Sporting Lisbon-ah Sunil Chhetri

July 6th, 2012 2:00 pm by ramhmangaiha

Indian football-a transfer ropui ber ni turin Sunil Chhetri chuan Portuguese club lian Sporting Lisbon a zawm dawn.

India team captain Chhetri chuan, “Ka lawm takzet a, European club lian Sporting Lisbon ka zawm ve thei mai tur hi ka phûr takzet a ni. Hetiang hun tawn hi ka nghakhlel a, ka lo suangtuah tawh thin a ni a, ka beiseina a thleng dik ta a ni,” a ti.

Sunil hian a transter buaipuitute chungah lawmthu sawiin he transfer a thlen theihna tura bul tumtu a agent Yogesh Joshee chu a fak hle. Sporting Clube de Portugal (Sporting Lisbon official hming) chuan India team captain an lakluh thu hi an chhuah zui ve nghal bawk a ni.

Cristiano Ronaldo, Luis Figo leh Nani-te club hluiin Chhetri an lalut nawlh mai hi football-a hlawkpui an tum vang a ni ber lo a, football-a sumdawnna lama India nena tha taka inthun zawm an duh vang tih a chiang e.

He transfer hi ‘Football One’ lamin an buaipui a ni a, anni hi Sporting Lisbon thawhpui an ni a, chuvangin indawrna pawh tluang takin a kal thei a ni. Sporting Lisbon president Luiz Godinho Lopes chuan, “India rama football than zelna tura theihtawp chhuah kan inhuam a, kan partner Football One-te nen thawk dunin tan kan la zel dawn a ni,” a ti a, AIFF-te nena inthlun zawm pawh an duh thute a sawi.

Euro 2012-a Portugal keeper Rui Patrício kha Chhetri club thar tura khel hi a ni a; he club hi July 1, 1906-a din a ni a, Portuguese League-ah vawi 18 champion tawhin Portuguese Cup-ah vawi 19 an champion tawh bawk a, season hmasa khan Portuguese League-ah palina an ni.

Times of India

17 Responses to “Sporting Lisbon-ah Sunil Chhetri”

1
Dr Mahminga Sailo Says:
July 6th, 2012 at 2:23 pm
Ka lawmpuiin, duhsakna sang ber ka hlan e. Under 22 Mizo player te hi, eng tak ang chho zel ang maw?

Report this comment
2
houdini Says:
July 6th, 2012 at 2:42 pm
A va lawmpuiawm ve!

Mizote hi chu kan ei-in hian a la zir tâwk lo em maw ni, kan thleng hla lutuk har tlat.

Mahsé anmahni tak chu an thiam viau lawi si, te ka ti ve nuah nuah a ni e

Report this comment
3
Saitawk Says:
July 6th, 2012 at 2:54 pm
1st eleven a chang phalo anih pawn a lawmpuiawm reng reng e. Football a sum kan sen hnem tawh zia ngaihtuah a kan level la hniamzia erawh hi chu aw!!!!

Report this comment
4
Nundika Hnamte Says:
July 6th, 2012 at 2:58 pm
B team a zawm phawt ang!

Report this comment
5
Dr Mahminga Sailo Says:
July 6th, 2012 at 3:02 pm
Tuaite-akha a tuai tawh meuh lo a ni maw? Beisei kan neih san ve te pawh hi, Indian national senior team-ah pawh an la regu thei meuh lo chu a nih hi. Kan dinhmun tawkah chuan hma chu kan sawn ve; kan dinhmun a hniam lulai em vang zawk a ni ang e..

Report this comment
6
TuaiSialA Says:
July 6th, 2012 at 3:07 pm
Machheta chu ka van lawmpui ta em!

Report this comment
7
Mx Says:
July 6th, 2012 at 3:38 pm
A lawmpuiawm khawp mai, mahse B-Team ah chauh ala nia Portuguese League ah tak pheichuan a khel kan hmuh a rinawmlo

Report this comment
8
Charice_mizo Says:
July 6th, 2012 at 4:04 pm
India ram club hrang hranga khel mizote hi an duailo hlea, mahse a thiam filawr leh sawiselbo te an nih ngawtloh chuan tribal an nihna vang hian duhsak leh hmatheh hi an hlawh vaklo tih hriatpui ve mai mai ang u. An thiamloh leh incompetent vanga an thlen tur ang thleng phaklo an ni lo, a promote theitute vai leh hindu an nih chhung chuan duhsak number One an nih hrih hmel loh..

Report this comment
9
drake Says:
July 6th, 2012 at 4:20 pm
tha hle mai, next chu jeje-a ni ve tawh ang chu, chhetri hi second div. a khel tur ni in ka hria, ka lawmpui e

Report this comment
10
jkkhawbung Says:
July 6th, 2012 at 5:03 pm
A Secnd div phot ang a, chuan a performance zir in A ah.

Queens Park Rangers an pawh three-year contract a signed toh, mahse visa vang in a khen thei lou.

Report this comment
11
lrpa Says:
July 6th, 2012 at 5:19 pm
Contract a neih chuan..visa…no problem…!

Report this comment
12
jkkhawbung Says:
July 6th, 2012 at 5:51 pm
Sunil had signed a three-year contract with Queen’s Park Rangers in August 2009. But a work permit was rejected by the UK government.

https://en.wikipedia.org/wiki/Sunil_Chhetri

Report this comment
13
hnarliana Says:
July 6th, 2012 at 6:03 pm
Inti hre fe fe,hre tluantling silo hi a awm theih.Tribal nih vanga duhsakloh tih hi dawt mai mai…India captain hlui ah tribal an awm nual mai..Mizote pawh an tlin phawt chuan an khel zel ang,selection ti tu hi vai an nilo.Sap ho an ni ber zawk.Santosh trophy a kan chet that ve hma chu chance kan ngah lo thei bawk.

Report this comment
14
hnarliana Says:
July 6th, 2012 at 6:13 pm
Sunil chhetri hi bhaichunga ai chuan a skill a sang zawk a,a passing a tha a,a ball khawih a smooth bawk. Atlakchham chu speed leh tharum ani.English premier league club Queens park rangers pawn an duh a,mahse fifa rank 70 hnuailam tan work permit an pe theilo,a thiante thiamloh zarah a khel thei talo mai chauh ani..

Report this comment
15
ZerO Says:
July 6th, 2012 at 7:48 pm
A lawmawm e. Mahse portugese league (?) kan en thei awm si lo a, a inkhelh leh khelh loh pawh kan hre dawn lo tlat…

Report this comment
16
tribepower Says:
July 7th, 2012 at 7:57 am
GORKHA tlangval a nih hi…

Report this comment
17
laldoma Says:
July 7th, 2012 at 10:43 pm
Chhetri a chu a thlengsang hle mai, nepali ho an lawm ang u. (nepal ramah ka kal ve ngat tawh a nia:)

Report this comment