Kristian State ni a inchhal Zoram a zu leh drugs ngawlvei tamzia ngaihtuah la, duhthlanna dik siam a harsatzia i chhut thiam ngei ang. Zing thawh phat atangin duhthlanna siam tur kan nei. Kan nun pum nghawng thei duhthlanna chu fimkhur taka siam a tul thin. A leiba tam tak rulh nan putar pakhat hi a chenna in mawi tak hralh a, in chhe taka a insawn a tul ta a. A khawsak a nawm thin em avangin a thenawmte chuan an huphurhpui ngang aniang, “Ka pu, khi in chhia leh chep takah khian i hlim meuh ang maw?” tiin an zawt sek mai. Putar chuan, “Khi inah khian eng harsatna pawh tawk ila hlim taka nung turin duhthlanna ka siam fel ta” tiin a chhang mauh mai a, a tum tlat avangin a hlim chho ta! Sual hnathawh leh sual hneh tum a duhthlanna sang ber siamte nihlawhzia i thlir ho dawn teh ang.
Mahni duh vanga sual a tlu an awm ngai meuh lo; fimkhur loh vanga tlu erawh an tam! Zaithiam, speakers leh evangelists ropui takte hi engatinge inngaihna sual leh sual dangah an tluk thin le? Thlaraua thuamtu Isua zawi zawi a an kalsan thin vang a ni. Pathian chauh kan engkim a kan pawm theih nan, kan duhna piahlamah vuak leh tihtlawm fo kan ni. Kraws a hnehna puang ngamte erawh chuan tluknaah chakna an hmu a, tlawmnaah thiltihtheihna an hmu tlat thung. Hei hi thlarau finna, thlarau rah duhawm chu a ni. Anih leh sual lian dai lo inti si khan eng salah i tan le? Midang la kawk ngam tur i ni em? Sim tur kan nei theuh. Kan chaklohna erawh a in ang lova, a then sualna a langsar deuh a, an mualphopui mai a ni. Duhthlanna sang ber – Krista thlangtute chuan midang an kawk ngai lo. Mahni nun inenletin, thil dang zawng aia hlu, Krista nitinin an thlang thar thin. Harsatna leh thlemna kara chunglam tanpuina dilna chang hriate leh sual hneh tum tlatte hi kan Pathianin a ensan ngai lo. Humsual dai lo tura rilru siam te pawh thlarauah chakna a pe a, a humhim tlat thin. “Ka Pa, anni hi humhim rawh; khawvelah an awm a, khawvel mi an ni si lo” ti a Lal Isuan a zirtirte tana a dil ang khan, sual do pui tura Isua sawm nachang hria te hi mi chak leh mi vannei an ni.
Ngawlveite chu chàkna leh itna salah tàngin tumruhna an tlachham fo. Sual chu hneh thei lova an inngaih tlat avangin bawih rinawm, hmelma Setana michuamte an ni thin. Han sim ve ngial mahse, thlemna hmasa ber a lo kalin an tlawm leh mai. Chàkna sual khan sim duhna thinlung chu thununin a rawn chhu chhe vek a; thluak fim pawh nei hman lovin duh lo chungin an tlu leh thin a ni. He nunram hrehawm tak hi Tirhkoh Paula chuan, “Mirethei ka va han ni em!” a lo tihna chhan kha ni. Paul erawh chuan pèn zel nachàng a hria; hnehtu Pathian hnenah lawmthu a sawi thei tlat. Duhthlanna sang ber- Lal Isua a thlan tlat avangin, a sal tanna leh natna te chu laksak ni lo mahse Krista khawngaihna chu a tan a tawkzia a hre thar a, “Nun hi Krista a ni” a ti thei ta. Amah a nung chu tudang nilovin a Lal leh tlantu, Isua chu a ni. Kraws a hnehna puangtu Krista ah chauh ngawlveite leh beidawng mek ten hnehna an chang ang. Kum 32 a nih a piangthar Mt. Augustina chuan, “Aw Pathian, nangin i tan min siam tawh a. Kan thinlungte hi i hnena an chawlh hma loh zawng khawiah mah an hahchawl tawp lovang” tiin Lal Isua chu a lal leh Chhandamtu atan a puang hmiah mai.
