Ka tawn hriat (experience) atangin hnam dang tawng (a bikin kan tana pawimawh em em pahnih English leh Hindi) hman dik leh lam (pronounce) dik a pawimawh zia ka’n tarlang ang e.
A hmasain, English leh Hindi hi huaisen takin keini Mizo, hmasawn duhte tan hian kan tawng aiin a pawimawh tih hi ka sawi duh. A pawimawh zia chu hria kan tam, kan hre deuh vek zawk, mahse a hre zingah sawi chhuak (admit) ngam kan awm mang lo kan intih Mizo avangin. A thente phei chuan 2009 ni tawh mahse, “Hindi-te chu Vai tawng mai mai alawm”, ti a hmusit tlata thiam tum nachang pawh hre miah lo kan la awm nual bawk.
Mizo kan ni a, intih Mizo vak angai em ni? I vun pawh MJ-a (with all due respect) angin ti var mahla Mizo i ni tho tho. Ram dang mi nihna (citizenship) pawh I nei ani thei, Mizo I nihna a bo lo. Hnam veina/feeling lian tak pu-a English leh Hindi hmang tha duh lote hian Mizo hnam kan ti hmingchhia.
Ka pa hnathawhna azarah ram hrang hrangah, foreign thlengin kan awm kual a. Ka sawi duh ber chu Delhi-a kan awm laia ka tawnte ani. Hnam dang thiante (class-mates leh thenawmte) an lo leng ve thin. Heng ho lo len laia ka Mizo thiante an lo len hian, polite takin hnam dangte hian an lo be ve thin a. Chhan dan tur pawh hre lova an awm hian a zahthlak thei lutuk. Chhang thei thenkhat lahin lam dan (accent) thing zet maiin an han chhang a, zia lo thei khawp mai. Tichuan an haw hnuah vaite chuan, “Khawilam mi nge i thiante chu,” tiin mei nei deuh tak hian min han zawt leh ta nghal a. Khawi ram ram emaw hi ka puh kual chawk thin.
Mother tongue influence (MTI), kan tawng, Mizo tawng, lam dan leh thluk dan hi chuan kawng hrang hrangin buaina min siam ang. Engpawh nise Mizoram pawn chhuak miah lo tamtak hian mawi takin English leh Hindi hi an hmang thei. A hmang lo ho hi chu ngai pawimawh lo kan ni mai. Mi deu sawh ching, tawng nalh deuhte, ‘inti sap’ ti a, tawng nalh lo deuhte, “Zo tiah tiah, thing mai mai” ti thinte an ni duh tlangpui.
‘Political fitness’ neih that ngaih ve lohna, Competitive Exams te leh company-ah te hian engatinge interview-ah kan tlak hlawm leh tawp thin, written exams-ah kan ti tha thei fu sia??? Tawng chu thiam lo ila written pawh kan tlang lovang. Kan lam (pronounce) dik tawk loh vang hi ani pakhatin inring ve em? Mizo hnam tih hmingthat duhin English leh Hindi-ah hian tan ila thar ang u.
Video tawite atang khuan a chiang mai ang. (Contains profanities so beware)
Similar Posts:
- Ka veizawng
- Education Reform
- Mahni hnam tawng thiamloh a zahthlak
- Ka tlâk lo takzet em?
- Mahni tawng hman dik loh hi thil zahthlak ani
October 16th, 2009 at 6:27 am
1. “Hnam veina/feeling lian tak pu-a English leh Hindi hmang tha duh lote hian Mizo hnam kan ti hmingchhia.” Enge kan tih hmingchhiat kherna?
2. “Hindi te chu vai tawng alawm,” tih khi. A dik alawm, Hindi chu vai tawng a ni reng a ni mahse, thiam atha. tra la la la la
3. “Mizo thiante an lo len hian, polite takin hnam dangte hian an lo be ve thin a. Chhan dan tur pawh hre lova an awm hian a zahthlak thei lutuk. Chhang thei thenkhat lahin lam dan (accent) thing zet maiin an han chhang a, zia lo thei khawp mai.”
Mizo kan ni a, Mizo tawng awphawi deuh a hnamdang tawng kan biak hian, a THING kan ti fo mai. A thing hlawl lova a ropui zawk ka ti. Mi hnam lamdan ang khera kan lam a tullo. Kan 1st language mil a kan lam mai hian, a saptawng takin, it shows our pride for our mother tongue. Emaw, Spanish tawng hmang te leh Midum (African American) te English te hi, tunlai phei chuan mingo thleng thleng hian anih hi an hla sak dan leh an hlaphuah dan thleng a an lakchhawn zawk tak. Mi lamdan a lam kher tum lova mahni awphawi nen a inmila tawng ve mai hi a lo ropui hle tih ka hmuchiang kher mai. An ni mingo ho angin kan lam thiam tak tak thei chuang lo, “kan lam danin lam atum ve,” min ti rilru lek fang zawk tur asin.
