Pawisa hian hlimna a lei thei a ni
IB Teachers training avangin hun rei tak chu thu mumal ziak hman lovin ka buai a. Vawiin chu ka rilruah thil eng emaw min mawlh riautu a awm a. Tihtur dang ngah teh mah ila, suangtuahna te hi ziakin i han dah ve leh reng reng teh ang.
College kan kal ve lai khan kan College thlanga dawr ‘Spot Com’ bangah khan ‘Money can buy bed, but not happiness. Money can buy a house but not home…’ tih thuziak lar tak mai kha an tar thin a. Thudik tluangtlam satliah maiah ka ngai a. Chuti teh ualin ka ngaihtuahna a luah hran ngai lova. Mahse, hei, tukin lam khan The Vancouver Sun, March 21, 2008-a chhuaka an article tarlan pakhat ka chhiar a. Ka ngaihtuahna a luah tak deuh reng avangin han sep rawtui ve reng reng thain ka hria a. Hlawkna chan phah a mual mual pawh kan awm mial mai thei a sin.
He article ka han sawi hi Elizabeth Dunn, University of B.C – a, psychologist research beih chungchang leh a thil hmuh chhuah chungchang an tarlanna a ni a. Elizabeth-i chuan ‘ Sum hian hlimna hi a lei thei a ni’ a ti mauh mai a. Thudik a nih hmel viau bawk a. Sum hian hlimna a lei theih lohzia kan infah nasat thin tehreng nen. Engtia hlimna chu sum hmanga neih theih nge ni ta ang le ?
Elizabeth-i chuan kan sum hman dan azir hian hlimna kan neih theihzia leh kan lei theihzia chu chiang takin a tarlang a. Mahni mamawh leh duhzawng ngawt mai lei lova, midangte tana thilpek kan lei hian, a thilpek petu khan hlimna chu a lei a ni a ti a. He thu hi a dikzia hretu kan ni furin ka ring a. Ni e, sum hi thilpek leina atana hman nachang kan hriat a, midangte hnena hlimna kan thlen hian keimahni tan, hlimna chu kan lei a lo ni reng mai.
Hlimna lei thei tur chuan hausak kher a ngai lova. Rs 10 emaw 20 emaw chauh pawhin midangte tan thilpek eng emaw kan lei thei a. A hman daihzai dan kan thiam phawt chuan hlimna chu kan lei deuh reng thei dawn tihna a ni.
Oprah hi hre lo kan awm kher lovang a. Thilpek a pekchhuah nasatzia leh heng a thilpek avanga hlimna namenlo dawnga , a mittui a luan zawih zawih laite mit ngeiin ka lo hmu ve tawh a. Keini pawh hian kan ti ve thei a ni.
Tin, Elizabeth-i chuan a sem zai dan thiam a pawimawhzia a tarlang chiang hle bawk a. Tumkhat chu a bialpa-in rose par dawrzawn (dozen) ruk ngawt mai a pe a. Ani ve thung erawh chuan, rose par mal mi dawrzawn ruk hnenah a pe ve thung a. Thilpek semzaidan thiam te pawh hi a lo hlu lehzel a ni.
Mahni mamawh leh duhzawng lei hian hlimna chu min thlen ve bawk mah se, midangte tana thilpek leia, pek atanga hlimna kan chan nen chuan khaikhin rual a ni lo a ni.
Tichuan, nang pawn hlimna hi pawisa hmang hian a lei theih a ni tih hi hre rengin, vawiin atang hian han bei ve chhin tehreng le.
Similar Posts:
- Khawiah nge hlimna?
- Nupa Hlimna
- Pawisa lem lengvak
- Khapna ni lovin Duhthlanna zawkin le….
- Vawiin leh tun
(Y)
March 29th, 2010 at 8:05 am
Rethei hlim tak an awm pawh ka hre lo ve.
