Pu Zira thusawi tawi te

February 28th, 2009 11:52 am by Arch

Vawiin February ni 27, 2009 khan kan sawrkar hotuten Vana Pa Hall ah Group A officer te kawmna/fuihna hun an hmang a, thu tha tak tak an sawi. Ka farnu, ka nau a kal ve a Pu Zira thusawi mi hrilh chhawn leh chuan ka beng a ti hawng viau mai. Ti hian a sawi a ti – Kan khawchhak unau te rorelna dik lo do a bei te tan Mizoram hi kan hawng hle a, an duh a an sahimna atana an awm nan hian kan phal hle a ni a ti a.

Amaherawhchu ‘crime rate’ en hian thilsual ti te zingah hian tiau ral lama kan unau te hi an inrawlh tam hle hi chu a pawi a ni. Democracy ramah in rawn awm a, i duh duh a pawi khawih a, sualna hrang hrang in rawn ti hi chu a dik lo a ni, thilsual tih vanga man in awm a nih chuan Mizoram jail nilovin Burma sipai sawrkar kutah kan hlan tawh ang che u a ti tiin. Misual.com ah hian Mizo chungchang te, kan kawmchhak lama kan unau te chanchin leh a kaihhnawih hrang hrang kan sawi hnem ta hle mai. Engpawhnise Pu Zira thusawi hi thui takin ka pawm hle, hmanni lawka kan debate vakna te pawh kha a rawn zawm ni te hian ka hria. Kan ram himna leh a enkawl hna hi mi tha leh huai te kuta a awm chhoh kan beisei ve ringawt phawt mai a ni

128 Responses to “Pu Zira thusawi tawi te”

1
Jaan Says:
February 28th, 2009 at 12:27 pm
Kan Home Minister, Pu Zira hi kan politician te zingah chuan ngaihsanawm ber niin ka hria. Eptu pawl MLA a nih lai ata sawrkar tihdik loh auchhuahpui tam ber leh mipui thlavang hauh thiam ber kha a ni a. Tuna hmalak a tumna pawh hi mipuiten theihtawp chhuaha kan thlawp a tul hle ang.

Suahsualna chungchangah Mizote hi Pathian nung bia kan nih avangin hnamdang lakah chuan kan ziaawm viau a sin. Mizo pa thinthawk kan tih chuan hnek chawrh, tlawm hma chu insual, vuak thluk tawp bakah a chhe berah pawh chem tuma sah leh hreipuia cheh nghek a ni thin a. Hnamdang ho chuan hrawka zai, lua perek sei khen luh, chem zuma invih hrep, na tuar rei tura in sawisak, inrin loh lai taka emaw hnunglam atang emaw inbeih thut te an ching a. Han ngaihtuah vang vang hian mizo kut tuara thihna thleng ai chuan hnamdang kut tuara thi te thih dan hi a rawng zawk zel si a. Suahsualna punlun zel ven nan chuan mizo hnam pumpui kan tanrual a ngai niin ka hria.
2
caribou Says:
February 28th, 2009 at 12:29 pm
MNF sorkar laia thawm nei na ber chu Pu R.Lalzirliana kha a ni a. Amah ah hian mi tam takin rinna an nghat ngam niin a lang. A thusawi te, sawi liam satliah mai mai lovin, a takin thil ti ngei thin turin duhsakn ka hlan e. Khawchhak unaute chung chang ah chauh nilovin ram chhung inrelbawlna leh police officer te’n an hnuai ami te anmahni personal thil atana an chhawr thin pawh hi a tak takin ti tawp rawh se.
3
d0n_vit0_c0rle0ne Says:
February 28th, 2009 at 12:39 pm
Khilam ho khi chu an buaithlak deuh chu ani.. keichu hnawk ka ti khop mai khilam unaute khi chu… in tlawhpawh tawn lo mah ila ka poi ti eih lo..
Tlanchhiatna a hnai tih an hria a, thil hi engmah poisak an nei lo.. An ramah lah hian an la intran hlom em² zui an dikloh na ah poh hian… an ninom topz!
4
Mega Ohms Says:
February 28th, 2009 at 12:43 pm
He thu hi a fuh lutuk!!! Kan khawchhak unau te (mizo nih duh miah lo, mahse mizo hnahthlak in ti a, pangchang em em si te) thil tih sual tam tawh zia en hian Burma Jail ah thawn zel tawh mai se la tih hi mimal tak pawh in ka duh na a rei tawh a. Burma Jail a an tan chuan riltama chhawr hlum kha an hmabak tur a ni mai a, engvangin nge thilsual ti tur hrim hrim hian mizoram an rawn pan reng tawh bik ang?? ka ti ve a ni e.
5
Mega Ohms Says:
February 28th, 2009 at 12:48 pm
Hemi tum tho a CM Pu Hawla thusawi pawh kha a fuh an ti viau hlawm in ka hria a, hrechiang deuh te in lo awm em? Sawrkar hnathawk tan chuan nawrh mai mai ngam chi pawh a ni dawn lo ve an tih kha??? Hre chiang deuh in han sawi kai teh u…………..
6
Gishmen Says:
February 28th, 2009 at 1:47 pm
Arch chu tho hma ve…! Khilam chhhuak thilsual ti te hi chu Mipui court-ah hian death penalty hi pe hmiah hmiah mai ila, kan tihlum tam hman miah lovang ( a rum deuh em aw?) bakah, Burma Sipai ho hian ramdanga pawikhawihte hi an chawm thlawn peih dawn em mawnile? ka ti
7
Pui-bawiha Says:
February 28th, 2009 at 2:19 pm
Keini khi lam mi tan chuan comment tur a va vang duh ve aw. Khi lam mi ka ni si a min tim ve zek mai ang tih ka hlau hlel lo ve.

Pu Zira chuan a sawi tha khawp a lawm. Misual na na na chu danin a man zel tur pawh a ni reng a.
Burma lam chin unaute pawh hian hnam anga kan in unauna hmachhuana duhdah taka tal pawlawh mai lo vin, geographically-a ram dang mi kan nihna te hre renga an ram dan leh dun leh nunphung te pawisak a tul hle reng a ni.

