Congress sorkar thar a lo pian khan MNF sorkar kih hnawk thenfai tur an ngahzia an sawi nasa hle a, tunah pawh an la sawi zui ta reng mai. Thenfai tur a tam ngiang pawh a ni mah na. Mahse ka ngaihmawh ve chu kih hnawk ni lovin Hrui Hnawk a ni tlat mai.
Aizawl khawlaia i len chhuah leh hunah han hawi vel teh mah…hrui hnawk tamzia hi! Hrui chi hrang hrang, electric hrui, telephone hrui, cable TV hrui leh eng hrui nge tih pawh hriat mang loh, size hrang hrang, rawng hrang hrang, veng tinah, khawilai maiah pawh a inzam hnawk nuai vek mai asin.
Kawngpui dungah mai a ni hleinem: kan office building chhung, room leh corridor te hi han en kual la, hrui kawi niai nuai, eng atan zo zai nge tih tur hi a va’n inzam hnawk tam ve maw le. Secretariat building tharah ngei pawh hian a awm leh teuh tawh.
Hrui inzam kawi dan te, a hmawr an zawm dan te hi en chiang ila, him lo tak tak, a thenah phei chuan naked wire lang reng te hmuh tur a tam mai. Thing leh thlaia inbat kual mai mai, thli nat deuh tuma inpawt khawlo thei a tam bawk. A hnawk mai bakah a him lo asin.
Aizawl-a chengte chuan ngaiah kan neih hlawm niin ka ring. Hmuh zin chuan ngaia neih a awl viau reng ang. Mahse kan khawpui ber titawpa tichangkang lotu, thil hnawksak lian tak pakhat chu a ni chiang e.
Tun dinhmunah heng hrui hnawk zozai hi senghawia chin fel duak duak a la theih rih loh mai thei. Mahse tun aia fel fai deuh hi chuan a tihtheih chiang mai. (I computer leh a kaihhnawih hrui kal dan pawh kha, tun ai kha chuan i tifel fai zawk thiam ngeiin ka ring!)
Tun atanga kum tam vak loah chuan Aizawl hmangaihtute, khawtlang leh YMA te, sorkar hial pawh a ni mah na, nitin zan tina TV atanga ram changkang leh nuam zawk hmu phak reng te leh mit ngeia hmu fo tawh thinte hian kan hrui hnawk zozai hi ngaihmawh nachang kan la hria ang a, kan la senghawi fel thei em ang chu maw. ADA nge, UD&PA nge, LAD lam mawhphurhna ni ang? YMA hian hmalakna pakhat atan hmang ta se a hlawhtling hma ber mai lo’ng maw? Ngaihtuahna lo seng ve chhin mah teh.
Similar Posts:
- Hrui Hnawk Khawpui
- Ramri ah Assam Sorkar in In an sa..
- Ka vei zawng thenkhatte
- Mizoram chhunga Assam-in In a sak NGO-in an enfiah
- Electric wiring-II
(Y) 
April 9th, 2010 at 6:05 am
Hrui hnawk hi ka ning 1st
Report this comment
April 9th, 2010 at 6:11 am
Lei hnuai ah TV/Phone cable te hi phum ve thlap mai se, a hautak ngawt ang mahse, a result erawh chu thawk huai na tham a tling ngei ang le.
Tawp kan ngaithei hlawm ngawt mai
Report this comment
April 9th, 2010 at 6:16 am
A ni khawp mai. Electric, telephone, cabletv, network hrui, etc zz inzam hnok lutuk hi chu mit a ti khamin a bul hnaia om reng pawh hlauhawm chang a awm! Heng hrui hmang chi zong2 hi kan sorkar hian Wireless/Cordless in thlak vek rawh se :lol:
Report this comment
April 9th, 2010 at 6:19 am
Heng Cable hnawk tak tak hi a specification leh size te manufacturer lar deuh te leh a man zat hria kan awm em le. Aerial bunch Cable te hi sawrkar rate a thrat lutuk vanga hetia tita vak kan ni mai lo maw :?:
Report this comment
April 9th, 2010 at 6:23 am
Hhuiham….tha ve deuh hlek tal hi kan ramah hian om ve mo….