Report this comment
March 29th, 2010 at 8:17 am
Pawisa hian hlimna a eng a maw chen chu a lei theih, hlimna pumhlum erawh a lei theih loh tih pawmtu te zinga number 2nd ka ni in ka inhria
Report this comment
March 29th, 2010 at 8:18 am
A va dik em he thu chu! Heti zawng hian ka lo hisap pha ngai hauh lo mai a!
Midangte tana thil kan tihsak hian kan tihsaka te an hlim bakah keimahni ngei kha kan hlim tel tlat zel! Zawngchhang chi tak a nih hmel e!
Report this comment
March 29th, 2010 at 8:39 am
In han sawi tak azarah chuan a dik leh thluam zel mai a.
Hmanni chu canteenah ka thu lut a. Nu berh ve tak mai leh a fanu pawr tak hi an lo lut a, a fanu chuan a chhang ei chak ber a han kawk nalh mai a. Mahse a nu chuan ‘a ngai lo’ ti a kaih chhuah leh nghal mai a tum a. Mahse eng berin nge mi mawlh ni, a fanu leh ama ei tur chu la turin ka hrilh a. Canteen nghaktu te lakah chuan ka in thlahrung ang reng khawp. Intitheiah min ngaih palh ka hlau a. Mahse ka lawm ru ve tlat. I post sawi ang deuh hian hlimna chu pawisa in ka lo lei ve ngei mai tih ka hriat chhuah phah e.
Report this comment
March 29th, 2010 at 8:43 am
leisak mah ula nangmahni ah khan eng emaw chapo na a awm hrim hrim ang, in hre reng anga,Chu hlimna i sawi chu Hlimna Thi a nih chu. Ka awih chuang lo Zirtirna Diklo tak ani ka ti
Report this comment
March 29th, 2010 at 8:44 am
Elizabeth Dunn khi a dik. Pawisa hi mahni nawmsakna tan ringawta i neih chuan hlimna a thlen lo. Lak aiin pekin lukhawng a nei zawk, tih Lehkhbu Thianghlim ami kha a rawn confirm chiah ani. Pawisa hi a tam lam aiin a lak chhuah dan a pawimawh tlat. Rs. 10 crore ($2.2 million) hlepruk aiin Rs. 500,000 dik tak leh tluangtlam taka thawh chhuah a hlu zawk. Pawisa hian engemaw chen hlimna a thlen thei (Aryan: “Rethei hlim tak an awm pawh ka hre lo ve” dikna lai a nei). Mahse Rs. 800,000 nei aiin Rs. 80 crore nei chu a let vawi 1000 in a hlim tihna ani chuang lo. Australia rama an research ah chuan kum khata $25,000 thleng lalut an hlim a, $25,000 aia a tam chuan an hlimna a belhchhah tawh lo, an ti. A awmzia chu $25,000 a thlen hma chuan a tam poh leh an hlim a, mahse $25,000 chung lamin hlimna a belh tawh lo.
Report this comment
March 29th, 2010 at 8:44 am
Pawisa hian thil tam tak a lei theih!
Report this comment
March 29th, 2010 at 9:20 am
A sawi thin, mite tanpui tluka hlimawm hi a awm lo a ni an ti reng a ni. Mite tanpuia awm ai chuan mite tanpui theitu nih chu a lawmawm zawk e. Hlimna hi sum leh pai ngah leh ngah looh lam pawh hi a lo ni lo, thinlung chhunga tangin a ni zawk.
Kum engemaw ti liam taah khan kan veng nula (rilru kim zan lo) hi Hamlet-a Audio drama kan ngaithla a,Hamleta pa thlahrang a tawng lai vel khan a ni a, a lam ta chiam mai a, “Enga ti nge i lam tak mai.. ” kan tih chuan “Ka hlim em a ni…” a ti a, mak kan ti khawp mai. A awhawm angreng bawk si. Hlimna hi sum leh pai, dinhmun pawh a lo ni ber lo a ni awm e.
Report this comment
March 29th, 2010 at 9:20 am
Alo ni maw? Hlimna kan tih hi eng chen daih nge tihte pawh dawn min ngaihtuah tir ve e.
