ASEAN summit, Vietnam zin report
Joseph L. Ralte
Mizoram Entrepreneurship Network
Vietnam khawpui pakhat Ho Chi Minh-ah ASEAN North East India Trade & Investment Opportunities Summit a awm dawn tih chu ka hria a, ka kal ve ang tih pawh ka ring pha lo. Entrepreneur ho zing atanga kal ve turin kan sorkar tharin min thlang ve hlauh mai a. Sorkar chungah ka lawm tak zet a ni. Kan Trade & Comerce minister zahawm tak Pu Lalrinliana Sailo hovin Trade & Commerce Secretary Pi Esther Lalruatkimi nen kan pathumin kan han Vietnam ve ta a ni. Ni 5 zet kan awm a, intawllenna hun kan nei lova, thusawi kan ngaithla a, a tam thei ang ber mihring biakpawh kan tum a. Kan minister thahnem ngaihzia leh rilru pek nasatzia ka hmuhin a thlamuanthlak ka ti a. Pi Esther Lalruatkimi inpekna a ropuiin fak a phu ngawih ngawih. Kan hah hle naa Mizoram tana kal kan nih avangin kan hlim em em a ni.
Indona avanga ram rethei, khawvelah pawh ram hnufual ber pakhat an ni thin. China ang bawkin an sorkar a harh chhuak a, economic reforms kalpuiin kum 10 kalta chhung phei chuan “fastest growing economy in the world” an tih hial alo ni ta a. GDP than dan rate-ah pawh Vietnam hi India leh China ai pawhin a thang nasa zawk fe a; a ram pumpui a thang em em a ni. Kan hmelhmang ang pumi, keimahni tiat lek lek ve tho, hmanni lawka ram rethei ve tak ni si, kum 10 emaw chhung leka an thang zawk zawk mai han hmuh chuan a awhawm duh hle mai.
Agriculture-ah an thang nasa a. Kum 1-ah vawi 3 buh an thar a. Agriculture bikah hian Bio-Technology an hmang tangkai a, Tissue Culture hmangin thlai an ching nasa em em a ni. Khawvela buhfai thawnchhuak hnem ber 2-na niin Thailand an dawt a. Thinghmarcha leh Cashew Nut-ah phei chuan tunah hian khawvela export hnem ber an ni. Thingpui, Coffee, Rubber leh Sangha ringawt pawh khawvela hralh chhuak hnem zingah an tel pha. Asia ram zinga ramdang investment lalut hnem ber pakhat an ni. A ram tet ang huin mihring an tam a, maktaduai 85 an awm.
China ang thovin “Single Window System” an hmang ve a. Miin sumdawnna bul a tan duhin sorkar department hrang hrang atanga phalna, clearance certificate pali panga lak ngai lovin certificate pakhat chiah a tawk. Chu system chuan ramdang investment a kolut nasa em em a ni. Entrepreneurs-te chawikan nan “Hand Holding Method” an hmang bawk. Thlatin industry neitu’n sorkarah work report an thehlut a, harsatna an tawh chi hrang hrang – sum leh pai a ni emaw management lam pawh nise a tanpui leh chhanchhuah dan an zawnpui a, hlawhchhamna an venpui ta thin a ni. Kan ram pawh hian kan va mamawh ve le!!
Tunlai khawvel intlansiakna chu “Volume game” an tih mai hi a ni. Vietnam pawh hian helam hi an thupui a ni a. “Everything they do, they do in large scale,” an ti mai. Hmun zim te tea thil chi hrang hrang ti neih nuaih lovin an tih vek vek kha an ti vak mai thin a, an thar tam na na na chuan a man alo tlawm zel a, an thawnchhuak chur chur ta mai a ni. Buhfai, Thinghmarcha leh Cashew Nut te hi an uar zual.
Tun tum summit-ah hian trade agreement kan tih ang chi, private company leh private company emaw sorkar leh sorkar te inremsiamna MoU pasarih (7) zet ziah a ni a. Manipur atangin 3-in a ziak a, Assam atangin 4-in an ziak. Nikum hmasa lama hetiang summit Bangkok-a neih a nih khan state dangte chuan business delegation tam tak an lo hruai tawh a. One-to-one meeting an neihte bawhzuiin kum 2 hnuah trade agreement an ziak thei ta chauh ni tih te kan han hre chhuak a. Tan lak a ngaiin North east state dangte nen kan intlansiak nasa a, min lehpel mek zel a ni. Kan sorkar thar a harh chhuak mek bawk a, beiseina eng tak nen kan thlir mek a ni e! Ka mimal pawhin thil tam tak ka zir chhuak ve-in ka hria. Ka tan chuan mit tivartu (eye opener) a ni chiang khawp mai.
