Zan khat lek pawh lo nghak hram ila, ka thiannu khan anu ruang kha a rawn hmu ve hman anga, a rilru na lutuk pawh a ziaom deuh tur.
Mizote hi India ram hmun hrang hrangah leh ram pawnah hna thawk leh lehkha zirin kan awm thahnem ta hle a, kan la inzar pharh deuh deuh dawn ni pawhin a lang. Mi(sual) ho hi a hre chiang ber kan ni ang.
Hetiang hi kan nih avang hian mitthi kan invui dan hian ngaihtuahna a luah fo thrin. Mitthi an awmin zing dar 8/9 vel a nih chuan thlan kan lai mawp mawp a chawhnu lamah kan invui mai a. Lumen ngai a nih chuan a tuk dar 12/1 ah kan invui ngei ngei a, laina hnai lo haw mek an awm chuan vuina programme zawhah kan nghak hram a. Hetiang hi kan nih avangin thisen zawm tak tak pawh ruang hmu lovin kan invui liam san fo lo thei lo a nih hi.
Ram leh hnamin hma a sawn zel na hre rengin kan invui dan te pawh hi her rem hret hret a tha tawh lawm ni ka ti deuh a ni. Trul bik thilah chuan heti vut vut lo deuh hian invui ve tawh ila, zan 2/3 te pawh ram hlaa fate/nu leh pate emaw lo haw tur an awm a nih chuan lo nghak ve tawh ila a tha hlein ka hria.
Chutiang a thil kan ti dawn a nih erawh chuan mitthi dahna in mortuary/morgue mumal deuh zawka kan neih a tul dawn a ni (tuna kan neih dan ka hre lo). Zan hnih thum innghah ngai a nih chuan morgue ah ruang chu kan indah mai anga, he mi chhung hi chuan in lamah pawh tlaivar kher lo mai ila, tichuan vui hunah kan la chhuak leh mai ang. Khawhar kan inlenpui a, kan inbuaipui tho tho a, ka han sawi tak ang khian ti dawn ila kan buai phah na tur em em ka hre lo a ni.
Tin, mi thih danah controversial deuh a awm a nih chuan morgue ah dah rih mai nise, investigation trul zawng zawng tih zawh hnuah inphum chauh ila.
Similar Posts:
- Mizo nuna MAKPA te mawhphurhna
- Zu! Zu! Zu!
- Kan inphum zel dawn em ni ang – Engtin nge thlanmual?
- Mitthi in
- Tanpuitu Ngaiin…
Nia,...
December 4th, 2009 at 10:59 am
A bul kan chhiar atang khian rilruah mitthi dahna hmun neih chungchang rilruah a lo awm nghal a, a sawi chiang viau tho nain, kan thlawp teh ang.
Ka putea a boral khan a fanu phaia awm chuan a ruang a hmu lo a, a dam lo tih chu a hria a, a boral ta mai bawk si a, mahni pa te ruang han thlahliam ve loh chu hrehawm duh ngawtin ka ring a, chutiang chuan mitam tak hi an awm tawh ngei ka ring a, kan mizo invui dan hi chu harsatna tam tak chu awm mahse, kan changkan tawh dan ngaihtuah chuan tihdanglam hret chu tha hlein ka hria.
Report this comment
December 4th, 2009 at 11:00 am
Kan hruaitute hian ‘in nghah theih anilo’ tih hi intih lal nan an hmang thin a nih hi ka ti mai.
Report this comment
December 4th, 2009 at 11:01 am
Vai ram hmun thenkhatah chuan kuang ang deuh, mahse lang tlang thei (glass/plastic/fiberglass?), a chhung temperature tlema vawt deuh ni ngei turah hian an mithi an dah thin. Mi zawng zawngin an hmu thei a, a ruanga pawh a chhe har deuh zawkin ka ring. Mizoramah erawh an hman ka la hre lo.
Report this comment
December 4th, 2009 at 11:16 am
4th. rawn post sek tawh dawn ni maw? welcome…As.
Report this comment
December 4th, 2009 at 11:27 am
As khiangte chu rawn thlawh fuh hle mai, hman deuh hunah uluk takin ka lo chhiar ang e.
Report this comment
December 4th, 2009 at 11:44 am
Hetiang hi YMA kutah hian a awm ber. YMA conference te hian thupui ah thawh chi tur tak a ni maithei.
Report this comment
December 4th, 2009 at 11:54 am
Ka Support!!!!!!!!!!
