champion hi naktukah kan hre thei tawh dawn a ni.
Tuna Mizo League Table hi players list leh captain te dinhmun enin, a inthlak (upset) a awm ngei tura ngaih a ni…
A hnuaia mi hi Euro 2012 Mizo League Table chu a ni e :-
Euro ka hriat ve reng dan chu
(Naktuk Euro final pual in)
Euro leh theihai lawh:
Savun hampuar hi engtik lai atang khan nge maw ni le ka tui loh thar tak em em le ti ila, a hun lai hi ka hre tawh bar lo. Kum 2001 World Cup kha chu ka la en ve ngei a. Kum 2006 khan match khat pawh ka en kim lo hial ta ve ang. Euro tak hi kum 2004 khan en ngai hlei lo kha chanchinbuah ziah ve a ngai ziah a, ka u ten inkhel boruak min hril hmangin internet nen tangkawp khan ka ziak ve tawh bawk a. Kum 2008 kum Euro kha a match hmasa ber kha ka en ve ngei a, en tih lemah ka thianten ka inkhel en min tih buai avanga phuba la tur a kal ka ni zawk mah a. Chiangkuang pawhin ka hre ta bar lo. Ka hriat reng zawk erawh chu kha mi hun lai vel khan theihai kan lo tih zawng a ni mai. Euro kum e ti lo chuan Savun hampuar pet  lam a harh tharna khan min han nuai lo mai mai khawp a. Ka thian te khan Badminton khelh kha an atchilh mauh mai a. Kan thianpa pakhat te hostelah kan in khel ve thin a. Kan inkhelhna bulah hian theihai a rah teuh thin a. Kha theihai kha kum khat hai a ni ta in ka hria. A kung kha sang ang reng sia, vai ho hian an lo ngam lo ni ngei tur a ni. An vawm emaw an hawlh emaw mai mai thin kha a kungah kan lawn chilh rap a nih kha. Kan naupang lai kan ramvahna velah hian kan hmu thin a. Thing lawn theihna tiin kan ngalah khan kan chulh ve chiam thin a. Thing lawn kha kan theih phah emaw ka hre hran lo.
Theihai lo tura kan insang phek vel chu rin aiin kan lo fit tawh lo tih ka hre chhuak a. Kan taksa te hi a lo tang deuh tawh tawh mai a. A kunga han lawn chillh takah chuan a tam pawh a lo tam ngiang mai a. Vai ho pawh hian min en duh thin khawp mai. Kan theihai lawh chu Polythene khat deuh hnawk in kan hawn thla mai chu, kan thianpa kha hostela awm, dum ren run pawh kha a nui khi sung mai a. Zanah hostel danga Mizo hnenah kan sem dawn nia a ti hem hem mai a. Mahse, sem ta lem lo chuan kan dik dak zo ta vel niin ka hria.
(more…)
Chanchin Ṭha
Dar 12:15 a ri ang a, khawvel a mi tam zawkin thil inang kan ti dawn — Germany leh Italy inkhel kan en á¹hup ang! Semi-final pakhat zawk khelh zawh ani tawh a, Spain in Portugal chu penalty ah hnehin final an thleng tawh a, zanin hian Germany leh Italy hian final a Spain tum tur an zawng ang.
Germany leh Italy intum tur hi tun Euro a game hmuhnawm ber tur a tih ngam ang, a chhan chu khawi emaw zawk zawk pawh final ah lo thleng se, Germany leh Spain emaw, Italy leh Spain emaw inkhel ai chuan zanin inkhel hi a hmuhnawm dawn tih a chiang; Spain game boring theih zia kan hriat vek kha! Chuvang chuan zanin hi tun kum Euro a game hmuhnawm ber tur, final ai pawha hmuhnawm zawk tur a ni a, en lo mah la ka thiam loh ani tawh lovang, kei chuan ka tih theih tawk ‘chanchin á¹ha hril’ ka ti tawh!
(more…)
Euro 2012 semi-final hmasa zawk chu zanin hian Potugal leh Spain in an khel leh dawn a, Spain hi an chak chuan a zawna vawi thumna turin major tournament ah final an lut thei dawn a, Cristiano Ronaldo kaihhruai Portugal team hian champion lai Spain hi hneh thei tak maw? Zanin dar 12:15 ah an inkhel á¹an dawn e.
Spain leh Portugal hi vawi 34 intum tawhin spain hi vawi 16 an chak tawh a, Portugal hi vawi 6 chiah an la chak thung. An history han thlir mai chuan Spain hi an tha a tha zawk kan ti thei anga, 2010 World Cup pawh khan spain hian Portugal hi an pet chhuak tih pawh kan la hre vek anga, mahse nikum November thla khan Portugal hian Spain hi 4-0 laiin an lo sawp let ve thung anih kha.
Zanin hi Euro 2012 quarter-final match hnuhnung ber leh nghahhlelhawm ber tih ngam, England leh Italy inkhelh zan a ni a, football I hria a nih chuan he inkhel hi I en dawn tih ka chiang! Quarter-final dang te aia zanin match a hmuhnawm na tur chu he team pahnih te hi an in tluk tlang em em a, Germany leh Greece inkhel a chak tur zawk hriat sa ang kha a ni ve ngawt lova, England game ‘bon’ tak mai, mizote hmuhnawm tih em em mai leh football thiam team, defensive game khel thiam hmingthang Italy an in tum dawn avangin tun Euro a mite match nghahhleh ber pawh ani reng a, zanin dar 12:15 thleng I dam thleng a nih chuan nang pawhin I nghak thleng ve tih na!
Quarter-final an luh dan sawi si se tawh lo ila, England hi Group D leader an ni a, France draw in Sweeden leh Ukraine an hneh ani kha. Italy paw’n champion lai Spain leh croatia an draw hnu ah Rep. of Ireland hnehin Group C atangin pahnihna niin Quarter-final an inhlang kai anih kha.
Team Bihchiang ang..
“Zanin inkhel sawihona tur post rawh” tiin Tsa leh Chhangteval te nen kan in hnawn laih laih a, a tawng chak lo ber ka chungah a tla ta miau si a, post leh poh aniang chu 
Euro Quarterfinal match hnih kan en ta a. Khang match te kha beisei ang he hu in a hmuhnawm loh tlat. (German leh Portugal fans chuan hmuhnawm in lo ti viau maithei :P) Inkhel inhnehtawk lo lutuk kan thlir a ni ber a. Group stage paltlang a, quarterfinal lai thleng ve football thiam ram inti khatiang em em a inhnehsawh kha chu a zialo lam deuh a ni. 
Zanin inkhel tur Spain leh France te erawh hi players te enin a khelh hrim hrimah pawh inhnehsawh lutuk tawh lo turah ngai ila. France hian group stage ah Sweden an hneh loh avangin team boruak a tha vak lova, an defender Philippe Mexes hrem a tawk bawk a, Arsenal defender Laurent Koscielny hi zanin chuan a hmel kan hmu tawh ngeiin a rinawm. Spain erawh harsatna em em tawk lovin he match hi an khel thei dawn a, hetia ngaih mai chuan Spain hi chungnung hret turah ngaih a ni. Amaherawhchu football a ni a, a chak tur zawk rin thiam a har a, football khel hmuhnawm tak thlir turin inbuatsaih leh phawt ang.
Chak zawk tur inrinsiak leh sup sup ila, kei chuan Arsenal player awmna France hi Arsenal chhuahsantu (Fabregas) khelhna ai chuan ka dah chungnung zawk a Euro Quarterfinal match thumna Spain Vrs France inkhel en tui vek ule.
in va lut...You can unsubscribe anytime!