He summit hi “Look East Policy” tihhlawhtlinna tura bawhzuina a ni a, India sorkar hma lak tum dan a ropui hle mai. Tun tum hi a vawi 4-na a ni a, kumtin ASEAN ram hrang hrangah tih chhunzawm zel tura ruahman a ni. Nakumah hian Malaysia-ah tih an tum a ni. Look East Policy hi ASEAN level leh BIMSTEC levela tihhlawhtlin tum a ni a. A kal hian a kal vut vut mai a ni. Insumdawntawnna tak tak lo thleng tur chuan inhriatthiamna leh inpawh hmasak a ngai. People-to-people contact te lo neih hmasak a ngai a, cultural exchange te neih a ngai a. Tlangnel taka kan inpawh a, inrintawnna kan neih hmasak phawt chuan kan insumdawn tawn hunah a hlawkna kan tel theuh dawn alo ni.
Asian highway kawngpui lo kaltlang tur hian kan hnam nunah nghawng a nei dawn tih hi zingah ni alo chhuak dawn tih a chian ang hian a chiang tawh a. Kan hnam lungphum hi sawinghinin a awm dawn a ni. Kan inhung bikna dan hrang hrangte pawh ennawn a ngai dawn a. Total Prohibition te pawh hlih ala ngai ngei dawn tih hi a chiang ta. Kan chhungril nun ze nghet lo lutuk nen hi chuan he economic intodelhna lo inher chhuak tur hi kan zo lo lam hret dawn a ni. Taksa leh thlarauva in-fit teng tawnga kan lo hmachhawn a ngai hle dawn a ni. He policy rawn puitling tur atan hian kan lo inbuatsaih a ngai takzet a. Hna tak tak thawk tlak, hna thawk thiam “Work force” kan din a ngai. Kan capacity-te pawh tihhmasawn a ngai dawn hle mai. Kan hnathawh kalphung (work culture) te pawh tihchangtlun a ngai ang. Chumai ala ni lo, kan skills-te pawh develop a ngai hle dawn a ni. Hna nasa taka kan thawh a ngai dawn a ni. Kan synod duh dan ang ngeiin mihring pawh kan inthlahpun viau a ngai ta. … Tihtur a va tam tak em!! He policy rawn puitling tur hi kan hmu ve hman lo a nih pawhin kan fanu kan fapate’n an an chhawr dawn. Hnam dangte thuhnuaia kan thlahte an tlukluh kan phal loh chuan an kawng kan lo sahsak a, hma kan lo lasak a ngai hle a ni.
A chang hi chuan ka ti thin. Siamtu Pathian demna lam ni lovin kan ram hi chu kan vanduai ka ti thin. Kham chhengchhia leh kham bakbarek karah kan cheng ve a. Kan chapo ve em em ringawt a. “Chhawrpial run i iang e,” kan han ti ve a. Nuih nuih te pawh hi a za alawm maw le. Khawvel ram rethei ber pahnih Myanmar leh Bangladesh-in min la karcheh zui lehnghal a. Engtin hian kan han ti dawn ni maw?? Mahse, he ram hi kan ram a ni miau mai si. Keini kan ngawih reng a, khawvar kan nghah mai chuan a fuh dawn si lo. Tu mai pawh hian mutmawh hnarmawha kan neih a, kan din chhuah ve theih dan tur ngaihtuah hi a ngai ta chu a nih hi maw le.
“I Vietnam zin chu a nuam em?” min ti leh fo thin a. A nuam lamin ka zin ve lo. Kan hah hluah hluah mai a ni. Robert Frost-a’n “The woods are lovely dark and deep; but I’ve promises to keep, and miles to go before I sleep” a tih ang deuh khan hnamdangte ruala tlan ve tur chuan mual za tam kal kan la hmabak a ni tih ka hmuthiam ve ta a, lungmuang taka mut a har khawp mai.
Kan ambassador Pu Muana te nupa remruatnain an tourist resort chhuantawlawl pakhat, South China Sea tuipui kama awm ‘Vung Tao resort’-ah kan ve teikual zawk a. Valentine’s day alo ni hlauh bawk a, thalai rual, a kawp te tein an lo tei sung sung mai a. Tuipui kam leh a chhehvel zawng zawngah chuan Zu in tur chi hrang hrang – Wine tha ber ber, Beer tui ber ber ber leh Whisky changkang ber ber an zuar tlep tak terh tuar a. Zu rui hmel emaw Zu ruih avanga buai hmel emaw pakhat mah ka hmu lo. Hlim em emin an leng thelh siu siau mai a ni. Hetiang hun leh nun hi kan ram hian thleng ve thei tak ang maw? Rualawh a va na duh tak em!!
