mi(sual).com

International Tournament, Indian version Manchester Cup final khel tur SSA team hnawl an ni.

Kan naute chu final khel tur kan nih avangin an phur a, keni pawh phur tak kan ni a. Kuala Lumpur ah Sourth East Asia Zone final kan khel ang a. Chumi hnuah kan chak a nih chuan Old Trafford lamah kan khel thei dawn a nih tih te chu infuih nan kan hmang rim hle a. Tlai 3 :30 ah Final khel tur kan nih avangin dar 2 : 00 atangin naupang ho chu phur takin an in siam hlawm a. Dar 2: 30 ah team official room ah final kan khelh dan tur te leh tawngtaina hun te hmang tura kan awmkhawm laiin, SSA Football Academy Manager lehkha tur an rawn ti a.

Lehkha min pek pahin final inkhel thei lo ang, kum dik lo (overaged) in awm avangin disqualified in ni an rawn ti a. Kan thu dawn kan puan lai a, naupang hmel hmuh hreawm zia chu sawi hian a siak lo a ni ber. beiseina sang tak nen hmun hla tak atang Goa kan pan a. Theihtawpin kan in fuih a, naupang ho pawh an phur em em a. Ngaihtuahna in South East Asia final khelhna hmun tur Kuala Lumpur leh World Final khelhna tur Old Traford te lo kan naute te zarah kan hmu ve deuh ruai ruai a. Thu lawmawm loh tak kan dawng avang chuan kan a lo chauh ni berin ka hria.

Inkhel Chanchin

Manchester Premier Cup India Final 2008 khel phak ni tur chuan qualifying round paltlang phawt a a ngai a. SSA Football Academy naupang te pawhin nikum khan North & East Zone qualifier, Chandigarh ah khelin team tha tam tak te India final khel tur a inhlankai theih loh laiin Mizoram Football Association tirh a kal SSA Football Academy te chu an inhlang kai thei zingah an tel ve a. India final chu january ni 16 atang khan, Duler Stadium, Goa ah khelh tan a ni a. Kan pool ah chuan Cosmo Football Academy, Tamil Nadu, St. Stephen Football Academy Chandigarh, Salgoacar Goa te an awm a. Beiseina sang tak kan nei a. Kan match hmasa ber ah Cosmo Football Academy chu 3-0 in kan hneh a. Second match ah Salgoacar 2 – 1 in kan hneh leh semi final kan lut ta a. Kan group ah champion nih inchuhin St Stephen Football Academy nen kan inkhel leh a.

Mahse hemi tum hian 2 – 1 in kan chak lo a. Hetia kan chak loh vangin kan khingpui St Stephen Football Academy te chu kan group ah pakhatna niin, group leh lamah pahnihna dinhmun hauhtu SPHS, Punjab nen an in tum a. Keini chu Group B lama pool champion East Bengal nen semi final ah kan in sut a ngai ta a. East Bengal hi North & East Zone champion an nih ba India leh South East Asia champion an nih avanga nikum khan World final khelin Old Trafford ah pawh lo khel tawh an ni a. North & East Zone qualifier, semi final ah 1- 0 in kan hneh tawh lo bawk a. Final round ah semi final ah bawk kan inhmachhawn leh a.Kan inkhel chu a hmingah Revenge or Repeat te kan han vuah ve ngawt bawk a.

Inkhelh tan phat atangin kan naute an khel tha tluan chhuak parh a. Min hneh lo viau a, clear chance vawi hnih leh half chance chance vawi thum vel kan nei a. Anni lam pawhin chance chu an nei ve a, an ngah lem lo. Hun pangngaiah kan inhneh tawk a, hun pek belh a awm lo a. Panalty hmangin a chak zawk zawn a ngai ta a. East Bengal lam in vawi hnih an pet goal lo a, kan nau ten an pet goal vek si a, Tichuan final kan lut a. Kan phur em em a. Final a kan khingpui tur te lah an khelh dan kan thlirin kan hneh ngei kan ring bawk a. Chung te chuan min ti phur leh zual a.

Buai, A buai Nuaih Nuaih

Kan naute chu final khel tur kan nih avangin an phur a, keni pawh phur tak kan ni a. Kuala Lumpur ah Sourth East Asia Zone final kan khel ang a. Chumi hnuah kan chak a nih chuan Old Trafford lamah kan khel thei dawn a nih tih te chu infuih nan kan hmang rim hle a. Tlai 3 : 30 ah Final khel tur kan nih avangin dar 2 : 00 atangin naupang ho chu phur takin an in siam hlawm a. Dar 2: 30 ah team official room ah final kan khelh dan tur te leh tawngtaina hun te hmang tura kan awmkhawm laiin, SSA Football Academy Manager lehkha tur an rawn ti a. final inkhel thei lo ang, kum dik lo (overaged) in awm avangin diqualified in ni an rawn ti a.