Vai accent deuh a English hman emaw, Mingo ho aw phawi copy tum taka Mizo ten saptawng kan hmang puam ve vel tawlh tawlh hi a thing ka ti fe zawk. Mahni tawng thluk a hman ve tawp mai tur, kan tan pawh a hahdam thlak ber zawk. Japanese te, Korean te Vietnamese te leh Spanish speaking Central Americans/S.Americans te hi an chhuanawm ka ti khawp mai. An tan a awlsam turin a thluk te an her danglam vek dawn emaw tih tur hian an lei (tongue) milin English an hmang mai. Copy cat nih hi zah zawk tur.
Engpawh nise, theih ang anga tawng hmandik tum a tha fo. A lam dan ah erawh buai duh hauh loh tur. Mi lam duhdan kher kha kan lam dan tur a nilo, an duh leh kan lam danin lam zawk mai rawh se. Be proud, be yourself, feel free, respect and be respect. Thank you
Report this comment
October 16th, 2009 at 6:56 am
He thil hi ngaihdan a inang lo thei fu mai thei. Engpawhnise, tawng hi communication atan a ni a, Sap tawnga ka tawng chuan ka biaka ten an hriat thiam theih tura ka tawng kha a pawimawh ber. Hindi a nih pawhin chuti tho.
Kei ka ngaihdan chuan heng English leh Hindi te hi kan tawng pianpui a nih loh avangin anmahni original ang tak chuan kan thiam kher lo vang. Amaherawhchu chumi a nih avang tak zawk chuan anmahni a tawng neituten kan sawi an hriat thiam theihna tur tal chuan anmahni lam ang deuha lam han zir chu a pawina a awm lo mai bakah a tul hle zawkin ka hria. Chu chuan anmahni Sap emaw Vai emaw an tumna lam a kawk chuang lo va, a dik tak phei chuan Mizo lei li hi hnam hrang hrang tawng zir nan hian a fuh ber zawk. Entirnan Chinese ho ai chuan Mizo hovin English pawh kan lam thiam zawk a, Vai ho ai pawhin. A lehlamah Sao ho aiin Hindi kan lam dik thiam zawk bawk. Chuvangin, Mizo ni mah ila hnam dang tawng zir hi kan hnam leh ram tan a tha a ni tih i hria ang u. Anmahni accent ang taka kan thiam phei chuan a tha hlei hlei.
Ka patea chu Assam Police-a a tan laiin Assamese tawng hi a thiam fu a niang, a tawng atang chuan tuman Assamese a ni lo tih an hre ngai lo. “Assamese ho aiin an tawng ka thiam fe zawk”, a ti fiamthu thin.
Pu HV pawh hi Kulikawna i Saptawng ai chuan Red Neck ho zingah i aw phawi kha chu a dang deuh talh tawh lo maw?? Hairehai!
Report this comment
October 16th, 2009 at 8:00 am
Duh lo mah ila India rama kan awm chhung hi chuan Hindi leh English hi chu a pawimawh khawp ang.
Mahse Pu H.Vangchhia sawi ang deuh khian kei chu accent ah hi chuan ka buai tawh lo khawp mai. Mahse, eng awphawi pawh hmang ila midang/hnamdang tan hriat har ni lo se.
Tih tak em ah chuan vai ho pawh hian accent chu an nei ve khawp mai. Sap ho reng hian ania hriatthiam har ti thei. Tunlai Indian news channel lar tak tak (CNN-IBN, NDTV, etc) te pawh hi kan en chuan Indian accent an hmang vek a, BBC/CNN te nen chuan a danglam ve khawp mai. Mahse, an zahpui lem lo. Kei chuan British/American native accent te chu hre chak zawk mah ila, Indian accent ho hi hriat a harsat loh chuan a pawina vak ka hre bik lo.
Chutiang bawk chuan keini Mizote awphawi (accent) hi hriatthiam harsa a nih lem loh chuan a pawina vak ka hre lo. Sap ho (native speakers) anga tawng thiam chu duhthusam a ni ngei mai, mahse chutiang kan tlin lo anih paw’n kei chuan thil zahthlak ah ka ngai lo.
