Thil tha aia thil man to, thil hlu aia thil changkang, kan mamawh aia it zawng ringawt atchilhna zoram khawvelah hian gas bur put zak tawk vela changkang, tuboh leh ara hmang thiam lo tawk vela lehkhathiam kan va tam ta em!
Zan lamah inkhel(EPL, UEFA, ect…) en leh Computer Games khela zinglam Dar 2 hmaa mut tum reng reng lo, Dar 10 vela chaw ei tura kaihthawh chawp ngai, lo la bak hlur zui, chhungkaw pawimawh leh tul/ thawh tur sawi apianga ‘keima’n’ tih tum lo, hlawhfa chhawr tur erawh hre thei fù si, Zu leh Drugs laka fihlim ve mial, (a ruka ti?) te kha tlangval fel tiin kan puang ta… Veng khata tlangval fel kan tihte hi an va nep ta em! Zu leh Drugs ti lo nia kan hriat dek dek tawh chu enganga thatchhe zawr-kawi leh thawhchhuah aia hmanral nuam ti mi pawh niraw sek sek tlangval fel, entawn tlak, makpa atan it rawn an ni ta zel mai si a le(h)!
Kan nula-te mawlh mai hi… Zing thawh atanga vawiinah enge ka hak ang… Ka sam hi eng kalar-in nge ka chei ang… tih bak ngaihtuah nei lo, bialpate Bike chunga mawng-er tarh a chuan sexy dan leh a mawi tawka awm-bawra va nawk zeuh zeuh dan bak thiam nei lo; India, Burma, Thailand mai duh tawk loa Hongkong, Paris leh Singapore lam fashion/ tlereuh erawh hre nalh nalh thei, model chawmhlawm nih zak map lo… an va tam ta em! Korean nula hoin Asia khawmualpuia ber nih tuma chhun zana pawh sawi hman lo lèka hna an thawh mawlh mawlh lai leh an ram siam chhuah thawmhnaw man tlawm tè te te inbela Seoul Khawpuia hna tul avanga hmanhmawh phelenga an tei suau suau lai hian… Aw, kan va la inthlau haih haih tak em!
Nu leh Pa te lah bang bik hek suh. Hmanlai mizo nu&pa, chemtum leh èm bak hmachhuan tur dang nei lo ten fa 12 an chawm ngam laiin, 3 kan han nei dek dek a “duhtawk tawh ila, kan chawm zo lo palh ang e…” kan han ti nghal ngawt a. Nu berin nauawmtu tur Burma nula a’n zawng nghal ruai bawk a. Thatchhiat luatah khawvela a neih hlu ber kha a mah aia mawl leh bal trawp ve tak tak te kutah a seilen tir phal a. Inchhung sekrek khawih turin awmpui dang a la chhawr zui. Chhungkaw pa, Sorkar inthlak ang zela Hnam Rùn leh Bhavan vela thu nileng ta zak zak lah bo lo. Kuhva leh cigarette nena nui sen huam, zahna chang hre bawk silo, hotute kam liam changa hnadang engdang ngaihtuah tum lo, party office leh minister zing tho changa, contrac leh hna chhe tè beiseia then nileng ta mai mai “Patling” hi kan lo va tam ta em! Khua hi a la var mawlh lo!
Similar Posts:
- 10,000th Post (Thu thehkhawm 10,000-na)
- The Indian Condom song
- Intihṭhaih
- Nangni leh Keini
- Lungrem chimin naupang 2 delh hlum
February 4th, 2010 at 12:18 pm
1st chhiar hma in
Report this comment
February 4th, 2010 at 12:19 pm
hman thin i la chuan kei chu ka mi(sual) tleivar thei awm e :lol:
Report this comment
February 4th, 2010 at 12:29 pm
Engmah phei chu ka ni law…
Mahse ka tei theih loh pakhat chu Demand channel-a zaithiam, zawi lutuk, zai hnawng hnawng ho hi.
Report this comment
February 4th, 2010 at 12:31 pm
Dik fu ni. Nu leh pa te chawm tur a, tleirawl tha zat pawh reh hma a nupui nei ta mai lah hi kan tam ta si.Nupui neih hma te hi kan in tih hmuh zo ta.engmah thawh nei silo, inhlawh peih silo, khumbet a nupui nei te hi kan tam hle mai a, a var mawlh lo :cry:
Report this comment
February 4th, 2010 at 12:32 pm
Uluk takin ka chhiar chiang ta e. A paragraph tawp ber khi a dik ka ti khawp mai, Birth Control tih vel te Politics ruih chilh tih vel te hi changkan duh chuan kan kalsan a hun ta viau e. Kan nula te pawh hian kan hnam incheina hi uar thar leh se, hmanlai ang em em ni lo deuh pawhin a tunlai thei ang ber te pawhin han CONVERT ta ang sela a nalh ngawt ang chu…
Report this comment
February 4th, 2010 at 12:34 pm
KTP leh YMA a in hmang i ti tel lo
Report this comment
February 4th, 2010 at 12:44 pm
Zoram Khawvar hma hi chuan kan khua hi a thim reng dawn anih hi. Ngaihtuah chian chuan thin a rim trah tichhuak mai thralai piangsual te lah hi kohran pawh hian a vei lo.
