Mizoramah tunhnai lawk atangin khawkar kawng sirah chawhmeh/thei zawrhna a awm ve ta fur mai. Sorkar leh NGO te pawhin hetiang chawhmeh zawrh theihna tur hi khawkar kawng kamah a buatsaih belh zel a. A bikin loneitu leh kuthnathawktu tan chuan eizawnna tha tak a ni.
Heng bazaar bulah hian huan leh thlai chinna awm deuh fur tawh a, awlsam zawkin heng bazaar ah hian sengluh zung zung theih a ni. Chawhmeh tharlam tak tak kha lei theih reng a ni. Tin, Mizo thlai chinte hi fertilizer leh rannnung thahna hlo tellova chawm an la nih fur avangin, ei atan a sitawm lo em em. Phai rama rawn kal thin chawhmeh ai hian a hrisel zawk ngeiin a rinawm.
Hetih lai hian heng chawhmeh/thei zawrhna hmun hi changkang zawkin engtin nge kan kalpui theih ang?
1)Heng chawhmeh zawrhna hmun hi a material or infrastructure-ah tha lem lo mahse, a hmun leh a vel hi fai taka enkawl hi hmasawnna tur niin ka hria. Entirnan, bawlhhlawh bawm fel tak awm se, khuanzin tan itawm thei ber turin kan chawhmeh zawrh te pawh fai leh thianghlim taka vawn thlap ni thei se.
2)Chawhmeh hi khualzin ten an lei hnuah motor-a phurh leh hrep a tul thin avangin, packing hi hei aia uluk zawk tih dan zawn a tha hle. Polythene bag hi kan ram tan fimkhur a tul avangin, entir nan hnahthial leh changel hnah in tha deuh hlek a, tuam nise.
3)Kawng bula chawhmeh hi zawrh a nih thin avangin, bawlhhlawh leng ilo a awm duh avangin, a awmna hmun hi location tha zawk melh a tul hlein ka hria.
4)Tunlai globalization khawvelah chuan kan mitte hi a ler viau tawh mai. Heng chawhmeh zawrhna hi building hi sum tam tham senglo pawhin attractive taka sak theih niin ka hria. Entirnan, hman lai Mizo in ang deuh a chung di/ abang dap design mumal nei deuh nise, a theih phei chuan a kawt velah pangpar mumal deuh nen chei mawi nise, hei hian nasa takin customer-te a hip ngeiin a rinawm.
5)Chawhhmeh zuartute hi nitin eichawp hmanga nung an nih avangin mumal zawka document neihna chang an hre lo mai thei. Hei hi hmasawnna pawimawh tak a ni. Entirnan, register bu hi kawl ta theuh se, nitin an thlai thar hralh record thlap nise. Hei hi mimal sum hmuh dan enkawl kawngah leh sorkar tan pawh hma lak zel nan tangkai tak tur niin alang.
Similar Posts:
- Aizawl kawng sir bazar!
- Kawng kam chawhmeh bazar.
- Bazaar ka fang Part-I
- HRISELNA ATAN “DALDA” A THA LO
- Mi lian thaw uih
Lunglen-thlak ve aw 
April 18th, 2009 at 11:20 am
I rawtna khi a tha hlawm khawp mai. A pawimawh berah chuan dahthat rei theih dan tur khi a ni ka ti, a chhan chu khaw kar kawng a bazaar hi chu nia, i sawi angin motor a tlanpui leh hrep tur a ni a. A funna leh enkawl dan eng engemaw deuha tih chu a ngai a ni.
Report this comment
April 18th, 2009 at 2:32 pm
Epis-a rawtna hi ka thlawp e. Khaw kar kawng bazara an thil zawrh chu sawi loh, kan khawpui lun lai tak kawngsira an thlai zawrhte hi a thianghlim lo, mipui kalna tur pavement-ah te an thu tlat a, motor tlan leh kea veivak an awm nuk nuk bawk si. Tin, thingtlang khaw kar kawnga an thil zawrh hi a man an chhiar thei khawp mai.
Report this comment
April 18th, 2009 at 4:03 pm
Thlirna tlang dang atangin: Aizawl chheh velah roadside market, roadside waitingshed, roadside urinal etc. hmuh tur a tam ta khawp mai. Thilsual tih nan kan hmang chawk thin. Zu in nan kan hmang common ber.