Hindi erawh hi chu ka thiam thei lo lutuk hi zahthlak chu ka ti ve khawp mai!
Report this comment
October 16th, 2009 at 8:21 am
Accent dik tak a tawng theih chu duhthusam chu a nia lawm. Mahse mihring kan inang lo ang bawk in kan thu lam dan pawh a in ang lo. Chuvangin a inbe tu te kan inhriatthiam tawn chuan a tawk viau in ka hria. South indian ho pawn ‘contain’ te hi ‘kontoin’ an tia, kan hrethiam tho a, chu bak2…
Report this comment
October 16th, 2009 at 8:33 am
MALTA-(Mak anla ti ang)
Tawng dang dang kan zir chung hian, Mizo kan nih chuan mahni tawng hi chu a (Accent) hngilh loh i tum tlang ang u hmiang…! k lawm e 
Report this comment
October 16th, 2009 at 8:38 am
Thil ka hrechhuak, kum 1965 vel khan a ni law’m ni Tamil Nadu-a Anti-Hindi Agitation vel an neih vak kha? Hemi hma pawh hian Tamil Nadu (Madras state tih a nih lai) ah kha chuan Hindi hi an lo ngaithei lo thin khawp mai (an CM hlui ho Annadurai, Periyar, etc te khan hetiang zawnga politics an khelh vang pawh a ni mah na).
State dang ho chu ka hre vak lo va, mahse tun thleng hian Tamil Nadu ah chuan sawrkar hna engpawh thawk dawn la, Tamil i thiam ngei ngei a ngai. Dan a ni tlat.
Report this comment
October 16th, 2009 at 9:02 am
keimah, Kulikawn a ka awmlai ang tho khan saptawng hi ka la lamin ka hria. Mahse, F word ilo hi hetah chuan tawngkam tin ah hian a tel deuh mai a, tum lem loh pawh hian ka atang hiana ri chhuak leh dawn thin.
Vai ho pawn India rama an lam dan pangai ngat khan hetah pawh an la lam, hnamdang pawh an ni tho. Mizo ber hi kan ni maiin ka hria, biak te an tawng puam leh tawng/lam puam ve talh kan tum hi nuih kan ti za in ka hria. I saw, i heard and i listen and i know hairehai.
Report this comment
October 16th, 2009 at 9:27 am
Sap tawng neitu British leh American ho tawng lam hi hriat harsa ka ti.. Japanese ho chuan ka saptawng lam hi hriat nuam anti.. Keralian ho lam khu ka hre thei mumal lo bawk… hahaha.. kha daih kha a sin…
Report this comment
October 16th, 2009 at 9:36 am
vai tawng hi a poimoh!mahse sap tawng hi a pawimawh sangsarih zawk!vaichhia tih loh hi chu a tlangpuiin sap tawng an uar zawkin ka hria!tin sap tawng pawh hi a chin tawk a awm!mizo theuh2 titi khawm naa sap tawng hman ching hi k ngaisanglo teu2 khawp mai!
Report this comment
October 16th, 2009 at 9:51 am
OT Lawks:
A Naga girl was molested last night in Naraina, New Delhi. Yet to lodge complain.
Report this comment
October 16th, 2009 at 9:57 am
Indian kela.
Report this comment
October 16th, 2009 at 10:07 am
“Chhang thei thenkhat lahin lam dan (accent) thing zet maiin an han chhang a, zia lo thei khawp mai.” —-
Keichu a zialo na hranpa ka hre miahlo. Mizo Tawng, tet te atang a kan lo hman a ni a, engang pawn saptawng hi thiam mh ila, kan Mizo awphawi kha chu kan thlah thei dawn chuanglo. Sap pachal awphawi ang hman kha chu a ngaihna a awmlo hrim hrim. Ti lui lutuk tih hriat reng reng a, American awphawi an han imitate hi chu a nuihzatthlak zawk. Vai ho accent pawh hi enge a nih vak bik chuang? Vai English lam tluk a hriat har tih ka neilo.
Communication-ah chuan enge pawimawh ber? Sap pachal awphawi nalh lutukin rawn hmang mahla i mi biak khan i awphawi kha hrethiam ta tlat silo se awmzia awm chuanglo reng reng. Chuvang chuan communication-ah chuan awphawi nalh leh nalhlo lampang a nilo, in hriatthiam tawn na hi a pawimawh ber.
English leh Hindi chu a pawimawh ngei mai, mahse Mizo kan nih chhung chuan, Mizo Tawng ai a pawimawh hi chu ka pawm theilo. English leh Hindi thiam lutuk nila, i hnam Tawng thiam leh ta tlat silo la..???
