A pawimawh berah chuan pianthar leh simna atangin a ni dawn lawm ni. Ruihhlo do kum kan puang a, a tha e. Mahse kan do tak tak thei dawn lo, Piantharna tel lo chuan sim a har em, a zuartute awm lo sela, lei tur awm lose, kan hlawhtling a ni mai.
Pa pakhat zu heh deuh mai hi a awm a, zu a rui reng mai, a fate chuan a hnung an rawn zui a, zu leh ruihtheih thil dang an lo ti ve ta a, pa ber chuan amah vanga chutianga awm an ni tih inhriaiin a sim phah ta lel a, an fate pawh chu sim turin a zilhhau ngam ta a ni.
Kan ram dinhmun thlir chuan ruihhlo do hi thil har tak mai a ni. Pa perin zu a in a, fate an hau ngam lo, an vua leh vang ten ruihtheih thil an zuarin an ti thin a, zilhhautu tura YMA ten hruaitua an thlan khan ‘tik’ pawh a ti ngam lo mai thei a ni.
Sawrkar hian ruihhlo do kawngah tun aia chak zawka hma a lak hi a tul hle. Zu rui hremna dan leh Drugs rui leh zuar hremna dan hi tun aia khauh zawk hian siam sela, ruihhlo do hian awmzia a nei ngei ngei ang. Tunah chuan a hremna dan hi a khauh lo em em a, Proxyvon chungthuah phei chuan chet lak a har hle a ni lawm ni kha.
Chuvangin ruihhlo kan do a nih chuan kan dona dan tlawhchhan tur tha tak leh chetlakna tur tha tak duan chhuah hi a finthlak hle ang tih hriain Mizoram sawrkar hian hemi kawngah hian chak lehzualin hma la teh se, tih hi ka ngaihtuahna chhungril ber atangin ka han chhakchhuak ve a ni e.
Similar Posts:
- MLTP Act hi
- CM ni ta ila!
- Zu Hi Engvanga Do Nge Kan Nih ?
- Ruihhlo do… Heti zawng hian…
- Drugs – Hremhmun Sipai
February 18th, 2008 at 3:28 pm
Danga, IPC, Cr.PC te hmang bawkin Mizoram sorkar hian an policy at thlak tak zu khap hi lekkawh a ngaih. An tlin lo, an thei lo, an peih lo. Tul lo tawp zu khap an tum avangin drug haluhawm a tam phah a. Lah lamah chuan state danga genuine drugs (Proxyvon te ang) khap an tum leh si a, state level a hman tur dan an siam peih si lo. Sorkar thatchhia, corrupt leh fel lo (inefficient) lutuk anih hi.
Piantharna lam chu thu dang. Mahse ringlo hote zinga piring vawrh ang chauh a lo ni ang.
Report this comment
February 18th, 2008 at 4:05 pm
I thu rawn sawi chiah hi alawm, mite tawngka atanga chhar ka chak chu, a dik lutuk tlat. I thluak a thawl lo hle mai.
Report this comment
February 18th, 2008 at 5:55 pm
Eng do kum pawh nise, zir kum pawh nise, a puang tu ten an zir miau si loh chuan…eng kawngro mah a tu lovang e….a awmzia chu ” A SAWT PIIIT ANG” tihna.
Report this comment
February 18th, 2008 at 6:23 pm
Ruihtheih thil do hi kan hnam leh ram dam nan englai pawhin kan do rawn tur a ni zawk. Do tak tak loh vangin kan heti zo mai dawn si a, thalai leh thangtharte inhumhalh a ngai tih a chiang. Chumi… Do Kum tia puan vel mai bakah englai pawha kan do reng tur thil an ni zawk.
Zu pawh Drugs te pawh kan do tlan zel a tul takzet a ni. Hetia “..Do kum” an puan hian kan dinhmun hian a phutthlu tak meuh tih kan hre vek a, thalaite hmakhua ngaiin thahnemngai takin i DO ang u. Zam lovin…tan la tlang ila, chumiah chuan i lungrual za ang u hmiang!!! Tawngtai leh sawi mai ni lovin nasa taka DO rawn hi kan tihtur tak chu a ni e…..
