London khaw laili lai taka awm La Porte Des Indes restaurant menu ah chuan MIZORAM tih a lo awm ve a, he restaurant awmna hmun hi Oxford Street bul lawk ah a ni a, Blue Elephant restaurant peng pakhat a ni, Indian restaurant a ni a. menu kan han en a soup zingah chuan MIZORAM tih han hmuh kha nuam ve khawp mai. Pu Chalngura Jahau khan a lo telh tir ve tih a fanu in min hrilh a, a fakawm khawp mai.
A restaurant hi a changkang hle mai a, khawvel milar ho pawh an lo kal nual tawh mai a,an thlalak te an lo tar hlawm bawk a, chung zingah chuan Will Smith ,Keira Knightley, Morgan Freeman, Aishwarya Rai, Sunil Shetty, etc. te pawh an tel a. MIZORAM chu starter atan kan chah ta ngei a, a tui khawp mai.
An zu menu ah chuan BOWMORE 1957 tih a lo awm a, a man chu bottle khat pound 4005.00 man a ni daih mai. Glass khat pound 191.00 a ni thung. A to kan ti deuh a, kan in ta lo mai.
.
Similar Posts:
- Mizoram Photo Exhibition cum Sale
- ‘mini MI’ rawt thut a ni…
- Khawchhak lam fan
- Leilet i thlir zuai ang u hmiang.
- Mizoram State Calendar 2013 ami tur thlalak a thehluh theih e!
March 1st, 2009 at 5:02 am
Mizoram soup pawh chu ava to ve maw le. restaurent tha tawk bawk ani maw?
Report this comment
March 1st, 2009 at 7:33 am
satinmana, a lawmmawm letling hle mai. Favor ka dil duh che… Chalngura kha Zahau a nih a hria em le aw…. lo zawt teh a… Henry Vangchhia, Mankebaia nau fapa… ka ni e. Jahau a awm lova, Hanner a awm hek lo, Colney a awm bawk lova, hnamdang hriat theih tura ziah nalh tum angai heklo. An last name pronounce dan kan zir ang tho hian kan last name emaw, kan hming hi an chhiar thiam angai ve ani mai. Pawi/Lai hnam Zahau hi Jahau a ni ngai love. no offence intended, just trying to be patriotic.
satinmana,
Zahau tawng athiam chuan tihian ka tih thu lo hrilh ta che… Mizo sinak kan fiang kei uh… tih hi.
Report this comment
March 1st, 2009 at 8:04 am
Jahau Zahau Jhahow Yahou 100hau pawh tise pawi i ti lo ang. An hming ziak an duhdanah hian freedom nei se a tha. Litrature ah erawh Zahau a dik
London ka kal tumin keipoh he restaurant ah hian ka kal ve ngei mai a, mahse he an menu hi ka lo hmu fuh lo hlauh satinmana i titha e.
Report this comment
March 1st, 2009 at 8:45 am
Tunlai mitam zawk hi chuan Zahau in tih a ziahaiin Jahau tih hi an hmang nasa zawk tawh mah in ka hria.Chutiang bawkin Kawlni pawh Colney.
Report this comment
March 1st, 2009 at 9:23 am
Chi leh kuang chu hriat hi a tha a, mahse hei hi kan tetna lai a ni ve bawk. Western ram te, Asia rama hnampui te hi chi leh kuang ata chhuakin hnam lian an ding tih kan hre kur si a, chi leh kuang sawi sawi hi bansan a hun tawh a ni.
Report this comment
March 1st, 2009 at 9:47 am
Chi leh khuang hi tun ai mah hian kan ngai pawimawh a tulin ka hre ve tlat. Ka family name a nia ka hriat chian a poawi mawh, amarawh chu in lakhran leh in terek zawngin awm lo i la.
Report this comment
March 1st, 2009 at 10:02 am
A van tui hmel ve, mizoram restaurant ah hian Mizo chawhmeh eitur hi a awm ngai lo reng reng, bawngsa, vawksa, arsa kan tih hi ani deuh hawl maia . Rampawn restaurant ah chuan Dilli Haat , New Delhi ah khan mizo bai chu an siam thin, a van tui tak em.