Report this comment
October 16th, 2009 at 10:17 am
“chink Says: mizo theuh2 titi khawm naa sap tawng hman ching hi k ngaisanglo teu2 khawp mai!”
Ngaihsan loh teu2 ngawt chi pawh a nilo. Thenkhat chu naupan tet a tang a phai ram a seilian, Mizo Tawng ai a Saptawng hmang hnem zawk te an nia, Tawng hman hnem zawk na na hi chu tum loh deuh hian hman a awl a nia.
Report this comment
October 16th, 2009 at 10:17 am
Mizo zingah English, Hindi, etc thiam tak, Mizo tawng ber thiam tha leh mang miah lo ho hi chu kei pawh ka mi ngaihsan loh zawng tak an ni. Chutiang mi chuan mihring tawngte leh vantirhkoh tawng te pawhin thu sawi mah se la ka ngaisang chuang leu!!
Report this comment
October 16th, 2009 at 10:18 am
vaitawng hi ka thiam lo a, tumkhat Delhi a eastern raiways ofis-puiah khuan ka lenglut a kan han indawr chu saptawngin ka bia a, annin vaitawng in, kawi khat vel chu an sawi ni awm ka hria, a sei deuhah ka bo leh zel. saptawng chu an thiam, mahse delhi tlangah chuan an hmang tha duh tlat lo. hahthlak tak a ni. phone a vaitawnga min rawn biak chang pawh hian mizo tawngin ka chhang let ve ta zel mai. an buai ve thei khawp mai… hahaha.. ka fa ten an harsat loh nan tiin vaitawng hmanna sikulah ka luh tir phah. upat lamah hi chuan mizoramah ka survive thei tawh turah ka ngaih avangin ka zir peih tawh lo. vaitawng chu india a kan awm chhung hi chuan a pawimawh khawp mai. kan fate tan hi chuan thiam tir ngei chu a tha.
Sap tawng hman chungchangah chuan Pu Laldenga (RIP) kha a fak awm khawp in ka hria.. (politically i am neutral!). a fate, London etc-ah thangkhat lian dawn a chen pui a, tunah a fate hi mizo tawng pai tak a an tawng ka hre ngai lo, mi thenkhat kum hnih khat mizoram pawnah an awm a, an rawng tawng pai ve ringawt… chaicheh te an rawn hlau haw… hui ha….
Report this comment
October 16th, 2009 at 10:31 am
Engtikawng pawh in tawng thiam belh hi chu a pawi lova, eng tawng pawh nise thiam nal zalh pawina a awm lo. Ma’rawh chu a lam dan leh awphawi ah chuan kan phak tawk a kan lam mai hi a pawina ka hrelo, kan lamdan an hre fuhlo a nih pawn kan thiamloh a ni tawh hleinem, kan tawng nilo na na na. Vai tawng leh Sap tawng hi chu thiam nal deuh pawh a tha, mahse ka thiamloh avang in ka la inthlahrung in ka la zak chhin miahlo, la zir zel erawh ka tum tho
Report this comment
October 16th, 2009 at 10:42 am
Ka ngaihdan ah chuan, mahni tawng thiam loh (Mizo tawng) a zahthlak ka ti, an han tawng pai vel te hi hahaha. Hetiang ah hi chuan nu leh pa te mawh a niin ka hria.
Hnamdang tawng te chu, What is a language? tih chhanna ang deuh kha ani mai. Midang ten a hmalama in lo sawi tawh ang khian, a language is a mean of communication between a person and the other, tih ani mai. A tawng neitu te lam ang khera lam ve tum kher lam a ni thlawits love.
Duh leh, Parhaps, ai mait bi eibul tu du it, ang te pawn lam ila, a pawina awm ka hre lo tlats
Report this comment
October 16th, 2009 at 10:51 am
Mizote kan vanduai kan ti hluai teh ang. A chhan chu Mizoramah kan tawng (mizo) tawng a common tawk a, khawiah pawh kal ila Mizo tawnga kan inbiak theih avangin tawng dang kan thiam loh/ ngam loh phah niin ka hria.
Report this comment
October 16th, 2009 at 11:06 am
Khawvel a tawng zawng zawng hi thiam tum i la, chuan han thiam vek i la, a va ropui dawn em!
English leh Hindi pawh a pawimawh rualin, Mizo tawng hi thiam chiang vek i la, chuan kan unau dangte tawng Mara, Hmar, Kawl tawng etc pawh thiam i tum vek ang u.