Sawi tawh angin Vietnam hi ram thanglai (developing state) a ni a, Sap ram – Europe leh America te ang khu chu an advance lutuk tawh a, kan entawn phak rual an ni tawh lo. Vietnam ram te ang hi chu kan entawn phak lek an la ni a, communist ram mah nise hmasawnna kawng an zawh dan erawh entawn tur a tam hle mai. Kum sawmhnih kalta leka keini ang bawka hnam rethei berte zing ami an ni a, thangkhat lian chhung leka an hmasawn dan han hmuh chuan rualawh a na duh khawp mai. An hnenah zir tur leh entawn tur a tam ang, a hranpa ngata han zir tham a awm a ni tih hi a chiangin ka hria. Thalai tam zawk, mipui tam zawkin khawvel zauzawk hawi khaw thawnna hun hi kan mamawh hle tih ka hre chhuak a, programme tam zawk awm thei se, mi ningkhawng zir turin kal chhuak ve zut zut ila tih hi ka duhthusam a ni. Engtinnge ni zel ang le??
===
Similar Posts:
- NLUP Chungchang Tlem…
- Mizoram-Myanmar border trade to take off soon
- Zirtirtu Faktlak A Ni Em??
- Tu zawk nge kohhranin a phuar dawn?
- Mizorama Kan PSU te hi Privatize a hun ve ta em?
March 3rd, 2009 at 2:09 am
U Joseph-a chu lung i ti lenghle mai a; Dreamhunter manager i nih lai te kha ka lung a leng hle mai. Engpawhnise i kalna hi i hlawkpui a, thahnem i ngai bawk tih ka hmu a, ka lo lawm ve em em mai a ni. Ngawitawh khai remchang te a awm anih chuan kan la inkawm aniang chu. I thuziak pawh duh ang takin ka ‘study’ hman lo, lo en leh ang e. Good job !
Report this comment
March 3rd, 2009 at 2:59 am
@Joseph Ralte : “… South China Sea tuipui kama awm ‘Vung Tao resort’-ah kan va teikual zawk a. Valentine’s day a lo ni hlauh bawk a —thalai rual, a kawp te tein an lo tei sung sung mai a. Tuipui kam leh a chhehvel zawng zawngah chuan zu in tur chi hrang hrang —Wine tha ber ber, Beer tui ber ber ber leh Whisky changkang ber ber an zuar tlep tak terh tuar a. Zu rui hmel emaw zu ruih avanga buai hmel emaw pakhat mah ka hmu lo. Hlim em emin an leng thelh siu siau mai a ni. Hetiang hun leh nun hi kan ram hian thleng ve thei tak ang maw? Rualawh a va na duh tak em!!”
Zu tui ber ber, Beer tui ber ber hre pha i ni a; i pehhel mai mai chu ka va han ring lo tak em! Bold letter khera i rawn ziak khi —pawimawh bera i ngaih a nih ka ring nghal hmaks. Denis Lalfela of Rome-in a vel mai tur che a nia!
Tin, rui buai i hmuh loh chhan pawh hi rin dan riau ka nei, IFS Temuana’n a lem ve zauh pawhin ka ring a, ka ring sual emaw? Rui buai melh hman i nih ka ring bik hauh lo.
Bairabi nge Hortoki lam i chettlatna thin kha? Mau lamah mitmeng thar i han neih ka ring reng a! Mau lam kha chu a tha i hre chiang tawh a; ‘Zoramthanga Korean Mau’ kher ngai i ti pawh khan ka hre lo …Zoram mau thatzia kha i hre chiang a —hlawhtlinpui mawlh ang che. I mau phunte pawh a chang inhlawi-mam sa vek, a hnangdil tel tawh lo a ni ber e, an ti a. Zoram tana i hna thawh hi a chhuanawm hlein ka hria. Valentine’s Day chuan tunge i han ‘on the rock/straight up’ ve le, hriat a chakawm khawp mai!
Report this comment
March 3rd, 2009 at 3:10 am
va post tha ve aw unaupa chu i lo va han zin hla ve maw le
a lawmawm hle mai
Report this comment
March 3rd, 2009 at 7:46 am
Look East policy chhawr tangkai ber pawl i ni awm e, phoren ah an zin an zin mai lawm
Report this comment
March 3rd, 2009 at 8:07 am
A bengvar thlak hle mai. Hetiang ram dang atanga finna leh thiamna zir chhuak tur a kan sawrkarin Joseph a te ang mifel an thawn chhuak hi an fakawmin, thawn chhuak fo zel rawh se. A pawimawh ber chu Mizoram lo thlen leh hnuah, mit leh beng a lut a liam ral leh ta mai ang ni lovin, kan sawrkar hian an thil han zir chhuah te hi implement pui dan zawngin an mamawh supplyin bawhzui thei ngei bawk sela, chu chu kan hmasawn dan tur chu a ni. Chutilo chuan tourist satliah ang mai an ni ang tih ka hlauh puiin, an uiawm dawn lutuk.
