Hmanni deuh a elcee post ah khan Mizo uisa ei chungchang vel kha a rawn ziak a. In comment vel han chhiar a tang in Uisa ei hnam nih zak tak tak kha kan lo tam ang reng.
Engpawh nise, chaw chu chaw a nia. A ei ve duh chuan an ei ang a, a ei duhlo chuan lo ei lo maise. Mahni ei duh zawng a nih loh vang a midang thil ei in sawisel sak vak pawh hi a tha ber lem lo.
Vir uchuak vang a ei pawh kan ni chuang lemlo, tui tih zawng a in ang lo ve a. Tih emah chuan vai ho Pani Puri te hi nia kei chu ka ten chu, an mahni ho lah hian an duh em em leh nghal. An kut in eng eng nge an khawih pawh hriat hleih loh, an han hnim ang pawrh pawrh a.
Han sawisel sak ve ila chuan an haw phian awm sia. Engpawh nise kei chuan Uisa chu ka eilo phawt mai a, ka ei loh vangin a Ei mi ka thinhrik phah chuang lemlo.
Sangha leh Artui chu ka ei ve, sadang chu ka ei lemlo, because I love them. They are friends for me but food for others. Mizo in Uisa kan ei a vang a Mizo hnam ka zahpui hi ka la hre ngailo bawk. Hringei hnam pawh ni ila, Mizo kan nih chhung chuan ka zahpui dawnlo bawk. Vawi sawmsarih pawh piang nawn ila Mizo ai bak a nih chak hi ka neilo. Mizo nih hi a nuam e, Uisa ei hnam nih a vang a lo in zahpui ve em em kha chu a.
Uisa Ei hnam nih ai chuan MI DUHAM HNAM kan ni mawlh hi ka zak. Tunlai Mizoram a lar tak “Chiahpuam” an tih mai hian Mizoram a nghawng nasa hle ni in ka lo hre ve a. Heta tang hian Mizo ( Za a Za Christian in ti) hi kan lo Duham zia leh kan Thatchhiat zia hi a langin ka hria.
Pung tam tak awm pawisa a dah theih an ti a, chumi pung cuh umin, thawk lo va neih teuh tumin Mizo Mipuite chuan kan Sum neih ang ang kan lo dah chiam chiam a. Ka lo tlang hriat ve dan phei chuan Kohran Sum te an lo dah a ni awm e. Hei em em hi zawng Hnam dang hian an hre ve riau riau ang tih hi ka hlau.
Kristian an hmuh dan a nep lutuk palh ang, pung awm a pawisa puk tir lo tur te kha kan in zirtir dan kha a ni si a. In ngaihtuah harh chu a hun deuh ta, hetiang a pung um vang mai mai a keini Kristian Ram min han nghawng chhe thei hi chu a zahtlak deuhin ka hria.
Hemi thil thleng a tang a lang chiang em em chu, Mizo hi kan lo thatchhe ngawih ngawih a, kan duham bawk a, thawklo a neih teuh hi kan duhthusam ni bawk in a lang. Thawk lo chuan ei pawh ei suh se tih kha a ni si a.
Similar Posts:
- MZU hna lakna ah Manipur mi tling an tam ber…
- P&Sons-a pawisa dahtute’n vaibelchhe 250 lâk chhuah an phût
- Uisa dawr hi…
- Uisa Noddle !
- Mizo Uisa
November 3rd, 2008 at 12:37 pm
Rawn post tha hle mai;mahni thawh chhuah bak neih tuma phi ruai vang hian Zoram hmel hi a chhe tak zet tawh ani. Ngaihdan pakhat ka neih ah chuan Mizoram ah hian hmasawnna sum central sawrkar atrang a lo kal 50% hi chu diklo taka hmanral ani a, chu pawsa chu a theifa ten an in sem ral vel mai mai ani; chuan reilote chhungin Aizawl ah hianBuilding Nuai 50/60 man ading khawn er ur maia, Car chhuakthar ber ber nen khawlai kan leng a,chhungrila ngialnghehna lam reng reng ngaihtuahlovin nuam tawl in kan hun kan hmang a, kan living standard hian kan economy a tlansan duai duai a,Pathian thu kawr a hmangin politics eizawn nan kan hmang bawk a. chung zawng zawng hring chhuak tu chu kan CM Zoramthanga hi ani, ram hruaitu luber ani a,a thil min zirtir chu, kum thum chhung intodelhte, raw hung; hung sawm neih a millionaire nihte ani, mahni thusawi hnuleh hma pawh ngaih tuahlo CM mawl; thil tak tak tih neilo, eng thilsual pawh tise tawngkam a in sawimam tum, zak chuanglo kaihhruai na hnuai ah tiang thil chiahpuam tih vel hi alo thleng ta an;i thil mak anilo kan ram hruai tute chiah puam ang hi mipuiin kan awtve a kan chiahpuam ve ta luai luai mai ani.
