Vanlalsailova thukhawchâng -I tawngtaipuina a ngen
Mizo zinga kan zaithiam chhuanvâwr leh ‘a ber’ kan tih fo thin, tûna Birmingham-a awm mêk, Vanlalsailova chanchin hi kan rawn ziak nual tawh a. Chiang zawkin Vanlalsailova hi kan zu be pawp a; rawngbâwl zêl tura hma a lâk tawhna te leh tawngtaipui a ngaihnate a rawn sawi a; kan rawn ziak nawn leh mai a nih hi.
Birmingham-a rawngbâwlna zau zawk a neih theih dan ngaihtuah turin May ni 15 khan Vanlalsailova chuan Birmingham-a Pu Zaichhâwna Hlawndo te chênna In a thleng a; Pu Zaiate hnenah hian Sailova hi a khawsa rih dawn a ni. Thawhlehni zan khan an lawina Kohhran – Elim Church Centre Worship team – Friends in Friend te chu Pu Zaichhâwna fanu Zawmi nen an zawm ve tan ta tih Sailova chuan a sawi.
Kohhran piah lama Sailova’n rawngbawlna a neih theih nan Pu Zaiate hian Birmingham City Mission an dawr mêk a; mahse, Tourist Visa-a kal a nih avangin hlawh neia zaia rawih erawh chu dân piah lam a lo ni a. Mahse, lawmman tlem azawng chu a hmuh ve ngei a rin thu Sailova chuan a sawi. A hranpa taka hlawh ûm em em lova voluntary anga a thawh theih nan Sailova leh Birmingham City Mission lamte chuan inbiakna an nei mek bawk a ni.
Mizorama a khawsak dan leh Birmingham-a a khawsak dan chungchanga kan zawhna chhângin Sailova chuan, “A nawmna pawh tak tak turin duh aiin tawng ka la thiam lo deuh va; an saptawng lam dân (accent) hi hriatthiam har ka la tih rih khawp mai… Hei vang hian duh angin an mahini ka la pawh thei rih lo va, kawng tam taka ka thil hriat tur leh ka tuipui turte pawh ka la tuipui pha meuh lo,” a ti a. Rawngbâwlna chungchanga Mizoram nena a danglamna Sailova chuan sawiin, “Rawngbawlna chungchangah chuan Mizoram nen kan Pathain Biak Inkhawm dan hmang – kan tawngtai laia kan awm dan te, sacrament buatsaih laia a buatsaihtute tih vêl dan te hi a inang lo khawp mai.
Pathian Biakna chungchangah thil engkim mai hi a awlsam zawng leh a hautak lo thei ang berin an ti ni maiin ka hria a. Mizo ngaihdan atanga thlir chuan puithû tâwk lova hriatna te, namnûl lutuka hriatna te a awm theiin ka hre bawk a; mahse, culture a inan loh êm avangin an tihdan kha sawisêl mai chi niin ka hre lo… An mahni leh Pathian inkar a ni tawh a, thinlung taka an biak theih ber dan leh an pawh theih dan berin an ti a ni tih erawh chu ka hmu chiang khawp mai. Hetiang baka uluk leh puithu-a biak dan tur vak an nunphung (culture) nena han enin, a awm thei chuang lovin ka hre bawk,” tiin Sailova chuan a sawi.
An Kohhran a hmuh dan Sailova chuan heti hian a sawi a :
“Mizoram atanga kan thlir dan chuan sap ram Kohhran chu Kohhran nung lo leh pitar/putar kalna tur chauh angah kan ngai tlangpui a; mahse, thalai inpe an lo tamzia leh an inkhawm (worship) kaihhruaina tura an mahni chanvo tihlawhtling tura an inpêk thûkzia te, Pathian an biak laia a hruaitu leh mipuite intih phûr tawn thiam dan te, inkhawm tur lo dawngsawngtu (receptionist) te’n an lo chhawn thiam dan te, inkhawm laia mipuiin thusawi an ngaihthlak ulukziate hi entawntlak hle-in ka hria,” a ti a. “Mizorama ‘hlimsang’ kan tih mai ang hi hetah pawh an lo tam hle mai a, mak ka ti khawp mai…! Mi tawngtai laia ‘Amen’ lo pe te, zai lai leh midangte tawngtai laia tawng hriat loh, kil tin atanga an lo pe ka’n hriat hian Mizoram hlimsâng kan tihte nen hian danglamna awmin ka hre lo,” Sailova chuan a ti bawk.
Vanlalsailova chuan tawngtaipui a ngaihna laite, e-mail in Vanglaini |halai Pual min rawn thawn a. Zoram mipuite, Vanlalsailova min rawn ngen ang hian i tawngtaipui theuh ang u.