An Zu man khi a to uchuak ka ti lol, Supermarket a Alcopop leia duh tawka in pawp pawp hi a lo nuam ber anih hi. :mrgreen:
Report this comment
March 1st, 2009 at 10:07 am
Mizo ah an ingaih chuan, Kawlni an awm, Colney erawh an awm lo, Vanchhawng an awm, vanchong erawh an awm heklo…. JAHAU ngat phei chu ham upa an ni…. Chalngrua hi ak hria…. in hmu ila, sawi tur kan ngah khawp ang… Jahau hek lo le. Lai ah pawh Falam leh Halkha aia ka thiam zawk tawng hmang (Zahau) a ni tlat mai le.
Report this comment
March 1st, 2009 at 10:27 am
Mizoram Arsa Soup chu e, Arpui thau tak, buh tlemte nena chum tawp, A tuihang tui tak kha a ni a, khitiang khi a ni lo reng reng. Counterfieting a nih khi, ka sue dawn. Mai mai….. min va hmusit ve a….
Report this comment
March 1st, 2009 at 12:24 pm
HV i literature mah mah. rinaiin aizawlah poh kulikawn val ngat trawng peng i lo thiam hnem mai. ka awt ngawt mai che. mahse mi tihdan hi i sel lutuk lovang u
Report this comment
March 1st, 2009 at 8:09 pm
Vai dawr ah Mizo dish a awm alo…. het sala… UN hnen ah complain tur a nih chu…
Report this comment
March 1st, 2009 at 8:49 pm
Paltan bazar a ‘shillong hotel’ menu ah pawh ‘baksha’ tih hi a lo awm ve a..kan han zawh chiang a, ‘vawksa’ tihna lek chu lo niin..
Report this comment
March 1st, 2009 at 9:19 pm
Jahau tih hi a diklohna ka hre hauh lo mai, Mizo Alphabet ah J a awma, kan hmang ngai mang lo, mahse a hmang tangkai thiam in an hmang hi a dik thlap ka ti ve tlat :mrgreen:
Colney erawh hi chu a diklo in keipawh ka hria. Mizoin C leh Y kan neilo tlats.
Report this comment
March 1st, 2009 at 10:00 pm
Pu Chalngura Jahau chu avan ti tha ve! Ni e, an Zu chu, Aryan -a pawn to a tih chu a to khawp ang !
Report this comment
March 1st, 2009 at 10:49 pm
Lungleh tih a nih lai atang daih tawhin ‘Sanghlira Colbert’ ka hria; official-a a intihngheh tawh avangin a put hlen a ngai ngei ang. A lo COLBERT tak viau avangin a Mizo nihna a bo chuang lo. Pa fel, zirna lamah pawh Mizo zinga thangchhuah hmasa pawl a ni. Kawlni pawh COLNEY an lo inti a nih pawhin an duh athu a ni mai! Trhenphunga Sailo pawh Brig T Sailo a ni a; a ni hlen ta mai! Atira kan hming put hi chu mi min phuahsak a ni tlangpui; a hnuah mahni ngeiin tihdanglam kan ching … tin, mi hmingah hian thu kan va nei vak lo.
Hming zawng zawnga hming chungnung ber “Yahshua ha Massih” hian tihdanglamsak a hlawh hnem ber … hnam tinin kan awphawi milin kan vuah danglamsak vek a ang e.
Jahau-a pawh, Zahau a nih thinna College-te pawh Aizawl College a nih thu a lehkhabu ziak “Ka Hlawhtlinna Rahbi?” a tih kha ka lei ve ngei a; ka chhiar nual.
Police Record-a hmingchhe tawhten hming an inthlak duh chawk. Pu Laldenga pawh khan ‘hming dang’ a ngah an ti tho! Sahim nan an mamawh hun lai a awm ve thin.