Report this comment
April 9th, 2010 at 6:29 am
Lottery ka man hunah ka rawn siam tha fel fai duak dawn nia.
Report this comment
April 9th, 2010 at 6:48 am
Pu Hv.,nangkhan imanlullovang post comment mai maila i in hmeh zawk ang tawngkam un pui puiin…he he.
Report this comment
April 9th, 2010 at 6:49 am
Kasorkar ve hun chu?
Report this comment
April 9th, 2010 at 6:53 am
Khuswant Singh tih dan takah han uih vung vung se, han khu luai luai se, hnawk viau mai sela khua chu a pui a ni mai :lol:
Report this comment
April 9th, 2010 at 8:21 am
@hlatekhua, kei pawh hei hi ka ngaihmawhna a va rei tawh em! Tih ngaihna tak kan hre ve si lo va! Kan khawpuia ram pawn lam mi Tourist leh tlawhtu pawimawh lo kal nikhua te hian chung lam hawi chho lo hram se ka ti rilru thin! :oops:
Report this comment
April 9th, 2010 at 8:30 am
He thil hi chuan khawpui a ti hnawk khop mai mahse e hei, tlem a zawng telecom hovin an hrui an phum ve nil nial a an siamthrat donin an lai leh a PWD ho kawng siamthrat sa an tichhe leh a thawmthrat poh an tum leh si lo.
Chubakah hetiang tlangram leimin theihna rengah hian kawlphetha hrui te phumbo se ava hlauhawm awm ve te ka ti mai mai a..
Report this comment
April 9th, 2010 at 8:58 am
@zuali: Nia fimkhurlo takin kan phumbo a nih chuan hlauhawm taka ni thei ang. Uluk taka a tih a, a him zawkna lai turte an zawn thiam chuan hlauhawm lutuklo chuan a phumbo theih ngei ang. Tuna kan kalphung, Kawngpui dunga kal fur mai hi hlauhawm tak a nia.
Report this comment
April 9th, 2010 at 9:30 am
@PimPom, a dan dik takin an ti leh si lo’ang a, a hlauhom tho ang (ka la ti fan..)
Report this comment
April 9th, 2010 at 9:49 am
Johnroyte, lottery ticket ka cut ziah ania aw, ka man leh si chuan i tel ve kan phal… ve tho ang hairehai :lol:
Report this comment
April 9th, 2010 at 9:51 am
An siam that dan tur awlsam ber chu, tu ten emaw ti chhum vek mai sela. Chutiang a siam that vek angaih hunah choh chuan an siam tha mahna… chutah pawh an la zawm chawp duh tho maithei
Report this comment
April 9th, 2010 at 10:48 am
Aizawl Civil Hospital khi power line hi underground ani ve teh mial!! Mahse a lau lutuk a, Telephone line phumna laih lai khan an chek chhe trep maw le!
Underground Cable a connection pek hmasak ber chu Dawrpui Atta-lane tawp lam, Millenium Centre opposite ho khi! An distibution box pawh Millennium car parkingah a awm daih!
An sawihmangin underground cabling hi a to fu a ni awm e!
“Kan Zawlkhawpui darzam zawng Thangtrung iang in a phan chiai e…”
Report this comment
April 9th, 2010 at 11:12 am
misual ho zingah camera nei tha tak2 in awm nual a, heng hrui hnawk zual hi han tarlang teh u. kal chhuak thei lo te pawn mawhphurna kan nei, awmhmunah kan lo comment a nge.
Report this comment
April 9th, 2010 at 11:16 am
A hnawk nuaih hian a fel chiah zawk a lawm. Khawpui lovah chuan hnawk hi a awm thei tak tak lo
Tak takin, hetiang hnawk siamtha tur hi chuan kan rilru hian hma a sawn a ngai phawt. Bawlhhlawh chhe te pawh a bawmah kan paih peih lova, kawngpui hnaih thei ang bera awm zel kan tum a, kan Ina cable TV, telephone leh Power a luh chuan, a lo luhna lam kan ngaihtuah lova; a lo kalna kawngah engtiangin nge a awm kan ngaihtuah lo. TV a fiah a, phone a hman theih a, eng a chhit theih a, Fridge-te a nun theih chuan kan duhtawk. Keimahni compound kan pelh tawh chuan ‘hnawk’ hi kan hmu mang lo.