Pathian ngaihdamna rinhlelh hi Setana chaw tui tak, piangthar inti tam takte eichhetu a ni. Pathianin a ngaihdam hmak tawh, tun hmaa an tihsualte inthiamlohna nena an ngaihtuah fo avangin chhungrilah an zalen lova, an nunah thlarauin hna a thawk hle thei lo. Tidam thei hmangaihna aia tlenfai tawh suala an rilru dah lui tlatte chuan damna an chang thei hek lova, beiseina leh phurna thar nena hmalam an thlir reng loh chuan kehsawmna nasa zawk an hmabak a ni. Zalenna i thlan tlat loh chuan piangthar sal tang, Kristian tangkai lo leh thlarau hlimna neilo mihring i ni ang. Piantharna chu thlarauva inthuamtharna a ni. Krista thlangtute chu mahni ta an ni tawh lo. Man a lei an nih avangin nitin inlamletna nun an nung a, mahni ral lam panin an nunah Krista an dah lal tial tial thin. Mahni felna chapo pui te aiin mahni sualna hria a inchhirte hi Pathian hmaah an ropui zawk daih! Tin, thinlung taka inchhirte hi Thlarau Thianghlimin a kaihruai a, chakna thar leh hnehzelna nun a pe thin. Nang, duhthlanna sang ber – Lal Isua chu i thlang ngam ve dawn em le? (He article ziaktu hi email: denissdb@yahoo.com leh mobile 00393397448695 ah contact theih a ni e)
Similar Posts:
- Duhthlanna sang ber
- Duhthlanna Sang Ber
- Youth Icon leh Duhthlanna
- Pentecost pualin
- Thil chiang em em chu!
March 2nd, 2009 at 11:23 pm
Hei zet zawng a ropui hle mai. In la “MEN” ho tan a nih hi…a rum hmel riau..
Report this comment
March 2nd, 2009 at 11:27 pm
Ka hman velah ka chhiar ang….chhiar thuak² chi ni lo tlats. Pu Denis a hi a ziak thra thei khawp mai.
Report this comment
March 2nd, 2009 at 11:27 pm
ngun taka chhiar zawh chiah chuan, ngaihtuahna a kal thui thei viau a ni.
Report this comment
March 2nd, 2009 at 11:32 pm
Pu HV ava sei ve
Report this comment
March 2nd, 2009 at 11:34 pm
Denis lalfela chanchin hi hriat zui ava chakawm ve (a rem chuan) mi chhuanawm tak ni tur ah kalo ngai ngawt a..
Report this comment
March 2nd, 2009 at 11:43 pm
Literature lam a mi namai lo tak a ni e. A cc hriat duh chuan , a msg hnuai a contact na ah khian ni mai se
Report this comment
March 2nd, 2009 at 11:43 pm
Niaaa ka u hi chu Pathian in a a pek ve hrim2 kha ania
Report this comment
March 3rd, 2009 at 1:16 am
PU nilo tlangval Catholic Father Denis a hi,thu leh hla a mitui tak ,CHHINGCHHIP khua a ni e,an unau ah hian Catholic nun a om bok,an ngaihsanom asin
Report this comment
March 3rd, 2009 at 1:41 am
Dennis-a hi Rome-a zir thrin kha ania. A kum naupan ngaihtuahin a thu leh hla a puitling thei khawpin ka hria.
Report this comment
March 3rd, 2009 at 1:45 am
Tunah Rome ah a om..eich ka hria sin..dang chu soi duh toh leuh
Report this comment
March 3rd, 2009 at 1:50 am
A awm tawh lo emaw ka tia, mizoramah a awm tawh ni lawm ni?
Report this comment
March 3rd, 2009 at 4:44 am
Ziaktu hming bula awmna hmun ziah atang khian Rome a awm ni awm tak a ni. Dawt han sawi ngawt thu awm dawn em ni? Nge a post tu kan zawt mai dawn! Marie inti khian a hriat hmel? khaw khat an ni hial lo maw?
