(Click Image for Larger Size)
Nihliap nisi hi nisat lai ai chuan ruahsurah kan hmang nasa zawk tlat mai!Ruah sur hun a hman tur tunhmain Siksil kan lo neih tawh vang in a hming ah kan lo hmang ta mai em niang le?
.
Nihliap?
April 27th, 2009 7:45 pm by XaiA38 Responses to “Nihliap?”
Comments are closed
This is an archived copy of mi(sual).com — new comments can no longer be posted.
April 27th, 2009 at 7:54 pm
Nihliap hi chu hmeichhia hian Ni a sat pawh hian an khum nasa khawp mai..ruah a sur chuan ruah hliap a ni leh mai a
April 27th, 2009 at 8:11 pm
Nihliap lang tlang thei hi ni sat lai chuan a HIT lo teh a nia! Midum nihliap pawh hi ruahpui vanawn sur lai chuan a tangkai lo rass!!
April 27th, 2009 at 8:32 pm
siksil hi engnge aw,ka lo hre ngai miah lo mai.
April 27th, 2009 at 8:34 pm
Khawilai thlalak nge maw ni le ? Aizawl AR Lammual ani thei em Pu Xaia ?
April 27th, 2009 at 8:53 pm
Keipawh siksil hre lo pawlah ban ka lo phar ve ania, engtin nge a awm?
April 27th, 2009 at 9:12 pm
@vawrselapa_08:Aizawl sipai lammual ni e,chhimlam a tang a lak a ni a,A tawo lama inchungsen lang viai viai saw AR cinema hall a nih saw!Orissa kristian tihduhdah duhloh kawng zawh ni ami a nia.
April 27th, 2009 at 9:20 pm
Ka lawm e XaiA. In sawifiah takah chuan ka mitthla thiam ve leh mai e. AR Cinema Hall velte hi Sikul naupang sikul tlanbo ho an awm hul hul thrin kha mawle, hmanlai kha chuan, tunlaiin eng ang tak la ni zel maw ? Keipawh Siksil tih hi ka vawikhat hriatna. A hrelo kan awm nual anih hi mawle. XaiA nang in expand leh thei mai lom ni ?
April 27th, 2009 at 9:28 pm
SIKSIL chu mau/ruai a tah sanghamanna lenshuah or ngawi ang deuh, 3 or 4 ft vel sei arh tla a ni a, lu a khumna tur kha a kum a luah an dah a. Thintlang lo nei ho tan hian ruah surah an khum a, an han kun hian siksil khan an taksa zawng zawng a khum vek a ruah a hliap tha duh deuh mai hi a ni. Khawilai-ah ngeni chuan mi khum lai internet-ah ka hmu tawh nan ka hmuhna ka hre mai tawh lo
April 27th, 2009 at 9:36 pm
Parasol (a lady’s sunshade) leh Umbrella (a device for protection from rain and sun) danglamna hi kan hriat chian a ngai. Parasol hi chu hmeichhiate nisa em inhliahna a ni. Umbrella erawh chu ni leh ruah laka inhliahna a ni kawp.
“Mahse …” tiin thu lai la miah lovin tran a khawh luih theih tawh tho bawk; vaukamah Parasol an phun thliah thluah a; a hnuaiah dawhkan leh trhutthleng an hung fer fur a; hmeichhe nihliap sawina a ni ber lo, tiin. A dik e … hmeichhe nihliap hming atanga chhawm a ni tawh miau alawm! Thil hming hrim hrim Genesis-a Adama phuah loh kha —hming thar hi an phuah belh tam tawh em a ni!
Photograph-a lang nihliap zozai khi ni sat vanga khum nge, ruah phingphisiau vanga khum tih ka hre hrang thei hauh lo mai! Khua khi chu a duai viau va; hlim (shade) pawh a awm mang raih lo … ni sa vawl vawl chu ni se, khi ai khian a color rendition pawh a lar (bright) zawk turah ka ngai bawk si! Nihliap lah a hnawng hmel ka hmu chiang thei si lo… nihliap atan nge ruah hliap atana an hman zawkah ka lo buai ru ve zek asin le!
SIKSIL hi ruah leh ni laka inhliahna hmanrua —tah-rang pahnih karcheha hnahthial hnah phah chhuah vek a ni a; lu chhipa a tan theih nan kan lu zawnga siksil chu a kum lut a, kan chhipchhuan tihtih a ni ta mai thin a. Hnungzangah a bak zawng chu a uai thla a; Orient lamah an uar zual a; Mizo, leilet neite pawhin an hmang uar viau; buh phun hun laiin ruahhliap/nihliap khum a khirhkhan a; siksil hnungzanga a uai thlak zan tawh hi chuan –mi a vawng hul ve hle a; thli thaw lakah pawh kan up deuh nge nge! Ka rawlthar laiin leilet buh phunnaah siksil ka khum ve fo tawh thin.