Kei chuan tawng thiamlo emaw accent nei tih ai chuan mi tawng hmusit hi thing ka ti. Eng tawng pawh lo ni rawhse, a tawng zawnga lo hmusit ve ringawt hian awmzia a neilo. Tawng pawimawh na em em chu, mi hi kan in “close” ve phah thin, an tawng ngeia kan biak hian. Aizawlah vai mistiri in Mizo tawnga min biak meuh chuan ka rilru a awm hmasa ber chu, “eee, hepa chu mi rinawm tak aniang, mizo tawng thiam thei khawpa mizo ten an lo kawm tawh ni ngei tur a ni” tih te pawh an rawn lang zawka. Tunah marathi ka zir zela, bakah hindi, tamil leh malayalam chuan ka duh duh ka titi pui ve thei tawh. Chuan an tawng thiam nghe nghe hi chuan duhsakna te pawh min hlan fo mai.
Report this comment
October 16th, 2009 at 11:26 am
@ Sandman: Malayalam chu i inhmeh awm
Min lo zirtir ve teh a..???
Report this comment
October 16th, 2009 at 11:59 am
Hv, ai em nawt eibul tru sipik eni adar lengues! Hairehai
Report this comment
October 16th, 2009 at 1:38 pm
Non-Mizo tawng hi chu a har a ni.
Tet laia lehkha kan zir that peihloh deuh chuan chungte’n ‘Lehkha i zir peihloh chuan kut hna i thawk mai ang’ min ti thin. Kut Hnathawh ka peih tho avangin ka zir tha peih talo a ni. Mahse khawvel a changkang zela; foreign thleng thlenga han thlen ve takah chuan buaina tur a lo tam khawp mai.
Report this comment
October 16th, 2009 at 1:59 pm
Vairam/abroad a kan seilian te anih ngawt loh chuan kan Mizo awphawi hi chu kan paih thei dawn chuang lo a, chuvang chuan kan tih theih tawk chu midang in min hriatthiam theih tura chiang (clear) taka tawng kha a ni mai, accent ah buai loh tur. Vaiho inla American/British accent deuh deuh te hi an nuihsawh thei teh mai an vaipui te hian. Accent ah buai lo khan thiam tak khan han tawng zawt zawt mai la hnam dang ho chuan an ngaisang che a ni mai, mi pangngai an nih chuan.
Report this comment
October 16th, 2009 at 2:20 pm
South Indian ho English accent hi a thing kan tih em em lain Spanish nula saptawng thiam chiang lo tawng ve sawi sawih accent hi a sexy kan ti leh em em sia
Report this comment
October 16th, 2009 at 2:25 pm
Zoramthanga saptawng tawnglai kha a hmuhnawm ziap ziap ka ti thin.
Report this comment
October 16th, 2009 at 2:30 pm
“A hmasain, English leh Hindi hi huaisen takin keini Mizo, hmasawn duhte tan hian kan tawng aiin a pawimawh tih hi ka sawi duh.”
Hei hi ka pawm zawng a ni hauh lo mai, Hindi kar a awm chuan Mizo trawng ai chuan Hindi chu a pawimawh zawk ang. English trawng hmanna i awm chuan Mizo trawng aiin English a pawimawh zawk ang. Mizo khua/ Mizo awmnaah chuan Hindi & English chu Mizo trawng aiin a pawimawh thei lo. Mizote tan mahni trawng bak a pawimawh a awm thei lo ang, chutiang bawkin hnam dang ho pawh an hnam trawng aiin hnam dang trawng a pawimawh thei lo. Mahse, khawvel changkanna mila kal duh tan erawh English trawng chu apawimawh zawk ni loin a trangkai zawk ang. Hindi hi chu India ram awm tan chuan a trangkai ang a, ram dang awm tan chuan a trangkai tehchiamin ka ring lo.
Trawng reng reng chu thiam vek a tha, a trangkai vek, ukchhuak lutuk a, mi trawng ngaihsan hi a tul ka ti lo.
India rama awm Mizote tan chuan Hindi hi chu thiam ngei ngei a tha, ram dang a awm Mizote tan Hindi hi atrangkai ber lo a, thiam chu a tha ve tho, a pawimawh ber a nih lo a, English thiam hi a pawimawh zawk. Burma awm tan Hindi aiin Kawl(Burmese) Trawng a trangkai zawk a, a pawimawh zawk a, thiam ngei pawh a tha. Trawng a pawimawh zawkna leh trangkai zawkna chu mahni awmna hmun a zir niberin a lang.