Report this comment
December 4th, 2009 at 12:22 pm
dik khup mai a!
Report this comment
December 4th, 2009 at 12:27 pm
Hlamzuih tah chu nepteeeee…..A tuartu tan chuan rilru natna deuh mai ania, kan chhutpui ngai lo mai pawh a, in ran ngainat deuh pawh kha rinloh deuhin han thi thut mai se chu, lainatna rilru pu tan chuan a hrehawm ve duh khawp a nia,chuvang chuan ran ang lek ka tehkhinna a ni lova nia.
As.Khiante@:i thawhtha e, YMA General Conference Lunglei lamah Agenda turin ka rawt e, hei hi kan thlir thiam a ngai tawh khawp mai, phailama awm chu thuhran, Mizoram chhung ngeiah pawh hian Lusun chhungte nghk zolo a Ruang inthlak hi kan awm ta zauh zauh a ni, hei hi chu kan hruaitute pawh hian hmalam hun thui tak thlir a, a lo Fatu chan chang YMA Memberte hahna pawh hre chung a thiam tak a ruahmanna hman ngai tawh tak ni in kei pawhin ka hria.
Report this comment
December 4th, 2009 at 2:04 pm
mitthi dahna kan la neilo hian innghah pawh hi ati buaithlak ber chu anih hi… mitthi dahna tha tawk chu nei ilang chuan ni 3 velte pawh in nghah theihve mahna…
Report this comment
December 4th, 2009 at 2:08 pm
hmasawnna chi khat poh a ni ve reng2 ang chu rck tih dan trha tehi copy zel poh a dik khawp mai below18degree ah te chuan sa te poh kum khat thleng in ei tlak a dah theih a lom har hleihnem yma branch tin an nei thei ang chu khawpui chinah chuan ft5to5ft vel in insase khawl lian lemlo fridge lian a an hman ang hi a ni mai a mithi kha ni thum ai a rei dah duh an awm dawn em ni dah man kha electric h,man man vel mithi chhung ten an chawi ve leh mai ang a tih chi phian mahna e tak a na fisheries dept in bawngkawnah cool storage an neih kha aizawl khawpui chhung a branch te kha chuan in hmang thei mai ang chu sangha dah tur an neih loh kha maw
Report this comment
December 4th, 2009 at 2:46 pm
Hei hi chu YMA lam ngaituah tur ah kei ka ngai.
Report this comment
December 4th, 2009 at 2:53 pm
yma contract tur nih hmel ka ti kei pawn
Report this comment
December 4th, 2009 at 3:58 pm
Chhungkaw thil ani.YMA ngaihtuah ringawt tur ani lo.Thil sensitive tak ania, mi zawng zawng pawh a hrut rual ngawt theih loh. La ngaihtuah deuh ngai chi chu anih hmel ka ti.
Report this comment
December 4th, 2009 at 3:58 pm
Nia, kei pawh heng thil vel hi ka ngaihtuah nasa thin khawp mai. Tunkum laihawl khan Vairamah kan awm a, kan thianpa pa a thi thut mai a, zan dar 11:00pm velah kan hria a, thlawhna tumhmun hnai ber Mangalore Km 70 a ni a, mahse chuta tang chuan Kolkata direct thlawk a awm lova, vis Mumbai or Bangalore/Hyderabad ni a. Kolkata chu tlai/zanah a thlen theih chauh si a. Bangalore atangin kan awmna hi km 450 a ni a, Bus in darkar 10 tlan a ni a, thlawhna zingkar chhuak nan ngaihna a awm tawh silo. Kan buai teh a sin. Kan thianpa chuan a pa ruang pawh a nang thei ta lo a, kan khawngaih khawp mai. A pa thlan nghah ni ah a thleng ve thei chauh. A pa an vui lai te chuan Hyderabad Airport ah a mahin hun a hmang ta mai mai a ni kha maw.
Khawvel te ala awm zel dawn a nih chuan engtikah emaw chuan kan mithi sawngbawl dan hi kan la thlak ngei ang tih a chiang reng mai. Tunah hian a SEHSAM kan hmu tan mekah kei chu ka ngai a sin.
Tun hma kum 20 pawh la kal loah khan mi ina kan len dawn khan sawi lawk kan nei ngai lo, kan kal tawp zel kha a ni a. Tunah chuan, tumahin ti rawh u, tih ngai miah loin mi tu pawh hi mi In a kan len dawn in kan len hun tur leh an awm theih dawn leh dawn loh hi kan inhrilh hmasa ta zel a nih hi. Hetiang deuh hian kan mithi sawngbawl dan pawh hi kan la thlak ngeiin ka ring.