Thlalatu khi, khi ai khian han ding sang thei la chu … thlalak a mawi lehzual khawp ang. Kum 1980s lai vela ka Nikon F3-ah chuan a standard eye level finder ka hawng mai thin a; lu chunglam daihah a body kan lek kang mai thin a —a ziaawm duh khawp mai! Stool dawh san a ngai vak ngai lo! I thlalak variety hmuh a nuam hle mai. Australia atanga PHOTOGRAPHIC Magazine kha ka khawl hnem thin teh asin! Lo thlir ve chhin teh!
April 27th, 2009 at 9:46 pm
Hei SIKSIL chu sawhchiar blog a mi ka rawn vawm bei thlawt a, a neitupa hian a haw em lo chu maw.
https://imageshare.web.id/image.....ztsb9b.jpg
April 27th, 2009 at 9:48 pm
a link ka dah sial a niang.
https://imageshare.web.id/image.....ztsb9b.jpg
April 27th, 2009 at 9:49 pm
comment-11na mipain a khum mi hi a ni e, siksil chu.
April 27th, 2009 at 9:52 pm
Dinglam kila kawr pawdang ha miim serious em em a Ztian tih duhdah dona thu an au rual pui laia mobile phone nge cell phone lo bia ang mawltometer a teh a sen vawt tur hi kan tam lutuk. Xaia lakna hi a sang tha hle anih hmel anih loh chuan amah thla latu hi a sang viau emaw emniang Civil Hospital Casualty building a lang chiang hle mai.
April 27th, 2009 at 9:54 pm
Siksil hi an sawi ang khi a ni mai e,Lalruanga thawnthu ah pawh kan hmuh kha!A lamdan chu SIL lai kha thluk deuhin Siksiiil tih tur ani. @chawnghilh:I ti lawmawm thin e,thil tamtak i experience bakah keiai chuan thlalak lamah pawh i advance hle mai.Min fuihin min fuihpawrh zel dawn nia…..i ti dik khawp mai,mahse pavilion ka thut na a tangin a tihsan theih ngang loh a ni,mi an tam triah triah lutuk a…..he!he!he!
April 27th, 2009 at 9:55 pm
Ztian=Xtian=Kristian
April 27th, 2009 at 10:17 pm
@Mzvision, i sawi kawr pawl ha khi chu lo ngaithiam hram2 rawh, a aizawl kal remchan lai nen a innanga a tel ve a nih khi, a haw ni tur a nih tawh sia a chhung ten an rawn phone a, report a han pe ve zung2 a lawm mawle
April 27th, 2009 at 10:28 pm
@mzvision : Dinglam kila kawr pawdang ha … MOBILE PHONE a keng lo; a bengkawm thak a hiat ni zawkin ka hria! Cutips (earbuds) a lo pai si lo va!
April 27th, 2009 at 10:46 pm
thingtlangpa aizawl kal khat poh khan – hmanlaiin kal paha phun a tawng zut zut hi mi huih kan ti a tunlai aizawl zawng beng hup chunga tawng zuap zuap hian an kal sup sup mai heng hi mi changkang nge kan tih dawn mi-hui-ha zu ti ve tlats maia
April 27th, 2009 at 10:52 pm
I cell phone number min han hrilh teh … “Tluklehdingawn kua leh … ”
By-heat a huphurhawm triah triah …
April 27th, 2009 at 10:55 pm
ava mawi em
April 27th, 2009 at 10:56 pm
In zarah kan hriatzau phah leh ta uar mai le!!!!!! Chepa i link #10 leh 11 ah khian milem ka hmu ve thei hauh lo mai. Imageshare log in na tur page a rawn langa, chu zawng chu, link awlsam dang deuh, Siksil thlalak hmuh theihna tur i nei khiah lo maw ?
April 27th, 2009 at 11:05 pm
April 27th, 2009 at 11:06 pm
[URL=https://imageshare.web.id/][IMG]https://imageshare.web.id/images/wqfmhboltkenwztsb9b.jpg[/IMG][/URL]
April 27th, 2009 at 11:13 pm
https://sawhchiar.blogspot.com/.....-2009.html
A chunga link-ah hian clcik ula , a lem pa-5na a mipain a khum mi hi siksil chu a ni e.
April 27th, 2009 at 11:22 pm
Chepa, Hei zet chu a chiang ta khawp mai. I ti lawm awm e. Khitiang teh zun khi alo ni maw a Siksil chu !!!!