Zoram tan: ngawi renga ram chhunga rawn luta, inbengbela zoram zimte rawn chuhpuitu chakma te hi an tawrhhlelh awm zawk chu a ni.
8
tetea_tza Says:
February 28th, 2009 at 2:19 pm
Kan sawrkar thar hian hma han la tak tak teh se, Beiseina sang tak nen ram mipui ten kan lo thlir ani si a..
9
Khelawks Says:
February 28th, 2009 at 2:33 pm
Pu Zira chu a va sawi thra ve le. Kei hi chuan politician thusawi hi ngaiah ka nei deuh reuh tawh a..Trawngkam thiam taktak an ni fur hlawm tih chu kan hre threuh ang chu. A thawm chauh ni lovin a tak ngeia hmuh phawt loh hi chuan ka ngaih a la ngam zan lo chu a ni. Englekhawle, lo thlir zel phawt ang hmiang.
10
funny Says:
February 28th, 2009 at 2:56 pm
Pu.Zira chu a che fuh thei ngeimai amah hi pa tha tak ani ve re re.
11
H.Vangchhia Says:
February 28th, 2009 at 3:15 pm
Nia, Mizoram hi hremna a nep thei dir der lutuk a… Burma lam mi, Mizoram rawn sual te hi khilam ah pawh tuitla vaklo ho an ti bawk nen… midang pawn an rawn tih mualpho fo loh nan…Burma sipai kutah hlan hmak zel maise, an rawn sual vak vak duh pawh ka ring lem love. An ngal ah thir kawl an bun anga hard labor an thawk anga…. tlanchhiat leh na tur nei dawn bawk heklo. A fel te ho an ti hmingchhe reng reng….
12
wonderboy Says:
February 28th, 2009 at 3:35 pm
Pu Hawla thusawi :
1) Sorkar chhungah siamthat ngai a tam tawh luttuk a, siamthat beihpui thlak turin danin a kawng a zawh dawn a, palthluk pawla tang lo turin tute pawh lo insiam tha turin kan ngen.
2) Ruling party a rinawm turin kan sawm lo che u a, sorkarah erawh chuan neitu rilru puin rinawm leh taima taka thawk turin kan phut che u a ni. Rethei leh hausa kar zau tawh luttuk tihzia awmna atan NLUP hman a ni don a, a tum leh duh tan dinchhuahna kawng siam a ni ang.
3) Medical college, IIM & IIT te din tumin tanlak mek a ni. (hei hi chu ka awih chiah lo)

Pu Zira thusawi:
1) Hamthatna nawra tam chhuanga sorkar nek a sawt dawn lo a, sawifel zawh loh harsatna a awm lo.
2) Mi tha chu mikhual pawh nise kan duat ang, dan an bawhchhiat erawh chuan helaiah hrem lovin burma sipai sorkarah kan hlan zel tawh ang.

Pu H.Raltawna thusawi:
Officer te hi ruling party miten min hek an ching. Chutiang lo awih nghal ngawt lo turin minister te ka ngen e.

Pu Vanhela thusawi:
1)Central a sum haichhuah kawngah kan hnufum fal, computer te games khelh nan hmang lo a ministry website luhna atan i hmang ang u.
2) Hun vawn dik loh pawh suspend na tling a ni. Rinhleh kai, enfiah ngai reng reng kan suspend zung zung dawn a, a tawngbaw hmasa ah tan i tum lo theuh ang u.

source: vanglaini phek hma
13
funny Says:
February 28th, 2009 at 3:58 pm
Mizoram hi mirethei leh hausa inkar a hlalo ngawt zawk kati asin, vairam te ngaihtuah chuan.

A rethei zingah hian pawwr leh chapo hi antam mah zawk lehnghala, A hausa zingah hian in ngaitlawm leh mi fel an tam daih zawk.

A chhan chu mi fel leh taima/fing chuan pawisa an thawkchhuak tama anlo hausa mai thin, a rethei ho zingah hian taima lo leh mi fello hi an tam zawk. (eiru tihvel tiamlo in ) bakah eiru sawisel sawisel ho zingah hian dinhmun chuan zir se eiru ve mai duh tur hi tamtak anla awm zui
14
Aryan Says:
February 28th, 2009 at 4:45 pm
Burma Sipai kuta hlan ringawt se, Human Rights hnenah mizoram police nunrawn zia chu, refugee an man a Burma Sipai te sawisak turin Burma ramah thawn kir ti in an zual ko leh anga (CIA in terrorist ho Egypt, Syria, Jordan tihvela sawisak hrep tura an thawn thin pawh Human Rights in a sawisel nasat hi) , Human Rights Watch in mizoram sawiselna a rawn chhuah leh anga, YMA an thinrim leh anga, hma dang an la leh anga, Burma ho an zualko leh anga , Human Rights in a rawn sawisel leh anga, Yma an thinrim leh anga, hma an la leh anga , Burma ho in Human rights watch ah an zualko leh anga, HRW in a rawn sawisel leh anga, YMA an thinrim leh anga…….
15
funny Says:
February 28th, 2009 at 4:48 pm
Aryan sawi chu dik ve tho mai

Burma ah khian JAIL, a hming JEBET anit mawni a awma, an tang enkawl dan a turu ngawt asin (an sawi dan in)
16
islander Says:
February 28th, 2009 at 4:50 pm
Zira duhdan sual ho hi chu thon kir satliah mai lovin Rangoon ah nen lam an detail fax sela Burma jail a an tan ngei nan.

A fel ho erawh hi chu duat ila. Tunah hian Gr A poh an awm nual toh ania lecturer te Dr te Er te kan duat thlots. MLA nupui te poh
17
RDAC Says:
February 28th, 2009 at 5:05 pm
Pu Zira thu sawi chu a thra hle mai. Congress Bhavan-ah ka kawm ve hlauh tawh a, ka ngaisang khawp mai.
Tun trum Human Right Watch report a Amy Alexander-i ziak kha chu thil trul lo leh belhchian dawl lo a tel tam deuh a, a pawi ka ti khawp mai. Amy-i hi Harvard/Colombia University? (ka chiang chiah lo) a zir chhuak hlim a ni a, kum naupang te a ni a, a ‘junoir’ zia a lang deuh a ni.
Amy-i hi Chin Human Rights Organization (CHRO) in an rawih a ni a, Malaysia lama Chin refugee a buaipui thrina, tun trum chauh hi Mizoram lamah a kal niin ka hria.

Interview a tih laia ‘Chin’ ho chuan an ‘desparate’ luat vang emaw, hamthratna an duh luat avang emaw, emotional taka thu an lo hrilh a nih pawh in (e.g. killing a chin is killing a dog, tih ang chi kha) Amy-i hian a thil awmzia fiah taka a chik hnuah, a edit hnuah ziak tur a ni a, a ti pawi khawp mai. Mizoram mi sai loh keimah pawh hian ka duh lo nasa a ni.

Tun truma a report ziak ah CNF/CNA in Chin mipui a tih retheihzia a ziak treuh bawka, amah ruaitu CHRO pawh an lungawi lo nasa.

Nikumah chuan Amy-i nen kan inhmu tawh a, a remchan chuan amah pawh kawmin thil awmzia hrilh a thrat ka ring.

He HRW report avang hian unau karah buaina thui tak thleng lo sela tih hi ka beisei a, YMA lam pawh in puitling taka thu an ngaihtuah ka beisei.

“Sandman” blog a ziak (Amy-i a chhanna) kha ka chhiar veka,a ziak thra hle mai. A ziak kha a dik vek a ni.
18
H.Vangchhia Says:
February 28th, 2009 at 5:07 pm
An thawn hma in an thawn chhan etc kha fel fai takin ( ) a tul tul ah theh lut se… US a an tih ang deuh te pawh hian a theih ang chu. An sual hremna kha Mizoram ah han tuar zo phawt se, chumi hnu ah Burma ah thawn leh tur alawm…. Khitah tang leh se, an pian an in chhir rawng rawng mai lovang maw…
19
sonju_a Says:
February 28th, 2009 at 5:07 pm
A taka thil thleng ka hmuh hunah chiah ka fak ang.
20
H.Vangchhia Says:
February 28th, 2009 at 5:08 pm
pian inchhir hi an awm nual ania, an lo piang kher kher pawi ti ni lovin
21
Thirkut Says:
February 28th, 2009 at 5:42 pm
Aryan a sawi angin, khawvel mit a kan lan dan tur te chhut tel a tha. Chuan fair trial a awm thei angem? Nge ni police in an rinhlelh te an dah tawp dawn?