Sterling Pound 6.50 chuan Mizo Soup ka hawp pha ve dawn hauh lo mai! Min khilai chakte in awm chuan … ka lawm khawp ang!
Jahau chuan a tukkhum sam a la trawn kawh ngeuh ngai em? Khawzawl thlanga Tuisenphai-ah khian a lung phun sang pui pui ka han hmu ve a; Tuichang lui chhak Khuailui khaw te reuh te chhak lawkah khian Huan zau pui pui a siamte kha —a kalsan rih em ni?
Huan-thlai lama tui tak tak Zonu leh Zopate kha a kawi khawm teuh khan ka hria a … an la phur tlangin, an la thawkho zui tak tak em? Huanthlai enkawl lam aiin London-ah Mizo Soup zawrh hlawk a ti ta zawk em ni?
Report this comment
March 1st, 2009 at 10:54 pm
Pu Chalngura Zahau chanchin hi hriat chian a va chak awm ve le. please in a website ah chhiartur te a awm em le? please in
Report this comment
March 1st, 2009 at 10:57 pm
pcmemory chalngura ai chuan kei hi min ngaisang zawk rawh, i ti fuh zawk ang
Report this comment
March 1st, 2009 at 10:59 pm
Chu te chu hriat sa a lawm hahahaaaa 5* awarded 2 funny
min lo thawn vat mai teh heheheee
Report this comment
March 2nd, 2009 at 1:31 am
pu chalngura chu london lamah a zin zeuh2 tih loh chu a awm ta meuh lo a,mahse blue elephant ah khan a khaipa te zinga mi a lo nih thin vang khan soup hming pakhat ah mizoram tih a lo dah tir ve ni awm tak a ni,a siam dan ah pawh mizoram a kan siam dan nen a in ang lo a(a ingredients a a lan dan in),’mizo soup’ tih pawh ni chuang lo in,soup item zingah khan ‘mizoram’ tih hming kha a dah tir ve a ni mai a lawm.a ti tha thlawt.
Report this comment
March 2nd, 2009 at 4:50 am
funny– kan chawikang ang che… lolzz
Report this comment
March 2nd, 2009 at 8:41 pm
Bowmore chu a va to telh telh ve leh. Kei chu ka wine in hnuhnung ber pawh Vinho Porto-Karbi Anglong a siam a ni, chumi hma ami chu Hnahlan an tia, a thlum vur a, khawlum hnuaiah lu a tur ut ut, chuting vel chu ka ni keizawng. Pu Chalngura hian ama restaurant ‘Blue Elephant’ ah ngei mai min ‘treat’ tawh, tui fu ni ! Mizoram soup a awm hrim hrim khi lawmawm ve ka ti, ‘Mizoram’ chanchin sawi tan nan pawh tha khawp ang chu a hre lo te hnenah. Kawlni leh thil dang chu ka sawi lovang mahse ‘J’ chu Mizo A Aw B ah hian a awm ve miau mai a, ka pawm tho mai. Tripura a kan Mizo unaute awmna tlangdung pawh Jampui tih hlira ziah a ni. Pu HV-a hi tawng/dialect hrang hrang i hriat hi mawle, thim ve teuh ka duh ania-min zirtir ve teh. Pu Lalchhanhima Zofa lehkhabu Zo hnahthlak tawng hrang hrang a ziahna kha i nei te chu a ni em lo maw zawka?
Report this comment
March 2nd, 2009 at 9:13 pm
A rate chu kan awmlai nen chuan dang ta hlawm hle mai a!!