Report this comment
March 29th, 2010 at 9:23 am
tlai lam zu man tur khawn thin ho hi chu ka pe ngai lo. Ka lawm phah hlei lo a, tin, turah an ngaia, a hnu zelah an dil zui tluk tluk zel :twisted:
Report this comment
March 29th, 2010 at 9:46 am
I rawn sawi takah chuan a ni awm teh tak e a…
Report this comment
March 29th, 2010 at 9:56 am
@aryan: “Rethei hlim tak an awm pawh ka hre lo ve”
:Miller of the Dee
“Elizabethi’n a ti ” tih kha a ni ve mai a, Suppositional question deuh leh hypothetical deuh hi chu research ti tu “mental model” a zir khan a danglam mai in ka hria.
Report this comment
March 29th, 2010 at 10:02 am
A dik chen chu awm in a dik vek kher lo ang.Percentages chuan khawvela mihlim tam zawk hi chu sumnei deuh leh rilru hah deuh chu ani zawk ang em aw te ka ti thin?
Report this comment
March 29th, 2010 at 10:14 am
He Article mai2 chu tum loh lam daiha min hruai kual daih chu le… Dik phian mai!
Report this comment
March 29th, 2010 at 11:34 am
Ka support e…a dik ka ti e….poisa hian thil hi a tithei khop mai.thlarau tih loh chu a lei thei deuh vekin ka hria….
Report this comment
March 29th, 2010 at 11:46 am
Va post tha mai2 e
Report this comment
March 29th, 2010 at 12:02 pm
@ 5 badboy- mi hi i tanpui ngailo tihna nge, mi i tanpui hian i chapo tlat thin tihna aw. Mi tanpuiin hlimna a thlenloh che chuan ava vanduaithlak ve le
Report this comment
March 29th, 2010 at 12:09 pm
Pawisa hian hlimna tur thil a lei theih ti te pawhin dah ta zawk ila,a thu tum a fuh zawk ka van ring em.Pawisa hian mimal hlimna pawh a lei theih bawk a,mahse Hlimna tluantling erawh a lei theih loh.Hei hi miretheite leh mihausa te min hrut rualtu Khuanu remruat a ni a,lawmawm tak a ni.Mihausa te chauh hian an neih zawh vangin hlimna tluantling hi lei thei ta ni ang sela,mirethei te tan hlim ve a harsat tur zia hi han chhut ve mah teh u.Mahse khawvela mihlim thei takte hi mihausa an ni vek kher lova,mahni chantawka lungawi thiam tak, rethei hlim tak tak pawh zawn peih chuan hmuh tur an tam ngawt ang.
Report this comment
March 29th, 2010 at 12:10 pm
Tun kar kalta khan thil pek box in ei tur leh intur te ka dawng nual mai a .Tam zawk chu kan ei duh vak loh ka trhenawm te ei duh chi (mingo ho chaw)leh ei sen loh tur te, atel nual mai a.Chungte chu ka trhenawm te ka sem ve leh chhawng a .
Ka trhenawm te chuan naupang ei tur te min rawn pe ve leh chhawng a kan in nel phah in kan hlim phah ve viau tho mai .
A bul ber chu thil reng 2 te chu sum a lei vek an ni a mi tuin emaw sum a sen na kal zel khan hlimna a rawn siam ta nih chu.
Report this comment
March 29th, 2010 at 12:10 pm
Midangte duhsakna leh hmangaihna nena thil kan tihsak/leisak chuan keimahni leh anmahni hlimna kan lei tel thei ang. Chutih rualin ui deuh trung chunga kan tihsak emaw anih chuan anmahni hlimna mahse kan hlimlohna ani ve thei ang em aw?
‘Happiness is a state of mind’ an tia mi khah. Lal Aryan, hausa lem lo pawh hian a hlim ve theih fu ania aw
Report this comment
March 29th, 2010 at 12:20 pm
A dik tiu teu hle mai. Mahse hlimna erawh kan thil tawn leh tih thin a zirin chi hrang hrang a awm. Chungte zinga pakhat chu he post Hlimna hi a ni.