Mizoram judicial system hi enge a an le? Victim ten thil ti sual tu te an ngaihdam in court case te an waive tawp thin te hi a fair theih ngaihna a awm lo. Chhung te hmelhriat vanga ngaihdam te hi a awm duh lo maw? Chuti a nih chuan Burma a tang a pem chu an ngaidam tlem bik dawn si a. Chuan, ai-kal tih te hi… nge ni ai-tan kan ti zawk ang… Burma lam a tang a rawn kal te hi, Mizoram a mi in sum pe in an tan ai in an tan sak thin tih te kan lo hria a… Hetiang te a nih chuan kan jail a inmates hi 80% Burma mi an ni kan ti ngam tur a ni dawn em ni? Kan sawi thin dawn chuan “kan judicial system hi a fair lo viau nanga” tih disclaimer te sawi zel a ngai ang chu.
22
Mokkai Says:
February 28th, 2009 at 5:47 pm
Pu Zira chu sawi tha hle mai. Hetiang mi dik leh huaisen hi ka mi ngaihsan zawng an. Min bialtu MLA a ni leh nghal, a term thumna atan.
23
funny Says:
February 28th, 2009 at 5:51 pm
vawikhat chu a fanu ka riim tawh
24
Patriot Says:
February 28th, 2009 at 5:58 pm
Mob rule anga pawi sawi lo pawh vaihma ang kha a ni dawn lova chuvangin misual tualthahna emaw crime lian tham deuha inhnamhnawih kan thawn a nih ngat chuan Huma Right chu duh leh lo rak ve mai mai se a ni mai alawm. Human right activist nge an nih misual right activist tih hi thliar hrang ve deuh se a tha ang chu.
25
Thirkut Says:
February 28th, 2009 at 6:14 pm
Hman rights activist chuan misual rights te pawh, “human” an nih phawt chuan a ngaihven ve dawn lomni ka lo ti ve mai2 keimah engmah ni lo daikal lai a laptop hmang hian.
26
funny Says:
February 28th, 2009 at 6:15 pm
hahaha. Thirkut I e tlawrh mai animaw
27
Thirkut Says:
February 28th, 2009 at 6:26 pm
A fanu chu a hmel tha em ni?
28
funny Says:
February 28th, 2009 at 6:30 pm
ka sawi ten case an file palh anga sin vawikhat ka lenga ka sim (ka leng zui talo)
29
islander Says:
February 28th, 2009 at 6:58 pm
Social Activist ho po’n tuna misual Zira’n thawn haw tur a tih ho hi chu Refugee an ni lo tlangpui. Illegal immigrants refugee ho po’n an bula awmah an duh lo ang
30
triplestar Says:
February 28th, 2009 at 7:04 pm
Kan jail kan sawngbawl dan pawh hi a dik lo (kan la ti fan teh ang, comment dangah ka sawi toh) Misual hremna a ni lo, insiamthatna hmun a ni e chu e kha e..drug addict center ni se ‘hostel’ ti tein kan han sawi mawi sak vel..

Tan leh hreh ngawi2 khawpa kan Jail te kan siam hunah chuan Jail tang chhuak ten sual tih an sim hmaks tawh mai ang, tunah chuan an chhuah zan atangin thil sual an ti leh tran nghal mai zel a nih hi, kan khawchhak unau te (U naute pawh ka ti duh tawh dawn em maw ni chu le ;D ) te lah chuan mi tan ai tangin inhlawh nan te an lo hmang vei rawl nen Hui ha..

Ka han sawi tak duah nachhan chu Burma mi raltlan te, raltlan anga awm si lo, duh duha khawsa, duhleh sumdawng, duhleh mi rawk…a…ka sawi peih lo…Pu Zira sawi ang hian an ramah hrem turin han thawn chho sela an sim hmak mai angn ka han ti ve a ni e kei misual hian.
31
winning Says:
February 28th, 2009 at 7:35 pm
Sual sualin thungrul suh la, hauhna hauhnain thungrul hek suh u kan Lal Isuan a ti bawk si a, Kristian tha tak nih hi a va har dawn em? Mahse sual man chu thihna a ni-te chu a ti lawi bawk si a, kei Sipai bang ni ve lo hi ka bo tulh tulh mai nia Pu HV
32
chepahakhata Says:
February 28th, 2009 at 7:39 pm
winning i mail i check tawh em?
33
winning Says:
February 28th, 2009 at 7:45 pm
check tawh e Chepa, ka lo la reply hman lo che a, min lo hrethiam lawk..
34
chepahakhata Says:
February 28th, 2009 at 7:46 pm
ok no problem.
35
Arch Says:
February 28th, 2009 at 7:51 pm
Kan ram leh hnam tan thahnem kan ngai hlawm a, a lawmawm khawp mai. Nie unaute u kan ram hi rorelna dik leh fel hnuaia kan awm a tul ta takzet mai. Pu Hawla leh midang thuswi rawn tarlang te pawh in awm a, a lawmawm e, engpawhnise eng pary mi leh sa mah ka ni lova, mahse ka raam veina hi a tawp mai dawnin ka hre lo, eng party ber emaw chu ka la zawm ve maithei; chutihlaiin tuna kan sawrkar thar te hi an la phir vang nilovin an tum tak tak vang leh thil ngaihtuah lova sawi liam mai mai lo turin ka duh khawp mai. Heng te hi kei mi tlam te ngenna leh beiseina a ni e.
36
sonju_a Says:
February 28th, 2009 at 8:07 pm
‘A sawi tha hle mai’ kan ti deuh vek a, a hmaa kan ram hruaitute pawh a sawite chu an thiam vek ani lawm ni? A TAK TAK hi a pawimawh.
37
Viking Says:
February 28th, 2009 at 8:18 pm
A van sawi tha em em em..Khiti tak a thusawi-tha- thiam te chu hman hmanah khan Home Minister lo nih deih tawh tur a alawm
38
d0n_vit0_c0rle0ne Says:
February 28th, 2009 at 10:30 pm
@ 21 Thurkut, chhung te tih vanga in ngaih thiamna hi a awm lo Mizoram judicial ah hian.. dan chu dan ani mai…thiam chu thiam, thiamlo chu thiamlo ani mai… i hmu hmelhem mah2…Mizoramah hian mi dik tam zok hi chu an la om asin..
39
islander Says:
February 28th, 2009 at 11:45 pm
let’s wait and see the result
40
luliana Says:
March 1st, 2009 at 12:00 am
kan politician ho zingah chuan Pu zira hi mimal takin ka tan riau
41
funny Says:
March 1st, 2009 at 12:06 am
lulian fanu chhe vaklo a nei ania. ngaizawng la chhas quota in eng ehng emaw i ti thei maithei asin
42
mkima Says:
March 1st, 2009 at 12:16 am
funny- Burma Jail Hming JEBET saw engnge a awm zia??
43
funny Says:
March 1st, 2009 at 12:21 am
mkima: a jail hming kha JEBEt niin ka hria (ka chiang tawhlo), jail tang an enkawl dan chu rapthlak zawk, an chhawr hlum tawp animai.

