Tlan paha tawngtai

September 21st, 2009 4:25 am by elldy

A hnuaia thu tawite hi tam tak chuan in lo hre tawh mai thei, mahse la hre ve lo tan hringnun rilru pik lutuk tih zangkhai nan ka han post leh mai mai a ni e. Hmanniah chanchinbu pakhat ami ka chhiar fuh a ni a, a thu zirtir a tha ka tih em avangin ka copy chhuak ta hial a in hriat veloh ka hlauh avangin ka rawn share che u a ni. Mahni thawhchhuah ve tum lova thuthluang chunga Pathian hnathawh nghak thin ringtute tan chuan inzir fe na tham a niin ka hria; ngaihtuah peihte ngaihtuah zawm atan -

School hmeichhe naupang pahnih hi tlai hlauvin hmanhmawh takin an tlan hlawk hlawk a. A pakhat zawh chu a chau tawh hle mai a, a chau tlan peih tawhlo chuan a thiannu hnenah chuan, “Ka chau tawh em mai, chawl rih ila a hun taka School kan thlen theih nan Pathian tanpuina dilin I tawngtai phawt ang” tiin a rawt a. A thiannu chuan, “Ni love, kan chakna zawng zawng sawmkhawmin tlan leh ila, kan tlan pahin kan tawngtai zawk dawn nia,” a lo ti a!!

9 Responses to “Tlan paha tawngtai”

1
chawnghilh Says:
September 21st, 2009 at 6:36 am
Hun hman daihzai pah an inthiam hleih a ni mai … rinna lamah chuan inthlahdah lo ve ve e. A pakhat zàwkin min DUMP pawhin —trhu-khawmuanga tawngtai rawt-i pawh chu a iai-awm chuang hauh lo mai le!

Tawngtai posi hi chi hrang a tam alawm, pa pakhat chuan rulpuiludin khera tawngtai a duh hlen thu a sawi a, mi dangten an ei vak lo. A duhna chhan tak pawh —dilah a lu lei vit zawngin a tla a, dumah a invit phun a, a tawngtai char char a, a chhuak thei leh ta a, chuta chinah chuan rulpuiludin char charin a tawngtai zui ve ta mai a ni!

A thiannu pakhat hah zawk khian tlan paha a han chham tur chu a pitiful viau, a thiannu energetic zawk hian “Ka pua ang che, tawngtai pahin,” ti law law se, thiante ningkhawng a hriatthiampui lo ve tho. A principle chhuanawm hle mah se!
Report this comment
2
XaiA Says:
September 21st, 2009 at 8:58 am
A tha hle mai,malsawmna hi ‘Sakuh ser nghah’ ngawt chi a ni lo.Thu fing paw’n ‘God helps those who help themselves’ a tih kha.

Ti chuan kan theih bakah Pathian chu a che dawn a ni.
Report this comment
3
Irreplaceable Says:
September 21st, 2009 at 4:07 pm
Pakhat zawk hi a rinna a chak thra anih hi
Report this comment
4
VNS_102 Says:
September 21st, 2009 at 5:27 pm
kan ti hmasa teh ang; Maimitchhinga duhthusam ringawt hi tawngtaina a ngai hi kan tam ta lutuk a!!! Eng Posi pawn thinlung tak a Pathian biak hi chu a thra ka tih hrim2 rualin bianga thlan tui luang zawih zawih a thawhrah seng tur kan nih hi kan inhriat reng a tul ka ti. God helps those who help themselves.
Report this comment
5
chawnghilh Says:
September 22nd, 2009 at 12:15 am
Maimichhîng lova tlàn paha tawngtai a ngai ang —maimichhìn luih tlat chuan School Roll Call an nang lo zàwk bawk ang! Kha daih kha asin!
Report this comment
6
lrliana Says:
September 22nd, 2009 at 1:04 pm
Kan tawngtai hian engvangin nge kan maimichhin kher le. High school kan kal laia kan zirtirtu pakhat chu a tawngtai hian a maimichhing lo. Hawi kual chungin a chham zat zat zel.
Report this comment
7
shailendra Says:
September 22nd, 2009 at 1:14 pm
motor a chuan pah te, kawngkal lai te a tawngtai mawlh mawlh hi a tihchi khawp mai (a ri kher lo in). Tawng bawrh bawrh pah a tawngtai erawh hi chu ka la ti ngai lo thung, a lap dawn riau in ka hria…. !!!!
Report this comment
8
As Khiangte Says:
September 22nd, 2009 at 2:22 pm
Shailendra i lo va tawngtai mi om ve a.
Report this comment
9
lrliana Says:
September 22nd, 2009 at 3:01 pm
Kawngchhe deuh a kal laiin a tawngtai thin a niang!
Report this comment