Report this comment
March 29th, 2010 at 12:23 pm
“Money can’t buy love, but it improves your bargaining position.”
Report this comment
March 29th, 2010 at 1:50 pm
Kan naupan laia kan nu leh pa ten kan motor lem/silai lem awh ngawih ngawih min han leisak kha chuan kan hlim ve theih thin khawp kha maw. Puitlin hnuah kan faten an awh ngawih ngawih, sum neih loh avanga tihsak theih loh chang chuan rilru a na thei thin; tihsak theih chhunah erawh kan lawm tawn bawk. Mahse, heng suma lei theih hlimna hi hlimna tluantling erawh a ni lem lo.
Report this comment
March 29th, 2010 at 2:22 pm
Pawisa hian “hlimna tawi” a lei thei tih chu ka pawm.
Report this comment
March 29th, 2010 at 2:31 pm
pawisa ka neihloh pawh hian ka hlim deuh reng ve hrim hrim. pawisa ka neih deuh phei chuan a nuam lehzual. hahaha
Report this comment
March 29th, 2010 at 3:13 pm
Athu kan chhiar kan chhiar hian ‘hlimna hi pawisa a lei theih tih lam ni lovin, thilpek avanga lo awm thei a ni’ zawkin ka hre tlat. Han chhiar chiang ve teh u. Pawisain hlimna hi a lei tih a kawk lo tlatin ka hria. Ve mauh mai a!!!!
Report this comment
March 29th, 2010 at 3:14 pm
@awmawmpuia#17: mi chu tanpui ve thin e, a nawm pawh a nuam a, hlim pawh a hlim awm duh khawp mai ,nimahsela mi iva tanpui khan eng pawn va tanpui la,i hlimna kha Pawisa a ilei ah ka ngailo a,mite tanpui iduhna thinlung kha, kha a petu thinlung zawk ngei khan a hlawh chhuah ah ka ngai mai asin kei chuan, sum in a lei chhuah ah chuan ka ngai velo.
Report this comment
March 29th, 2010 at 3:20 pm
Kan U fiamthu ka hriat chhuah chu le. Kan U hian fiamthu maksak deuh hi a nei thin a!
Kan Kohhran Upa min Sunday inkhawm tur kawr hma ipte a cheng sawm note lang rah chu a hmu fuh hlau mai a. “I thawhlawm tur kha min lo pe zawk mai teh. Kan hlim tlang dawn em a sin!” tiin a lo fiam a.
Kan upa lah chuan kan u fiamthu duh zia leh a fiamthu hriat zui chak deuh chuan “Kan hlim tlanna chhan tur ka va hre thiam love?” an ti zui ve hram a.
“E kan hlim tlan chhan tur maw? Nang chuan Rs 10/- i thawh khan i hlimpui em em in ka ring lo! Kei chuan chengkhat mah ka ak lova, min pek chuan hlim deuh in ‘Kan Kohhran Upa min-in min pek a nih hi’ tiin dawrah kuva ilo ka leina ah ka sawi ngei ang. Ka hlim zia chu midang paw’n an hria ang a. Ka hlim zia i hmuh chuan nangpawh i hlim ang, hlim tak a Kohhranah rawng i bawl chuan Kohhran ho pawh kan hlim ngei in ka ring. Kan hlim tlang zawk daih ang, thawh lo khan min pe mai rawh!” kan U chuan a ti’a, kan nui ham ham hlawm. Ka ngaih tuah zui khan nih theihna lai a awm treuh reng a!