vawikhat ka haw laiin, he jail a pathianthu hrilh thin tu an kawmna ka en a.
44
luliana Says:
March 1st, 2009 at 12:25 am
@funny : i chettlatna hnu a chet zawng ka ngam love

Champhai pa pakhat sawi ka la hriat reng chu, ‘Burma ram jail pakhat ah chuan chaw hi sailungvar (marble) nen an chawhpawlh a, thimthamah chaw thlan a ngai,’ a ti…tak tak maw?
45
mkima Says:
March 1st, 2009 at 12:26 am
rapthlak ve… ka hrait ve pakhat chu thir nen an ke ah an an hlungbet veka , kawngte an laih tir saw ka khawngaih tawp.
46
funny Says:
March 1st, 2009 at 12:28 am
lulian ka chettlatna techu, “kawizu leh hnute tui luanna” asin.

nula ka hmulo tih mai ania
47
mkima Says:
March 1st, 2009 at 12:31 am
UN ah ka thawh lai khan tunah Sweden ah awm SUKLA tiin ka ko mai Nula pakhat ram palai ni ve nen sawn kan kal alom, hnahah hian chaw an pe a, tho hian an ke pan a bom luai luai mai ani. labour camp ah sawn ani a. dam chhungin ti khian ani tawh maitur ka ngai tuah hian ka apik ani eee ..Funny..
48
mkima Says:
March 1st, 2009 at 12:33 am
funny Luliana kha hruai ve rawh i kal leh hun ah chuan… nuam a ti phian mai thei a sin…
49
funny Says:
March 1st, 2009 at 12:35 am
mkima: ti daih ila hriat chian che ka van chak ve

jebet chungchang te khi tihdan i hre mial lo maw, a rapthlak teh mai nia.. UN tihvel khawvel hriat mi NGO/pawl pawimawh ten an han tlawh lah hian anlo in veng thiam ve zela, an tang zinga la hrisel deuh te an pholang thin ni in a sawi kha rawngbawltu khan.
50
funny Says:
March 1st, 2009 at 12:38 am
mkima luliana techuan taang zinga chhelo deuh kha ania a melh leh dawn ni
a mit hi nula tana siam ni awm reng hian hmeltha hi chu an hre ve viau a..

51
mkima Says:
March 1st, 2009 at 12:40 am
funny– sawi teh suh an thu ruk chu file ka ngah mai.. mahse mi hi afal ah kawm tur hian sipai in an phal tlat lo alom.. a ruk ah mimal kan kawm chu a tam mai..amaherawh chu an man hnu kawm hi a har tawh khawp mai. sipai in duh duh ah an pawng sual te. keimah ni ngeiin a rukah video kan lak pawh a tam mai.
52
mkima Says:
March 1st, 2009 at 12:42 am
kei pawh hi man hi min chak khawp hian ka hria.. mahse India mi ka nih ve thlat si vang hian mi man thei lo ani mai.. chu ti lo chu nise funny JEBET ah chuan ka awm veng veng tawh ang mawle…
53
mkima Says:
March 1st, 2009 at 12:44 am
funny,,chuti lulian hi hmeichhe chei ila hmeichhe jail ah thawn i la,, nuam a ti zawk ang a..LOLzz
54
funny Says:
March 1st, 2009 at 12:46 am
haha. chuti anih chuan ngatinge khawvel hriat ah in phawr mualpho loh le.
55
ThaiBoy Says:
March 1st, 2009 at 12:48 am
Burma jail tang hnathawklai keipawh ka hmutawh, anthla lak ka tum a; a veng tupa khan an haw em em khawp a; la lui ngat ila chuan chuan min man ve duh hrim hrim ang. Mahse ka khawngaih lemlo, Burma Sipai Sawrkar ning inti ho hian Sipai Sawrkar loh nan hian tih takzetin an beilo riau a hriatna ka neive tlat.
56
luliana Says:
March 1st, 2009 at 12:49 am
chuti em em a rawp chu ka la ni bik lo ania
57
mkima Says:
March 1st, 2009 at 12:50 am
funny– i hre tur aten an hre vek tawh a lom.. ka la rawn thawn ang che.. CD pawh ka ngah mai.. UN report tamtak webside ah pawh i hmu thin ang , khingte kha kan lak mi pawh a tam ani aw…
58
mkima Says:
March 1st, 2009 at 12:51 am
oooplz. ka tih zawk a chu a hre tur a ten ka tih na,,,
59
mkima Says:
March 1st, 2009 at 12:53 am
funny– Khatiang hna te kha chu Isua hi ngai pawimawh lo ila ka chawl lovang mawle..
60
RDAC Says:
March 1st, 2009 at 12:54 am
JEBET awmzia chu (Kawl trong a ni a) “sweat camp” or “hard labor camp” a ni. YE BET emaw YEBET SAKHAN emaw tiin lam ri ila a dik deuh zawk ang.

Burma a an hman mek Burma Penal Code (BPC) khi Indian Penal Code (IPC) nen a inang chiah a, a chhan chu British ho in an lo siam a nih avangin. E.g. Pawngsual case chu BPC ah 376 a ni a, IPC ah pawh 376. “Cheat case” chu BPC/IPC 420. Murder chu 302 (A) or (B) so fort….

Burma ramah jail tang tura an convict chuan jail tang mai tur emaw jail leh labor camp a tang tur emaw in an convict thrin. Jail + labor camp tanga tura an convict te chu YEBET SAKHAN ah an thawn a, hna hahthlak tak tak an thawh tir thrin a ni. Burma ah chuan jail pangngai mah khi a hrehawm a ni a, YEBET phei khi chu rapthlak tak a ni a, thih phah pawh an tam. Burma ram pum ah khian YEBET hmun 40 chuang a awm. India ram hnaih ah chuan “55 mile hmun (Tahan leh Tamu in kar) leh Tamu kianga khaw thar an dinna hmun a YEBET te khi a lar pawk a ni. Means jail tang an dah tamna an ni.
61
mkima Says:
March 1st, 2009 at 12:59 am
RDAC.. MINCHIAN JAIL i hria em tui lai tak ami kha, ka thian a rawn chhuak thei a sin.. ni 3 leh zan hnih a hleuh chhuak.. lawngnen dam chhung tang tur an dah kha a ni a… pui bem bem asin
62
mkima Says:
March 1st, 2009 at 1:01 am
A ril a tram lutuka, buhfai bag ah buhpawl a thun khat a, chuan hotel ah chaw a ei a, chuan hotel nei tu hnenah ka thil hi he tah ka dah lawk aw.. a ti a a kal bo vang vang mai a ni.
63
elcee Says:
March 1st, 2009 at 1:13 am
chuan Mizorama thil sual rawn ti te chu “Khilam unau” ti chung zel in khawvel mithmuh a nunrawng em em Burma sipai in an chhawr hlum thak thei a ni tih hre reng in thawn chhoh hmiah2 mai dawn tihna a ni maw??

A then phei chuan death penalty pek hmiah2 te in lo duh a??