Vietnam ram chan chin ka hriat ngai loh tam tak ka hriat phah a, ka lawm tak zet e. Dubai tih ang reng te khu zuk tlawh ve thei ula ka va ti em! an ram thlaler vaivut mai nithrin kha, tun a than chak tawh zia te khu aw, kan ram hausakna a in ang lo mai thei a, finna leh thiamna engemaw tak tal chu zir chhuah tur a awm ngei ang. Ka lawm e.
Report this comment
March 3rd, 2009 at 10:30 am
Misual .com member rinawm, lal-Borat a i han hmu em Vietnam ah chuan
Report this comment
March 3rd, 2009 at 11:28 am
Report tha lutuk ringawt mai! Hetiang tur hi ani e.
Report this comment
March 3rd, 2009 at 4:31 pm
Bengverh zawng tak a ni bawk a, ka chhiar chhuak vat a, ka kham lo hle.
@Pu Joseph, tunlai enterpreuner te tan Mizoramah hma rawn la duh ila, sawrkarin engangin nge min puih an in huam min hrilh thei em? Phai ramah kan awm ngawt ngawt a, tihtur kan hre tam tulh tulh a, helamah tih hleihtheih si loh, Mizorama tih chak tak tak kan hria a, enge kawng min kawhhmuh theih in nei em? Mizoram sawrkar hi a phur tak tak em?
Report this comment
March 3rd, 2009 at 5:43 pm
Mizoram sorkar hi a thanharh phawt a ngai a ni. Chu ti anih loh chuan entrepreneur tan sorkar-ah beisei tur a awm lo.
Report this comment
March 3rd, 2009 at 9:38 pm
MOU engpoh sign pui ila kan work force te’n vawiin chu ka inkhawm dawn, mithi vuina ah ka kal dawn, inneihna ah ka kal a ngai lungphun etc etc KTP hnatlang kan nei tih vel hi chuan Industry min dintir thei lo ang. Khawvelah hian work force nei lo leh work culture nei lo ber kan ni. Heng hi CHANGE kan mamawh.Mi enterprising ho kha ka discourage che u a ni lo thil ti tak tak tur chuan RISK factor kan tlem hrilh che u a ni.
Report this comment
March 3rd, 2009 at 10:15 pm
LOOK EAST-ah nula leh tlangval Valentine’s Day hman dan, KHULH leh thil dang kan rama a awm ve hun nghahhlelh bera rawn neih haw hi …Joseph … i thu hawn fumfe ber a ni lo ti raw?
Report this comment
March 3rd, 2009 at 10:37 pm
kan cocktail lawks: mi ram tihdan
1)Switzerland ah chuan Farmer te hi Price support an pe nasa lutuk. eg German ho in Alu hi Kg ah 10 pohin an kawtkaiah pe thei mahse an Farmer te chuan Kg ah 12 in an hralh tur a ni an daih loh chauh Import tur an ti mai.2)Ram CK lo zawk Kosovo ah poh Switzerland ang tho khian zu tia mole.3)Keini ve Sawhthing Kg ah Rs 10 in loneitu te kawtkaiah kan lei ang an ti a tunah Vairengte ah Rs 6 in an ti leh toh.4)Switzerland leh Kosovo te hian an Farmer ho hian an thar that loh chuan an Import maia mipui tan tlom zawkin an hralh. Mihausa ho (Farmer lo ho) chuan an thil thar hi chhe deuh mahse poi an tihpui lo thil a tlawm phah avangin. Chuti khop chuan Kuthnathawktu te PHUR nan an ram hruaitu ten zu tanpui duh a
Engtinnge Farmer te kan puih ang
a)Sawrkar hnathok hi ban then ila kumtin Rs 100 Cr vel ang kan save ang chung chu Kuthnathoktu te Price Support nan
b)Industry a Subsidy sum kan pek vak vak aiah hian Farmer te puih nan hmang then ilac)Feh kawng project hi siam nise a rem laiah Tata 407 ang leng a aia rem lo ah LMV chu aia remlo leh ah Bike. Heng ang tal kawng kan siam hian thlai thar phurhchhuah man a ti tlem dawn. Bike hian Kg 100 te chu a phur zo ania.
