mi(sual).com

Veng chhung thil a ni a, ka rawn ziak leh mai mai ange, ziah tur awm lo e mai. Nimin (April 7, 2007) khan JL Get Away, Sihhmui ah kan veng YMA, Tuikual South, Section I te chuan inhmelhriatna leh picnic neiin hun hlimawm tak kan hmang.

E sawi hmaih chi loh, Zopari kha, misual.commers hovina in star em em kha a chaw ei lai thla te kan la asin.

Bus 3, motor te 20 vel, two wheeler tlem a zawng nen chawhma dar 10 pelh hnu deuhah Temple Kawt atang kan chhuak a, kan thlen meuh chuan dar 11 a pel tawh. Kan thlen chuan tui an lo cheng nuaih nuaih tawh….dar engzat velah nge hunserh kha kan tan tak kha le?? Ka hrechiang tawh lo. Sana ka lo en lova (ka bun lo miau a… )

Pu Zodintluanga, MLA, Section I chu khuallian a ni a, Pu H. Rammawi kha thusawi tur zingah khan a awm ve si a, ka hmu miah lo. A kal lo a ni ang. Tuikual South Branch YMA zaipawl te thiam takin an zai a, hruaitute inhmelhriatna hun te hman a ni a.

Zomuanpuii a zai a, Pu CL Para, Delta Sound hnenah veng chhung tana a inpek thinna avangin chawimawina hlan a ni a, tin, Miss Chapchar Kut 2nd Runner Up Lalnunthangi hnenah chawimawina hlan a ni bawk. Chu zawng chu programme ka hria, a dang chu kan awm peih tawh lova, mi tui chen loh laiin kan lo va cheng char char. E taka, Dr. Esther-i pawh a zai tak kha mawle.

Tin, ngaiteh Zomuanpuii ka chibai ve ngei kha (A pa leh a thiannu Mary nen an rawn kal). Thla te kan la ho vel… kkk…lum a ti ve lutuk a, tui te kha a cheng ve a, nuam a ti ltk.

An tui chen zawh khan chaw kan lo ei a, kan chaw ei na bulah an rawn tlan dun tur tur a, a thiannu nen khan, inhruk na tur an rawn zawng, an tui chen thawmhnaw huh vek nen khan an ni sia, thla kan lo lak sak char char sia, a zak ve deuh si khan, “In hmelchhe lutukkk….” a rawn ti ta a nih kha…a va han luck loh thlak thin tak em!!

E sawi hmaih chi loh, Zopari kha, misual.commers hovina in star em em kha a chaw ei lai thla te kan la asin.

Kan bul chiah chaw a ei ve a, kan chhaih char char a, a zak ve reuh ltks…kan thianpa pakhat khan a chaw ei lai kha, hnai set sawtah video khan thla a va laksak a, mobile cam khan a nia, “Hnai deuhah chuan ka duh lo….” a tih kha chiang deuh hian a ri a, kan play nawn deuh chhen a, a nui ruh ruh reng mai. :D… Gnat pawh a rawn zai tak e. Mahse, mipa a nia, thla kan lakpui ve ta lo mai anih kha..

Kan ruai theh mawlh mai kha a ni, chaw ei hmasa berah kan tang. lolz…kan dawh hmasa ber tlats.. A hnuhnung lamin chaw an dawh lai phei chuan ril a tam leh hman tawh. Pudding mawlh mai kha ni, thianpa pakhat phei chuan vawi 8 a ei nawnin ka hria, pudding puarin ka puar a ti. Ruai theh zawhah, khaw thim dawnin an zai leh ta a nih kha. Gnat a zai thra a, a tawp naa Zomuanpuii zai kha a ni thra chu, lam vek tur an tia. Rawlthar tang fan fan ngei kha a rawn thlawh a nih kha….

Dar 6:30 velah kan haw a, kan inzui chho duah duah. Bus 2 in hma an hruai a, a bus 2-naah kan chuang a. Chuan, motor te ho khan an rawn zui a, bus 1 in hnung a rawn dawl leh a. Hotuten in tlanpelh loh tur an tih chu thuawih takin kan inzui chho dam dam a, hmuhnawm tham a tling. Phunchawng-ah kan bus chuanna ke a chhe ta. A ke hnih hnihin a la puncture zui… YMA takin kan innghak leh thrap. Dar 7:30 velah kan thleng leh ta a, nuam ve mai mai tak chu a ni.

Similar Posts:

• Naupang kum 5 mi pawngsual a thah a ni
• Hmeichhe naupang thattu police in man. Amah ngei a in puang.
• Comedian Search 2012 Fiamthu
• Isaac-a anka nem hriattur a awm reng dawn
• Cheng Zanga

Recent Posts:

• Kal dem dem.
• Nova’n Anchhia A Lawh Sual Emni? {:Sunday Pual:}
• Beiseina nung (Pathianni pualin)
• Burma-ah ka zin Part – IV (Tuingo khuaa lung satel mak an tih kha)
• Thianpa lr hlonchhing birthday lawmnan..

This entry was posted on Sunday, April 8th, 2007 at 10:11 am and is filed under Whatever. You can follow any responses to this entry through the RSS 2.0 feed. You can leave a response, or trackback from your own site.