Report this comment
March 29th, 2010 at 3:22 pm
Ka hlim lai ber chu AWH em em ka neih loh lai (ka lei phak miah loh pawh ka awh chuang miah loh lai kan ti kher teh ang), ka nupui fanaute trang nem bela ka mut siai siai hun lai hi zuk ni fova. Chung hun lai chuan ka account ah engzatnge om poh ka hre chuang hek lo; awh hi ka nei lo ve tawp mai a ni. Pawisa a ka lei pawh niin ka hre lo; kan nu man atana Rs.420 ka hman tih loh
Report this comment
March 29th, 2010 at 3:26 pm
“Pawisa in hlimna a lei thei lo,” ti hian ka lo hre ngailo nge aw, ka hriat thin dan kha chu, “Tangka in hmangaihna a lei thei lo/Money can not buy love,” ti lampang in a ni daih
Pawisa/Tangka hian mamawh bakah hlimna chu a lei thei chiang alawm, research/hmuh chhuah vak ngai pawn ka hre miahlo mai.
Report this comment
March 29th, 2010 at 3:31 pm
Hlimna a lei theih teh reng mai..Hlimna tluantling nilovin..Rethei si hlim bawk chu har deuh mahse Thlamuanna erawh aneih theih ang.Ringtu diktak tan chuan.
Report this comment
March 29th, 2010 at 3:51 pm
D.zofa, “ringtu diktak tan chuan,” tih hi a ni khawp ang mahse, “ringtu diktak” hi kan vang khawp ang le.
Ka tawng tun lo haw lo se, Pathian leh Kristianna cc engkim maia kan hmang hi a thalo ka ti. Pathian… chuti khati tilo hian amah hre reng chungin kan tih tur theuh hi rinawm takin ti thin ta mai zawk ila, kan nunah pawh min Kristian nun an hmuh phah zawk ngeiin ka ring.
Inhnem nan leh thiam in chantir/chan loh tir nan kan hmang fo hi that lohna tam tak awm theiin ka hre bawk. “A Kristian tih chi/chi loh,” tih thleng mai hian a ni ka tih ni.
Report this comment
March 29th, 2010 at 4:01 pm
@rotekawla ngaihtuahna ang khian a ni ka lo ngaihtuah ve daih ni.
Pawisa/Sum neih tam hi hlimna a ni e a ti lo!
Kan pawisa/sum hian midang hlimna kan thlensak thei a ni tih lam zawk a ni!
Report this comment
March 29th, 2010 at 4:16 pm
a ho em mai… sum hi engmah anih loh hun a la tong lo anih khi…
Report this comment
March 29th, 2010 at 6:12 pm
China thufing chuan ‘hlim i duh chuan sangha dil siam rawh’ a ti ta awm e :lol:
Report this comment
March 29th, 2010 at 6:41 pm
Lei theih HLIMNA … a tha ve pah reng, a tlo leh tlo loh chu thu dang!
Report this comment
March 29th, 2010 at 6:46 pm
A lei a lei tur hrim hrim in HLIMNA hi a awm tawh reng reng emaw ni le? Engzatman nge??..te ka tia, Pawisa chu kan hmandan a zir a min tihlim a min ti lungngai thei ve chi thil pakhat a ni ve mai. Sum ngainat hi SUAL tinreng bul a ni pah bawk.
Report this comment
March 29th, 2010 at 7:05 pm
Define “happiness”?? pawisa hian hlimna tluang tling a lei theih loh zia chu khawvel mi ropui leh huahsa tawnte te chanchin leh biography chhiar hian a ti lang chiang Oprah ngei te pawh,chhiar chiang teh u pawisa in hlimna a lei thei tih lam a ni lo he article hi kan neih ang te te midang te tan phal taka kan pek hian mihring ah nun nawmna min pe ve tih lam a kawk deihin ka hria.
Report this comment
March 29th, 2010 at 9:18 pm
@27 badboy- a dik khawp mai.
Report this comment
March 29th, 2010 at 10:04 pm
Ngaihdan nghet angreng deuh mai kan neih ” Sum hian hlimna a lei thei lo” tih bihchian nana ka han tarlan mai mai a ni a. Hlimna tluantling, chatuan daih a lei theizia lam sawi ka tum hauh lova. Mahse, hlimna zawng a lei thei ngat mai a ni tih tarlan ka tumna a ni zawk.