Report this comment
December 4th, 2009 at 4:46 pm
Ka mu thei thlawh tawh lo……..!
He post hi ka SP khawp mai..! Funeral home te pawh neih mai hi a tha viau a ni.
Khawvel thang zel ah keini ram pawh hian changkanna lam kan pan zel ang a, mahni hna theuh ah mitin te kan la buai a nga hei nhi chu kan la hmabak tho tur niin ka hria a, tun atang a rilru lo in siam hret2 hi chu ngai in ka hria.
USA ah chuan mithi reng reng hi an mahni in chhungah lak an phal lova,funeral home an ti a chutak chuan an dah mai a, chutin vui mai an la phal lo leh nghal a,karkhat lai pawh chu funeral hme ah chuan an dah a,chu tak chuan eng kim vuina hunserh te kan nei mai a, tin mizo pawh lo boral se chu tiang tho chuan tih a ngai a,an in lam ah ruang tel lovin kan lenpuiin mizo in lenpui ang khan kan ti mai a ,a vui huanah funeral home lam ah vuina hun serh nei turin kan kal mai a, hunserh zawh ah thlanmual lam kan pan pui leh mai thin.
Hetiang ang deuh hian ram hla atang a an chhung leh khat, ruang hmuh hman duh te tan a lo nghahna dan leh ruang dah na hmun siam fel ni thei se chu duh thusam a ni.
Eng tikah emaw chun kan la practice tho chuan ka ring.
Report this comment
December 4th, 2009 at 6:40 pm
keipawh ka va han sp tak em.
Report this comment
December 4th, 2009 at 7:25 pm
He post hi thra ka ti khawp mai. Vairam atang ruang nan hman tuma rawn haw, thlawhna cancelled vanga rawn thleng thei lo ho hi ka khawngaih thei khawp mai. Sum tam tak an sen hnuah ruang an rawn hmu hman leh lo thrin hi chu a pawi thei khawp mai.
Report this comment
December 4th, 2009 at 7:35 pm
As khiangte chu i post tha khawp e, chhunah khan ka chhiar chiang hman lova. I thil rawt hi tun hnai maiah chuan kan la tlin lo a nih pawhin kum rei vak lovah chuan kan la ti ve ngei turah ka ngai, a bikin khawpui lamah. I vision a tha e.
Report this comment
December 4th, 2009 at 8:01 pm
Lomom hle mai, hetia kan han sawiho ringot pawh hi a la tangkai ka beisei.
Report this comment
December 4th, 2009 at 8:16 pm
Tawi tein ka ziak dawn. A va sei leh si! Chhiar kan mai r’u!
He subject-ah hian tumah indem chi a ni rih hauh lo! Mizo nih nawmzia, hnam dangte aia kan vanneih bikzia a lan chian lehzualna a ni. Tin, Zoram ramri chhungah Mizote awm vek ni ila chu, kan tih dan pangngai han siksawi danglam tur hi a awm hran chuang lo mai thei.
Mitthi ruang, morgue kaltlang-te hi chhungkaw nei lo emaw, an ruang identified mai ni lo emaw an ni tlangpui a. Chhungkhat hnaivai nei ngat ruang chuan morgue a paltlang mawh khawp. Post mortem ngai pawh, post mortem loh hrama ngentute kan la tam a nia!
Phairama zirlai, lehkhazirte leh kan Mizo Officer liante hi an fakawm em em a ni. Ram pawna mite erawh hi chu India rama kan Mizo mitthite tana an tangkai theihna a tam hran lo.
Ruang a awmin mahni inchhungkhur ngeia lak luh duh hnam kan ni tlat mai. Chhungte chhung leh chhawng ruang pawh an khaw lama thawn a nih hmaa lainattu in chhunga a ruang la lut a, Veng pumin an buaipuina khawvelah kan la cheng hrim hrim a, chu chu lusun kan intawrhpuina a ni tlat! Lusun chhungte pawh lusun tukah te chuan thenawm-khawvengten chaw ei turin kan pawt darh hlawm a. Anni pawhin loh theih lohvin an rawn ei a, an khum pindan ngata ruang zalh kha thutpui rei hman dawn tawh hek lo, eikham veleh thingpui-hang dawm pawh hman lo intiin, an kir leh vawn vawn thin a.