YMA a inhmang taima mahni inchhung hna thatchhe tak tak, hman em vang leh intihthu duh vang leh lansarh duh vanga YMS hotu nite hi kan va tam ta em
kawlhawk-a thuziak chuan min va han dek em, Change tithleng thei kan va mamawh em. Kan Social issue lian ber ani. Sawitur ka hre treuh kan chhiatna hi a solve dan tur hi ani ngaihtuah ngai chu
Report this comment
February 4th, 2010 at 1:01 pm
@kawlhawk hi thu leh hla i thiam mai ni lovin i han vawrhchhuah ho reng reng hi an va pawimawh hlawm em! Ni e, Zoram hi a thim zawnga han thlir chuan a thim fu mai. Khawvar a la hlat hmel thin khawp mai! Changkan dan khingbaiin kan changkang a, khawvel ram dangte ke chheh ruala pen kan tumin kan ke a bai leh si thin! Thalai lungmawl chapo bawk si, mawl hliahkhuh nana thawm chang ring hi an tam ta ngawt mai. Nu leh pa chungchang i sawite khi a va dik thui em!
Report this comment
February 4th, 2010 at 1:12 pm
pu mz, pu keimah,
chhungkua kan inenkawl dan, kaihhruai dan leh fate kan enkawl dan hi a bul atanga kan tan that a ngai. Tuna kan kal dan tam zawkah chuan kan faten rual elna chang an hre lo a, ai upate zah chu sawi loh nu&pate ngei pawh min zah tha duh tawh hek suh. Thawhchhuah harzia zirtir loin an duh apiang kan tih saka, an ngen apiang kan lei saka, taima tura zirtir a hnekin awmpuite kutah engkim kan daha, an under ware nen lam an suk saka…sawi tur ava tam em!
Report this comment
February 4th, 2010 at 1:21 pm
A la var loh le thim zingah kan ni dap dun dun a nga ni mai lawm!!!
:evil:
Report this comment
February 4th, 2010 at 1:32 pm
thunderbird=kawlhawk?
Report this comment
February 4th, 2010 at 1:43 pm
@kawlhawk
Mahni fate piansual tir kan ni ngawt alawm kan duat luat leh awmpui te kan rin veks avangin, a khap-a-khap hmaks chi mawle. Hetianga fate kan tihsual avang hian nu leh pa tamtak tan trah leh hathrialna a thlen. Ram tan chhiatna a thlen mek.
HV-an awmpui neih loh poimoh zia a sawi te hi zawm tum kan tlem hmel tiraw. He hripui hi kan kalhpelh hun ka nghakhlel em em ani. Sap vakvai leh Media a Celebs ho copy re re hian kan thralai te an hmanhlel … boralna an pan mek ani si a le
Report this comment
February 4th, 2010 at 1:44 pm
Samtrawk ah ka comment thei lo a tah hian dah mai ang!
@ku chawnghilh tan liau2
https://i49.tinypic.com/2hykikz.jpg
Report this comment
February 4th, 2010 at 2:10 pm
“Thatchhiat luatah khawvela a neih hlu ber kha a mah aia mawl leh bal trawp ve tak tak te kutah a seilen tir phal a.”
Hei hi a va han dik em !!! Nauawm kan la ngailo reng ani, kan thenawm naupang ai chuan a changkang in ‘Personality’ a nei tha zawk renga.
Report this comment
February 4th, 2010 at 2:13 pm
Zoram khawvar hun hi ka nghakhleh teh a sin aw!!!!!!!!kei misual hian.
Khawvar nan chuan sorkhar kal phung thar ,khawtlang kalphung thar tlawmngaihna kal phung hmanlai tak ami tharthawh,sakhuana kal phung thar kan mamawh ani ber in ka hria>
Mizo te ho hnamsual kan ni lo ram pon ah chuan fel a fak kai kan ni vek.
Kan taima tawk bawk hna kan thawhna tawhna ah chuan kan hnam thuk duh dang an awm leh awm loh min zawk var zel.