Report this comment
October 16th, 2009 at 2:41 pm
“Mizo kan ni kan hmel a tha, kan tum a sang bawk si” … a dik reng mai. Amaherawhchu, tunlai khawvel changkanna hunah erawh hi chuan Mizo tawng chauh thiam leh Mizo tawng chauh hman tum tlat tan chuan Sawhthing Hmun siam emaw Vawk vulh a ni mai.
Incheina lamah Sap ho, Korean ho tih ang reng kan copy a, Sap tawng leh Korean tawng kawi khat mah hre lovin Aizawl khawpui kawng dungah leh Local Channel ah kan inpho parh ve ringawt hi chu a zahthlak khawp mai, sim vat chi a ni. Vairengte pawh la pel lo ho hlei hlei hian Sap tawng leh Vai tawng hi kan han pawngpaw hmuhsit ve khanglang a. Sap ho leh Vai ho zarah tuna ar hmai tiat lek Mizoram-ah hian vawiin ni thlengin Mizote hi kan la khawsa thei zawk zuk nia.
Kei pawh hi Mizo, English, Hindi, Khasi, Nepali, Bengali, Assamese emaw Nagamese tawngin tuman min rel theilo hrim hrim. “When in Rome, do as the Romans do” an ti a; Delhi, Bangalore, Pune tih ang reng khawpuiah lehkha zirin emaw hnathawka kan awm in Mizo tawngin eng vak a tih theih loh tih i hre nawn leh awn awn teh ang u. Tun hnai deuh atang khan BPO/Call Centre a thawh kan thangtharte’n an intihhmuh a, thil tha tak a ni.
Mahni pianpui tawng ni miah lo Sap tawnga an han tawng puam ve tawlh tawlh hian hnamdang zinga mahni hnam timawitu an ni. Tin, mahni Mizo zinga a huhova thawm nei tha thei tak, pawt zuah zuah thin, mahse hnamdang zingah chuan dangawk tlat kan tam lutuk. Kan rama hnamdang rawn awm ve te hi reilote (thla 2-3) ah Mizo tawngin an biak theih nghal a, keini Mizo ve chu hnamdang kara kan awmin an tawngkam bawlhlawh bak chu kan zir duhlo ani ber. Mizote hi a tlangpuiin hnam luhlul, thatchhia, duham leh chapo kan ni ka ti lo thei lo.
Vairengte leh Tawngkawlawng inkarah hian kan inla cham a, mahni tanghma chauh hai avanga dawt sawi pawisalo, mahni hnampuite bum hmang, za a za Kristian ni a inchhal, Bible-a tihlohtur chuang zawng zawng ti thei vek, hnamdang ngai theilo (a bikin Mizo mipate’n; Mizoram pawnah nana na chuan kan hmeichhiate erawh chuan hnamdang mipa an ngaisang zawk daih sia), pa tlaktlailo mahni nupuite vawk vulh hralh dawn huna “ka vawk” ti thei lawi si, nilenga sandal leh kekawrbul haa tei mai mai thei kan nih hi zep rual a ni lo.
Mizoram chhungah hrim hrim hian Mizo tawng mahni pianpui tawnga hmang hi a percentage zawng pawhin engzat nge awm ang le? Hmar lamah Hmar tawng, Thlang lamah Tuikuk tawng, Chhak lamah Hmar/Pawi/Kawl tawng inchawhpawlh, Chhim lamah Lakher/Pawi tawng kan hmang si a! Chuti a lo nih si chuan, Aizawl khua leh a chhehvel hnai vai ah chauh Mizo tawng hi hman a ni ve chauh zawk lo maw?
Report this comment
October 16th, 2009 at 3:03 pm
hehe. a dik khawp mai hei kher hi chu!
Report this comment
October 16th, 2009 at 3:11 pm
Paolo, what do you do?
Paolo: I do Rakhel!!!
Report this comment
October 16th, 2009 at 3:20 pm
English leh Hindi kan hman tam loh chhan hi kan intih mizo vang a ni lo. Kan thiam tawk loh vang mai a ni. Kan ram a kilkhawr lutuk a, kan eductional system a tha lo bawk nen hnam dang tawnga han ‘pau’ zuah zuah hi kan ngam ngang lo a ni e. Mizo mipate lek phei chu English/Hindi chu sawi loh, Zo tawng tak ngial pawh hi kan va nal lo tak em! Cummunication skills hi kan neih a tul takzet.