Report this comment
April 18th, 2009 at 8:30 pm
Rawtna tha tak ani. Samuelapa sawi ang chiah khian khaw kar kawnga dawr siamtute hian alo a luak chhuak hian a man an chhiar chiam zel mai ni hian a langa. Hetianga an chhiar nghek thin avang hian zin haw pah bazar tum ngial ngialte pawh hian Aizawl ah a tlawm zawk ti a lei loh phah an awm nual ani. Kei ngei pawhin tlawm zawklo na na na chu ka lei loh chang a awm thin. An phakar viau ani. A bikin kawngpui tlangdunga dawr lo siamte hi.
Report this comment
April 18th, 2009 at 10:19 pm
kan ram banhla hi a hmel che navang vang a tui khawp mai, tu rammah in an thluk in ka hria. vairam sapram a mi pawh a hlum lo em mai.
mizo banhla a tuiber.
Report this comment
April 18th, 2009 at 10:26 pm
OP chu hetiang i ngaihtuah a i fakawm hle mai. Kan kunhnathawk te ho hian voice an nei lo lutuk a, ngaituah tu te an neih loh hi thi hlauhawm tak a ni. Mi hausa leh rethei in kar a in hlat tial tial hi a changkan loh thlak ber.
Report this comment
April 18th, 2009 at 10:38 pm
an (tluk )dawn in ka (hre lo)
Report this comment
April 18th, 2009 at 10:57 pm
Banhla a ni lo,Balhla tih zawk tur a ni.Nau mkima hi a hmanhmawh deuh a nih hi! Khaw kar kawnga thil zuar qualification atan a thar chhuaktute ngei nise.
Report this comment
April 18th, 2009 at 11:05 pm
Balhla =correct. Mahse, mkiman banhla a tih hi a awm ve tho mai, a saptawngin banana a ni tlat a, mizo balhla hming thenkhat pawh banria, banpui, etc. a ni ve tlat a lawm
Report this comment
April 18th, 2009 at 11:38 pm
Pu Epis: I thil rawt khi tha ka tih rual rual in, i thil post khian ka lung a tileng hle mai, an remdan thlap thlap te khi Sapthei khi ka eichak bawk
Report this comment
April 19th, 2009 at 12:09 am
Mizo tawng hi mahni awmna hmun a zirin kan hriat dan a in ang lo (danglam) thei khawp mai. Entirna tlem – balhla = banhla, saidawium = palang, kawlthei = kawi-am, thingfanghma = nuhnun, Lamkhuang = La-ui, changpat = pangchat, awhfik = awhthik, keu = phek (Lehkhabu keu/phek)…etc2 enge dik ber ta ang le?
Report this comment
April 19th, 2009 at 1:04 am
‘Banhla’ leh ‘Balhla’ hi thil thuhmun reng a ni. Kan pi leh pute hunlaia Mizorama cheng Pu Buanga (James Herbert Lorrain) pawn “Banhla, same as balhla” tiin a Dictionary-ah a dah. Bantawi, Banria, Banpawl te hi Balhla/banhla hming vek a ni. ‘Conclusive’ deuha ‘Banhla a ni lo, balhla a ni” tih ngawt hi chu Mizo tawng kan hre tawk lo a ni duh viau. ‘Kawiam’ leh ‘Kawlthei’ pawh thei pakhat hming a ni ve ve. Chutiang zelin, ‘Laui’ leh ‘Lamkhuang’ te, ‘Nuhnun’ leh ‘Thingfanghma’ te pawh thei pakhat hming a ni. Mihring pakhat pawhin hming (kohna) tam tak a nei thei. A vai khan a hming a ni vek. What’s in a name? That which we call a rose by any other name would smell as sweet…(W.Shakespeare).
Report this comment
April 19th, 2009 at 1:10 am
@canvas, a dik ber a awm lo. A eng hming pawh khian sawi ila, nuihzat tur a awm lo bawk. Chihmunga chu a nupuiin “My dear-a” a tih pawhin a nupui tan chuan a dik leh reng mai. Mizoram MLA ni tawh (a hming chu ka sawi lo mai ang) pawh a nupuiin ‘Honey’ ti ngawtin a kova, a bialah chuan ‘Pu Honey-a’ an lo ti ve hial a ni awm e. Hei hi erawh a fuh chiah lo. Thian inkawmngeih bikte hian inkoh dan bik kan nei thin a, an thianza zinga tel lovin lo hman ve ngawt a fuh lo, ‘inner circle’ hming leh inkohdan a nih tlat avangin.