Kan trhalai te maw hnathawk ah an duh kum 18 pel tawh phawt chuan hna thawk pah ten eng eng emaw an zir pah peih
Engatinge Zoram ah kan trhalai ten hna thawk lova nawm chen an tum bik .Eng emaw felhleih chu kan Zoram riangte ah hian a awm zawng anih hi huha.
Zoram Khua var thuai thuai2222
Report this comment
February 4th, 2010 at 2:14 pm
Pem thar sorkar hnathawk phei chu kohranah an tlatlum nghal, kan hruai tute lahin sunday school zirtirtu atan an han la nghal ringawt, a hma in engnge a nih? Pathian tihmi a ni em tih pawh en chuang bawk silo!
Zirna lamah lah kan sap nel nual bawk si!
“..bialpate Bike chunga mawng-er tarh a chuan sexy dan leh a mawi tawka awm-bawra va nawk zeuh zeuh dan bak thiam nei lo..” :lol:
Report this comment
February 4th, 2010 at 2:26 pm
“Kuhva leh cigarette nena nui sen huam, zahna chang hre bawk silo”
Zokhua tamtak ah pawh hetiang species a tam ve tho mai.
Report this comment
February 4th, 2010 at 2:27 pm
Ni e, khua hi chu a la var molh lo, a var tak tak poh hi ka ring lo e a :cry:
Computer games molh mai hi ka vei. On line in zan rei tak tak games an khel, field a kal an tum toh lo, physical exercise an la tlem ltk, an ei a tha si, an hriselna hian a la tuar anga ti nia.
Report this comment
February 4th, 2010 at 2:43 pm
TV-a han en reng reng pawh hian sap ho khawlai leng vel te hi an hlim hmel asin, an fresh si, an ram en mai pawh hian a hrisel hmel ngawih ngawih, Mizoramah chuan khawlai lengte hi han en ila, fai veng vawng hlim hmel taka leng chhuak hmuh tur an vang, an tum deuh bur vek mai a, kuhva an hmuam deuh vek emaw tih tur!
Kohran leh YMA a thil tih ho/inhmuhkhawm tam lutuk te hian rual awh a ti na a sin, kan thalai ten kawr ngai hak ngun lutuk bik nih an duh bawk si lo, hei vang te hian alawm kan din hmun phulova kan in chei a ngaih, hetiang inhmuhkhawm(huau huau) tam lo se chuan an kawr man chanve vel hi an lei lovang a, hna thawhna hun pawh an ngah ang, taima pawh a tam zawk ang….. hetiang reng te chuan nitin mai hi kan tan chuan weekend a ni mai.
Report this comment
February 4th, 2010 at 3:06 pm
tun atanga kum 20 a liam meuh chuan kan harchhuah em loh pawhin kan tlakna a sang ve viau ang, vei a sawt silo,min vei a ni tihna chang pawh hre lo mahni a insiam that tum bawk silo awmkhawm te pawh kan ang dawn dawn e. A englam hi han thlir lui hram hram ila, nachhawkna tha ve deuh a nia
Report this comment
February 4th, 2010 at 3:12 pm
misual.com post ka chhiar tawhah chuan tha pawl tak a ni.i ngaihdan khi ka ngaihdan chiah a ni e.I rawn thawh tha hle mai.
Report this comment
February 4th, 2010 at 3:18 pm
Class 10 an pass a, thian te Arts an la a, an la ve ringot a, college kal pah a pasal zawn hi a tam zawk tum ni mai in ka hria. Mark tih that nan kohhran a a hming a inhman.
@As_k, field a inkhelh truk2 te chu a hahthlak em alawm, thrut hmun a pet goal zuai2 hi a nuam daih zawk a nia!
Report this comment
February 4th, 2010 at 3:25 pm
khua ala var lo ani. Thu thatak tak te hi kan han ziaka,Zoram mipui nawlpui hian chhiar ve thei sela chuan inhmuh chhuahna tham thu tha tak tak te,thu ho ve tho te a awm nual mai. A post tute leh a comen tute hian kan chhiar ani maia,a uihawm thin ngawt mai..kawl pawh ala englo..
Report this comment
February 4th, 2010 at 3:47 pm
Mengrei thotlai hi chu kan endan a dang ngawt tur a ni loin ka hria, an thawhtlai avang ngawt khan hna thawh hreh phah chuang lo pawh an tam a nia, Tin, an mut rei zawng hi kan tehber tur niin ka hre ve bawk. Mahse tlai deuh deuha thoa hnathawh tum chuang lo hi chu khua an ti var mawlh lo ve.. Thawk peih lo ho hi i hmusit ngam ang u.