He chiahpuam hi sawrkar phal loh thil ani tih chu mitin hriat ani mahse ati tawp theitu sawrkar ber angawi hmak mai bawk si, tun ah mipui tam takin pawisa an chan tawh hnuah “thlamuang takin awmru kan chhui mek” tih hi mipui an hnem theih dan awm chhun chu ani mai. Zoramthanga sawrkar hnuaiah hian sualna tinreng hi tihpunin a awm a, tualthah, rukruk, inrawk ,Bank suam, eiruk; ruangchhar hel ralthuamtawlh ruk tih vel hi chu kan nun phung pangngai alo ni zota; kan hotute ber sum leh pai in a bualat tlat chuan mipui chu sum umin kan a ve lo theilo ani.
Kan NGO leh Kohhran hruiatute meuh thenawm state helpawl hnen a “Kan electionah hian rawn in rawlhlo hram rawh u” ti a an palai kualte kha a zah thlak asin, RTI act hmangin Department then khat thil tih sual miten han hailang thin mahse, hrem a hnekin in sawimamin kan hmanhlel si anih hi.
Mahni party sawimawi hmanlo lek a, mahni sawrkar diklohna sawimam chu; Zoramthanga leh a hote campaign hla alo ni zota. Pathian leh kan ramtan ti tute kha an ni lom ni? He Sawrkar ah hian Khawnge PATHIAN? an hlemhletna khawlohna rah chu kan seng a kanla seng dawn chauh; Kum 20 chhung teh meuh independent sual lem chang a tute khan ramhmangaih lem kum sawm chhung an chang leh a a sawp chu nasa tak ani ta anih hi.
Report this comment
November 3rd, 2008 at 12:44 pm
A ni khop mai, kan duham, mahse hetiang poisa tih pun hluai na hi , vai ho poh hian chhiat phah an lo om ve nual a. Golden forest an tih ang te kha, Punjabi tam takin poisa an chan phah a, kha, hetiang chiahpuam an deuh hi Nagaland leh Manipur ah poh an lo ti a nih kha. pawisa a cash a neih tun te hi sawrkhar phal loh a ni tih hre lo te hi an la tam a ni om a, pawisa chungchang hi chu kan finvar a hun ta khop mai. Income tax te hi pe ve ila, kan fing ve deuh ang chu mo le.
Report this comment
November 3rd, 2008 at 12:51 pm
Siamtu hming common taka lam te chu an hreh tawh lo khawp mai. Ani hming tal hi chu zah se ka lo ti thin. Aryan an kan CM (zahpuiawmtak) a sawi dan khi ka amen tlat.
Report this comment
November 3rd, 2008 at 1:18 pm
Nia tiraw Alejte i va ziak thra em em
mi duhaam deuh nih hi chu a hnam ang zawng lo pohin (mimal) duham deuh te hi an bula awm te hi a hreawm, mizo tam tak hi chu kan thatchhe vak chu ka ti lova,mahse Sum kan mamawh em em na lamah hian awlsam taka lak theih a nih tawh phawt hi chuan Pastor,Upa,Khawtlang hruaitu te mai bakah Sumdawng ho te hian kan bawh huam huam zel a, hetiang inbum na lam thil hi awareness kan mamawh a ni,mirethei ai chuan mi hausa hovin an chan nasa dawn,ka hmelhriat thian pakhat chu ka han phone a,a nu leh pa ten 1 (one) crore nuai 100 an lo dah ve nih chu, ka pa chu a mu tha thei lo a ti, Duham chu chana a ni tih tepawh hi a dik viau na lai a awm,mizo kan tam lova, kan in zirtir a ngai a ni. @ thaiboy i ziak thra khawp mai.
Report this comment
November 3rd, 2008 at 1:27 pm
He case Chiahpuam Bank chungchangah hi chuan sawrkar mawhpuhna tur pakhat mah awmin ka hre lo. Chiahpuam chu dan lo leh sawrkar hriatpui a nih loh zia chu mi zawng zawng hriat sa niin alang a. Chiahpuam tih hming a lo chhuah hma fe pawh khan aizawl SP Pu Hrangchal pawhin fimkhur turin mipui a lo chah daih tawh bawk.