Partition Wall zawng zawng, thih thawm hriat a nih veleh YMA-ten tuboh leh chheni, thirtiang hmangtein kan lo kar thla nghal buan buan a. A khem mawi lo hlen pawh a tam thei! Ralkhata thihna a thlenin, “In kha lo insingsa rawh u,” kan han inti hmasa ber zel bawk a. In chhung lumah pawh, mut pindan kher kher atanga kalta te thlah liam duhna rilru kan pu si.
He kan Culture, sorry kan NATURE mak danglam reuh tak hi thiat tur hian kan in-educate zo ang em maw le?
Phai atanga ruang rawn kal, fur khaw hnuaiah —tum angin itinerary a lo ni zui thei tawh si lo. Hetiangah hian mitthi inah zan hnih nghah tura ngaih zan thum emaw nghah a ngaih chang pawh a awm! Branch tana rorel thiam pawh thil harsa a tlin chang a awm. Hei hi ka suangtuahna ni lovin, ka experience ve fo tawh a ni.
Tum khat chu kan experience a dang hret a. Tun thlengin nuam ka la ti lo khawp! Mitthi chhungte zinga YMA-a nihna chang ve pawhin a nihna a bansan phah hial a. Kan ruang nghah kha zan hnih a lo berah nghah a ngai ta si a. Fimkhur takin in lama an chhungte leh Branch YMA kan in-negotiate fel thlap a. Zan hnih kan tlaivarpui hnuin khaw thim tepah ruang a rawn thleng a. Ruang a rawn thlen hun huna phum theih turin YMA leh chhungkua kan inrem angin zan pawh ni se, phum ni se tih a ni. Thlan pawh laih lawk a nih chu! Ruang chu tlai thim dawnah a rawn thleng a, thlalak-hona leh invuina hnuhnung a zawh fel chuan petromax pawh chhit a ngai ta hial a.
Chawplehchilhin, mitthi chhungten “Zanina lumen kan duh,” an ti leh ta thut a! Thlan kan lai lawk vek tawh a, kan inrem dan ang kha mitthi chhungte lamin engmah min pawmsak leh duh ta si lo! Section an buai mangang —Branch thleng thlengin. Rorel thiam a har lo; mahse, a tikhirh thiam an awm ta!
Mahse, ka inchhir em em chu —mitthi chhungte duh dan ang kha lo bawhzui tak mai awm ka ti hnuhnawh leh a; kum 20 vel chu a liam tawh, ka inchhir reh thei lo. A dawhthei zawka YMA kan lo awm lo kha a pawi viau! Ka sawi duhna chhan chu, ruan gkha inchhung lumah zan khat a la awm pawh an lo thlahlel em atin a ni!
Pu Rualkhuma of Bungkawn, Aizawl ruang pawh —fur lai kawng min chhe hnem tak karah Mizoram rawn luhpui a ni a. A car mawi lutuka Shillong kawnga accident-a zu boral a ni. Amah Pu Ruala khan Rough-truck (JCB) a lo nei hlauh va; chu chuan hma a hruai a —min lai apiang a thian zel a; ruang chuan hnung a rawn zui a. A ziaawm hram a.
Chutiang ni ve lo, chhungkua kan tam em em a. Chhiat ni that nia Veng inkaihhruai dan pawh a inzul hlawm viau. YMA Hall hi chu nei lo Veng kan awm tawh lo mai thei; tin, Thlanmuala thlan laih bungrua chhawpna in pawh kan nei fur ta! Kan neih ngai loh thil kan ngah sawt a. A bek beka hmasawnna zelah hian in rawn rawt Funeral Home hi nei ta ila, room tihvawhna pawh nei thlarh ta ila —kan ram mi lianho kan educate a ngai ang a, YMA hian hma a la tak tak thei ang em? Chhungte phaia hla taka awm theite chu chhungkaw chenbeh em em an ni lo mai thei —hei hi beng sika ngaihtuah ngai a ni.
Report this comment
December 4th, 2009 at 8:29 pm
Tum khat, Kolasib-ah ruang dahin kan kal a. An inral dan BAWM DAWH kha remchang ka ti hle a, kan veng-ah introduce ka tum rawk a. Thlawptu ka ngah rualin, thlawp lotu pawh ka ngah. Mi rawn hnialthlatu chuan, hmel inlan ngeia kuta tangka inhlante hi a duh an tam, ti tlatho an awm ve tlat!