Report this comment
March 3rd, 2009 at 4:50 am
ilyag, Rome ah a awm mek
Report this comment
March 3rd, 2009 at 6:18 am
misual.com ah hian comment dukdak lo tak tak uar hi an tam riau mai a; contributors te tan pawh a constructive hlawl lo te leh mahni nihna lang se ka ziak ngam lovang… tih tur ang chi comments hi chu Mizo nula tlangval leh readers lehkhathiamte tan chuan post awih loh ti ila, website a zahawm anga, ziaktute pawh an phur zual mahna! Comment loh tur tihna a ni hauh lo a nia. duh tawka a comment tur, comment ngei pawh a tha. Mahse constructive, informative and courteous ni hram se. Critical approach pawh pawi hauh lo. Comment dahna hi forum emaw inhnialna hmun emaw a ni lova…. wake up come on…misual.comers!!!! Good day to all, hurray!
Report this comment
March 3rd, 2009 at 7:56 am
Rome chu khawi ram ami nge?
Rome (Paris Métro), France
Rome, Georgia, U.S.
Rome, Illinois, U.S.
Rome, Indiana, U.S.
Rome City, Indiana, U.S.
Rome, Iowa, U.S.
Rome, Maine, U.S.
Rome, Maryland, U.S.
Rome Township, Michigan, U.S.
Rome Township, Minnesota, U.S.
Rome, New York, U.S.
Rome, Ohio, U.S.
Rome, Oregon, U.S.
Rome, Pennsylvania, U.S.
Rome Township, Crawford County, Pennsylvania, U.S.
Rome Township, Bradford County, Pennsylvania, U.S.
Rome, Adams County, Wisconsin, U.S.
Rome, Jefferson County, Wisconsin, U.S.
Report this comment
March 3rd, 2009 at 8:30 am
@bmw,
Report this comment
March 3rd, 2009 at 10:35 am
lal-aryan, khi ta i rawn sawi tel loh, ROME – ITALY aniang
mawl lutuk mai 
Report this comment
March 3rd, 2009 at 10:45 am
Amen, Amen, Halleluijah… ava han dik em.. he article hian ka nun ahneh tlat.. Pathian chungah leh a post tu chungah ka lawm tak zet ani.
@Aryan, a Rome hi a pawimawh ber lo tih hi lo hria la, I nunah khan in en let tur i ngah ve khawp in ka hria.
kan lo tawngtai pui dawn che nia. Foreign a awm hi thlarau chhandamna a tling lo ti hi lo hre ve mai mai rawh.. I thil khel hi a neu lutuk…
Report this comment
March 3rd, 2009 at 1:04 pm
Chris hi sawi tha thei khawp mai. Aryan khi ti ropui ve hrim hrim… khitiang te a rawn ziak tlar peih a. Author nihna leh chenna ram etc hi pawimawh ber lo tiraw? A sawitu ai mah pawhin a thusawi ah hlawkpui tur ka nei em? tih hi in enlet ila. Vawiin thlenga Pathian thu nung, materialism leh communist sorkar meuh pawhin a chhutchhiat zawh loh hi…. keini lo do ve chiam hi a sawt lo ngawt ang le. “Lei leh van te an ral ang a, ka thu erawh a ral lovang” titu kan Lal Isua hi a rinawm tlat dawn sia….!
Report this comment
March 3rd, 2009 at 1:41 pm
@ilyag.. kan buaipui duh zawng hi chu ava hanin ang lo thei em tiraw? Pathian thu lo hi chu buaipui tham thil dang engmah a awm lo. Pathian thuin, “A ram leh a felna zawng hmasa u la, thil dang zawng zawng pek belchhah in ni ang” min tih hi kei chu ka pawm thlap. A fapa meuh pawh ui lova min petu chuan engvangin nge kan mamawhte min pek loh teh lul ang. Pathian ka hnaih chin atang chiah in ka dil loh lei malsawmna pawh tam tak min pe tawh. ka sawi seng lo tak lutuk. Mahse, malsawmna hmuh theiha min vurah hian ka lawm lo, ka lawmna ber zawk chu ka chhungrila cheng tlat, malsawmna neitu Lal Isua Krista hi a ni zawk. Pathian hi malsawmna dawn duh avanga kan biak chuan kan hlawhchham chiang ngawt ang.