Report this comment
March 3rd, 2009 at 2:05 am
@chawngilh Pu Colbert-a chu student an nih lai 1950s vela Mumbai thlengpha mizo an tlemzia a ti ti ka ngaithla a. eheu ka ti. khang hunlai mi te tumruh dan kha sawi tham a awm. ka sawi duh zawk tak chu kolkata house ah mithi kan nei thut mai mikhual ho khuangpu tur kan awm lo Pu Colbert-a hian a lo thiam raps. Zopa tlukloh rimnam chu a ni ngei mai.Sap hming put te hming ziak dan te hi awmze nei deuhin ching ila. Last name neih loh avanga passport siamthat ngai poh ka hre nual mai
Report this comment
March 3rd, 2009 at 5:57 am
MIZO nih nuam lo ti hi kan awm ka ring lo…Nimahse engatinge mizo te hian mite thil tih tha ni a an ngaih mizopuiten hmuve se ti in chhuang takin an rawn post a,E khai avan lawmawm ve tia in lawmpui aia insawisel kan chin fo mai ooo.England ram ah London khawpui ngei ah Pu chalngura hi He restaurant ah hian alu ber pawl alo ni thei thin ringawt pawh kha Fakawm tak ani,Chutah chuan,An Menu ah “MIZORAM” tih kha a rawn dah a.Mizoram lo hre ve tan chuan nuam ve deuh asin…Zofate hian mizoram hi kan chhuang ani tih hriat nan kan theihna apiang ah tih lan nachang hria ila thil tha zawk ani lo angem ni?Thingtlangpa pakhat Aizawl zin pawhin AR Lamual ban ah ahming meihawlin aziak Rang ngawt ai chuan …Mizoram tih Ramdang Menu a lo lang hi a mawithlawt in ka hria,,,
Report this comment
March 3rd, 2009 at 6:15 am
Mizo te hian,Surname hi…Mizotam tak chuan kan passport ah te dahna chang kan hriat thin loh avanga harsatna tawk kan tam ta khop mai,Firstname Surname ah te kan hmangkawp vel ta mai mai thin…Heng kan thangthar tam tak Surname dahnachang hrelo te hian Nupui pasal an la rawn nei ve ngei anga an faten an surname kha an hman ngei alo ngai tawh dawn si a,A biktakin ram dang ah hian chuan neih ngei ngei angai si a.Inchhir tak tak leh pawiti tak tak kan la awm dawn chauh ani,,,Chutiang deuh chuan Vangchhia in a rawnsawi ang khian Chalngura fate chu Jahau an lo nih ve zel alo ngai dawn ta ani,Fimkhur atha hle in ka hria,mahni chibil insiamchawp kha chu afuh vakin ka ring lo…Mizoram ah chuan kan ngaipawimawh lo ani thei e,Sailo tlang val khan sailie lo ti tase …Sailo anihna abo ta anih chu,Surname hi chu phuahchawp loh atha khawp mai.Firstname chu engapawh kan in phuah ani thei e.Unau pawh passport ah Surname a in an loh chuan Hnamdang chuan min nuihzat miah lo Bumhmang amo an lo ti tawh mai ang che,Rinhlelh i kai mai ang…Surname a in an loh chuan sawifel chhung areikhawp ang le.Pianna nu leh pa thuhmun si SURNAME dang ta daih chu amak kan ti em??
Report this comment
March 3rd, 2009 at 7:02 am
A chanchin website a awm ka hre lo, mahse khual thuthang a kan hriat dan chuan Delhi a a zir laiin Belgian mi a tawnga chu mi te tanpuina chuan Belgium ah amah sponsor tu te Restaurant Blue Elephant ah a thawk a, chuta tanga lo “hlawhtling” chho ta chu ani awm e. Sap nupui a nei a, a thena, Mizo nupui a nei leh a an ti. Chuan Mizoramah eng eng project a maw a siama mi hlawhfa in a ruai thin a, a then chuan a tangkai pui fu ani awm e.
A chanchin kan hriat hnuhnun ber kha chuan Calcutta ah India rama a visa a overstay vangin hippie pakhat nen Police in an man a, an lock up tih thu kan dawng. ( Indian Citizen ani tawh lo ani awm e) :mrgreen:
Report this comment
March 3rd, 2009 at 8:25 pm
Duham chu chan na ani..
Report this comment
March 29th, 2009 at 9:45 pm
A tha vek e
Report this comment