1. Ka la beisei ngai loh leh ka rin phâk loh rama Pathian hausakna leh thilphalna avanga helai hmuna min hruai thlen theih avangin lawmthu min sawipui ula;
2. Saptawng tha tak leh hlâwk zawka ka zir theih nan;
3. Mizoram anga rawngbawlnate a awm reng loh avangin inthlahdah palh theihna laka Pathian venpuina nasa zawk ka dawn theih nan leh Thlarau lama chakna thar ka neih zel theih nan;
4. Pathian leh Mizoram tana thil duhawm leh tangkai zâwk, ka châm chhunga ka zir chhuah ngei theih nan.
Similar Posts:
- Sailova Birmingham lamah
- Bangalore Titi
- Inkhawm ti tlem ila!
- UPC pawl pahnih an inkhawmho
- Open letter to Rev Vanlalzuata by M. Lalmanzuala
May 26th, 2007 at 12:05 am
Kanlo tawngtai sak ang e.
Report this comment
May 27th, 2007 at 5:58 pm
tawngtaipui tur nia,a lawmpuiawm ve hrim hrim alawm…a rawngbawlna zau zel bawk se
Report this comment
May 29th, 2007 at 7:57 pm
A contact number te hria ila chu chaw ei ah te kan han sawm ve tur……anyone know his number?
Report this comment
August 23rd, 2007 at 2:28 pm
‘better late then never’ka tlaitawh viau na a nga,khoilai mihlim dan ah emaw a lang tlat.Tuten emaw an lo chhiar ah tlem kan ti ri ve zauh teh ang.Vanlalsailoa hi chutiang em em in ka lo ngaihsak ve lem lo a,mahse kan term a zo a thangthar lehzual in hlathluk dang hmang in Zoram an awita anih hi ka ti mai a.ka fate takngial pawn Zoram kan haw chuan an tuipui ani.A lo chhuah na kan zawt a Phaileng lam chhuak daih alo ni lehnghal.Ka rilru a lo lut hmasa ber chu Eva Peron te Adolf Hitler,Nepolian etc;mi a ngaihtuah chhuah tir ani.Khawpui a tang ngawt lo hian thiltha a chhuak ve fo tih thufing hi Thai ho khian an nei a ka hrereng ta lo.Vawikhat chu Aizawl ah Kulikawn ah zaithiam Inneih na ah min sawm ve a,ka fapa nen kan kal ve a.Zaithiam an tam hle mai ,a bak ah an behbawm neuh neuh nen.Kan bul ah an thu a an jokes then khat chu saptawng lam dan dik leh dik lo emaw ka hre thiam lo.Engpawhnise ka fapa kan zawt a Vanlalsaloa an hmusit na tawng kam ani tih min hrilh chuan,mak ka ti lo; khata a tawng tam ber a te kha ,bla.bla,fanu zaithin te an ni.Kha ta tang chiah khan Vanlalsailoa hi ka ngaihven ve ta,a hla lar na ‘hmeltha’tih phuahtu Pu Rema driver thleng in ka hre ta.A lehlam ah ka lawmpui,Pathian in a hruai ani ngei ang Phaileng khua a tang a Missionary tur a England thleng thei chu.Mithenkhat in hmusit mahse,Pathian in a hruai tho tho tawh,an umpha tawh lo.Sailoa,Pathian in a awmpui reng ang che ,a chang chuan mahni in ngaihhniam na te pawn i khat ang ,mahse Krista kha i hma ah a ding ani tih hre reng ang che.Phaileng a tang a England hruai thleng tu che kha a ngai reng ani e.A danglam ve ngai lo…..kan rawn zin zauh2 ka rawn zin leh chuan hmuh ngei che ka tum ang…….In Khaw chhung ka lut lo in khaw dai ah erawh chuan Capt Malsawma(L)nen kan riak tawh…….bless you VanLal sailo…
Report this comment
August 23rd, 2007 at 2:38 pm
Vanlalsailova mo.!! ka lung hia ti leng em asin, “asin” tih ngat phei hi chu, Hla lenglawng a ni e mo, Pathian hla ani e mo, a zai hrim hrim hi ka duhin lung a kuai ka ti khop mai. Tuna a dinhmun hi ka lawmpui a, a tum ruh na leh tih takna hi ka ngaihlu bawk. Kan lo tawngtaipui ange..!!!
Report this comment
August 23rd, 2007 at 3:01 pm
Vanlalsailova hi maw…..Ni e a aw hi a mawi ka ti ngawt mai..Lengzem hi a sa thiam ka ti zual.
Amah ang hi an piang tam lovin ka ring. naupangte si a ma thawhchhuah ngeia an chhungkaw in a din thei te hi a fakawm ngawt mai.
Report this comment
July 27th, 2011 at 2:08 pm
ÄÅÌÎÍÒÀÆ ÔÓÍÄÀÌÅÍÒÎÂ…
minny…
Report this comment