Heng zawng zawng ai chuan kan moral lam reform hi a ni ta ber zawk. Mau Tam Kum a nih kan hai lo. Thingtlang leh hmun hrang hrangah kan Mizo hnam pui rei tur nei lo leh harsa tak taka khawsa te dinhmun pawh kan hrechiang thawkhat e. Keimahni mai chuan kan do zo dawn lo tih kan hria a, State dang, Central, Ram dang thleng thlengin kan zualko a, tanpuina kan dil. Chutih lai meka he ti zat zat mai pawisa chiahpuam tur kan lo kawl ru tul tho si hi a zahthlak satliah mai pawh a ni lo va, thil nihphung tur hi a ni chiah lo a ni. Chuvangin he Case hi chu DAN lo a thil tih a nih avangin sawrkar mawhphurhna chu he Chiahpuam bank leh a kaihnawihte man chhuah leh case awrh tir hi a ni. A chiahpuamtute chuan an pawisa an hmu let tawh lo a nih pawhin an thawhrah an seng a ni mai bawk. Sawrkar mawhpuh tur a awm lo.
A chung ber a UISA boruak vel khi chu a nih dan tur dik tak a ni a. A Eimi chuan tui titakin ei mai se, a ei ve lote ei lo mai bawk ila, Pathian hi Mizote chungah a tha em em a, sa hrang hrang kan han ei thei deuh vek mai te hi kan vannei chungchuang em a sin.
Report this comment
November 3rd, 2008 at 1:32 pm
Zorunpuia says:”Pathian hi Mizote chungah a tha em em a, sa hrang hrang kan han ei thei deuh vek mai te hi kan vannei chungchuang em a sin”
Haha…ni e tiro Uisa hi Mizoten lo ei lo ta ila chuan @Wonderboy te hian hreawm an ti khawp ang
Report this comment
November 3rd, 2008 at 3:47 pm
Tha lutuk he post hi…Mizoram hun tawng zingah zahthlak ber pawl niin ka hria… a inhnamhnawih leh sum dah tu zawng zawng hi man vek sela ka ti khawp mai… chutilo zawng eng tak tak an zir chhuak leh hlek lovang…Uisa erawh tuiti chuan ei mai tur…thil tui tih in an loh vanga lo in hmusit ngawt zawng a hmanlai lutuk…
Report this comment
November 3rd, 2008 at 4:35 pm
Pu Zorunpui,He thilah hian Sawrkar chu mawh puh chi ni e, RBI Act 1949 bawhchhiatna ani tih RBI ngeiin Mizoram Sawrkar ahrilh tawh; chuan Media hrang hrangin sawrkar benharh an tum pawhin sawrkar ber a ngawi tlat; Aizawl khawpuiah mihring khati zat kha,sumdawnna thianghlimlo ah an in hnam hnawih tih kha CID ten an hre lo em ni? sawrkar awpna hnuai ah mipuite ngeiin tiang sum peipunna thiang hlimlo hi a practice chu tunge khap dawn? VDP em ni? SRS nge MZP? chu pawh ni chuanglo, SAWRKAR ani.
Chuvang chuan Sawrkar hian, ‘ka mawhphurhna’ ati ngam tur ani, a concern Minister te tal hi chuan banna an theh lut ngei tur ani. Mizoramah hian dan leh thu pek mumal tak ken kawh anih lohna a rei tawh a chhan chu Hel hmang ten ram an kaihhruai vang ani.
Report this comment
November 3rd, 2008 at 4:49 pm
Kan rilru that vang leh kan Innocent vang zawk ani lo mo
Report this comment
November 3rd, 2008 at 4:51 pm
Ni e sawrkar mawhphurhna ani chiang khawp mai. An hmiachhanah ngei nitin dan bawhchhiatna a thlenga mahse engtin mah an tilo, achhan chu a dah tam ber ber pawh an ni maithei politician ho hi, zah vang leh hmingchhiat hlauh vanga rawn pawngpawrh ngam vaklo pawh anni mai thei ani tun dinhmunah hi chuan.
Ui sa eilo, Duham bawksilo nih hi anuam anih hi.