Kuang nawrna tawlailir hi chu Khasi-ho tih, Khasi-ho ta aia changkang zawkin Mizoram-ah 1993 vel khan kan introduce hman tawh a; Veng rualrem neite chuan an ching ve sang sang tawh awm e.
Duh dan inrual mawhah hian Branch engemaw zatin a tlangpuia khaikhawm thil CYMA-ah CEC-a put luh ve chi chu a ni tawh ang. Mahse, CYMA pawh hi branch thenkhatte hian an finkhalh ve tlat tho a nia!
Tuna Vui hun program neih hnua khualkhuaa mite innghah ka ti tho a nih chuan —kawnghmang fel zawk chu duan thar a tha khawp ang le! Funeral Home han nei ve pawh ni ila, kawlhawk anga dawihzep, thlahrang hlau tur an tam awm!
Report this comment
December 4th, 2009 at 8:53 pm
E khai, chawnghilh chu a post tupa post aia sei daihin a rawn comment a, a bengvar thlak thin hle mai. Ni e, mizo te hi inchhunglum ngeia ruang kilho duh kan ni a, khualkhua a thi pawh haw kawngah laina hnai ina chawlhtir kher te pawh kan duh thin a nih hi.
Amaherawhchu kan tih dan phung hi kan khawsak dan mil a zawi zawi a her danglam hret hret hi chu thil tul tak chu a ni.
Report this comment
December 4th, 2009 at 10:11 pm
Post tha hle mai. Keipawh mithi dahna chngchang hi ka veina a rei tawh. Tin, YMA kut a dah ringawt zel pawh hi a dik ber em aw ka ti mai mai. Heihi chu sorkar lam tih chi a ni mai thei. A chhan chu mithi dahna kan nei duh a nih chuan rintlak tak tak neih a tha ang. Khaw lum lai deuh va rim chhe hma thei leh khawvawh lai a rimchhe har deuh tih vel kha a buaithlak dawn tlat. Chuvangchuan mithi dahna In hi neih ngei a,mithi dahna In hi VIP of VIP a dah theih nise, electricity chungchangah. Chuan mithidahna In chhung a mithi mut tirna turah hian vur (ice) awm reng mai se la, duh chen chen a rei, a case a zir in leh mithi chhungte awmna hlat dan a zirin a dah mai theih dawn a ni. Hetiang ang chi mithi dahna hi vengtinah awm thei se, a hautak em em a rinawm loh.
Mithi an awm reng reng in, eng natna vang a thi pawh kan Inchhungah kan la lut a, thenkhat phei chuan an zut an zut a, an fawp thul bawk nen, heihi a hrisel vak a rinawm loh.
Engpawhnise he rawtna hi tunah tih puitlin theih loh mahse, thangthar te an lo fing zel a nga, tun a kan dan hman lai hi chu kan thlak dawn chiang tih hi chu ka ring hrim hrim.
Report this comment
December 4th, 2009 at 11:21 pm
In suggestion zz hi thlop awm tak vek ani. Kan titur-
1. Mithi dahna hmun kan neih vat a ngai
2. Mithi hal pawh a duh tan kan tran a ngai
3. Thlanlaih privatize tawh mai tur (OT loks)
4. Funeral home pawh kan mamawh – ngahnge mahni inah ruang kan lakluh vek zel kher ang le
5. YMA in thlanmual an itih-tatu avanga heng nghah ngai nghah loh hi thleng anih chuan Veng veng thlanmual tih kher lova inphum keuh mai tur.
6. Space hek lo zawnga inphum ding chung anga ruang thlak dan kan tran a trul
Report this comment
December 4th, 2009 at 11:27 pm
Rem leh rem lo,hun awmdan in a zirlo chung pawh a, hmuh ngei2 kher tum tlat pawh hi midang tan a harsatna thlentu leh thil siamthat(tih dam leh)theih tawh chuang si lo a buai viau ringawt na hi a ni thei tho a ngem?Lusun chhungte an lainat awm viau rual in!Thil tam tak ah hian pachan leh tuarchhel in zir hi kan mamawh em?kan la tawn loh theih loh a ni tho si a!te ka ti ve mai2.Keipawh lusun hnem ve tawh tak leh hetiang lam a problem chi hrang2 lo nei ve tawh tho ka nih nalai ah kan sawi ve mai2 a nia!