Report this comment
April 19th, 2009 at 1:14 am
Thlalakho hi a quality a tha kher mai!!! Professional Camera dik tak a nih ka ring. A fiah kek kawk hlawm em mai.
Report this comment
April 19th, 2009 at 1:21 am
@Aputea, Ka lawm e. Nia, tawng dik hi chu a awm ngei mai a, mahse, thil kawp thei ve2 tamtak a awm ve bawk a, a tobul atanga a dik ber han chhui chhuah fak hi a har tawh thin alm mole…
Report this comment
April 19th, 2009 at 1:33 am
@canvas, you are most welcome!
Report this comment
April 19th, 2009 at 5:24 am
muantea.. i sawi dik e balhla ani, kan fak no deuha mawle. kan a ram ami hi a dum reikrek a tam deuha mahse a tui tlat a. kan tet lai chuan kan hmangve ve tho sia.
Report this comment
April 19th, 2009 at 5:26 am
lehkha bu keu = lehkha bu phek ??
Report this comment
April 19th, 2009 at 5:40 am
KHER LO te
kawngsira thil zawrh zz hi mizoram a thar an ni kher lo
kawng kama sangha zawrh zz hi mizoram lui sangha an ni kher lo
an zawrhna bula thar poh an ni vek kher lo
kharchhawn poh an ni vek kher lo
an thilzawrh hi aizawl bazar aiin an tlawm zawk vek kher lo
Report this comment
April 19th, 2009 at 6:45 am
Sapthei khi ka ei chak…..
Hatkawra khi ka in chak bawk…..
Samtawk khi Kang bawk ila……
Baibing khi Hmarcha sen nen chhum hmin ila, rawt ila…
Awiiiii ka trah a chhuak…..
Report this comment
April 19th, 2009 at 8:30 am
rawtna thra tak a ni e..a thar ver vawr te chu tlemin to deuh ang hmiang..kei k lei tlawm thei phian a. Banhla kan han tih tak khi balhla hming peng lehchhawng a niin ka hria, balhla zawng zawng hi banhla an ni vek kher lo,chuvangin hetia sawi hi chuan balhla tih zawk ka thlawp e..common name chu balhla..ni mai lawm ni?
Report this comment
April 19th, 2009 at 10:16 am
@ZerO : Mawian Lehkhabu a keu/ a phek. Heta phek hi (lehkhapuan) tihna a ni lo. Object ka lo dah hmaih palh a ni e. sorry
Report this comment
April 19th, 2009 at 11:56 am
@ khelaws: common name chu balhla..
Hei chu a dik ka ti khawp mai. Balhla hi common name ah hmang ila, balhla chi hrang2 ah chuan, banria, banthur, vaibalhla, zawngbalhla etc..
“Kan balhla hi Banthur a nia a tui khawp a sin” tih khan a dik zaih mai lo maw.
Report this comment
April 19th, 2009 at 12:35 pm
tuihmel hlawm hle mai, bawkbawn khi nghaum nen bai ila, samtrawk khi pumchhum ila, nghathu rawt kawi thak vet vawt nen hmeh ila, hmm ril a ti tram
Report this comment
April 20th, 2009 at 9:44 am
tha lutuk, bon top…….an pho itawm thiam bawk si, hmanah (2002) khan Lunglei ah kava kohhran thiltihna ah kal lawka, ka haw leh lam chuan Chhingchhip leh Khumtung khaw kawngsir a an Bazar chu ka kalpel thei thlawt lo, kan Driver ka in tira, ka chhuk nghala, an thil zawrh velte chu ka han zawt vela, an thar chhuah liau liau anih thu an sawia, dawt a nih ka ringlo, ka tum aia tam mah ka lei haw teuh leh nghal.
Report this comment
July 27th, 2012 at 12:21 pm
I rawn rawtnachu tha katikhawpmai, an thlaitharman an chhiarto emmai pawha, amaherawhchu, an thawhrinna zuk hriatthiam puive ila a awmve thomai, Kut hnathawk tute an dincbhuaha an hosak thurthur hunah, mi in Kut hnathawh hlawkzia an hriata Kut hnatthawk an tamhunah, Kan ramhi a loin todelh ve tawhang… DAWT thum ngeiin ka kilh betleh e, in lohlimpui mialtakin…
Report this comment
July 27th, 2012 at 1:00 pm
#26…Ziah zawm chu i duhthaw mah mah thin a nih hi mawle.
Report this comment