Report this comment
February 4th, 2010 at 4:11 pm
Hnam bo chu hei ngei hi a lo ni e!Kan bo chiang ngawt a lo nih hi!Trah trah mai a!Work culture kan nei chhe lutuk leh kan value system chhe lutuk hi kan la boral pui dawn a ni.Mi zawmthaw leh thatchhe lutuk hian a ma nun mai a tichhe lo a,ram hnuk a chhe zawng in a khawih pha tlat.’work is worship’ tih kan nunpui hun2 ah tunna kan buaina tam zawk mah hi a kiang ang.Hnathawk peih lo zu in chuan zu in tawk a thiam ngai lo ang,hnathawk peih lo kohhran a in hmang chuan kohhran zahawm na a tih hniam em2.Thawh rimna tak2 tel lo a lehkha zir chuan a nun ah quality tak2 a nei ngai lo ang.Tun a kan kristian na dal tak nilo,hna rim tak a kan thawh tak2 hun ah kan khawtlang nun a lo vul leh ang a,kan kristianna pawh hian a tak ram,kan society leh khawtlang nun siam thra khawp in vung a rawn chhuah leh ang.Hnathawk peih lo,mahni in vengvar chawp pathian kohna ka dawng ni a insawi, iak2 kan tam lutuk chhung pawh hian kristianna pawh hian hmalam a pan tak2 thei dawn lo.Kan ngaihsan zawng te pawh hi kan change a ngai.
Report this comment
February 4th, 2010 at 4:12 pm
ka comment ve tawh lo mai teh ang he lam chu,a chhiar lam ah ka lo ram tang ang e…
Report this comment
February 4th, 2010 at 4:15 pm
Rilru nei an kang ang a, rilru nei lo an hniam ang a nimai lawm :!:
Zan khat thil thua paten min boral san vang tla chhe thei dinhmuna ding kan tam em mai (tawngthu chhe lovah)!
Report this comment
February 4th, 2010 at 4:31 pm
Ngaihtuah ngun ngaite:
1/ Chief minister in a thusawi ah chuan Mizoramah state pawn mi floating population 2 lacs vel awmin hnachelh an nei vek a ti.chutih laiin kan thalai ten hnathawh tur awm lo an ti bawk si.Enge HNA chu ni ta?.
2/Zirlai tan a hun hma a lerh,ngaihzawng buaipui, vel vang hian 50% chuan an hlawhchham phah.
3/Kum 30 pel tawh taksa hrisel pangngai hnathawh nachang hre lo chu rilru piangsual an ni tak tak mai lo maw??
4/Mizo danah in hrang chan hun hi siam thar leh nita se la,taksa chak vanglai ber pawh a mahni in enkawl thei tawh lo te hi a bika enkawlna siam ta ila.
5/Lehkha thiam thei bik tih loh chu class xii bak kal tir lovin,thiamthil zirbing turin ITI/Polytechnic ah te training uar ila, skill/semi-skill work force hi kan hmakhua a ni.
Report this comment
February 4th, 2010 at 5:04 pm
Thawhtlai vang ngawta thatchhe tura inngaih hi i sim teh ang u.
Report this comment
February 4th, 2010 at 5:14 pm
Ngun tak in ka chhiar a, ka chiar nawn leh a dik ka ti tulh2 mai.
Pu Kawlhawk, kan Mizo te khawsak phung dik tak i tar lang ni in ka hria,nang thu thiam ah a solution mitin ten a kan tih tur han tar lang thei phei la chuan a tha leh zual ngawt ang.
Report this comment
February 4th, 2010 at 5:17 pm
@wonder, inkhel chiah ila min cho ami :?: ka sawp hrep mai ang che. :P:
Report this comment
February 4th, 2010 at 5:21 pm
Ka lu a na lek lek mai ka ti
Report this comment
February 4th, 2010 at 5:35 pm
hetiang thu thra chhiar thei tura misual.com ka hmelhriat hi vannei ka va inti em!!
Pu Kawlhawk, he post hi kan veng KTP Chanchinbu-a chhuahchhawn i phal em? Ka thalai puite chhiar leh hriat ve atan ka va it emmmmmmm.
Report this comment
February 4th, 2010 at 6:08 pm
Sihsen, phal tehreng mai, i ti lawmawm e. Mizo zawng zawng hian chhiar theuh thei ila… Chhiar mailoin darthlalanga hmangin insiamthatnan hmang thei theuh ila… New post/ next post-ah hian a chhunzawmna a rawn chhuah ka ring?