Report this comment
February 18th, 2008 at 7:11 pm
Khauh taka dan an lekkawh chuan maw kan officer te leh hruiatu lawk tak tak te hi an haw hil reng mai dawn a sin. He ti hian
Report this comment
February 18th, 2008 at 10:59 pm
Hetiang subject hi sawi tam a tul viau laiin sawi tam viau pawh hi a sawt vak lo chu niin a lang. Zu rim nam man apiang khaihlum tur pawh tise ka in thovang. Zu ka heh em em a, a tel lovin ka khawsa thei lo tihna a ni lo. Thil lem lutuk tih hi ka tei thei thraks lo.
Report this comment
February 19th, 2008 at 1:50 am
Drugs zuar ho hi chu kan ram hmelhma diktak anni, kan thalai te a suat hnem ta hle mai, kumtin drugs overdose avanga thalai 50-60 an thih ai chuan Drugs zuar pahnih/khat tal hi i khaihlum ve toh ang u.
Police leh Excise hote hi khawtlang tanpuina tello chuan engmah tithei mang silo anla hawi cham ve em em lehnghal a.
Report this comment
February 19th, 2008 at 1:56 am
Mipui thiamloh hmasak vek alawm…pawilitisian te kan thlang tling a kan hlau leh dui hlawm si a, mipui chhiahhlawh, kan ai a kan hna thawk tu an nih kan hre leh mang ta thin lo hi apawi a ni. Pawlitisian te hi hlau dek duk lo ila, mipui hian tlawn ching lo ila ( in tham tih vel)….a fel duak mai tur… tun ah chuan aharsa tawh ang…kan kal thui tawh lutuk.
Report this comment
February 19th, 2008 at 10:53 am
H.Vangchhia sawi hi a dik chiah. Mahni chhiahhlawhte hlauh tak tlat mai chu thil fel lo eng emawni chu a awm a ni.
Mi tam zawk hi chuan heng Politician dawt sawi hmang ho hi aruk tak chuan an hlauin an zah hran lo, mahse an ballpen saw an mamawh a, mi hriat lem lohva file keutir an tum a chuvangin an hlauvin an tlawm ta a ni. Zoram mipuite hi chutianga politiciante hlau an nih chuan thil dik loh tihtir tumtute an lo ni hlawm tihna a ni mai
Politician ho te chu khual lian leh khual zahawma an tan lai chiah hian an zahawm ve chauh a lawm.
Report this comment
February 19th, 2008 at 5:13 pm
Burbura says :”Politician ho te chu khual lian leh khual zahawma an tan lai chiah hian an zahawm ve chauh a lawm.” A dik chiah…
Report this comment
April 16th, 2009 at 8:20 pm
Mizote hi kan rilru a hniam tawh lutuk a, mahni pawh kan in zah zo tawh lo hial a. Hetiang chuan eng thil pawh hi do luai luai mah i la kan do dai lovang. Telephone,Car etc nei reng chung pawhin Mirethei mei alh en te tundinna tur hamthatna, BPL list a tel kan inchuh a, zahthlak a ni tih kan hre pha tawh lo a nia.
“% will come to me” ramah te chuan chhunpachangah pawh kawngdunga nawhchizawrh tunge ngam lovang, Drugs addict in inthiamlohna a nei ngawt bik dawn em ni. Mi puan pho leh gas bur tlar lak ve ngawt pawh zahthlak a nihna a awm bik chuang em ni le.Tunge kan dem anga, tutenge kan mawhchhiat bik chuan ang.
Hawh teh u, keimahni leh kan chhungkua theuh hi in bih chiang ila, i din thar leh teh tak ang u khai
Report this comment
April 10th, 2011 at 12:11 am
Lawrkhawm dawldanga saw i ni mial em?
Report this comment
July 27th, 2011 at 1:26 am
ÄÅÌÎÍÒÀÆÍÛÅ ÐÀÁÎÒÛ…
minny…
Report this comment