Ngaihtuahna in South East Asia final khelhna hmun tur Kuala Lumpur leh World Final khelhna tur Old Traford te lo hmu ve deuh ruai ruai vangin, chu thu lawmawm loh tak ka dawng avang chuan ka a lo chauh ni berin ka hria. He tournament huaihawt tu All India Football Federation leh Nike te hian a tir phat atangin thil an kalpui dan an fel lo hle a. He tournament inkaihruaina danah chuan naupang kum 15 aia upa nia rinhlelh te chu MRI Test neih a ni ang tih a ni a. Heng test zawng zawng hi qualifying round ah khan neih zawh vek tur a nih laiin, check mumal pawh awm mang loin qualifier chu khelh a ni a. Final round ah hian player inlak that emaw awih a ni lo a. Team list kan theh luh chu rin nghal tur a ni a. Heng team list kan theh luhah pawh hian naupang pawh an thlalak a chuang vek bakah, an Birth certificate, School certificate pawh theh luh tel vek a ni a. Final round tournament tan a ni a. MRI Test neih tur an han ti hnuhnawh leh a. Kum dik lo nia rinhlelh zawng zawng chu team pariat atangin mi 49 an ni a. He tournament huaihawt tu te chuan tournament zawhah MRI test result chu tih chhuah a ni ang an ti a.

Chutia an tih avang chuan team hrang hrang official te thin a rim hle a. Chumi hnuah MRI Test result chu tournament zawhah inhriattira ni ang an ti leh a. MRI test result chu chhuak thuai thei lo em ni ti a kan zawh pawh in an indaih lo lutuk a, Private clinic a ni si a, pawn lam atangin dawrtu an nei ve bawk si a, chuvang chuan an indaih thei lo a, Goa Health Minister pawhin a ngenna a siam a, a hma thei berah pawh jan ni 21 hnu lamah bak result a hriat theih lo ang an ti leh ta zel a. Tournament zawh hnua MRI test result a chhuah chuan eng nge test in awm zia a neih ang tunah ti chhuak nghal rawh u ti pawh in kan nawr a. Mahse an ni lam chuan chhuanlam dang an siam leh a. MRI Test result a chhuak bawk silo a. An hup bo mai mai dawn emaw tih laiin mak takin tu te nawrna vang nge ni, result an rawn ti chhuak ta phut mai a. Keini lamah Test nei mi pali zing a pathum chu an kum a dik lo an ti a. Keini bakah SPHS, East Bengal, Cosmo Football Academy te chu min disqualified ta thawt a.

Hetih lai hian Kum 15 chin hnuai lam tan tournament ni bawk si kha St Stephen Football Academy naupang te chu an test result atanga a lan danin kum 16 an ni deuh vek bawk si a. Final chu an khel tir ang lawi si a. A chak lo zinga atangin Mahindra United leh St Stephen Football Academy te chu final an khelh tir a. pathumna inchuhna a khel tur East Bengal chu hnawlin, Goan club Sportng club de Goa leh Salgoacar chu an khelh tir bawk a.

Chi Inthliarna A Ni Thei Em ?

Keima mimal ngaihdan han sawi ta ila. India ram champion kan ni ang a, India aiawh a Mizo naupan te an han khel tur kha he tournament buatsaih tute leh buaipuitu NIKE comapny te hian an ngai ngam lo em ni chu a a tih theih in ka hria. Sawiselna tur hlir min zawng a. Kawng hrang hrangin kan tlin lohna lai tur zawngin an phi ruai a ni ber a. Kan naute chu tournament tawp zan a party an buatsaihna ah buaina siam tu ah an ngai a, mahse chutiang in kan nau te an awm si lo. MRI test hian kum dik tak a sawi chhuak thei lo a, India sawrkar in mi pianni leh kum chhinchiah tur a a ruat te pawh ring ngam lo tu hian dan chu a bawhchhe zawk em ? He tournament hi Internatioanl Tournament ni mahse Indian takin an kal pui avangin a fel fai tawk lo ni berin a lang.

Similar Posts:

• Final round khel turin Mizo naupang
• Manchester Premier Cup 2008 ah Mizoram che tha zel
• India camp-ah mizo naupang 5 koh an ni
• A vawi nga na atan Mizoram champion thei a ngem?
• Combined Post: Website thar leh MZU Football team

Recent Posts:

• ZU HI SUAL A NI LO, A IN A TE PAWH AN SUAL HEK LO
• Like!
• LUNGHNUR
• SADHU SUNDER SINGH-A CHANCHIN ROPUI CHU:
• KA ṬAHPUI LEH SI ṬHIN

This entry was posted on Monday, January 21st, 2008 at 11:43 pm and is filed under News, Sports & Games. You can follow any responses to this entry through the RSS 2.0 feed. You can leave a response, or trackback from your own site.