Thilsual ti tu te hi ka tan lo, mahse.. kan thil thlir dan hian kei chu ka tah a ti chhuak
64
mkima Says:
March 1st, 2009 at 1:15 am
Elcee@ trap lo hramteh kan tuar tlang anih hi ….
65
mkima Says:
March 1st, 2009 at 1:20 am
Bible ah Ragili chu a trap thin a hnem theih an ni ta lo , a chhan chu an fa te Aigupta ram ah an thivek sia, mahse lalpa aw chuan trap lo tur in i aw sum rawh i thil tih in lawmman a nei dawn e, mahni ram ngei ah an lo kir leh ang a ti kha..
66
elcee Says:
March 1st, 2009 at 1:24 am
mkima! @65 chu a awmzia ka va hre thiam lo e..post ngaihtuah hian..han sawifiah deuh teh
Patriot MISUAL pawh HUMAN tho !!
67
RDAC Says:
March 1st, 2009 at 1:30 am
mkima… MINCHIAN (or MYIN GYAN, Kawl ho ziak dan in) Jail ka hria. Irrawaddy lui kamah, central Burma ah a awm. Ka pa kum 2 atang tawh, politics avangin (1972-1974). Kei chu ka tang ve lo :):)
68
islander Says:
March 1st, 2009 at 1:38 am
Mosia Thusawm pek a HEK tih kha thudiklo mahni advantage atana phuah a mi chanchin thehdarh HRW in Mizo te min puh mek dan hi HEK chu a ni. Zofa la na lo kan awm dawn em ni. Let’s wait the result
69
Khelawks Says:
March 1st, 2009 at 1:40 am
@elcee, misual hi mihring tho chu an ni. Mahse, an mihringpuite chunga rawng lutuk ang chi hi chu mihring pawh ni se hrem hrep tur..Post khi chhiar la, misualte chauh thawn haw an ni ang tih a nih khi, jail tan duhlo te chu thra takin awm se a ni mai. Kan inkhawngaih zel chuan sual a punlun lutuk ang e.
70
mkima Says:
March 1st, 2009 at 5:27 am
RDAC — ka hre lo le i hre phian mahna… ka thianpa a rawn chhuak thei a mak kan ti ani .
71
mkima Says:
March 1st, 2009 at 5:29 am
Elcee– mihring reng reng hi kan mit tui hi a far thlawn lo ka tih na mai ani e…..thudik ah a far anih chuan malsawm na ani.
72
Thirkut Says:
March 1st, 2009 at 8:53 am
“Mizoram judicial ah hian.. dan chu dan ani mai…thiam chu thiam, thiamlo chu thiamlo ani mai” — hahah… denial ropui tak a nih chu. Police in “mi lian” fa leh mi rethei an en dan a in ang lo re re.
73
beethugs2 Says:
March 1st, 2009 at 1:24 pm
Thu chauh,hla chauh…thu tha tak tak te chu Politician te chuan an sawi vek alawm…engmah result awm lo thin hi ani reng alawm kan buaina chu..Pu Zira te pawh an thatna em em ala awm lo hrim hrim,,,mi tih ang bawk an ti a,tlemin an in sawi pawr deuh ani ve mai a..han thlir zel ila,a la hriat mai ang chu le…
74
beethugs2 Says:
March 1st, 2009 at 1:30 pm
JEBET chu ka Pu pawh a tang tawh…an rama thil ti thei deuh te ka pu thian ten an lo hria a,sum tam tak pe in an in tlan chhuak hram..hlauhawm lutuk…kei pawhin an Jail tan lai chu ka hmu ve tawh…Kawl an bun tir a,an kawl bun tir lah chu rih hmel em em leh nghal..hna an la thawh tir hrep zel zui,damlo,awm nuam lo tih vel a sawi theih loh,an chhawr hlum thak zel an tia lawm…:(
75
islander Says:
March 1st, 2009 at 3:34 pm
Mizo mipui te leh NGO leh Church leader te hian foreigner misual hi ngaidam ta zel sela chutih rualin bonafide citizen te punish si sela kan va dem awm ve. Zira hian Amosa 5:24 hi a zirchiang niin ka hria
76
funny Says:
March 1st, 2009 at 6:44 pm
mkima: thian damchhung tang tura convict i neia maw.! nang pawh hi i sual reuh phian ang a
77
Thirkut Says:
March 1st, 2009 at 8:07 pm
@75, khawnge ni… Foreigner misual ngaihdam tur a citizen cheuh punish tur tih te an rawt alo?? An va mawl ve…. khawi coment nge ni…. kan hau teh ang…
78
caribou Says:
March 1st, 2009 at 10:01 pm
In sawi khawngaihthlak vak a tul em ni? Thil tha tihtur tam tak a awm reng laia, anmahni lo mikhuala lo dawngsawng tu chunga thilsual ti duh tlat te chu hrem mai tur alawm. a enga maha hmaa lo helh viau te chu a dik nang. Kan ramah an chen chuan kan dan an zawm tur ani. An zawm thei lo anih chuan… an CHO tihna ani mai.
79
chawnghilh Says:
March 1st, 2009 at 10:09 pm
VC inthlanah Congress-in a hui thahnem viau va; mipui pawhin an bawr deuh sawt niin an inngai ang … Rev Chanchinmawia chungchang erawh kha chu Inthlan leh dawn hun atana khek-khal chi a ni tih pawh hai lo tur an nih a rinawm …

Hetih mek lai hian mipui rilru hip thei ang ber tura THU THIAM chu Ministry chelhtu ni bawkte khian an tum hle ta ve ang. Rei loteah MP thlan tur a ni miau! MP inthlan hun hma hian JEBET-a vawm luh tur an awm hman ang emaw chu! Vaupum tha tak zawng a tling rih e.

Opposition leh Thingpui Dawr titi-ah pawh Pu Zira aia sawi thiam chu an awm tho vang tih ring ngam ila … Kum Thar vuakveka Halpuah hal loh tur tihtirtu khan Magistrate-te thuchhuah tawh pawh a’n sut ngam leh ngat a … thunei tak chu a ni!

A thusawi tha tak kan tih huai huai hi tha tak tak a nihna tur chuan FIRST VICTIM-ah thlir phawt ila … JEBET-a han dah mai turin MoU engnge an lo duanlawk tawh le? “Tuirial lui dunga changel,” tih mai mai pawha mipui lungawi dual dual kha kan ni a; mahni hun theuh zelah hian min thawi lungawi thiam Politician hi chu kan haihchhamin ka ring lo.

Vaupum a nih rih chhung hi chuan AWIH LOH chana chan ngam a ngai a … Politician-te pawh hi an mawnga kan hiah a ngai ve alawm!