Mizoten English kan lam dik loh langsar zualte chu – wire, choir, purpose, etc. “Th” inkawp hi kan lam thiam tawk lo va, “J” hi kan “z” mah mah bawk.
Spoken English hrim hrim hi zirlai syllabus-ah tel ni teh se.
Banglore Mizo-ho zingah “GupShup” tih lam ri dik aram an awm lo an ti! tak tak ni maw?
A tawp nan – Mizo tawng pawh hi kan bah ta lutuk reng reng, a zahthlak ei! Saptawng thiam bawk si lo, vai tawng thiam bawk si lo, Mizo tawng thiam bawk si lo. Eng kan tizo ta nge ni ang le. Ka lawm e.
Report this comment
October 16th, 2009 at 3:27 pm
A ngaihnawm hlawm e. A pawimawh ka tihve chu kan biakate khan kan tawng/sawi tum an hriatthiam a tul ber. Kan biakate’n awlsam taka an hriatthiam nana accent pawh kan tih danglam theih phei chuan a thra hlei hlei. Kan sawi an hriatthiamloha min zawh nawn hian sawi ngai sawi nawn fo hi alo nawm loh vang aniang chu, a hma aiin kan lo vin tawh mai thin bawk sia.Kan biakate zirin accent mai bakah english word/phrase/statement kan hman te hi thlan uluk a pawimawh.
Chuan Mizote chauh hian inti sap tih vel hi kan lo uar lo. Tamil ho phei chuan tamilian ni reng si sap trawng hmang nasa deuh chu ‘Peter’ an ti ve ngat ania.South Indian ho hi chuan yell,yum,yen an uar em a. W leh V an hman pawlh vek bawk a,yes tih aiin s an ti leh lawi bawk sia. An ta,da,ra sound ho lah an lam na bawk si. Excuse mi aiin ecue me an ti mai a. Police Station tih aiin poli teyson, chuvang chu niang an sap trawng hriat har kan tih thrin
Report this comment
October 16th, 2009 at 3:34 pm
South Indian ho (Tamil, Telugu etc.) ho sap tawnga an han tawng tak tak hi chu Bottle chhunga Marble dah thin rik ang nawk nawk hi ni berin ka hria. Anam tina wah? Tina leduh.
Report this comment
October 16th, 2009 at 3:58 pm
sillyBoy, Punjabi hi ka beng ah chuan hahthlak ve tak a ni tho mai. Tutak Tutak tih hla min ti hrechhuak, “Malkit Singh, Super Star Birmingham,” tih kha a cassette kawm ah a chuang kalh bawk a
Report this comment
October 16th, 2009 at 4:12 pm
Sap (English) tawng leh Vai (Hindi) tawng hman thiam chungchang kan sawi emaw ka tia, South Indian ho English hman dan fiamthu thawhnan kan hmang leh daih a. Chuti chu … khawnge …
Teacher: “Spell MOON”
Boy: ” YEM YO YENADAR YO YAN YEN ”
Interviewer: “What’s your name, and where do you come from?”
Candidate (rang fahran hian) : ” I yam VENKATABALASUBRAMANIAMSWAMY From THIRUVANANTHAPURAM” an ti mai chu interviewtupa pawh a meng bial pawp.
Report this comment
October 16th, 2009 at 4:16 pm
hairehai
Report this comment
October 16th, 2009 at 4:17 pm
Peg 2/3 hnuah english te hi chu kan thiam mai mole.
He kan ram chhungah ngei hian english hi chu tualleng ve deuh se a tha khop mai. Company Executive te lo zin hi officer lian pui2 room ah ka len pui fo a, english a trawng an harsat thei ltk hi chu a hreom deuh thin. A thei2 chuan titi nan te lo hmang mial2 se, chuti khati lo ti lo ila, kan practise tam hi a tul alm.
Report this comment
October 16th, 2009 at 4:24 pm
Zoram pawn lamah kan fate lehkha zirturin kan thawn sup sup a, heng ho hian Mizo tawng an hmang tha duhlo tan a, tunah pawh Aizawla kan thalai tam tak te chuan Mizo leh English chawhpawlh (Minglish) an hmang tan ta. Tun atanga kum 5-10 velah chuan United Nations-in “Endangered Indigenous Languages” list ah Mizo tawng hi an la rawn tar tel ve ngei dawn alawm. Kan thenawm lawk ami Khasi tawng (keini Mizo aia tam zawk Khasi hnam tawng) pawh a chuang vuh tawh si a. Chhei le le…
Report this comment
October 16th, 2009 at 5:44 pm
“Aizawlah vai mistiri in Mizo tawnga min biak meuh chuan ka rilru a awm hmasa ber chu, “eee, hepa chu mi rinawm tak aniang, mizo tawng thiam thei khawpa mizo ten an lo kawm tawh ni ngei tur a ni” tih te pawh an rawn lang zawka.”