Report this comment
April 9th, 2010 at 12:20 pm
Hruih inzam hnawk bakah ke a kal tan – kal na chhe lutuk te pwh hi ka ngaimawh ve khwp mai ..Aizawl veng tin deuh thaw??!! ah in hnuai pan thlaknan a footpath mipui kalna an la hek te,mahni Kaiten/leika ang mai a a sawngbawl te,motor lo in hung leh lawih !! zel mai hi a hnawk Hle mai = kal a ti harsa hle ..Ram dang hian an ching ve emw =k hr la Tin footpath a dinkhawm a ti ti te hi kawng kal tan kal tlang a zamawm duh kup my…Dawr a tanga tui rawn thehchhuah puat te,kawnga Thli luang te,Barel/Tuizem tui footpath afar te pawh…Aizawl khaw tihdan athalo lam zir hi k hmu bawk…Eh tawk ti lo chungin tawk mai teh se..e.
Report this comment
April 9th, 2010 at 1:36 pm
Theih sela chuan…engkim hi “wireless” vek mai ila tha ang a…
Report this comment
April 9th, 2010 at 10:40 pm
Aizawl chang a ni lo, district headquarters zawng zawng leh khawlian deuh a hrui inzam chet chuat hi chu hmuh ava han ninawm tak em. Han phumbo dawn ila, kan khaw thleng hian a zir leh bawk si lo :roll:
Report this comment
April 9th, 2010 at 11:38 pm
“Most Wired City” chanchin hi Readers’ Digest-ah ka chhiar tawh. USA hi in rin aiin a inzam hnawk teh asin!
Thirhrui inzam hnawk lang lo tur hian thla ka rawn la hram hram zel a ni ve ber e … hnawk tak a ni ve tho. Thirhrui langin rawn la ziah ila chu, nalh in ti vak chuangin ka ring lo hrim hrim.
Report this comment
April 9th, 2010 at 11:43 pm
thla ka hmeh zeuh zeuhah hian, ‘wired’ a tam avanga lak loh hi ka ngah khawp mai. Photoshop atang chuan a paih dan chu a awm awm e, mahse photoshop ka hmang thiam leh bawk si lo :lol:
Report this comment
April 9th, 2010 at 11:46 pm
Thlalak doctor chawp leh chu ka ngai ho tlat, theihpatawp hian la uluk ila, chu chuan a tihlu deuh chuan ka hria! Wire lang lo tura peh hel thil tam lutuk hian a lak a tikhirh ve a, a hlu tingah ka ngai mai!
Report this comment
April 9th, 2010 at 11:51 pm
@chawnghilh #24. ka pawm thlap e.
Report this comment
April 10th, 2010 at 12:01 am
Ka nupui neih khan Synod conference hall, Sikulpuikawn ah khian kan lawm a. Pawn thlalak kha eng angle pawha kan lak ah khan han nalh ve dawn viau thin mahse, thir-hrui a lo lang leh tawt thin, ka haw khawp mai, a hmun leh vel nalh ve teh reng nen a.
Khawi ramah pawh, hmun lar deuhah thla han la dawn ila, background ah vai sari kaih an lang tel thei viau zel ang hi a ni ber awm e.
Report this comment
April 10th, 2010 at 12:08 am
HV. DDK leh local channel news, public lanna hi han examine chiang ve teh… vai 2/3 an lang tel ziah… hehehe… vawin chu darkar 12 chuang, motor kawng bawl tawkah ka in sawh a, chutah field-ah darkar 5 bawr vel ka kal… Goodnite mai u…
Report this comment
April 10th, 2010 at 12:12 am
shai, i zawi hle dawn chu, muttui mangtha le, maithawks awks
Report this comment