Report this comment
December 4th, 2009 at 11:27 pm
Kuang hi a hmawr lehlam zum, tubohva leia khen luh mai hi kan rawt fiam fo tawh! Thlanmual indaih loh a na tawh si! :lol:
Report this comment
December 4th, 2009 at 11:52 pm
Chawngchilh, zoram chhunga cheng ngeite ah pawh hian harsatna chu kan tawk nual a, kan tih dan hi thlak deuh chu a ngai tawh khawp asin. Mahni pa te, unau te leh fate ruang hmuh hman loh a vui liam tak hi kan ngah tawh viau a nia. An chhungte boral thu hrilh an nih veleh a, rawn pan nghal ruang nang hman ta chuanglo hi an kat nawk tawh a nia.
Report this comment
December 5th, 2009 at 12:06 am
@Pim Pom : Khawtlang YMA hruaitute an pawimawh viau … Pangzawl-a chhungte thihnaa ka kal tumin thlan vung chhilh chu “makpate hna tur” an tih lai a la ni; YMA an inrawlh mang raih lo. A laih mai kha an tih a ni ta awm e!
Chuvangin, kan chettlatna leilung athuin thil hi a dang hlawm a. Ruang innang kher tur chuan chhungte hna thawhna pawh a lo hla tham ve ta hle a nih hlawm chu, khuain a bumro chang pawh a awm thei ngei ang —rokhawlhna hrethiam tak Hruaitu neihna a nuam mawlh ang a; a nih loh vek chuan retheite VIP-na sorkar thar hnuaiah engnge CHANGE awm ve dawn ta le? CHANGE aiah hian CHANCE la hian kan khawsa leh ang tih a hlauhawm e!
Report this comment
December 5th, 2009 at 12:22 am
Ka sawi belh zel duh.
Ruang hi tunhma deuh kha chuan kuangah kan dah mai ngai lo. Kuang siamtuten an la siam peih fel hman loh vang pawh a ni ang e. A tlangpui thuin, vui dawn tep-ah mipui lu chungah kuang an rawn zawn lut chawp a. Tap thawm a rawn awm thar leh a. Vui hun dar 12 or 1 chiaha tan theih loh chang pawh a awm thin.
Ruang hi kuanga indah vat hi a mawihnai zawk a rinawm. Ruang a inang vek lo vang; chin than atana duhawm zawk chu kuang chhunga indah ran hi a ni. A lang thianghlim zawk pawhin a rinawm!
Tun hmaa kan building sak danah khan thih ni hi kan hisap tel vak ngai lo va; kan kailawn hi kuang inzawn luh leh inzawn chhuah nan chuan a chep hlawm khawp bawk.
Kuang saim dawna mistiri bungraw hawh chawp ziah ai chuan, Branch YMA-in kuang siamna hmanraw chikim hi nei thlip thlep sela, perek leh kuang khuhna tur zawng zawng pawh lei lawk theih vek a ni. Kuang tur thingphel pawh hi a trip tawpa lei hi a senso a tlem zawk bawk.
Chhung tin atanga Rs 40 thawhin a in-manage theih khawp asin! Veng thenkhatah kuang khuhna awm loten an khawsa fo; mahse, linen puana khuh theih a lo ni khawp! Veng lian thamah ka chetla a; chhung tinin Rs 40 kan thawhin mawihnai takin a lo manage theih khawp mai! Kuang khuhna inhmantawm hi a hrisel zaih ang em? Phum telin a tih theih khawp asin!
Report this comment
December 5th, 2009 at 12:25 am
Chawngchilh, adik khawp mai. Nov thla chawhnu lam khan ka thianpa ve ngawih ngawih in a pa asun a. Zing dar 4:30 velah a boral a, dar 9:30 velah an Khua kan thlenpui a. Chhun dar 1 ah an vui tir mai a, a ruang kha an thutpui reilo teh a sin. An khawngaihthlak tak zet a ni.
Report this comment
December 5th, 2009 at 12:34 am
9:30 AM-a ruangin khua a thlen chuan —Hruaitu ni ta ila, ka thawhpuite pawhin remti em emin —lumen chu a ni hrim hrim ang!
Report this comment
December 5th, 2009 at 4:16 am
Nikum ka u fapa boral poh khan civil ah jing dar 5 velah in thlenpui meuh chuan dar 9 …dar khatah an vui a….a hmani tlai mai na thut ni bok nen…a hrilhaithlak duh khop mai…..
Report this comment