April 27th, 2009 at 11:28 pm
A tobul hi, kan hriat hnu pawh ni se, han tarlan ve mai mai ka chak deuh.
‘Umbrella’ tih leh ‘Parasol’ tih hi atirah chuan thil thuhmun sawina atan an hmang. Hming dang – gamp, brolly, umbellery, or, bumbershoot – te pawh an ti tho bawk.
‘Parasol’ tih hi ni sa lutuk laka min hliaptu atan an hmang deuh a, ‘umbrella’ tih chuan ruah laka min hliaptu atan an hmang thin. Mahse, tunah chuan chawnghilh sawi ang hian, parasol hi chu ken sawn mai mai loh tura phun a ni tlangpui ta a, umbrella chu a kena ken theih, thlalaka kan hmuh ang sawina atan kan hmang ta a ni.
‘Umbrella’ tih hming lo chhuahna hi Latin tawng ‘umbra’ tih atangin a ni a, a awmzia chu ‘hlim’ (shade) or ‘hlimthla’ (shadow) tihna a ni. Tin, Latin tawng tho ‘umbella’ atanga lo kal a niin an sawi bawk. ‘Umbella’ chu pangpar chi khat, umbrella ang deuha a chhip zawl, bial chui mai hming a ni awm e.
A sawi lerhna tawngkam atan ‘Brolly’ an ti mai a, Britain, New Zealand leh Australia velah an hmang lar viau; tunlaiah chuan ‘Umby’ te pawh kan ti awlsam ta mai a nih hi. ‘Bumbershoot’ tih hi chu Americanhovin Umbrella an sawi lerhna tawngkam a ni awm e. Charles Dickens thawnthu ‘Martin Chuzzlewit’ tihah khan nihliap keng reng mai Pi Gamp-i (Mrs Gamp) a awm a, chuvang chuan Britain velah chuan umbrella hi ‘Gamp’ tiin an sawi awlsam mai bawk thin.
Ancient Greece, Egypt leh Persia hun lai velah pawh khan ‘umbrella/parasol’ hi an lo dek lar viau tawh a, chuvangin, an siam chhuahna a rei viau tawh tih a hriat. Tun thlengin a aia tha zawk hi khawvelin a la siam chhuak hlei thei tlat lo. Ruah leh ni sa laka min hliaptu atan kan la hmang ta zel a nih hi.
April 27th, 2009 at 11:52 pm
@KL nang nge nge hre ril thin e. Nihliap kha Ruah hliap ah pawh kan hmang tel anga. Kan hman taman ber chu Ruah hlipa atan a ni lawm ni thianpa thianpa
April 27th, 2009 at 11:54 pm
In va han hre thuk hlawm em !!! Tluk loh rim in nam hle mai.
April 28th, 2009 at 12:01 am
Nihliap leh siksil chanchin pawh misual mi ril leh thuk ho chuan sawitur in hre treuh zel mai a, nuam eee…
Thil thar zir/hriat belh hian kan tar tak tak theilo an ti bawk a, nitin in zarah ka lo tarlo telh telh zel ania. Misuala comment zel turin hriselna thra leh hun lo nei tam deuh deuh teh u omzzzz
April 28th, 2009 at 12:01 am
https://en.wikipedia.org/wiki/Umbrella
Mizo umbrella = Zo hnahthlak zz insuihkhawm
April 28th, 2009 at 3:07 am
Photography-a tui lai tak tak chuan UMBRELLA hmangin, flashlight eng lutuk tur kan defuse bawk thin; tle awm lovin hmaifang te hi a lang mawi duh hle a ni. Zoomlens ngeiin, depth of field nei rual tawk sia lak chu a lang mam duh zual a; mahni hmel pangngai aiin kan lang fuh zawk thin maw le!
Orient lam khian mau an ngah bawk a; parasol kuang (trang) 60 aia tam chi te, hmaizah mawi tak tak an han siam chiah khi chu —an art a sang khawp mai. Tunhmain Europe-ah mau a awm ve ngai lo va; nihliap han siam ve chiam chiam tur an ni vak lo —mau phun chawp chauh a awm.
Naupan lai chuan insawi huai ve nan, “Nihliap ka zip ngam tawh,” te kan ti thin. Nihliap kap harsa tak, khauh deuh kha a awm thin a —han zih hian kan kutbawr hi kan veng hman thin lo va; a rawn chilh hman thin a, trahna tur ngei ngei, thing thla dawn ila, a chep nghet nasa mai si. Kum den dun, a kuang hrawlpui mai kan han zip ngamte kha chu insawi thei ve tak kan ni thin.