Hnum danga an tawng a kan tawng an lawm ang hian, Mizoram-ah chuan vai Mizo tawng thiam deuh hi ka lawm vakin ka hre lo.
Report this comment
October 16th, 2009 at 6:09 pm
Atlangpuiin,a tawnga tawng lamah hi chuan tlemin kan ban deuh. Mizoram-ah hian, saptawng hmanga inkawmkhawmna ( English Corner ) ang chite hi siamve taila; hma kan sawn phah deuh angem aw!
Eng tawng pawh hi zir ila, anmahni tawng ang a tawng theih chu thil tha ber ani.
Report this comment
October 16th, 2009 at 7:23 pm
Mizo te hian Saptawng hi a lam/sawi aiin a ziah hi kan ti thei tlangpui a, hei hi engemaw a chhan le, ziah theih chu sawi theih mai awm tak a nih vei nen.
Report this comment
October 17th, 2009 at 1:28 am
Hmuhsit in uar bawk a, ka hmuhsit ve zawng chu, mahni tawng thiam tha lo hi ka hmusit ber. Mizo inti ve si Mizotawng thiam chiang lo deuh ho hian hnam dang tawng chu lo thiam teh mahse, Mizo an ti mualpho. Zahthlakin…
Report this comment
October 17th, 2009 at 5:31 am
Saitawk, ziaka thu kan hman dan hi tawng naah hman ani tlat loh vang ni berin ka hria. Ziak dik tur chuan grammer dik te alo ngai thin a, tawngkam ah erawh chuan chutiang kher angai chuang tlat lo a ni.
Kawnga, thlawp chikimin ka thlawp che.
Report this comment
October 17th, 2009 at 12:08 pm
Reply a lo lut nual mai a, kan vei dan in ang lo mahse kan vei tlang a lo nih hi.
Negative zawnga reply te zah lohna ni miah lovin, nalh lo deuh a tawng tan tlat te vang hian a lawm kan tih theih reng kan tih loh thin (tawngah chauh pawh ni lo). Perfectionist lampang ni lovin quality lam hawi zawng zawkin.
Accent hi chu chi hrang2 a tam mai, style of speech ani mai a, mahse pronunciation dik hi (universally accepted) chu kan hre thiam ang chu, sawi dan dang pakhat chu, ‘neutral accent’ anti bawk.
A tawpna atan chuan eng thilah pawh, sports, music, chhas bem-ah thlengin, tawngah chauh ni lovin, zei deuh leh thiam deuhte hi chu kan ngaisang zawk ngei ngei. A dik lo tan tlat tawh reng2 suh.
Report this comment
October 17th, 2009 at 11:44 pm
Mi te angin lehkha zir sang in hnasang thawk lo mah ila hmasawn zel duh kan nih chuan, mahni hnam trawng thiam chian a pawimawh tih kan hriat ang hian hindi te english te trawng dang hi thiam a pawimawh in mizo lam american lam tih velah hian buai lo tlang ila,hotel industries a thawk chuan kan hre theuh ang a. Ram hrang2 atangin mi an lo kal a english vekin lo biak an ngai a.
Tin, ram hrang2 hian english an lam rik dan(accent)in ang lo chu thu hran,UK ho pawh khu ka lo chik ve mai mai thin a, an english lam(accent)hi a in ang chuan bik lo, vawi khat chu kan Guest pakhat UK mi hi ka zawt a,”UK ho hi in english lam hi a then hi hrethiam awl in then khat lam dan hi ka hrethiam lo thin a” ka ti a,ani chuan, “london a mi te welsh te scottish te hian accent bik an nei vek a” tiin min chhang a.
Chuvang chuan english chu thiam vak lo mah ila ka thiam ang chhun hi ka ei zawn nan a pawimawh in ka hman a ngai tih ka hria avangin..kan Boss te leh kan Guest ten ka lam rik dan(accent)an la complant lo bawk a,(ka mizo thiante’n then khat te’n i english lam dan hi a trhing min tih pawn ka ngai pawimawh em em lo pianpui trawngte a lo ni lo bawk a).Kan guest te kan lakah exceeded expectation an hmuh kha a pawimawh em em zawk.
ka lawm e.
Report this comment