“A ti tak tak chuang lo vang,” titute chuan kan BOO khum rih mai ang a; “a ti tak tak ang,” titute pawhin INCIDENT hmasa ber atangin thlir chiang mai bawk ila! UTOPIA hi a ngaihnawm ve tho; TAK TAK ram kan mamawh si!
80
sekibuhchhuak Says:
March 1st, 2009 at 10:19 pm
Pu Zira pawh hi a MLA hma daih 1998 vela, Durtlang Vengthar a, Remand Home, ( Social Welfare Dept. ) hungna bang ( fencing ) a siam ( contract ) kha chu a chuti teh lua bik lo angreng !
81
mkima Says:
March 2nd, 2009 at 3:18 am
funny .. thian tang tur kan neih chuan kan sual vek tihna em ni… a tan na chhan pawh mi zawt thlek si lo hian,,, misual ka ni lova misual zingah rawn tel mi tha ka ni ee.lolzz
82
funny Says:
March 2nd, 2009 at 3:21 am
mkima: i CD chu ka en chak hlemai. internet vel atanga in rawlruk dan te a awm lo maw
83
funny Says:
March 2nd, 2009 at 3:22 am
mkima, anih chuan kel zinga beram ang i ni maw
84
mkima Says:
March 2nd, 2009 at 3:46 am
funny eng CD chu maw i en chak?
85
mkima Says:
March 2nd, 2009 at 3:49 am
funny burma ah kan kal navel kha anih chuan nilai ni velah ka rawn post ang, tuna hian inkhawm kan bang chiah a, inah ka awm lo biakin office ah ka awm. mahse kan tih chhuah thin tawh hnu ani ang a, kanla tih chuah loh kan hotu ten an la kawl ani..
86
funny Says:
March 2nd, 2009 at 3:52 am
ni e, lo post teh misua dang ho pawhin an hmu ve chak ang. mahse an mahnin lo hmu leh se a offensive angem aw.. han post em atan chuan
87
mkima Says:
March 2nd, 2009 at 3:57 am
funny….kan tih chhuah thin kha chu, anmah ni phalna kan hmuvek tawh a, chuan a tam zawk chu ramdangah an awm tawh.. mahse tih chhuah ngai loh kan la nei ani. monk ho an tha vel khan ka bang chiah tawha a thar chu ka nei lem lo.
88
funny Says:
March 2nd, 2009 at 4:06 am
anih chuan lo post rawh. ka en chak ltk hi ka za zek zek tohmai
89
mkima Says:
March 2nd, 2009 at 4:21 am
funny — nia nilai ni ah ka lo post ang e..
90
chhurliana Says:
March 2nd, 2009 at 10:10 am
Thusawi that ah kan lung a awi hle mai maw. Politician ho thil tum ber alawm, thusawi tha vawr tawp Zoramthanga kan paihthla zo chiah a, thu sawi thatin ram a siamthat loh zia chu ka hre tawh a. A engamah hma in kan fak chiam chuan a fuh lo.
Politician chang an ni lo, Pathianthu sawi thiam nazawng ho pawh hi an thusawi leh an thil tih hi inhlat ve tak thin a nia. Politician ho phei chu an ni lehzual. Bumin i awm lovang U. An thusawi anga thil an tih chat chat hunah kan fak dawn nia, kan fak hmat lutuk chuan a tha dawn lo. KAN FAK AR EK PALH ANG TIH KA HLAU.
91
chhurliana Says:
March 2nd, 2009 at 10:27 am
A reng reng thu ah, englai tak khi nge a that em em na? Tha tiho khan hansawifiah teh u. A thusawi that avanga, kan ramin kan thatpui dan tur te, hma kan sawn dan tur te han sawi teh ule. Khawilai tak khi nge tha in han tih le? Chubakah kan tih miah loh tur mi vau nana hman hi fuh lo ve thei khawp mai, alo thlen tak tak hian buaithlak duh lutuk.
92
Mr. Pitch Says:
March 2nd, 2009 at 12:14 pm
Kan van lungawi hma thin teh reng em!!  mi dik, huaisen, ram tan a thih ngam an nih leh nih loh chu kan la hmu chho dawn chauh a lawm (thusawi ni lovin, a tak tak a thleng hi a ni kan mamawh tawh ni) khawvelin a ken ‘sualna’ in thil a thlen te hi chu a reh dawn chuang lova, Mizoram hmasawn na tur agriculture/Farming, power supply etc lam hi a ni ka enghleh ber mai ni  he lam ah hian hma la thuai thuai se.
93
ThaiBoy Says:
March 2nd, 2009 at 12:21 pm
Pu Chhurlian i dam maw?Kan ti ang ti a ti lehlo thinte kan paih thla zo chauh a, a thlaktu tur a kan thlante thusawi chu awi phawt ang u. Mahse kan hotute hi mihring famkimlo te zing a piang chhuakve an ni a; perfect tur chuan beiseilo ila.
94
Thirkut Says:
March 2nd, 2009 at 12:54 pm
USA ah an ti tawh alawm. A result chu an rin ang a ni miah lo. Central America ah politcal problem a lo tam avangin US ah an tlan chhe nasa a, police in an arest a te an deport zel a, khawvel a gang turu ber leh lian ber a awm phah ! Gang hming chu MS 13 a ni awm e. A ram chu El Salvador.
95
Patriot Says:
March 2nd, 2009 at 2:09 pm
@Elcee: misual, criminal-ho hi human an ni tih chu ka hre ve alawm. Human Right activist-te hnathawh hi kei pawhin ka ngaisang, mahse criminals right leh innocents right a in clash chuan innocents right chu kan dah pawimawh zawk dawn lawmni? Foreigner thenkhatte chuan mi ‘right to live’ an zah sak lo a nih hi. Thenkhatte sawi ang khian sawrkar hian a tih tak tak phei chu ka ring lem lo.

(
96
kanidar Says:
March 2nd, 2009 at 2:18 pm
Trah chhuak chu trah mai tur, tunge trap suh ti
97
luliana Says:
March 2nd, 2009 at 2:22 pm
Ka tahbelh zual lai kha nisela chuan keipawh ka tap hrim hrim
98
SnwQueen Says:
March 2nd, 2009 at 3:28 pm
Khawchak lam mi kum tlinglo pawngsual ngawt te kha Burma JETBET emawni ah chuan thawn se a tha ang, Central Jailah khuan thawn mai theih tur sual tak tak chu kan nei nual ang tunah hian, nakin nghah ngai lovin thawn pawp pawp mai rawh se… an tum chhung hian term a tawp leh rih ang tih pawh a hlauhawm a lawm le.
99
sillyBoy Says:
March 2nd, 2009 at 3:41 pm
@63 elcee : “A then phei chuan death penalty pek hmiah2 te in lo duh a?? ”

Death penalty te chu a phur na zawngina kan pek theih a ni dawn em ni? Dan hnuaia awm kan ni a, dan in an chungah ro a rel mai zawk ang.

Mihring ten ‘right’ kan neih hi kan inzahtawhsak a tul laiin mi dangte tana hnawksak leh harsatna siamtu kan nih chuan kan zalenna / dikna chanvo chu kan violate tihna a ni ang. Refugee kan ni emaw engemaw hamthatna beiseia ramdanga kan kal a nih chuan dan leh thupek te pawisa ila, harsatna siam lovin good citizen nih te hi tum ta ila. Chutiang ni lova, bike ruk, heroin/drugs tawlh ruk, inthah etc.. te kan chin tlat chuan kan chan chu a chau khawp ang le. No offence..
100
wonderboy Says:
March 2nd, 2009 at 3:58 pm
Mizoram a awm tawh miah lo tur tan chuan khawchhak misual ho, thilsual eng pawh tih hreh lo te thlavang, kawlvalenchham atanga lo hauh sak chu a nuam ngawt ang chu
101
chepahakhata Says:
March 2nd, 2009 at 4:43 pm
Drugs tawlh hi in ti teh fo a, a lo khar chhawng or chahtute hi Mizoram mi deuh vek an ni duh a nia. a khartu or a chahtu bul puite hi a rawn kengtute nen hian an thuhmun reng lo maw? Tin, Mizoram a drugs thi hi a tam zawk,Mizoram ka awm chhung a ka hriat ve chu Proxyvon athi deuh hlir a ni.
(Drugs rawn tawlhtute hi ka tan a nih miah lo ania, a phu tawk hremnain hrem mawlh se, simin tumah tawlh duh lo se tih hi ka duhthusam a ni.)