Report this comment
November 3rd, 2008 at 4:54 pm
Ui sa eilo, Duham bawksilo nih hi anuam anih hi.
hausa si, thiam thei si…. i la ti tel lo mah²
Report this comment
November 3rd, 2008 at 4:56 pm
He thilah hian sawrkar in mawh a phu chiang khop mai , Zoramthanga leh a hote hian an nihna a hrelo ani
Report this comment
November 3rd, 2008 at 5:06 pm
mr right,
kan rilru thrat vang lam nilovin kan thatchhiat duham vang jok anih hmel, thokhah lova olsam taka neih treuh tum vangin anlo lungngai ta em² anih ber hi ….apoi khop mai……
Report this comment
November 3rd, 2008 at 6:18 pm
UISA ei mai mai te chu zahthlak lo teih teih emm mai a, uisa ei nih ai chuan vai ho apiang rimchhia a khawvel in an ngai te hi vaiho tan hian a zahthlak zawk feee
Report this comment
November 4th, 2008 at 1:44 am
Uisa ei hnam kan nihna ka hre lo,mizo zingah rulsa/zawhte sa ei ka hre teuh.Thenkhatin an ei vang maiin rulsa/zawhte sa ei hnam kan nihna ka hre lo.Tin,uisa hi mizote hian kan ei tranna a las rei vak pawn ka ring lo.Culture leh tradition food tih tur em chu ani in ka hre lo.
Report this comment
November 4th, 2008 at 1:46 am
Chuvangin kei chuan khawvelah hian uisa ei hnam anga lar ai chuan eilo anga lar ka thlang zawk,lo ei thin pawh ni ila.
Report this comment
November 4th, 2008 at 1:48 am
Thaiboy i thil post khi tha ka va ti tak em…tlar tin ah khian ka amen ee.
Report this comment
November 4th, 2008 at 2:39 am
Mizo hi chu a tlangpuiin, engkim mai kan buaipui apiang ah mai hian kan extreme bik deuh zel hian ka hmu thin. Pathian thu ah pawh…. isisrael pem ngai hiala in ngaihna te, pawl neuh neuh kohran kher lo pawh a kan ngah zia te hian nihna neih kan duh zia…mi chunga len chakna…hnam chapo/intithei (engvak ni mang silo hian…a hnam a en chuan!) sum ah pawh… duham avanga midang chhiatna tur pawh ngaihtuah peih lo khawp etc…. Kan hnam kan tlem ang hu hian kan nep thlirh thlerh teh ania…chhut chian leh kan tenawmna ahriat chian a….kan pungkhawm tam leh hmelchhia kan tam bawk. hairehai
Report this comment
November 4th, 2008 at 2:40 am
punkhawm*
Report this comment
November 4th, 2008 at 8:35 am
Ziak tha khawp mai ka chhiar zo vek lem lo na a chu. I ti tha e!
Report this comment
November 4th, 2008 at 10:48 am
Mizo te hi bumna ngaiah vawi 10 kan bum theih a nih awm hi.A hlawk bawk sia dan dik tak,risk awmlo chu ni se vai mihosa ho khuan crore sang tel tel in an dah anga tunge risk sang lutuk Stock Exchange,Mutual Fund etc etc ah dah duh teh lul ang ni.Sum hi chuan min lo dawi a thei chiang a ni.ZU leh DRUGS aiin ‘TANGKA SUM NGAINAT’ hi sual tin reng bul chu a lo ni e,a ruih a na tiah tiah em mai…
Report this comment
November 4th, 2008 at 12:52 pm
hv ni e tiro,khitiang vang khi a nia nge,israel ah te kan pem a,USA ah te dan lo deuh hlek leh dawt hmang(burma refugee)te a kan pem sup sup ni.
Report this comment
November 4th, 2008 at 4:21 pm
hnam hmelchhia kan ni hi ka in ti phal lo reng reng keichu, chinese ho hi keini ai chuan an hmelchhia ka ti fee zawk
Report this comment
November 5th, 2008 at 11:00 am
A thra hle na in, thil pakhat – Mahni mimal nunah pawh sawisel ngaithei lo lutuk, in zahpuina nei lo lutuk ho hi an in develop/improve thei ngai lo. Hnam ang pawhin chutiang tho. Mizo nih chu kan thlang hlawm hle in ka hria, nuam pawh kan ti hlawm, mahni hnam zahpui ngawih ngawih chu kan tlem viau ang. Mahse zahpui tur a awm chuan zahpui ngam tu kan mamawh zawk. Zahpui tur pawh zahpui ngam lo a kan nihna ni miau alawm ti tlat hi kan tam vang hi niang kan la hnuaihnung emmm emm reng tunthlengin.
Report this comment