Thlai Thar Export lam : Mizoram Thlai thar EXPORT tur chuan –
1) Dry Port Finance Ministry in Mizoram ngeiah an din a ngai. Northeast ah Guwahati chauh a la ni.
2)Lengpui Airport hi International Cargo handle thei tura infrastructure tihchangtlun leh Legally a man tu tur siam.
3) Buaipui tham tak tak VOLUME kan thar a trul
4)Buaipui tur Marketing tih hmasaka chumi mila backward re-engineering tih a ngai though basically we are NIL
5) Bubble gum Industry INCENTIVE chauh duh Industry lem ang ho nilo kan din a ngai FDI leh mihausa RAMDANG mi employment create thei te Industry din kan phal a ngai chumi atan chuan kan Industrial policy kan duanthat a ngai.
6)Socially a Industry friendly a kan awm poh a ngai ang.
7)Shopping Mall vela RATE to tak hi IMPORT EXPORT a rate tur a ni lo tih kan hriat a ngai (Aizawl bazar ah poh sawhthing chu Rs 30/kg ania). Middle men te an hlok ber zel tih hre bawk ila. Hetah hian USA ram ropui meuh poh an dan an refine reng ania. Loneitu mawl te te i BUM lo ang
8)Pragmatic leh Proactive deuh a kal thei tur in HR leh Politician te Capacity upgrade (build) a ngai e. Kan MLA leh Minister ni mek leh nih tum mek hote hi an phak tawk a hniam ve char char rih ania, kan Mizo IAS leh MCS ho poh an bang chuang lo. CAPACITY BUILDING
Report this comment
March 3rd, 2009 at 10:41 pm
@ islander ..Amen. .. MOU te cu sign mai2 alom. enga ambitous poh ni se proper follow up, resources, attitude, mentality etc a absent cuan, it amounts to nothing
Report this comment
March 3rd, 2009 at 10:51 pm
sawhthing hi in sawi ri ve ziah a… sikkim state hian support price a pek aia to hian farmers ho hian an hralh thei zel sia…. nge chan ni ta ang le…mizoram location nge policy. sikim ah chuan state pawnlam (vai businessmen) a tangin an rawn lei sak mai zel a(open veau)..
Report this comment
March 3rd, 2009 at 11:16 pm
sawhthing hi kan chin zingah chuan a tha lo ber mahse easy ber a ni soil conservation ENEMY
Report this comment
March 3rd, 2009 at 11:39 pm
Sum tam tak sengin ram dangah eng eng emaw tha te haichhuak tur niawmin an kala,report tha deuhin an pe a,chhawr zuina awm leh thin si lo hian ka beng a tithlep thin.Foreign kal chak vanga puh maite pawh a awl mai dawn thin alawm mawle!
Report this comment
March 4th, 2009 at 1:11 am
@fatjo..connectivity kan nei lo alom mizoram cu.. commodities tan phei cuan buaithlak lutuk..sittwe port an complete ka nghakhleh bon top.
Report this comment
March 4th, 2009 at 1:11 am
@fatjo..connectivity kan nei lo alom mizoram cu.. commodities tan phei cuan buaithlak lutuk..sittwe port an complete ka nghakhleh bon top.
Report this comment
March 4th, 2009 at 10:01 am
U Joseph a chu i ti zia lo e, Pathianin Lui khawkrawk te te min pe atang te hian hydel project tha tak tak siamna kan nei a, Pathian hnenah chuan vui lo e a, wind Mill tihnan thli lah kan nei tha, tlai chawmtu ruahtui lah kan nei tha. Kawngte hi han tha se, bairabi rail lut te khi broadgauge in han siam se, kan tu te tu leh chuan an chhawr pha mai thei a nia, keini ho tan erawh mual a liam zo toh. We all missed the BUS. Chumi rual chuan Education ah kan invest nasat a ngai, education pangai ni mai lo, education changkang, education rualawt (poisa rigot ni lo) Value kan in tuh chian a ngai khop mai. I article a ngai nawm khawp mai. All the best keep it up.
Report this comment
March 4th, 2009 at 10:51 am
Va sei em em ve!
Report this comment
March 4th, 2009 at 10:52 am
Lalrinliana Sailo chu hnam dang zingah a sawi duh ang a sawi chhuak tha ve thei meuh maw? I fak phian aahh, a uite i nih duh hmel!!
Report this comment
March 4th, 2009 at 11:09 am
lal-pu-muantea a comment @ 16 khi, a van dik tak em..UPC ( NE ) chu niila ka Halelui , Amen nawn vak vak ang
Report this comment