Tin, Burma ramah Heroin a tam tih hi khawvel hriat a ni a, a tamna hmun awm Zofate hi Mizoram ang em emin drugs ngawlvei an awm lo hi eng vang nge ni ang? Mizoram mi te hi mahni in enfiah a tul hle lo maw? Mi mita hmawlhte hi kan hmu lian viau a, mahni mit a khanchhuk kan hmu lo der a ni lo maw?
102
flying Says:
March 2nd, 2009 at 4:45 pm
Chumi an thawn dawn rual rual in UN emaw Human rights Activist, Ngos dang te an rawn che ve leh anga, an thawnhma in an rawn chhan chhuak em ang chu maw. India Central Sorgar pawn a thawn ngam loh lai in State sorgar te in thawn tur a vo ve reng chu Central Sorgar hmel te a ti bal zawk ang em? A thu sawi khi fimtak in ngaihtuah hnu a a sawi chu ani ve awm nge bawksi. Nge dan leh dun a hriat fiah fak loh zawk vang zawk nge ni ta ang le? Politic games hi a lo sangve hle ani.

Pu H.V Tun hi Delhi ka thlen lai leh UN office ka tthut kur lai ani chibai le.
103
funny Says:
March 2nd, 2009 at 6:03 pm
chepahakhata: drugs tawlh pahin silai te an tawlh tel mawle in rin aiin mi an inrawlh thuk ang, mizoramah khian silai a tam tawh teh mai nia. sawi thui vak chi pawh nilo, ka hlau deuh, dam kala duh sia
104
chepahakhata Says:
March 2nd, 2009 at 6:26 pm
A tawlhtu leh a chahtu or a laitu te hi ka ngaihdanah chuan thuhmun reng an ni. Ka pawh siali nei chu ka hre nual.
105
chepahakhata Says:
March 2nd, 2009 at 6:27 pm
laitu=leitu
106
Neo Says:
March 2nd, 2009 at 8:21 pm
Comment hi fimkhur a tha. Misua.com ah pawh hian ‘lehlama awr dum a, lehlama awr sen’ hi an tam a nia. Abikin foreign-a awm ah hian inti Mizo ve tak, a langa Mizo tan em em te hi, a takah chuan an inti Mizo lem lo. Mizo nih pawh an duh vak lo vang. Chuvangin fimkhur theuh ang u. Communication hi a tha tawh a, rin ai hian in nihna leh in awmna, in chanchin hi mi hian in rin ai hian an hre viau a nih tih hi misual hote kan chah ve mai2 che u a ni e.
107
d0n_vit0_c0rle0ne Says:
March 2nd, 2009 at 8:49 pm
Neo, dik lutuk.. Dik tak chuan khilam khi chu an buaithlak alom… keichu ‘khilam unaute’ poh hi ka ti hran lo. keimah ah chuan..ka unau te an nihna hi ka hre thlot lo..hria pon ni ila ke pom hran kherlo maithei NI..
herion/thil thalo..etc.. hi chah tur omlo sela chuan Mizoram mipui hian tuman ah chahin an buai phah hauh lovang le…thil re re tirem tur chuan a ‘bul’ ah hian tran la hmasa in tirem ila.. hmun dang atrang pon a duh chuan an hmu thei thova, mahse khilam atrang hi chuan hmu lo sela chuan a tam zok hi chuan an van khop ang le.. Foreign mi an nia, tlanchhiat na tur a olsam a…risk an lak huai ngam phah niin ka hria
108
Thirkut Says:
March 2nd, 2009 at 8:57 pm
Heroin problem hi “khilam” vang ti ta i la, Phencydil leh proxyvon leh pharmaceutical problem hi tunge scapegoat ah kan hman ang?

Anyways, heng petty crimes commit tu te hi a tih na a nih ka ring lo. Sawi chiam a tul lo. Muderers te, rapists te, repeat offenders te a tih na ni awm tak a ni.
109
chepahakhata Says:
March 2nd, 2009 at 9:23 pm
@Thirkut,

Anyways, heng petty crimes commit tu te hi a tih na a nih ka ring lo. Sawi chiam a tul lo. Muderers te, rapists te, repeat offenders te a tih na ni awm tak a ni.

“Sawi chiam a tul lo.” i tih hi nger bik leh tanbik i nei tih chu a chiang mai a. Kan dik lona te ,kan sualnate sawi lan kan duh lo chuan midang diklona & sualna pawh sawi lang kher lo i la a va tha awm ve? Heng atang hian mahni in en fiah a, insiam that nan hman zawk tur a nia.

Tin, Burma mi hian sualna tam tak chu an ti teh meuh mai, chutiang bawkin Mizoram mi pawn an ti ve tho a, tam tak phei chu hai lan a ni loa, hai lan ni se, chuan Burma mi ai hian crime chu ati na sa mai thei a nia. Burma miin vawi-1 thil a tih suial hi Mizoram miin vawi-10 a tih sual aiin Mizoram mi chuan an hre rei zawk a, mipui rilru ti sosang turin Media mi ho lah hian an ziak kur ngiai nguai thin vang te hian buaina a punlun phah nite hian ka hria.

Tun hnai, Mizo websites hrang hrang hi en la, rukruk, in that, drugs an man,etc.. hi Mizoram mi deuh vek a ni a, Mizoram mi ho chuan eng teh vak mah demna leh kawngzawh tih vel an nei hran lem lo a, Burma mi pa-1 vel tel ta ang ni se chuan a ram pum an an ri leh hut hut ang a, hun kal tawh a mi zawng kha an sawi chuak leh vak a ni ka rin.