Nihliap rau rauvah pawh kan sit deuh chi a la awm a, a dum lianpui chi hi chu Santhal midum nihliap kan han ti khanglang bawk a. Zoram hian nihliap pakhat em pawh a la siam lo; a chhe repair thiam pawh kan tam hran lo. A mak lulai deuh tawh e.
Tlaikhaw hnuah a parh deuh chi, a kaihthleh theih te a rawn chhuak belh ve ta zel a; nulate chuan nihliap tumtel theih neih hram an tum thin maw le! Incheina fashion pakhat a tling ve hial thin. Nihliap chhip pawp, thawmphui hi tleirawl/rawlthar tirh chuan hawl chhuah a zahthlak ve deuh thin. Nu leh paten kan zak tih hre renga an han haider lui vel, “Hei hi keng la,” an han tih kha chuan bialnu leh bialpa kan hmu ang tih kan hlau thei khawp mai!
Mizo-te hi fur khawchhiat thuta nihliap nena inring lawk duh lem lo kan ni tlangpui a; kawnglaka mi nihliap hawh chawp mai mai ching, pek huna inpe lawk ngai lo. Mi ta a nih avanga indimsak nachang hre bawk lo, a trang peh vir vera tlai fe hnua inpek pawh zak lo kan la tam mai. Kan tghil hawh hi chu a condition tha ngeia inpekkir a hluin a mawi. Hei hi chu chin zui a hun tawh lo.
April 28th, 2009 at 3:12 am
Nihliap hi mi tinin kan nei lo, kan lek chhuak ngai bawk hek lo. Mi dang kan inzawntir a, ruah sur hnuaia thli a rawn thawt thutin a LIP chawk thin; a lih hi chuan kan zak ve thei ru ra! Mipa naupang hian hmeichhe naupang nihliap khum lip hi an lo au nawmnah thin bawk. Ruah hnuaia nihliap lip siamthat chu bungbut a ngai phawt a —rin aiin a lo samkhai mai lo bawk nen, kan huh vek hman thin tho!
Nihliap hian min tihlim phian e.
April 28th, 2009 at 6:49 am
a engemaw ti mawi phian a he pic chu, thlalak hi inlo thiam hlawm anih hi misual ho hi.
April 28th, 2009 at 9:01 am
Siksil hi eng nge anih kala hre miahlo, a Posted tu hian han sawi chiang teh, kei chu Nihliap hi a lian apiang ka duh….. a nalh leh nalh loh lam pawh ka thlu vak lo, Nihliap lian tak khum duhloh in neih chuan min rawn peh rawh u, ka duh a nia
April 28th, 2009 at 9:04 am
@Calvin: #24 leh comment dang te…
April 28th, 2009 at 11:12 am
Ruah a han sur a, kan han khum chhuak ve ngei a, lennaah emaw biak in vel ah te pawh. Ruah alo han leh hnu tawh hi chuan nihliap hi theihnghilh daih awl khawp mai. Khawiah ber nge kan theihnghilh tih hre chiang lo hian kan zawng zawng mai thin.
Nihliap sawi takah chuan Nihliap lian vak lo, ruahsur hnuaia nula han inzawnpui hi a sexy danglam ve riau, nuam ve tak a ni.
April 28th, 2009 at 12:33 pm
Nu ho bazar kal hian nihliap khum lovin siksil khum ta zawk se, a thawl phah phian lo’ng maw. In tih Mizo duh hrim hrim tan phei chuan a tha ngawt ang. In tih Mizo nan a tuibur hmuam lek Zozial zuk ai chuan mi dang tan a hnawksak lo deuh ang chu.
@silly Boy.The Hollies hla ah pawh ‘umbrella’ in zawn chung chang chu a awm kha..Ka sawi hmanlai lutuk em? Anih leh Rihanna ‘Umbrella’ pawh a awm kha. Hollies ho hian ka lung an ti leng zawk, mahse.
April 28th, 2009 at 8:20 pm
Lalruanga thawnthu kan neihah khan … Lalruanga nuin Lalruanga a pai lai khan pum chhung atangin Lalruanga’n WEATHER FORECAST a rawn puang thin a; a nuin NIHLIAP a pai duh loh trum te, pai duh trumte a awm em kha? Nihliap —Lalruanga thawnthu-a a han awm kha … Siksil an ti zawk em? Ka va chiang lo ve. Nihliap tih ni ta se, kan thawnthu hi a phuah hun a la rei vak lo tihna em ni ang? Mizo society-a NIHLIAP a awm tawh hun chu Vailen hma lawk emaw hnu lawk emaw a nih ngei a rinawm si!