Pawisa kan hmanna a zir hian lukhawng a neiin a nei lo thei a. Mahni ngawt mai invur a, midang ngaihtuah lek lova sum hmang thin mi te ai chuan, midangte tana hlimna thlen nana sum hmang mite hian nun hlimna an chang thei a ni tih tarlanna a ni.
Santa Claus lo chhuah tanna te pawh midangte tana hlimna thlen duhna thinlung St Nicholasa’n a neih atangin a ni a. Heti lam hawi zawnga kan neih chhun ang ang, kan phal tawk tawk hmang chhin duh kan awm takin tih thu a ni e.
Thanks for the responses.
Report this comment
March 29th, 2010 at 10:32 pm
Money can’t buy luv tih hi Bible ah a in ziak pon ka hrelo. Money buy luv sometimes. Nula fel takin poisa a neih vanga hmelchhia a tih em2 pasal a nei ta hi an awm nual awm e. Tv fel tak, poisa a neih vang chauha nuthlawi hmeltha vak lo nei ta hi an awm nual bok. Rinawmma avang a inhmangaih zui va hle te an awm ve tlatin a lang.
Hlimna tluantling nei hi khawvel ah hian a awm theihloh hrim2. Hlimna tluantling is just an idea. Isua meuh poh khan khawvela a awm chhung khan hlimna tluantling a nei hleinem. A lungngaih em avangin a thlan thisen angin a far hial a nih kha.
Sum lemin thrian te siam roh u a tih ang khan poisa( sum lem) hian kan nun tih hlim i tum teh ang u, a tam leh tlem lam a ni lo. Tangka hi sual tiin bibleah a soi lo a, tangka NGAINAT erawh chu sual tinreng bul a ti ngei mai.
Tangka ngainat hian kawmpui tlat te, mahni ta lo tur neih tum phet te, a trulna angah poh hman phal tlat loh te hi a huam vek zawk a nia.
Report this comment
March 29th, 2010 at 10:54 pm
Pawisa hian hlimna a lei theih chiang alawm. Khawvel ah kan dam chhung chuan kan nitin mamawh thlenga lei nan pawisa kan mamawh. Kan mamawh kan lei theih hian rilru a hlim thin a ni. Mahse, hmangaihna erawh chu direct tak chuan a leitheih ka ring lo.
Report this comment
March 29th, 2010 at 11:18 pm
Engle khaw le..Mi thilphal tak te hi mi uikawm takte ai chuan an hlim zawk em em ani..
Report this comment
March 30th, 2010 at 12:59 pm
Hun engnge maw chen chu thil tul tam tak avangin ka misual nihna hi ka tlan bosan ve lawk a, khua chu a har hman hle mai. Ka misualpui ten Sum nge ni pawisa zawk….hetiang hian ka ngaihtuah ve mai mai a,
Khawvel a kan awm chhung chuan engnge kan mamawh ti ila..thil dang a sang lo chuan …aia tam deuh hi kan duh deuh vek a mai a ni .\\
Pawisa hi chuan a hmangtu a zirin thil hi a va han ti tnei teh lul em !~!!~!
Nula hmeltha akuai her danglam thei..mipa hmelchhe ve tak pawh hian chungchu an sawi ve tlat thin zuk nia. Chumai a ni hlei nem… Sum a awm chuan engkim deuh thaw hi a tih theih a ni hi … Mahse…kei chuan hlimna berah tuman sum hi chu hmang lo se ka duh khawp mai.sum a hmanna tur dik tak a hman a nih loh avangin avangin MIZORAM SORKAR HNATHAWK HO HI….tih mnualpho tur a VA HAN TAM TAK EM, hui ha…Biak In ah mawi leh nalh , zei tak tak in in khawmin an thil tih sual lam theih nghilh thakin hun hmang ngam hi a kat hian an kat sup sup a ni ber mai. Hetiang ho hi huaisen ve talh talh tak chu an ni….
Report this comment
March 30th, 2010 at 3:37 pm
Hlimna loh poh, kekawrte leh Condom poh a lei theih mo le
Report this comment