Meshak, Shadrak, Abednagote kha han chhui chiang i la, an entawn tlak khop mai. An tawngkam kha ka duh top, “Kan Pathianin he meipui lak ata hi min chhanchhuak don lo mahse, kan phatsan lovang” an han ti tralh ngam kha ka ngaisang khop mai. An rina, an Pathian biak kha an va han hre chhiang tak em. Tunlai ang ah chuan, kan Pathian biak hi Christiante zingah ngei pawh hian hre lo kan tam ngawtin ka ring. Pathian anih avanga be sathliah ve ringawt hi an tam viau ang. Pathian keini ina kan hriat mai hi a tawk lova, Pathian mi hriat nih hi kan tum theuh tur chu ani.
Report this comment
March 3rd, 2009 at 1:42 pm
Correction: ka sawi seng lo tam lutuk = ka sawi seng lo tak lutuk
Report this comment
March 3rd, 2009 at 2:16 pm
Pathianthu buaipui peih deuh ho hi in hnial an thei duh zek zel. Lam trang atan an tha duh
Report this comment
March 3rd, 2009 at 2:24 pm
@Viking – Pu HVa te ang hi i tihna deuh a mi.
Report this comment
March 3rd, 2009 at 2:33 pm
Viking, Pathian thu hi in hnialna ah kan ngai lo. Pathian tan ngama thu dik sawi hi Lalpa lawm zawng anni. Chuvang chuan eng ti kawng mah in thu dik hi ka ngawih bo pui dawn lo. A tul chuan ka sawi zel ang, min khawng hlum thrak dawn pawh ni se.
Report this comment
March 3rd, 2009 at 2:35 pm
“I am the LORD, and there is no other; apart from me there is no God. I will strengthen you, though you have not acknowledged me, so that from the rising of the sun to the place of its setting men may know there is none besides me. I am the LORD, and there is no other.” Isaiah 45:5-6
Report this comment
March 3rd, 2009 at 2:41 pm
lal-constantinexxxx < Meshak, Shadrak, Abednagote…tih sawitu khi ka tih chhan pawh ani lawww
Report this comment
March 3rd, 2009 at 4:34 pm
Denis lalfela hi Rome ah a awm a, M.Th a zo tep a. June 7, 1997 khan charismatic gospel camping ah inlarna ropui takah Lal Isua a hring ahrànin a hmu a. chuta tang chuan namen lovin Pathianin hmangin, tihdam rawngbawlna leh tawnghriat loh nen Pathianin malsawmna a dawng a. A thuziak te hi inspiration a dawn a ni thin…
Report this comment
March 4th, 2009 at 2:26 am
Mari hnenah mi han hruai leh te te ang tih ka hlau…
Report this comment
March 4th, 2009 at 2:28 am
mahni tha intihna sual hi thenfai angai chris
Report this comment
March 4th, 2009 at 2:31 am
“mahni tha intihna sual” avan dik tak em taia_pa hei hi ania Tirhkoh pawla pawhin a ngaih pawimawh emm. Rom 7/8 vela a ziah kha, thenkhat phei chuan kalsual nan anla hmang zui a. hairehai
Report this comment
April 28th, 2009 at 1:14 am
From the author: Misual.com ka hmelhriat tan tirh atangin ka article ka hmu ve ta zeuh zeuh a. Website enkawltute ka thawn chang awm mahse, mithahnemngai ten min lo post sak a ni fova. An za achungah thinlung takin ka lawm e. Nangni chhiartu ten sawibelh tur, sawifiahna tha zawk leh hmasawnna tur in rawn chhawp chhuak zel hi ka lawm takzet bawk a. Article ngun takin in chhiar tih a chiang reng mai a. Heta in rawn comment bakah hian mimal taka hriatbelh duh leh article dang zelah pawh hmasawnna ka neih theih nana min pui turin readers te ka sawm che u a. denissdb@yahoo.com ah min rawn thawn theih chuan ka lawm ngawt ang. Readers leh comment ziaktute, in ti lawmawm takzet mai. Remchangah he article a bible thu vel khi exegesis rawn tarlan ka tum ang. Tunah hian Salesian Pontifical University, Rome ah Master of Theology ka zir a. Articles ka contribute ve te hi tawngtaina a ka dil thin a, Mizo mipui tana ka ziah avang leh Newspaper hrang hranga an chhuah thin avangin exegesis lam ka ngaihthah deuh bawk a ni e. Ka ziak teuh mai. Ka lawm e – in rawngbawlpui, Denis Lalfela, SDB, Rome, Italy.
Report this comment