Tin, Media ho thu ziak reng reng hian Mizoram mi ngei pawh ni se, crime tih ho reng reng hi an khua an han ziah pawn “chu mi, kha mi, khua IN TI” hi an ti deuh kher thin a. A chhiartu tan “Burma mi a ni ang a, a in zep aniang”tih ngaihtuah tir thei tur hian an ziak deuhkher niin ka hria.
110
Thirkut Says:
March 2nd, 2009 at 9:40 pm
“Sawi chiam a tul lo” ka tih nachhan kha chu topic nen a in mil lo deuh hlek a ka hriat vang alawm… Zira thu sawi a Burma a thawn let tur a tih ber a te kha chu a sual zual ho a kawk in ka hria. Tualthat, pawngsualtu te… Serious offenders ho. Min quote na lai a hma a ka sawi kha chuan i point (#101) ka hmang a nih kha… against (#106). (Hehehe communication ah ka chau deuh a ni e.Sorry bawn tawp. Keimah leh keimah ka in khak zawk a nih kha.)
Tunge ka tan te chu?
111
chepahakhata Says:
March 2nd, 2009 at 9:55 pm
In pawi ka lo sawi palh a nih chuan min lo ngaidam teh u!! He topic a commnets hi chhan let loh hram ka tum a, mahse, Chhungkhaw thenkhatah an tu leh fa, unaute thil tih usual , an diklohna & sual na miin an sawi or an va hrilhin lo haw hlur a tantlat chhungkua senlian reng reng an khawlo tual tual ang hianZoram hi a khawlo ang tih ka hlauh vangin ka tlak ta duah mai a, tun hi he topicah ka comments hnuhnung ber ni teh se.
112
Arch Says:
March 2nd, 2009 at 10:15 pm
Thil tha a chhuah ngei ka beisei. Tha te tein insuihkhawm leh zai rel theih nise ka ti !
113
Thirkut Says:
March 2nd, 2009 at 10:54 pm
Dika alawm chepahakhat. Fimkhur a tha. Pawi sawi love. Burma sipai ten an that dawn tih hre reng chungin an kut ah kan pe a nih chuan, death sentence kan pe tih na a ni ve tho.
114
funny Says:
March 2nd, 2009 at 10:58 pm
tuna kan ruling party member ah chuan Pu. Zira leh Zoramsangliana hi an caliber a hniam ber
115
Thirkut Says:
March 2nd, 2009 at 11:09 pm
Mahse fanu hmel tha a nei a ni lomni.
116
funny Says:
March 2nd, 2009 at 11:12 pm
haha thirkut, lo rim chhunzawm ila chuan chhas quota in thil ka tive thei deuh mahna, min hrar vanga len chhunzawmlo kani der silo. heheeeee
117
blackmagicwoman Says:
March 2nd, 2009 at 11:16 pm
Funny, i thiamtheih zia leh chhiarkawp i thiam zia an hre lo a nih dawn chu!! Their loss, not yours
118
funny Says:
March 2nd, 2009 at 11:21 pm
pi BMW: keichu class velah hian min hrem reng thin mawle thiamtheih chu KAHA ani ringawt, zirtirtu ten min duhsaklo tehi kan ti ve thina, duhsak tlakin ka awm ngalo tih hi ka hre ru ve tho sia action han lak chi vak a ni thin silo
119
Thirkut Says:
March 2nd, 2009 at 11:22 pm
A hmeltha lutuk, phu lo a i in hriat vang te a ni awm si lovah.
120
pcmemory Says:
March 3rd, 2009 at 1:08 am
tu e maw te tan chuan helai misual ho thil post chuh mawng a va ti za uaih uaih dawn ve leh
121
winning Says:
March 3rd, 2009 at 3:12 am
Mizoram Politician ho thusawi reng reng hi chu engahmah ka ngai lo, an ka a kuaa an sawi ve mai mai anih hi. Congress ho pawh khi kum 10 chuang rorelna an chang tawha, tuna taka an that hluaina chhan tur ka hre lo.
India sorkar pawhin an tih ngam loh Mizoram Congress khian an ti nguar ang, an ka a kuaa an tawng ve mai mai anih khi. Chawnghilh sawi ang deuhin MP thlan a hnai tawh tih hriat tel ve mai mai a tha….
122
aussie val Says:
March 3rd, 2009 at 8:31 am
eeeeeeeeeee,, Pu te u..Burma sorkar hnen ah thawn kir ai chuan mizoramah khan vohlum mai roh u, thih anuam deuh zok ang..in thawn pon, tual that in ni toh tho2.
123
solomon_n Says:
March 3rd, 2009 at 10:58 am
Babu te thusawi hi chu……….THU an sawi ani
124
d0n_vit0_c0rle0ne Says:
March 3rd, 2009 at 2:23 pm
Phensidyl leh Proxyvon hi SRS kha chuan an dang hneh teh ee..a rem deuh duak mai kha.. Phensidyl ngat hi chu a awmlo tluk aniang khang hunlai khan..a dang pawh a vang khawp ang..a chhe deuh tooo deuhin an lei a,tam takin an hmuh loh avangin an tilo mai..Tunah hi chuan ani toh kher lovang YMA lampang an inthlahdul deuh a. A poi em em a chu khilam ho hian an duh tawkin an rawn tawlh thla thei hi ani.
Chahtu omlo se tih te kha chu…chah tur awm lo sela tuman an chah lovang te ka ti ve mai2 a.
Bakah khilam ho hian Mizoram bike hi engzat nge an ruk tawh ang aw…a tam khawp ang le.. man leh nawlh te pawh hi a chang chuan a awm a, mahse a tam zawk hi chuan an hmu let lo. An buaithlak thot ani e..
Khilam chhuak ah chuan ‘NI CHHUAK’ chiah a thra…
125
d0n_vit0_c0rle0ne Says:
March 3rd, 2009 at 2:39 pm
#113 Thirkut
An khua leh tui te an nia, an duh duh danin an ti ang chu. Thil an tisual a, hmun/ram dang eng ang sawmsarih pawh nise Burma mi tho an nia. An hnena hlan let chu tihdan tur pangngai reng ani dawn lo ami. Anmahni ramah trial te an nei anga, an roreltu ten an duh duh danin an ti mai dawn alawm. Bakah an lo that ngei2 don tih hi a hriat kher hleihnem..an lo duat viau zawk ve maithei asin… An that dawn tih hi chiang taka a sawi theih loh ang bawkin an that dawnlo tih hi chiang taka a sawi theih lohna a inzat chiah…
Death Sentence kan pek anih na chhan a awmlo hrim2..
Sorkar tih tur tak anih lohna a awm ami? An khua leh tui te hnenah ngaihngam takin an hlan ani mai alom..
126
Viking Says:
March 3rd, 2009 at 2:49 pm
lal-chehpa, i trang ulh anih kha..1997 to 2001 thleng khan CENTRAL JAIL , Mizoram a, Inmates tam zawk hi - KHITI LAM- chhuak an ni. Hethu ah hi chuan ka chiang khawp mai. Kungpuimuthi ka hresual ang mai mai kha ani lo
127
SnwQueen Says:
March 3rd, 2009 at 3:31 pm
voiin hian central yma lam chuan burma issue an ngaihtuah dawn a nia, a pui leh vet vet viau mai thei a ni. Thil tisual chu an tihsual leh tawh lohna turin ngaihdamna awm lek lovin dan hmangin an chungah rorel ni rawh se.. mai mai. Rukru, drugs tawlhruk, rapist etc etc te hi burma mi an tlem chuan automatic in a tlem mai ang. Mizo te chu e…kan dawih lutuk, heng ruihhlo han lei vang vang turin Burma ram ah an han kal dawk dawk lovang tih hi ka ring tlatsssss.
128
Patriot Says:
March 3rd, 2009 at 3:32 pm
@Chepa tun tum chu ka thlawp thei tlat lo che. Burma lam atanga damdawi rawn zawrh hi a chaha mizoten an chah chu a tlem viauuuu ang. A remchan avanga ti hi kan val lungmawlte zingah hian an tam em. Tin, ruk ruk lian tham deuh leh drug man reng reng hi a neitu hming a lan tel chuan khi lam mi deuh zel an ni tak tak.

Engpawhnise, chuti taka an dinhmun a chhiat dawn chuan thawn chhoh leh loh mai ka rawt e. Australia, U.S. leh Norway lamah thawn ka rawt zawk e… lolz.