Report this comment
February 4th, 2010 at 6:26 pm
Kan ram leh hnam nun ‘upgrade’ tur chuan thil negative ngawr ngawr nilo in,positive lam hi phawrhchhuak tam ila,chhiar theih te hian awm tam se…ka lo ti ve mai mai thin a!
A thim zawng nilo,a eng zawng hawia inzirtirna hian chhu zui thei ta bawk ila.
@kawlhawk,i ziak thra e!
Report this comment
February 4th, 2010 at 6:36 pm
Pu kawlhawk chu i ziak tha ka ti hle mai, a bikin fate leh awmpui chungchang khi dik ka ti.
Report this comment
February 4th, 2010 at 6:37 pm
Pangtichawr: #31
Aids i vei dawn niang
Report this comment
February 4th, 2010 at 7:08 pm
chhun ah kha chuan khua var a tunah chuan var lo leh chiah tawh pu vanchhia pawh tho tep tawh ang chu:-).a tha ka ti vek mai keichu
Report this comment
February 4th, 2010 at 8:41 pm
@kawlhawk ,a dik ti leh tha ti liam liam zawng zawng hian in lamah kan practice vek em le ? nge mahni inchhung in relbawl dan ngaih tuah lovin a thuah kan cheng vak zok em tih hi hriat ava chak om ve, tunlai kan zoram hmelma lian ber ani si a
Report this comment
February 4th, 2010 at 9:50 pm
ehemzz
Report this comment
February 4th, 2010 at 10:20 pm
Thu-ziak-tawi(thu-tawi-zaiak ?) thra deuh² hi kei mi(sual), thai trial lam a beidawng; chhiar lamah lah mite theihnghilh zat chhiar lo hian MI(SUAL).COM-ah hian ka chhiar tam ta fu mai! @kawlhawk i ziak ngaihnawm khawp mai!
Report this comment
February 4th, 2010 at 10:56 pm
Mizote te hian Chhungkaw pawimawhna kan in zirtir lova, hei hi a pawi hle. Kan tunlai thangthar nunah a rah a chhuah tan a,a sawp chu nasa tak a ni. Nu ber in mahni fate aia mifate a ngaihpawimawh zawk chhung chuan kan dam lovang. Pa ber in a chhungkua aia kohhran leh khawtlang thil a dah pawimawh hmasak chuan thil tha a chhuak khat viau in a rinawm a in chhungah….
Report this comment
February 4th, 2010 at 11:43 pm
comment ve lo mai ang,azahthlak… :oops:
Report this comment
February 5th, 2010 at 12:17 am
Hemi siam tha tur chuan kei chu nu leh pa an pawimawh ber ka ti, dem tur dang ka hre lo. Mihring te hi thilnung zawng zawng ah kan pianchhuah atangin zirtir ngai ber kan ni a. kal zirtir kan ngai a, thil tih dan engkim zirtir ngai kan ni. zirtir loa naupan lai atanga keimahni a bet chu mi thik te, huphurh te, huamhauh em em nate hi anni a. Kan thianpa hi kum 17 ani a anu leh paten an ngamlo ani ber mai. a zahthlak ngawih ngawih. a nu leh pate chuan enge an tih thin ang le? an fapa kawngdik ang hrilh lo anih chuan a aia dang mawhphurh na kum 17 chuan enge an hlen ang le ka ti thin. Nu leh pa te hian mahni fate theuh hi siam tha se, enkawl tha se kawng dik leh tha hrilh se camp angai lo ang, jail angai lo ang. a huhova awmtha duhlo siam that tum ai chuan tet te atanga an lo enkawl tawh theuh an fate kha siam tha se thil awlsam ber ani. Sial rang in sial rang a hring, sunhlu kungah thei dang a rah ngai lo” fapa laktlaklo tak nei chu IAS, IPS, CM pawh nise a chhung a nget tho tho tih alang reng
Report this comment
February 5th, 2010 at 3:14 am
A ni ngawt mai! khua hi a var lo a ni e!
Tunlai chu ka ngaihtuahna a lengvel nasa a,ka ngaihtuahna ah chuan.. tuna ram developed kan tih ho europe te, US etc,. tih vel ho hi tun generation (timai ila) te vanga changkang hi an ni miah lo, an pa, an pi leh pu te hnathawh rah an seng chauh ni in ka hmu a. ka tidik maw!!
Mizoram, underdevelop..state rethei..engpawh nita se hi kal mek, a ultimate (ti leh mai ang!) goal emaw thleng tur lo ni ta se, tun a mite hian enge thangtharte tan kan hnutchhiat dawn le..tih hi ka rilruah a lian khawp mai…
Report this comment